ଦୀପାବଳି, ବଡ଼ ଏକାଦଶୀ ଓ କାର୍ତ୍ତିକ ପୂର୍ଣ୍ଣିମାରେ ଶ୍ରୀମନ୍ଦିରରେ ଦର୍ଶନ ବନ୍ଦ

ଶ୍ରୀମନ୍ଦିର ପାଇଁ ନୂଆ ମାର୍ଗଦର୍ଶିକା ଜାରି ହୋଇଛି। ପରିବର୍ତ୍ତିତ ଗାଇଡଲାଇନ୍ ଜାରି କଲା ଶ୍ରୀମନ୍ଦିର ପ୍ରଶାସନ। ଆସନ୍ତାକାଲିଠାରୁ ଲାଗୁ ହେବ ନୂଆ ପରିବର୍ତ୍ତିତ ମାର୍ଗଦର୍ଶିକା। ତେବେ ପବିତ୍ର ଦଶହରା ପାଇଁ କାଲି ବନ୍ଦ ରହିବ ଶ୍ରୀମନ୍ଦିର। ଶନିବାର ଗୋଷାଣି ଭସାଣି ପାଇଁ ଦିନ ୧୨ଟାରୁ ଶ୍ରୀମନ୍ଦିର ବନ୍ଦ ରହିବ ବୋଲି ଜଣାଯାଇଛି।ଏହାଛଡ଼ା ଅକ୍ଟୋବର ଓ ନଭେମ୍ବର ମାସରେ ପ୍ରତି ରବିବାର ଶ୍ରୀମନ୍ଦିର ବନ୍ଦ ରହିବ।

ରବିବାର ଶ୍ରୀମନ୍ଦିରକୁ ବିଶୋଧନ କରାଯିବ। ତେବେ କୁମାର ପୂର୍ଣ୍ଣିମାରେ ଶ୍ରୀମନ୍ଦିର ଖୋଲା ରହିବ। ନଭେମ୍ବର ୪, ୧୫ ଓ ୧୯ ତାରିଖରେ ବନ୍ଦ ରହିବ ଶ୍ରୀମନ୍ଦିର। ଦୀପାବଳି, ବଡ଼ ଏକାଦଶୀ ଓ କାର୍ତ୍ତିକ ପୂର୍ଣ୍ଣିମାରେ ମଧ୍ୟ ଶ୍ରୀମନ୍ଦିରରେ ଦର୍ଶନ ବନ୍ଦ ରହିବ। ତେବେ ଅନ୍ୟଦିନମାନଙ୍କରେ ପୂର୍ବଭଳି ଶ୍ରଦ୍ଧାଳୁମାନେ ସକାଳ ୭ଟାରୁ ରାତି ୯ଟା ଯାଏଁ ଦର୍ଶନ କରିପାରିବେ। ଭକ୍ତଙ୍କ ପାଇଁ ଆରଟିପିସିଆର ନେଗେଟିଭ୍ ପ୍ରମାଣପତ୍ର ବାଧ୍ୟତାମୂଳକ। ନତୁବା ଡବଲ ଡୋଜ୍ ଟିକାକରଣ ପ୍ରମାଣପତ୍ର ବାଧ୍ୟତାମୂଳକ। କୋଭିଡ୍ ପାଇଁ ପୂର୍ବରୁ ଜାରି ହୋଇଥିବା ନିୟମ ବଳବତ୍ତର ରହିବ।

କରୋନା କଟକଣା ମଧ୍ୟରେ ସରିଲା ଦଶହରା

ଗତକାଲି ଦଶହରାର ଅନ୍ତିମ ଦିନରେ ଉଭୟ ଶକ୍ତିପୀଠ ଓ ମଣ୍ଡପରେ ମୃଣ୍ମୟୀ ମୂର୍ତ୍ତିଙ୍କ ପାଖରେ ଦଶହରା ପୂଜା କରାଯାଇଛି । କରୋନା ଯୋଗୁଁ ମଣ୍ଡପରେ ଶ୍ରଦ୍ଧାଳୁଙ୍କ ପ୍ରବେଶ ଉପରେ କଟକଣା ମଧ୍ୟରେ ନିରାଡମ୍ବର ଭାବେ ରାଜ୍ୟର ବିଭିନ୍ନ ଭାଗରେ ଦଶମୀ ପୂଜା ଶେଷ ହୋଇଛି। ଆଜି ଭଷାଣୀ। ଧରାପୃଷ୍ଠରୁ ବିଦାୟ ନେବେ ମା ଦୁର୍ଗା। ଚଳିତ ବର୍ଷ ମହାମାରୀ ପାଇଁ ଲୋକଙ୍କ ଗହଳି ଚହଳି, ପୂଜା ମଣ୍ଡପରେ ସାଜସଜା ସଂପୂର୍ଣ୍ଣ ଠପ୍ ହୋଇଯାଇଛି। ଲୋକଙ୍କ ମନରେ ଭକ୍ତି ଭାବ ରହିଥିଲେ ମଧ୍ୟ କଟକଣା ପାଇଁ ଦେବୀଙ୍କ ଦର୍ଶନରୁ ସେମାନେ ବଞ୍ଚିତ ହୋଇଛନ୍ତି। ଆଜି ଭଷାଣୀ। ବିଦାୟ ନେବେ ମା ଦୁର୍ଗା। ପୁଣି ବର୍ଷକ ପରେ ଶ୍ରଦ୍ଧାଳୁଙ୍କ ପାଇଁ ଧରାପୃଷ୍ଠକୁ ଆସିବେ ଜଗତଜନନୀ ଦେବୀ ଦୁର୍ଗା । ରୀତିନୀତି ଅନୁୟାୟୀ ମାଙ୍କର ପୂଜାର୍ଚ୍ଚନା ହେଲା କିନ୍ତୁ ନଥିଲା ପୂର୍ବ ଭଳି ଉତ୍ସାହ। ମନର କୋହକୁ ମନରେ ମାରି ପରଦା ପଛପଟୁ ଦୁରରେ ଥାଇ ଦେବୀଙ୍କୁ ଆରାଧନା କଲେ ଭକ୍ତ । ମାଙ୍କୁ ଦେଖିପାରିନଥିବାରୁ ଭାବବିହ୍ୱଳ ହୋଇପଡିଛନ୍ତି ଶ୍ରଦ୍ଧାଳୁ ।

ଓଡ଼ିଶାର କିମ୍ବଦନ୍ତୀ ଗାୟକ ସ୍ଵର୍ଗତ ଅକ୍ଷୟ ମହାନ୍ତିଙ୍କ ଜୟନ୍ତୀ ଅବସରରେ ଶ୍ରଦ୍ଧାଞ୍ଜଳୀ

୧୯୩୬ ମସିହାରେ ଅକ୍ଟୋବର ୧୨ ତାରିଖରେ କଟକରେ ଜନ୍ମ ହୋଇଥିଲେ ଅକ୍ଷୟ ମହାନ୍ତି। ଆଜି ତାଙ୍କର ଜନ୍ମ ଦିନରେ ଗଭୀର ଶ୍ରଦ୍ଧାଞ୍ଜଳି। ଅକ୍ଷୟ ମହାନ୍ତି କେବଳ ଜଣେ ବ୍ୟକ୍ତିର ନାଁ ନୁହେଁ, ଏକ ଇତିହାସ। ଓଡ଼ିଆ ଗୀତ ଓ ସଙ୍ଗୀତର ଏକ ଜୀବନ୍ତ ଇତିହାସ। ଯା ରେ ଭାସି ଭାସି ଯା ଠାରୁ କଳଙ୍କିତ ଏକ ନାୟକ ପର୍ଯ୍ୟନ୍ତ ଏକ ଲମ୍ବା ଇତିହାସର ନାଁ ଅକ୍ଷୟ ମହାନ୍ତି। ଅକ୍ଷୟ ମହାନ୍ତି ଜଣେ କଟକିଆର ନାଁ ସାରା କଟକ ସହର, ସଙ୍ଗୀତ ଜଗତ ଏବଂ ଜଣାଶୁଣା ମହଲରେ ଖୋକା ଭାଇ ନାଁରେ ପରିଚିତ ଏବଂ ମରି ଅମର ହୋଇଥିବା ଜଣେ ଓଡ଼ିଆର ନାଁ। ଓଡ଼ିଆ ସାହିତ୍ୟ ଓ ସଙ୍ଗୀତରେ ଏକ ନୂଆ, ନିଆରା ଷ୍ଟାଇଲର ନାଁ। ଅକ୍ଷୟ ମହାନ୍ତି ଥିଲେ ଜଣେ ଗୀତିକାର, ଗାୟକ ଓ ସଙ୍ଗୀତ ନିର୍ଦ୍ଦେଶକ, ଜଣେ ସାହିତ୍ୟିକ ଓ ସାହିତ୍ୟର ନିଦା ପାଠକ। ଅକ୍ଷୟ ମହାନ୍ତିଙ୍କ ରଙ୍ଗ, ଢଙ୍ଗ, ସଙ୍ଗୀତ, ସଙ୍ଗତ ସବୁଥିଲା ନିଆରା। କଟକ ଆକାଶବାଣୀର ସୁଗମ ସଙ୍ଗୀତଠାରୁ ଓଡ଼ିଆ ସିନେମା ସଙ୍ଗୀତ ଏବଂ ଆଧୁନିକ ଓଡ଼ିଆ ସଙ୍ଗୀତ ଯାଏଁ ସବୁଠି ଖୋକା ଭାଇ କରିଥିଲେ ଏକ୍ସପେରିମେଣ୍ଟ। ଏମିତି ଏକ୍ସପେରିମେଣ୍ଟ, ଯାହା ଆଗରୁ ଅନ୍ୟ ସଙ୍ଗୀତକାରମାନେ ସାହସ କରି ନଥିଲେ। ତାଙ୍କ ସଙ୍ଗୀତରେ ଏମିତି ଯାଦୁ ଥିଲା ଓ ନିଆରାପଣ ଥିଲା ଯେ, ବଲିଉଡର ବଡ଼ ବଡ଼ ସଙ୍ଗୀତକାର କହୁଥିଲେ, ଯଦି ଖୋକା ଭାଇ ବମ୍ବେ ଯାଇଥାନ୍ତେ ଓଡ଼ିଶାର ନାଁକୁ ଆହୁରି ଝଲମଲ କରିଥାନ୍ତେ।

ଶହୀଦ ବାଜି ରାଉତ ଓଡ଼ିଆ ଜାତିର ବୀରତ୍ୱ, ଶୋର୍ଯ୍ୟ ଏବଂ ସାହସ ତଥା ଅସ୍ମତାର ଉଜ୍ଜ୍ୱଳ ନକ୍ଷତ୍ର

ଦେଶର ସର୍ବକନିଷ୍ଠ ସ୍ୱାଧୀନତା ସଂଗ୍ରାମୀ ଶହୀଦ ବୀର ବାଜି ରାଉତ ଓଡ଼ିଆ ଜାତିର ବୀରତ୍ୱ, ଶୋର୍ଯ୍ୟ ଏବଂ ସାହସ ତଥା ଅସ୍ମତାର ଉଜ୍ଜ୍ୱଳ ନକ୍ଷତ୍ର ଥିଲେ ବୋଲି କହଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋମବାର ଢ଼େଙ୍କାନାଳ ଜିଲ୍ଲା ନୀଳକଣ୍ଠପୁର ଠାରେ ବାଜି ରାଉତ ସ୍ମୃତି ପରିଷଦ, ପକ୍ଷରୁ ଆୟୋଜିତ ଶ୍ରାଦେ୍ଧାତ୍ସବ କାର୍ଯ୍ୟକ୍ରମରେ ଭିଡ଼ଓ କନଫରେନ୍ସଂ ମାଧ୍ୟମରେ ଯୋଗଦେଇ ଶ୍ରୀ ପ୍ରଧାନ ଏହା କହଛନ୍ତି ।

ଢ଼େଙ୍କାନାଳ ମାଟିର ବୀର ସନ୍ତାନ ସର୍ବକନିଷ୍ଠ ସ୍ୱାଧୀନତା ସଂଗ୍ରାମୀ ଶହୀଦ ବାଜି ରାଉତଙ୍କ ବଳିଦାନ ଦିବସ ଅବସରରେ ଆୟୋଜିତ ଏହ କାର୍ଯ୍ୟକ୍ରମରେ ଶ୍ରୀ ପ୍ରଧାନ ଏହ ସାହସୀ ସର୍ବକନିଷ୍ଠ ସଂଗ୍ରାମୀଙ୍କ ସମେତ ଅନ୍ୟ ସଂଗ୍ରାମୀ ଗଣ ହୁରୁଷି ପ୍ରଧାନ, ଲକ୍ଷ୍ମଣ ମଲ୍ଲକ, ନବ ମଲ୍ଲକ ଏବଂ ଫଗୁ ସାହୁଙ୍କୁ ଗଭୀର ଶ୍ରଦ୍ଧାଞ୍ଜଳି ଜଣାଇଛନ୍ତି । ସେ କହଛନ୍ତି ଯେ ଓଡ଼ିଶା ହେଉଛି ଆଧ୍ୟାତ୍ମିକ ଚେତନାର ପବିତ୍ର ଭୂଇଁ । ଏହ ପବିତ୍ର ମାଟି ହେଉଛି, ଅଦମ୍ୟ ସାହସ, ବୀରତ୍ୱ ଏବଂ ସାଲିସ୍ ବିହୀନ ସଂଘର୍ଷର ମାଟି । ମହୋଦଧି କୂଳରେ ଓଡ଼ିଶା ମାଟିର ଅଧିବାସୀମାନେ ହେଲେ କପଟଶୂନ୍ୟ, ସରଳ ଓ ପରିଶ୍ରମୀ । ବୀର ଓଡ଼ିଆଙ୍କ ଧମନୀରେ ଶୋର୍ଯ୍ୟ ଦଉଡ଼େ । ସେହ ଓଡ଼ିଆ ଜାତିର ଅଦମ୍ୟ ସାହସର ଜଣେ ମୂର୍ତମନ୍ତ ପ୍ରତୀକ ହେଉଛନ୍ତି ବାଜି ରାଉତ ।

ଅନ୍ତର୍ଜାତୀୟ କନ୍ୟା ସନ୍ତାନ ଦିବସ : ମହିଳା ସଶକ୍ତୀକରଣ ଦିଗରେ ଏକ ଦୃଢ ପଦକ୍ଷେପ

ପ୍ରତ୍ୟେକ ବର୍ଷ ଅକ୍ଟୋବର ୧୧ ତାରିଖକୁ ଅନ୍ତର୍ଜାତୀୟ କନ୍ୟା ସନ୍ତାନ ଦିବସ ଭାବେ ପାଳନ କରାଯାଏ। ଏହାର ମୁଖ୍ୟ ଲକ୍ଷ୍ୟ ହେଉଛି ମହିଳା ସଶକ୍ତୀକରଣ ଓ କନ୍ୟାଙ୍କ ଅଧିକାର ବିଷୟରେ ଜନ ସଚେତନତା ସୃଷ୍ଟି କରିବା। ପ୍ରାଚୀନ କାଳରେ ମହିଳାମାନଙ୍କର ଖୁବ୍ ଆଦର ସମ୍ମାନ କରାଯାଉଥିଲା। ମାତ୍ର ସମୟ ବିତିବା ସଙ୍ଗେ ସଙ୍ଗେ ସେମାନଙ୍କ ସ୍ଥିତିରେ ବହୁତ ପରିବର୍ତ୍ତନ ପରିଲକ୍ଷିତ ହେଲା। ଝିଅମାନଙ୍କ ପ୍ରତି ଲୋକଙ୍କ ଭାବନା ବଦଳିବାକୁ ଲାଗିଲା। ବାଲ୍ୟ ବିବାହ ପ୍ରଥା, ସତୀଦାହ ପ୍ରଥା, ଯୌତୁକ ଓ କନ୍ୟା ଭୃଣ ହତ୍ୟା ଭଳି ନିନ୍ଦନୀୟ ପ୍ରଥା ପ୍ରଚଳିତ ହେବା ଆରମ୍ଭ ହେଲା। ଏହି କାରଣରୁ କନ୍ୟାମାନଙ୍କୁ ଶିକ୍ଷା, ପୋଷଣ, ନ୍ୟାୟିକ ଅଧିକାର ଓ ଚିକିତ୍ସା ଆଦି ଅଧିକାରରୁ ବଞ୍ଚିତ କରାଗଲା। କିନ୍ତୁ ବର୍ତ୍ତମାନର ଆଧୁନିକ ଯୁଗରେ ମହିଳାମାନଙ୍କୁ ସେମାନଙ୍କ ଅଧିକାର ଯୋଗାଇ ଦେବା, ସେମାନଙ୍କ ସୁରକ୍ଷା ଓ ଉନ୍ନତି ପ୍ରତି ଜନ ସଚେତନତା ସୃଷ୍ଟି କରାଇବା ପାଇଁ ଅନେକ ପ୍ରୟାସ କରାଯାଉଛି। ଏହି ଦିଗ ପ୍ରତି ଧ୍ୟାନ ଦେଇ ୨୦୧୧ ମସିହାରେ ଅନ୍ତର୍ଜାତୀୟ କନ୍ୟା ସନ୍ତାନ ଦିବସ ପାଳନ କରିବାକୁ ଅନ୍ତର୍ଜାତୀୟ ସ୍ତରରେ ପ୍ରସ୍ତାବ ପାରିତ ହେବା ପରେ ୧୧ ଅକ୍ଟୋବରରେ ଏହାକୁ ପାଳନ କରିବା ପାଇଁ ଧାର୍ଯ୍ୟ କରାଗଲା ଏହାପରେ ୨୦୧୨ରୁ ଅନ୍ତର୍ଜାତୀୟ କନ୍ୟା ସନ୍ତାନ ଦିବସ ପାଳନ କରାଯାଇ ଆସୁଛି। ଚଳିତ ବର୍ଷ ଅନ୍ତର୍ଜାତୀୟ କନ୍ୟା ସନ୍ତାନ ଦିବସର ଥିମ୍ ରହିଛି ଗର୍ଲଫୋର୍ସ : ଅନ ସ୍କ୍ରିପଟେଡ଼୍ ଆଣ୍ଡ୍ ଅନ ଷ୍ଟପେବଲ

ମହାଳୟାରେ ପୂର୍ବ ପୁରୁଷଙ୍କୁ ଅର୍ପଣ, ତର୍ପଣ ଓ ସମର୍ପଣ

ସନାତନ ଧର୍ମରେ ପିତୃପକ୍ଷର ଏକ ବଡ଼ ମହତ୍ତ୍ୱ ରହିଛି । ପୂର୍ବଜଙ୍କୁ ଏହି ଦିନ ପ୍ରସନ୍ନ କରିଦେଲେ, ଘର ପରିବାର ଉପରେ ସେମାନଙ୍କ କୃପା ସବୁବେଳେ ରହିଥାଏ ବୋଲି କୁହାଯାଏ । ଏଥିସହିତ ଘରକୁ କୌଣସି ପ୍ରକାରର ଦୁଃଖ ଦୁର୍ଦ୍ଦଶା ମଧ୍ୟ ଆସି ନ ଥାଏ । ଏହି ପିତୃପକ୍ଷ ବା ଶ୍ରାଦ୍ଧ ପକ୍ଷ ୧୬ ଦିନର ଅବଧି । ଏହି ଦିନରେ ହିନ୍ଦୁ ଧର୍ମର ଲୋକେ ନିଜ ପୂର୍ବ ପୁରୁଷଙ୍କୁ ସ୍ମରଣ କରି ସେମାନଙ୍କ ପାଇଁ ପିଣ୍ଡଦାନ କରିଥାନ୍ତି । ପିତୃପୁରୁଷଙ୍କୁ ପ୍ରସନ୍ନ କରିଲେ ଘର ପରିବାର ଉପରେ କୌଣସି ଖରାପ ଛାଇ କିମ୍ବା ପ୍ରଭାବ ପଡ଼ି ନ ଥାଏ ବୋଲି ବି କୁହାଯାଏ । ଶାସ୍ତ୍ର ଅନୁସାରେ ନର୍କରୁ ଯେ ରକ୍ଷା କରେ ସେ ହେଉଛି ପୁତ୍ର । ଶ୍ରାଦ୍ଧ କର୍ମ ଦ୍ୱାରା ହିଁ ପୁତ୍ର ଜୀବନରେ ପିତୃ ଋଣରୁ ମୁକ୍ତି ପାଇପାରେ । ତେଣୁ ଶ୍ରାଦ୍ଧ କରିବା ଅନିବାର୍ଯ୍ୟ ବୋଲି ଶାସ୍ତ୍ରରେ ଉଲ୍ଲେଖ ରହିଛି । ଜୀବ ମୋହରେ ପଡ଼ି ଜୀବନରେ ପାପ ପୂଣ୍ୟ ସବୁକିଛି କରିଥାଏ । ପୁଣ୍ୟର ଫଳ ସ୍ୱର୍ଗ ପ୍ରାପ୍ତି ଓ ପାପର ଫଳ ନର୍କ ଯନ୍ତ୍ରଣା ଭୋଗିବାକୁ ପଡ଼ିଥାଏ ବୋଲି କୁହାଯାଏ । ଜନ୍ମ ଜନ୍ମାନ୍ତରରେ ନିଜ କୃତ୍ୟ ଶୁଭାଶୁଭ କର୍ମଫଳ ଅନୁସାରେ ସ୍ୱର୍ଗ-ନର୍କର ସୁଖ ଦୁଃଖ ଭୋଗିବା ପରେ ଜୀବାତ୍ମା ପୁନଃ ଚୌରାସୀ ଲକ୍ଷ ଯୋନିଙ୍କ ସହିତ ଯାତ୍ରାରେ ବାହାରି ପଡ଼ନ୍ତି । ଏହି ସମୟରେ ପୁତ୍ର-ପୌଦ୍ରାଦୀଙ୍କ କର୍ତ୍ତବ୍ୟ ହେଉଛି ସେମାନେ ନିଜ ମାତା ପିତା ତଥା ପୂର୍ବପୁରୁଷଙ୍କ ନିମନ୍ତେ ଶ୍ରଦ୍ଧା ପୂର୍ବକ ଏଭଳି ଶାସ୍ତ୍ରରେ ବର୍ଣ୍ଣିତ କର୍ମ କରିବା । ଯଦ୍ୱାରା ସେହି ମୃତ ପ୍ରାଣୀମାନେ ପରଲୋକରେ ବି ସୁଖ ପ୍ରାପ୍ତ କରିପାରିବେ ।

ଭାରତର ୧୭ ଯୁବ ପରିବେଶବିତଙ୍କ ମଧ୍ୟରେ ଅସ୍ତରଙ୍ଗର ସୌମ୍ୟରଞ୍ଜନ ବିଶ୍ବାଳ

ଅଲିଭ ରିଡଲେ କଇଁଛଙ୍କ ସୁରକ୍ଷାରେ ନିଜକୁ ନିୟୋଜିତ କରିଥିବା ପୁରୀ ଜିଲ୍ଲା ଅସ୍ତରଙ୍ଗର ସୌମ୍ୟରଞ୍ଜନ ବିଶ୍ବାଳ ଜାତିସଂଘର ୧୭ ଭାରତୀୟ ତରୁଣ କ୍ଲାଇମେଟ୍ ଲିଡର ବା ଜଳବାୟୁ ନେତା ତାଲିକାରେ ସ୍ଥାନ ପାଇଛନ୍ତି । ଜାତିସଂଘ ଦ୍ବାରା ଗତ ସେପ୍ଟେମ୍ବର ୨୮ରେ ଆରମ୍ଭ କରାଯାଇଥିବା ପରିବେଶ ଅଭିଯାନ ଉଇ ଦ ଚେଞ୍ଜ ବା ଆମେ ସେହି ପରିବର୍ତ୍ତନ ଭାରତୀୟ ଯୁବ ପରିବେଶ ଯୋଦ୍ଧା ଓ ପରିବେଶ ସୁରକ୍ଷା ପାଇଁ ସେମାନଙ୍କ ଉଦ୍ୟମକୁ ସ୍ବୀକୃତି ପ୍ରଦାନ କରୁଛି । ଏହି ଅଭିଯାନର ଓ୍ବେବସାଇଟ୍ ମାଧ୍ୟମରେ ଏହି ତରୁଣମାନେ ନିଜ ଦ୍ବାରା କରାଯାଇଥିବା ଉଦ୍ୟମ ସମ୍ପର୍କରେ ଜଣାଇବା ସହ ସେଥିରେ ଯୋଡ଼ିହେବାକୁ ଅନ୍ୟମାନଙ୍କୁ ଅନୁପ୍ରାଣିତ କରିବେ ।

ଶୈଶବରୁ ହିଁ ସୌମ୍ୟ ପରିବେଶ ସୁରକ୍ଷା ପାଇଁ ଉଦ୍ୟମ କରିଚାଲିଛନ୍ତି । ସେ ଓ ତାଙ୍କ ବନ୍ଧୁମାନେ ଅଲିଭ ରିଡଲେଙ୍କ ପ୍ରଜନନ ଋତୁରେ ସେମାନଙ୍କ ଅଣ୍ଡାକୁ ସୁରକ୍ଷା ଦେଉଛନ୍ତି । ରାତିରେ ଉଜାଗର ରହି ସେମାନେ ଅଣ୍ଡାଗୁଡ଼ିକର ସୁରକ୍ଷା କରୁଛନ୍ତି । ସେମାନେ ମଧ୍ୟ ସମୁଦ୍ରକୂଳକୁ ପ୍ଲାଷ୍ଟିକ ମୁକ୍ତ କରିବାକୁ ଉଦ୍ୟମ କରୁଛନ୍ତି ।

ୟୁଜିସି ପାଠ୍ୟକ୍ରମରେ ସ୍ଥାନ ପାଇବ ସନ୍ଥକବି ଭୀମ ଭୋଇଙ୍କ ଜୀବନୀ

ୟୁଜିସି ପାଠ୍ୟକ୍ରମରେ ସନ୍ଥକବି ଭୀମ ଭୋଇଙ୍କ ଜୀବନୀ ସାମିଲ ହେବ ବୋଲି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଘୋଷଣା କରିଛନ୍ତି। ରେଢାଖୋଲରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ କେନ୍ଦ୍ର ଶିକ୍ଷାମନ୍ତ୍ରୀ କହିଛନ୍ତି, ଭୀମ ଭୋଇଙ୍କ ଉପରେ ଗବେଷଣା ହେବ। ବିଭିନ୍ନ ରାଜ୍ୟର ବିଶ୍ୱବିଦ୍ୟାଳୟରେ ଭୀମ ଭୋଇଙ୍କ ନାଁରେ ସନ୍ଥ କବି ଭୀମ ଭୋଇ ଚେୟାର ପ୍ରତିଷ୍ଠା ହେବ। ଏନେଇ ୟୁଜିସିକୁ ନିର୍ଦେଶ ଦିଆଯାଇଛି।

ଅନ୍ତରାଷ୍ଟ୍ରୀୟ ସ୍ତରରେ ଭୀମ ଭୋଇଙ୍କ ଜୀବନୀ ଉପରେ ଗବେଷଣା ପାଇଁ ଉଦ୍ୟମ କରାଯିବ ବୋଲି ରେଢାଖୋଲରେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେଇ କହିଛନ୍ତି ଶିକ୍ଷାମନ୍ତ୍ରୀ। ଆଜି ଗାନ୍ଧି ଜୟନ୍ତୀ ଅବସରରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରେଢାଖୋଲଠାରେ ଏକ ପଦଯାତ୍ରାରେ ଯୋଗଦେଇଥିଲେ। ଏହି ଅବସରରେ ସେ ସନ୍ଥକବି ଭୀମ ଭୋଇଙ୍କ ପ୍ରତିମୂର୍ତ୍ତିରେ ମଧ୍ୟ ମାଲ୍ୟାର୍ପଣ କରିଛନ୍ତି।

Birendra Lakra, Olympic bronze-medallist, retires from international hockey

Olympic Bronze Medallist And Defender Of Indian Men Hockey Team, Birendra Lakra Has Announced His Retirement From The National Team. As Member Of The Indian Hockey Team, Lakra Has Played 201 Matches. He Contributed Singnificantly To The Indian Men Hockey Team During Tokyo Olympics And Helped India Win A Bronze Medal.

Young Fashion Designer From Berhampur Wins Discover Uttarakhand Award

Sweetu Layak, A Young Fashion Designer From The City Has Been Awarded The &Lsquo;Best Creative Ethnic Fashion Designer 2021 By Discover Uttarakhand Magazine. The Award, Instituted By Discover Uttarakhand For The First Time This Year, Aimed At Promoting Indian Ethnic Wear Design And Innovation Among Fashion Design Students In The Country. Sweetu Received The Award From Tourism Minister Of Uttarakhand Satpal Maharaj At A Function In Dehradun On September 18 Last. There Were 60 Entries In The Contest. Sweetu, Who Has The Costumes For Several Film Artists, Completed The Course In Fashion Design From Visakhapatnam In 2017 And Participated In Many Workshops At Hyderabad, New Delhi, Indore, Dehradun And Berhampur.

ଶାନ୍ତିସ୍ତୂପରେ ଶାନ୍ତିର ବାର୍ତ୍ତାବହ ସ୍ୱଧର୍ମ ପୀଠ: ମାଧବ ପୂଜାରେ ହିନ୍ଦୁ, ମୁସଲମାନ୍ ଓ ଖ୍ରୀଷ୍ଟିଆନ୍

ସର୍ବଧର୍ମ ସମନ୍ବୟର ସ୍ଥଳ ଭାରତବର୍ଷରେ ଦେଖିବାକୁ ମିଳେ ବିଭେଦତା ଭିତରେ ଏକତା। ଏଠାରେ ହିନ୍ଦୁ, ମୁସଲିମ, ଶିଖ୍, ଇସାଇ, ଜୈନ, ବୌଦ୍ଧ ଭଳି ବିବିଧ ଧର୍ମର ଲୋକେ ଗୋଟିଏ ସୂତାରେ ବାନ୍ଧି ହୋଇ ବିଶ୍ବକୁ ଭାଇଚାରର ବାର୍ତ୍ତା ଦେଇ ଆସୁଛନ୍ତି। ଧଉଳି ଶାନ୍ତିସ୍ତୂପକୁ ଯିବା ରାସ୍ତାରେ ମୁଖ୍ୟରାସ୍ତାର ବାମ ପାର୍ଶ୍ବକୁ ପାଖାପାଖି ଦୁଇ ଶହ ମିଟର ଦୂରରେ ପଡ଼େ ସ୍ବଧର୍ମ ପୀଠ ବା ମାଧବ ବିଜୟମାନ କ୍ଷେତ୍ର। ଏହି ପୀଠର ପରିସରରେ ପୂଜା ପାଉଛନ୍ତି ହିନ୍ଦୁ, ମୁସଲମାନ ଓ ଖ୍ରୀଷ୍ଟିଆନ ଧର୍ମାବଲମ୍ବୀମାନଙ୍କ ଆରାଧ୍ୟ ଦେବତା। ମଝି ମନ୍ଦିରରେ ପୂଜା ପାଉଛନ୍ତି ବିଷ୍ଣୁଙ୍କ ଅବତାର ହୈରଗ୍ରୀବଙ୍କ ମୂର୍ତ୍ତି। ଉକ୍ତ ମନ୍ଦିରରେ ବିଷ୍ଣୁ, ଜଗନ୍ନାଥ ଓ ବୁଦ୍ଧଙ୍କ କାଠନିର୍ମିତ ମୂର୍ତ୍ତି ପୂଜା ପାଉଛନ୍ତି। ମନ୍ଦିର ଆଗରେ ଶୋଭା ବଢ଼ାଉଛି ଗରୁଡ଼ଖମ୍ବ ଓ ଜଟାୟୁଙ୍କ ମୂର୍ତ୍ତି। ହୈରଗ୍ରୀବ ମନ୍ଦିରର ଗୋଟିଏ ପାର୍ଶ୍ବରେ ରହିଛି ଚର୍ଚ୍ଚ ଓ ଅନ୍ୟ ପାର୍ଶ୍ବରେ ରହିଛି ମସଜିଦ। ଧଉଳି ବୁଲିବାକୁ ଆସୁଥିବା ପର୍ଯ୍ୟଟକମାନେ ଏହି ପୀଠକୁ ଦେଖି ବିସ୍ମିତ ହୁଅନ୍ତି। ଶାନ୍ତି, ମୈତ୍ରୀ ଓ ଭାତୃତ୍ବ ଭାବନାର ବାର୍ତ୍ତା ବାଣ୍ଟୁଥିବା ଏହି ପୀଠ ନ ଦେଖିଲେ, ଧଉଳି ଭ୍ରମଣ ଅଧୁରା ରହିଯାଏ।

ଇଏସଆଇସି କାର୍ଯ୍ୟାଳୟ ସମେତ ୧୨ଟି ସ୍ଥାନରେ ଡିସପେନସାରୀ ଖୋଲିବା ପାଇଁ ଚିଠି ଲେଖିଲେ ଧର୍ମେନ୍ଦ୍ର

ପଶ୍ଚିମ ଓଡ଼ିଶାର ଇଏସଆଇ କର୍ମଚାରୀ ତଥା ଇଏସଆଇସିର ହିତାଧିକାରୀଙ୍କ କଲ୍ୟାଣକୁ ଦୃଷ୍ଟିରେ ରଖି ଭୁବନେଶ୍ୱର ସ୍ଥିତ ଇଏସଆଇସି ଆଞ୍ଚଳିକ କାର୍ଯ୍ୟାଳୟ ଅନ୍ତର୍ଗତ ଝାରସୁଗୁଡ଼ା ଠାରେ ଏହାର ଉପ ଆଞ୍ଚଳିକ କାର୍ଯ୍ୟାଳୟ ପ୍ରତିଷ୍ଠା କରିବା ପାଇଁ କେନ୍ଦ୍ର ଶ୍ରମ ଓ ନିଯୁକ୍ତି ମନ୍ତ୍ରୀ ଭୂପେନ୍ଦର ଯାଦବଙ୍କୁ ଚିଠି ଲେଖି ବ୍ୟକ୍ତିଗତ ହସ୍ତକ୍ଷେପ ଲୋଡ଼ିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେହିପରି ଅନ୍ୟ ଏକ ପୃଥକ୍ ପତ୍ରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓଡ଼ିଶାର ବିଭିନ୍ନ ସ୍ଥାନରେ ୧୨ଟି ନୂତନ ଡିସପେନସାରୀ ସ୍ଥାପନା ଏବଂ ଝାରସୁଗୁଡ଼ା ଜିଲ୍ଲାର ବ୍ରଜରାଜନଗରରେ ଥିବା ଡିସପେନସାରୀକୁ ବେଲପାହାଡ଼କୁ ସ୍ଥାନାନ୍ତରିତ କରିବା କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ବିଭାଗୀୟ କେନ୍ଦ୍ରମନ୍ତ୍ରୀ ଯାଦବଙ୍କୁ ଅନୁରୋଧ କରିଛନ୍ତି।

ବିପର୍ଯ୍ୟୟ ପରିଚାଳନାରେ ଓଡ଼ିଶା ମଡେଲ୍‌ ସର୍ବୋକୃଷ୍ଟ ପ୍ରମାଣିତ

ପ୍ରାକୃତିକ ବିପର୍ଯ୍ୟୟ ପରିଚାଳନା ଜାତୀୟ ସ୍ତରରେ ଓଡ଼ିଶା ସର୍ବୋକୃଷ୍ଟ ମଡେଲ୍ ଭାବେ ପ୍ରାମାଣିତ ହୋଇଛି। ଓଡ଼ିଶା ମଡେଲ୍ ବିଷୟରେ ଲାଲ୍ ବାହାଦୁର ଶାସ୍ତ୍ରୀ ପ୍ରଶାସନିକ ଏକାଡେମୀ ତରଫରୁ ଓଡ଼ିଶା ପ୍ରାକୃତିକ ବିପର୍ଯ୍ୟୟ ପରିଚାଳନା କର୍ତ୍ତୁପକ୍ଷଙ୍କ ସହଯୋଗିତାରେ ବିଭିନ୍ନ ରାଜ୍ୟର ପ୍ରଶାସନିକ ଅଧିକାରୀମାନଙ୍କ ପାଇଁ ତିନିଦିନିଆ ତାଲିମ୍ କାର୍ଯ୍ୟ ଆରମ୍ଭ ହୋଇଛି। ବିପର୍ଯ୍ୟୟ ପରିଚାଳନା କର୍ତ୍ତୁପକ୍ଷ ସହ ତତକ୍ଷଣାତ୍ ବିପର୍ଯ୍ୟୟ ମୁକାବିଲା ନିମନ୍ତେ ସ୍ୱତନ୍ତ୍ର ବାହିନୀ ଗଠନ କ୍ଷେତ୍ରରେ ଓଡ଼ିଶା ପ୍ରଥମ ରାଜ୍ୟ। ଇତି ମଧ୍ୟରେ ଏହି ଦୁଇଟି ବ୍ୟବସ୍ଥାକୁ ଅଧିକ ଦକ୍ଷତା ସମ୍ପନ୍ନ କରାଯାଇଛି। ବିଭିନ୍ନ ବିଭାଗ ପାଇଁ ନିର୍ଦ୍ଧାରିତ କାର୍ଯ୍ୟ ଧାରା(ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଡିଓର) ଏବଂ ଆଗୁଆ ପ୍ରସ୍ତୁତି ପାଇଁ ନିର୍ଦ୍ଦିଷ୍ଟ ଆନୁଷ୍ଠାନିକ ପ୍ରକ୍ରିୟାକୁ ସୁବ୍ୟବସ୍ଥିତ କରାଯାଇଛି। ରାଜ୍ୟଠାରୁ ଗ୍ରାମ ପର୍ଯ୍ୟନ୍ତ ବିପର୍ଯ୍ୟୟ ପରିଚାଳନା ବ୍ୟବସ୍ଥାକୁ ବ୍ୟବସ୍ଥିତ ଓ ସଂଗଠିତ କରାଯାଇଛି। ପ୍ରାୟ ୧ ହଜାରରୁ ଅଧିକ ବହୁମୁଖୀ ବାତ୍ୟା ଓ ବନ୍ୟା ଆଶ୍ରୟସ୍ଥଳୀ ନିର୍ମାଣ କରାଯାଇଛି। କଂକ୍ରିଟ୍ ଛାତ ସହ ବିଦ୍ୟାଳୟସବୁ ନିର୍ମାଣ କରାଯାଇଛି ଯେପରିକି ବନ୍ୟା ବାତ୍ୟା ଆଦି ସମୟରେ ବିଦ୍ୟାଳୟ କୋଠାଗୁଡ଼ିକୁ ଆଶ୍ରୟସ୍ଥଳୀ ଭାବେ ବ୍ୟବହାର କରାଯାଇ ପାରିବ।

ବର୍ଲିନ୍ ମହୋତ୍ସବରେ ପ୍ରଦର୍ଶିତ ହେଲା ଦ ମାଉଣ୍ଟେନ୍ ହକି

ଜର୍ମାନୀର ବର୍ଲିନଠାରେ ଅନୁଷ୍ଠିତ ହେଉଥିବା ଇଣ୍ଡୋ-ଜର୍ମାନ ଫିଲ୍ମ ମହୋତ୍ସବରେ ପ୍ରଦର୍ଶିତ ହୋଇଛି ଓଡ଼ିଶାର ଇତିହାସରେ ପ୍ରଥମ କ୍ରୀଡ଼ା ଡକ୍ୟୁମେଣ୍ଟ ଭିତ୍ତିକ ଫିଲ୍ମ ଦ ମାଉଣ୍ଟେନ୍ ହକି। ଫିଲ୍ମର ନିର୍ଦେଶନା ଦେଇଛନ୍ତି ଯୁବ ନିର୍ମାତା ଅଭିନାଶ ପ୍ରଧାନ ଓ ଦେବାଶିଷ ମହାପାତ୍ର। ଚଳଚ୍ଚିତ୍ର ଦ ମାଉଣ୍ଟେନ୍ ହକିର ସଫଳତା ପରେ, ସେ ଉକ୍ତ ଚଳଚ୍ଚିତ୍ରଟିକୁ ବିଶ୍ୱ ଦର୍ଶକଙ୍କ ନିକଟକୁ ନେଇଛନ୍ତି। ଏହା ଏକ ଗର୍ବର ମୁହୁର୍ତ୍ତ ବୋଲି ପ୍ରଯୋଜକ ରାଜ କିଶୋର ହୋତା ଏବଂ ସହ ପ୍ରଯୋଜକ ସୁବ୍ରଜିତ ପ୍ରଧାନ କହିଛନ୍ତି।

ଜଣେ ହକି ଶିକ୍ଷକର ସଂଘର୍ଷ ଓ ତାର ପୂର୍ଣ୍ଣ ଜୀବନ ଉପରେ ଫିଲ୍ମଟି ଆଧାରିତ। ରାଜେନ୍ଦ୍ର କୁମାର କୁଜୁର ନାମକ ଜଣେ କୋଚ୍ ୪୦୦ ଝିଅଙ୍କୁ ବହୁ କଷ୍ଟରେ ଅମଲିଖାମନ ଗାଁର ଏକ ମିଶନାରୀ ସ୍କୁଲରେ ଶିକ୍ଷା ଦେଉଥିଲେ। କାହାଣୀରେ ତାଙ୍କର ଏହି ଜୀବନଯାତ୍ରାକୁ ପ୍ରଦର୍ଶିତ କରାଯାଇଛି। ଦ ମାଉଣ୍ଟେନ୍ ହକି କେବଳ କ୍ରୀଡ଼ା ଉପରେ ଆଧାରିତ ଚଳଚ୍ଚିତ୍ର ନୁହେଁ, ଏହା ସହ ଜଡ଼ିତ ଏକ ସମ୍ବେଦନଶୀଳ ଭାବନା। ମଣିଷମାନେ କିପରି କଠିନ ପରିସ୍ଥିତି ଏବଂ ଅସୁବିଧାକୁ ବାରମ୍ବାର ଅତିକ୍ରମ କରିଥାନ୍ତି ତାହାର ଏକ ଉପସ୍ଥାପନା।

ଏସିଆ କପ୍ ପାଇଁ ଭାରତୀୟ ମହିଳା ଫୁଟବଲ୍ ଦଳ ଘୋଷଣା: ଖେଳିବେ ଦୁଇ ଓଡ଼ିଆ

ଏଏଫସି ମହିଳା ଏସିଆ କପ୍ ୨୦୨୨ ପାଇଁ ଘୋଷଣା ହୋଇଛି ଜାତୀୟ ସିନିୟର ମହିଳା ଫୁଟବଲ୍ ଦଳ। ମୋଟ ୨୩ ଜଣ ଖେଳାଳୀଙ୍କ ନାମ ଘୋଷଣା ହୋଇଥିବା ବେଳେ ଏଥିରେ ସ୍ଥାନ ପାଇଛନ୍ତି ୨ ଓଡ଼ିଆ। ଦଳରେ ସ୍ଥାନ ପାଇଥିବା ଦୁଇ ଓଡ଼ିଆ ଖେଳାଳୀ ହେଲେ ପ୍ୟାରୀ ଜାଜା ଏବଂ ମନୀଷା ପାନା। ଆସନ୍ତା ବର୍ଷ ହେବାକୁ ଥିବା ଏହି ଟୁର୍ଣ୍ଣାମେଣ୍ଟ୍ ପାଇଁ ସେପ୍ଟେମ୍ବର ୨୯ରୁ ଅକ୍ଟୋବର ୧୪ ତାରିଖ ଯାଏ ଅଭ୍ୟାସ ମ୍ୟାଚ୍ ଅନୁଷ୍ଠିତ ହେବ। ଏଥିପାଇଁ ମହିଳା ଫୁଟବଲ ଦଳ ୟୁଏଇ ଏବଂ ବାହାରିନ ଯାତ୍ରା କରିବ। ତେବେ ଏହି ଟିମରେ ୨ ଜଣ ଖେଳାଳୀ ସ୍ଥାନ ପାଇବା ପରେ ସେମାନଙ୍କୁ ଶୁଭେଚ୍ଛା ଜଣାଇଛି ଓଡ଼ିଶା ଫୁଟବଲ୍ ଆସୋସିଏସନ୍।

ପ୍ୟାରୀ ଖାଖା ଫରୱାର୍ଡ ଖେଳାଳି ଭାବେ ଦଳରେ ଖେଳୁଥିବାବେଳେ ମନୀଷା ପାନ୍ନା ଡିଫେଣ୍ଡର ଭାବେ ଖେଳିବେ। ଏହି ଦୁଇ ଖେଳାଳି ପୂର୍ବରୁ ଜାତୀୟ ଦଳରେ ସାମିଲ ହୋଇ ବହୁ ମ୍ୟାଚ ଖେଳିଛନ୍ତି। ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ବ୍ଲକ୍ ଦଣ୍ଡିଆପାଲ୍ଲିର ଝାଡ଼ତରଙ୍ଗରେ ଏହି ଦୁଇ ଖେଳାଳିଙ୍କ ଘର।

Odia Girl Pragya Parnita Wins Miss India Title

Pragya Parnita, a native of Nayagarh district won the prestigious title of Miss & Mrs India International. The event was held on September 25 at a hotel in New Delhi. Pragya Parnita is a student of Medical Science. She was the only girl to represent Odisha. Pragya, a model represents Odisha Fashion Villa, the leading fashion grooming organization of the state.

ଏମ୍ସରେ ହେବ ସାଟେଲାଇଟ୍ ବ୍ରେନ ବ୍ୟାଙ୍କ୍, ମସ୍ତିଷ୍କ ଓ ସ୍ନାୟୁଗତ ରୋଗର ଗବେଷଣା ହେବ

ସ୍ନାୟୁଗତ ରୋଗର ଗବେଷଣା ଲାଗି ଏମ୍ସରେ ହେବ ସାଟେଲାଇଟ୍ ବ୍ରେନ୍ ବ୍ୟାଙ୍କ୍। ଏଥିରେ ମସ୍ତିଷ୍କ ସର୍ଜରି ପରେ ବାହାରୁଥିବା ଟ୍ୟୁମର ଏବଂ ମସ୍ତିଷ୍କଜନିତ ରୋଗରେ ମୃତ ବ୍ୟକ୍ତିଙ୍କ ମସ୍ତିଷ୍କଗୁଡ଼ିକୁ ଏକାଠି କରି ଗବେଷଣା କରାଯିବ ବୋଲି ଏମ୍ସ ପକ୍ଷରୁ କୁହାଯାଇଛି। ଗତ ବର୍ଷକ ମଧ୍ୟରେ ମିଳିଥିବା ପ୍ରାୟ ୫୦ରୁ ୬୦ ଜଣ ମୃତକଙ୍କ ମସ୍ତିଷ୍କକୁ ନେଇ ଏବେ ମଧ୍ୟ ଏଠାରେ ଗବେଷଣା କରାଯାଉଛି। ତେବେ ନିମହାନ୍ସ ସହାୟତା କରୁଥିବା ଏହି ପ୍ରକଳ୍ପ ପୂର୍ବ ଭାରତରେ ପ୍ରଥମ ହୋଇଥିବା ବେଳେ ଏ ସଂକ୍ରାନ୍ତରେ ଆଇସିଏମଆର୍ ପକ୍ଷରୁ ପ୍ରଥମ ପର୍ଯ୍ୟାୟରେ ୪୭.୭୨ ଲକ୍ଷ ଟଙ୍କା ମଞ୍ଜୁର ହୋଇଥିବା ଜଣାପଡ଼ିଛି।

କ୍ଷେପଣାସ୍ତ୍ର ଆକାଶ ପ୍ରାଇମର ସଫଳ ପରୀକ୍ଷଣ, ବିଶ୍ୱ ପ୍ରତିରକ୍ଷା କ୍ଷେତ୍ରରେ ଭାରତ ବଢ଼ିବ ଶକ୍ତି

ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରର ୩ ନମ୍ବର ଲଞ୍ଚପ୍ୟାଡରୁ ସୋମବାର ଅପରାହ୍ଣ ୪ଟା ୩୦ ମିନିଟ ସମୟରେ ଆକାଶ କ୍ଷେପଣାସ୍ତ୍ରର ବିକଶିତ ମଡେଲ ଆକାଶ ଏନଜି ପରୀକ୍ଷା କରାଯାଇଛି। ଡିଆରଡିଓ ଦ୍ବାରା ସ୍ବଦେଶୀ ଜ୍ଞାନକୌଶଳରେ ପ୍ରସ୍ତୁତ ଭୂପୃଷ୍ଠରୁ ଆକାଶକୁ ଲକ୍ଷ୍ୟ ଭେଦ କରିପାରୁଥିବା ଏହି କ୍ଷେପଣାସ୍ତ୍ରର ଲକ୍ଷ୍ୟ ଭେଦ କ୍ଷମତା ୭୦ କିମି ରହିଛି। ପରୀକ୍ଷଣ ସମୟରେ ରାଡାର ମାଧ୍ୟମରେ ସଂଗ୍ରହ ହୋଇଥିବା ତଥ୍ୟକୁ ପ୍ରତିରକ୍ଷା ବିଭାଗର ବୈଜ୍ଞାନିକମାନେ ସମୀକ୍ଷା କରୁଛନ୍ତି। ଏଥିରେ ଆଣବିକ ଯୁଦ୍ଧାସ୍ତ୍ରକୁ ବ୍ୟବହାର କରାଯାଇପାରିବ।

ଆକାଶ ଏନଜି କ୍ଷେପଣାସ୍ତ୍ରକୁ ପ୍ରଥମେ ଗତ ଜାନୁଆରୀ ମାସ ୨୫ ତାରିଖରେ ପରୀକ୍ଷା କରାଯାଇଥିଲା। ଦ୍ବିତୀୟ ଥର ଗତ ମାର୍ଚ୍ଚ ମାସ ୨୩ ତାରିଖରେ ପରୀକ୍ଷା କରାଯାଇ ଥିବାବେଳେ ଜୁଲାଇ ମାସ ୨୧ ତାରିଖରେ ତୃତୀୟ ଥର ଓ ୪ର୍ଥ ଥର ପରୀକ୍ଷା ହୋଇଥିଲା। ୨୦୨୩ ମସିହା ସୁଦ୍ଧା ଏହାକୁ ଭାରତୀୟ ସେନାରେ ସାମିଲ କରାଯିବାକୁ ଲକ୍ଷ୍ୟ ରଖାଯାଇଛି।

ବିଷ୍ଣୁଚରଣ ପଟ୍ଟନାୟକ ଭାରତୀୟ ଜୀବନ ବୀମା ନିଗମର ନୂତନ ପରିଚାଳନା ନିର୍ଦେଶକ

ଭାରତୀୟ ଜୀବନ ବୀମା ନିଗମର ନୂତନ ପରିଚାଳନା ନିର୍ଦେଶକ ଭାବେ ବିଷ୍ଣୁଚରଣ ପଟ୍ଟନାୟକଙ୍କୁ ନିଯୁକ୍ତି ମିଳିଛି। ବିଷ୍ଣୁଚରଣ ହେଉଛନ୍ତି ଗଞ୍ଜାମ ଜିଲ୍ଲାର ଭଞ୍ଜନଗର ନିକଟ ଭାଲିଆଖାଇ ଗ୍ରାମର ବାସିନ୍ଦା ସ୍ବର୍ଗତ ସଚ୍ଚିଦାନନ୍ଦ ଏବଂ ସ୍ନେହଲତା ପଟ୍ଟନାୟକ ପୁତ୍ର। ସମଗ୍ର ଛାତ୍ର ଜୀବନରେ ବିଷ୍ଣୁଚରଣ ଥିଲେ ଅତ୍ୟନ୍ତ ମେଧାବୀ। ଢେଙ୍କାନାଳର ଲକ୍ଷ୍ମୀଧର ମୁନିସିପାଲ୍ ହାଇସ୍କୁଲରୁ ଅଧ୍ୟୟନ ଶେଷ କରି ସେ ଭୁବନେଶ୍ବରସ୍ଥିତ ବିଜେବି କଲେଜରୁ ସ୍ନାତକ ଡିଗ୍ରୀ ଓ ଉତ୍କଳ ବିଶ୍ବବିଦ୍ୟାଳୟରୁ ରାଜନୀତି ବିଜ୍ଞାନରେ ସ୍ନାତକୋତ୍ତର ଡିଗ୍ରି ହାସଲ କରିଥିଲେ। ୧୯୮୬ରେ ଜଣେ ଡାଇରେକ୍ଟ୍ ରିକୃଇଟ୍ ପ୍ରଥମ ଶ୍ରେଣୀୟ ଅଧିକାରୀ ଭାବେ ସେ ଭାରତୀୟ ଜୀବନ ବୀମାର ଭଦ୍ରକ ଶାଖାରେ ନିଯୁକ୍ତି ପାଇଥିଲେ। ପରେ ସେ ଭୁବନେଶ୍ବରସ୍ଥିତ ରାଜଭବନ ଶାଖାର ବରିଷ୍ଠ ଶାଖା ପରିଚାଳକ ଓ ବ୍ରହ୍ମପୁର ଡିଭିଜନର ବରିଷ୍ଠ ଡିଭିଜନାଲ୍ ମ୍ୟାନେଜର୍ ଭାବେ ନିଯୁକ୍ତ ହୋଇ କାର୍ଯ୍ୟ ସମ୍ପାଦନ କରିଥିଲେ।

ପ୍ରଧାନମନ୍ତ୍ରୀଙ୍କ ମନକି ବାତ୍‌ରେ କଳାହାଣ୍ଡିର ପଟ୍ଟାୟତ ସାହୁ

କଳାହାଣ୍ଡିର ପଟ୍ଟାୟତ ସାହୁଙ୍କ କଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମନକି ବାତ୍ କାର୍ଯ୍ୟକ୍ରମରେ ପ୍ରକାଶ କରିବା ପରେ ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି। ଜିଲ୍ଲାରେ ବହୁ ପାରମ୍ପରିକ ଲୁପ୍ତ ହୋଇଯାଉଥିବା ଔଷଧୀୟ ବୃକ୍ଷରାଜିକୁ ସଂରକ୍ଷଣ କରୁଥିବା ଚାଷୀ ଲୋକଲୋଚନକୁ ଆସିପାରୁ ନାହାନ୍ତି। ଏହି ପ୍ରରିପ୍ରେକ୍ଷୀରେ ପ୍ରଧାନମନ୍ତ୍ରୀ ରବିବାର ମନକି ବାତରେ ଔଷଧୀୟ ବୃକ୍ଷ ଚାଷ କରି ଚର୍ଚ୍ଚାକୁ ଆସିଥିବା କଳାହାଣ୍ଡିର ପଟ୍ଟାୟତ ସାହୁଙ୍କ ଉଦାହରଣ ଦେବା ପରେ, ଶ୍ରୀ ସାହୁ ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ ପାଲଟିଛନ୍ତି।

ପ୍ରକାଶ ଯେ, କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକ୍ ନାନ୍ଦୋଲ ଗ୍ରାମର ଶ୍ରୀ ସାହୁ ୬୫ ଡିସିମିଲ ଜାଗାରେ ୨୫୦୦ରୁ ଊର୍ଦ୍ଧ୍ବ ଔଷଧୀୟ ବୃକ୍ଷ ଲଗାଇ ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ଏହି ବୃକ୍ଷଗୁଡ଼ିକୁ ବିଭିନ୍ନ ରାଜ୍ୟ ଏବଂ ଦେଶରୁ ଆଣି ନିଜ ବଗିଚାରେ ଲଗାଇଛନ୍ତି। ସାଇକଲ୍ ହିଁ ତାଙ୍କ ସାହାରା ପାଲଟିଛି। ଗୁରୁତ୍ବପୂର୍ଣ୍ଣ କଥା ହେଉଛି ସରକାରୀ ଭାବେ ତାଙ୍କୁ କୌଣସି ସହାୟତା ମିଳୁନାହିଁ। ଶ୍ରୀ ସାହୁ ବର୍ତ୍ତମାନ ଗାଈ ଗୁହାଳରେ ଆଶ୍ରୟ ନେଉଛନ୍ତି।

ଏମିତି ହେବ ବିଶ୍ୱସ୍ତରୀୟ ଏସ୍‌ସିବିର ଡିଜାଇନ୍‌

କେମିତି ଦେଖାଯିବ ବିଶ୍ବସ୍ତରୀୟ କଟକ ବଡ଼ଡାକ୍ତରଖାନା? ୩୫ଶହ କୋଟି ଟଙ୍କା ବ୍ୟୟ ଅଟକଳରେ ବିଶ୍ବସ୍ତରୀୟ ଏସସିବି ପାଇଁ ଟେଣ୍ଡର ପ୍ରକ୍ରିୟା ଶେଷ ପର୍ଯ୍ୟାୟରେ ପହଞ୍ଚିଥିବାବେଳେ ଏହାକୁ ନେଇ ସବୁ ମହଲରେ ଉତ୍କଣ୍ଠା ଲାଗି ରହିଛି। ନୂଆ ଯୋଜନା ଅନୁସାରେ ଷ୍ଟାଫ୍ କଲୋନି ପାଇଁ ୧୨ଟି ୧୨ମହଲାବିଶିଷ୍ଟ ଟାୱାର୍ ଓ କ୍ଲିନିକାଲ କୋଠା ପାଇଁ ୧୦ ମହଲାବିଶିଷ୍ଟ ୪ଟି ଟାୱାର୍ ନିର୍ମାଣ କରାଯିବାକୁ ନିଷ୍ପତ୍ତି ହୋଇଛି। ଯାହାର ଡିଜାଇନ୍ ବି ପ୍ରସ୍ତୁତ ସରିଛି। ଆସନ୍ତା ଅକ୍ଟୋବର ସୁଦ୍ଧା ଏହାର କାମ ଆରମ୍ଭ ହୋଇ ୨୦୨୪ ପୂର୍ବରୁ ଏହାର ନିର୍ମାଣ ସାରିବାକୁ ଯୋଜନା ରଖାଯାଇଛି।

ବିଦେଶରୁ ଚିତ୍ର ପାଇଁ ବରାଦ: କରୋନା କାଢ଼ି ଆଣିଲା ସିଲିଙ୍କ କଳା

କରୋନା ମହାମାରୀ ବିଶ୍ବରେ ହାହାକାର ସୃଷ୍ଟି କରିଛି। ହଜାର ହଜାର ଶିଶୁଙ୍କୁ ଅନାଥ କରିଛି। କିନ୍ତୁ ବିଶ୍ବ ପାଇଁ ଅଭିଶାପ ଭିତରେ ବି କରୋନା କେତେକଙ୍କ ପାଇଁ ଆଶୀର୍ବାଦ ପାଲଟିଛି। ଅନେକଙ୍କୁ ବଞ୍ଚିବା ପାଇଁ ସଂଘର୍ଷର ରାସ୍ତା ବତାଇଛି। ଅନେକଙ୍କ ଭିତରେ କିଛି ନୂଆ କରିବାର ଉନ୍ମାଦନା ସୃଷ୍ଟି କରିଛି। ସେମିତି କରୋନା କାଢ଼ି ଆଣିଛି ସିଲି ଭିତରେ ଛପି ରହିଥିବା କଳାକୃତିର ସମ୍ଭାରକୁ। ସେମିତି ସାମାଜିକ ଗଣମାଧ୍ୟମ ବି ସିଲିର କଳାକୁ ପ୍ରସାର କରି ତାର ପରିଚିତି ବୃଦ୍ଧି କରିଛି। ସ୍କୁଲ୍ ବନ୍ଦ ଥିବା ବେଳେ ଘରେ ସମୟ କାଟିବାକୁ ଚିତ୍ର ଆଙ୍କୁ ଆଙ୍କୁ ସିଲି ଏବେ ପାଲଟି ଯାଇଛନ୍ତି ବିଶିଷ୍ଟ ଚିତ୍ରଶିଳ୍ପୀ। ତାଙ୍କ ହାତର ଯାଦୁ ଏବେ ବିଦେଶ ପର୍ଯ୍ୟନ୍ତ ଲମ୍ବି ଚିତ୍ରଲୋଭି ମଣିଷ ପାଖରେ ପହଞ୍ଚି ପାରିଛି। ତେଣୁ ଚିତ୍ର ଆଙ୍କି ସିଲି ଏବେ ବେଶ୍ ଭଲ ଅର୍ଥ ରୋଜଗାର କରିପାରୁଛନ୍ତି। ଅବିଶ୍ବାସ ଭଳି ମନେ ହେଉଥିଲେ ବି ଏହା ସତ ଯେ ସିଲି ଏବେ ମାସିକ ୩୦ ହଜାରରୁ ଅଧିକ ଅର୍ଥ ରୋଜଗାର କରିପାରୁଛନ୍ତି।

ଖବର ସଂଗ୍ରହ ବେଳେ ଅକାଳରେ ଚାଲିଗଲେ ଅରିନ୍ଦମ

ମୁଣ୍ଡୁଳି ବ୍ୟାରେଜରେ ଫସିଥିବା ଦନ୍ତା ହାତୀ ଉଦ୍ଧାର ସମୟର ଖବର ସଂଗ୍ରହବେଳେ ମହାନଦୀରେ ଓଡ୍ରାଫ ଟିମର ବୋଟ୍ ଓଲଟି ପଡ଼ିବାରୁ ପ୍ରାଣ ହରାଇଛନ୍ତି ଓଟିଭି ସାମ୍ବାଦିକ ଅରିନ୍ଦମ ଦାସ। ରବର ବୋଟରେ ହାତୀ ରେସକ୍ୟୁ ଅପରେସନରେ ଓଡ୍ରାଫ୍ ଟିମ୍ ସହ ସାମିଲ୍ ଥିଲେ ଓଟିଭ ସାମ୍ବାଦିକ ଅରିନ୍ଦମ ଦାସ ଓ କ୍ୟାମେରାମ୍ୟାନ୍ ପ୍ରଭାତ ସିହ୍ନା। ହାତୀକୁ କୂଳକୁ ଘଉଡ଼ାଇବା ବେଳେ ପାଣି ସ୍ରୋତରେ ବୋଟ୍ ଓଲଟି ପଡ଼ିଥିଲା। ଏହି ଦୁର୍ଘଟଣା ପରେ ଜଣେ ଓଡ୍ରାଫ୍ କର୍ମଚାରୀ ନିଖୋଜ ହୋଇଯାଇଥିବା ବେଳେ ୫ ଜଣ ଓଡ୍ରାଫ କର୍ମଚାରୀ ଏବଂ ଦୁଇ ସାମ୍ବାଦିକଙ୍କୁ ଉଦ୍ଧାର କରଯାଇଥିଲା। ମାତ୍ର ଅରିନ୍ଦମ ଦାସଙ୍କ ଅକାଳ ବିୟୋଗ ହୋଇଛି। ଅରିନ୍ଦମଙ୍କ ମୃତ୍ୟୁ ନେଇ ଏସସିବି ଜରୁରୀକାଳୀନ ଅଧିକାରୀ ସୂଚନା ଦେଇଛନ୍ତି। ମୃତ୍ୟୁ ବେଳକୁ ତାଙ୍କୁ ମାତ୍ର ୩୯ ବର୍ଷ ହୋଇଥିଲା। ତାଙ୍କ ମୃତ୍ୟୁରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି।

ଶ୍ରୀଜିଉଙ୍କ ଦର୍ଶନ କଲେ ପ୍ରଧାନ ବିଚାରପତି

ଦୁଇ ଦିନିଆ ଓଡ଼ିଶା ଗସ୍ତରେ ଆସିଥିବା ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ୍ ଏନ୍ ଭି ରମଣା ଶନିବାର ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି। ଗତକାଲିଠାରୁ ପୁରୀରେ ଅବସ୍ଥାନ କରିଥିବା ପ୍ରଧାନ ବିଚାରପତି ଆଜି ସକାଳେ ଶ୍ରୀଜୀଉମାନଙ୍କୁ ଦର୍ଶନ କରିଛନ୍ତି। ବିଚାରପତି ସିଂହଦ୍ୱାରରେ ପହଞ୍ଚିବା ପରେ ୫-ଟି ସଚିବ ଭିକେ ପାଣ୍ଡିଆନ, ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର, ଜିଲ୍ଲାପାଳ ଓ ଏସପି ତାଙ୍କୁ ସ୍ୱାଗତ କରିଥିଲେ। ପାରମ୍ପରିକ ବେଶ ପୋଷାକରେ ଥିବା ପ୍ରଧାନ ବିଚାରପତି ବାଇଶି ପାହାଚ ଦେଇ ଶ୍ରୀମନ୍ଦିରକୁ ଯାଇ ଗର୍ଭଗୃହରେ ମହାପ୍ରଭୁଙ୍କ ଦର୍ଶନ କରିଥିଲେ। ଏଥିସହ ମନ୍ଦିର ଭିତରକୁ ଗଲାବେଳେ ଅରୁଣ ସ୍ତମ୍ଭ ନିକଟରେ ୫୦୦ ଟଙ୍କା ଦାନ କରିଛନ୍ତି। ପ୍ରାୟ ୪୫ ମିନିଟ୍ ସେ ଶ୍ରୀମନ୍ଦିର ଭିତରେ ବିତାଇବା ସହ ମା ବିମଳା, ମା ଲକ୍ଷ୍ମୀ ଓ ପାର୍ଶ୍ବ ଦେବଦେବୀଙ୍କୁ ଦର୍ଶନ ମଧ୍ୟ କରିଥିଲେ।

ଜଳଦ କୁମାର ତ୍ରିପାଠୀ ହଲେ ରାଜ୍ୟ ମୁଖ୍ୟ ସୂଚନା କମିଶନର

ଜଳଦ ତ୍ରିପାଠୀଙ୍କୁ ରାଜ୍ୟର ନୂଆ ମୁଖ୍ୟ ସୂଚନା କମିଶନର ଭାବେ ନିଯୁକ୍ତି ଦେଇଛନ୍ତି ରାଜ୍ୟପାଳ । ତାମିଲନାଡ଼ୁ କ୍ୟାଡରର ୧୯୮୫ ବ୍ୟାଚର ଭାରତୀୟ ପୋଲିସ୍ ସେବା ଅଧିକାରୀ ତ୍ରିପାଠୀ ତାମିଲନାଡ଼ୁର ପୋଲିସ୍ ଡିଜି ପଦବୀରୁ ଅବସର ଗ୍ରହଣ କରିଛନ୍ତି। ଏଥି ପୂର୍ବରୁ ସେ ତିରୁଚିରାପଲ୍ଲୀ ଓ ଚେନ୍ନାଇ ମହାନଗରର ପୋଲିସ୍ କମିଶନର ଭାବେ କାର୍ଯ୍ୟ କରିଥିଲେ। ତ୍ରିପାଠୀ ୨୦୦୮ ମସିହାରେ ପ୍ରଥମ ଆଇପିଏସ୍ ଭାବେ ପବ୍ଲିକ୍ ଆଡମିନିଷ୍ଟ୍ରେସନରେ ଉଲ୍ଲେଖନୀୟ ସେବା ପାଇଁ ପ୍ରଧାନମନ୍ତ୍ରୀ ପୁରସ୍କାରରେ ସମ୍ମାନିତ ହୋଇଥିଲେ। ସଡ଼କ ସୁରକ୍ଷା ଦିଗରେ ତାଙ୍କର ଉଲ୍ଲେଖନୀୟ ସେବା ପାଇଁ ୨୦୧୯ ମସିହାରେ ସର୍ବୋତ୍କୃଷ୍ଟ ରାଜ୍ୟ ଭାବେ ତାମିଲନାଡ଼ୁକୁ ଭାରତ ସରକାର ପୁରସ୍କୃତ କରିଥିଲେ। ଆଇନଶୃଙ୍ଖଳା ପରିଚାଳନାରେ ତାଙ୍କର ଦକ୍ଷତା ପାଇଁ ତାମିଲନାଡ଼ୁ ସର୍ବଶ୍ରେଷ୍ଠ ପ୍ରଦର୍ଶନକାରୀ ରାଜ୍ୟ ଭାବେ ବିବେଚିତ ହୋଇଥିଲା। ପୋଲିସ୍ ପ୍ରଶାସନରେ ଶୃଙ୍ଖଳିତ ସେବା ପ୍ରଦାନ ଓ ଜନତା-ପୋଲିସ୍ ମଧ୍ୟରେ ଅପୂର୍ବ ସମନ୍ୱୟ ପରିଚାଳନା କରି ଆନ୍ତର୍ଜାତିକ ସ୍ତରରେ ମଧ୍ୟ ସେ ପୁରସ୍କୃତ ହୋଇଛନ୍ତି।

ଓଡ଼ିଶାରେ ଖେଳାଯିବ ଜୁନିୟର ପୁରୁଷ ହକି ବିଶ୍ୱକପ୍

ଓଡ଼ିଶା ହକିପ୍ରେମୀଙ୍କ ପାଇଁ ଆସିଛି ବଡ଼ ଖୁସି ଖବର। ଆସନ୍ତା ନଭେମ୍ବର ମାସରେ ଓଡ଼ିଶାରେ ଜୁନିୟର ବିଶ୍ୱକପ ହକି ଖେଳାଯିବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ଏହି ଘୋଷଣା କରିବା ସହିତ ଏହି ବିଶ୍ୱକପର ଲୋଗୋ ଓ ଟ୍ରଫିକୁ ଉନ୍ମୋଚନ କରିଛନ୍ତି। ଚଳିତ ବର୍ଷ ନଭେମ୍ବର ୨୪ରୁ ଡିସେମ୍ବର ୫ ତାରିଖ ପର୍ଯ୍ୟନ୍ତ କଳିଙ୍ଗ ଷ୍ଟାଡିୟମରେ ବିଶ୍ୱକପ୍ ଅନୁଷ୍ଠିତ ହେବ। ହକି ଇଣ୍ଡିଆର ଅନୁରୋଧ କ୍ରମେ ଏତେ କମ୍ ସମୟ ମଧ୍ୟରେ ଓଡ଼ିଶା ଏଭଳି ଆର୍ନ୍ତଜାତୀୟ ସ୍ତରର କ୍ରୀଡ଼ା ଆୟୋଜନ ପାଇଁ ରାଜି ହୋଇଥିବା ମୁଖ୍ୟମନ୍ତ୍ରୀ ସୂଚନା ଦେଇଥିଲେ। ଗୁରୁବାର ଏହି ତାରିଖ ଘୋଷଣା ହେବାପରେ ବିଶ୍ବକପ୍ ହକିକୁ ନେଇ ହକି ପ୍ରେମୀ ଏବଂ ଓଡ଼ିଶାର ହକି ତାରକାମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ପୂର୍ବରୁ ମଧ୍ୟ କଳିଙ୍ଗ ଷ୍ଟାଡିୟମରେ ସିନିୟର ବିଶ୍ବକପ ହକି ମ୍ୟାଚ୍ ଅନୁଷ୍ଠିତ ହୋଇସାରିଛି।

ବିଶ୍ୱକପ୍ ଆୟୋଜନ ପାଇଁ ତିନୋଟି ସହର ଧାର୍ଯ୍ୟ ହୋଇଥିଲା। ସେଥିରେ ଓଡ଼ିଶା ସବୁଠାରୁ ଆଗରେ ରହିଥିଲା। ଓଡ଼ିଶାରେ ଜୁନିୟର ପୁରୁଷ ହକି ବିଶ୍ୱକପ୍ ଆୟୋଜନ କରିବା ନେଇ ଅନ୍ତର୍ଜାତୀୟ ହକି ଫେଡେରେସନ୍ (ଏଫଆଇଏଚ୍) ଓଡ଼ିଶା ସରକାରଙ୍କ ସହ ଆଲୋଚନା କରିଥିଲା। ଆଜି ଓଡ଼ିଶା ସରକାର ପୁଣିଥରେ ବିଶ୍ୱକପ୍ ଭଳି ମେଗା ଇଭେଣ୍ଟକୁ ଆୟୋଜନ କରିବାକୁ ରାଜି ହୋଇଥିଲେ। ଏହି କ୍ରୀଡାରେ ମୋଟ୍ ୧୪ଟି ଦେଶ ଅଂଶଗ୍ରହଣ କରିବେ।

ପିଲାମାନଙ୍କ ମଧ୍ୟରେ ମଧ୍ୟାହ୍ଣ ଭୋଜନର ଲୋକପ୍ରିୟତା ବଢ଼ିଛି: ଧର୍ମେନ୍ଦ୍ର

ରାଷ୍ଟ୍ରୀୟ ପୋଷଣ ମାସ ଅଧୀନରେ ନିଆଯାଇଥିବା ଉଦ୍ୟମ ଏବଂ ନୂଆ ଯୋଜନା ଦ୍ୱାରା ପିଲାମାନଙ୍କ ମଧ୍ୟରେ ମଧ୍ୟାହ୍ଣ ଭୋଜନ ପ୍ରତି ଲୋକପ୍ରିୟତା ବଢ଼ିଛି ବୋଲି ଗୁରୁବାର ଉତ୍ତର ପ୍ରଦେଶର ସିଦ୍ଧାର୍ଥନଗର ଠାରେ କେନ୍ଦ୍ରୀୟ ବିଦ୍ୟାଳୟର ନବନିର୍ମିତ ଭବନର ଲୋକାର୍ପଣ କରିବା ସହ ସାଧାରଣ ସଭା ଓ ଅନ୍ୟାନ୍ୟ କାର୍ଯ୍ୟକ୍ରମରେ ଯୋଗଦେଇ କହିଛନ୍ତି କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ତିନିଦିନିଆ ଉତ୍ତର ପ୍ରଦେଶ ଗସ୍ତରେ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗସ୍ତର ଦ୍ୱିତୀୟ ଦିନରେ ରାଷ୍ଟ୍ରୀୟ ପୋଷଣ ମାସ ଅଭିଯାନରେ ସିଦ୍ଧାର୍ଥନଗର ସ୍ଥିତ ମଧୁବେନିଆ ପ୍ରାଥମିକ ବିଦ୍ୟାଳୟ ଏବଂ କେନ୍ଦ୍ରୀୟ ବିଦ୍ୟାଳୟ ଛାତ୍ରଛାତ୍ରୀଙ୍କ ସହ ମଧ୍ୟାହ୍ନ ଭୋଜନ କରିଛନ୍ତି। ସେ କହିଛନ୍ତି ଯେ ସନ୍ତୁଳିତ ଭାବରେ ସୁସ୍ଥ ଖାଦ୍ୟକୁ ଏକ ଜନଆନ୍ଦୋଳନ କରିବା ଏବଂ ପୋଷଣ ଗତିବିଧିକୁ ପ୍ରୋତ୍ସାହନ ଦେବା ପାଇଁ ଶିକ୍ଷା ମନ୍ତ୍ରାଳୟ ପ୍ରତିବଦ୍ଧ। ପ୍ରଧାନମନ୍ତ୍ରୀଙ୍କ ପୋଷଣ ଅଭିଯାନ ପରିକଳ୍ପନା ଅପପୃଷ୍ଟିକୁ ସମାପ୍ତ କରିବାରେ ସକରାତ୍ମକ ପରିବର୍ତ୍ତନ ଆଣିବ ବୋଲି ସେ କହିଛନ୍ତି।

ଦେଶର ଦକ୍ଷ ପ୍ରଶିକ୍ଷକଙ୍କୁ କୌଶଲାଚାର୍ଯ୍ୟ ପୁରସ୍କାର ପ୍ରଦାନ

ଦେଶର ଦକ୍ଷ ପ୍ରଶିକ୍ଷକମାନଙ୍କୁ କୌଶଲାଚାର୍ଯ୍ୟ ପୁରସ୍କାର - ୨୦୨୧ ପ୍ରଦାନ କଲେ କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ । ଓଡ଼ିଶାର ୪ ଜଣଙ୍କ ସମେତ ଦେଶର ମୋଟ ୩୬ ଜଣଙ୍କୁ କୌଶଲାଚାର୍ଯ୍ୟ ପୁରସ୍କାରରେ ସମ୍ମାନିତ କଲେ କେନ୍ଦ୍ରମନ୍ତ୍ରୀ । ଏହା ମଧ୍ୟରେ ଓଡ଼ିଶାରୁ ଅଛନ୍ତି ଜନ ଶିକ୍ଷଣ ସଂସ୍ଥାନର ହସ୍ତକଳା ପ୍ରଶିକ୍ଷକ ଚନ୍ଦ୍ରାବଳୀ ଖଟୁଆ, ଜନ ଶିକ୍ଷଣ ସଂସ୍ଥାର ବୈଷୟିକ ପ୍ରଶିକ୍ଷକ ଅଜୟ କୁମାର ସ୍ୱାଇଁ, ଆଇଟିଆଇରେ ମାଷ୍ଟର ଟ୍ରେନର ବିପିନ ବିହାରୀ ଗୌଡ଼ ଏବଂ ଆଇଟିଆଇରେ ଡିଜିଟି ମାଷ୍ଟର ଟ୍ରେନର ନିବେଦିତା ମୋହନପାତ୍ର।

Two Odisha Teachers Honoured With CBSE Excellence In Teaching Award

Two Teachers Of DAV Public School, Pokhariput, Sitikantha Pati, PGT In Mathematics And Smaranika Pattnaik, TGT In English Were Conferred With The Central Board Of Secondary Education (CBSE) Honour For Excellence In Teaching And School Leadership 2020-21 On A Virtual Platform, Acknowledging Their Commendable Contribution In The Field Of Education. They Are Among The 22 Teachers Selected Nationwide.&Nbsp;The Felicitation Was Conferred By Minister Of State For Education, Govt. Of India, Annapurna Devi And School Education Secretary Anita Karwal In The Presence Of Chairman CBSE, Manoj Ahuja And Secretary Of CBSE, Anurag Tripathi

ଖାଦ୍ୟ ସୁରକ୍ଷା ସୂଚକାଙ୍କ ଚତୁର୍ଥ ସ୍ଥାନରେ ଓଡ଼ିଶା

ଭାରତର ଖାଦ୍ୟ ସୁରକ୍ଷା ମାନକ କର୍ତ୍ତୃପକ୍ଷ (ଏଫଏସଏସଏଆଇ) ପକ୍ଷରୁ ୨୦୨୦-୨୧ ବର୍ଷ ଲାଗି ଖାଦ୍ୟ ସୁରକ୍ଷା ସୂଚକାଙ୍କ ପ୍ରକାଶ ପାଇଛି। କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖଲାଲ୍ ମାଣ୍ଡବ୍ୟ ଉନ୍ମୋଚନ କରିଥିବା ଏହି ରିପୋର୍ଟ ଅନୁଯାୟୀ ଖାଦ୍ୟ ସୁରକ୍ଷାରେ ଗୁଜରାଟ ପ୍ରଥମ ସ୍ଥାନରେ ରହିଥିବାବେଳେ କେରଳ ଦ୍ୱିତୀୟ ଏବଂ ତାମିଲନାଡୁ ତାଲିକାର ତୃତୀୟ ସ୍ଥାନରେ ରହିଛି। ଏଥିରେ ଓଡ଼ିଶା ଚତୁର୍ଥ ସ୍ଥାନକୁ ଉନ୍ନୀତ ହୋଇ ବଡ଼ ସଫଳତା ହାସଲ କରିଛି। ୨୦୧୯-୨୦ ବର୍ଷରେ ରାଜ୍ୟ ୧୩ତମ ସ୍ଥାନରେ ରହିଥିଲା। ଏଥର ମହାରାଷ୍ଟ୍ର ଭଳି ବୃହତ୍ ରାଜ୍ୟକୁ ଓଡ଼ିଶା ପଛରେ ପକାଇଦେଇଛି। ରିପୋର୍ଟ ଅନୁଯାୟୀ ଖାଦ୍ୟ ନିରାପତ୍ତାରେ ଓଡ଼ିଶା ଓ ହିମାଚଳପ୍ରଦେଶ ବଡ଼ ଉନ୍ନତି ଆଣିପାରିଛନ୍ତି। ୨୦୨୦-୨୧ ବର୍ଷରେ ରାଜ୍ୟରେ ପର୍ଯ୍ୟାପ୍ତ ଖାଦ୍ୟଶସ୍ୟ ଉତ୍ପନ୍ନ ହୋଇଥିଲେ ମଧ୍ୟ ଖାଦ୍ୟ ସୁରକ୍ଷାର ଶୀର୍ଷସ୍ଥାନକୁ ଯିବାକୁ ହେଲେ ଆହୁରି ଅନେକ କିଛି କରିବାକୁ ପଡ଼ିବ ବୋଲି ରିପୋର୍ଟରେ କୁହାଯାଇଛି।

ସୁଦର୍ଶନ ପଟ୍ଟନାୟକ ହେଲେ ଲଳିତ କଳା ଏକାଡେମୀର ସଭାପତି

ଓଡ଼ିଶାର ଅନ୍ତର୍ଜତୀୟ ଖ୍ୟାତି ସଂପନ୍ନ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକଙ୍କୁ ଓଡ଼ିଶା ଲଳିତ କଳା ଏକାଡେମୀର ସଭାପତି ଭାବେ ପୁଣି ମନୋନୀତ କରାଯାଇଛି । ସେ ଆସନ୍ତା ତିନି ବର୍ଷ ପାଇଁ ଏହି ପଦରେ ରହିବେ । ଶ୍ରୀ ପଟ୍ଟନାୟକ ଗତ ୨୦୧୮ରୁ ଏହି ପଦରେ ରହିଛନ୍ତି ଓ ଚଳିଚ ବର୍ଷ ତାଙ୍କର କାର୍ଯ୍ୟକାଳ ଶେଷ ହେଉଥିଲା ।

ବିଶ୍ୱକର୍ମା ପୂଜା : ବଡ଼ ମଣ୍ଡପରେ ପୂଜା ପାଇଲେ ଛୋଟ ମୁର୍ତ୍ତି

କରୋନା ଜନୀତ କଟକଣା ଭିତରେ ଚୌଦ୍ୱାର ଅଞ୍ଚଳରେ ଭଗବାନ ବିଶ୍ୱକର୍ମାଙ୍କ ପୁଜା ପାଳିତ ହୋଇ ଯାଇଛି । ପ୍ରତିବର୍ଷ ଚୌଦ୍ୱାର ସହରରେ ବିଶ୍ୱକର୍ମାଙ୍କ ପୁଜା ବିଭିନ୍ନ ମଣ୍ଡପରେ ଧୁମଧାମରେ ପାଳନ କରାଯାଉଥିବା ବେଳେ ଚଳିତବର୍ଷ କରୋନା କଟକଣାରୁ ମଣ୍ଡପ ଗୁଡିକରେ ବିଶ୍ୱକର୍ମାଙ୍କ ମୁର୍ତ୍ତି ଗୁଡ଼ିକ ୪ଫୁଟ ଭିତରେ ରହିଥିବାବେଳେ ମଣ୍ଡପ ଗୁଡିକ ବଡ ରହିଥିବା ଦେଖିବାକୁ ମିଳିଥିଲା । ବିଶ୍ୱକର୍ମା ପୂଜାରେ ଚୌଦ୍ୱାରରେ ଥର୍ମାଲ ରୋଡରେ ଥିବା ବିଦ୍ୟୁତ୍ କାର୍ଯ୍ୟାଳୟରେ ପୂର୍ବରୁ ମେଳା ଲାଗୁଥିବାବେଳେ ଚଳିତ ବର୍ଷ ସେଠାରେ ପୁଜାର ମହୋଲ ଖାଁ ଖାଁ ଥିବା ଦେଖିବାକୁ ମିଲିଥିଲା । ସେହିପରି ସ୍ଥାନୀୟ ଇମ୍ଫା କାରଖାନା, ଗାନ୍ଧୀ ଛକ ଟ୍ୟାକ୍ସି ଷ୍ଟାଣ୍ଡ, ଅଟୋ ଷ୍ଟାଣ୍ଡ,କଳିଙ୍ଗ ଛକ ଅଟୋଷ୍ଟାଣ୍ଡ, ବିରାଟ ବଜାର ଅଟୋ ଏବଂ ଟ୍ୟାକ୍ସି ଷ୍ଟାଣ୍ଡ ଆଦିରେ ବିଧି ବିଧାନ ମୁତାବକ ନିରାଡ଼ମ୍ବର ଭାବେ ବିଶ୍ୱକର୍ମା ପୂଜା ଅନୁଷ୍ଠିତ ହୋଇଛି । ଏଥି ସହିତ ବିଭିନ୍ନ ଘରୋଇ ଅନୁଷ୍ଠାନ ଓ ବ୍ୟକ୍ତିଗତ ସ୍ତରରେ ମଧ୍ୟ ବିଶ୍ୱକର୍ମାଙ୍କ ପୂଜା ପାଳିତ ହୋଇଯାଇଛି ।

ବାରବାଟୀରେ ଫେବୃଆରୀ ୧୫ରେ ଭାରତ-ଇଣ୍ଡିଜ୍ ଟି-୨୦

୨୦୨୧-୨୦୨୨ ଘରୋଇ କ୍ରିକେଟ୍ ଋତୁ ଲାଗି ବିସିସିଆଇ ଆନ୍ତର୍ଜାତିକ ଖେଳସୂଚୀ ପ୍ରସ୍ତୁତ କରିଛି। ଏହା ଅନୁସାରେ ୪ଟି ଦଳ- ନ୍ୟୁଜିଲାଣ୍ଡ, ୱେଷ୍ଟଇଣ୍ଡିଜ୍, ଶ୍ରୀଲଙ୍କା ଓ ଦକ୍ଷିଣ ଆଫ୍ରିକା ଭାରତ ଗସ୍ତରେ ଆସିବେ। ଏହି ୪ଟି ଗସ୍ତ ପାଇଁ ବିସିସିଆଇ ଖେଳସୂଚୀ ପ୍ରସ୍ତୁତ କରିଛି। ପୂରା ଖେଳସୂଚୀ ସହ କେଉଁଦିନ କେଉଁ ମ୍ୟାଚ୍ କେଉଁ ସହରରେ ଖେଳାଯିବ; ବିସିସିଆଇ ତାହାର ନିଷ୍ପତ୍ତି ନେଇସାରିଛି ବୋଲି ବୋର୍ଡ ମଧ୍ୟସ୍ଥ ଏକ ସୂତ୍ରରୁ ପ୍ରକାଶ। ତେବେ ବିସିସିଆଇ ଏହି ଖେଳସୂଚୀକୁ ଔପଚାରିକ ଭାବେ ଘୋଷଣା କରିନାହିଁ। ବିସିସିଆଇ ଖେଳସୂଚୀ ପ୍ରସ୍ତୁତକରି ୪ଟି ପ୍ରତିଯୋଗୀ ଦେଶ- ନ୍ୟୁଜିଲାଣ୍ଡ, ୱେଷ୍ଟଇଣ୍ଡିଜ୍, ଶ୍ରୀଲଙ୍କା ଓ ଦକ୍ଷିଣ ଆଫ୍ରିକା କ୍ରିକେଟ୍ ବୋର୍ଡକୁ ଅନୁମୋଦନ ପାଇଁ ପଠାଇ ଦେଇଛି। ସମସ୍ତ ବୋର୍ଡ ଏହି ଖେଳସୂଚୀକୁ ଅନୁମୋଦନ କଲେ; ଏହାକୁ ବିଧିବଦ୍ଧ ଭାବେ ବିସିସିଆଇ ଘୋଷଣା କରିବ। ସୋମବାର ଦୁବାଇରେ ବିସିସିଆଇ ଆପେକ୍ସ କାଉନସିଲ ବୈଠକ ଥିବାରୁ ଏଥିରେ ମଧ୍ୟ ଖେଳସୂଚୀ ଉପରେ ଚୂଡ଼ାନ୍ତ ମୋହର ଲାଗିପାରେ। ତେବେ ପ୍ରସ୍ତୁତ ହୋଇଥିବା ଖେଳସୂଚୀ ଅନୁସାରେ କଟକର ବାରବାଟୀ ଷ୍ଟାଡିୟମରେ ୨୦୨୨ ଫେବୃଆରୀ ୧୫ରେ ଭାରତ ଓ ୱେଷ୍ଟଇଣ୍ଡିଜ୍ ମଧ୍ୟରେ ୩ ମ୍ୟାଚର ଶୃଙ୍ଖଳାର ପ୍ରଥମ ଟ୍ବେଣ୍ଟି୨୦ ମ୍ୟାଚ୍ ଖେଳାଯିବ।

ପରଲୋକରେ ବରିଷ୍ଠ ସାହିତ୍ୟିକା ମନୋରମା ମହାପାତ୍ର

ଡ଼ିଆ ଦୈନିକ ଖବରକାଗଜ ସମାଜର ପୂର୍ବତନ ସମ୍ପାଦିକା ତଥା ବରିଷ୍ଠ ସାହିତ୍ୟିକା ମନୋରମା ମହାପାତ୍ରଙ୍କ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୮୭ ବର୍ଷ ହୋଇଥିଲା। ସେ ଥିଲେ ଜଣେ ସମାଜସେବୀ ଏବଂ ସାହିତ୍ୟିକା। ତାଙ୍କର ଉଲ୍ଲେଖନୀୟ ଅବଦାନ ପାଇଁ ସେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଓ ଶାରଳା ସମ୍ମାନ ଲାଭ କରିଥିଲେ। ୧୯୩୪ ମସିହା ଜୁନ ୧୦ ତାରିଖ କଟକ ଜିଲ୍ଲାର ଆଠଗଡ଼ ରାଧାନାଥପୁର ଶାସନରେ ଜନ୍ମଗ୍ରହଣ କରିଥିଲେ। ପିଲାବେଳେ ତାଙ୍କୁ ସମସ୍ତେ ସୁଲୁ ନାମରେ ଡାକୁଥିଲେ। ପରେ ସେ ତାଙ୍କର ନାମ ପରିବର୍ତ୍ତନ କରି ମନୋରମା ରଖିଥିଲେ।

ସେ ଜଣେ ଅର୍ଥନୀତି ଅଧ୍ୟାପକ ଭାବରେ ମଧ୍ୟ କାର୍ଯ୍ୟ କରିଥିଲେ। ୧୯୭୦ ମସିହାରେ ଓଡ଼ିଶା ଶିକ୍ଷା ବିଭାଗରେ ଯୋଗ ଦେଇ ଅର୍ଥନୀତି ପ୍ରାଧ୍ୟାପିକା ଭାବରେ ଦୀର୍ଘ ୧୫ ବର୍ଷ ଧରି ଶିକ୍ଷାଦାନ କରିଥିଲେ। କିନ୍ତୁ ସମାଜସେବାରେ ନିଜକୁ ନିୟୋଜନ କରିବା ପାଇଁ ସେ ୧୯୮୫ ମସିହାରେ ସରକାରୀ ଚାକିରିରୁ ଅବସର ନେଇଥିଲେ। ଏହାପରେ ଜଣେ ସାମ୍ବାଦିକା ଏବଂ ସାହିତ୍ୟିକା ଭାବରେ ନିଜର ପରିଚୟ ସୃଷ୍ଟି କରିଥିଲେ। ସେ ଓଡ଼ିଶା ସାହିତ୍ୟ ଏକାଡେମୀ ଓ ଉତ୍କଳ ସାହିତ୍ୟ ସମାଜର ପ୍ରଥମ ମହିଳା ସମ୍ପାଦିକା ଥିଲେ।

ଚନ୍ଦକା ହାତୀ ବେକରେ ଲାଗିବ ରେଡିଓ କଲାର

ଚନ୍ଦକା ବନଖଣ୍ଡରେ ଥିବା ହାତୀଙ୍କ ବେକରେ ରେଡିଓ କଲାର ଲାଗିବ। ଏହାଦ୍ୱାରା ସାଟେଲାଇଟ ଜରିଆରେ ସେମାନଙ୍କ ଗତିବିଧି ଉପରେ ନଜର ରଖିବ ବନ ବିଭାଗ। ଚନ୍ଦକା ବନଖଣ୍ଡ ଅଞ୍ଚଳରେ କିଛି ହାତୀ ବାରମ୍ବାର ଭୁବନେଶ୍ୱର ଓ ଆଖପାଖ ଜନବସତିକୁ ପଶିଯାଇ ଉପଦ୍ରବ କରୁଥିବାରୁ ବିଭାଗ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି। ଏଥିପାଇଁ ସମସ୍ତ ପ୍ରସ୍ତୁତି ମଧ୍ୟ ଶେଷ ହୋଇସାରିଲାଣି। ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନାନୁସାରେ, ଚନ୍ଦକା ବନଖଣ୍ଡର ଦୁଇଟି ଦନ୍ତା ରାମୁ ଓ ବାହୁ ବଳୀ ଏବଂ ଗୋଟିଏ ମାଖନା ଦେହରେ ରେଡିଓ କଲାର ପିନ୍ଧାଯିବ। ଏହି କାର୍ଯ୍ୟରେ ଗୋଡିବାରିରେ ଥିବା କୁମକି ହାତୀ ଯଶୋଦାକୁ ନିୟୋଜିତ କରାଯିବ। ଇତିମଧ୍ୟରେ ତାକୁ ଭରତପୁର ଅଣାଯାଇଛି। ଏହି ହାତୀ ପିଠିରେ ବସି ବିଶେଷଜ୍ଞମାନେ ଭରତପୁରର ତାଲିକାଭୁକ୍ତ ହାତୀଙ୍କୁ ଟ୍ରାଙ୍କୁଲାଇଜ୍ କରିବେ। ତା ପରେ ହାତୀଙ୍କ ବେକରେ ରେଡ଼ିଓ କଲାର ବନ୍ଧା ଯିବ।

ଜାତୀୟ ଫ୍ଲୋରେନ୍ସ ନାଇଟେଙ୍ଗଲ ସମ୍ମାନ ପାଇଲେ ପ୍ରେମଲତା ବାରିକ

ମହିଳାଙ୍କୁ ସମାନ ଅଧିକାର ଓ ସମ୍ମାନ ଦେବା ପାଇଁ ସମଗ୍ର ବିଶ୍ବରେ ଆନ୍ତର୍ଜାତିକ ମହିଳା ଦିବସ ପାଳନ କରାଯାଉଛି। ଏହାସତ୍ତ୍ୱେ ବି ଅନେକ ମହିଳା ହିଂସାର ସମ୍ମୁଖୀନ ହେଉଛନ୍ତି। ଏହାକୁ ବିରୋଧ କରି କେତେଜଣ ମହିଳା ସମାଜରେ ସଂସ୍କାର ଆଣିବା ପାଇଁ ପ୍ରୟାସ ଚଳାଇଛନ୍ତି। ସେଭଳି ଜଣେ ମହିଳା ହେଲେ ଜଗତସିଂହପୁର ଜିଲା ପାରାଦୀପ ନୂଆବଜାରସ୍ଥିତ ପ୍ରେମଲତା ବାରିକ(୫୮)। କୁଜଙ୍ଗ ବ୍ଲକର ମହିଳା ସ୍ବାସ୍ଥ୍ୟ ପରିଦର୍ଶିକାଭାବେ କାର୍ଯ୍ୟରତ ଏହି ମହିଳା ଜଣକ ଗୃହିଣୀ ହେବା ସହ ସାମାଜିକ କର୍ମୀ ଓ କବୟିତ୍ରୀ ଭାବେ ସ୍ବତନ୍ତ୍ର ପରିଚୟ ହାସଲ କରିଛନ୍ତି। ଜାତିବାଦ ଓ ଅନ୍ଧବିଶ୍ୱାସ ବିରୋଧରେ ଅନବରତ ପ୍ରୟାସ ଜାରି ରଖିଛନ୍ତି।

ଏବେ ସୁଦ୍ଧା ତାଙ୍କୁ ୫୦ରୁ ଊଦ୍ଧରବ ସରକାରୀ ଓ ବେସରକାରୀ ପୁରସ୍କାର ମିଳିଛି। ଆସନ୍ତା ମେ ମାସରେ ତାଙ୍କୁ ସର୍ବଶ୍ରେଷ୍ଠ ସେବିକା ଫ୍ଲୋରେନ୍ସ ନାଇଟିଙ୍ଗେଲ୍ ୨୦୨୦ ଆଓ୍ବାର୍ଡ ରାଷ୍ଟ୍ରପତିଙ୍କଠାରୁ ମିଳିବ। ପୂର୍ବରୁ ମିଳିଥିବା ପୁରସ୍କାର ମଧ୍ୟରେ ୧୯୯୭ରେ ମଦର ଟେରେସା ଓ ସ୍ବାସ୍ଥ୍ୟ ହିଁ ସମ୍ପଦ ଆଓ୍ବାର୍ଡ ଆଦି ଅନ୍ତର୍ଭୁକ୍ତ। ପ୍ରେମଲତାଙ୍କ ପୈତୃକ ଗ୍ରାମ ଜଗତସିଂହପୁର ଥାନା ଅନ୍ତର୍ଗତ ଦେଉଳିସାହିରେ। ସେ ଧର୍ମାନନ୍ଦ ବାରିକ ଓ ହେନାମଣିଙ୍କ ଝିଅ ହୋଇଥିବାବେଳେ ୧୯୮୦ରେ ମାଟ୍ରିକ ପାସ୍ କରିଥିଲେ। ସ୍ବାମୀ ଧ୍ରୁବଚରଣ ସାହୁ ଓ ୨ ସନ୍ତାନଙ୍କୁ ନେଇ ତାଙ୍କ ସଂସାର।

ପବିତ୍ର ସୁଦଶା ବ୍ରତ ଅବସରରେ ସମସ୍ତଙ୍କୁ ହାର୍ଦ୍ଧିକ ଶୁଭକାମନା

ଉତ୍କଳିୟ ସଂସ୍କୃତିରେ ଓଷା ବ୍ରତ ର ଯଥେଷ୍ଟ ଗୁରୁତ୍ବ ରହିଛି । ଓଡିଶାରେ ପାଳିତ ହେଉଥିବା ବିଭିନ୍ନ ବ୍ରତ ମଧ୍ୟରେ ସୁଦଶା ବ୍ରତ ଅନ୍ୟତମ । ଐଶ୍ଚର୍ଯ୍ୟର ଦେବୀ ମହାଲକ୍ଷ୍ମୀଙ୍କ ଆରଧନାର ପର୍ବ ସୁଦଶା ବ୍ରତ ନିଷ୍ଠା ଓ ଭକ୍ତିମୟ ପରିବେଷ ମଧ୍ୟରେ ରାଜ୍ୟର କୋଣ ଅନୁକୋଣରେ ପାଳିତ ହୋଇଯାଇଛି । ଯେଉଁ ମାସର ଶୁକ୍ଲ ପକ୍ଷ ଦଶମୀ ତିଥିରେ ଗୁରୁବାର ପଡେ ସେହି ଦିନ ସୁଦଶା ବ୍ରତ ପାଳିତ ହୁଏ । ଗୃହିଣୀ ମାନେ ଘରର ସୁଖ ସମୃଦ୍ଧି ପାଇଁ ଏହି ବ୍ରତକୁ ପାଳନ କରିଥାନ୍ତି ।

ମାତା ଲକ୍ଷ୍ମୀଙ୍କୁ ସମର୍ପଣ କରି ଏହି ବ୍ରତକୁ ଧାରଣ କରିଥାନ୍ତି ମହିଳାମାନେ । ସୁଦଶା ଶବ୍ଦ ଦଶ ସଂଖ୍ୟା ସହ ସଂଯୋଜିତ। ତେଣୁ, ସୁଦଶା ବ୍ରତରେ ଦଶ ପାଖୁଡ଼ା ପଦ୍ମ, ଦଶବର୍ଣ୍ଣ ମୁରୁଜ, ଦଶମୁଖୀ ଦୀପ, ଦଶମୁଠି ଚାଉଳ, ଦଶଗୋଟି କଦଳୀ, ଦଶଗୋଟି ମଣ୍ଡା ସହିତ ଲକ୍ଷ୍ମୀଙ୍କ ଦଶନାମ ଲକ୍ଷ୍ମୀନାରାୟଣୀ, କମଳିନୀ, ଶ୍ରୀ ହରିପ୍ରିୟା, ପଦ୍ମାଳୟା, କମଳା, ଚଞ୍ଚଳା, ବିଘ୍ନସେନୀ, ସିନ୍ଧୁର ଦୁଲ୍ଲଣୀ, ଦୁର୍ଗତି, ବିଷ୍ଣୁ ପାଟରାଣୀ ପୂଜା ହୋଇଥାଆନ୍ତି। ମହିଳାମାନେ ଏହିଦିନ ଦଶଖିଅ ଧଳାସୂତାର ଏକ ବ୍ରତ ପୂଜା କରାଯିବାର ବିଧି ରହିଛି। ସେହି ବ୍ରତକୁ ପରବର୍ତ୍ତୀ ସୁଦଶା ବ୍ରତ ପର୍ଯ୍ୟନ୍ତ ବାହୁରେ ଧାରଣ କରାଯାଏ। ଏହି ପର୍ବ ଓଡ଼ିଶାର ବିଶେଷତ୍ୱ ଏବଂ ଏହାକୁ କେବଳ ଓଡ଼ିଆ ମହିଳା ମାନେ ପାଳନ କରିଥାଆନ୍ତି।

କଳିଙ୍ଗ ଲିଟରେଚର୍ ଫେଷ୍ଟିଭାଲ୍ ବୁକ୍ ଆୱାର୍ଡସ୍ ୨୦୨୦-୨୧ ଘୋଷିତ

କଳିଙ୍ଗ ଲିଟେରାରୀ ଫେଷ୍ଟିଭାଲ୍ (କେଏଲଏଫ୍ ୨୦୨୦-୨୧ ବର୍ଷର କେଏଲଏଫ୍ ବୁକ୍ ଆୱାର୍ଡ ଘୋଷଣା କରିଛି। ଏଥିରେ ଗଦ୍ୟ, ଉପନ୍ୟାସ, କବିତା, ହିନ୍ଦୀ ପୁସ୍ତକ, ଅନୁବାଦିତ ପୁସ୍ତକ, ଭାଷା ପ୍ରଥମ ପୁସ୍ତକ, ବ୍ୟବସାୟ ପୁସ୍ତକ, ସାମରିକ ବା ରାଜନୈତିକ ନୀତି ପୁସ୍ତକ, ପରିବେଶ ପୁସ୍ତକ, ଜୀବନ/ଆତ୍ମଜୀବନୀ ପୁସ୍ତକ, ଶିଶୁ ପୁସ୍ତକ, କ୍ରୀଡ଼ା, ଜୀବନଚର୍ଯ୍ୟା ଓ ଏମର୍ଜିଙ୍ଗ୍ ଟ୍ରେଣ୍ଡ୍ ପୁସ୍ତକ ସହ ଅନ୍ୟାନ୍ୟ ପୁସ୍ତକଗୁଡ଼ିକୁ ଅନ୍ତର୍ଭୁକ୍ତ କରାଯାଇଛି। ପ୍ରକାଶକମାନେ ଦାଖଲ କରିଥିବା ସବୁ ବର୍ଗରୁ ପୁସ୍ତକଗୁଡ଼ିକୁ ଚୟନ କରାଯାଇଛି। ପ୍ରେସ୍ ବିବୃତି ଅନୁସାରେ, ଓଡ଼ିଶାର ରାଜଧାନୀ ଭୁବନେଶ୍ବରରେ ଡିସେମ୍ବର ୧୦-୧୨ ମଧ୍ୟରେ ଆୟୋଜନ ହେବାକୁ ସ୍ଥିର ହୋଇଥିବା ବାର୍ଷିକ କଳିଙ୍ଗ ଲିଟେରାରୀ ଫେଷ୍ଟିଭାଲରେ ବିଜେତାମାନଙ୍କୁ ସମ୍ବର୍ଦ୍ଧନା ସହ ପୁରସ୍କାର ପ୍ରଦାନ କରାଯିବ।

NIRFର ତାଲିକା ଉନ୍ମୋଚନ କଲେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ

2021 ବର୍ଷ ପାଇଁ NIRFର ତାଲିକା ଉନ୍ମୋଚନ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଚଳିତ ବର୍ଷ IIT ମାଡ୍ରାସକୁ ସାମଗ୍ରିକ ବର୍ଗରେ ଦେଶର ସର୍ବୋତ୍ତମ ଶିକ୍ଷାନୁଷ୍ଠାନ ଭାବରେ ସମ୍ମାନିତ କରାଯାଇଛି । ଅନ୍ୟପକ୍ଷରେ ISC ବାଙ୍ଗାଲୋର ଦ୍ୱିତୀୟ ସ୍ଥାନରେ ଏବଂ IIT&Nbsp; ବମ୍ବେ ତୃତୀୟ ସ୍ଥାନରେ ରହିଛି । ଶ୍ରେଷ୍ଠ ବିଶ୍ୱବିଦ୍ୟାଳୟ ବର୍ଗରେ IISC ବାଙ୍ଗାଲୋର ପ୍ରଥମ, JNU ଦ୍ୱିତୀୟ ଏବଂ BHU ତୃତୀୟ ସ୍ଥାନରେ ଅଛି । ଶୀର୍ଷ ଅନୁସନ୍ଧାନ ପ୍ରତିଷ୍ଠାନ ଗୁଡିକର ବର୍ଗ ମଧ୍ୟ ଚଳିତବର୍ଷ ରାଙ୍କିଙ୍ଗ୍ ଫ୍ରେମୱାର୍କ ଢାଞ୍ଚାରେ ଅନ୍ତର୍ଭୁକ୍ତ କରାଯାଇଛି । ଏହି ବର୍ଗରେ ଚଳିତ ବର୍ଷ IISC ବାଙ୍ଗାଲୋର ପ୍ରଥମ, IIT ମାଡ୍ରାସ ଦ୍ୱିତୀୟ ଏବଂ IIT ବମ୍ବେ ତୃତୀୟ ସ୍ଥାନରେ ରହିଛି । ସାମଗ୍ରିକ ବର୍ଗରେ ଦେଶର ଶ୍ରେଷ୍ଠ ୧୦ଟି ଅନୁଷ୍ଠାନ ମଧ୍ୟରେ ଆଇଆଇଟି ମାଡ୍ରାସ, IISc, ବାଙ୍ଗାଲୋର, ଆଇଆଇଟି ବମ୍ବେ, ଆଇଆଇଟି ଦିଲ୍ଲୀ, ଆଇଆଇଟି କାନପୁର, ଆଇଆଇଟି ଖରଗପୁର, ଏନଆଇଟି ରାଉରକେଲା, ଆଇଆଇଟି ଗୌହାଟି, ଜେଏନୟୁ, ଦିଲ୍ଲୀ, ରାଉରକେଲା ଓ BHU, ବାରଣାସୀ ରହିଛି ।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଉତ୍ତର ପ୍ରଦେଶ ପ୍ରଭାରୀ ଦାୟିତ୍ବ

୫ଟି ରାଜ୍ୟରେ ହେବାକୁ ଥିବା ୨୦୨୨ ବିଧାନସଭା ନିର୍ବାଚନ ପାଇଁ ନିର୍ବାଚନ ପ୍ରଭାରୀ ତାଲିକା ଘୋଷଣା କରିଛି ବିଜେପି। ଉତ୍ତର ପ୍ରଦେଶ, ପଞ୍ଜାବ, ଗୋଆ, ମଣିପୁର ଓ ଉତ୍ତାରଖଣ୍ଡରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ବୁଧବାର ଏହି ସବୁ ରାଜ୍ୟ ପାଇଁ ନିର୍ବାଚନ ପ୍ରଭାରୀ ନିଯୁକ୍ତ କରିଛି ବିଜେପି। ଆଉ ଏହି ପ୍ରଭାରୀ ତାଲିକାରେ ରହିଛି କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନାଁ।

ଜାତୀୟ ରାଜନୀତିରେ ଗୁରୁତ୍ୱ ବହନ କରୁଥିବା ଉତ୍ତର ପ୍ରଦେଶ ଭଳି ଗୁରୁତ୍ୱପୂର୍ଣ୍ଣ ରାଜ୍ୟର ଦାୟିତ୍ୱ ଧର୍ମେନ୍ଦ୍ରଙ୍କୁ ଦିଆଯାଇଛି। ଧର୍ମେନ୍ଦ୍ରଙ୍କୁ ସହୟତା କରିବା ପାଇଁ ୭ ଜଣ ସହ ପ୍ରଭାରୀଙ୍କ ନାମ ମଧ୍ୟ ଘୋଷଣା ହୋଇଛି। ଅନୁରାଗ ଠାକୁର, ବିବେକ ଠାକୁର, ଅର୍ଜୁନରାମ ମେଘୱାଲ, ସରୋଜ ପାଣ୍ଡେୟ, ଶୋଭା କରନ୍ଦଲାଜେ, କ୍ୟାପଟେନ ଅଭିମନ୍ୟୁ ଓ ଅନ୍ନପୂର୍ଣ୍ଣା ଦେବୀଙ୍କୁ ସହ ପ୍ରଭାରୀ ଭାବେ ନିଯୁକ୍ତି ଦିଆଯାଇଛି। ଏହାପୂର୍ବରୁ ବିହାରର ପ୍ରଭାରୀ ଦାୟିତ୍ୱ ତୁଲାଇଛନ୍ତି ଧର୍ମେନ୍ଦ୍ର। ବିହାରରେ ଦଳକୁ ସଫଳତା ମଧ୍ୟ ଭେଟି ଦେଇଛନ୍ତି ଧର୍ମେନ୍ଦ୍ର। ଏହାକୁ ଦୃଷ୍ଟିରେ ରଖି ଉତ୍ତରପ୍ରଦେଶ ଭଳି ଗୁରୁତ୍ୱପୂର୍ଣ୍ଣ ରାଜ୍ୟର ଦାୟିତ୍ୱ ଧର୍ମେନ୍ଦ୍ରଙ୍କୁ ଦିଆଯାଇଛି।

ପ୍ରମୋଦ ଭଗତଙ୍କୁ ଭେଟି ଶୁଭେଚ୍ଛା ଜଣାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଟୋକିଓରେ ପାରାଲିମ୍ପିକ୍ସ ବ୍ୟାଡ଼ମିଣ୍ଟନ୍ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ବିଜେତା ଓଡ଼ିଶାର ପ୍ରମୋଦ ଭଗତଙ୍କୁ ମଙ୍ଗଳବାର ନୂଆଦିଲ୍ଲୀ ସ୍ଥିତ ସରକାରୀ କାର୍ଯ୍ୟାଳୟରେ ଭେଟି ଅଭିନନ୍ଦନ ଜଣାଇଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏନେଇ ଧର୍ମେନ୍ଦ୍ର ପ୍ରଧାନ ଟ୍ୱିଟ୍ କରି କହିଛନ୍ତି ଯେ ଟୋକିଓରେ ପାରାଲିମ୍ପିକ୍ସରେ ଉଚ୍ଚକୋଟିର ଖେଳ ପ୍ରଦର୍ଶନ କରି ସ୍ୱର୍ଣ୍ଣ ପଦକ ହାସଲ କରିଥିବା ଓଡ଼ିଶାର ପ୍ରମୋଦ ଭଗତଙ୍କୁ ନିଜ କାର୍ଯ୍ୟାଳୟରେ ଭେଟି ଅଭିନନ୍ଦନ ଜଣାଇବା ସହ ଉଜ୍ଜ୍ୱଳ ଭବିଷ୍ୟତ କାମନା କଲି।

ଟୋକିଓରେ ପ୍ରମୋଦ ଭଗତଙ୍କ ସମେତ ଆମର ପାରା-ଅଲିମ୍ପିଆନଙ୍କ ପ୍ରଦର୍ଶନ ସମଗ୍ର ଦେଶକୁ ପ୍ରେରଣା ଦେଇଛି। ଏହି ସଫଳତା ଆମ ଦେଶ ବିଶେଷ ଭାବରେ ଓଡ଼ିଶାର ଯୁବପିଢ଼ିଙ୍କ ମଧ୍ୟରେ କ୍ରୀଡ଼ା ପ୍ରତି ଆଗ୍ରହ ସୃଷ୍ଟି କରିବ ବୋଲି କେନ୍ଦ୍ରମନ୍ତ୍ରୀ ଟ୍ୱିଟ୍ କରିଛନ୍ତି।

ପ୍ରଜନନ ବିଶେଷତା ରହିଥିବା ଓଡ଼ିଶାର ମଣ୍ଡା ମଇଁଷିକୁ ମିଳିଲା ଜାତୀୟ ମାନ୍ୟତା

ଓଡ଼ିଶାର ପୂର୍ବାଞ୍ଚଳ ଘାଟ ପର୍ବତମାଳାର ଭୌଗୋଳିକ ବିଭାଜନ ସ୍ଥିତି ତଥା କୋରାପୁଟ ଅଞ୍ଚଳ ମାଳଭୂମି ସ୍ଥିତି ଯୋଗୁ ମଣ୍ଡା ମଇଁଷି ଯାହାର ଏକ ସ୍ୱତନ୍ତ୍ର ବା ଅନନ୍ୟ ପ୍ରଜନନ ପ୍ରକ୍ରିୟା ରହିଆସିଛି। କେବଳ ଓଡ଼ିଶାରେ ହିଁ ସେମାନେ ଦେଖିବାକୁ ମିଳନ୍ତି ବା ମଣ୍ଡା ମଇଁଷି କେବଳ ଓଡ଼ିଶାରେ ହିଁ ଦେଖାଯାନ୍ତି। ପ୍ରାଣୀ ପ୍ରଜନନ ପଞ୍ଜୀକରଣରେ କୋରାପୁଟ ଜିଲ୍ଲା ମଣ୍ଡା ମଇଁଷିକୁ ଜାତୀୟ ମାନ୍ୟତା ମିଳିଛି। ନ୍ୟାସନାଲ ବ୍ୟୁରୋ ଅଫ୍ ଆନିମଲ ଜେନେଟିକ ରିସୋର୍ସ ପକ୍ଷରୁ ଏହି ପ୍ରଜାତିର ମହିଁଷିକୁ ଦେଶର ୧୯ତମ ସ୍ବତନ୍ତ୍ର ବ୍ରିଡ୍ ମାନ୍ୟତା ଦିଆଯାଇଛି। ଅଦ୍ୟାବଧି ଏହି ମଇଁଷିକୁ ସମଗ୍ର ଦେଶରେ ୧୯ ତମ ପ୍ରଜାତି ଭାବେ ଘୋଷଣା କରାଯାଇଛି। ମଣ୍ଡା ମଇଁଷି ଆକାରରେ ଛୋଟ ହେଲେ ମଧ୍ୟ ବେଶ୍ ହୃଷ୍ଟପୃଷ୍ଟ ଏବଂ ଉଭୟ ଅଣ୍ଡିରା ଏବଂ ମାଈ ମଇଁଷିକୁ କୋରାପୁଟ, ମାଲକାନଗିରି ଏବଂ ନବରଙ୍ଗପୁର ଜିଲ୍ଲାରେ ଚାଷ କାର୍ଯ୍ୟରେ ନିୟୋଜିତ କରାଯାଉଛି।

ଏହି ପ୍ରଜାତି ମଇଁଷିର ଧୂସର ପାଉଁଶିଆ ଓ ଧୂସର ରଙ୍ଗ ଦେହରେ ତମ୍ବାଳିଆ ରଙ୍ଗର ଲୋମ ଦେଖାଯାଏ। ଗୋଡ଼ର ତଳି ଭାଗରୁ ଗଣ୍ଡି ପର୍ଯ୍ୟନ୍ତ ଫିକାରଙ୍ଗ ଓ ଆଣ୍ଠୁ ପାଖରେ ତମ୍ବାଳିଆ ରଙ୍ଗର ଲୋମ ଦେଖାଯାଏ। ଏହି ପ୍ରଜାତିର କେତେକ ମଇଁଷିଙ୍କର ରୂପେଲି ଧଳା ରଙ୍ଗର ଦେହ ହୋଇଥାଏ।

ଜାତୀୟ ଶିକ୍ଷା ନୀତି ଦେଶର ଶିକ୍ଷା କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆଣିବ: ଧର୍ମେନ୍ଦ୍ର ପ୍ରଧାନ

ରାଷ୍ଟ୍ରୀୟ ଶିକ୍ଷା ନୀତି-୨୦୨୦ ଦେଶର ଶିକ୍ଷା କ୍ଷେତ୍ରରେ ଏକ ବୈପ୍ଳବିକ ପରିବର୍ତନ ଆଣିବ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭିଜନ ୨୦୪୭ ଆଧାରରେ ଆଗାମୀ ୨୫ ବର୍ଷ ପାଇଁ ମାର୍ଗ ପ୍ରସ୍ତୁତ କରିବ ବୋଲି ଗୁରୁ ଦିବସ ଅବସରରେ ଅଖିଳ ଭାରତୀୟ ବୈଷୟିକ ଶିକ୍ଷା ପରିଷଦ(ଏଆଇସିଟିଇ)ର ବିଭିନ୍ନ ପୁରସ୍କାର ସମାରୋହରେ ଯୋଗଦେଇ କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଇଞ୍ଜିନିୟରିଂ ଏବଂ ଟେକ୍ନୋଲୋଜିରେ ୧୭ ଜଣ ଅଧ୍ୟାପକଙ୍କୁ ଏଆଇସିଟିଇର ବିଶ୍ୱେଶ୍ୱରାୟା ଶ୍ରେଷ୍ଠ ଶିକ୍ଷକ ପୁରସ୍କାର, ମ୍ୟାନେଜମେଂଟ୍ ଶିକ୍ଷା ପାଇଁ ୩ ଜଣ ଅଧ୍ୟାପକଙ୍କୁ ଡ଼ା ପ୍ରୀତମ ସିଂହ ଶ୍ରେଷ୍ଠ ଶିକ୍ଷକ ପୁରସ୍କାର ପ୍ରଦାନ କରିଛନ୍ତି । ଏହା ସହ ଶ୍ରୀ ପ୍ରଧାନ ବିଜେତାଙ୍କୁ ଛାତ୍ର ବିଶ୍ୱକର୍ମା ପୁରସ୍କାର, ସ୍ୱଚ୍ଛ ଏବଂ ସ୍ମାର୍ଟ କ୍ୟାମ୍ପସ ପୁରସ୍କାର-୨୦୨୦ରେ ମଧ୍ୟ ସମ୍ମାନିତ କରିଛନ୍ତି । ସେ କହିଛନ୍ତି ଯେ ଏହି ପୁରସ୍କାର ଶିକ୍ଷକ ଓ ଛାତ୍ରଛାତ୍ରୀମାନଙ୍କ ମନୋବଳକୁ ଦୃଢ଼ କରିବା ସହ ନବସୃଜନକୁ ପ୍ରୋତ୍ସାହନ ଦେବା ପାଇଁ ପ୍ରେରଣା ଦେବ ଏବଂ ଭାରତକୁ ଜ୍ଞାନର ମହାଶକ୍ତି ଭାବରେ ପରିଣତ କରିବ ।

Gold Medallist Pramod Bhagat Once Had No Money To Buy Racket

Odisha’s World No.1 para shuttler Pramod Bhagat, who won a gold medal in the Tokyo Paralympics in SL3 category, did not have enough money to buy even a badminton racket in early stages of his career.
He used to beat any person in the city during his childhood. When he was just five years old, he became a polio victim, said Rama Bhagat, the father of Pramod Bhagat.

Initially we did not have money to buy a badminton racket for him. Then his uncle and aunt managed to buy a racket for him and he started training for the game, he added.

ସ୍ୱର୍ଣ୍ଣ ପଦକ ବିଜେତା ପ୍ରମୋଦ ଭଗତ ଙ୍କୁ ଶୁଭେଚ୍ଛା ଜଣାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଟୋକିଓ ପାରା ଅଲିମ୍ପିକ୍ସ ବ୍ୟାଡମିଣ୍ଟନରେ ଓଡ଼ିଆ ପୁଅ ପ୍ରମୋଦ ଭଗତ ସ୍ବର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଛିନ୍ତି। ଏହାପରେ ପ୍ରମୋଦ ଭଗତଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇବା ସହ ଭିଡିଓ କଲ୍ ମାଧ୍ୟମରେ କଥା ହୋଇଛନ୍ତି। ତୁମ ସଫଳତା ସାରା ଦେଶ ତଥା ଓଡ଼ିଶାକୁ ଗୌରବାନ୍ବିତ କରିଛି। ଆଗାମୀ ଦିନରେ ତୁମର ଆହୁରି ଉଜ୍ଜ୍ଵଳ ଭବିଷ୍ୟତ କାମନା କରୁଛି ବୋଲି ମୁଖ୍ୟମନ୍ତ୍ରୀ କହିଛନ୍ତି। ଏଥିସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଶୁଭେଚ୍ଛା ଜଣାଇଛନ୍ତି।

ପାରାଅଲମ୍ପିକରେ ସ୍ୱର୍ଣ୍ଣ ଜିତିଲେ ଓଡ଼ିଆ ପୁଅ ପ୍ରମୋଦ ଭଗତ

ପାରା ଅଲିମ୍ପିକ୍ସରେ ଇତିହାସ ରଚିଲେ ଓଡିଆ ପୁଅ ପ୍ରମୋଦ ଭଗତ। ବ୍ୟାଡମିଣ୍ଟନ ଏକକ ବର୍ଗ ଏସଏଲ ୩ରେ ଭଗତ ଚାମ୍ପିଅନ ହୋଇ ସ୍ଵର୍ଣ୍ଣ ପଦକ ଜିତିଛନ୍ତି। ଏଥିସହ ଭାରତ ପାରା ଅଲିମ୍ପିକ୍ସରେ ଏ ପର୍ଯ୍ୟନ୍ତ ଚତୁର୍ଥ ଗୋଲ୍ଡ ଜିତିବାରେ ସଫଳ ହୋଇଛି। ଏହା ପୂର୍ବରୁ ପ୍ରମୋଦ ସେମି ଫାଇନାଲରେ ଜାପାନର ଦାଇସୁକେ ଫୁଜିହାରାଙ୍କୁ ୨-୦ରେ ହରାଇ ଫାଇନାଲରେ ପ୍ରବେଶ କରିଥିଲେ।

ଫାଇନାଲ ମୁକାବିଲାରେ ୩୩ ବର୍ଷୀୟ ପ୍ରମୋଦ ଗ୍ରେଟ୍ ବ୍ରିଟେନ୍ ଖେଳାଳି ଡାନିଏଲ ବେଠଲଙ୍କୁ ୨-୦ରେ ହରାଇ ସ୍ଵର୍ଣ୍ଣ ପଦକ ହାତେଇଛନ୍ତି। ପ୍ରମାେଦ ପ୍ରତିପକ୍ଷ ଖେଳାଳିଙ୍କୁ ୨୧-୧୪, ୨୧-୧୭ ସିଧାସଳଖ ସେଟରେ ହରାଇ ଇତିହାସ ରଚିଛନ୍ତି। ପ୍ରଥମ ସେଟକୁ ସହଜରେ ଜିତିଥିବା ପ୍ରମୋଦ ଦ୍ଵିତୀୟ ସେଟ୍ ଆରମ୍ଭରୁ ସେତେଟା ପ୍ରଭାବୀ ପ୍ରଦର୍ଶନ କରି ପାରିନଥିଲେ। ତାଙ୍କ ଉପରେ ଗ୍ରେଟ୍ ବ୍ରିଟେନ୍ ଖେଳାଳି ଭାରି ପଡ଼ିଥିଲେ। ହେଲେ ପ୍ରମୋଦ କମବ୍ୟାକ୍ କରିଥିଲେ। ଆଉ ବାଜି ପଲଟାଇ ସଂଘର୍ଷପୂର୍ଣ୍ଣ ଦ୍ଵିତୀୟ ସେଟରେ ଡାନିଏଲଙ୍କୁ ୨୧-୧୭ରେ ହରାଇ ଇତିହାସ ରଚିଥିଲେ।

ମିଶନ ମୋଡ୍‌ରେ ପୂରଣ ହେବ ଖାଲି ପଡ଼ିଥିବା ପଦବୀ: ଧର୍ମେନ୍ଦ୍ର ପ୍ରଧାନ

ଭାରତ ସରକାରଙ୍କ ଶିକ୍ଷା ମନ୍ତ୍ରଣାଳୟ ଅନ୍ତର୍ଗତ ୪୬ଟି କେନ୍ଦ୍ରୀୟ ବିଶ୍ୱବିଦ୍ୟାଳୟରେ ଖାଲି ପଡ଼ିଥିବା ୬ ହଜାର ପଦବୀକୁ ଅକ୍ଟୋବର ଶେଷ ସୁଦ୍ଧା ପୂରଣ କରିବା ପାଇଁ ମିଶନ ମୋଡରେ କାର୍ଯ୍ୟ କରିବାକୁ ବିଶ୍ୱବିଦ୍ୟାଳୟର କୁଳପତି ମାନଙ୍କୁ ଆହ୍ୱାନ କରିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେହିପରି ଅନ୍ୟ ଏକ ପୃଥକ ବୈଠକରେ ସମସ୍ତ ୨୩ଟି ଆଇଆଇଟି ଗବେଷଣା ଏବଂ ବିକାଶ ମେଳା ନଭେମ୍ବରରେ ଅନୁଷ୍ଠିତ ହେବା ନେଇ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି।

ଗୁରୁ ଦିବସର ଅବ୍ୟବହିତ ପୂର୍ବରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁକ୍ରବାର ଶିକ୍ଷା ମନ୍ତ୍ରଣାଳୟ ଅଧୀନରେ ଥିବା ୪୫ଟି କେନ୍ଦ୍ରୀୟ ବିଶ୍ୱବିଦ୍ୟାଳୟର କୁଳପତି ଏବଂ ଭାରତୀୟ ପ୍ରଯୁକ୍ତିବିଦ୍ୟା ସଂସ୍ଥା(ଆଇଆଇଟି)ର ନଭେମ୍ବର ମାସରେ ହେବାକୁ ଥିବା ଗବେଷଣା ଏବଂ ବିକାଶ ମେଳାର ଆୟୋଜନ ପାଇଁ ଗଠିତ ଆଇଆଇଟି ସଞ୍ଚାଳନ ସମିତି ସହ ଅନୁଷ୍ଠିତ ପୃଥକ୍ ପୃଥକ୍ ବୈଠକରେ ଆଲୋଚନା କରିଛନ୍ତି। କେନ୍ଦ୍ରୀୟ ବିଶ୍ୱବିଦ୍ୟାଳୟର କୁଳପତିଙ୍କ ସହ ଆଲୋଚନା କରିବା କାଳରେ ଧର୍ମେନ୍ଦ୍ର ପ୍ରଧାନ କେନ୍ଦ୍ରୀୟ ବିଶ୍ୱବିଦ୍ୟାଳୟରେ ଖାଲି ପଡ଼ିଥିବା ୬ ହଜାର ପଦବୀକୁ ଅକ୍ଟୋବର ସୁଦ୍ଧା ପୂରଣ କରିବା ତଥା ପଦବୀରେ ଏସସି, ଏସଟି, ଓବିସି, ଆର୍ଥିକ ଅନଗ୍ରସର, ଦିବ୍ୟାଙ୍ଗ ଲୋକଙ୍କୁ ପ୍ରାଧାନ୍ୟ ଦେବା ଉପରେ ଗୁରୁତ୍ୱାରୋପ କରିଛନ୍ତି।

ଫିଟ୍ ଇଣ୍ଡିଆ କୁଇଜ୍‌ ର ଶୁଭାରମ୍ଭ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ସମାଜରେ ସକରାତ୍ମକ ଭାବନା ଆଣିବା ପାଇଁ ଆମକୁ ଫିଟ୍ ରହିବା ଆବଶ୍ୟକ। ଏହାକୁ ଦୃଷ୍ଟିରେ ରଖି ଦେଶର ସମସ୍ତ ସ୍କୁଲ୍ ଛାତ୍ରଛାତ୍ରୀଙ୍କୁ ଶିକ୍ଷା ସହ ଫିଟ୍ ରଖିବା ପାଇଁ ସବୁପ୍ରକାର ସୁବିଧା ଯୋଗାଇ ଦିଆଯିବ ବୋଲି ବୁଧବାର କେନ୍ଦ୍ର କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ଅନୁରାଗ ଠାକୁରଙ୍କ ସହ ପ୍ରଥମ ଥର ପାଇଁ ଦେଶବ୍ୟାପୀ ଫିଟ୍ ଇଣ୍ଡିଆ କୁଇଜର ଶୁଭାରମ୍ଭ କରିବା ଅବସରରେ କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

କ୍ରୀଡ଼ାର ପ୍ରୋତ୍ସାହନ ଏବଂ ଲୋକପ୍ରିୟ କରିବା ପାଇଁ ପ୍ରଧାନମନ୍ତ୍ରୀଙ୍କ ଥିବା ଦୂରଦୃଷ୍ଟି ଆଧାରରେ ଧର୍ମେନ୍ଦ୍ର ପ୍ରଧାନ ସ୍କୁଲ୍ ପ୍ରିନ୍ସିପାଲ ଏବଂ ଛାତ୍ରଛାତ୍ରୀଙ୍କୁ ଏହି ଫିଟ୍ ଇଣ୍ଡିଆ କୁଇଜରେ ପଞ୍ଜିକରଣ କରି ଅଂଶଗ୍ରହଣ କରି ଏକ ସୁସ୍ଥ ଭାରତ ପାଇଁ ଫିଟ୍ ଇଣ୍ଡିଆ ମିଶନରେ ସାମିଲ ହେବା ପାଇଁ ଧର୍ମେନ୍ଦ୍ର ପ୍ରୋତ୍ସାହିତ କରିଛନ୍ତି। କ୍ରୀଡ଼ା, ଶିକ୍ଷା ଏବଂ କ୍ରୀଡ଼ା ପରମ୍ପରାକୁ ପ୍ରୋତ୍ସାହନ ଦେବା ଲକ୍ଷ୍ୟରେ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମରେ ଧର୍ମେନ୍ଦ୍ର କହିଛନ୍ତି ଯେ ଭାରତ ସ୍ୱାଧୀନତା ପ୍ରାପ୍ତିର ୭୫ ବର୍ଷ ଯାତ୍ରାରେ ଆମର ଖେଳାଳୀମାନେ ଆମ ଦେଶ ପାଇଁ ଗୋରବ ଆଣନ୍ତୁ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲାଲକିଲ୍ଲାରୁ କହିଛନ୍ତି।

ନୂଆଁଖାଇ ପାଇଁ ଧାର୍ଯ୍ୟ ହେଲା ଲଗ୍ନ

ଦୁଲୁକି ଉଠିବ ପଶ୍ଚିମ ଓଡ଼ିଶା। ଏକାଠି ହେବେ ପରିବାର ସ୍ବଜନ। କାରଣ ଆଗକୁ ଆସୁଛି ଗଣପର୍ବ ନୂଆଁଖାଇ। ନୂଆଖାଇଁ ପାଇଁ ଆଜି ଧାର୍ଯ୍ୟ ହୋଇଛି ଲଗ୍ନ। ବ୍ରହ୍ମପୁରା ମନ୍ଦିରରେ ପଣ୍ଡିତ ମହାସଭା ଦ୍ଵାରା ଲଗ୍ନ ନିର୍ଦ୍ଧାରଣ ହୋଇଛି। ଆସନ୍ତା ସେପ୍ଟେମ୍ବର ୧୧ ତାରିଖ ଭାଦ୍ରବ ଶୁକ୍ଳପକ୍ଷ ପଞ୍ଚୀମୀ ତିଥିରେ ପୂର୍ବାହ୍ନ ୧୦ଟା ୧୫ ମିନିଟରୁ ୧୦ଟା ୨୫ ମିନିଟ୍ ମଧ୍ୟରେ ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା ସମଲେଇଙ୍କଠାରେ ନବାନ୍ନ ଲାଗି ହେବ। ମା ସମଲେଶ୍ବରୀଙ୍କ ରାଶି ନକ୍ଷତ୍ର ଅନୁଯାୟୀ ଏଠାରେ ଭାଦ୍ରବ ଶୁକ୍ଳପକ୍ଷ ପଞ୍ଚମୀ ତିଥି ତୁଳାଲଗ୍ନ ମା ଙ୍କ ନିକଟରେ ନବାନ୍ନ ଲାଗି ହେବା ପାଇଁ ବ୍ରହ୍ମ ମଣ୍ଡପ ପଣ୍ଡିତ ମହାସଭା ସଦସ୍ୟଗଣ, ବିଦ୍ବାନ ଓ ଜ୍ୟୋତିର୍ବିଦମାନଙ୍କ ଉପସ୍ଥିତିରେ ଲଗ୍ନ ସ୍ଥିର ହୋଇଥିଲା।

ପରମ୍ପରା ଅନୁଯାୟୀ, ଜନ୍ମାଷ୍ଟମୀ ପରଦିନ ଅର୍ଥାତ୍ ନନ୍ଦୋତ୍ସଵ ଦିନ ଏଠାରେ ନୂଆଁଖାଇ ଲଗ୍ନ ଧାର୍ଯ୍ୟ ହୋଇଥାଏ। ପଶ୍ଚିମ ଓଡ଼ିଶାର ଗଣପର୍ବ ପୁରାତନ ଶ୍ରୀ ଶ୍ରୀ ବ୍ରହ୍ମପୁରା ମନ୍ଦିରରେ ଲଗ୍ନ ନିର୍ଦ୍ଧାରଣ ହୋଇଥାଏ। ମନ୍ଦିର ଟ୍ରଷ୍ଟ ପକ୍ଷରୁ ଆହୁତ ବୈଠକରେ ପଣ୍ଡିତ ଓ ବିଦ୍ୱାନମାନେ ଯୋଗ ଦେଇ ଲଗ୍ନ ନିର୍ଦ୍ଧାରଣ କରିଥାନ୍ତି।

ଅନନ୍ତ ମହାପାତ୍ର ଓ ପଦ୍ମଶ୍ରୀ କୁମକୁମ ମହାନ୍ତିଙ୍କୁ କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ

ଓଡ଼ିଶା ସଙ୍ଗୀତ ନାଟକ ଏକାଡେମୀ ପକ୍ଷରୁ ପୁରସ୍କୃତ ହେଲେ ୩୪ ପ୍ରତିଭା । ଏହି କାର୍ଯ୍ୟକ୍ରମରେ ୨୦୧୯-୨୦ ଓ ୨୦୨୦-୨୧ ବର୍ଷ ପାଇଁ କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ ଓ ଏକାଡେମୀ ପୁରସ୍କାର ପ୍ରଦାନ କରାଯାଇଥିଲା। ୨୦୧୯-୨୦ ବର୍ଷ ପାଇଁ ପ୍ରଖ୍ୟାତ ନାଟ୍ୟକାର ଅନନ୍ତ ମହାପାତ୍ର ଏବଂ ୨୦୨୦-୨୧ ବର୍ଷ ପାଇଁ ପ୍ରଖ୍ୟାତ ଓଡ଼ିଶୀ ନୃତ୍ୟଶିଳ୍ପୀ ପଦ୍ମଶ୍ରୀ କୁମକୁମ ମହାନ୍ତିଙ୍କୁ ଓଡ଼ିଶା ସଙ୍ଗୀତ ନାଟକ ଏକାଡେମୀର ସର୍ବୋଚ୍ଚ ସମ୍ମାନ କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନରେ ସମ୍ମାନିତ କରାଯାଇଥିଲା। ଅତିଥିମାନେ ପୁରସ୍କାର ବାବଦକୁ ଉଭୟଙ୍କୁ ୫ ଲକ୍ଷ ଟଙ୍କାର ଅର୍ଥରାଶି ସହ ମାନପତ୍ର ଓ ଉପଢୌକନ ପ୍ରଦାନ କରିଥିଲେ। ଏଥିସହ ପ୍ରଥମ ଥର ପାଇଁ ହିନ୍ଦୁସ୍ଥାନୀ କଣ୍ଠ ସଙ୍ଗୀତ ସମ୍ମାନର ନାମ ପରିବର୍ତ୍ତନ କରି ପ୍ରଖ୍ୟାତ ଶାସ୍ତ୍ରୀୟ କଣ୍ଠଶିଳ୍ପୀ ସୁନନ୍ଦା ପଟ୍ଟନାୟକଙ୍କ ସ୍ମୃତିରେ ସୁନନ୍ଦା ସମ୍ମାନ ପ୍ରଦାନ କରାଯାଇଥିଲା। ୨୦୧୯-୨୦ ବର୍ଷ ପାଇଁ କଣ୍ଠଶିଳ୍ପୀ ରଘୁନାଥ ମହାପାତ୍ର (ଭୁବନେଶ୍ବର)ଙ୍କୁ ୨.୫ ଲକ୍ଷ ଟଙ୍କା ଅର୍ଥରାଶି, ମାନପତ୍ର ଓ ଉପଢୌକନ ସହ ଏହି ସମ୍ମାନ ପ୍ରଦାନ କରାଯାଇଥିଲା। । ୨୦୨୦-୨୧ ବର୍ଷ ପାଇଁ କଣ୍ଠଶିଳ୍ପୀ ବନ୍ଦିତା ରାୟ ସୁନନ୍ଦା ସମ୍ମାନରେ ସମ୍ମାନିତ ହୋଇଥିବାବେଳେ ଅଲେଖ ପଢ଼ିଆରୀ ସାରଦା ପ୍ରସନ୍ନ ସମ୍ମାନ ଗ୍ରହଣ କରିଥିଲେ।

କ୍ରୀଡା ଏବଂ ସାହସିକତା ପାଇଁ ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର ପ୍ରଦାନ

ଟୋକିଓ ଅଲିମ୍ପିକ୍ସରେ ସଫଳତାର ସହ ମୁକାବିଲା କରିଥିବା ଭାରତୀୟ ହକି ଡିଫେଣ୍ଡର ଅମିତ ରୋହିଦାସଙ୍କୁ କ୍ରୀଡ଼ା ଏବଂ ଯୁବ ସେବା ମନ୍ତ୍ରୀ ତୁଷାରକାନ୍ତି ବେହେରା ଖେଳରେ ଉଲ୍ଲେଖନୀୟ ପ୍ରଦର୍ଶନ ପାଇଁ ବିଜୁ ପଟ୍ଟନାୟକ ପୁରସ୍କାରରେ ସମ୍ମାନିତ କରିଛନ୍ତି। ଅମିତଙ୍କୁ ୨ ଲକ୍ଷ ଟଙ୍କା ଏବଂ ପ୍ରଶସ୍ତି ପତ୍ର ପ୍ରଦାନ କରାଯାଇଛି।

ଓଡିଶାର ଭେଟେରାନ୍ ହକି ପ୍ରଶିକ୍ଷକ କାଳୁ ଚରଣ ଚୌଧୁରୀଙ୍କୁ ତାଙ୍କ ଜୀବନବ୍ୟାପି ସାଧନା ପାଇଁ ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର ଦିଆଯାଇଛି ଓ ତାଙ୍କୁ ଏ ବାବଦକୁ ୩ ଲକ୍ଷ ଟଙ୍କା ଏବଂ ପ୍ରଶସ୍ତି ପତ୍ର ଦିଆଯାଇଛି। ପ୍ରଶିକ୍ଷଣରେ ଉତ୍କର୍ଷତା ପାଇଁ ବ୍ୟାଡମିଣ୍ଟନ୍ କୋଚ୍ ଶିବ ପ୍ରସାଦ ଦାସଙ୍କୁ ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାରରେ ସମ୍ମାନିତ କରାଯାଇଛି। ତାଙ୍କୁ ୧ ଲକ୍ଷ ଟଙ୍କା ଏବଂ ପ୍ରଶସ୍ତି ପତ୍ର ପ୍ରଦାନ କରାଯାଇଛି। ଅନ୍ୟପକ୍ଷରେ ପୁଲିସ ଏଏସଆଇ ତ୍ରୈଲୋକ୍ୟନାଥ ପରିଡା ଚଳିତ ବର୍ଷର ବିଜୁ ପଟ୍ଟନାୟକ ସାହସିକତା ପୁରସ୍କାର ପାଇଛନ୍ତି। ତାଙ୍କୁ ୧ ଲକ୍ଷ ଟଙ୍କା ନଗଦ ପୁରସ୍କାର, ରୌପ୍ୟ ପଦକ ଏବଂ ପ୍ରଶସ୍ତି ପତ୍ର ପ୍ରଦାନ କରାଯାଇଛି।

ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟର ୧୩ତମ ପ୍ରତିଷ୍ଠା ଦିବସ ସମାରୋହରେ କେନ୍ଦ୍ର ଶିକ୍ଷା ମନ୍ତ୍ରୀ

କୋରାପୁଟ ଭଳି ଆକାଂକ୍ଷୀ ଜିଲ୍ଲାରେ ପ୍ରତିଷ୍ଠିତ ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟ କେବିକେ ଅଞ୍ଚଳ ତଥା ଆକାଂକ୍ଷୀ ଜିଲ୍ଲା ଭାବରେ ପରିଗଣିତ କଳାହାଣ୍ଡି, ବଲାଙ୍ଗିର ଏବଂ କୋରାପୁଟ ସମେତ ଦେଶର ଶିକ୍ଷା ଆକାଂକ୍ଷାକୁ ପୂରଣ କରୁଛି ବୋଲି କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟର ୧୩ତମ ପ୍ରତିଷ୍ଠା ଦିବସ ସମାରୋହରେ ଭିଡ଼ିଓ କନଫରେନ୍ସିଂ ମାଧ୍ୟମରେ ଯୋଡ଼ି ହୋଇ ଧର୍ମେନ୍ଦ୍ର କହିଛନ୍ତି ଯେ, ବିବିଧ ସଂସ୍କୃତିରେ ଭରପୁର କୋରାପୁଟ ବିକାଶର ପ୍ରୟୋଗଶାଳା। ବିଶ୍ୱବିଦ୍ୟାଳୟର ସାର୍ଥକତା ସେବେ ପୂରଣ ହେବ, ଯେବେ ବିଶ୍ୱବିଦ୍ୟାଳୟ ଅବିଭକ୍ତ କୋରାପୁଟ ଅଞ୍ଚଳର ଆଦିବାସୀ ସଂସ୍କୃତି ଏବଂ ଗରିବ ଲୋକମାନଙ୍କର ଜୀବନଧାରଣ ପଦ୍ଧତି ଓ ସାମଗ୍ରିକ ବିକାଶ କରିବାରେ ଶିକ୍ଷାର ମନ୍ଦିର ହେବ। ବିଶ୍ୱବିଦ୍ୟାଳୟର ଭୂମିକା କେବଳ ଶିକ୍ଷାଦାନରେ ସୀମିତ ନୁହେଁ, ବରଂ ଦେଶର ଯୁବପିଢ଼ିଙ୍କ ସର୍ବାଙ୍ଗୀନ ବିକାଶରେ ଏକ ଅତୁଳନୀୟ ଭୂମିକା ନିର୍ବାହ କରେ। ଯୁବପିଢ଼ିଙ୍କ ଆକାଂକ୍ଷାକୁ ପୂରଣ କରିବା ପାଇଁ ପ୍ରୋତ୍ସାହନ ଦେବା ସହ ବୌଦ୍ଧିକ ଶକ୍ତିକୁ ଉଜ୍ଜିବୀତ କରେ। ଯୁବପିଢ଼ିଙ୍କ ଚରିତ୍ର ନିର୍ମାଣରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ।

କମନ୍ ୟୁଜର୍ସ୍ ଫାସିଲିଟି ଅଏଲ ଡିପୋର ଭୂମି ପୂଜନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଆଜି ଢେଙ୍କାନାଳ ଜିଲ୍ଲାର ସଦାଶିବପୁର ଠାରେ କମନ୍ ୟୁଜର୍ ଫାସିଲିଟିର ଭୂମି ପୂଜନ କରିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଭିଡ଼ିଓ କନଫରେନ୍ସିଂ ମାଧ୍ୟରେ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ଗ୍ୟାସ ମନ୍ତ୍ରୀ ହରଦୀପ ସିଂହ ପୁରୀ । ଏତଦ୍ ବ୍ୟତୀତ ଏହି କାର୍ଯ୍ୟକ୍ରମରେ କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ଗ୍ୟାସ ରାଷ୍ଟ୍ର ମନ୍ତ୍ରୀ ରାମେଶ୍ଵର ତେଲି, ସ୍ଥାନୀୟ ଢେଙ୍କାନଳ ସାଂସଦ ମହେଶ ସାହୁ, ହିନ୍ଦୋଳ ବିଧାୟିକା ସିମାରାଣୀ ନାୟକ, ଓଡ଼ପଡା ବ୍ଲକ ଅଧକ୍ଷା ସସ୍ମିତା ମହାନ୍ତିଙ୍କ ସମେତ ବିପିସିଏଲର ପଦାଧିକାରୀ ପ୍ରମୁଖ ଯୋଗଦେଇଥିଲେ ।

ସଦାଶିବପୁର ଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପୂର୍ବୋଦୟ କଳ୍ପନାରେ ୪୨,୦୦୦ କିଲୋ ଲିଟର ଷ୍ଟୋରେଜ୍ କ୍ଷମତା ବିଶିଷ୍ଟ ସମ୍ପୂର୍ଣ୍ଣ ସ୍ୱୟଂଚାଳିତ ତୈଳ ଡିପୋ ନିର୍ମାଣ ପାଇଁ ଏହି ଭୂମି ପୂଜନ ହୋଇଛି।ଏମଏସ, ଏଚଏସଡି, ଇଥାନଲ ଏବଂ ବାୟୋ-ଡିଜେଲକୁ ଏହି ତୈଳ ଡ଼ିପୋରେ ସଂରକ୍ଷିତ ରଖାଯିବ । ୫୦ ଏକର ଜମିରେ ନିର୍ମାଣ ହେବାକୁ ଥିବା ଏହି ପ୍ରକଳ୍ପରେ ୩୯୫ କୋଟି ପୁଞ୍ଜିନିବେଶ କରିବ ଇଣ୍ଡିଆନ ଅଏଲ, ବିପିସିଏଲ ଏବଂ ଏଚପିସିଏଲ । ୨୦୨୩ ଅଗଷ୍ଟ ଶେଷ ଆଡ଼କୁ ପ୍ରକଳ୍ପର କାମ ଶେଷ କରାଯିବାର ଲକ୍ଷ୍ୟ ରହିଛି।

ଉଚ୍ଚଶିକ୍ଷା ବ୍ୟବସ୍ଥାକୁ ଆଗକୁ ନେବାରେ ଉତ୍କଳ ବିଶ୍ୱବିଦ୍ୟାଳୟର ଭୂମିକା ଅତୁଳନୀୟ: ଧର୍ମେନ୍ଦ୍ର

ରାଜ୍ୟରେ ଉଚ୍ଚଶିକ୍ଷା ବ୍ୟବସ୍ଥାକୁ ଆଗକୁ ନେବାରେ ଉତ୍କଳ ବିଶ୍ୱବିଦ୍ୟାଳୟର ଭୂମିକା ଅତୁଳନୀୟ। ଓଡ଼ିଶାର ସାମାଜିକ ଜୀବନର ପ୍ରତ୍ୟେକ କ୍ଷେତ୍ରରେ ଅନ୍ତରାଷ୍ଟ୍ରୀୟ ସ୍ତରରୁ ରାଜ୍ୟସ୍ତର ପର୍ଯ୍ୟନ୍ତ ଅନେକ ବ୍ୟକ୍ତିତ୍ବଙ୍କର ଲମ୍ବା ତାଲିକାର ଆଦିଭୂମି ଉତ୍କଳ ବିଶ୍ୱବିଦ୍ୟାଳୟ ବୋଲି କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ନୂଆଦିଲ୍ଲୀରୁ ଭିଡ଼ିଓ କନଫରେନ୍ସିଂ ମାଧ୍ୟମରେ ଉତ୍କଳ ବିଶ୍ୱବିଦ୍ୟାଳୟର ଆଲୁମିନି ସଂଘର ବାର୍ଷିକ ଉତ୍ସବରେ ଯୋଗଦେଇ ଧର୍ମେନ୍ଦ୍ର କହିଛନ୍ତି, ସରକାରଙ୍କ ଦାୟିତ୍ୱ ବ୍ୟତିତ ଆମେ ପୁରାତନ ଛାତ୍ରଛାତ୍ରୀମାନେ ବିଶ୍ୱବିଦ୍ୟାଳୟକୁ ନୂଆ ରୂପ ଦେବା ପାଇଁ ସାମୂହିକ ପ୍ରଚେଷ୍ଟା କରିବା ଦରକାର। ବିଶ୍ୱବିଦ୍ୟାଳୟର ଭିତ୍ତିଭୂମିକୁ ଅଧିକ ସୁଦୃଢ଼ କରିବା ପାଇଁ ଆଲୁମିନା କେବଳ ଆର୍ଥିକ ଯୋଗଦାନ ଦେଲେ ହେବ ନାହିଁ ବରଂ ନୂଆ ଚିନ୍ତାଧାରା, ନବସୃଜନର ଯୋଗଦାନ ରଖିବା ମଧ୍ୟ ଜରୁରୀ। ଏକବିଂଶ ଶତାବ୍ଦୀରେ ଓଡ଼ିଶାକୁ ଆଗକୁ ନେବାକୁ ହେଲେ ବିଶ୍ୱବିଦ୍ୟାଳୟକୁ ଆଗକୁ ନେବା ପାଇଁ ପଡ଼ିବ ବୋଲି ଧର୍ମେନ୍ଦ୍ର କହଛନ୍ତି।

Dr. Basant Kumar Misra: Born in Odisha, Shining bright in the World

Another Feather Has Been Added To OdishaS Cap As Renowned Neurosurgeon Dr. Basant Kumar Misra Became The First Indian To Be Conferred The International Lifetime Achievement Award In NeurosurgeryBy The AANS. He Has Also Been The Recipient Of The Highest Medical Award In India. Among Various Exceptional Contributions To The Medical Community, He Is Also The First Neurosurgeon In The World To Perform Computer-Guided Aneurysm Surgery. Dr. Misra Is The Chief Of Surgery, Head Of Department (Neurosurgery) And Gamma Knife Radiosurgery, PD At Hinduja Hospital And Medical Research Centre In Mumbai.

୨୦୨୨ରେ ଏକାସଙ୍ଗେ ବାଘ ଓ ହାତୀ ଗଣନା

୨୦୨୨ରେ ଏକା ସଙ୍ଗେ ହେବ ବାଘ ଓ ହାତୀ ଗଣନା। କେନ୍ଦ୍ର ସରକାର ଏହି ନୂଆ ପ୍ରସ୍ତାବ ଦେଇଛନ୍ତି ବୋଲି ପିସିସିଏଫ୍ ଶଶୀ ପଲ ସୂଚନା ଦେଇଛନ୍ତି। ହେଲେ ଏଯାଏ ଏକାଠି ଗଣନାର ପଦ୍ଧତି ବାହାରି ପାରିନାହିଁ। କେଉଁ ପଦ୍ଧତିରେ ହେବ, ତାକୁ ଅପେକ୍ଷା କରାଯାଇଛି। ତେବେ ପୂର୍ବରୁ ବାଘ ଓ ହାତୀ ଗଣନା ଅଲଗା ଅଲଗା ହେଉଥିଲା। ୨୦୧୭ ଗଣନା ଅନୁସାରେ, ରାଜ୍ୟରେ ୧୯୭୬ ହାତୀ ଥିଲେ। ସେହିପରି ୨୦୧୮ ଗଣନାରେ ବାଘ ସଂଖ୍ୟା ୩୨ରୁ ୨୮କୁ ଖସିଥିଲା।

ପୂର୍ବରୁ ମେ ମାସ ଖରାଦିନରେ ହାତୀ ଗଣନା ହୋଇଆସୁଛି। କାରଣ ଖରାରେ ପାଣି ସନ୍ଧାନରେ ଗୋଟାଏ ସ୍ଥାନରେ ଏକାଠି ହୁଅନ୍ତି ହାତୀ ପଲ। ପୂର୍ବରୁ ନିୟୋଜିତ ବନ କର୍ମଚାରୀ, ସେମାନଙ୍କ ଗଣନା କରନ୍ତି। ଅନ୍ୟପଟେ ଥଣ୍ଡାରେ ଘଞ୍ଚ ବଣରେ ଅଧିକ ବାଟ ବୁଲେ ନାହିଁ ବାଘ। ପାଦ ଚିହ୍ନ ଓ କ୍ୟାମେରା ଟ୍ରାପିଂରେ ବାଘ ଗଣନା ହୁଏ। ହେଲେ ଥଣ୍ଡା ଦିନରେ ପାଣିର ଅଭାବ ନ ଥିବାରୁ ହାତୀ ଗୋଟାଏ ସ୍ଥାନରେ ଏକାଠି ହେବା କଷ୍ଟକର। ଯେଉଁଥି ପାଇଁ ଗଣନାରେ ସମସ୍ୟା ଉପୁଜିପାରେ। ଜଙ୍ଗଲ ଭିତରେ ବୁଲୁଥିବା ସ୍ଥାନ ବାଘ ଓ ହାତୀଙ୍କ ୯୦ ପ୍ରତିଶତ ସମାନ। ତାକୁ ଭିତ୍ତି କରି ଗଣନା କଲେ ବି ସମସ୍ୟା ଦେଖା ଦେଇପାରେ। କାରଣ ବିଭିନ୍ନ ସମୟରେ ହାତୀ ପାଦ ତଳେ ବାଘ ପାଦ ଚିହ୍ନ ଲିଭିବାର ସମ୍ଭାବନା ରହିଛି।

ସମସ୍ତ ଶିକ୍ଷକଙ୍କୁ ଟିକାକରଣ କରାଇବା ପାଇଁ ରାଜ୍ୟ ସରକାରଙ୍କୁ ଅନୁରୋଧ କଲେ ଧର୍ମେନ୍ଦ୍ର

ସେପ୍ଟେମ୍ବର ୫ ଗୁରୁ ଦିବସ ପୂର୍ବରୁ ସବୁ ଶିକ୍ଷକଙ୍କୁ ଦିଆଯିବ କୋରୋନା ଟିକା। ଶିକ୍ଷକଙ୍କୁ ପ୍ରାଥମିକତା ଭିତ୍ତିରେ ଟିକା ଦେବାକୁ ସମସ୍ତ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି କେନ୍ଦ୍ର ସରକାର। ସମସ୍ତ ରାଜ୍ୟମାନଙ୍କୁ ଅତିରିକ୍ତ ଡୋଜ୍ ଟିକା ଯୋଗାଇ ଦିଆଯିବାକୁ ଥିବାବେଳେ ସବୁ ଶିକ୍ଷକମାନଙ୍କର ପ୍ରାଥମିକତା ଭିତ୍ତିରେ ଟିକାକରଣ କରାଯାଉ ବୋଲି ଟ୍ବିଟ୍ କରି ଅନୁରୋଧ କରିଛନ୍ତି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭିୟେ। କେନ୍ଦ୍ର ସରକାର ଏହି ଘୋଷଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡଭିୟେଙ୍କୁ ଧନ୍ୟବାଦ ଜଣାଇଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଧର୍ମେନ୍ଦ୍ର ପ୍ରଧାନ ଟ୍ବିଟ୍ କରି କହିଛନ୍ତି, ଗୁରୁ ଦିବସର ଅବ୍ୟବହିତ ପୂର୍ବରୁ ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀମାନଙ୍କୁ ଟିକାକରଣ କରିବାରେ ପ୍ରାଥମିକତା ଦେବା ପାଇଁ ସବୁ ମାସରେ ରାଜ୍ୟକୁ ମିଳୁଥିବା ଟିକା ବ୍ୟତିତ ଅତିରିକ୍ତ ୨ କୋଟି ଟିକା ଉପଲବ୍ଧ କରାଯିବ।

ଶିକ୍ଷା ହେଉଛି ଜ୍ଞାନ, ଚରିତ୍ର ଏବଂ ରାଷ୍ଟ୍ର ନିର୍ମାଣର ସର୍ବୋକୃଷ୍ଟ ମାଧ୍ୟମ: ଧର୍ମେନ୍ଦ୍ର ପ୍ରଧାନ

ଭାରତ ସରକାରଙ୍କ ନୂଆ ରାଷ୍ଟ୍ରୀୟ ଶିକ୍ଷା ନୀତି ୨୦୨୦(ଏନ୍ଇପି) କ୍ରିୟାନ୍ୱୟନର ପ୍ରତିବଦ୍ଧତାକୁ ଅଧିକ ଦୃଢୀଭୂତ କରିବା ପାଇଁ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଙ୍ଗଳବାର ନୂଆଦିଲ୍ଲୀ ଠାରେ କେନ୍ଦ୍ର ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରୀ ବିଜେନ୍ଦ୍ର କୁମାରଙ୍କ ସହ ନୂଆ ଜାତୀୟ ଶିକ୍ଷା ନୀତିର ୧ ବର୍ଷ ପୂର୍ତ୍ତି ଉପଲବ୍ଧି ସମ୍ବନ୍ଧିତ ଏକ ପୁସ୍ତକ ଏବଂ ଜାତୀୟ ଶିକ୍ଷା ନୀତି ଅଧୀନରେ ବିଦ୍ୟାଳୟ ଛାତ୍ରଛାତ୍ରୀଙ୍କ ପାଇଁ ୪ଟି ନୂଆ ଉପକ୍ରମର ଲୋକାର୍ପଣ କରିଛନ୍ତି।

ନୂଆ ଜାତୀୟ ଶିକ୍ଷା ନୀତି ଅଧୀନରେ ନ୍ୟାସନାଲ୍ କାଉନସିଲ୍ ଅଫ୍ ରିସର୍ଚ୍ଚ ଏଣ୍ଡ୍ ଟ୍ରେନିଂ(ଏନସିଇଆରଟି) ଏବଂ ଭିନ୍ନକ୍ଷମ ସଶକ୍ତିକରଣ ବିଭାଗର ମିଳିତ ଆନୁକୂଲ୍ୟରେ ପ୍ରସ୍ତୁତ ୪ଟି ନୂଆ ଉପକ୍ରମର ଶୁଭାରମ୍ଭ କରାଯାଇଛି। ଏହି ଉପକ୍ରମଗୁଡ଼ିକ ହେଲା ନିପୁଣ ଭାରତ ମିଶନ ଅଧୀନରେ ମୌଳିକ ସ୍ୱାକ୍ଷରତା ଏବଂ ସଂଖ୍ୟା-ଜ୍ଞାନ ପାଇଁ ଇ-ସମ୍ବଳ, ରାଷ୍ଟ୍ରୀୟ ମୁକ୍ତ ବିଦ୍ୟାଳୟୀ ଶିକ୍ଷା ସଂସ୍ଥାନ(ଏନଆଇଏସ୍)-ଭର୍ଚୁଆଲ୍ ସ୍କୁଲ୍, ଏନସିଇଆରଟିର ବୈକଳ୍ପିକ ଏକାଡେମିକ୍ କ୍ୟାଲେଣ୍ଡର ୨୦୨୧-୨୨ ଏବଂ ପ୍ରିୟା-ଦ ଆକ୍ସେସିବିଲଟି ୱାରିୟର ନାମକ କମିକ୍ ବୁକ୍।

ଆଜି ଶ୍ରୀଜୀଉଙ୍କ ବନକଲାଗି ନୀତି

ଆଜି ଶ୍ରୀଜୀଉଙ୍କ ବନକଲାଗି ନୀତି ପାଇଁ ଅପରାହ୍ନ ୪ଟାରୁ ବନ୍ଦ ରହିବ ସାଧାରଣ ଦର୍ଶନ। ଆଜି ପବିତ୍ର ଭାଦ୍ରବ ମାସ କୃଷ୍ଣ ତୃତୀୟା ତିଥି। ଏହି ଅବସରେ ଶ୍ରୀମନ୍ଦିରରେ ଶ୍ରୀଜିଉମାନଙ୍କର ବନକଲାଗି ବା ଶ୍ରୀମୁଖ ସିଂହାର ନୀତି ଅନୁଷ୍ଠିତ ହେବ। ଦ୍ୱିପ୍ରହର ଧୂପ ସରିବାପରେ ଦତ୍ତମହାପାତ୍ର ସେବକ ମାନେ ଶ୍ରୀମନ୍ଦିର ଗର୍ଭଗୃହକୁ ପ୍ରବେଶ କରିବା ସହ ମହାପ୍ରଭଙ୍କର ଶ୍ରୀମୁଖ ଶୃଙ୍ଗାର କରିବେ। ପ୍ରାକୃତିକ ପ୍ରଣାଳୀରେ ପ୍ରସ୍ତୁତ ପ୍ରସାଧାନରେ ଶ୍ରୀବିଗ୍ରହମାନଙ୍କ ଶ୍ରୀମୁଖକୁ ଶୃଙ୍ଗାର କରାଯିବ। ବନକ ଲାଗି ବା ଶ୍ରୀମୁଖ ଶୃଙ୍ଗାର ଦ୍ୱାରା ଶ୍ରୀଜିଉଙ୍କ ମୁଖ ମଣ୍ଡଳ ଅଧିକ ସୁନ୍ଦର ଓ ଆକର୍ଷଣୀୟ ଦେଖାଯାଇଥାଏ। ଦତ୍ତମହାପାତ୍ର ସେବକମାନେ ଏହି ଗୁପ୍ତ ନୀତି ସମ୍ପାଦନ କରିବେ। ଧଳା, କଳା, ନାଲି ଓ ହଳଦିଆ ଭଳି ୪ଟି ରଙ୍ଗ ଏଥିପାଇଁ ବ୍ୟବହୃତ ହୋଇଥାଏ। ଧଳା ପାଇଁ ଶୁଦ୍ଧ ଶଙ୍ଖ ଗୁଣ୍ଡ, କଳାରଙ୍ଗ ପାଇଁ ଦୀପକଳା, ହଳଦିଆ ରଙ୍ଗ ଲାଗି ହରିତାଳ, ନାଲି ରଙ୍ଗ ଲାଗି ହିଙ୍ଗୁଲ ଭଳି ପାରମ୍ପରିକ ରଙ୍ଗ ବ୍ୟବହାର କରାଯାଏ। ଏହି ରଙ୍ଗକୁ ବଟାଯାଇ ରୂପା ପିଙ୍ଗଣରେ ଶୁଦ୍ଧପୁତ ଭାବେ ରଖାଯାଇ କଇଥ ଅଠା ଗୋଳାଇ ଦିଆଯାଏ। ଦତ୍ତମାହାପାତ୍ର ସେବକମାନେ ମୂଷିକା ତୁଳୀରେ ମହାପ୍ରଭୁଙ୍କ ଶ୍ରୀଅଙ୍ଗରେ ଏହି ରଙ୍ଗ ସମୁହକୁ ଲାଗି କରିଥାନ୍ତି। ଏଥିପାଇଁ ଦତ୍ତମହାପାତ୍ର ସେବକମାନେ ଶୁଦ୍ଧପୂତ ଭାବେ ଏହାକୁ ପ୍ରସ୍ତୁତ କରିଥାନ୍ତି। ଦତ୍ତମହାପାତ୍ର ରତ୍ନ ସିଂହାସନ ଉପରକୁ ଯାଇ ଶ୍ରୀଜୀଉଙ୍କ ମୁଖଶୃଙ୍ଗାର କରନ୍ତି।

କଥାଶିଳ୍ପୀ ଯଶୋଧାରା ମିଶ୍ର ପାଇବେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର

ବିଶିଷ୍ଟ କଥାଶିଳ୍ପୀ ତଥା ଅଧ୍ୟାପିକା ଯଶୋଧାରା ମିଶ୍ରଙ୍କୁ ମିଳିବ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର। ୨୦୨୦ ମସିହା ପାଇଁ ସେ ଏହି ପୁରସ୍କାର ପାଇବାକୁ ଯାଉଥିବା ବେଳେ ସମୁଦ୍ରକୂଳ ଘର ପୁସ୍ତକ ପାଇଁ ତାଙ୍କୁ ଏହି ସମ୍ମାନଜନକ ପୁରସ୍କାର ମିଳିବ ବୋଲି ଜଣାପଡ଼ିଛି। ଯଶୋଧାରା ମିଶ୍ରଙ୍କୁ ପୁରସ୍କାର ସ୍ୱରୂପ ତାମ୍ର ଫଳକ ସହ ଏକ ଲକ୍ଷ ଟଙ୍କା ପ୍ରଦାନ କରାଯିବ।

କେନ୍ଦ୍ର ସାହିତ୍ୟ ଏକାଡ଼େମୀ ପକ୍ଷରୁ ଜାରି ସୂଚନା ଅନୁସାରେ ଯଶୋଧାରା ମିଶ୍ରଙ୍କୁ ଓଡ଼ିଆ ଭାଷାରେ ଏବଂ ଓମଚେରୀ ଏନଏନ୍ ପିଲ୍ଲାଇଙ୍କୁ ମାଲାୟଲମ ଭାଷା ପାଇଁ କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାର ମିଳିବ। ୨୦୧୬ ମସିହାରେ ପ୍ରକାଶିତ ମିଶ୍ରଙ୍କ ପୁସ୍ତକ ସମୁଦ୍ରକୂଳ ଘରକୁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପ୍ରଦାନ ନିମନ୍ତେ ୩ ଜଣ ବିଚାରକମଣ୍ଡଳୀ ଡ. ବୀଣାପାଣି ମହାନ୍ତି, ଡ. ପ୍ରତିଭା ଶତପଥୀ ଓ ରମାକାନ୍ତ ରଥ ସୁପାରିସ୍ କରିଥିଲେ। ଇଂରାଜୀ ଅଧ୍ୟାପିକା ଭାବେ କାର୍ଯ୍ୟ କରିଥିବା ଯଶୋଧାରା ମିଶ୍ର ପୂର୍ବରୁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, କଥା ଆୱାର୍ଡ, ଓଡ଼ିଶା ବୁକ୍ ଫେୟାର ଆୱାର୍ଡ, ଗଙ୍ଗାଧର ରଥ ଫାଉଣ୍ଡେସନ୍ ପୁରସ୍କାର ଆଦି ପାଇଛନ୍ତି।

ସର୍ବଭାରତୀୟ ଓବିସି ଛାତ୍ର ସଂଘର ପ୍ରତିନିଧିଙ୍କ ସହ ଧର୍ମେନ୍ଦ୍ରଙ୍କ ଆଲୋଚନା

କେନ୍ଦ୍ର ଅଧୀନସ୍ଥ ଶିକ୍ଷାନୁଷ୍ଠାନରେ ଖାଲି ପଡ଼ିଥିବା ଅଧ୍ୟାପକ ପଦବୀ ସଂଖ୍ୟା ଖୁବ ଶୀଘ୍ର ପୂରଣ ହେବ। ଏହି ପଦବୀ ନିଯୁକ୍ତିରେ ଅନ୍ୟାନ୍ୟ ପଛୁଆ ବର୍ଗ ଓବିସି ଓ ଆର୍ଥିକ ଅନଗ୍ରସରଭୃକ୍ତ ବର୍ଗର ଲୋକଙ୍କୁ ପ୍ରଧାନ୍ୟ ଦିଆଯିବ ବୋଲି ସୋମବାର ନୂଆଦିଲ୍ଲୀଠାରେ ସର୍ବଭାରତୀୟ ଓବିସି ଛାତ୍ର ସଂଘର ପ୍ରତିନିଧିମାନଙ୍କୁ ଭେଟିବା ଅବସରରେ ପ୍ରତିଶ୍ରୁତି ଦେଇଛନ୍ତି କେନ୍ଦ୍ର ଶିକ୍ଷା, ଦକ୍ଷତା ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଏହି ଅବସରରେ ସଂଘର ଛାତ୍ରଛାତ୍ରୀମାନେ ଓବିସି ବର୍ଗଙ୍କ ପାଇଁ ନିଟ୍ ପରୀକ୍ଷାରେ ସର୍ବଭାରତୀୟ କୋଟାରେ ୨୭ ପ୍ରତିଶତର ସ୍ଥାନ ସଂରକ୍ଷଣ ଦେବା ଏବଂ ଓବିସି ସମୁଦାୟଙ୍କ ସମ୍ମାନ, ନ୍ୟାୟ ଏବଂ ସୁଯୋଗକୁ ଦେବା ପାଇଁ ପ୍ରତିଶ୍ରୁତିବଦ୍ଧ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ଶିକ୍ଷା ମନ୍ତ୍ରୀ ଶ୍ରୀପ୍ରଧାନଙ୍କୁ ଧନ୍ୟବାଦ ଜଣାଇଛନ୍ତି। ଛାତ୍ରଛାତ୍ରୀମାନେ ଓବିସିଙ୍କ କଲ୍ୟାଣ ଓ ଓବିସି ସମାଜକୁ ସଶକ୍ତ କରିବା ପାଇଁ ଥିବା ବିଭିନ୍ନ ଦିଗ ଉପରେ ଆଲୋଚନା କରିବା ସହ ଗୁରୁତ୍ୱପୂର୍ଣ୍ଣ ପରାମର୍ଶ ଦେଇଥିଲେ।

ନୂଆ ଜାତୀୟ ଶିକ୍ଷା ନୀତିକୁ ଲାଗୁ କରିବାରେ କର୍ଣ୍ଣାଟକ ପ୍ରଥମ ରାଜ୍ୟ: ଧର୍ମେନ୍ଦ୍ର ପ୍ରଧାନ

ଶିକ୍ଷା ବ୍ୟବସ୍ଥାରେ ବ୍ୟାପକ ପରିବର୍ତ୍ତନ ଆଣିବା ପାଇଁ ଦେଶର ପ୍ରଥମ ରାଜ୍ୟ ଭାବେ କର୍ଣ୍ଣାଟକ ନୂଆ ଜାତୀୟ ଶିକ୍ଷା ନୀତିକୁ ଲାଗୁ କରିଛି। ଏହି ନୂଆ ଶିକ୍ଷା ନୀତି ଲାଗୁ କରି କର୍ଣ୍ଣାଟକ ଅନ୍ୟ ରାଜ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛି ବୋଲି କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସୋମବାର ନୂଆଦିଲ୍ଲୀରୁ ଭିଡ଼ିଓ କନଫରେନ୍ସିଂ ଜରିଆରେ କର୍ଣ୍ଣାଟକର ମୁଖ୍ୟମନ୍ତ୍ରୀ ବାସବରାଜ ବୋମାଇ, ଉଚ୍ଚଶିକ୍ଷା ମନ୍ତ୍ରୀ ଡା. ଅଶ୍ୱଥ ନାରାୟଣ, ପ୍ରାଥମିକ ଓ ମାଧ୍ୟମିକ ଶିକ୍ଷାମନ୍ତ୍ରୀ ବି.ସି ନଗେଶ, ନୂତନ ଶିକ୍ଷା ନୀତିର ଚିଠା ପ୍ରସ୍ତାବ ପ୍ରସ୍ତୁତକାରୀ ପଦ୍ମବିଭୂଷଣ ଡ଼ା. କେ କସ୍ତୁରି ରଙ୍ଗନଙ୍କ ସହ କର୍ଣ୍ଣାଟକରେ ଜାତୀୟ ଶିକ୍ଷା ନୀତି କାର୍ଯ୍ୟାନ୍ୱୟନର ଶୁଭାରମ୍ଭ କରିବା ଅବସରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହା କହିଛନ୍ତି।

ଧର୍ମେନ୍ଦ୍ର କହିଛନ୍ତି, କର୍ଣ୍ଣାଟକ ନୂଆ ଜାତୀୟ ଶିକ୍ଷା ନୀତି କାର୍ଯ୍ୟକାରୀ କରି ରାଜ୍ୟର ଶିକ୍ଷା ଦୃଶ୍ୟପଟ୍ଟରେ ପରିବର୍ତ୍ତନ ଆଣିବା ଦିଗରେ ବଡ଼ ପଦକ୍ଷେପ ନେଇଛି। ରାଜ୍ୟର ମାତୃଭାଷା କନ୍ନଡ଼ରେ ଜାତୀୟ ଶିକ୍ଷା ନୀତିର ଅନୁବାଦ ଠାରୁ ଆରମ୍ଭ କରି ଏଥିପାଇଁ ଏକ ଟ୍ୟାସ୍କ ଫୋର୍ସ ଗଠନ କରିବା ଏବଂ ଏହାର କାର୍ଯ୍ୟକାରିତା ପାଇଁ ରୋଡମ୍ୟାପ ପ୍ରସ୍ତୁତ କରିଛି।

ଯୁବଶିଳ୍ପୀ ରାକେଶ କଲେ କ୍ଷୁଦ୍ରତମ ପ୍ରତିମୂର୍ତ୍ତି ନିର୍ମାଣରେ ରେକର୍ଡ

ମୂର୍ତ୍ତି ଏତେ ଛୋଟ ଯେ ଏହା ଖାଲି ଆଖିରେ ରୂପଦେବା ସମ୍ଭବ ନୁହେଁ। ଜବକାଚ ବ୍ୟବହାର ଦ୍ବାରା ଏହାର ନିର୍ମାଣ ହୋଇଛି। ମହମରେ ଏପରି ୩.୫ ସେ.ମି. ଉଚ୍ଚତାର ପ୍ରତିମୂର୍ତ୍ତି ତିଆରି କରି ଏକ୍ସକ୍ଲୁସିଭ୍ ୱାର୍ଲଡ ରେକର୍ଡସରେ ସ୍ଥାନ ପାଇଛନ୍ତି ଯାଜପୁରର ଯୁବଶିଳ୍ପୀ ରାକେଶ। ପିଲାଟି ଦିନରୁ ଚିତ୍ରକଳାକୁ ଭଲ ପାଉଥିବା ଯାଜପୁର ବ୍ଲକ୍ ନାଥସାହି ପଞ୍ଚାୟତ ତଥା ନାଥସାହି ଗ୍ରାମର ଚକ୍ରଧର ପାତ୍ରଙ୍କ ପୁଅ ରାକେଶ କୁମାର ପାତ୍ର (୨୫) ସେହି କଳା ପାଇଁ ଆଜି ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ଛୋଟବେଳୁ ପାଠପଢ଼ା ସାଙ୍ଗକୁ ବାଲୁକା କଳାପ୍ରତି ଆକର୍ଷଣ ଆଜି ତାଙ୍କୁ ସଫଳତା ଦେଇଛି। ଛୋଟବେଳୁ ମାଟିରେ ବିଭିନ୍ନ ମୂର୍ତ୍ତି ଗଢ଼ିବା, ୱାଲ୍ ପେଣ୍ଟିଂ କରିବା ସହ ବାଲୁକା କଳାରେ ନିପୁଣ ରାକେଶ ଏବେ ମହମରେ ସବୁଠାରୁ କ୍ଷୁଦ୍ର ପ୍ରତିମୂର୍ତ୍ତି ତିଆରି କରି ବିଶ୍ବ ରେକର୍ଡରେ ସ୍ଥାନ ପାଇଛନ୍ତି।

ଭିତରକନିକାରେ ଆରମ୍ଭ ହେଲା ପକ୍ଷୀ ଗଣନା

ବିଶ୍ୱ ପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନରେ ଆଜିଠୁ ଆରମ୍ଭ ହୋଇଛି ଦେଶୀୟ ପକ୍ଷୀ ଗଣନା। ୭ ଦିନ ପର୍ଯ୍ୟନ୍ତ ଦେଶୀୟ ପକ୍ଷୀ ଗଣନା କରିବ ୨ଟି ଟିମ୍। ପ୍ରତି ଟିମରେ ୭ ଜଣ ଲେଖାଏଁ ସଦସ୍ୟ ଥିବା କନିକା ରେଞ୍ଜ ଅଫିସର ସୂଚନା ଦେଇଛନ୍ତି। ବର୍ଷା ଋତୁ ଆଗମନରେ ଦେଶର କୋଣ ଅନୁକୋଣରୁ ନିଜର ବଂଶ ବିସ୍ତାର ପାଇଁ ଗେଣ୍ଡାଳିଆ, ରାଣୀ ବଗ, ମଝିଆ ବଗ, ଛୋଟ ବଗ, ଖଇରା ବଗ, ଅଞ୍ଜନା ବା ମାଟିଆ ବଗ, ପାଣି କୁଆ, ଅନ୍ଧାରିଆ ବଗ, ଦାଆଁବେଟିଆ, କାପରଖାଇ ଆଦି ପକ୍ଷୀ ଭିତରକନିକାମୁହାଁ ହୋଇଛନ୍ତି।

ସେମାନେ ଭିତରକନିକାର ବଗ ଗହଣ, ମଠଆଡ଼ିଆ, ଲଷ୍ମୀପ୍ରସାଦଡ଼ିଆ, ଦୁର୍ଗାପ୍ରସାଦଡ଼ିଆର ଗଛମାନଙ୍କରେ ବସା ବାନ୍ଧିଛନ୍ତି। ନଦୀ ମୁହାଣର ବ୍ରାହ୍ମଣୀ ନଦୀ ପଠା ଓ ଦ୍ୱୀପରେ ଅବସ୍ଥିତ ଏକର ଏକର ବିଶିଷ୍ଟ ଏହି ଜଙ୍ଗଲ ମଧ୍ୟରେ ବନି, ଗୁଆ, କେରୁଆ, ଓରୁଅ ଗ ରେ ବସା ବାନ୍ଧି ପକ୍ଷୀମାନେ ବଂଶ ବିସ୍ତାର କରିଥାନ୍ତି।

ବିଭିନ୍ନ ପ୍ରକଳ୍ପର ଅଗ୍ରଗତି ନେଇ ସମୀକ୍ଷା କଲେ ଧର୍ମେନ୍ଦ୍ର

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରବିବାର ଭୁବନେଶ୍ୱର ଠାରେ ଏନଏଚ୍ ଏବଂ ଏନଏଚଏଆଇର ଅଧିକାରୀଙ୍କ ସହ ରାଜ୍ୟରେ କ୍ରିୟାନ୍ବୟନ ହେଉଥିବା ଜାତୀୟ ରାଜପଥ ପ୍ରକଳ୍ପ ଉପରେ ସମୀକ୍ଷା କରିବା ସହ ନିର୍ଦ୍ଧାରିତ ସମୟରେ ପ୍ରକଳ୍ପର କାମ ଶେଷ ହେବା ଉପରେ ଗୁରୁତ୍ୱାରୋପ କରିଛନ୍ତି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଭାଗୀୟ ଅଧିକାରୀଙ୍କ ସହ ବିଭିନ୍ନ ରାଜପଥ ପ୍ରକଳ୍ପ ଯଥା ଭାରତମାଳା ଯୋଜନାରେ କୋଷ୍ଟାଲ ହାଇୱେ ପ୍ରକଳ୍ପର ଅଗ୍ରଗତି, ଭୁବନେଶ୍ୱର ରିଙ୍ଗ୍ ରୋଡ୍ ପ୍ରକଳ୍ପ, ପାରାଦୀପ ଠାରୁ ବଡ଼ବିଲ ମଧ୍ୟରେ ପ୍ରସ୍ତାବିତ ୮ ଲେନ୍ ବିଶିଷ୍ଟ ଅର୍ଥନୈତିକ କରିଡ଼ର ଏବଂ ରାଜ୍ୟରେ ନିର୍ମାଣାଧୀନ ବିଭିନ୍ନ ରାଜପଥ ପ୍ରକଳ୍ପ ସହ ଆଗାମୀ ଦିନରେ ହେବାକୁ ଥିବା ପ୍ରକଳ୍ପ ଉପରେ ସମୀକ୍ଷା କରିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପୂର୍ବୋଦୟ ପରିକଳ୍ପନାରେ ପୂର୍ବ ଭାରତର ଭିତ୍ତିଭୂମି ବିକାଶ ହେବ ଏବଂ ପୂର୍ବ ଭାରତର ବିକାଶର କେନ୍ଦ୍ର ବିନ୍ଦୁରେ ଓଡ଼ିଶା ରହିବ। ଏହି ସମସ୍ତ ପ୍ରକଳ୍ପ କିଭଳି ନିର୍ଦ୍ଧାରିତ ସମୟରେ ଶେଷ ହେବ ସେ ନେଇ ସମୀକ୍ଷା ବୈଠକରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗୁରୁତ୍ୱାରୋପ କରିଛନ୍ତି। ସୂଚନାଯୋଗ୍ୟ, ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଭାରତ ସରକାର ଓଡ଼ିଶାରେ ଜାତୀୟ ରାଜପଥ ପ୍ରକଳ୍ପକୁ ଗୁରୁତ୍ୱ ଦେଉଛନ୍ତି।

ସର୍ବସାଧାରଣଙ୍କ ପାଇଁ ଖୋଲିଲା ଶ୍ରୀମନ୍ଦିର

ସର୍ବସାଧାରଣଙ୍କ ଦର୍ଶନ ପାଇଁ ଆଜିଠାରୁ ଖୋଲିଛି ପୁରୀ ଶ୍ରୀମନ୍ଦିର। ଦୀର୍ଘ ୪ ମାସର ପ୍ରତିକ୍ଷା ପରେ ରତ୍ନସିଂହାସନରେ ଶ୍ରୀଜିଉଙ୍କୁ ଦେଖିବାର ସୌଭାଗ୍ୟ ପାଇଛନ୍ତି ସର୍ବସାଧାରଣ। କୋରୋନାର ଦ୍ୱିତୀୟ ଲହରୀ କମିବା ପରେ ସେବାୟତ ଓ ସେମାନଙ୍କ ପରିବାର ଓ ପୁରୀବାସୀ ଶ୍ରୀଜିଉଙ୍କୁ ଦର୍ଶନ କରିବାର ସୌଭାଗ୍ୟ ପାଇଥିଲେ। ଏହାପରେ ଆଜିଠାରୁ ରାଜ୍ୟ ଓ ରାଜ୍ୟ ବାହାରର ସମସ୍ତ ଭକ୍ତ ଚତୁର୍ଦ୍ଧାମୂରତିଙ୍କୁ ଦର୍ଶନ କରୁଛନ୍ତି। ସକାଳ ୭ଟାରୁ ଦର୍ଶନ ଆରମ୍ଭ ହୋଇଥିବା ବେଳେ ଏହା ସନ୍ଧ୍ୟା ୭ଟା ଯାଏ ପର୍ଯ୍ୟନ୍ତ ଚାଲିବ। ମନ୍ଦିରରେ ଶୃଙ୍ଖଳିତ ଦର୍ଶନ ଲାଗି ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।

ପ୍ରବେଶ ଲାଗି ଆରଟିପିସିଆର ନେଗେଟିଭ ରିପୋର୍ଟ କିମ୍ବା କୋରୋନା ଟିକାର ୨ଟି ଡୋଜ୍ ନେଇଥିବାର ସାର୍ଟିଫିକେଟ୍ ଦେଖାଇବା ବାଧ୍ୟତାମୂଳକ କରାଯାଇଛି। ଆଧାରକାର୍ଡ ପରି ପରିଚୟ ପତ୍ର ଦେଖାଇବା ବି ବାଧ୍ୟତାମୂଳକ କରାଯାଇଛି। ଶୃଙ୍ଖଳିତ ଦର୍ଶନ ପାଇଁ ସିଂହଦ୍ୱାରରେ ପ୍ରବେଶ ଓ ଉତ୍ତର ଦ୍ୱାରରେ ପ୍ରସ୍ଥାନର ବ୍ୟବସ୍ଥା ହୋଇଛି।

ନିଆରା ରାକ୍ଷୀ: ରୋଜଗାର ସହିତ ସାଜିଛି ପରିବର୍ତ୍ତନର ବାର୍ତ୍ତାବହ

>ରାଜଧାନୀ ଭୁବନେଶ୍ୱରର ଦୁଇଜଣ ନିଆରା ଶିଳ୍ପୀ ଚର୍ଚ୍ଚାକୁ ଆସିଛନ୍ତି। ଜଣେ ହେଉଛନ୍ତି ଶହୀଦନଗରର ଶାନ୍ତିଲତା ମିଶ୍ର ଓ ଅନ୍ୟଜଣକ ହେଉଛନ୍ତି ପୋଖରୀପୁଟ ଅଞ୍ଚଳର ଅନସୂୟା ସାହୁ। ଶାନ୍ତିଲତା ପିଲାଦିନୁ ନିଜେ ନିଜେ ଶିଖିଥିବା ଚିତ୍ରକଳାକୁ ପରବର୍ତ୍ତୀ ସମୟରେ ଉପହାର ସାମଗ୍ରୀ ତିଆରିରେ ଲଗାଇ ସ୍ୱାବଲମ୍ବୀ ହୋଇଥିବା ବେଳେ ଏବେ ବର୍ଜ୍ୟ ତଥା ଅଦରକାରୀ କାଗଜରୁ ରାକ୍ଷୀ ପ୍ରସ୍ତୁତ କରି ଆୟ କରିବାରେ ସକ୍ଷମ ହୋଇଛନ୍ତି। ଠିକ ସେହିପରି ଆର୍ଟ କଲେଜରୁ ଚିତ୍ରକଳା ଶିକ୍ଷା ପରେ ନିଜ ପରିବେଶବିତ ସ୍ବାମୀଙ୍କ ସହିତ ମିଶି ପୋଖରୀପୁଟ ଅଞ୍ଚଳର ଅନସୂୟା ବିହନରେ ରାକ୍ଷୀ ତିଆରି କରି ପର୍ବ ପାଳନ ଜରିଆରେ ବନୀକରଣର ବାର୍ତ୍ତା ଦେଇଛନ୍ତି। ବର୍ଜ୍ୟ କାଗଜରୁ ପ୍ରସ୍ତୁତ ହେଉଥିବା ରାକ୍ଷୀ ଖୁବ ଆକର୍ଷଣୀୟ ମଧ୍ୟ ଦେଖାଯାଉଛି। ନିଜ ହାତରେ ଏଭଳି ରାକ୍ଷୀ ତିଆରି କରି ଅନଲାଇନ୍ ବଜାରରେ ପହଞ୍ଚାଇ ବେଶ ଚର୍ଚ୍ଚାରେ ଅଛନ୍ତି ଶହୀଦନଗରର ଶାନ୍ତିଲତା ମିଶ୍ର। ଗତ କିଛି ବର୍ଷ ହେଲା ରାକ୍ଷୀ ପୂର୍ଣ୍ଣିମା ତାଙ୍କ ପାଇଁ ଏକ ରୋଜଗାରର ମାଧ୍ୟମ ପାଲଟିଛି।

ଉଚ୍ଚଶିକ୍ଷା ଓ ଗଣଶିକ୍ଷା ବିଭାଗର ଅଧିକାରୀଙ୍କ ସହ କେନ୍ଦ୍ରମନ୍ତ୍ରୀଙ୍କ ବୈଠକ

ରାଜ୍ୟରେ ଶିକ୍ଷା ବ୍ୟବସ୍ଥା, ଶିକ୍ଷା କ୍ଷେତ୍ରରେ ଭାରତ ସରକାରଙ୍କ ବିଭିନ୍ନ ଯୋଜନା ଅଧୀନରେ ନିଆଯାଇଥିବା ପଦକ୍ଷେପ ଏବଂ ନୂଆ ଜାତୀୟ ନୀତି-୨୦୨୦ର କାର୍ଯ୍ୟକାରିତା ନେଇ ଶନିବାର ଭୁବନେଶ୍ୱର ଠାରେ ଓଡ଼ିଶା ସରକାରଙ୍କ ଉଚ୍ଚଶିକ୍ଷା ବିଭାଗ ଏବଂ ବିଦ୍ୟାଳୟ ଓ ଗଣଶିକ୍ଷା ବିଭାଗର ଅଧିକାରୀମାନଙ୍କ ସହ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବୈଠକ କରିଛନ୍ତି। ବୈଠକ ଫଳପ୍ରଦ ହୋଇଥିବା ନେଇ ଗଣମାଧ୍ୟମକୁ ଧର୍ମେନ୍ଦ୍ର ସୂଚନା ଦେଇଥିବା ବେଳେ ଆଗାମୀ ୨ ବର୍ଷ ମଧ୍ୟରେ ରାଜ୍ୟର ୫୦ ହଜାର ସରକାରୀ ବିଦ୍ୟାଳୟରେ ପାଣି, ବିଜୁଳି, ଶୌଚାଳୟ, ଇଣ୍ଟରନେଟ୍ ସୁବିଧା ଉପରେ ଗୁରୁତ୍ୱ ଦିଆଯିବ ବୋଲି ସେ କହିଛନ୍ତି।

କେନ୍ଦ୍ର ଶିକ୍ଷା ମନ୍ତ୍ରାଳୟର ଦାୟିତ୍ୱ ନେବା ପରେ ଓଡ଼ିଶାରେ ପ୍ରଥମ ଥର ପାଇଁ ଉଚ୍ଚଶିକ୍ଷା ବିଭାଗର ଅଧିକାରୀଙ୍କୁ ନେଇ ଆୟୋଜିତ ବୈଠକରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓଡ଼ିଶାର ଉଚ୍ଚ ଶିକ୍ଷାନୁଷ୍ଠାନ ଗୁଡ଼ିକରେ ଶିକ୍ଷା ଭିତ୍ତିଭୂମିର ବିକାଶ ପାଇଁ ରୁସାର କାର୍ଯ୍ୟକାରିତା ଉପରେ ସମୀକ୍ଷା କରିବା ସହ ଓଡ଼ିଶାର ଶିକ୍ଷା ବ୍ୟବସ୍ଥା ସମ୍ପର୍କରେ ବୁଝିଥିଲେ। ଏହାସହ ଓଡ଼ିଶାରେ ଅନଲାଇନ ଶିକ୍ଷାକୁ ମଜବୁତ୍ କରିବା, ଗବେଷଣା ପରିସଂସ୍ଥାନର ବିକାଶ ଏବଂ ଜାତୀୟ ଶିକ୍ଷା ନୀତି -୨୦୨୦ ଉପରେ ବିସ୍ତୁତ ଭାବେ କେନ୍ଦ୍ରମନ୍ତ୍ରୀ ଆଲୋଚନା କରିଥିଲେ।

ମହାପ୍ରଭୁଙ୍କ ପାଇଁ ତିଆରି ଚାଲିଛି ରାକ୍ଷୀ

ଭଉଣୀ ଭାଇର ପବିତ୍ର ସମ୍ପର୍କର ପର୍ବ ହେଉଛି ରକ୍ଷାବନ୍ଧନ। ରାକ୍ଷୀ ପୂର୍ଣ୍ଣିମାରେ ଭଉଣୀ ଭାଇ ହାତରେ ରାକ୍ଷୀ ବାନ୍ଧି ତାର ଉଜ୍ଜ୍ୱଳ ଭବିଷ୍ୟତ କାମନା କରିବା ସହ ଶୁଭ ମନାସି ଥାଏ। ପ୍ରତିବଦଳରେ ଭାଇ ତାର ଭଉଣୀକୁ ଜନ୍ମ ଜନ୍ମ ପାଇଁ ସୁରକ୍ଷା ଦେବାର ସଂକଳ୍ପ ନେଇଥାଏ। ଶ୍ରାବଣ ମାସର ପୂର୍ଣ୍ଣିମା ଦିନ ଏହି ପବିତ୍ର ପର୍ବ ପାଳନ କରାଯାଏ। ଆସନ୍ତା ୨୨ତାରିଖରେ ରାଖୀପୂର୍ଣ୍ଣିମା। ଶ୍ରୀମନ୍ଦିରରେ ଏହି ପର୍ବ ପାଳନ ହେବ। ମହାପ୍ରଭୁଙ୍କ ମାନବୀୟ ଲୀଳା ମଧ୍ୟରେ ରକ୍ଷାବନ୍ଧନ ପର୍ବ ଅନନ୍ୟ। ଶ୍ରୀମନ୍ଦିର ରୀତିନୀତି ଅନୁଯାୟୀ ମହାପ୍ରଭୁ ଶ୍ରୀଜଗନ୍ନାଥ ଏବଂ ବଡ଼ଠାକୁର ପ୍ରଭୁ ବଳଭଦ୍ର ଭଉଣୀ ସୁଭଦ୍ରାଙ୍କ ହାତରୁ ରାକ୍ଷୀ ପିନ୍ଧିବେ। ଏଥିପାଇଁ ପାଟରା ବିଶୋଇ ସେବକମାନେ ରାକ୍ଷୀ ପ୍ରସ୍ତୁତିରେ ଲାଗିପଡ଼ିଛନ୍ତି।

ବାରମାସରେ ତେର ପର୍ବ ପାଳନ ହୋଇଥାଏ। ସେଥିମଧ୍ୟରୁ ଗହ୍ମାପୂର୍ଣ୍ଣିମା ବା ରାକ୍ଷୀ ପୂର୍ଣ୍ଣିମା ଅନ୍ୟତମ। ଏହିଦିନ ଶ୍ରୀମନ୍ଦିରରେ ବିଶେଷ ନୀତି ହୋଇଥାଏ। ବଡଠାକୁର ବଳଭଦ୍ରଙ୍କ ଜନ୍ମ ସହ ରାକ୍ଷୀ ପୂର୍ଣ୍ଣିମା ନୀତି ପାଳନ କରାଯାଏ। ମହାପ୍ରଭୁ ଶ୍ରୀଜଗନ୍ନାଥ ଏବଂ ବଡଠାକୁର ବଳଭଦ୍ର ୨ଟି ଲେଖାଏ ରାକ୍ଷୀ ଓ ୨ଟି ଲେଖାଏ ଗୁଆମାଳ ପରିଧାନ କରିଥାନ୍ତି। ପାଟରା ବିଶୋଇ ସେବକ ବାସୁଙ୍ଗା ପାଟରେ ରାକ୍ଷୀ ଓ ଗୁଆମାନ ପ୍ରସ୍ତୁତ କରିଥାନ୍ତି।

ଭୁବନେଶ୍ୱର ଆଇଆଇଟିରେ ଋଷିକୁଲ୍ୟା ଛାତ୍ରାବାସର ଉଦଘାଟନ କରିଲେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର

ଆଜି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭୁବନେଶ୍ୱର ଆଇଆଇଟି ଗସ୍ତ କରିଛନ୍ତି। ସେଠାରେ ସେ ଦୁଇଟି ନୂଆ ବିଲ୍ଡିଂର ଉଦଘାଟନ କରିଛନ୍ତି। ଋଷିକୁଲ୍ୟା ଛାତ୍ରାବାସ ଏବଂ ପୁଷ୍ପାଞ୍ଜଳି ଲେକଚର ହଲ କମ୍ପେ୍ଲକ୍ସ ଉଦଘାଟନ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ। ୧୨୬୦ରୁ ଅଧିକ କୋଟି ଟଙ୍କା ବ୍ୟୟରେ ଆଇଆଇଟି କ୍ୟାମ୍ପସ ଭିତ୍ତିଭୂମିର ବିକାଶ କରାଯାଉଛି। ଏହା ଦ୍ୱିତୀୟ ପର୍ଯ୍ୟାୟ କ୍ୟାମ୍ପସରେ ନିର୍ମାଣ ହୋଇଛି।

ଏହି ଅବସରରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଆଇଆଇଟି ପକ୍ଷରୁ ସମ୍ବର୍ଦ୍ଧନା ପ୍ରଦାନ କରାଯାଇଛି। ଅନୁଷ୍ଠାନର ନିର୍ଦ୍ଦେଶକ କହିଛନ୍ତି, ଲେକ୍ଚର୍ ହଲ୍ ଗୁଡିକ ନୂତନ ଯୁଗର ଡିଜାଇନ୍ ହୋଇଛି ଏବଂ ଇ-ଶ୍ରେଣୀଗୃହ ଭାବରେ କାର୍ଯ୍ୟ କରାଯାଇଛି, ଯେଉଁଥିରେ ଲେକ୍ଚର ରେକର୍ଡିଂ ସୁବିଧା ସହିତ ପାରସ୍ପରିକ କଥାବାର୍ତ୍ତା ସହ ଲାଇଭ୍ ଷ୍ଟ୍ରିମିଂ କରାଯାଇପାରିବ ଏବଂ ପାରମ୍ପରିକ ଶ୍ରେଣୀରେ ବ୍ୟବହାର କରାଯାଇପାରିବ।&Nbsp; ଲେକ୍ଚର୍ ହଲ୍ ଗୁଡ଼ିକୁ ଶୀତତାପ ନିୟନ୍ତ୍ରଣ କରାଯିବା ଏବଂ ପ୍ରାକୃତିକ ଭେଣ୍ଟିଲେସନ୍ ସହିତ କାର୍ଯ୍ୟ କରିବା ପାଇଁ ଡିଜାଇନ୍ କରାଯାଇଛି। ।

ଓଡ଼ିଆ ନବଜାଗରଣର ମୂଳ କେନ୍ଦ୍ର ଥିଲା ବକୁଳ ବନ ବିଦ୍ୟାଳୟ: ଧର୍ମେନ୍ଦ୍ର

ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ଦ୍ୱାରା ପ୍ରତିଷ୍ଠିତ ସତ୍ୟବାଦୀର ବକୁଳ ବନ ବିଦ୍ୟାଳୟ ଓଡ଼ିଆ ଭାଷା, ସାହିତ୍ୟ, ସଂସ୍କୃତି ଏବଂ ଓଡ଼ିଆ ନବଜାଗରଣର ମୂଳ କେନ୍ଦ୍ର ଥିଲା ବୋଲି କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଗୁରୁବାର କେନ୍ଦ୍ର ରେଳ ଏବଂ ସୂଚନା ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ସହ ପୁରୀ ଜିଲ୍ଲା ସତ୍ୟବାଦୀ ଠାରେ ଓଡ଼ିଶାର ସାମାଜିକ, ଶିକ୍ଷା ଏବଂ ରାଜନୈତିକ କ୍ଷେତ୍ରରେ ଗୁରୁତ୍ୱ ବହନ କରୁଥିବା ଐତିହାସିକ ବକୁଳ ବନ ବିଦ୍ୟାଳୟ ପରିଦର୍ଶନ କରିବା ଅବସରରେ ଧର୍ମେନ୍ଦ୍ର ଏହା କହିଛନ୍ତି। ଗଣମାଧ୍ୟମକୁ ପ୍ରତିକ୍ରିୟା ଦେଇ ସେ କହିଛନ୍ତି ଯେ ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରାଳୟର ନୂଆ ଦାୟିତ୍ୱ ନେବା ପରେ ପ୍ରଥମ ଓଡ଼ିଶା ଗସ୍ତରେ ମହାପ୍ରଭୁଙ୍କ ଆଶୀର୍ବାଦ ଲାଭ କରିବା ସହ ନୂଆ ଓଡ଼ିଶା ଗଢ଼ିବାର ଏନ୍ତୁଡ଼ିଶାଳ ତଥା ୧୦୦ ବର୍ଷ ପୂର୍ବେ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ଦ୍ୱାରା ପ୍ରତିଷ୍ଠିତ ବକୁଳ ବନ ବିଦ୍ୟାଳୟ ପରିଦର୍ଶନ କରି ନିଜକୁ ସୌଭାଗ୍ୟଶାଳୀ ମନେକରୁଛି।

ଜନ ଆଶୀର୍ବାଦ ଯାତ୍ରା ଆରମ୍ଭ କଲେ ଧର୍ମେନ୍ଦ୍ର ଓ ଅଶ୍ବିନୀ

ଗଲା କାଲିଠାରୁ ଆରମ୍ଭ ହୋଇଛି ବିଜେପିର ଜନ ଆଶୀର୍ବାଦ ଯାତ୍ରା। ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଅଶ୍ବିନୀ ବୈଷ୍ଣବ ଓଡ଼ିଶା ଗସ୍ତରେ ଆସି ୪ ଦିନିଆ ଜନ ଆର୍ଶୀବାଦ ଯାତ୍ରା ଆରମ୍ଭ କରିଛନ୍ତି। ଯାତ୍ରା କାଳରେ ଦୁଇ କେନ୍ଦ୍ରମନ୍ତ୍ରୀ ଲୋକମାନଙ୍କ ସହ ସିଧାସଳଖ ଆଲୋଚନା କରି ବାସ୍ତବ ସ୍ଥିତି ଅନୁଧ୍ୟାନ କରିବା ସହ କେନ୍ଦ୍ର ସରକାରଙ୍କ ବିଭିନ୍ନ ଜନକଲ୍ୟାଣ ଯୋଜନା ସମ୍ପର୍କରେ ସାଧାରଣ ଲୋକଙ୍କୁ ଅବଗତ କରିବେ। କେନ୍ଦ୍ର ମନ୍ତ୍ରୀମଣ୍ଡଳରେ ନୂତନ ଭାବେ ଦାୟିତ୍ୱ ଗ୍ରହଣ କରିଥିବା ମନ୍ତ୍ରୀମାନେ ଦେଶର ପ୍ରାୟ ୨୧୨ଟି ସଂସଦୀୟ କ୍ଷେତ୍ରକୁ ଯାଇ ଜନ ଆର୍ଶୀବାଦ ଲୋଡ଼ିବେ। ଏହି ଜନ ଆର୍ଶୀବାଦ ଯାତ୍ରା ୧୪୨ ଦିନ ପର୍ଯ୍ୟନ୍ତ ଚାଲିବ।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ଓ ଅଶ୍ୱିନୀଙ୍କୁ ପିପିଲିରେ ବିପୁଳ ସଂବର୍ଦ୍ଧନା

ବିଜେପିର ଜନ ଆଶୀର୍ବାଦ ଯାତ୍ରା ଅବସରରେ ଓଡିଶା ଆସିଥିବା ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଅଶ୍ୱିନୀ ବୈଷ୍ଣବଙ୍କୁ ଗୁରୁବାର ପିପିଲିର ବିଭିନ୍ନ ସ୍ଥାନରେ ବିଜେପି ପକ୍ଷରୁ ବିପୁଳ ସ୍ୱାଗତ ସଂବର୍ଦ୍ଧନା ଜ୍ଞାପନ କରାଯାଇଛି। ପାରମ୍ପରିକ ବାଦ୍ୟ, ଘଣ୍ଟ, କଳଘୋଡା ନୃତ୍ୟ ଓ ଚାନ୍ଦୁଆ ଛତି ପ୍ରଦର୍ଶନପୂର୍ବକ ଏକ ଶୋଭାଯାତ୍ରାରେ ଦୁଇମନ୍ତ୍ରୀଙ୍କୁ ଉତ୍ତରାବଜାର ଠାରୁ ସାତଶଙ୍ଖ ପର୍ଯ୍ୟନ୍ତ ଦଳୀୟ ନେତା ଓ କର୍ମୀମାନେ ପାଛୋଟି ନେଇଥିଲେ। ଏହି ଅବସରରେ ଡେଲାଙ୍ଗ ଷ୍ଟେସନ ଠାରୁ ପିପିଲି ଓ ନିମାପଡା ଦେଇ କୋଣାର୍କକୁ ନୂତନ ରେଳପଥ ନିର୍ମାଣ କରାଯିବା ଏବଂ ଡେଲାଙ୍ଗ ସମେତ କଣାସରୋଡ୍, ମୋଟରୀ ଓ ହରିପୁର ରେଳଷ୍ଟେସନର ଅତ୍ୟାଧୁନିକ ଉନ୍ନତିକରଣ ପାଇଁ ପୁରୀ ଜିଲା ବିଜେପି ସଭାପତି ଆଶ୍ରିତ ପଟ୍ଟନାୟକ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ଏକ ଦାବିପତ୍ର ପ୍ରଦାନ କରିଥିଲେ।

ଓଡ଼ିଶାରେ ଧର୍ମେନ୍ଦ୍ର ପ୍ରଧାନ ଓ ଅଶ୍ବିନୀ ବୈଷ୍ଣବ

ଆଜିଠାରୁ ଦେଶବ୍ୟାପୀ ଆରମ୍ଭ ହୋଇଛି ବିଜେପିର ଜନ ଆଶୀର୍ବାଦ ଯାତ୍ରା। ନୂତନ ଭାବେ ଦାୟିତ୍ୱ ଗ୍ରହଣ କରିଥିବା ସମସ୍ତ କେନ୍ଦ୍ରମନ୍ତ୍ରୀମାନେ ଦେଶର ପ୍ରାୟ ୨୧୨ଟି ସଂସଦୀୟ କ୍ଷେତ୍ରକୁ ଯାଇ ଜନ ଆଶୀର୍ବାଦ ଲୋଡ଼ିବେ। ଏହି ଜନ ଆଶୀର୍ବାଦ ଯାତ୍ରା ୧୪୨ ଦିନ ପର୍ଯ୍ୟନ୍ତ ଚାଲିବ। ଏହି ଅବସରରେ କେନ୍ଦ୍ରମନ୍ତ୍ରୀମାନେ ଲୋକମାନଙ୍କ ସହ ସିଧାସଳଖ ଆଲୋଚନା କରି ବାସ୍ତବ ସ୍ଥିତି ଅନୁଧ୍ୟାନ କରିବା ସହ କେନ୍ଦ୍ର ସରକାରଙ୍କ ବିଭିନ୍ନ ଜନକଲ୍ୟାଣ ଯୋଜନା ସମ୍ପର୍କରେ ସାଧାରଣ ଲୋକଙ୍କୁ ଅବଗତ ମଧ୍ୟ କରିବେ।

ଏହି ଜନ ଆଶୀର୍ବାଦ ଯାତ୍ରାରେ ସାମିଲ୍ ହେବା ପାଇଁ ଓଡ଼ିଶା ଆସିଛନ୍ତି ନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ କେନ୍ଦ୍ର ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ। ଉଭୟ ମନ୍ତ୍ରୀ ଭୁବନେଶ୍ୱରଠାରେ ପହଞ୍ଚିବା ପରେ ସିଧାସଳଖ ପୁରୀ ଗସ୍ତ କରି ପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିବେ। ଏହି ଅବସରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉତ୍କଳମଣି ଗୋପବନ୍ଧୁ ଦାସଙ୍କ ଦ୍ବାରା ପ୍ରତିଷ୍ଠିତ ପୁରୀ ସତ୍ୟବାଦୀ ବକୁଳ ବନବିଦ୍ୟାଳୟ ପରିଦର୍ଶନ କରିବେ। ତାଙ୍କ ସହ ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ମଧ୍ୟ ବକୁଳ ବନ ପରିଦର୍ଶନରେ ଯିବେ।

ଜାତୀୟ ଶିକ୍ଷା ନୀତିରେ ପରିବେଶ ସୁରକ୍ଷାକୁ ଗୁରୁତ୍ୱ ଦିଆଯାଇଛି: ଧର୍ମେନ୍ଦ୍ର

ସମ୍ବାଦ ଡିଜିଟାଲ୍ ଏବଂ ପରିବେଶ କାର୍ଯ୍ୟକ୍ରମ ପୁନଶ୍ଚ ପୃଥିବୀର ଲୋକାର୍ପଣ ସମାରୋହରେ ଯୋଗଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସୁସ୍ଥ ସମାଜ ଗଠନ କରିବାକୁ ହେଲେ ଆମ ପରିବେଶକୁ ସ୍ୱଚ୍ଛ ଏବଂ ନିର୍ମଳ ରଖିବା ପାଇଁ ପଡ଼ିବ। ପୁନଶ୍ଚ ପୃଥିବୀ ଅଭିଯାନରେ ପରିବେଶ ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ସାମ୍ନାକୁ ଆଣିଥିବାରୁ ସମ୍ବାଦ ଗ୍ରୁପକୁ ଧନ୍ୟବାଦ ଜଣାଇଛନ୍ତି ଧର୍ମେନ୍ଦ୍ର। ପୁନଶ୍ଚ ପୃଥିବୀ ଅଭିଯାନ ଆରମ୍ଭ କରି ପୃଥିବୀ ଓ ପରିବେଶ ପାଇଁ ସମ୍ବାଦ ନୂଆ ଉପକ୍ରମ ଯୋଡ଼ିବାକୁ ଯାଉଛି ବୋଲି ଧର୍ମେନ୍ଦ୍ର କହିଛନ୍ତି। ସେହିପରି ସାମ୍ପ୍ରତିକ ସମୟରେ ନୂଆପିଢ଼ିଙ୍କ ପାଇଁ ଶିକ୍ଷା ପର୍ଯ୍ୟାବରଣ ଆଧାରିତ ହେବା ଦରକାର। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଜୀଙ୍କ ଦୂରଦୃଷ୍ଟିପୂର୍ଣ୍ଣ ଜାତୀୟ ଶିକ୍ଷା ନୀତିରେ ପରିବେଶ ସୁରକ୍ଷା ତଥା ସ୍ଥାୟୀ ପରିବେଶ ଉପରେ ଗୁରୁତ୍ୱ ଦିଆଯାଇଛି ବୋଲି କହିଛନ୍ତି।

ଓଡ଼ିଶା ଗଣମାଧ୍ୟମ ଜଗତରେ ନୂଆ ଚିନ୍ତାଧାରା ଓ ନୂଆ ଟେକ୍ନୋଲୋଜିକୁ ଆଧାର କରି ସାରା ବିଶ୍ୱରେ ଓଡ଼ିଆ ଲୋକଙ୍କ ପାଖରେ ଖବର ପହଞ୍ଚାଇବାରେ ସଫଳ ହୋଇଥିବା ସମ୍ବାଦ ଗ୍ରୁପ ଆଗାମୀ ଦିନରେ କେବଳ ଓଡ଼ିଆ ଲୋକଙ୍କ ଅଭିବ୍ୟକ୍ତିର ସ୍ୱର ହେବ ନାହିଁ ବରଂ ପରିବେଶ ସୁରକ୍ଷା ଭଳି ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ସଚେତନତା ସୃଷ୍ଟି କରିବ ବୋଲି ଧର୍ମେନ୍ଦ୍ର କହିଛନ୍ତି।

ଓଡ଼ିଶାର ୨ ଯବାନଙ୍କୁ ମରଣୋତ୍ତର ଶୌର୍ଯ୍ୟଚକ୍ର ସମ୍ମାନ

ଓଡ଼ିଶାର ଦୁଇ ଯବାନଙ୍କୁ ମରଣୋତ୍ତର ଶୌର୍ଯ୍ୟଚକ୍ର ସମ୍ମାନରେ ସମ୍ମାନିତ କରାଯିବ। ଏନେଇ କେନ୍ଦ୍ର ସରକାର ଘୋଷଣା କରିଛନ୍ତି। କମାଣ୍ଡୋ ସୁଧୀର ଟୁଡ଼ୁ ଓ ଦେବାଶିଷ ସେଠୀଙ୍କୁ ଦିଆଯିବ ଶୌର୍ଯ୍ୟଚକ୍ର ସମ୍ମାନ। ମାଓବାଦୀଙ୍କ ସହ ଗୁଳି ବିନିମୟ ସମୟରେ ଶହୀଦ ହୋଇଥିଲେ ଏହି ଦୁଇ ଯବାନ। ସେମାନଙ୍କର ଏହି ଅଦମ୍ୟ ସାହସ ଏବଂ ବଳିଦାନ ପାଇଁ ମରଣୋତ୍ତର ଶୌର୍ଯ୍ୟଚକ୍ର ଦ୍ୱାରା ସମ୍ମାନିତ କରାଯିବ। ଶନିବାର ଗୃହ ମନ୍ତ୍ରାଳୟ ପକ୍ଷରୁ ବିଭିନ୍ନ ପଦକ ଲାଗି ମନୋନୀତ ପୋଲିସ୍ କର୍ମଚାରୀଙ୍କ ନାମ ପ୍ରକାଶ କରାଯାଇଛି। ଓଡ଼ିଶାର ୨ ଜଣ ପୋଲିସ୍ କର୍ମଚାରୀଙ୍କୁ ରାଷ୍ଟ୍ରପତି ପଦକ, ୬୭ ଜଣଙ୍କୁ ବୀରତା ପଦକ ଓ ୧୧ ଜଣଙ୍କୁ ଉତ୍ତମ ସେବା ପାଇଁ ପୋଲିସ୍ ପଦକ ମିଳିବ ବୋଲି ଜଣାପଡ଼ିଛି।

ସୂଚନାଯୋଗ୍ୟ, ୯ ସେପ୍ଟେମ୍ବର ୨୦୨୦ରେ ଶହୀଦ ହୋଇଥିଲେ ସୁଧୀର ଟୁଡ଼ୁ ଓ ଦେବାଶିଷ ସେଠୀ। କଳାହାଣ୍ଡି ଜିଲ୍ଲା ସିକ୍ରି ଗାଁ ନିକଟ ଜଙ୍ଗଲରେ ହୋଇଥିଲା ମାଓବାଦୀଙ୍କ ସହ ଗୁଳି ବିନିମୟ। ମାଓବାଦୀଙ୍କ ସହ ଲଢ଼େଇରେ ଦୁଇ ବୀର ଯବାନ ସହିଦ ହୋଇଥିବାବେଳେ ୫ ମାଓବାଦୀଙ୍କୁ ମାରିବାରେ ସଫଳ ହୋଇଥିଲେ। ଶହୀଦ ଯବାନଙ୍କ ଘର ହେଉଛି ଅନୁଗୁଳ ଓ ମୟୂରଭଞ୍ଜ ଜିଲ୍ଲାରେ। ଦେବାଶିଷଙ୍କ ଘର ଅନୁଗୁଳ ଜିଲ୍ଲାର ରାଜକିଶୋରନଗରର ଅଙ୍ଗପଡ଼ାରେ ହୋଇଥିବା ବେଳେ ବାରିପଦା ସାନଭଦୁଆ ଗାଁ ହେଉଛି ସୁଧୀର ଟୁଡୁଙ୍କ ଘର।

ଯୁବପିଢ଼ିଙ୍କୁ ଆଧୁନିକ ସମାଜ ପାଇଁ ପ୍ରସ୍ତୁତ କରିବା ଆବଶ୍ୟକ: ଧର୍ମେନ୍ଦ୍ର

ଆମେ ଆଜାଦୀ କା ଅମୃତ ମହୋତ୍ସବ ପାଳନ କରିବା ସମୟରେ ଆମର ଇତିହାସ, ଆମର ଉତ୍ପତି ଏବଂ ପୂର୍ବପୁରୁଷଙ୍କ ବିଚାରଧାରାକୁ ଅବଲୋକନ କରି ଆଗାମୀ ୭୫ ବର୍ଷ ପର୍ଯ୍ୟନ୍ତ ପଥ ପ୍ରସ୍ତୁତ କରିବାକୁ ପଡ଼ିବ ବୋଲି ଶନିବାର ଦେଖୋ ଅପନା ଦେଶ ୱେବିନାର ରେ ଯୋଗଦେଇ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଆଜାଦୀ କା ଅମୃତ ମହୋତ୍ସବ ପାଳନ କରିବା ପାଇଁ ଆୟୋଜିତ ଏହି କାର୍ଯ୍ୟକ୍ରମରେ ଧର୍ମେନ୍ଦ୍ର ପ୍ରଧାନ ବିବିଧତାରେ ପରିପୂର୍ଣ୍ଣ ଭାରତର ସ୍ୱର୍ଣ୍ଣିମ ଇତିହାସ ଏବଂ ଭବିଷ୍ୟତ ଉପରେ ମତ ଦେଇଛନ୍ତି। ସେ କହିଛନ୍ତି ପର୍ଯ୍ୟଟନ କେବଳ ଉଲ୍ଲାସର ବିଷୟ ନୁହେଁ ବରଂ ଏହା ଶିକ୍ଷାର ବିଷୟ ମଧ୍ୟ। ଆମକୁ ଆମର ପ୍ରାଚୀନ ଇତିହାସ ଏବଂ ଆମର ଉତ୍ପତି ବିଷୟରେ ସ୍ପଷ୍ଟୀକରଣ ରଖିବା ଦରକାର। ଆମର ସ୍ୱାଧୀନତାର ଲଢ଼େଇ ୭୫ ବର୍ଷରୁ ଅଧିକ ପୁରୁଣା, ଏଥିପାଇଁ ଆମର ଶିକ୍ଷା ବ୍ୟବସ୍ଥା ଏହି ପରମ୍ପରା ସହ ଜଡ଼ିତ ରହିଛି ଏବଂ ଆଗକୁ ବଢ଼ିବାର ପ୍ରତିବଦ୍ଧତା ରଖିଛି। ବିଶ୍ୱ ଧର୍ମ ସଂସଦକୁ ସମ୍ବୋଧିତ କରିବା ସମୟରେ ବିଶ୍ୱବରେଣ୍ୟ ସ୍ୱାମୀ ବିବେକାନନ୍ଦ ମାତ୍ର ୩୦ ବର୍ଷର ଥିଲେ। ସେହିଭଳି ସ୍ୱାଧୀନତା ସଂଗ୍ରାମୀ ଭଗତ ସିଂହ ମାତ୍ର ୨୩ ବର୍ଷ ବୟସରେ ଏବଂ ଖୁଦିରାମ ବୋସ ମାତ୍ର ୧୮ ବର୍ଷ ବୟସରେ ଦେଶ ପାଇଁ ଲଢ଼ି ଶହୀଦ ହୋଇଥିଲେ।

ଛାତ୍ରଛାତ୍ରୀମାନେ ଦୁର୍ବଳ ବର୍ଗ ପ୍ରତି ସକାରାତ୍ମକ ଭାବନା ରଖନ୍ତୁ: ଧର୍ମେନ୍ଦ୍ର

ଗୁଣାତ୍ମକ ଶିକ୍ଷା ଓ ଗବେଷଣାର ଧାରା ବଜାୟ ରଖି ଭାରତକୁ ବିଶ୍ୱସ୍ତରରେ ଜ୍ଞାନ ଅର୍ଥନୀତିରେ ଶୀର୍ଷ ପହଞ୍ଚାଇବା ଦିଗରେ କାର୍ଯ୍ୟ କରି ଆସିଥିବା କିଟ୍ ବିଶ୍ୱବିଦ୍ୟାଳୟର ଯୋଗଦାନ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଶନିବାର କିଟ୍ ବିଶ୍ୱବିଦ୍ୟାଳୟର ୧୭ତମ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇ ଧର୍ମେନ୍ଦ୍ର କହିଛନ୍ତି, ଛାତ୍ରଛାତ୍ରୀମାନେ ଯେଉଁ ସବୁ ଜ୍ଞାନ ଆହରଣ କରିଛନ୍ତି, ତାହା ସେମାନଙ୍କର ଭବିଷ୍ୟତ ନିର୍ମାଣ କରିବାରେ ସହାୟକ ହେବ। ଉତ୍କୃଷ୍ଟତା ଲାଗି ପ୍ରୟାସ ଜାରି ରଖିଥିବା ବେଳେ ଏହି ଉତ୍କର୍ଷତା ନେଇ ଯେଉଁ ସଫଳତା ହାସଲ କରିବ ତାହା ସମାଜର ଦୁର୍ବଳ ବର୍ଗର ବ୍ୟକ୍ତିଙ୍କ ପାଇଁ ସକାରାତ୍ମକ ପ୍ରଭାବ ପକାଇବ ବୋଲି କହିଛନ୍ତି ଧର୍ମେନ୍ଦ୍ର। ଭାରତ ସରକାରଙ୍କ ଜାତୀୟ ଶିକ୍ଷାନୀତି -୨୦୨୦ ଜରିଆରେ ଭାରତରେ ଶିକ୍ଷା କ୍ଷେତ୍ରରେ ବ୍ୟାପକ ସଂସ୍କାର ଆଣିବ ଧର୍ମେନ୍ଦ୍ର କହିଛନ୍ତି।

ଜଙ୍ଗଲଜାତ ଦ୍ରବ୍ୟ ବାଉଁଶ କରଡ଼ି, ଆଦିବାସୀଙ୍କ ମଧ୍ୟରେ ରହିଛି ବେଶ ଚାହିଦା…

ଆଦିବାସୀ ମୁଖ୍ୟତଃ ଜଙ୍ଗଲଜାତ ଦ୍ରବ୍ୟ ଉପରେ ଭରସା କରି ଚଳନ୍ତି । ତା ଭିତରୁ ଅନ୍ୟତମ ହେଉଛି କରଡି । ବାଉଁଶ ଗଜାରୁ କରଡି ବାହାର କରାଯାଇଥାଏ । କୋରାପୁଟ ଅଞ୍ଚଳରେ ଏହାର ବ୍ୟବହାର ଅଧିକ ଦେଖିବାକୁ ମିଳିଥାଏ । ଜଙ୍ଗଲ ପାହାଡ଼କୁ ଯାଇ ବାଉଁଶ ବୁଦା ଗୁଡ଼ିକରୁ କରଡ଼ି ସଂଗ୍ରହ କରି ବଜାରରେ ବିକ୍ରି କରାଯାଇଥାଏ । ବାଉଁଶ ଗଜାକୁ ଛୋଟ ଛୋଟ କରି କାଟି ବଜାରରେ ବିକ୍ରି କରାଯାଇଥାଏ । କରଡିରେ ବିଭିନ୍ନ ସୁଆଦିଆ ତରକାରି ହେଉ କି ଭଜା ଏମିତି କି ଏଡାର ଆଚାର ମଧ୍ୟ ପ୍ରସ୍ତୁତ କରାଯାଇଥାଏ । ବହୁ ଲୋକ ଏହାକୁ ସ୍ନାକ୍ସ ଭାବରେ ମଧ୍ୟ ପ୍ରସ୍ତୁତ କରିଥାନ୍ତି । ବର୍ଷା ଦିନ ମାନଙ୍କରେ ଏହା ଫ୍ରେସ୍ ମିଳୁଥିବା ବେଳେ କିଛି ଲୋକ ଏହାକୁ ବର୍ଷ ତମାମ ସଂଗ୍ରହ କରି ରଖୁଥିବା ବେଳେ କୋରାପୁଟ ଅଞ୍ଚଳରେ ଏହା ବହୁଳ ବ୍ୟବହାର ହୋଇଥାଏ ।

ରେଳମନ୍ତ୍ରୀଙ୍କୁ ଭେଟିଲେ ବିଜେପି ସାଂସଦ

ନୂଆଦିଲ୍ଲୀ ସ୍ଥିତ ରେଳଭବନ ଠାରେ କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବଙ୍କୁ ଭେଟିଛନ୍ତି ଓଡ଼ିଶାର ବିଜେପି ସାଂସଦମାନେ। କେନ୍ଦ୍ରଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନେତୃତ୍ବରେ ବିଜେପି ପ୍ରତିନିଧି ମଣ୍ଡଳୀ ରେଳମନ୍ତ୍ରୀଙ୍କୁ ଭେଟି ରାଜ୍ୟରେ ଅଟକି ରହିଥିବା ବିଭିନ୍ନ ରେଳ ପ୍ରକଳ୍ପକୁ ତ୍ୱରାନ୍ୱିତ କରିବା, ଯାତ୍ରୀ ସୁବିଧା ଏବଂ ଏଥିସହ ଜଡ଼ିତ ବିଭିନ୍ନ ବିଷୟରେ ଆଲୋଚନା କରିଛନ୍ତି। ଓଡ଼ିଶାର ରେଳ ପ୍ରକଳ୍ପ ବିଷୟରେ ସାଂସଦମାନଙ୍କ ସହ କଥା ହେବା ସହ ସବୁ ପ୍ରକଳ୍ପ ବିଷୟରେ ଆଲୋଚନା ହୋଇଥିବା କହିଛନ୍ତି ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ। ରେଳ କ୍ଷେତ୍ରରେ ଓଡ଼ିଶାର ସାମଗ୍ରିକ ବିକାଶ ହେଉ, ଏହି ଲକ୍ଷ୍ୟ ରହିବ ବୋଲି ସେ କହିଛନ୍ତି।

ସେହିପରି ରାଜ୍ୟର ଶିକ୍ଷା ବ୍ୟବସ୍ଥା ନେଇ ମଧ୍ୟ ଆଲୋଚନା ହୋଇଥିବା ଜଣାପଡ଼ିଛି। କଳାହାଣ୍ଡିରେ କେନ୍ଦ୍ରୀୟ ବିଶ୍ବବିଦ୍ୟାଳୟ ଦାବି ରଖିଛନ୍ତି ସାଂସଦ ବସନ୍ତ ପଣ୍ଡା। ଏଥିସହ କଳାହାଣ୍ଡି ବିଶ୍ବବିଦ୍ୟାଳୟକୁ ୟୁଜିସି ମାନ୍ୟତା ଦେବାକୁ ସେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପାଖରେ ଦାବି କରିଛନ୍ତି। ସେହିପରି ବିଗତ ବର୍ଷ ମାନଙ୍କରେ ମୋଦୀ ସରକାର ଓଡ଼ିଶାରେ ରେଳ କ୍ଷେତ୍ରକୁ ପ୍ରାଧାନ୍ୟ ଦେଇ ଆସୁଛନ୍ତି।

ଅନିଲଙ୍କ ସଫଳତା ପ୍ରତ୍ୟେକ ଓଡ଼ିଆଙ୍କ ପାଇଁ ଗୌରବ: ଧର୍ମେନ୍ଦ୍ର

ଆନ୍ତର୍ଜାତିକ ଯୁବ ଦିବସ ଅବସରରେ ଶିକ୍ଷା, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ନିଜର ଅବଦାନ ପାଇଁ ରାଷ୍ଟ୍ରୀୟ ଯୁବ ପୁରସ୍କାରରେ ସମ୍ମାନିତ ହୋଇଥିବା ଓଡ଼ିଶାର ଅନିଲ ପ୍ରଧାନଙ୍କୁ ନୂଆଦିଲ୍ଲୀରେ ଭେଟି ତାଙ୍କୁ ଅଭିନନ୍ଦନ ଜଣାଇଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଯୁବ ଇଞ୍ଜିନିୟର ଅନିଲଙ୍କ ସଫଳତା ପ୍ରତ୍ୟେକ ଭାରତୀୟ ବିଶେଷ ଭାବରେ ଓଡ଼ିଆଙ୍କ ପାଇଁ ଗୌରବ ବୋଲି ପ୍ରଧାନ କହିଛନ୍ତି।

ଧର୍ମେନ୍ଦ୍ର ଟ୍ୱିଟ୍ କରି କହିଛନ୍ତି, ଭାରତର ଯୁବଶକ୍ତି ହେଉଛନ୍ତି ପରିବର୍ତ୍ତନର ଆଧାରଶୀଳା। ଯେଉଁମାନେ କୋଭିଡ୍ ପରବର୍ତ୍ତୀ ନୂତନ ବିଶ୍ୱରେ ଆତ୍ମନିର୍ଭର ଭାରତର ସ୍ଥାନକୁ ମଜବୁତ୍ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିବେ। ଏହିଭଳି ଅନେକ ଯୁବପିଢ଼ି ଓ ଯୁବ ଉଦ୍ୟୋଗୀଙ୍କ ଅନିଲ ପ୍ରେରଣାର ଉତ୍ସ ହୋଇଛନ୍ତି। ଯୁବ ଇଞ୍ଜିନିୟର ଅନିଲ ନବସୃଜନ, ଶିକ୍ଷା ଏବଂ ରାଷ୍ଟ୍ର ନିର୍ମାଣରେ ନିଜକୁ ନିୟୋଜିତ କରିବା ପାଇଁ ଅନେକ ଲୋଭନୀୟ ଚାକିରି ଛାଡ଼ିଛନ୍ତି।

ସବ୍‌ସୋନିକ୍‌ କ୍ରୁଜ୍‌ କ୍ଷେପଣାସ୍ତ୍ର ନିର୍ଭୟର ସଫଳ ପରୀକ୍ଷଣ: ଶବ୍ଦଠାରୁ ୯ଗୁଣ ଅଧିକ ବେଗ

ମଧ୍ୟମ ଦୂରଗାମୀ ସବସୋନିକ୍ କ୍ରୁଜ୍ ମିସାଇଲ୍ ନିର୍ଭୟର ସଫଳ ପରୀକ୍ଷଣ ହୋଇଛି। ସ୍ୱଦେଶୀ ଜ୍ଞାନକୌଶଳରେ ନିର୍ମିତ ନିର୍ଭୟ କ୍ଷେପଣାସ୍ତ୍ରକୁ ଆଜି ସକାଳ ୯ଟା ୫୩ ମିନିଟରେ ବାଲେଶ୍ୱର ଜିଲ୍ଲା ଚାନ୍ଦିପୁର କ୍ଷେପଣାସ୍ତ୍ର ଘାଟିର ୩ ନମ୍ବର ଲଞ୍ଚ ପ୍ୟାଡରୁ ଉତକ୍ଷେପଣ କରାଯାଇଥିଲା। ନିର୍ଭୟ କ୍ଷେପଣାସ୍ତ୍ରର ଓଜନ ୧୫୦୦ କିଲୋଗ୍ରାମ ରହିଛି। ଏହାର ଲମ୍ବ ୬ ମିଟର ଓ ଓସାର ୦.୫୨ ମିଟର। ଏହାର ଡେଣାର ଲମ୍ବ ୨.୭ ମିଟର ରହିଛି। ୨୦୦ରୁ ୩୦୦ କିଲୋଗ୍ରାମ ପର୍ଯ୍ୟନ୍ତ ଉଭୟ ପାରମ୍ପରିକ ଓ ଆଣବିକ ଯୁଦ୍ଧାସ୍ତ୍ର ପରିବହନ କରିପାରିବ। ୭୫୦ରୁ ୧୦୦୦ କିଲୋମିଟର ଯାଏ ଲକ୍ଷ୍ୟଭେଦ କରିପାରିବ ନିର୍ଭୟ।

ପରୀକ୍ଷା ସମୟରେ ସ୍ବତନ୍ତ୍ର ଭାବେ ଲଗାଯାଇଥିବା ରାଡାର ମାଧ୍ୟମରେ ସଂଗୃହୀତ ତଥ୍ୟକୁ ପ୍ରତିରକ୍ଷା ବିଭାଗର ବୈଜ୍ଞାନିକମାନେ ସମୀକ୍ଷା କରୁଛନ୍ତି। ଉତକ୍ଷେପଣ ପରେ ଏହି କ୍ଷେପଣାସ୍ତ୍ର ଶତ୍ରୁ ଶିବିରର ଫଟୋ ଓ ଭିଡିଓ କଣ୍ଟ୍ରୋଲରୁମକୁ ପଠାଇ ପାରିବ। ପୂର୍ବରୁ ନିର୍ଭୟ ମିସାଇଲରେ ଟର୍ବୋଫ୍ୟାନ୍ ଇଞ୍ଜିନ ବ୍ୟବହାର କରାଯାଉଥିବା ବେଳେ, ଚଳିତ ପରୀକ୍ଷାରେ ଏହି ମିସାଇଲରେ ମାଣିକ ଟର୍ବୋଫ୍ୟାନ୍ ଇଞ୍ଜିନ ବ୍ୟବହାର କରାଯାଇ ପରୀକ୍ଷା କରାଯାଇଛି।

ଷ୍ଟେଟ୍ ଲିଷ୍ଟ୍ ଆଧାରରେ ପଛୁଆ ଜାତିଙ୍କୁ ସଂରକ୍ଷଣ ଦିଅନ୍ତୁ ଓଡ଼ିଶା ସରକାର: ଧର୍ମେନ୍ଦ୍ର

କେନ୍ଦ୍ର ସରକାର ପଛୁଆ ବର୍ଗଙ୍କ ପାଇଁ ଚାକିରି ଓ ଶିକ୍ଷା କ୍ଷେତ୍ରରେ ୨୭ ପ୍ରତିଶତ ସ୍ଥାନ ସଂରକ୍ଷଣ ବ୍ୟବସ୍ଥା କରିଥିବା ବେଳେ ଓଡ଼ିଶାରେ ରାଜ୍ୟ ସରକାର ଏହି ବର୍ଗଙ୍କ ପାଇଁ ସ୍ଥାନ ସଂରକ୍ଷଣ ନ ଦେଇ ୫୦ ପ୍ରତିଶତରୁ ଅଧିକ ସ୍ଥାନ ସଂରକ୍ଷଣ ଦାବି କରିବା ଅମୂଳକ। ଓଡ଼ିଶା ଏକମାତ୍ର ରାଜ୍ୟ ଯେ ସମ୍ଭବତଃ ଷ୍ଟେଟ୍ ଲିଷ୍ଟ୍ ଆଧାରରେ ପଛୁଆ ଜାତିଙ୍କୁ ସଂରକ୍ଷଣ ଦେଇନାହିଁ। ତେଣୁ ଓଡ଼ିଶା ସରକାର ଷ୍ଟେଟ୍ ଲିଷ୍ଟ୍ ଆଧାରରେ ପଛୁଆ ଜାତିଙ୍କୁ ସଂରକ୍ଷଣ ଦିଅନ୍ତୁ ବୋଲି ରାଜ୍ୟସଭାରେ ୧୨୭ତମ ସଂଶୋଧନ ବିଧେୟକ ଆଲୋଚନାରେ ବକ୍ତବ୍ୟ ରଖି କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଆଜିଠୁ ଜଗା ଦର୍ଶନ

କୋରୋନା ମହାମାରୀ ପାଇଁ ଦୀର୍ଘଦିନ ଧରି ବନ୍ଦ ରହିବା ପରେ ଆଜିଠୁ ଭକ୍ତଙ୍କ ପାଇଁ ଖୋଲିବାକୁ ଯାଉଛି କାଳିଆ ଦୁଆର। ଗୁରୁବାରଠାରୁ ଆରମ୍ଭ ହେବ ଜଗା ଦର୍ଶନ। କାଳିଆ ସାଆନ୍ତଙ୍କ ସହ ବଡ଼ଠାକୁର ବଳଭଦ୍ର ଓ ଦେବୀ ସୁଭଦ୍ରାଙ୍କୁ ଦର୍ଶନ କରି ଚକ୍ଷୁ ପବିତ୍ର କରିବେ ଶ୍ରଦ୍ଧାଳୁ। ହେଲେ ମନ୍ଦିର ଖୋଲିବା ପୂର୍ବରୁ ଜାରି ହୋଇଛି ସ୍ବତନ୍ତ୍ର ଏସଓପି। ତେବେ ୧୨ ତାରିଖରେ ଶ୍ରୀମନ୍ଦିର ଖୋଲୁଥିଲେ ହେଁ ୨୩ ତାରିଖରୁ ସର୍ବସାଧାରଣ ଦର୍ଶନ ପାଇବେ। ପ୍ରଥମ ୭ ଦିନ ପୁରୀ ସହରବାସୀ ଏବଂ ସେବାୟତଙ୍କ ପରିବାର ଶ୍ରୀଜୀଉଙ୍କ ଦର୍ଶନ କରିବେ।

ନୂଆ ଏସଓପି ଅନୁଯାୟୀ, ସକାଳ ୭ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଶ୍ରୀଜିଉଙ୍କୁ ଦର୍ଶନ କରିପାରିବେ ଶ୍ରଦ୍ଧାଳୁ। ଆନନ୍ଦ ବଜାରରେ ମହାପ୍ରସାଦ ଖାଇପାରିବେନି ଭକ୍ତ, ବାହାରେ ନେଇ ମହାପ୍ରସାଦ ସେବନ କରିପାରିବେ। ସେବାୟତଙ୍କ ପରିବାର ମନ୍ଦିର ଭିତରକୁ ଦର୍ଶନ ପାଇଁ ଆସିଲେ ମନ୍ଦିର ପ୍ରଶାସନ ପକ୍ଷରୁ ଦିଆଯାଇଥିବା କାର୍ଡ, ଫଟୋ ଆଇଡି କାର୍ଡ ଆଣିବେ। ପୁରୀ ସହରବାସୀ ନିଜର ଆଧାରକାର୍ଡ କିମ୍ବା ଭୋଟ୍&Zwnj; ପରିଚୟ ପତ୍ର ଦେଖାଇ ମହାପ୍ରଭୁଙ୍କ ଦର୍ଶନ କରିପାରିବେ। ଅନ୍ୟପଟେ ସାଧାରଣ ଭକ୍ତ ମହାପ୍ରଭୁଙ୍କ ଦର୍ଶନ ପାଇଁ ମନ୍ଦିର ଭିତରେ ପ୍ରବେଶ କରିବା ପୂର୍ବରୁ କୋରୋନା ଟିକାର ଦୁଇଟି ଡୋଜର ପ୍ରମାଣପତ୍ର ନଚେତ୍ ୯୬ ଘଣ୍ଟା ପୂର୍ବର ଆର ଟିପିସିଆର ରିପୋର୍ଟ ଦେଖାଇବେ।

ଓଡ଼ିଶାରେ ଆୟୁଷ୍ମାନ ଯୋଜନା ଲାଗୁ କରିବାକୁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଭେଟିଲେ ବିଜେପି ସାଂସଦ

ଓଡ଼ିଶାରେ ଆୟୁଷ୍ମାନ ଭାରତ ଯୋଜନାକୁ କାର୍ଯ୍ୟକାରୀ ଲାଗି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନେତୃତ୍ବରେ ଓଡ଼ିଶାର ବିଜେପି ସାଂସଦମାନେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ୍ ଲାଲ୍ ମାଣ୍ଡଭିୟଙ୍କୁ ସାକ୍ଷାତ କରି ଦାବିପତ୍ର ପ୍ରଦାନ କରିଛନ୍ତି। ସ୍ୱାସ୍ଥ୍ୟସେବା କ୍ଷେତ୍ରରେ ଓଡ଼ିଶାର ଲୋକଙ୍କ ସ୍ୱାର୍ଥକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଆରମ୍ଭ ହୋଇଥିବା ବିଶ୍ୱର ସବୁଠୁ ବଡ଼ ସ୍ୱାସ୍ଥ୍ୟସେବା ଯୋଜନା ଆୟୁଷ୍ମାନ ଭାରତକୁ ଓଡ଼ିଶାରେ ଲାଗୁ କରାଗଲେ ଅନେକ ଗରିବ ଲୋକମାନେ ଉପକୃତ ହୋଇପାରିବେ ବୋଲି କହିଛନ୍ତି ବିଜେପି ପ୍ରତିନିଧି ମଣ୍ଡଳୀ। ଏହି ପ୍ରତିନିଧି ମଣ୍ଡଳୀରେ ସାଂସଦ ଜୁଏଲ ଓରାମ, ପ୍ରତାପ ଷଡ଼ଙ୍ଗୀ, ସୁରେଶ ପୁଜାରୀ, ବସନ୍ତ ପଣ୍ଡା, ସଙ୍ଗୀତା ସିଂହଦେଓ, ଅପରାଜିତା ଷଡ଼ଙ୍ଗୀ, ନିତେଶ ଗଙ୍ଗଦେବ ପ୍ରମୁଖ ସାମିଲ୍ ଥିଲେ।

ଉଚ୍ଚ ଶିକ୍ଷାନୁଷ୍ଠାନରେ ସାମ୍ବିଧାନିକ ଆରକ୍ଷଣ ଦେବା ପାଇଁ ମୋଦୀ ସରକାର କଟିବଦ୍ଧ: ଧର୍ମେନ୍ଦ୍ର

କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୋମବାର ରାଜ୍ୟସଭାରେ କେନ୍ଦ୍ର ଶାସିତ ଅଞ୍ଚଳ ଲଦାଖରେ କେନ୍ଦ୍ରୀୟ ବିଶ୍ୱବିଦ୍ୟାଳୟ ପ୍ରତିଷ୍ଠା ହେବା ନେଇ କେନ୍ଦ୍ରୀୟ ବିଶ୍ୱବିଦ୍ୟାଳୟ(ସଂଶୋଧନ) ବିଲ୍ ୨୦୨୧ ଉପରେ ପ୍ରତିକ୍ରିୟା ରଖିବା ପରେ ରାଜ୍ୟସଭାରେ ଏହି ବିଲ୍ ଗୃହୀତ ହୋଇଛି। ଗୃହରେ କେନ୍ଦ୍ରୀୟ ବିଶ୍ୱବିଦ୍ୟାଳୟ(ସଂଶୋଧନ) ବିଲ୍, ୨୦୨୧ ଉପରେ ପ୍ରତିକ୍ରିୟାରେ ଧର୍ମେନ୍ଦ୍ର କହିଛନ୍ତି, ଭାରତ ସରକାର ଲେହ, ଲଦାଖ ଏବଂ କାର୍ଗିଲରେ ସାମଗ୍ରିକ ବିକାଶକୁ ସୁନିଶ୍ଚିତ କରିବା ପାଇଁ ପ୍ରତିଶ୍ରୁତିବଦ୍ଧ। ଲଦାଖରେ ଶିକ୍ଷାନୁଷ୍ଠାନ ଗୁଡ଼ିକରେ ଅଧ୍ୟୟନ କରୁଥିବା ଛାତ୍ରଛାତ୍ରୀଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କରିବା ଭାରତ ସରକାରଙ୍କ ଲକ୍ଷ୍ୟ।

Celebrating the unique identity on WOrld Indigenous Peoples Day!

Odisha is home to over 95 lakhs indigenous population with 62 distinct tribes. Let us celebrate the vivid uniqueness and amazing cultural diversity that binds us together so beautifully!

ବିଦେଶରେ ମହକିବ କୋରାପୁଟ କଫି

କୋରାପୁଟ ଜିଲ୍ଲାର ଏକ ନିର୍ଦ୍ଧିଷ୍ଟ ଅଞ୍ଚଳରେ ଉତ୍ପାଦନ ହେଉଥିବା କୋରାପୁଟ କଫି ଦେଶବିଦେଶର କୋଣ ଅନୁକୋଣରେ ନିଜର ଉପସ୍ଥିତି ଜାହିର କରିବାକୁ ଯାଉଛି। ରାଜ୍ୟର କଫି ଚାଷୀଙ୍କ ଉନ୍ନତି ଓ ସମୃଦ୍ଧି ପାଇଁ ଟିଡିସିସିଓଏଲର ପ୍ରୟାସରେ କୋରାପୁଟ କଫିର ବିକ୍ରିବଟା ପାଇଁ ଟାଟା କଫି ସହମତି ପ୍ରକାଶ କରିଛି। ଏହାର ସ୍ୱତନ୍ତ୍ରତାକୁ ବଜାୟ ରଖିବା ଉପରେ ଗୁରୁତ୍ୱ ଦେଇ ଟାଟା କଫି ପ୍ରଥମ ଥର ପାଇଁ ଓଡ଼ିଶାରୁ କଫି କ୍ରୟ କରିବାକୁ ଯାଉଛି। ୨୦୨୦-୨୧ରେ କୋରାପୁଟ ଜିଲ୍ଲାର ଲକ୍ଷ୍ମୀପୁର, କାଶିପୁର, ଦସମନ୍ତପୁର, ନନ୍ଦପୁର, ଲମଟାପୁଟ, କୋରାପୁଟ ଓ ପଟ୍ଟାଙ୍ଗି ବ୍ଲକର ୧୯୩ ଜଣ ଆଦିବାସୀ କଫି ଚାଷୀଙ୍କଠାରୁ ଟିଡିସିସିଓଏଲ୍ ୨୮,୭୯୦ କେଜି କଫି ଚେରୀ ସଂଗ୍ରହ କରିଛି। ୨୧-୨୨ ବର୍ଷରେ ଅଧିକ ୮୦ ହେକ୍ଟର ଜମିରେ କଫି ଉତ୍ପାଦନ ପାଇଁ ଲକ୍ଷ୍ୟ ରହିଛି। ଚଳିତ ବର୍ଷ କଫି ଉତ୍ପାଦନକାରୀଙ୍କୁ ଦକ୍ଷତା ବୃଦ୍ଧି ତାଲିମ ଦିଆଯାଇଥିବାରୁ ଗତ ବର୍ଷ ଅପେକ୍ଷା ଅଧିକ କଫି ଉତ୍ପାଦନ ହେବ ବୋଲି ଆଶା ରଖାଯାଇଛି।

ସ୍ଵଭାଵ କବି ଗଙ୍ଗାଧର ମେହେରଙ୍କ ଜୟନ୍ତୀରେ ଭକ୍ତିପୂତ ପ୍ରଣାମ

ମାତୃଭୂମି ମାତୃଭାଷା ରେ ମମତା ଯା ହୃଦେ ଜନମି ନାହିଁ ।

ତାକୁ ଯଦି ଜ୍ଞାନୀ ଗଣରେ ଗଣିବା ଅଜ୍ଞାନ ରହିବେ କାହିଁ ।

ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନର ଅନ୍ୟତମ ପୁରୋଧା ସ୍ୱଭାବ କବି ତଥା ଆମ ମାତୃଭାଷାର ଗୌରବ ସ୍ବଭାବ କବି ଗଙ୍ଗାଧର ମେହେରଙ୍କ ଜୟନ୍ତୀ ଅବସରରେ କୋଟି କୋଟି ପ୍ରଣାମ । ତାଙ୍କର ଉଚ୍ଚକୋଟିର ରଚନା ଯଥା 'ତପସ୍ୱିନୀ', 'ଇନ୍ଦୁମତୀ' ଆଦି ଓଡ଼ିଆ ସାହିତ୍ୟକୁ ରୁଦ୍ଧିମନ୍ତ କରିବା ସହିତ ଯୁଗ ଯୁଗ ଧରି ସମସ୍ତଙ୍କୁ ଅନୁପ୍ରେରିତ କରୁଥିବ।

ଭାରତଛାଡ ଆନ୍ଦୋଳନରେ ଦେଶର ସ୍ଵାଧିନତା ପାଇଁ ଶହୀଦ ହୋଇଥିବା ବୀର ସ୍ୱାଧୀନତା ସଂଗ୍ରାମୀମାନଙ୍କୁ ଶ୍ରଦ୍ଧାଞ୍

ଭରତର ସ୍ଵାଧୀନତା ଆନ୍ଦୋଳନର ଅନ୍ୟତମ ଗୁରୁତ୍ୱପୂର୍ଣ୍ଣ ଆଧାୟ ଭରତଛାଡ଼ ଆନ୍ଦୋଳନର ବାର୍ଷିକୀ ଅବସରରେ ସମସ୍ତ ସ୍ଵାଧୀନତା ସଂଗ୍ରାମୀଙ୍କୁ ସଶ୍ରଦ୍ଧ ନମନ । ୧୯୪୨ ମସିହା ଆଜିର ଦିନରେ ମହାତ୍ମା ଗାନ୍ଧୀ ଙ୍କ ଡାକରାରେ କର ବା ମର ପରିସ୍ଥିତିରେ ଭାରତ ଛାଡ ଆନ୍ଦୋଳନର ଡାକରା ଦେଇଥିଲେ ଯାହାଫଳରେ ଇଂରେଜ ସରକାର ଭାରତ ଛାଡ଼ିବାକୁ ବାଧ୍ୟ ହୋଇଥିଲେ।ଏହି ସ୍ଵାଧୀନତା ସଂଗ୍ରାମ ରେ ଭାରତମାତା ର ଅନେକ ବୀର ସୁପୁତ୍ର ପ୍ରାଣବଳି ଦେଇଥିଲେ , ସେମାନଙ୍କୁ କୋଟି କୋଟି ପ୍ରଣାମ।

ଉପନ୍ୟାସିକା ପାରମିତା ଶତପଥି ପାଇବେ ଶାରଳା ପୁରସ୍କାର

ଘୋଷଣା ହେଲା ୪୨ ତମ ଶାରଳା ପୁରସ୍କାର। ଏହି ମର୍ଯ୍ୟାଦାଜନକ ପୁରସ୍କାର ପାଇବାକୁ ମନୋନୀତ ହୋଇଛନ୍ତି ଉପନ୍ୟାସିକା ପାରମିତା ଶତପଥି। ଉପନ୍ୟାସ ଅଭିପ୍ରେତ କାଳ ପାଇଁ ତାଙ୍କୁ ଏହି ସମ୍ମାନଜନକ ପୁରସ୍କାର ମିଳିବାକୁ ଯାଉଛି। ପୁରସ୍କାର ବାବଦକୁ ୫ ଲକ୍ଷ ଟଙ୍କା ସହ ମାନପତ୍ର ପ୍ରଦାନ କରାଯିବ। ତେବେ କୋରୋନା ମହାମାରୀ ପାଇଁ ଚଳିତ ବର୍ଷ ପୁରସ୍କାର ଉତ୍ସବର ଆୟୋଜନ ହେବ ନାହିଁ। ବ୍ୟକ୍ତିଗତ ଭାବେ ତାଙ୍କୁ ଏହି ପୁରସ୍କାର ପ୍ରଦାନ କରାଯିବ ବୋଲି ଜଣାପଡ଼ିଛି।

ଆଦିକବି ସାରଳା ଦାଶଙ୍କ ନାମରେ ନାମିତ ଏହି ପୁରସ୍କାର ଓଡ଼ିଆ ଭାଷା ଓ ସାହିତ୍ୟକୁ ନେଇ ପ୍ରଦାନ କରାଯାଇଥାଏ। ଉଲ୍ଲେଖନୀୟ ଅବଦାନ ନିମନ୍ତେ ପ୍ରତିବର୍ଷ ଏହି ସମ୍ମନା ଘୋଷଣା କରାଯାଇଥାଏ।

ମେରା ମାନ, ମେରା ରାଷ୍ଟ୍ରଗାନ ଅଭିଯାନରେ ସାମିଲ୍‌ ହେଲେ ଧର୍ମେନ୍ଦ୍ର

ସ୍ବାଧୀନତାର ଅମୃତ ମହୋତ୍ସବ ପାଳନ ଅବସରରେ ଭାରତ ସରକାରଙ୍କ ସଂସ୍କୃତି ମନ୍ତ୍ରାଳୟ ପକ୍ଷରୁ ଆରମ୍ଭ ହୋଇଥିବା ମେରା ମାନ, ମେରା ରାଷ୍ଟ୍ରଗାନ ଅଭିଯାନରେ ସାମିଲ୍ ହୋଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହି ଅବସରରେ ସମସ୍ତ ଭାଇ ଓ ଭଉଣୀଙ୍କୁ ମଧ୍ୟ ଏହି ସ୍ବତନ୍ତ୍ର ଅଭିଯାନରେ ସାମିଲ୍ ହେବାକୁ ସାମାଜିକ ଗଣମାଧ୍ୟମରେ ଏକ ଭିଡିଓ ପୋଷ୍ଟ୍ କରି ଅନୁରୋଧ କରିଛନ୍ତି ଧର୍ମେନ୍ଦ୍ର।

ଧର୍ମେନ୍ଦ୍ର କହିଛନ୍ତି, ଦେଶ ୭୫ ତମ ସ୍ବାଧୀନତା ଦିବସ ପାଳନ କରିବାକୁ ଯାଉଛି। ଅମୃତ ମହୋତ୍ସବ ପାଳନ କରିବାକୁ ଆମେ ସମସ୍ତେ ପ୍ରସ୍ତୁତ। ଏହି ଅବସରରେ ଭାରତ ସରକାରଙ୍କ ସଂସ୍କୃତି ବିଭାଗ ତରଫରୁ ଏକ ଅଭିନବ ଜନଆନ୍ଦୋଳନ କରାଯାଉଛି। ମେରା ମାନ, ମେରା ରାଷ୍ଟ୍ରଗାନ ଏପ୍ରକାର ଏକ ଅଭିଯାନ ଆରମ୍ଭ କରାଯାଇଛି।

୪୧ ବର୍ଷ ପରେ ଭାରତୀୟ ପୁରୁଷ ହକି ଦଳକୁ ଅଲିମ୍ପିକ୍ସ ପଦକ

ଚଳିତ ଅଲିମ୍ପିକ୍ସରେ ଭାରତୀୟ ପୁରୁଷ ଦଳ ଦୀର୍ଘ ୪୯ ବର୍ଷ ପରେ ସେମିଫାଇନାଲରେ ପ୍ରବେଶ କରି ସ୍ବର୍ଣ୍ଣ ଆଶା ଦେଇଥିଲେ ହେଁ ଶେଷରେ ବ୍ରୋଞ୍ଜ ପଦକ ଜିତିବାରେ ସକ୍ଷମ ହୋଇଛି। ମନପ୍ରୀତ୍ ସିଂଙ୍କ ନେତୃତ୍ବାଧୀନ ଟିମ୍ ଗୁରୁବାର ଖେଳାଯାଇଥିବା ବ୍ରୋଞ୍ଜ୍ ପଦକ ମ୍ୟାଚରେ ଜର୍ମାନୀକୁ ୫-୪ ଗୋଲରେ ପରାସ୍ତ କରି ଦୀର୍ଘ ୪୧ ବର୍ଷ ପରେ ଦେଶ ପାଇଁ ପଦକ ଜିତିବାର ଗୌରବ ଅର୍ଜନ କରିଛି। ଏହି ମ୍ୟାଚରେ ଗୋଟିଏ ପରେ ଗୋଟିଏ ଗୋଲ୍ ହେବା ଫଳରେ ଏକରକମ ଗୋଲ୍ ବର୍ଷା ହୋଇଥିଲା ବୋଲି କହିଲେ ଅତ୍ୟୁକ୍ତି ହେବ ନାହିଁ। ପ୍ରଥମେ ଜର୍ମାନୀ ଅଗ୍ରଣୀ ନେଇଥିଲେ ହେଁ ପରବର୍ତ୍ତୀ ସମୟରେ ଭାରତ ୫-୩ରେ ଆଗୁଆ ରହି ବ୍ରୋଞ୍ଜ୍ ପଦକ ଉପରେ କବଜା କରିବା ଏକରକମ ନିଶ୍ଚିତ କରିଥିଲା। ତେବେ ପରେ ଜର୍ମାନୀ ଆଉ ଗୋଟିଏ ଗୋଲ୍ ଦେଇଥିଲେ ହେଁ ଭାରତ ଶେଷ ପର୍ଯ୍ୟନ୍ତ ୫-୪ ବ୍ୟବଧାନକୁ ବଜାୟ ରଖି ୪୧ ବର୍ଷର ପଦକ ପାଇଁ ଥିବା ଅପେକ୍ଷାର ଅନ୍ତ ଘଟାଇଛି। ଏଥିସହ ଭାରତ ଚଳିତ ଅଲିମ୍ପିକ୍ସରେ ତାର ଚତୁର୍ଥ ପଦକ ଓ ୩ୟ ବ୍ରୋଞ୍ଜ୍ ପଦକ ହାସଲ କରିଛି।

ସରକାରୀ ସ୍କୁଲ୍‌ରେ ଖୋଲିବ ପ୍ଲେ ସ୍କୁଲ୍‌: ଧର୍ମେନ୍ଦ୍ର

ଦେଶରେ ସମଗ୍ର ଶିକ୍ଷା ଯୋଜନା ୨.୦କୁ କ୍ୟାବିନେଟ୍ ମଞ୍ଜୁରୀ ମିଳିଛି। ଏଥିପାଇଁ ମୋଟ ୨ ଲକ୍ଷ ୯୫ କୋଟି ଟଙ୍କା ଖର୍ଚ୍ଚ ହେବ। କେନ୍ଦ୍ରୀୟ ଅଂଶଧନ ବାବଦକୁ ମୋଟ କେନ୍ଦ୍ର ସରକାର ୧ ଲକ୍ଷ ୮୫ କୋଟି ଟଙ୍କା ଦେବେ। ଏହି ଯୋଜନାରେ ସ୍କଲ୍ ଶିକ୍ଷା କ୍ଷେତ୍ରରେ କେତେକ ଐତିହାସିକ ନିଷ୍ପତ୍ତି ନିଆଯାଇଥିବା ସୂଚନା ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଧର୍ମେନ୍ଦ୍ର କହିଛନ୍ତି, ସ୍କୁଲ୍ ଶିକ୍ଷା କ୍ଷେତ୍ରରେ ଆରମ୍ଭ ହେବ ନୂଆ ଯୁଗ। ପ୍ରି-ସ୍କୁଲରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଏହି ଯୋଜନାରେ ସାମିଲ୍ ହେବେ। ସରକାରୀ ସ୍କୁଲମାନଙ୍କରେ ଖୋଲିବ ପ୍ଲେ ସ୍କୁଲ୍। ଏହି ଯୋଜନାରେ ମାଷ୍ଟରଟ୍ରେନର୍ ଏବଂ ଅଙ୍ଗନବାଡି କର୍ମୀଙ୍କୁ ବିଶେଷ ତାଲିମ୍ ଦିଆଯିବ। ସରକାରୀ ସ୍କୁଲ୍ ପିଲାଙ୍କୁ ମୁଣ୍ଡପିଛା ୫ ହଜାର ଟଙ୍କାର ଶିକ୍ଷା ଉପକରଣ ଯୋଗାଇ ଦିଆଯିବ।

ରୁସା ଯୋଜନାରେ ଓଡ଼ିଶାକୁ ମିଳିଛି ୩୯୫.୪୨ କୋଟି: ଧର୍ମେନ୍ଦ୍ର

ରାଜ୍ୟରେ ଉଚ୍ଚଶିକ୍ଷା କ୍ଷେତ୍ରରେ ଗବେଷଣା ଏବଂ ନବସୃଜନକୁ ପ୍ରୋତ୍ସାହନ ଦେବା ପାଇଁ କେନ୍ଦ୍ର ସରକାର ବର୍ତ୍ତନ ସୁଦ୍ଧା ରାଜ୍ୟର ୩୦ଟି ଜିଲ୍ଲାର ୧୬୧ଟି ଉଚ୍ଚ ଶିକ୍ଷାନୁଷ୍ଠାନ ଗୁଡ଼ିକୁ କେନ୍ଦ୍ରୀୟ ଯୋଜନା ରାଷ୍ଟ୍ରୀୟ ଉଚ୍ଚତର ଶିକ୍ଷା ଅଭିଯାନ (ରୁସା) ଅଭିଯାନରେ ୩୯୫.୪୨ କୋଟି ଟଙ୍କା ପ୍ରଦାନ କରିଛନ୍ତି। ସଂସଦରେ ଉପସ୍ଥାପିତ ଏ ସମ୍ପର୍କିତ ପ୍ରଶ୍ନର ଉତ୍ତରରେ କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ରୁଷା ଅଭିଯାନ ଅନ୍ତର୍ଗତ ଓଡ଼ିଶାରେ ମହାବିଦ୍ୟାଳୟ ଗୁଡ଼ିକୁ ବିଶ୍ୱବିଦ୍ୟାଳୟରେ ପରିଣତ କରିବା ତଥା ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ ଗୁଡ଼ିକରେ ଭିତ୍ତିଭୂମିର ବିକାଶ, ଡିଗ୍ରୀ କଲେଜକୁ ଆଦର୍ଶ ଡିଗ୍ରୀ କଲେଜ ଭାବରେ ବିକଶିତ, ନୂତନ ମଡେଲ୍ ଡିଗ୍ରୀ କଲେଜ ସ୍ଥାପନା ଏବଂ ରାଜ୍ୟ ବିଶ୍ୱବିଦ୍ୟାଳୟ ଗୁଡ଼ିକରେ ଗୁଣାତ୍ମକ ଶିକ୍ଷା ବଢ଼ାଇବା ପାଇଁ କେନ୍ଦ୍ରୀୟ ଅଂଶ ବାବଦକୁ ମୋଟ ୩୯୫.୪୨ କୋଟି ଟଙ୍କା ଓଡ଼ିଶାକୁ ଦିଆଯାଇଛି ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ।

୧୬ରେ ଖୋଲିବ ଶ୍ରୀମନ୍ଦିର: ୨୨ରୁ ସାଧାରଣ ଦର୍ଶନ

କୋରୋନା ମହାମାରୀ ପାଇଁ ଦୀର୍ଘଦିନ ଧରି ବନ୍ଦ ରହିବା ପରେ ପୁଣି ଭକ୍ତଙ୍କ ପାଇଁ ଖୋଲିବାକୁ ଯାଉଛି କାଳିଆ ଦୁଆର। ଆସନ୍ତା ୧୬ ତାରିଖରୁ ଭକ୍ତଙ୍କ ପାଇଁ ଖୋଲିବ ଶ୍ରୀମନ୍ଦିର। ହେବ ଭକ୍ତ ଓ ଭଗବାନଙ୍କ ମିଳନ। ତେବେ ଶ୍ରୀମନ୍ଦିର ଖୋଲିବା ପରେ ପ୍ରଥମ ୫ ଦିନ ଅର୍ଥାତ ୨୦ ତାରିଖ ପର୍ଯ୍ୟନ୍ତ କାଳିଆକୁ ଦର୍ଶନ କରିବାର ସୌଭାଗ୍ୟ ପାଇବେ ପୁରୀବାସୀ। ଏହାପରେ ଆସନ୍ତା ୨୩ ତାରିଖରୁ ଆରମ୍ଭ ହେବ ସାଧାରଣ ଦର୍ଶନ। ଆରଟିପିସିଆର ରିପୋର୍ଟ ସହ ୨ଟି ଡୋଜ ଟିକା ପ୍ରମାଣପତ୍ର ଦେଖାଇ କୋଭିଡ୍ ଗାଇଡଲାଇନ୍ ମାନି ଦର୍ଶନ କରିପାରିବେ ସାଧାରଣ ଭକ୍ତ।

ସତ୍ୟ ନାରାୟଣ ପ୍ରଧାନ ଗ୍ରହଣ କଲେ ଏନସିବିର ମହାନିର୍ଦେଶକ ଦାୟିତ୍ୱ

ଓଡ଼ିଆ ଆଇପିଏସ୍ ଅଧିକାରୀ ସତ୍ୟ ନାରାୟଣ ପ୍ରଧାନଙ୍କୁ ପୁଣି ଏକ ବଡ଼ ଦାୟିତ୍ୱ ମିଳିଛି। ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ମହାନିର୍ଦେଶକ ଭାବେ ପ୍ରଧାନଙ୍କୁ ଅତିରିକ୍ତ ଦାୟିତ୍ୱ ମିଳିଛି। ଗୁରୁବାର ସେ ରାକେଶ ଅସ୍ଥାନାଙ୍କଠାରୁ ଦାୟିତ୍ୱ ଗ୍ରହଣ କରିଛନ୍ତି। ପ୍ରଧାନ ଏବେ ଏନଡିଆରଏଫ ଡିଜି ଭାବେ ଦାୟିତ୍ୱ ତୁଲାଉଛନ୍ତି। ୧୯୮୮ ବ୍ୟାଚ୍ ଝାଡ଼ଖଣ୍ଡ କ୍ୟାଡର ଓଡିଆ ଆଇପିଏସ୍ ହେଉଛନ୍ତି ସତ୍ୟ ନାରାୟଣ ପ୍ରଧାନ।

ଏନସିବି ଡିଜି ଦାୟିତ୍ୱ ଗ୍ରହଣ ପରେ ସତ୍ୟ ନାରାୟଣ ପ୍ରଧାନ ଗଣମାଧ୍ୟମକୁ ନିଜର ପ୍ରତିକ୍ରିୟାରେ କହିଛନ୍ତି ଯେ ଦେଶରେ ଏନସିବିର ସମ୍ପ୍ରସାରଣ କରାଯିବ। କର୍ମଚାରୀଙ୍କ ସଂଖ୍ୟା ବୃଦ୍ଧି କରାଯିବା ସହ ମିଶନ ମୋଡରେ କାର୍ଯ୍ୟ କରାଯିବ। ଓଡ଼ିଶା ଏବଂ ଉତ୍ତର ପୂର୍ବାଞ୍ଚଳ ଉପରେ ବିଶେଷ ଧ୍ୟାନ ଦିଆଯିବ। ନିଶା ଦ୍ରବ୍ୟର ମୁଖ୍ୟ କେନ୍ଦ୍ରକୁ ଖୋଜି ବାହାର କରାଯିବ ବୋଲି ପ୍ରଧାନ କହିଛନ୍ତି।

ମେଡିକାଲ ଶିକ୍ଷାରେ ଓବିସି ଏବଂ ଇଡବ୍ଲୁଏସ ଛାତ୍ରଛାତ୍ରୀଙ୍କୁ ସଂରକ୍ଷଣ

ସବକା ସାଥ୍-ସବକା ବିକାଶ ମନ୍ତ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସରକାର ୨୦୨୧-୨୨ ଶିକ୍ଷା ବର୍ଷରୁ ମେଡିକାଲ୍ ଏବଂ ଡେଣ୍ଟାଲ୍ ପାଠ୍ୟକ୍ରମରେ ୟୁଜି ଏବଂ ପିଜିରେ ଏଆଇକ୍ୟୁ ଯୋଜନାରେ ଓବିସିଙ୍କୁ ୨୭ ପ୍ରତିଶତ ଓ ଆର୍ଥିକ ଦୁର୍ବଳ ଶ୍ରେଣୀ (ଇଡବ୍ଲୁଏସ୍)ର ଛାତ୍ରଛାତ୍ରୀଙ୍କ ପାଇଁ ୧୦ ପ୍ରତିଶତ ସଂରକ୍ଷଣର ଐତିହାସିକ ନିଷ୍ପତ୍ତି ନେଇଥିବାରୁ ପ୍ରଧାନମନ୍ତ୍ରୀ ମୋଦୀ ଏବଂ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡବୀୟଙ୍କୁ ଧନ୍ୟବାଦ ଜଣାଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଧର୍ମେନ୍ଦ୍ର ଟ୍ବିଟ୍ କରି କହିଛନ୍ତି, ଏହି ଐତିହାସିକ ନିଷ୍ପତି ୨୦୧୪ ଠାରୁ ମେଡିକାଲ୍ ଶିକ୍ଷା କ୍ଷେତ୍ରରେ ନିଆଯାଇଥିବା ସଂସ୍କାର ଦିଗରେ ଆଉ ଏକ ପଦକ୍ଷେପ। ଅଣସଂରକ୍ଷଣ କ୍ଷେତ୍ରରେ ସିଟକୁ ହ୍ରାସ କରା ନ ଯାଇ ନିଆଯାଇଥିବା ଏହି ପଦକ୍ଷେପ ଦ୍ୱାରା ପଛୁଆ ଏବଂ ଆର୍ଥିକ ଦୁର୍ବଳ ଶ୍ରେଣୀର ୫ ହଜାର ୫୦୦ରୁ ଉର୍ଦ୍ଧ୍ୱ ଛାତ୍ରଛାତ୍ରୀମାନେ ଉପକୃତ ହେବେ।

ନୂଆ ଶିକ୍ଷା ନୀତିରେ ଗବେଷଣା ପାଇଁ ଖର୍ଚ୍ଚ ହେବ ୫୦ ହଜାର କୋଟି

ଭାରତ ସରକାର ଦେଶରେ ଗବେଷଣା ପରିସଂସ୍ଥାନକୁ ଅଧିକ କ୍ରିୟାଶୀଳ ଏବଂ ସୁଦୃଢ଼ କରିବା ପାଇଁ ନୂଆ ଜାତୀୟ ଶିକ୍ଷା ନୀତି (ଏନ୍ଇପି-୨୦୨୦) ଆରମ୍ଭ କରିଛନ୍ତି। ଏହା ଅନ୍ତର୍ଗତ ରାଷ୍ଟ୍ରୀୟ ଗବେଷଣା ଅନୁଷ୍ଠାନ(ଏନଆରଏଫ୍) ଗଠନ କରିବା ସହ ଆଗାମୀ ୫ ବର୍ଷ ମଧ୍ୟରେ ୫୦ ହଜାର କୋଟିରୁ ଉର୍ଦ୍ଧ୍ୱ ଟଙ୍କା ଖର୍ଚ୍ଚ କରିବାର ଯୋଜନା ରଖିଛନ୍ତି ବୋଲି ଲୋକସଭାରେ ଏକ ପ୍ରଶ୍ନର ଉତ୍ତରରେ କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଧର୍ମେନ୍ଦ୍ର କହିଛନ୍ତି ଯେ ଦେଶରେ ଗବେଷଣା ପରିସଂସ୍ଥାନକୁ ଅଧିକ କ୍ରିୟାଶୀଳ ଏବଂ ସୁଦୃଢ଼ କରିବା ପାଇଁ ସରକାର ଏକ ରାଷ୍ଟ୍ରୀୟ ଗବେଷଣା ଅନୁଷ୍ଠାନ ଗଠନ କରିବାକୁ ପ୍ରସ୍ତାବ ଦେଇଛନ୍ତି । ଏନଆରଏଫ ଏପରି ଏକ ଅଭିନବ ସଂରଚନା ପ୍ରସ୍ତୁତ କରିବ, ଯାହା ଗବେଷଣା ଏବଂ ବିକାଶ (ଆରଆଣ୍ଡଡ଼ି), ଶିକ୍ଷାନୁଷ୍ଠାନ ଏବଂ ଶିଳ୍ପ ମଧ୍ୟରେ ଯୋଗସୂତ୍ର ରକ୍ଷା କରିବ। ଆଗାମୀ ୫ ବର୍ଷ ମଧ୍ୟରେ ରାଷ୍ଟ୍ରୀୟ ଅନୁସନ୍ଧାନ ଫାଉଣ୍ଡେସନ ବା ଏନଆରଏଫରେ ୫୦ ହଜାର କୋଟି ଟଙ୍କା ବ୍ୟୟର ପ୍ରସ୍ତାବ ହୋଇଛି ବୋଲି ସେ କହିଛନ୍ତି।

ମାଷ୍ଟରକ୍ୟାଣ୍ଟିନ୍ ଛକରୁ ହଟିବନି ଐତିହ୍ୟ ସ୍ମାରକୀ ଘୋଡ଼ା

ଭୁବନେଶ୍ବର ମାଷ୍ଟରକ୍ୟାଣ୍ଟିନ୍ ଛକରୁ ହଟିବନି ଐତିହ୍ୟ ସ୍ମାରକୀ ଘୋଡ଼ା। ବିବାଦ ଓ ସମାଲୋଚନା ପରେ ବଦଳିଲା ସରକାରୀ ନିଷ୍ପତ୍ତି। ଯେଉଁଠି ଅଛି ଯୋଦ୍ଧା ଘୋଡ଼ା ସେଇଠି ହିଁ ରହିବ। ସ୍ମାର୍ଟ ସିଟି ପ୍ରକଳ୍ପ କାରଣରୁ ଓଡ଼ିଶାର ଐତିହ୍ୟ ପ୍ରତୀକ ତଥା ଦୀର୍ଘ ଦଶନ୍ଧି ଧରି ରାଜଧାନୀର ଶୋଭା ବଢ଼ାଉଥିବା ଏହି ଘୋଡ଼ାକୁ ରାଜମହଲ ଛକକୁ ସ୍ଥାନାନ୍ତର କରିବା ପାଇଁ ଯୋଜନା ଚାଲିଥିଲା। ଯାହାକୁ ନେଇ ବିଭିନ୍ନ ମହଲରେ ଅସନ୍ତୋଷ ପ୍ରକାଶ ପାଇବା ସହ ବିଜେପି ଓ କଂଗ୍ରେସ ପକ୍ଷରୁ ବିରୋଧ ମଧ୍ୟ କରାଯାଇଥିଲା। ଏହାପରେ ଏହି ଘଟଣାରେ ହସ୍ତକ୍ଷେପ କରି ଘୋଡ଼ା ନ ହଟାଇବା ପାଇଁ ନିର୍ଦେଶ ଓଡିଶା ସରକାର।

ପ୍ରଧାନମନ୍ତ୍ରୀଙ୍କ ମନ୍ କି ବାତରେ ଇସାକ୍ ମୁଣ୍ଡା

ମାସିକ ରେଡିଓ କାର୍ଯ୍ୟକ୍ରମ ୭୯ ତମ ‘ମନ୍ କି ବାତ୍‌’ରେ ଓଡ଼ିଆ ୟୁଟ୍ୟୁବର ଇସାକ ମୁଣ୍ଡାଙ୍କୁ ଉଚ୍ଚ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଇସାକ୍‌ ମୁଣ୍ଡା ସମସ୍ତଙ୍କ ପାଇଁ ପ୍ରେରଣା ବୋଲି ମୋଦୀ କହିଛନ୍ତି। ଜଣେ ଶ୍ରମିକ ଭାବେ କାମ କରୁଥିବା ଇସାକ୍‌ ଆଜି ୟୁଟ୍ୟୁବର ବୋଲି ମୋଦୀ କହିବା ସହ ତାଙ୍କୁ ଢେର୍‌ ପ୍ରଶଂସା କରିଛନ୍ତି। ଭାରତର ପରିଶ୍ରମୀ ଯୁବବର୍ଗଙ୍କ ନିକଟରେ ଅଭିନବ ବିଚାର ଭରି ରହିଛି। ଏହା ବଳରେ ସେମାନେ ନିଜ ପାଇଁ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି। ୟୁଟ୍ୟୁବ୍‌ରେ ବିଶେଷ କରି ଓଡ଼ିଶାର ପଖାଳ ନେଇ ଭିଡିଓ କରିଥିଲେ ଇସାକ୍‌। ଯାହା ଅନ୍ୟ ସମସ୍ତ ପ୍ରକାର ଖାଦ୍ୟ ବ୍ୟଞ୍ଜନ ଠାରୁ ଅଲଗା ଅନୁଭବ ହୋଇଥିଲା। ଆଜି ଇସାକ୍‌ ମୁଣ୍ଡା ନିଜ ଉଦ୍ୟମରେ ଜଣେ ଲୋକପ୍ରିୟ ୟୁଟ୍ୟୁବର ହୋଇପାରିଛନ୍ତି। ସଂସ୍କୃତି ଓ ପର୍ଯ୍ୟଟନକୁ ଏକାଠି କରି ଆମ ସମସ୍ତଙ୍କୁ ପ୍ରେରଣା ଆଣି ଦେଇଛନ୍ତି ବୋଲି ମୋଦୀ କହିଛନ୍ତି।

ଇସାକ୍‌ଙ୍କ ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ, ଆମର ଜଣେ ବନ୍ଧୁଙ୍କ ଦ୍ୱାରା କରାଯାଉଥିବା ପ୍ରଯୁକ୍ତିବିଦ୍ୟାର ଉପଯୋଗ ମଧ୍ୟ ଆପଣମାନଙ୍କୁ ଆଶ୍ଚର୍ଯ୍ୟାନ୍ୱିତ କରିଦେବ।

ଇସାକଙ୍କୁ ଫୋନ୍ କରି ଶୁଭେଚ୍ଛା ଜଣାଇଲେ ଧର୍ମେନ୍ଦ୍ର

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ରେଡ଼ିଓ କାର୍ଯ୍ୟକ୍ରମ ମନ୍ କି ବାତର ୭୯ତମ ସଂସ୍କରଣରେ ପ୍ରଧାନମନ୍ତ୍ରୀଙ୍କ ଦ୍ୱାରା ପ୍ରଶଂସିତ ସମ୍ବଲପୁର ଜିଲ୍ଲାର ଇସାକ ମୁଣ୍ଡାଙ୍କ ସହ ଟେଲିଫୋନରେ କଥା ହୋଇ ତାଙ୍କୁ ଶୁଭେଚ୍ଛା ଜଣାଇଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଜନଜାତି ସମ୍ପ୍ରଦାୟର ଇସାକ୍ ମୁଣ୍ଡା ଯୁବ ଶକ୍ତିଙ୍କ ପାଇଁ କିଛି ନୂଆ କରିବାର ସଂକଳ୍ପର ପ୍ରତୀକ ହୋଇଛନ୍ତି ବୋଲି ପ୍ରଧାନ ଟ୍ୱିଟ୍ କରିଛନ୍ତି।

ଧର୍ମେନ୍ଦ୍ର କହିଛନ୍ତି, ପ୍ରଧାନମନ୍ତ୍ରୀଙ୍କ ମନ୍ କି ବାତ୍ କାର୍ଯ୍ୟକ୍ରମକୁ ଶୁଣିବା ଅବସରରେ ପ୍ରଧାନମନ୍ତ୍ରୀଙ୍କ ଦ୍ୱାରା ଓଡ଼ିଶାର ସମ୍ବଲପୁର ଜିଲ୍ଲା ଯୁଜୁମୁରା ବାବୁପାଲି ଅଞ୍ଚଳର ଜନଜାତି ସମ୍ପ୍ରଦାୟର ଇସାକ୍ ମୁଣ୍ଡାଙ୍କର ଇଣ୍ଟରନେଟ୍ ମାଧ୍ୟମରେ ପରବର୍ତ୍ତିତ ଜୀବନଶୈଳିର ଉଦାହରଣ ଆମ ପାଇଁ ଏକ ନୂଆ ଅନୁଭବ। ଦିନ ମଜୁରିଆରୁ ଇଣ୍ଟରନେଟ୍ ସେନସେସନ୍ ପାଲଟିଥିବା ଇସାକ ମୁଣ୍ଡା ଓଡ଼ିଆଙ୍କ ସାମାଜିକ ଜୀବନର ଦୈନିକ ଖାଦ୍ୟ ପଖାଳ ଖାଇବାର ଭିଡ଼ିଓ ପ୍ରସ୍ତୁତ କରି ଆଜି ଜଣେ ସଫଳ ୟୁଟ୍ୟୁବର ହେବା ସହ ଲକ୍ଷାଧିକ ଟଙ୍କା ଉପାର୍ଜନ କରି ପାରୁଛନ୍ତି ।

ଦେଶର ଶ୍ରେଷ୍ଠ ୧୦୦ ମଧ୍ୟରେ ଓଡ଼ିଶାର ୨ ଷ୍ଟାର୍ଟଅପ୍

ଦେଶର ଶ୍ରେଷ୍ଠ ୧୦୦ ଜଣ ମଧ୍ୟରେ ଓଡ଼ିଶାର ୨ ଜଣ ଷ୍ଟାର୍ଟଅପ୍ ରହିଥିବା ଗୌରବର ବିଷୟ। ସେଗୁଡ଼ିକ ହେଲା ଗ୍ରୋଜିପ୍ ଓ ନେଗୋଟ୍ରିପ୍ ପ୍ରା. ଲିମିଟେଡ୍। ଓଡ଼ିଆ ଯୁବକ ଆନନ୍ଦ କୁମାର ମିଶ୍ରଙ୍କ ଦ୍ୱାରା ବିକଶିତ ଅନଲାଇନ୍ ଡେଲିଭରୀ ଟେକନୋଲୋଜି ମାଧ୍ୟମରେ ସେ ଆଜି ଦେଶର ବହୁ ସହରରେ ତାଙ୍କର ଉପସ୍ଥିତି ଜାହିର କରିପାରିଛନ୍ତି। ପ୍ରମୁଖ ଶାସନ ସଚିବ ସାହୁଙ୍କ ଅଧ୍ୟକ୍ଷତାରେ ଷ୍ଟାର୍ଟଅପ୍ କନେକ୍ଟ କାର୍ଯ୍ୟକ୍ରମରେ ଟାସ୍କଫୋର୍ସ ବୈଠକ ବସି ୧୭ଟି ଷ୍ଟାର୍ଟଅପର ସମୀକ୍ଷା କରାଯାଇଥିଲା। ଏଥିରେ ଇଜେଡଇଆରଏକ୍ସ ହେଲଥ୍ ଟେକ୍ ପ୍ରା. ଲମିଟେଡ୍, ସ୍ୱଯୋଗ୍ୟ ରେହାବ୍ ସଲ୍ୟୁସନସ୍ ପ୍ରା. ଲମିଟେଡ୍, ଥିଙ୍କର ଇଣ୍ଡିଆ ପ୍ରା. ଲମିଟେଡ୍, ଅରଣ୍ୟ ପରିଧି ପ୍ରା. ଲମିଟେଡ୍, ଉଦଭାବନ୍ ଟେକନୋଲୋଜି ପ୍ରା.ଲମିଟେଡ୍, ଆଦି ଅନ୍ତର୍ଭୁକ୍ତ।

ବ୍ୟାସଦେବଙ୍କ ଜୟନ୍ତୀ ପବିତ୍ର ଗୁରୁପୂର୍ଣ୍ଣିମା ଅବସରରେ ସମସ୍ତ ଗୁରୁଙ୍କୁ ପ୍ରଣାମ

ବିଷ୍ଣୁଙ୍କ ଅବତାର ବ୍ୟାସଦେବଙ୍କ ଜନ୍ମଦିବସକୁ ବ୍ୟାସ ପୂର୍ଣ୍ଣିମା ବା ଗୁରୁ ପୂର୍ଣ୍ଣିମା ରୂପେ ପାଳନ କରାଯାଏ । ଋଷି ପରାଶରଙ୍କ ଔରସରେ ମତ୍ସ୍ୟଗନ୍ଧା (ସତ୍ୟବତୀ)ଙ୍କ ଗର୍ଭରୁ ଆଷାଢ଼ ପୂର୍ଣ୍ଣିମା ଦିନ ମହର୍ଷି ବ୍ୟାସଦେବ ଗଙ୍ଗାନଦୀ ଗର୍ଭସ୍ଥ କୃଷ୍ଣଦ୍ୱୀପରେ ଜନ୍ମ ଗ୍ରହଣ କରିଥିଲେ । ବ୍ୟାସଦେବଙ୍କ ଔରସରେ ଶୁକଦେବ ଜନ୍ମ ହୋଇଥିଲେ ।

ଏହାଙ୍କ ମାତା ସତ୍ୟବତୀଙ୍କ ସଙ୍ଗେ ଶାନ୍ତନୁଙ୍କର ବିବାହ ହୋଇଥିଲା । ଶାନ୍ତନୁ ଓ ସତ୍ୟବତୀଙ୍କ ପୁତ୍ର ବିଚିତ୍ରବିର୍ଯ୍ୟ ନିଃସନ୍ତାନ ମୃତ ହେବାରୁ ସତ୍ୟବତୀଙ୍କ ଆଦେଶ ଅନୁସାରେ ଏ ବିଚିତ୍ରବିର୍ଯ୍ୟଙ୍କ ଦୁଇ ବିଧବାପତ୍ନୀ ଅମ୍ବିକା ଓ ଅମ୍ବାଳିକାଙ୍କ ସଙ୍ଗେ ନିୟୋଗ ବିଧି ଅନୁସାରେ ସହବାସ କଲେ ଓ ସେମାନଙ୍କ ଗର୍ଭରୁ ଧୃତରାଷ୍ଟ୍ର ଓ ପାଣ୍ଡୁଙ୍କ ଜନ୍ମ ହେଲା । ଏହାଙ୍କ ଔରସରେ ବିଚିତ୍ରବିର୍ଯ୍ୟଙ୍କ ଦାସୀଗର୍ଭରେ ବିଦୁର ଜନ୍ମଗ୍ରହଣ କରିଥିଲେ ।

ପବିତ୍ର ଗୁରୁପୁର୍ଣିମା ଅବସରରେ କେନ୍ଦ୍ର ଶିକ୍ଷାମନ୍ତ୍ରୀଙ୍କର ଶିକ୍ଷକ ସମାଜକୁ ଶ୍ରଦ୍ଧାପୁର୍ଣ ଶୁଭେଚ୍ଛା!

ଗୁରୁ ବ୍ରହ୍ମା,ଗୁରୁ ବିଷ୍ଣୁ,ଗୁରୁ ଦେବୋ ମହେଶ୍ଵର, ଗୁରୁ ସାକ୍ଷାତ୍ ପରମ୍ ବ୍ରହ୍ମ, ତସ୍ମୈ ଶ୍ରୀ ଗୁରବେ ନମଃ । ପବିତ୍ର ଗୁରୁପୁର୍ଣିମା ଅବସରରେ କେନ୍ଦ୍ର ଶିକ୍ଷାମନ୍ତ୍ରୀଙ୍କର ଶିକ୍ଷକ ସମାଜକୁ ଶ୍ରଦ୍ଧାପୁର୍ଣ ଶୁଭେଚ୍ଛା!

୮ ଜଣ ଶିଳ୍ପୀଙ୍କୁ ୩୯ ତମ ରାଜ୍ୟ ଲଳିତ କଳା ଏକାଡେମୀ ପୁରସ୍କାର

ଓଡ଼ିଶା ଲଳିତ କଳା ଏକାଡେମୀ ତରଫରୁ ୮ ଜଣ ଶିଳ୍ପୀଙ୍କୁ ୩୯ ତମ ଲଳିତ କଳା ଏକାଡେମୀ ପୁରସ୍କାର ପ୍ରଦାନ କରାଯାଇଛି। ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଏହି ନିରାଡ଼ମ୍ବର ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇ ବିଜୟୀ ପ୍ରତିଯୋଗୀମାନଙ୍କ ଉପଢୌକନ, ମାନପତ୍ର ସହ ଚେକ୍ ଆକାରରେ ପ୍ରତ୍ୟେକଙ୍କୁ ୨ ଲକ୍ଷ ଟଙ୍କା ଅର୍ଥରାଶି ପୁରସ୍କାର ପ୍ରଦାନ କରିଛନ୍ତି। ୨୦୨୧ ମସିହା ରାଜ୍ୟସ୍ତରୀୟ ଚିତ୍ରକଳା ପ୍ରଦର୍ଶନୀ ପାଇଁ ଯେଉଁମାନେ ଏହି ପୁରସ୍କାର ପାଇଛନ୍ତି ସେମାନେ ହେଲେ ସୃଜନଶୀଳ ଚିତ୍ରରେ ଅନୁପ କୁମାର ଚାନ୍ଦ, ସୂର୍ଯ୍ୟକାନ୍ତ ସ୍ୱାଇଁ ଓ ଜ୍ୟୋତିପ୍ରକାଶ ସେଠୀ, ଭାସ୍କର୍ଯ୍ୟରେ ବିଶ୍ୱରଞ୍ଜନ କର ଓ ସୁଧିରଞ୍ଜନ ମହାରଥା, ମୁଦ୍ରଣ କଳାରେ ସୁଜିତ କୁମାର ସ୍ୱାଇଁ ଓ ବିକାଶ ଚନ୍ଦ୍ର ସେନାପତି ଏବଂ ପାରମ୍ପରିକ କଳାରେ ପ୍ରମୋଦ କୁମାର ମହାରଣା।

ଏଥି ସହିତ ୨୦୨୦ ମସିହା ପାଇଁ ରାଜ୍ୟସ୍ତରୀୟ ଅନଲାଇନ ଫଟୋଗ୍ରାଫି ପ୍ରତିଯୋଗିତାରେ ବିଜୟୀ ସଞ୍ଜିତ ପଟ୍ଟନାୟକ, ନିରଞ୍ଜନ ପଣ୍ଡା, ଉଦୟନ ସାରଥୀ ବେହେରା ଓ ମନୀଷ ରଞ୍ଜନ ସାହୁଙ୍କୁ ତାଙ୍କର ଶ୍ରେଷ୍ଠ ପ୍ରଦର୍ଶନ ନିମନ୍ତେ ଉପଢ଼ୌକନ, ମାନପତ୍ର ସହ ପ୍ରତ୍ୟେକଙ୍କୁ ୫୦ ହଜାର ଟଙ୍କା ଅର୍ଥ ରାଶି ଚେକ୍ ଆକାରରେ ପ୍ରଦାନ କରାଯାଇଥିଲା।

ନୀଳକନ୍ଦରକୁ ବାହୁଡ଼ିଲେ ନୀଳମଣି: ରସଗୋଲା ଦେଇ ମା ଲକ୍ଷ୍ମୀଙ୍କ ମାନଭଞ୍ଜନ କଲେ ମହାପ୍ରଭୁ

ଶେଷ ହୋଇଛି ଚଳିତ ବର୍ଷ ଭକ୍ତଶୂନ୍ୟ ଘୋଷଯାତ୍ରା। ଜନ୍ମବେଦି ଓ ବଡ଼ଦାଣ୍ଡରେ ୧୨ ଦିନ ଧରି ଲୀଳାଖେଳା କରିବା ପରେଗଲା କାଲି ନୀଳକନ୍ଦରକୁ ବାହୁଡ଼ି ଯାଇଛନ୍ତି ଚତୁର୍ଦ୍ଧାମୂରତି। ଦେବସ୍ନାନ ପୂର୍ଣ୍ଣିମାଠାରୁ ଶୂନ୍ୟ ପଡ଼ିଥିବା ରତ୍ନବେଦି କୋଳ ପୂର୍ଣ୍ଣ ହୋଇଛି। ଗୋଟି ପହଣ୍ଡିରେ ଯାଇ ତିନି ଠାକୁର ଏବେ ରତ୍ନସିଂହାସନରେ ବିରାଜମାନ କରିଛନ୍ତି।

ତେବେ ରଥଯାତ୍ରାରେ ସାଙ୍ଗରେ ନେଇ ନଥିବାରୁ ଅଭିମାନ କରିଥିଲେ ମା ଲକ୍ଷ୍ମୀ ଠାକୁରାଣୀ। ମା ମହାଲକ୍ଷ୍ମୀ ଶ୍ରୀଜଗନ୍ନାଥଙ୍କୁ ଜୟ ବିଜୟ ଦ୍ୱାରରେ କବାଟ ପକାଇ ଅଟକାଇଥିଲେ। ଶ୍ରୀଜଗନ୍ନାଥ ପହଣ୍ଡି ହୋଇ ଜୟ ବିଜୟ ଦ୍ୱାର ନିକଟକୁ ଯିବା ବେଳେ ଭିତର ପଟୁ କବାଟ ବନ୍ଦ ହୋଇଥିଲା। ମା ଲକ୍ଷ୍ମୀ ଠାକୁରାଣୀଙ୍କ ତରଫରୁ ଦ୍ୱାରର ଭିତର ପଟେ କେତେକ ସେବାୟତ ଓ ଜଗନ୍ନାଥଙ୍କ ନିକଟରେ ଥିବା ଦଇତାପତିଙ୍କ ମଧ୍ୟରେ ବଚନିକା ହୋଇଥିଲା। ସାତ ପାହାଚରେ ସପ୍ତଋଷି ବନ୍ଦାପନା ଓ ଗରୁଡ଼ ସ୍ତମ୍ବ ନିକଟରେ ବିଭୀଷଣ ବନ୍ଦାପନା ହୋଇଥିଲା। ମହାପ୍ରଭୁ ଭିତର କାଠ ଭଣ୍ଡାର ଘର ଠାରେ ପହଞ୍ଚିବା ପରେ ଋକ୍ମିଣୀ ବିବାହର ଗଇଁଠାଳ ଫିଟିଥିଲା। ପ୍ରଭୁ ମହାଲକ୍ଷ୍ମୀଙ୍କ ମାନଭଞ୍ଜନ କରିବା ସହ ରସଗୋଲା ଭୋଗ କରାଯାଇଥିଲା। ଏହାପରେ ମହାପ୍ରଭୁଙ୍କ ନୀଳାଦ୍ରି ବିଜେ ନୀତି ସମ୍ପନ୍ନ ହୋଇଛି। ଏଥିସହ ଘୋଷଯାତ୍ରାର ଅନ୍ତିମ ପର୍ବ ସରିଛି।

ଆଜି ନୀଳାଦ୍ରି ବିଜେ: ନୀଳକନ୍ଦରକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି

ଶେଷ ପର୍ଯ୍ୟାୟରେ ଘୋଷଯାତ୍ରା। ୧୨ ଦିନର ଏହି ଲୀଳାଖେଳା ଶେଷ ପରେ ଆଜି ନୀଳକନ୍ଦରର ରତ୍ନସିଂହାସନରେ ବିଜେ କରିବେ ନୀଳାଦ୍ରିନାଥ। ଆଜି ହେଉଛି ମହାପ୍ରଭୁଙ୍କ ପତିତପାବନ ଯାତ୍ରାର ଶେଷ ଦିନ। ରଥ ଉପରେ ସୁନାବେଶ ଓ ଅଧରପଣା ନୀତି ଶେଷ ହେବା ପରେ ଗୋଟି ପହଣ୍ଡିରେ ଚତୁର୍ଦ୍ଧାମୂର୍ତ୍ତି ରଥରୁ ଶ୍ରୀମନ୍ଦିର ରତ୍ନବେଦୀକୁ ବିଜେ କରିବେ। ମଦନମୋହନ, ରାମକୃଷ୍ଣ, ସୁଦର୍ଶନ, ବଡ଼ଭାଇ ବଳଭଦ୍ର, ଦେବୀ ସୁଭଦ୍ରା ଶ୍ରୀମନ୍ଦିର ବିଜେ କରିବା ପରେ ଗୋଟି ପହଣ୍ଡିରେ ଯିବେ ଜଗତ ଠାକୁର। ରସଗୋଲା ଦେଇ ମା ଲକ୍ଷ୍ମୀଙ୍କ ମାନଭଞ୍ଜନ କରିବେ ମହାବାହୁ। ଯାହାକୁ ନୀଳାଦ୍ରି ବିଜେ କୁହାଯାଏ। ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି।

ସରିଲା ଅଧରପଣା, ଆଜି ମହାପ୍ରଭୁଙ୍କ ନୀଳାଦ୍ରିବିଜେ

ଶେଷ ହୋଇ ଆସୁଛି ଘୋଷଯାତ୍ରା। ଶ୍ରୀକ୍ଷେତ୍ରରେ ରଥ ଉପରେ ମହାପ୍ରଭୁଙ୍କ ଅଧରପଣା ନୀତି ଅନୁଷ୍ଠିତ ହୋଇଛି। ବୁଧବାର ମହାପ୍ରଭୁଙ୍କ ଦୁର୍ଲଭ ସୁନାବେଶ ନୀତି ଶେଷ ହେବାପରେ ଗୁରୁବାର ଚଣ୍ଡୀଚାମୁଣ୍ଡା, ପାର୍ଶ୍ୱଦେବାଦେଵୀ ମାନଙ୍କୁ ତୁପ୍ତ କରିବାକୁ ଅଧରପଣା କରାଯାଇ ଅଧର ହାଣ୍ଡିକୁ ରଥ ଉପରେ ଭଙ୍ଗା ଯାଇଛି। ରାଘବ ଦାସ ଓ ବଡ଼ ଓଡିଆ ମଠ ପକ୍ଷରୁ ଅଧର ହାଣ୍ଡି ପ୍ରସ୍ତୁତ ହୋଇ ମଧ୍ୟାହ୍ନ ଧୂପ ପରେ ନୀତି ବଢ଼ି ଅଧର ପଣା ଭୋଗ ହୋଇଥିଲା। ଏହାପରେ ହାଣ୍ଡି ଭଙ୍ଗା ଯିବାର ନୀତି ସମ୍ପନ୍ନ ହୋଇଥିଲା। ପରମ୍ପରା ଅନୁସାରେ ପ୍ରତି ରଥରେ ତିନିଟି ଲେଖାଏଁ ମୋଟ ୯ଟି ତୁମ୍ବାକୃତି ମାଟିପାତ୍ରରେ ପ୍ରସ୍ତୁତ ପଣା ପ୍ରସ୍ତୁତ କରାଯାଇଥିଲା। ରଥରେ ସନ୍ଧ୍ୟାଧୂପ ପରେ ଅଧର ଚୁମ୍ବି ମାଟିପାତ୍ରରେ ଅଧରପଣା ଅର୍ପଣ କରାଯାଇଛି। ଶେଷରେ ଅଧରପଣା ହାଣ୍ଡି ଭଙ୍ଗାଯିବା ପରେ ରଥାରୂଢ ଅନୁଚର, ଅନୁଗାମୀ, ସହଚର, ଋଷି, ଗନ୍ଧର୍ବ, ଯକ୍ଷ, କିନ୍ନର, ଅଶରୀର, ପିଚାସ, ଯୋଗିନୀ ଓ ଚଣ୍ଡିଚାମୁଣ୍ଡାମାନେ ଏହି ପଣା ପାଇ ପ୍ରୀତ ହୋଇ ବାହୁଡ଼ିଛନ୍ତି। ଘୋଷଯାତ୍ରାର ଅନିମ ପର୍ବ ଅର୍ଥାତ ନୀଳାଦ୍ରିବିଜେ ଶୁକ୍ରବାର ଅନୁଷ୍ଠିତ ହେବ। ରଥରୁ ରତ୍ନ ଦେବୀକୁ ଫେରିବେ ଠାକୁର। ଏହାସହ କାଲି ମହାଲକ୍ଷ୍ମୀଙ୍କୁ ରସଗୋଲା ଖୁଆଇ ମାନଭଞ୍ଜନ କରିବେ କାଳିଆ ଠାକୁର।

ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ପ୍ରଶଂସା ସାଉଁଟିଲା ଦେବଦୂତ

କିନ୍ନରମାନଙ୍କର ସଂଘର୍ଷ ଏବଂ ସମର୍ପଣର କାହାଣୀକୁ ନେଇ ସନ୍ୟାସୀ ମହାରଣାଙ୍କ ପ୍ରଯୋଜିତ ତଥା ଈଶା ଭିଜନ୍ ବ୍ୟାନେରରେ ପ୍ରସ୍ତୁତ କ୍ଷୁଦ୍ର ଚଳଚ୍ଚିତ୍ର ଦେବଦୂତ କୁ ମିଳିଛି ଢେର ପ୍ରଶଂସା। ମହାରାଷ୍ଟ୍ରର ଔରଙ୍ଗାବାଦରେ ଅନୁଷ୍ଠିତ ରୋସନୀ ଆନ୍ତର୍ଜାତୀୟ କ୍ଷୁଦ୍ର ଚଳଚ୍ଚିତ୍ର ମହୋତ୍ସବ-୨୦୨୧ରେ ୫ଟି ବର୍ଗରେ ୮ରୁ ଅଧିକା ପୁରସ୍କାର ହାତେଇବାରେ ସକ୍ଷମ ହୋଇଛି ଦେବଦୂତ। ଦେଶର ବିଭିନ୍ନ ପ୍ରାନ୍ତରୁ ମନୋନୀତ ହୋଇଥିବା ପ୍ରାୟ ୨ ହଜାର କ୍ଷୁଦ୍ର ଚଳଚ୍ଚିତ୍ର ମଧ୍ୟରୁ ଦେବଦୂତ ତୃତୀୟ ସ୍ଥାନ ଅଧିକାର କରିଥିବା ବେଳେ କାହାଣୀ, ଅଭିନୟ, ପ୍ରଯୋଜନା ଓ ନିର୍ଦେଶନା କ୍ଷେତ୍ରରେ ମଧ୍ୟ ବିଚାରକଙ୍କୁ ପ୍ରଭାବିତ କରି ସମ୍ମାନୀତ ହୋଇଛି।

୧୦ ମିନଟ୍ ଅବଧିର ଏହି ଚଳଚ୍ଚିତ୍ରକୁ କୁକୁଡ଼ାଖଣ୍ଡିର ଯୁବ କଳାକାର ସନ୍ୟାସୀ ମହାରଣା ନିଜେ କାହାଣୀ ଲେଖିଥିବା ବେଳେ ଏହାର ନିର୍ଦେଶନା ଓ ପ୍ରଯୋଜନା ଦାୟିତ୍ବ ତୁଲାଇଥିଲେ। ରତ୍ନାକର ସିଆ ସହନିର୍ଦେଶକ ଭାବେ କାର୍ଯ୍ୟ କରିଥିବା ବେଳେ ଟୁଟୁ ପ୍ରଧାନ ଓ ତେଜେଶ୍ବର ସାମଲ ପ୍ରଯୋଜନାରେ ସହଯୋଗ କରିଥିଲେ। କିନ୍ନରଙ୍କୁ ଲୋକମାନେ ଭିନ୍ନ ଦୃଷ୍ଟିରେ ଦେଖୁଥିବା ବେଳେ ସେହି କିନ୍ନର କିଭଳି ସମାଜସେବାରେ ଲାଗିଥାନ୍ତି ତାହାକୁ ଏହି କ୍ଷୁଦ୍ର ଚଳଚ୍ଚିତ୍ରରେ ପ୍ରଦର୍ଶିତ କରାଯାଇଛି। ଏଥିରେ ମଧୁସୁଦନ ମିଶ୍ର, କୃଷ୍ଣଚନ୍ଦ୍ର ପାଳ ଓ ଆଇଶା ବଳିଷ୍ଠ ଅଭିନୟ କରିଛନ୍ତି।

ଆଜି ଶ୍ରୀଜିଉଙ୍କ ଅଧରପଣା: ପଣା ପାଇ ତ୍ରୁପ୍ତ ହେବେ ଚଣ୍ଡୀ-ଚାମୁଣ୍ଡା

ଆଜି ତ୍ରୟୋଦଶୀ ତିଥିରେ ରଥାରୁଢ଼ ଶ୍ରୀଜିଉଙ୍କୁ ଅଧରପଣା ଭୋଗ ନୀତି ଅନୁଷ୍ଠିତ ହେବ। ଶ୍ରୀମନ୍ଦିର ସ୍ୱତ୍ତ୍ବଲିପି ଅନୁସାରେ ସିଂହଦ୍ୱାର ସମ୍ମୁଖରେ ମହାପ୍ରଭୁମାନଙ୍କର ଦକ୍ଷିଣାଭିମୁଖୀ ଯାତ୍ରା ସମାପ୍ତି ପରେ ଅଧରପଣା ନୀତି ନେଇ ଉଲ୍ଲେଖ ରହିଛି। ରଥରୁଢ଼ ଶ୍ରୀଜୀଉଙ୍କ ସ୍ୱତନ୍ତ୍ର ଶୈଳୀରେ ନିର୍ମିତ ଅଧର ଉଚ୍ଚ ମାଟି ହାଣ୍ଡିରେ ଏହି ପଣା ଦିଆଯାଉଥିବାରୁ ଏହାକୁ ଅଧର ପଣା କୁହାଯାଏ। ଅଧରପଣା ଭୋଗ ବିଧିତ ପ୍ରାୟ ୪୫୦ରୁ ଅଧିକ ପୁରୁଣା ବୋଲି କୁହାଯାଏ। ପଣାରେ ଲାଗୁଥିବା ସମସ୍ତ ସାମଗ୍ରୀ ପୁରୀର ବଡ଼ ଓଡ଼ିଆ ମଠ ଓ ରାଘବଦାସ ମଠ ଯୋଗାଇଥାନ୍ତି। ସିଂହଦ୍ୱାର ନିକଟସ୍ଥ କୂପରୁ ଅଧରପଣା ନୀତି ପାଇଁ ପାଣି ଆସିଥାଏ। ପାଣି ଛଣା ହୋଇ ପିତ୍ତଳ ହଣ୍ଡାରେ ରଖାଯିବା ପରେ ସୁପକାର ବା ସୁଆରମାନେ ପଣା ପ୍ରସ୍ତୁତ କରିବେ। ଛାଚି, ସର, କଦଳୀ, ଛେନା, ଗୋଲମରିଚ ଗୁଣ୍ଡ, କର୍ପୁର, ଜାଇଫଳ ଆଦି ମିଶ୍ରଣରେ ଏହି ପଣା ପ୍ରସ୍ତୁତ କରାଯିବ। ପତ୍ରିବଡୁ, ସୁଆରବଡୁ, ଗରାବଡୁ ପାଳିଆ ସେବକ ଏବଂ ପୂଜାପଣ୍ଡା ସେବକ ପଣା ହାଣ୍ଡିକୁ ତିନି ରଥର ପୋଖରିଆ ଉପରେ ପୂଜାର୍ଚ୍ଚନା କରିବା ପରେ ଏହା ଭଙ୍ଗାଯିବ।

ଶାସ୍ତ୍ରଜ୍ଞଙ୍କ ମତରେ ରଥରେ ଅବସ୍ଥାନ କରୁଥିବା ଚଣ୍ଡୀ-ଚାମୁଣ୍ଡାଙ୍କ ପାଇଁ ଏହି ଅଧରପଣା ନୀତି ହୋଇଥାଏ। ଅଶରୀରିମାନଙ୍କ ଉଦ୍ଧାର ପାଇଁ ରଥ ଉପରେ ଅଧରହାଣ୍ଡି ଭଙ୍ଗାଯିବାର ପରମ୍ପରା ରହିଛି।

ସୁନା ବେଶରେ ସୁସଜ୍ଜିତ ହୋଇ ବିଶ୍ୱବାସୀଙ୍କୁ ଦର୍ଶନ ଦେଲେ ତିନି ଠାକୁର

ନବଦିନାତ୍ମକ ଯାତ୍ରା ଶେଷ କରି ମଙ୍ଗଳବାର ବାହୁଡ଼ି ଆସିଥିଲେ ତିନି ଠାକୁର। ମାଉସୀ ମା ଘରେ ପୋଡ଼ପିଠା ଖାଇ ଫେରିବା ପରେ ବୁଧବାର ସନ୍ଧ୍ୟାରେ ମହଣ ମହଣ ସୁନାରେ ସୁସଜ୍ଜିତ ହୋଇ ତିନି ରଥରେ ବସି ବିଶ୍ୱବାସୀଙ୍କୁ ଦର୍ଶନ ଦେଇଛନ୍ତି ତିନି ଠାକୁର। ପ୍ରାୟ ୧୩୮ ପ୍ରକାରର ସୁବର୍ଣ୍ଣ ଅଳଙ୍କାରରେ ସଜ୍ଚିତ ହୋଇଛନ୍ତି ଦାରୁ ବିଗ୍ରହ। ରଥ ଉପରେ ବିରଳ ସୁନାବେଶ ବା ଶ୍ରୀଜିଉଙ୍କ ରାଜରାଜେଶ୍ୱର ବେଶ ଦର୍ଶନକୁ ଆଗ୍ରହ ସହ ଅପେକ୍ଷା କରିଥାନ୍ତି ଲକ୍ଷ ଲକ୍ଷ ଜଗନ୍ନାଥ ପ୍ରେମୀ। ମହାପ୍ରଭୁଙ୍କ ସୁନାବେଶ ଦେଖିବା ପାଇଁ ଶ୍ରୀକ୍ଷେତ୍ରରେ ଆଜି ଅଗଣିତ ଭକ୍ତଙ୍କ ସମାଗମ ହୋଇଥାନ୍ତା, ହେଲେ କୋଭିଡ୍ କଟକଣା ଯୋଗୁ ଗତବର୍ଷ ଭଳି ଚଳିତ ବର୍ଷ ମଧ୍ୟ ବଡ଼ଦାଣ୍ଡକୁ ଯାଇନାହାନ୍ତି ଶ୍ରଦ୍ଧାଳୁ। ଭକ୍ତଶୂନ୍ୟ ହୋଇଛି ବଡ଼ଦାଣ୍ଡ, ଭକ୍ତଶୂନ୍ୟ ହୋଇଛି ସିଂହଦ୍ୱାର। ତେବେ ପ୍ରଶାସନର କୋରୋନା କଟକଣା ପାଇଁ ସିଧାସଳଖ ଶ୍ରୀଜୀଉମାନଙ୍କ ଦର୍ଶନରୁ ବଞ୍ଚିତ ରହିଛନ୍ତି ଭକ୍ତ। ଦୂରଦର୍ଶନର ସିଧା ପ୍ରସାରଣ ଓ ମୋବାଇଲ ଜରିଆରେ ଭକ୍ତମାନେ ଚତୁର୍ଦ୍ଧାମୂର୍ତ୍ତିଙ୍କୁ ଦର୍ଶନର ସୌଭାଗ୍ୟ ଲାଭ କରିଛନ୍ତି।

ଟାଞ୍ଜାନିଆରେ ଭାରତର ଉଚ୍ଚାୟୁକ୍ତ ହେଲେ ଓଡ଼ିଆ ପୁଅ ବିନୟ ଶ୍ରୀକାନ୍ତ ପ୍ରଧାନ

ଦକ୍ଷିଣ ଆଫ୍ରିକାର ତାଞ୍ଜାନିଆର ହାଇକମିଶନର ଭାବେ ନିଯୁକ୍ତ ହୋଇଛନ୍ତି ଓଡ଼ିଆ ଭାରତୀୟ ବିଦେଶ ସେବା (ଆଇଏଫ୍ଏସ୍) ଅଫିସର ବିନୟ ଶ୍ରୀକାନ୍ତ ପ୍ରଧାନ। ତାଙ୍କୁ ଭାରତ ସରକାର ଏହି ପଦବୀରେ ନିଯୁକ୍ତ କରିଛନ୍ତି। ଏନେଇ ବୈଦେଶିକ ମନ୍ତ୍ରାଳୟ ପକ୍ଷରୁ ଏକ ପ୍ରେସ୍ ବିଜ୍ଞପ୍ତି ଜାରି ହୋଇଛି। ପ୍ରଧାନ ୨୦୧୯ରୁ ଋଷର ମସ୍କୋ ସ୍ଥିତ ଭାରତୀୟ ଦୂତାବାସରେ ଡେପୁଟି ଚିଫ୍ ଅଫ୍ ମିଶନ୍ ଭାବେ ଅବସ୍ଥାପିତ ଅଛନ୍ତି। ସେ ଖୁବଶୀଘ୍ର ନୂଆ ପଦ ଗ୍ରହଣ କରିବେ। ତାଙ୍କର ଏ ସଫଳତା ପରେ ଦେବଗଡ଼ ଜିଲ୍ଲାରେ ଖୁସିର ଲହରୀ ଖେଳିଯାଇଛି। ଏହି ଅବସରରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି।

ଓଡ଼ିଶାର ଦେବଗଡ଼ ସହରରେ ଜନ୍ମ ଗ୍ରହଣ କହିଥିଲେ ବିନୟ ଶ୍ରୀକାନ୍ତ ପ୍ରଧାନ। ସ୍ଥାନୀୟ ରାଜା ବାସୁଦେବ ହାଇସ୍କୁଲରେ ହାଇସ୍କୁଲ ଶିକ୍ଷା ପରେ ସମ୍ବଲପୁର ଗଙ୍ଗାଧର ମେହେର କଲେଜରେ ପାଠପଢ଼ା ସାରି ନୂଆଦିଲ୍ଲୀର ଜବାହରଲାଲ ନେହେରୁ ବିଶ୍ୱ ବିଦ୍ୟାଳୟରେ ଉଚ୍ଚ ଶିକ୍ଷା ଗ୍ରହଣ କରିଥିଲେ। ସେ ପରେ ଭାରତୀୟ ବିଦେଶ ସେବାରେ ଯୋଗଦେଇ ବିଭିନ୍ନ ଗୁରୁତ୍ୱପୂର୍ଣ୍ଣ ପଦବୀରେ ଦାୟିତ୍ୱ ତୁଲାଇଛନ୍ତି।

ଆଜି ସୁନାବେଶ : ମହଣ ମହଣ ସୁନାରେ ଆଭୁଷିତ ହୋଇ ରଥ ଉପରେ ଦର୍ଶନ ଦେବେ ଚତୁର୍ଦ୍ଧାମୂରତି

ଅପରାହ୍ନ ୪ଟାରେ ଶ୍ରୀଜିଉଙ୍କୁ ସୁନା ଲାଗି କରାଯିବ । ଦୁଇ ମହଣ ସୁନାରେ ସଜେଇ ହେବେ ମହାପ୍ରଭୁ । ପାଖାପାଖି ଏକ କ୍ୱିଂଟାଲ ସୁନା ଗହଣାରେ ସଜେଇ ହେବେ ଶ୍ରୀଜିଉ । ଏଥର ନୂଆ କିରିଟି ତିଆରି ହୋଇଥିବା ବେଳେ ତିନି ଠାକୁର ପିନ୍ଧିବେ ନୂଆ ମୁକୁଟ । ଜନ୍ମବେଦୀରୁ ବାହୁଡିବା ପରେ ସିଂହଦ୍ୱାର ଆଗରେ ଲାଗିଛି, ନନ୍ଦିଘୋଷ, ତାଳଧ୍ୱଜ ଓ ଦେବୀ ସୁଭଦ୍ରାଙ୍କ ଦେବ ଦଳନ ରଥ । ଆଜି ଦ୍ୱାଦଶୀ ବଡ ତଡାଉ ବେଶ । ରଥ ଉପରେ ସୁନା ବେଶରେ ଦର୍ଶନ ଦେବେ ଚତୁର୍ଦ୍ଧାବିଗ୍ରହ । ପାଖାପାଖି ଏକ କ୍ୱିଂଟାଲ ସୁନା ଗହଣାରେ ସଜେଇ ହେବେ ଶ୍ରୀଜିଉ । ଏଥର ନୂଆ କିରିଟି ତିଆରି ହୋଇଥିବା ବେଳେ ତିନି ଠାକୁର ପିନ୍ଧିବେ ନୂଆ ମୁକୁଟ ।

ଛେରା ପହଁରାରେ ୫୦ ବର୍ଷ ପୂରଣ କଲେ ଗଜପତି ମହାରାଜା

୧୯୭୧ ମସିହାରୁ ଛେରାପହଁରା କରି ଆସୁଛନ୍ତି ଗଜପତି। ପିତାଙ୍କ ଦେହାନ୍ତ ପରଠାରୁ ଛେରାପହଁରା କରି ଆସୁଛନ୍ତି ଗଜପତି। ବର୍ତ୍ତମାନ ଗଜପତି ମହାରାଜା ଦିବ୍ୟସିଂହ ଦେବଙ୍କୁ ୬୮ ବର୍ଷ। କେବଳ ୧୯୭୬ରେ ଗଜପତି ଛେରାପହଁରା କରିପାରି ନ ଥିଲେ। ଉଚ୍ଚଶିକ୍ଷା ପାଇଁ ଆମେରିକାରେ ଥିବାରୁ କରି ପାରି ନ ଥିଲେ ଛେରାପହଁରା। ଶ୍ରୀଜଗନ୍ନାଥ ସଂସ୍କୃତିରେ ମହାପ୍ରଭୁଙ୍କ ଛେରାପହଁରା ନୀତି ସେବା ଓ ସମର୍ପଣର ସର୍ବୋତ୍ତମ ନିଦର୍ଶନ। ଶ୍ରୀଜୀଉଙ୍କ ଆଦ୍ୟ ସେବକ ଭାବେ ଦୀର୍ଘ ୫୦ ବର୍ଷ ଧରି ଗଜପତି ମହାରାଜା ଶ୍ରୀ ଶ୍ରୀ ଦିବ୍ୟସିଂହ ଦେବ ଏହି ସେବା କରିବା ଏକ ଦିବ୍ୟ ଅନୁଭବ ବୋଲି ବର୍ଣ୍ଣନା କରିଛନ୍ତି ।

ସୂଚନାଯୋଗ୍ୟ, ଦୀର୍ଘ ୨୦୦ ବର୍ଷ ପରେ କୌଣସି ଗଜପତି ଭାବେ ଦିବ୍ୟସିଂହ ଦେବ ୫୦ ବର୍ଷ ଧରି ଶ୍ରୀଜଗନ୍ନାଥଙ୍କ ସେବା କରିବାର ଏହି ବିରଳ ଗୌରବ ଅର୍ଜନ କରିଛନ୍ତି। ୧୫୬୮ ମସିହାରୁ ବର୍ତ୍ତମାନ ସୁଦ୍ଧା ୧୯ ଜଣ ଗଜପତି ସିଂହାସନ ଆରୋହଣ କରିସାରିଥିବା ବେଳେ ୭ ଜୁଲାଇ ୨୦୨୦ ତାରିଖରେ ଗଜପତିଙ୍କ ସିଂହାସନ ଆରୋହଣକୁ ୫୦ ବର୍ଷ ପୂରିଛି। ଶ୍ରୀମନ୍ଦିର ଇତିହାସ ଅନୁସାରେ, ୧୯୭୦ ମସିହାରେ ଗଜପତି ବୀରକିଶୋର ଦେବ(ତୃତୀୟ)ଙ୍କ ଦେହାନ୍ତ ପରେ ଦିବ୍ୟସିଂହ ଦେବଙ୍କର ରାଜାଭିଷେକ ହୋଇଥିଲା।

ଜନ୍ମବେଦୀରୁ ରତ୍ନବେଦୀକୁ ବାହୁଡୁଛନ୍ତି ମହାବାହୁ

ଆଜି ହେଉଛି ବିଶ୍ବନିୟନ୍ତାଙ୍କ ବିଶ୍ବପ୍ରସିଦ୍ଧ ବାହୁଡ଼ାଯାତ୍ରା। ଜନ୍ମବେଦିରେ ନବଦିନାତ୍ମକ ଲୀଳାଖେଳା ସାରି ବାହାରି ପଡ଼ିଛନ୍ତି ମହାପ୍ରଭୁ। ଭାଇ ଭଉଣୀଙ୍କୁ ଧରି ଶ୍ରୀମନ୍ଦିର ଅଭିମୁଖେ କାଳିଆ ଠାକୁର। ସକାଳୁ ସକାଳୁ ଶେଷ ହୋଇଛି ଚତୁର୍ଦ୍ଧା ମୂର୍ତ୍ତିଙ୍କ ପହଣ୍ଡି ନୀତି। ରଥାରୂଢ଼ ହୋଇଛନ୍ତି ଚତୁର୍ଦ୍ଧାମୂର୍ତ୍ତି। ତେବେ ନିର୍ଦ୍ଧାରିତ ସମୟ ପୂର୍ବରୁ ନୀତିକାନ୍ତ ଚାଲିଛି। ବର୍ତ୍ତମାନ ମହାରାଜାଙ୍କ ଦ୍ବାରା ଛେରା ପହଁରା ନୀତି ଶେଷ ହୋଇଛି। ତିନି ରଥରେ ଛେରା ପହଁରା ନୀତି ସମ୍ପନ୍ନ କରିଛନ୍ତି ଗଜପତି ମହାରାଜା। ପ୍ରଥମେ ବଳଭଦ୍ରଙ୍କ ରଥରେ ଛେରା ପହଁରା କରିଥିଲେ ଗଜପତି, ତାପରେ ମହାପ୍ରଭୁ ଶ୍ରୀଜଗନ୍ନାଥଙ୍କର ରଥ ଏବଂ ଶେଷରେ ଦେବୀ ସୁଭଦ୍ରାଙ୍କ ରଥରେ ଛେରା ପହଁରା କରିଥିଲେ ଗଜପତି ମହାରାଜା। ଏହାପରେ ଆରମ୍ଭ ହୋଇଥିଲା ଚାରମାଳ ଫିଟା ଏବଂ ଘୋଡ଼ାଯଚା। ସବୁନୀତିକାନ୍ତି ଶେଷ ହେବା ପରେ ବଡ଼ଦାଣ୍ଡରେ ଗଡ଼ିଛି ବଳଭଦ୍ରଙ୍କ ତାଳଧ୍ୱଜ ରଥ। ସେବାୟତମାନେ ରଥଟାଣିବା ଆରମ୍ଭ କରିଛନ୍ତି। ଏ ଦୁର୍ଲଭ ବେଶ ଦେଖିବାରୁ ବଞ୍ଚିତ ଭକ୍ତଗଣ। ଭକ୍ତରହିତ ଭାବେ ପାଳନ ହେଉଛି ବାହୁଡ଼ା ଯାତ୍ରା। ତେଣୁ ବଡ଼ଦାଣ୍ଡରେ ଗହଳି ନାହିଁ। ଜନଶୂନ୍ୟ ହୋଇ ପଡ଼ିଛି କାଳିଆର ବଡ଼ଦାଣ୍ଡ। ଦିନେ ଏଇ ବଡ଼ଦାଣ୍ଡରେ ତ ଲକ୍ଷ ଲକ୍ଷ ଭକ୍ତଙ୍କ ଗହଳି ଥିଲା। କିନ୍ତୁ ମହାମାରୀ କୋରୋନା ପାଇଁ ବିନା ଭକ୍ତରେ ହେଉଛି କାଳିଆ ସାଆନ୍ତଙ୍କ ବାହୁଡ଼ା ଯାତ୍ରା।

ରଥାରୁଢ଼ ହେଲେ ଚତୁର୍ଦ୍ଧାମୂର୍ତ୍ତି

ଆଜି ହେଉଛି ବିଶ୍ବନିୟନ୍ତାଙ୍କ ବିଶ୍ବପ୍ରସିଦ୍ଧ ବାହୁଡ଼ାଯାତ୍ରା। ଜନ୍ମବେଦିରେ ନବଦିନାତ୍ମକ ଲୀଳାଖେଳା ସାରି ବାହାରି ପଡ଼ିଛନ୍ତି ମହାପ୍ରଭୁ। ଭାଇ ଭଉଣୀଙ୍କୁ ଧରି ଶ୍ରୀମନ୍ଦିର ଅଭିମୁଖେ କାଳିଆ ଠାକୁର। ସକାଳୁ ସକାଳୁ ଶେଷ ହୋଇଛି ଚତୁର୍ଦ୍ଧା ମୂର୍ତ୍ତିଙ୍କ ପହଣ୍ଡି ନୀତି। ଗୋଟି ପହଣ୍ଡିରେ ନାକଚଣା ଦ୍ଵାର ଦେଇ ଚକ୍ରରାଜ ଶ୍ରୀସୁଦର୍ଶନ, ପ୍ରଭୁ ଶ୍ରୀବଳଭଦ୍ର, ଦେବୀ ସୁଭଦ୍ରା, ଓ ମହାପ୍ରଭୁ ଜଗନ୍ନାଥଙ୍କ ପହଣ୍ଡି ନୀତି ସମ୍ପନ୍ନ ହୋଇଛି। ରଥାରୁଢ ହୋଇଛନ୍ତି ଶ୍ରୀସୁଦର୍ଶନ, ପ୍ରଭୁ ଶ୍ରୀବଳଭଦ୍ର, ଦେବୀ ସୁଭଦ୍ରା, ଓ ମହାବାହୁ। ଘଣ୍ଟ ଘଣ୍ଟା, କାହାଳୀ, ମୃଦଙ୍ଗ ନାଦରେ ଫାଟି ପଡୁଛି ଚତୁର୍ଦ୍ଦିଗ। ଚାରିଆଡ଼େ ସୃଷ୍ଟି ହୋଇଛି ଭକ୍ତିମୟ ପରିବେଶ। ଗୁଣ୍ଡିଚା ମନ୍ଦିର ନାକଚଣା ଦ୍ଵାର ନିକଟରେ ଦଣ୍ଡାୟମାନ ହୋଇଛନ୍ତି ତିନି ରଥ। ତେବେ ନିର୍ଦ୍ଧାରିତ ସମୟ ପୂର୍ବରୁ ନୀତିକାନ୍ତ ଚାଲିଛି। ଏ ଦୁର୍ଲଭ ବେଶ ଦେଖିବାରୁ ବଞ୍ଚିତ ଭକ୍ତଗଣ। ଭକ୍ତରହିତ ଭାବେ ପାଳନ ହେଉଛି ବାହୁଡ଼ା ଯାତ୍ରା। ତେଣୁ ବଡ଼ଦାଣ୍ଡରେ ଗହଳି ନାହିଁ। ଜନଶୂନ୍ୟ ହୋଇ ପଡ଼ିଛି କାଳିଆର ବଡ଼ଦାଣ୍ଡ। ଦିନେ ଏଇ ବଡ଼ଦାଣ୍ଡରେ ତ ଲକ୍ଷ ଲକ୍ଷ ଭକ୍ତଙ୍କ ଗହଳି ଥିଲା। କିନ୍ତୁ ମହାମାରୀ କୋରୋନା ପାଇଁ ବିନା ଭକ୍ତରେ ହେଉଛି କାଳିଆ ସାଆନ୍ତଙ୍କ ବାହୁଡ଼ା ଯାତ୍ରା।

ଅନ୍‌ଲାଇନ୍‌ ଶିକ୍ଷାକୁ ପ୍ରୋତ୍ସାହନ ପାଇଁ ଓଡ଼ିଶାକୁ ୫ ବର୍ଷରେ ୨୧୮ କୋଟି: ଧର୍ମେନ୍ଦ୍ର

ପଞ୍ଚଦଶ ଅର୍ଥ କମିଶନର ସୁପାରିଶ ଅନୁସାରେ ଅନଲାଇନ୍ ଶିକ୍ଷାକୁ ପ୍ରୋତ୍ସାହନ ଦେବା ପାଇଁ ଭାରତ ସରକାର ଆଗାମୀ ୫ ବର୍ଷ ପାଇଁ ସବୁ ରାଜ୍ୟକୁ ୬ ହଜାର ୧୪୩ କୋଟି ଟଙ୍କା ବ୍ୟୟବରାଦ କରି ଥିବା ବେଳେ ତନ୍ମଧ୍ୟରୁ ଓଡ଼ିଶା ପାଇଁ ଏହି କ୍ଷେତ୍ରରେ ଆଗାମୀ ୫ ବର୍ଷ ପାଇଁ ୨୧୮ କୋଟି ଟଙ୍କା ବ୍ୟୟବରାଦ ହୋଇଛି। ସେହିପରି ଓଡ଼ିଶାରେ ୧୪ଟି ଆଦର୍ଶ ଡିଗ୍ରୀ କଲେଜ୍ ସ୍ଥାପନ ପାଇଁ ଭାରତ ସରକାରଙ୍କ ପକ୍ଷରୁ ଅନୁମୋଦନ ଦିଆଯାଇଛି ବୋଲି ସଂସଦରେ ଏ ସମ୍ପର୍କୀତ ପ୍ରଶ୍ନର ଉତ୍ତରରେ କେନ୍ଦ୍ର ଶିକ୍ଷା ଏବଂ ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି।

ଆଜି ବାହୁଡ଼ା: ନୀଳାଚଳକୁ ବାହୁଡ଼ିବେ ମହାବାହୁ

ଆଜି ହେଉଛି ପବିତ୍ର ବାହୁଡ଼ା ଯାତ୍ରା। ଜନ୍ମବେଦୀରେ ଶେଷ ହୋଇଛି ଶ୍ରୀଜୀଉଙ୍କ ନବଦିନାତ୍ମକ ଲୀଳାଖେଳା। ଜନ୍ମବେଦୀରେ ଲୀଳାଖେଳା ସାହି ଶ୍ରୀମନ୍ଦିର ଅଭିମୁଖେ ବାହୁଡ଼ିବେ ଶ୍ରୀଜିଉ। ସେଥିପାଇଁ ନୀତିକାନ୍ତି ପ୍ରସ୍ତୁତ ହୋଇଥିବା ବେଳେ ଶେଷ ହୋଇଛି ସମସ୍ତ ପ୍ରସ୍ତୁତି। ଗୁଣ୍ଡିଚା ଯାତ୍ରା ଭଳି ବାହୁଡ଼ା ଯାତ୍ରାକୁ ସୁରୁଖୁରୁରେ ସମାପନ କରିବା ଲାଗି ପୋଲିସ୍ ଓ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ଏପଟେ ଶ୍ରୀଜିଉଙ୍କୁ ଶ୍ରୀମନ୍ଦିର ବାହୁଡ଼ାଇ ଆଣିବାକୁ ଗୁଣ୍ଡିଚା ମନ୍ଦିର ନାକଚଣା ଦ୍ୱାର ଆଗର ଅପେକ୍ଷାରତ ତିନି ରଥ। ରଥ ଓ ପଥ ପ୍ରସ୍ତୁତ ହୋଇଥିବାବେଳେ ସେବାୟତମାନେ ରଥ ଟାଣିନେବାକୁ ଅପେକ୍ଷା କରି ରହିଛନ୍ତି। ଗତ ବର୍ଷ ଭଳି କୋରୋନା ପାଇଁ ଏଥର ବି ଆଡ଼ପ ମଣ୍ଡପରେ ବିନା ଭକ୍ତରେ ଶେଷ ହୋଇଛି ଠାକୁରଙ୍କ ସନ୍ଧ୍ୟା ଦର୍ଶନ ନୀତି।

ଆଗାମୀ ଦିନରେ ମହିଳାଙ୍କ ନେତୃତ୍ବରେ ହିଁ ରାଜନୈତିକ ପରିବର୍ତ୍ତନ ଘଟିବ: ଧର୍ମେନ୍ଦ୍ର

ରାଜ୍ୟରେ ମହିଳାଙ୍କ ସୁରକ୍ଷା, ସମ୍ମାନ ଏବଂ ସେମାନଙ୍କର ବିଭିନ୍ନ ପ୍ରସଙ୍ଗକୁ ନେଇ ରବିବାର ରାଜ୍ୟ ବିଜେପି ମହିଳା ମୋର୍ଚ୍ଚାର ପ୍ରଥମ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ମହିଳା ମୋର୍ଚ୍ଚା ସଭାନେତ୍ରୀ ସ୍ମୃତି ପଟ୍ଟନାୟକଙ୍କ ଅଧ୍ୟକ୍ଷତାରେ ଭିଡିଓ କନଫରେନ୍ସିଂରେ ଅନୁଷ୍ଠିତ ଏହି ବୈଠକରେ ରାଜ୍ୟ ସରକାରଙ୍କ ମହିଳା ବିରୋଧୀ ନୀତି ବିରୋଧରେ ଆଲୋଚନା ହେବା ସହ ଆଗାମୀ ଦିନରେ ମହିଳା ସଶକ୍ତୀକରଣ ଓ ମହିଳାଙ୍କୁ ସମସ୍ତ କ୍ଷେତ୍ରରେ ଅଗ୍ରାଧିକାର ଦେବା ନେଇ ଆଲୋଚନା ହୋଇଥିଲା। ଏଥିରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭିଡିଓ କନଫରେନ୍ସିଂ ମାଧ୍ୟମରେ ଯୋଗ ଦେଇ କହିଥିଲେ ଯେ ରାଜ୍ୟରେ ମହିଳା ଭୋଟରଙ୍କ ବଡ଼ ଯୋଗଦାନ ରହିଥିବା ବେଳେ ଆଗାମୀ ଦିନରେ ମହିଳାଙ୍କ ନେତୃତ୍ବରେ ହିଁ ରାଜନୈତିକ ପରିବର୍ତ୍ତନ ଘଟିବ। ଏଥିପାଇଁ ବ୍ୟାପକ ଯୋଜନା ପ୍ରସ୍ତୁତ କରିବା ସହ ଢାଞ୍ଚାଗତ ବିକାଶ କରିବା ପାଇଁ ମହିଳା ମୋର୍ଚ୍ଚା ନେତୃତ୍ବ ନେବା ଦରକାର। ୪୦ ହଜାର ବୁଥରେ ମହିଳାଙ୍କୁ ଏକାଠି କରି ଆଗାମୀ ଦିନ ପାଇଁ ବ୍ୟାପକ ରଣନୀତି ପ୍ରସ୍ତୁତ କରିବାକୁ ପଡ଼ିବ।

ରଥ ଭାଙ୍ଗିଲେ, ଅଧର ଚୁମ୍ୱିତ ଆଜ୍ଞାମାଳ ପାଇ ଫେରିଲେ ମା ଲକ୍ଷ୍ମୀ

୍ରୀମନ୍ଦିରରେ ଶୁକ୍ରବାର ପାଳିତ ହୋଇଛି ପବିତ୍ର ହେରାପଞ୍ଚମୀ ନୀତି। ବିଧି ପରମ୍ପରା ପୂର୍ବକ ଆଡ଼ପ ମଣ୍ଡପରେ ବିରାଜିତ ମହାପ୍ରଭୁଙ୍କୁ ଦର୍ଶନ କରିବା ପାଇଁ ଶ୍ରୀଦେବୀ (ଲକ୍ଷ୍ମୀ ଠାକୁରାଣୀ) ଶ୍ରୀଗୁଣ୍ଡିଚା ମନ୍ଦିରକୁ ବିଜେ କରିଥିଲେ। ରୁକ୍ମିଣୀ ହରଣ ଏକାଦଶୀ ଦିନ ମହାପ୍ରଭୁ ଶ୍ରୀଜଗନ୍ନାଥଙ୍କ ସହ ମହାଲକ୍ଷ୍ମୀଙ୍କ ବିବାହ ହୋଇଥିଲା। ବିବାହ ଗଇଁଠାଳ ଫିଟି ନ ଥିବା ବେଳେ ମହାପ୍ରଭୁ ଅସୁସ୍ଥ ହୋଇ ଅଣସର ପିଣ୍ଡିରେ ଚିକିତ୍ସିତ ହେଉଥିଲେ। ସୁସ୍ଥ ହେବା ପରେ ଶ୍ରୀଦେବୀଙ୍କୁ ଛାଡ଼ି ବଡ଼ଭାଇ ଓ ଭଉଣୀଙ୍କୁ ସାଙ୍ଗରେ ନେଇ ଜନ୍ମବେଦୀକୁ ଯାତ୍ରା କରିଛନ୍ତି। ନବବିବାହିତା ମା ଲକ୍ଷ୍ମୀ ଠାକୁରାଣୀ ବିରହ ବେଦନା ସହ୍ୟ କରି ନ ପାରି ମା ବିମଳାଙ୍କ ପରାମର୍ଶ କ୍ରମେ ପବିତ୍ର ହେରାପଞ୍ଚମୀରେ ବିଳମ୍ବିତ ରାତିରେ ମହାପ୍ରଭୁଙ୍କୁ ଦର୍ଶନ ପାଇଁ ଶ୍ରୀମନ୍ଦିରରୁ ଶ୍ରୀଗୁଣ୍ଡିଚା ମନ୍ଦିରକୁ ଗୋପନଯାତ୍ରା କରିଛନ୍ତି। ଶ୍ରୀଗୁଣ୍ଡିଚା ମନ୍ଦିରଠାରେ ପହଞ୍ଚିବା ପରେ ମହାପ୍ରଭୁଙ୍କ ଦର୍ଶନ ନ ପାଇବାରୁ ଅଭିମାନୀ ମା ଲକ୍ଷ୍ମୀ ଅପମାନ ଓ ରାଗରେ ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥ ଭାଙ୍ଗିବା ସହ ନିରାଡ଼ମ୍ବର ଶୋଭାଯାତ୍ରାରେ ପୁନର୍ବାର ଶ୍ରୀମନ୍ଦିରକୁ ଫେରି ଆସିଛନ୍ତି। ମା ମହାଲକ୍ଷ୍ମୀ ଅଧର ଚୁମ୍ୱିତ ଆଜ୍ଞାମାଳ ପାଇ ଶ୍ରୀମନ୍ଦିର ପ୍ରତ୍ୟାବର୍ତ୍ତନ କରିଛନ୍ତି।

ହେରାପଞ୍ଚମୀରେ ଜଗତମାତା ମହାଲକ୍ଷ୍ମୀ ରଥ ପଛେ ଭାଙ୍ଗନ୍ତୁ ଜଗତକୁ କୃପାଦୃଷ୍ଟିରେ ଚାହିଁଥାନ୍ତୁ

ଆଜି ହେରା ପଞ୍ଚମୀ,ରଥଯାତ୍ରାରେ ମହାଲକ୍ଷ୍ମୀଙ୍କୁ ଆଣିନଥିବାରୁ ଅଭିମାନିନୀ ମହାଲକ୍ଷ୍ମୀ ମହାପ୍ରଭୁଙ୍କ ରଥ ଭାଙ୍ଗିବେ, ପରେ ଶ୍ରୀମନ୍ଦିରକୁ ବାହୁଡ଼ି ଯିବାକୁ ଶ୍ରୀଜିଉ ନିଷ୍ପତ୍ତି ନେବେ

ଶ୍ରୀଜୀଉଙ୍କ ତିନି ରଥର ଚକ ଓ ପ୍ରଭାରେ ଫାଟ

ରଥରେ ଫାଟ। ଶ୍ରୀଜୀଉଙ୍କ ତିନି ରଥର ଦକ୍ଷିଣ ମୋଡ଼ ପୂର୍ବରୁ ଯାଞ୍ଚ ବେଳେ ଫାଟ ଥିବା ଜଣାପଡ଼ିଛି। ତାଳଧ୍ୱଜ ଓ ଦର୍ପଦଳନ ରଥର ବ୍ରେକ୍ ଚକରେ ସାମାନ୍ୟ ଫାଟ ଥିବା ବେଳେ ନନ୍ଦିଘୋଷ ରଥର ପ୍ରଭାରେ ମଧ୍ୟ ସାମାନ୍ୟ ଫାଟ ଥିବା ସୂଚନା ମିଳିଛି। ବିଶେଷଜ୍ଞ ଟିମ୍ ପହଞ୍ଚି ରଥ ମରାମତି କରିଛନ୍ତି। ଫାଟକୁ ସଜଡ଼ା ଯିବା ପରେ ରଥକୁ ଦକ୍ଷିଣ ମୋଡ଼ କରିବାକୁ ପ୍ରକ୍ରିୟା ଆରମ୍ଭ ହେବ।

ସୂଚନା ଅନୁଯାୟୀ, ବଳଭଦ୍ରଙ୍କ ତାଳଧ୍ବଜ ରଥ ଓ ଦେବୀ ସୁଭଦ୍ରାଙ୍କ ଦର୍ପଦଳନ ରଥର ଗୋଟିଏ ଲେଖାଏଁ ଚକରେ ସାମାନ୍ୟ ଫାଟ ରହିଛି। ସେହିଭଳି ମହାପ୍ରଭୁଙ୍କ ନନ୍ଦିଘୋଷ ରଥର ପ୍ରଭାରେ ମଧ୍ୟ ଫାଟ ରହିଛି। ଏହାକୁ ମରାମତି କରାଯାଉଛି। ୧୦ ଜଣ ମହାରଣା ୬ ଜଣ ଭୋଇ ସେବକ ଓ ତିନିଜଣ କମାର ସେବକ ମରାମତି କରୁଛନ୍ତି।

ପ୍ରଧାନମନ୍ତ୍ରୀଙ୍କ ଜନକଲ୍ୟାଣକାରୀ କାର୍ଯ୍ୟକୁ ଜନଜାଗରଣରେ ପରିଣତ କରିବାକୁ ପଡ଼ିବ

ଢ଼େଙ୍କାନାଳ ଜିଲ୍ଲା ବିଜେପି ପକ୍ଷରୁ ଅନୁଷ୍ଠିତ ଜିଲ୍ଲା କାର୍ଯ୍ୟକାରିଣୀ ବୈଠକରେ ଯୋଗଦେଇ କର୍ମୀମାନଙ୍କୁ ବୁଥ୍ ସ୍ତରର ସମିତିକୁ ନରେନ୍ଦ୍ର ମୋଦୀ ମିତ୍ର ମଣ୍ଡଳି ନାଁରେ ନାମିତ କରି ଏହାକୁ ବ୍ୟାପକ କରିବା ଓ ପ୍ରଧାନମନ୍ତ୍ରୀଙ୍କ ଜନକଲ୍ୟାଣକାରୀ କାର୍ଯ୍ୟକୁ ଜନଜାଗରଣରେ ପରିଣତ କରିବା ପାଇଁ ପରାମର୍ଶ ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହି ଅବସରରେ ଧର୍ମେନ୍ଦ୍ର କହିଛନ୍ତି, ସେବା, ସଂଗଠନ, ସମ୍ପର୍କ ଓ ସଂଘର୍ଷ ଆଧାରରେ କାର୍ଯ୍ୟକର୍ତ୍ତାମାନେ ପରିଶ୍ରମ କରି ଲୋକମାନଙ୍କ ସହ ଯୋଡ଼ିହୋଇ ସମ୍ପର୍କ ସ୍ଥାପନ କରିବା ଉଚିତ୍। କେବଳ ବିଧାୟକ ଏବଂ ସାଂସଦ ହେବା ପାଇଁ ନୁହେଁ ବରଂ ପ୍ରତିଟି ନାଗରିକଙ୍କ ମୌଳିକ ଓ ଅନ୍ୟାନ୍ୟ ସମସ୍ୟାକୁ ପ୍ରଭାବଶାଳୀ ଢ଼ଙ୍ଗରେ ସରକାରଙ୍କ ପାଖରେ ଉପସ୍ଥାପନ କରିବା ହିଁ ଆମର ଲକ୍ଷ୍ୟ ହେବା ଦରକାର ବୋଲି ସେ କହିଛନ୍ତି।

ବାହାରିଲା ଆଡ଼ପ ଅବଢ଼ା

ଜନ୍ମବେଦୀରେ ପୂଜା ପାଉଛନ୍ତି ଚତୁର୍ଦ୍ଧାମୂର୍ତ୍ତି। ରଥରେ ଦିନଟିଏ କାଟିବା ପରେ ଗତକାଲି ରାତିରୁ ଶ୍ରୀଗୁଣ୍ଡିଚା ମନ୍ଦିରରେ ପୂଜା ପାଉଛନ୍ତିଅ କାଳିଆ ସାଆନ୍ତଙ୍କ ସହ ଭାଇ ବଡ଼ଠାକୁର ବଳଭଦ୍ର ଓ ଭଉଣୀ ସୁଭଦ୍ରା। ଆଜିଠୁ ଆଡ଼ପ ମଣ୍ଡପରେ ଶ୍ରୀଜିଉଙ୍କ ସମସ୍ତ ନୀତିକାନ୍ତି ହୋଇଛି। ଆଜି ଠାରୁ ସାତ ଦିନ ଯାଏ ପର୍ଯ୍ୟନ୍ତ ସମସ୍ତ ନୀତି ଗୁଣ୍ଡିଚା ମନ୍ଦିରରେ ହେବ। ତେବେ କୋରୋନା କଟକଣା ଯୋଗୁ ଆଡ଼ପ ମଣ୍ଡପରେ ଶ୍ରୀଜୀଉଙ୍କ ଦର୍ଶନରୁ ବଞ୍ଚିତ ହୋଇଛନ୍ତି ଭକ୍ତ। ଅନ୍ୟପକ୍ଷରେ ଆଜିଠାରୁ ଗୁଣ୍ଡିଚା ମନ୍ଦିରରୁ ବାହାରିଛି ଆଡ଼ପ ଅବଢ଼ା। ହେଲେ ଏହା ସୀମିତ ପରିମାଣର ବାହାରିବ। ଯେହେତୁ ଭକ୍ତ ଆସିବା ଉପରେ କଟକଣା ରହିଛି, ତେଣୁ ଆଡ଼ପ ଅବଢ଼ା କମ୍ କରିବା ପାଇଁ ନିଷ୍ପତ୍ତି ନେଇଛି ପ୍ରଶାସନ।

ଆଡ଼ପ ମଣ୍ଡପରେ ଚତୁର୍ଦ୍ଧାମୂର୍ତ୍ତି

ଭାଇ-ଭଉଣୀଙ୍କୁ ସାଥିରେ ଧରି ରତ୍ନବେଦୀରୁ ବାହାରି ଆସିଥିବା ଜଗତର ନାଥ ଜଗନ୍ନାଥ ବିଜେ କରିଛନ୍ତି ଜନ୍ମବେଦୀକୁ। ତିନି ଠାକୁର ଆସିବା ପରେ ଚଳଚଞ୍ଚଳ ହୋଇପଡ଼ିଛି ଗୁଣ୍ଡିଚା ମନ୍ଦିର। ଗତକାଲିଠାରୁ ରଥାରୂଢ଼ ହୋଇଥିବା ମହାପ୍ରଭୁ ସନ୍ଧ୍ୟାରେ ଆଡ଼ପ ମଣ୍ଡପକୁ ବିଜେ କରିଛନ୍ତି। ସନ୍ଧ୍ୟାଧୂପ ପରେ ରଥରେ ଘୋଡ଼ା ଖୋଲାଯାଇ ଚାରମାଳ ବନ୍ଧା ଯିବା ପରେ ବାଜିଥିଲା ବିଜେ କାହାଳୀ। ଏହାପରେ ଆରମ୍ଭ ହୋଇଥିଲା ଗୋଟି ପହଣ୍ଡି। ଗୋଟି ପହଣ୍ଡିରେ ଯାଇ ଜନ୍ମବେଦୀରେ ବିରାଜିଛନ୍ତି ତିନି ଠାକୁର। ଗୁଣ୍ଡିଚା ମନ୍ଦିର ସମ୍ମୁଖରେ ଲାଗିଥିବା ରଥାରୁଢ଼ ଶ୍ରୀବିଗ୍ରହଙ୍କ ସମସ୍ତ ନୀତିକାନ୍ତି ରଥ ଉପରେ ଅନୁଷ୍ଠିତ ହୋଇଥିଲା। ରଥ ଉପରେ ହିଁ ମଙ୍ଗଳଆଳତୀ, ମଇଲମ, ତଡ଼ପ ଲାଗି, ଅବକାଶ, ଗୋପାଳ ବଲ୍ଲଭ ଭୋଗ ପରେ ସକାଳଧୂପ, ଭୋଗମଣ୍ଡପ ଓ ମଧ୍ୟାହ୍ନ ଧୂପ ସମ୍ପନ୍ନ ହୋଇଥିଲା। ମାଘସ୍ନାନ, ସନ୍ଧ୍ୟା ଆଳତୀ, ପୁଷ୍ପାଞ୍ଜଳି ଓ ଡୋରଲାଗି କରାଯାଇଥିଲା।

କେନ୍ଦ୍ର କ୍ୟାବିନେଟ୍‌ କମିଟିରେ ଧର୍ମେନ୍ଦ୍ର ଓ ଅଶ୍ବିନୀ

ମନ୍ତ୍ରିମଣ୍ଡଳ ସମ୍ପ୍ରସାରଣ ପରେ କେନ୍ଦ୍ର କ୍ୟାବିନେଟ କମିଟି ଗଠନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଏହି କମିଟିରେ ଓଡ଼ିଶାରୁ ୨ ଜଣ ମନ୍ତ୍ରୀ ସ୍ଥାନ ପାଇଛନ୍ତି। କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ରେଳମନ୍ତ୍ରୀ ଅଶ୍ବିନୀ ବୈଷ୍ଣବଙ୍କୁ ସାମିଲ୍ କରାଯାଇଛି। ଇକୋନୋମିକ୍ ଆଫାୟାର୍ସ କମିଟିରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସ୍ଥାନ ପାଇଛନ୍ତି। ଏ କମିଟିର ଅଧ୍ୟକ୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରହିଥିବା ବେଳେ ରାଜନାଥ ସିଂହ, ଅମିତ ଶାହ, ନୀତୀନ ଗଡ଼କରି, ନିର୍ମଳା ସୀତାରମଣ, ନରେନ୍ଦ୍ର ସିଂହ ତୋମାର, ସୁର୍ବମଣ୍ୟମ ଜୟଶଙ୍କର, ପୀୟୂଷ ଗୋଏଲ ମଧ୍ୟ ସାମିଲ୍ ହୋଇଛନ୍ତି। ଏହାଛଡ଼ା ନିଯୁକ୍ତି ଓ ଦକ୍ଷତା ବିକାଶ କ୍ୟାବିନେଟ୍& କମିଟି ସଦସ୍ୟ ବି ହୋଇଛନ୍ତି ଧର୍ମେନ୍ଦ୍ର।

ବିରଳ ହଳଦିଆ ରଙ୍ଗର କଇଁଛ ଉଦ୍ଧାର

ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ୍ ଓରାସାହି ପଞ୍ଚାୟତ କସ୍ତୁରୀଗଣ ଗ୍ରାମରୁ ଉଦ୍ଧାର ହୋଇଛି ବିରଳ ପ୍ରଜାତିର କଇଁଛ। କସ୍ତୁରୀକଣ ସ୍କୁଲ୍ ନିକଟରୁ ଜଣେ ଶିକ୍ଷକ ଏହି ବିରଳ ପ୍ରଜାତିର କଇଁଛଟିକୁ ପାଇଥିଲେ। କଇଁଛଟିର ଓଜନ ୨ କେଜି ହୋଇଥିବା ବେଳେ ଏହା ଦେଖିବାକୁ ପୁରା ହଳଦିଆ ରଙ୍ଗର। ଏହା ଖୁବ୍ କମ ପରିମାଣରେ ଦେଖିବାକୁ ମିଳିଥାଏ। ଜଳବାୟୁ ପରିବର୍ତ୍ତନ ପାଇଁ ଏଭଳି ବିରଳ କଇଁଛ ସୃଷ୍ଟି ହୋଇଥାନ୍ତି ବୋଲି ବନ ବିଭାଗ ଅଧିକାରୀ ପ୍ରକାଶ କରିଛନ୍ତି। ଶିକ୍ଷକ ଜଣକ କଇଁଛଟିକୁ ବନ ବିଭାଗକୁ ହସ୍ତାନ୍ତର କରିଛନ୍ତି। ବନ ବିଭାଗ କଇଁଛଟିକୁ ନେଇ ନିକଟସ୍ଥ ବୈତରଣୀ ନଦୀରେ ଛାଡ଼ିଥିବା ସୂଚନା ମିଳିଛି।

ଇତିହାସର ପୁନରାବୃତ୍ତି: ଭକ୍ତଙ୍କୁ ଝୁରିଲା ବଡ଼ଦାଣ୍ଡ

ପୁରୀ: ବିନା ଭକ୍ତରେ ବଡ଼ଦାଣ୍ଡକୁ ଓହ୍ଲାଇ ଆସିଲେ ଜଗତର ନାଥ ଜଗନ୍ନାଥ। ରତ୍ନବେଦୀରୁ ଗଲେ ଜନ୍ମବେଦୀ। ନିଜର ପତିତପାବନ ନାମକୁ ସାର୍ଥକ କରିବା ପାଇଁ ରତ୍ନସିଂହାସନକୁ ତ୍ୟାଗ କରି ଭାଇ ଓ ଭଉଣୀଙ୍କୁ ସାଥିରେ ଧରି ରଥାରୂଢ ହୋଇ ଗଲେ ଗୁଣ୍ଡିଚା ମନ୍ଦିର। ଘର୍ଘର ନାଦ ଏବଂ ସେବାୟତଙ୍କ ଘଣ୍ଟ ଘଣ୍ଟାରେ ଶ୍ରୀମନ୍ଦିର ସିଂହଦ୍ଵାରରୁ ଯାଇ ପହଞ୍ଚିଲେ ଶ୍ରୀଗୁଣ୍ଡିଚା ମନ୍ଦିର ସମ୍ମୁଖରେ। ସଅଳ ସଅଳ ମହାପ୍ରଭୁ ଯେଭଳି ଜନ୍ମବେଦୀକୁ ଯିବାପାଇଁ ବ୍ୟସ୍ତ ହୋଇପଡ଼ିଥିଲେ, ସେପରି ପ୍ରତୀୟମାନ ହେଉଥିଲା। ସଅଳ ପହଣ୍ଡିଠାରୁ ଆରମ୍ଭ କରି ସଅଳ ଶ୍ରୀଗୁଣ୍ଡିଚା ମନ୍ଦିର ନିକଟରେ ପହଞ୍ଚିବା ଯେପରି ମହାପ୍ରଭୁଙ୍କ ଇଛାରେ ହେଉଥିଲା। ସେବାୟତମାନେ ବେଶ୍ ଆନନ୍ଦର ସହିତ ତିନି ଥରକୁ ଟାଣିନେଇଥିଲେ ଜନ୍ମବେଦି ଆଡ଼େ। ଗତ ବର୍ଷ ପରି ଏଥର ମଧ୍ୟ କୋରୋନା ମହାମାରୀରେ ଭକ୍ତଶୂନ୍ୟ ରହିଥିଲା ବଡ଼ଦାଣ୍ଡ। ଆଉ ଭାଇ ଭଉଣୀକୁ ଧରି ଏକା ଏକା ମାଉସୀ ମା& ମନ୍ଦିରକୁ ଗଲେ ଭାବଗ୍ରାହୀ କଳା ଠାକୁର। କୋଭିଡ୍ କଟକଣା ଯୋଗୁ ବଡ଼ଦାଣ୍ଡରେ ସିନା ଭକ୍ତଙ୍କ ଗହଳି ନ ଥିଲା କିନ୍ତୁ ଭାବର ଅଭାବ ନ ଥିଲା। ଭାବର ଠାକୁର ଜଗନ୍ନାଥଙ୍କ ଘୋଷଯାତ୍ରା ସୁରୁଖୁରୁରେ ସମ୍ପନ୍ନ ହୋଇଥିଲା। ସୂର୍ଯ୍ୟାସ୍ତ ପୂର୍ବରୁ ଶରଧା ବାଲିରେ ଲାଗିଗଲା ତାଳଧ୍ବଜ, ଦର୍ପଦଳନ ଏବଂ ନନ୍ଦିଘୋଷ ରଥ। କାଲି ଆଡ଼ପମଣ୍ଡପ ବିଜେ କରି ଜନ୍ମବେଦୀରେ ଲୀଳାଖେଳା କରିବେ ତିନି ଠାକୁର।

ପ୍ରଥମ ଦିନରୁ କାମ ଆରମ୍ଭ କଲେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଭାରତ ସରକାରଙ୍କ ଶିକ୍ଷା ମନ୍ତ୍ରାଳୟର ନୂଆ ଦାୟିତ୍ୱ ଗ୍ରହଣ କରିବାର ପ୍ରଥମ ଦିନରୁ ହିଁ କାମ ଆରମ୍ଭ କରିଦେଇଛନ୍ତି କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କେନ୍ଦ୍ରୀୟ ଅନୁଦାନପ୍ରାପ୍ତ ବୈଷୟିକ ଅନୁଷ୍ଠାନ ଆଇଆଇଏସସି ବେଙ୍ଗାଲୁରୁ, ଆଇଆଇଟି ବମ୍ବେ, ଆଇଆଇଟି ମାଡ୍ରାସ, ଆଇଆଇଟି କାନପୁରର ନିର୍ଦେଶକମାନଙ୍କ ସହ ସାକ୍ଷାତକାର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ସହ ଯୋଗଦେଇଥିଲେ ଧର୍ମେନ୍ଦ୍ର। ଭର୍ଚୁଆଲରେ ଅନୁଷ୍ଠିତ ଏହି ବୈଠକରେ ନୂଆ ଜାତୀୟ ଶିକ୍ଷା ନୀତି ଉପରେ ଗୁରୁତ୍ୱାରୋପ କରିଥିଲେ ଧର୍ମେନ୍ଦ୍ର।

କୋଭିଡ୍ କାରଣରୁ ଦେଖାଦେଇଥିବା ଆହ୍ୱାନର ମୁକାବିଲା ପାଇଁ ଏହିସବୁ ଅନୁଷ୍ଠାନଗୁଡ଼ିକ ଦ୍ୱାରା କରାଯାଇଥିବା ଗବେଷଣା ଓ ବିକାଶ କାର୍ଯ୍ୟକୁ ପ୍ରଧାନମନ୍ତ୍ରୀ ପ୍ରଶଂସା କରିଥିଲେ। ତ୍ବରିତ ପ୍ରଯୁକ୍ତିଗତ ସମାଧାନ ଯୋଗାଇ ଦେଇଥିବାରୁ ସେ ଯୁବ ଉଦ୍ଭାବକମାନଙ୍କ ଭୂମିକାକୁ ପ୍ରଶଂସା କରିଥିଲେ।

ନୂଆ ଜାତୀୟ ଶିକ୍ଷା ନୀତିର ଅଗ୍ରଗତି ନେଇ ସମୀକ୍ଷା କଲେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ନୂଆ ଜାତୀୟ ଶିକ୍ଷା ନୀତିର ଅଗ୍ରଗତି ନେଇ ଶିକ୍ଷା ମନ୍ତ୍ରାଳୟର ବରିଷ୍ଠ ଅଧିକାରୀ ଏବଂ ବିଭିନ୍ନ ସ୍ୱୟଂଶାସିତ ସଂସ୍ଥାମାନଙ୍କ ସହିତ ଆଲୋଚନା କରିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ନୂଆ ଜାତୀୟ ଶିକ୍ଷା ନୀତି ୨୦୨୦(ଏନଇପି) କାର୍ଯ୍ୟକାରୀର ଅଗ୍ରଗତି ନେଇ ସମୀକ୍ଷା କରିଛନ୍ତି। ଏହି ଆଲୋଚନାରେ କେନ୍ଦ୍ର ଶିକ୍ଷା ରାଷ୍ଟ୍ର ମନ୍ତ୍ରୀ ଡା. ସୁବାଷ ସରକାର, ଅନ୍ନପୂର୍ଣ୍ଣା ଦେବୀ, ରାଜକୁମାର ରଞ୍ଜନ ସିଂଙ୍କ ସମେତ ଶିକ୍ଷା ମନ୍ତ୍ରାଳୟର ବରିଷ୍ଠ ଅଧିକାରୀମାନେ ସାମିଲ୍ ହୋଇଥିଲେ।

ଆଲୋଚନା ପରେ ଧର୍ମେନ୍ଦ୍ର ଟ୍ବିଟ୍ କରି କହିଛନ୍ତି, ନୂଆ ଶିକ୍ଷା ନୀତିର କାର୍ଯ୍ୟକାରୀ ସହ ଦେଶରେ ଥିବା ୩୦ କୋଟି ଛାତ୍ରଛାତ୍ରୀଙ୍କ ଭବିଷ୍ୟତକୁ ଉଜ୍ଜଳ କରିବା ପାଇଁ କଣ ପଦକ୍ଷେପ ନିଆଯିବା ତାହା ଉପରେ ବିଚାର ବିମର୍ଷ କରାଯାଇଛି।

୪୩୫ ଦିଆସିଲି କାଠିରେ ତିନି ରଥ ଓ ନିମ୍ବ କାଠିରେ ତିନି ଠାକୁର ନିର୍ମାଣ କରିଛନ୍ତି ଶିଳ୍ପୀ ଇଶ୍ବର

ଚଳିତ ବର୍ଷ କେବଳ ଶ୍ରୀକ୍ଷେତ୍ରରେ ରଥରେ ଚଢ଼ି ମାଉସୀ ଘରକୁ ଯିବାକୁ କାଳିଆ ଠାକୁର ସଜବାଜ ହେଉଥିବା ବେଳେ ଖୋର୍ଦ୍ଧା ଜିଲ୍ଲା ଗୋପୀନାଥପୁର ଶିଳ୍ପୀ ଏଲ୍ ଇଶ୍ବର ରାଓଙ୍କ କୁନି ରଥରେ ବିଦ୍ୟମାନ ହୋଇଛନ୍ତି ତିନି ଠାକୁର। ରସିକିଆ କାଳିଆ ଠାକୁରଙ୍କ ପାଇଁ ଇଶ୍ବର ଦିଆସିଲି କାଠିରେ ତିଆରି କରିଛନ୍ତି କୁନି ରଥ। ଆଉ ତା ଭିତରେ ଲିମ୍ବ କାଠିରେ ତିଆରି କରିଛନ୍ତି ତିନି ଠାକୁରଙ୍କ ପ୍ରତିମୂର୍ତ୍ତି।

ଏହି ତିନି ରଥ ନିର୍ମାଣରେ ସେ ମୋଟ୍ ୪୩୫ଟି ଦିଆସିଲି କାଠି ବ୍ୟବହାର କରିଛନ୍ତି। ୪.୫ ଇଞ୍ଚ ଉଚ୍ଚତା ବିଶିଷ୍ଟ ଏହି ରଥରେ ବସିଥିବା ତିନିଦିଅଁଙ୍କ ମୂର୍ତ୍ତି ନିମ୍ବ କାଠରେ ନିର୍ମିତ ହୋଇଛି। ଶ୍ରୀଜଗନ୍ନାଥ, ବଳଭଦ୍ର ଓ ସୁଭାଦ୍ରାଙ୍କ ମୂର୍ତ୍ତିଗୁଡ଼ିକର ଉଚ୍ଚତା ୧ ଇଞ୍ଚ ରହିଛି। ଶ୍ରୀକ୍ଷେତ୍ରର ରଥଯାତ୍ରା ପାଇଁ ନିର୍ମାଣ ହେଉଥିବା ରଥ ସଦୃଶ ଏହି ରଥ ପ୍ରସ୍ତୁତ କରାଯାଇଛି। କାଠିକୁ କାଠି ଯୋଡ଼ି ରଥ ନିର୍ମାଣ ହୋଇଛି।

ଅନନ୍ୟ ଭକ୍ତି: କାଳିଆ ଦର୍ଶନ ପାଇଁ ୯ ଦିନ ପଦଯାତ୍ରା

ଅଗାଢ଼ ବିଶ୍ବାସ, ଭକ୍ତିଭାବ ଥିଲେ ମନର ଠାକୁର ମନୁଆ ମନକଥା ବୁଝିପାରେ। ଅସାଧ୍ୟ ସାଧନ ପାଇଁ ମନରେ ଇଚ୍ଛାଶକ୍ତି ମଧ୍ୟ ଭରିଦିଏ। ତାକୁ ନ ଡାକି କଣ କିଏ କେବେ ରହିପାରିବ? ତାଙ୍କ ବିନା ସବୁ ଅସମ୍ଭବ। ସେ ଅନନ୍ତ ସେ କୋଟି ବ୍ରହ୍ମାଣ୍ଡର ମଉଡ଼ମଣି। ଆଉ ସେଇ ମଉଡ଼ମଣିକୁ ଦେଖିବା ଲାଗି ୯ ଦିନ ପଦଯାତ୍ରା କରି ପୁରୀରେ ପହଞ୍ଚିଛନ୍ତି ଜଣେ ଭକ୍ତ। ମହାପ୍ରଭୁଙ୍କ ଦର୍ଶନର କରିବାର ଇଚ୍ଛା ରଖି ସେ ସମ୍ବଲପୁରରୁ ଦୀର୍ଘ ୩୭୦ କିଲୋମିଟର ପାଦରେ ଚାଲି ଚାଲି ଆସି ଶ୍ରୀକ୍ଷେତ୍ରରେ ପହଞ୍ଚିଛନ୍ତି।

ସମ୍ୱଲପୁର ଜିଲ୍ଲାର ପ୍ରମୋଦ କୁମାର ରାଠୀ। ସେ ଶ୍ରୀଜଗନ୍ନାଥଙ୍କୁ ଭକ୍ତି କରନ୍ତି। ମହାପ୍ରଭୁଙ୍କୁ ଦର୍ଶନ କରିବାର ଇଚ୍ଛା ତାଙ୍କ ମନରେ ଜନ୍ମିଥିଲା। ହଠାତ୍& ମନେ ହେଲା ଜଗନ୍ନାଥ ମହାପ୍ରଭୁ ତାଙ୍କୁ ଡାକୁଛନ୍ତି। ଆଉ ତାଙ୍କ ଡାକରା ପାଇ ଶ୍ରୀକ୍ଷେତ୍ର ଅଭିମୁଖେ ବାହାରି ଆସିଥିଲେ ଲାଠି। ମହାପ୍ରଭୁ ଜଗନ୍ନାଥଙ୍କ ନାମ ସ୍ମରଣ କରି ଗତ ୧ ତାରିଖରେ ଶ୍ରୀକ୍ଷେତ୍ର ଅଭିମୁଖେ ଯାତ୍ରା ଆରମ୍ଭ କରିଥିଲେ ପ୍ରମୋଦ।

ନବଯୌବନ ପ୍ରାପ୍ତ ହେଲେ ଶ୍ରୀଜୀଉ

ଆଜି ଶ୍ରୀଜିଉଙ୍କ ନବଯୌବନ ଦର୍ଶନ। ନୂଆ ରୂପରେ ଝଟକୁଛନ୍ତି ମହାପ୍ରଭୁ। ଅଣସର ଘରେ ଗୁପ୍ତ ନୀତି ପରେ ଜ୍ବରରେ ପଡ଼ିଥିବା ମହାପ୍ରଭୁ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି। ସୁସ୍ଥ ହେବାପରେ ଖଡ଼ି ଲାଗି ସହ ଗୁରୁବାର ବିଳମ୍ବିତ ରାତିରେ ମହାପ୍ରଭୁଙ୍କ ବନକଲାଗି ନୀତି ସମ୍ପନ୍ନ ହୋଇଛି। ବନକଲାଗି ପରେ ମହାପ୍ରଭୁ ନବଯୌବନ ପ୍ରାପ୍ତି ହୋଇଛନ୍ତି। ୧୫ ଦିନର ଅଣସର ଶେଷ କରି ଶୁକ୍ରବାର ଶ୍ରୀଜିଉ ଅଣସର ପିଣ୍ଡିରୁ ନବଯୌବନ ବେଶରେ ଦର୍ଶନ ଦେବେ। ଏଥିପାଇଁ ପ୍ରସ୍ତୁତି ପର୍ବ ଆରମ୍ଭ ହୋଇଛି। ଅନ୍ୟପକ୍ଷରେ ଆଜି ଅଣସର ପିଣ୍ଡିରେ ଲାଗି ହେବ ମହାପ୍ରସାଦ। ତେବେ ଜ୍ୱର ଜନିତ ଅରୁଚି ମହାପ୍ରଭୁଙ୍କ ରହିଛି। ଶୁକ୍ରବାର ସନ୍ଧ୍ୟା ଧୂପରେ ମହାପ୍ରଭୁଙ୍କୁ ଦହି ପଖାଳ ଭୋଗ ଲାଗି ହେବ। ଦହି ସହ ଅନ୍ନ, ଅଦା, ଲୁଣ ଦେଇ ପ୍ରସ୍ତୁତ ଏହି ହଦି ପଖାଳକୁ ଅଣସର ବାସପରେ ପ୍ରଥମ କରି ମହାପ୍ରଭୁଙ୍କୁ ଲାଗି ହେବ।

ରଥଯାତ୍ରା ବେଳେ ଗ୍ରୀନଜୋନ୍ ହେବ ବଡ଼ଦାଣ୍ଡ

ବିଶ୍ୱ ପ୍ରସିଦ୍ଧ ଘୋଷଯାତ୍ରାକୁ ମଝିରେ ମାତ୍ର ୩ ଦିନ। ଭକ୍ତଙ୍କୁ ଦର୍ଶନ ଦେବାକୁ ଭାଇ ବଳରାମ, ଭଉଣୀ ସୁଭଦ୍ରାଙ୍କୁ ନେଇ ବଡ଼ଦାଣ୍ଡକୁ ଓହ୍ଲାଇ ଆସିବେ ମହାବାହୁ। କାଳିଆ ସାଆନ୍ତଙ୍କ ଏହି ଅଲୌକିକ ଲୀଳା ଦେଖିବା ଲାଗି ବିଶ୍ୱର ଅଗଣିତ ଶ୍ରଦ୍ଧାଳୁ ଅପେକ୍ଷା କରି ରହିଛନ୍ତି। ହେଲେ କୋରୋନା ମହାମାରୀ ପାଇଁ ଭକ୍ତଶୂନ୍ୟ ରଥଯାତ୍ରା ଅନୁଷ୍ଠିତ ହେଉଥିବା ବେଳେ ଟିଭି ପରଦାରେ ମହାବାହୁଙ୍କୁ ଦର୍ଶନ କରି ଆଶିଷ ଲଭିବେ ଭକ୍ତ। କିଭଳି ଶୃଙ୍ଖଳିତ ଭାବେ ରଥଯାତ୍ରା ହୋଇପାରିବ ସେନେଇ ପ୍ରସ୍ତୁତି ଚାଲିଥିବାବେଳେ ଆଜି ସମୀକ୍ଷା କରିବେ ମୁଖ୍ୟମନ୍ତ୍ରୀ। ସେପଟେ ଆଜିଠାରୁ ରଥଯାତ୍ରାରେ ସଂଶ୍ଲିଷ୍ଟ ହେବାକୁ ଥିବା ସେବାୟତ, ଶ୍ରୀମନ୍ଦିର କର୍ମଚାରୀଙ୍କର ହେଉଛି କୋଭିଡ ପରୀକ୍ଷା କରାଯାଉଛି। ଗତକାଲି ୩ ରଥର ରଙ୍ଗ କାମ ଶେଷ ହୋଇଥିବା ବେଳେ ଆଜିଠାରୁ କନାପକା କାମ ଆରମ୍ଭ ହେବ। ତେବେ ରଥଯାତ୍ରା ସମୟରେ ଜରୁରୀକାଳୀନ ସେବା ପାଇଁ ପୁରୀ ବଡ଼ଦାଣ୍ଡରେ ହେବ ଗ୍ରୀନ୍ ଜୋନ୍। ଏହି ଗ୍ରୀନ୍ ଜୋନରେ ଅଗ୍ନିଶମ ଓ ଆମ୍ବୁଲାନ୍ସ ସୁବିଧାରେ ଯାଇ ପାରିବ।

ଶ୍ରୀଜିଉଙ୍କ ଘଣାଲାଗି ନୀତି ସମ୍ପନ୍ନ, ଆଜି ରାଜନଅରକୁ ଖଡ଼ିପ୍ରସାଦ ବିଜେ

ଶ୍ରୀମନ୍ଦିରରେ ମଙ୍ଗଳବାର ରାତିରୁ ଚାଲିଥିବା ଘଣାଲାଗି ନୀତି ବୁଧବାର ଶେଷ ହୋଇଛି। ଦଇତାପତି ସେବକମାନେ ମା ଲକ୍ଷ୍ମୀଙ୍କ ମନ୍ଦିରରେ ତିଆରି ହୋଇ ଆସଥିବା ନୂଆ ବାସୁଙ୍ଗାପାଟ (ଘଣାଲାଗି) ମହାପ୍ରଭୁଙ୍କୁ ଲାଗି କରିଛନ୍ତି। ବୁଧବାର ବିଳମ୍ବିତ ରାତିରେ ଏହି ନୀତି ସମ୍ପନ୍ନ ହୋଇଛି। ଏଥିପାଇଁ ଶ୍ରୀମନ୍ଦିରରେ ଭୋର୍ ୪ଟାରୁ ଘଣାଲାଗି ନୀତି ଆରମ୍ଭ ହୋଇଥିଲା। ଦଇତାପତି ସେବକମାନେ ମଙ୍ଗଳବାର ରାତିରୁ ଭୋକ ଉପାସରେ ରହି ମହାପ୍ରଭୁଙ୍କ ସେବାରେ ଲାଗିଛନ୍ତି। ବୁଧବାର ବି ଭୋକରେ ରହିବା ସହ ଘଣାଲାଗି ନୀତି ସମ୍ପନ୍ନ କରିଛନ୍ତି। ସମ୍ପୂର୍ଣ୍ଣ ନିଷ୍ଠାର ସହ ଏହି ନୀତିକାନ୍ତି ସମ୍ପନ୍ନ କରିଛନ୍ତି ଦଇତାପତି ସେବକ। ଏହା ସହ ଦଇତାପତି ସେବକମାନେ ସେମାନଙ୍କ ଅଣସର ନୀତି ସମ୍ପନ୍ନ କରିଛନ୍ତି। ଆଜି ମହାପ୍ରଭୁଙ୍କ ଶ୍ରୀମୁଖ ହୋତା ଲାଗି ହେବ।

ଶ୍ରୀମୁଖ ଶୃଙ୍ଗାର ସେବକ ଦତ୍ତମହାପାତ୍ରଙ୍କ ଘରୁ ଆଜି ଖଡ଼ିପ୍ରସାଦ ବିଜେ ହୋଇଛି। ଅଣସର ଘରେ ପହଞ୍ଚିବା ପରେ ଶ୍ରୀମୁଖ ହୋତା ଉପରେ ଏହି ଖଡ଼ି ପ୍ରସାଦ ଲାଗି ହେବ। ଖଡ଼ିଲାଗି ପରେ ଦତ୍ତମହାପାତ୍ରଙ୍କ ସହ ଦଇତାପତି, ପତିମହାପାତ୍ର ସେବକ ଆଜି ଶ୍ରୀନଅରକୁ ଖଡି ପ୍ରସାଦ ବିଜେ କରିବେ।

ସୁସ୍ଥ ହେଲେ ସାଆନ୍ତେ

ମହାସ୍ନାନ ପରେ ଜ୍ବରରେ ପୀଡ଼ିତ ଶ୍ରୀଜୀଉ ସୁସ୍ଥ ହୋଇଛନ୍ତି। ଫୁଲୁରୀ ତେଲ ଓ ଦଶମୂଳ ମୋଦକ ଲାଗି କରାଯିବା ପରେ ସୁସ୍ଥ ହୋଇଛନ୍ତି ମହାପ୍ରଭୁ। ମହାପ୍ରଭୁ ନବଯୌବନ ପ୍ରାପ୍ତି ହେବା ପୂର୍ବରୁ ଅଣସର ପିଣ୍ଡିରେ ଚାଲିଛି ଗୋପନ ସେବା। ମହାପ୍ରଭୁ ଚକା ବିଜେ କରିବା ପରେ ଗତକାଲି ଖଳିଲାଗି, ରକ୍ତବସ୍ତ୍ର ଲାଗି, ସର୍ବାଙ୍ଗ ଚନ୍ଦନ ଆଦି ଗୋପନ ନୀତି ସମ୍ପନ୍ନ ହୋଇଥିଲା। ଶ୍ରୀମନ୍ଦିରକୁ ବିଜେ ହୋଇଥିବା ମହୌଷଧି ଦଶମୂଳ ବି ମହାପ୍ରଭୁଙ୍କୁ ଲାଗି କରାଯାଇଥିଲା। ଅଣସର ଦିନଠାରୁ ମହାପ୍ରଭୁଙ୍କୁ କେବଳ ଧଳାଫୁଲ ଲାଗି କରାଯାଉଥିବା ବେଳେ ଆଜିଠାରୁ ତୁଳସୀ ଲାଗି ହୋଇଛି। ସୋମବାର ବିଳମ୍ୱିତ ରାତିରେ ଏସବୁ ନୀତି ସମ୍ପନ୍ନ ପରେ ଅସୁସ୍ଥ ମହାପ୍ରଭୁ ସୁସ୍ଥ ହୋଇଛନ୍ତି। ଅଣସର ଉପଚାର ପରେ ଏବେ ସୁସ୍ଥ ହୋଇଛନ୍ତି ଚତୁର୍ଦ୍ଧାମୂର୍ତ୍ତି। ଆଜି ଅଣସର ଦ୍ୱାଦଶୀ ତିଥିରେ ରାଜନଅରକୁ ରାଜପ୍ରସାଦ ବିଜେ ହେବା ସହିତ ମହାପ୍ରଭୁ ସୁସ୍ଥ ହେବାର ଖବର ପାଇଛନ୍ତି ଗଜପତି ମହାରାଜ। ଦଇତାପତି ସେବକମାନେ ମହାରାଜଙ୍କୁ ଏହି ସୁଖଦ ସମ୍ବାଦ ଶୁଣାଇଛନ୍ତି। ମହାପ୍ରଭୁଙ୍କ ଶ୍ରୀଅଙ୍ଗରୁ ବାହାରିଥିବା ପାଟ ଡୋର, ଚନ୍ଦନ, କରାଳ ଚନ୍ଦନ ରୁପାଥାଳିରେ ଧରି ପାଟ ପଟୁଆରରେ ଦଇତାପତିମାନେ ଧରି ଶ୍ରୀନଅରରେ ପହଞ୍ଚି ଗଜପତିଙ୍କୁ ପ୍ରଦାନ କରିଛନ୍ତି।

କେବଳ ପୁରୀରେ ଗଡ଼ିବ ରଥ । ଅନ୍ୟ ସ୍ଥାନରେ ରଥଯାତ୍ରା ନେଇ ସମସ୍ତ ଆବେଦନକୁ ଖାରଜ କଲେ ସୁପ୍ରିମକୋର୍ଟ

ମହାପ୍ରଭୁ ଶ୍ରୀଜଗନ୍ନାଥଙ୍କ ରଥଯାତ୍ରା କେବଳ ପୁରୀରେ ହିଁ କରାଯିବ। ପୁରୀ ବ୍ୟତୀତ ରାଜ୍ୟର ଅନ୍ୟ କୌଣସି ସ୍ଥାନରେ ଏହା ହୋଇପାରିବ ନାହିଁ। ଏଭଳି ଗୁରୁତ୍ବପୂର୍ଣ୍ଣ ରାୟ ଶୁଣାଇଛନ୍ତି ସୁପ୍ରମକୋର୍ଟ। କେନ୍ଦ୍ରାପଡ଼ା, ଭଟଲୀ ଓ ନୀଳଗିରିରେ ରଥଯାତ୍ରା ଆୟୋଜନ ପାଇଁ ହୋଇଥିବା ଏକାଧିକ ଆବେଦନ ଖାରଜ କରିଦେବା ସହ ହାଇକୋର୍ଟଙ୍କ ନିଷ୍ପତ୍ତିକୁ କାଏମ ରଖିଛନ୍ତି ସୁପ୍ରିମକୋର୍ଟ।

ବରଗଡ଼ ଜିଲ୍ଲାର ଭଟଲି, କେନ୍ଦ୍ରାପଡ଼ା ସ୍ଥିତ ବଳଦେବଜୀଉଙ୍କ ରଥଯାତ୍ରା ଓ ନୀଳଗିରି ଆଦି ସ୍ଥାନରେ ବାର୍ଷିକ ରଥଯାତ୍ରା ଅନୁଷ୍ଠିତ ପାଇଁ ହୋଇଥିବା ଆବେଦନକୁ ଓଡ଼ିଶା ହାଇକୋର୍ଟ ଖାରଜ କରିଦେଇଥିଲେ। ଚଳିତବର୍ଷ କେବଳ ପୁରୀରେ ପ୍ରଭୁ ଜଗନ୍ନାଥଙ୍କ ରଥଯାତ୍ରାକୁ ଅନୁମତି ଦେବାକୁ ରାଜ୍ୟ ସରକାରଙ୍କ ନିଷ୍ପତ୍ତିରେ ହାଇକୋର୍ଟ ହସ୍ତକ୍ଷେପ କରିବାକୁ ମନାକରି ଦେଇଥିଲେ। ଓଡିଶା ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ବାରିପଦା, ନିଳଗିରି ଏବଂ ଅନ୍ୟାନ୍ୟ ସ୍ଥାନରେ ରଥଯାତ୍ରା ଆୟୋଜନ କରିବାକୁ ଅନୁମତି ଲୋଡି ଆବେଦନକାରୀମାନେ ସର୍ବୋଚ୍ଚ ନ୍ୟାୟାଳୟଙ୍କ ଦ୍ୱାରସ୍ଥ ହୋଇଥିଲେ।

ସବୁଠି ଶ୍ରୀଜଗନ୍ନାଥ: ପତ୍ର, ଫୁଲ ଓ ଫଳରେ ପ୍ରିୟଙ୍କାଙ୍କ କଳାକୃତି

ଓଡ଼ିଶାର ଆରାଧ୍ୟ ଦେବତା ଶ୍ରୀଜଗନ୍ନାଥ। ଭାବବିନୋଦିଆ ଠାକୁର ଆସନ୍ତା ୧୨ ତାରିଖରେ ଭାଇ ଭଉଣୀଙ୍କୁ ସାଙ୍ଗରେ ନେଇ ବିଶ୍ବ ପ୍ରସିଦ୍ଧ ରଥଯାତ୍ରାରେ ବାହାରିବେ। ଏପରିସ୍ଥଳେ କେନ୍ଦ୍ରାପଡ଼ାର ଚିତ୍ରଶିଳ୍ପୀ ପ୍ରିୟଙ୍କା ସାହାଣୀ ଭିନ୍ନ ଏକ ଢଙ୍ଗରେ ରଥଯାତ୍ରା ପାଳିବାକୁ ମନସ୍ଥ କରିଛନ୍ତି। ପୂର୍ବରୁ ପତ୍ର, ଫୁଲ, ଫଳ, ମଞ୍ଜି, ବିସ୍କୁଟ ଓ ଚୁଇଙ୍ଗମ ଆଦି ପ୍ରାୟ ୩୫ଟି ଭିନ୍ନ ଭିନ୍ନ ଜିନିଷରେ ତିନି ଠାକୁରଙ୍କ ଚିତ୍ର ଆଙ୍କି ସାରିଥିବା ପ୍ରିୟଙ୍କା ରଥଯାତ୍ରା ପୂର୍ବରୁ ମୋଟ ୧୦୮ଟି ଭିନ୍ନ ଭିନ୍ନ ଜିନିଷରେ ଶ୍ରୀଜିଉଙ୍କ ଚିତ୍ର ଆଙ୍କିବାକୁ ପଣ କରିଛନ୍ତି।

କେନ୍ଦ୍ରାପଡ଼ାର ଚିତ୍ରଶିଳ୍ପୀ ପ୍ରିୟଙ୍କା ସାହାଣୀ ଅଧୁନା ବେଙ୍ଗାଳୁରୁରେ ସଫ୍ଟୱେର ଇଞ୍ଜିନିଅର ଭାବେ କାର୍ଯ୍ୟରତ। ପିତା ସ୍ବର୍ଗତ ବିବେକାନନ୍ଦ ସାହାଣୀଙ୍କ ଠାରୁ ଚିତ୍ରକଳା ଶିଖିଥିଲେ ସେ। ଶ୍ରୀଜିଉ ଓ ବିଶେଷକରି କାଳିଆ ଠାକୁରଙ୍କୁ ନିଜ ରଙ୍ଗ ତୂଳୀରେ ନିଖୁଣ ଭାବେ ଆଙ୍କିବାର ସାମର୍ଥ୍ୟ ରଖିଛନ୍ତି ସେ। ତେବେ ଉଲ୍ଲେଖନୀୟ ବିଷୟ ହେଉଛି, ସେ କାଗଜ କିମ୍ବା କାନଭାସ ବଦଳରେ ପତ୍ର, ଫୁଲ, ଫଳ, ମଞ୍ଜି, ବିସ୍କୁଟ ଓ ଚୁଇଙ୍ଗମ ଆଦି ୩୫ଟି ଭିନ୍ନ ଭିନ୍ନ ଜିନିଷରେ ତିନି ଠାକୁରଙ୍କ ଆକର୍ଷଣୀୟ ଚିତ୍ରସବୁ ଆଙ୍କିଛନ୍ତି। ସେସବୁ ମଧ୍ୟରେ ତୁଳସୀ ପତ୍ର, ଅଶ୍ବତ୍ଥ ପତ୍ର, ରଙ୍ଗଣିଫୁଲ, ଚେରି, କଦଳୀ, ଆଳୁ, ତରଭୁଜ, ପଣସମଞ୍ଜି, ରାଜମା, ବିସ୍କୁଟ, ଚୁଇଙ୍ଗମ, କାନଫୁଲ, ମାଳି ଆଦିରେ ତାଙ୍କ କଳାକୃତି।

ଟିକାକରଣ ନେଇ କର୍ପୋରେଟ୍ ଅନୁଷ୍ଠାନ ଓ ଘରୋଇ ହସ୍ପିଟାଲ୍ ପ୍ରତିନିଧିଙ୍କ ସହ ଧର୍ମେନ୍ଦ୍ରଙ୍କ ଆଲୋଚନା

ଚଳିତ ଜୁଲାଇ ମାସରେ ଓଡ଼ିଶାର କେନ୍ଦ୍ରୀୟ ରାଷ୍ଟ୍ରାୟତ ଉଦ୍ୟୋଗ (ପିଏସୟୁ) ଗୁଡ଼ିକ ନିଜ ଖର୍ଚ୍ଚରେ ୧୦ ଲକ୍ଷ ଲୋକଙ୍କୁ ମାଗଣା ଟିକା ଦେବାର ଖସଡ଼ା ପ୍ରସ୍ତୁତ କରନ୍ତୁ ବୋଲି ସୋମବାର କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ, ପେଟ୍ରୋଲିୟମ୍ ଓ ଇସ୍ପାତ୍ ମନ୍ତ୍ରଣାଳୟର ସଚିବ, ଭାରତୀୟ ଶିଳ୍ପ ସଂଘ (ସିଆଇଆଇ), ବେସରକାରୀ ସ୍ୱାସ୍ଥ୍ୟାନୁଷ୍ଠାନ ଏବଂ ଓଡ଼ିଶାର କେନ୍ଦ୍ରୀୟ ରାଷ୍ଟ୍ରାୟତ ଉଦ୍ୟୋଗ (ପିଏସୟୁ)ର ମୁଖ୍ୟଙ୍କ ସହ କୋଭିଡ୍-୧୯ ଟିକାକରଣର ସମୀକ୍ଷା କରିବା ଅବସରରେ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ଭାରତ ସରକାରଙ୍କ ଟିକାକରଣ ବ୍ୟବସ୍ଥା ବ୍ୟତିତ ରାଜ୍ୟରେ କର୍ପୋରେଟ୍ ଅନୁଷ୍ଠାନ ଏବଂ ଘରୋଇ ତଥା କର୍ପୋରେଟ୍ ହସ୍ପିଟାଲ ମିଳିତ ଭାବରେ ଟିକାକରଣକୁ ତ୍ୱରାନ୍ୱିତ କରିବା ପାଇଁ ଆଶାଜନକ ଭାବରେ ବ୍ୟବସ୍ଥିତ ୨୫ ପ୍ରତିଶତ ଟିକାକରଣ କରିବାର ଦାୟିତ୍ୱ ନିଅନ୍ତୁ। ସମୀକ୍ଷା ବୈଠକରେ ଧର୍ମେନ୍ଦ୍ର ପ୍ରଧାନ ଟିକା ସଂଗ୍ରହ, ଟିକା ଯୋଗାଣ ଏବଂ ଟିକାକରଣକୁ ସୁଗମ କରିବା ପାଇଁ କର୍ପୋରେଟ୍ ଭ୍ୟାକସିନ୍ ଟ୍ୟାସ୍କ ଫୋର୍ସ ଗଠନ କରିବା ପାଇଁ ପ୍ରସ୍ତାବ ଦେଇଛନ୍ତି।

ଗତବର୍ଷ ଭଳି ଏଥର ଭି କେବଳ ସେବାୟତ ମାନେ ହିଁ ଟାଣିବେ ରଥ

ଆସନ୍ତା ୧୨ ତାରିଖରେ ବିଶ୍ବନିୟନ୍ତା ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ବପ୍ରସିଦ୍ଧ ରଥଯାତ୍ରା। ଗତବର୍ଷ ଭଳି କେବଳ ସେବାୟତ ମାନେ ହିଁ ରଥ ଟାଣିବେ। କୌଣସି ସୁରକ୍ଷାକର୍ମୀ କିମ୍ବା ମନ୍ଦିର କର୍ମଚାରୀ ରଥ ସ୍ପର୍ଶ କରିପାରିବେ ନାହିଁ। ସେହିପରି ଚଳିତ ବର୍ଷ ରଥଯାତ୍ରା ସମୟରେ ସେବୟତମାନେ ମଧ୍ୟ ଫଟୋ ଉଠାଇ ପାରିବେ ନାହିଁ। ରଥଟଣା ବେଳେ ସେବାୟତମାନଙ୍କୁ ମୋବାଇଲ, କ୍ୟାମେରା ବାରଣ କରାଯାଇଥିବା ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ରଥର ଦକ୍ଷିଣ ମୋଡ଼ ପାଇଁ ନିୟୋଜିତ ହେବେ ପୋଲିସ୍ ବାହିନୀ। ରଥଯାତ୍ରାରେ ଯାହା ହେବ, ସେବାୟତଙ୍କ ଦ୍ୱାରା ହିଁ ହେବ। ରଥଯାତ୍ରାରେ ନିୟୋଜିତ ହେବାକୁ ସମସ୍ତ ଅଧିକାରୀ ଓ ସେବାୟତମାନଙ୍କର କୋଭିଡ୍ ପରୀକ୍ଷା ହେବ। ସେମାନଙ୍କର ଟିକାକରଣ ହୋଇସାରିଛି।

ରଥଯାତ୍ରା ବେଳେ ଶ୍ରୀମନ୍ଦିରର ହେବ ମରାମତି ଓ ଆଲୋକୀକରଣ

ରଥଯାତ୍ରା ସମୟରେ ଶ୍ରୀମନ୍ଦିରର ମରାମତି ଓ ଆଲୋକୀକରଣ ହେବ। ରତ୍ନ ସିଂହାସନର ଡକ୍ୟୁମେଣ୍ଟସନ୍‌ ମଧ୍ୟ ପ୍ରସ୍ତୁତ କରିବାକୁ ଏଏସ୍‌ଆଇ ପକ୍ଷରୁ ନିଷ୍ପତ୍ତି ନିଆଯାଇଛି। ଶ୍ରୀମନ୍ଦିର ମରାମତି କାର୍ଯ୍ୟ ସହ ରତ୍ନସିଂହାସନର ଡକ୍ୟୁମେଣ୍ଟସନ୍‌ ପ୍ରସ୍ତୁତ ହେବ। ଲେଜର ସ୍କାନିଂ ଜରିଆରେ ରତ୍ନ ସିଂହାସନର ଅବସ୍ଥା ଯାଞ୍ଚ ହେବ। ରତ୍ନସିଂହାସନର ଅବସ୍ଥା କିଭଳି ଅଛି ତାହା ଲେଜର ସ୍କାନିଂ ଦ୍ୱାରା ଜଣାପଡ଼ିବ ବୋଲି ଏଏସ୍‌ଆଇ ପକ୍ଷରୁ କୁହାଯାଇଛି। ଗର୍ଭଗୃହ, ଜଗମୋହନର ମରାମତି ସହ ନାଟମଣ୍ଡପ, ଭୋଗମଣ୍ଡପ ମଧ୍ୟ ଏହି ସମୟରେ ଯାଞ୍ଚ ହେବ ବୋଲି ଏଏସ୍‌ଆଇ ସୂଚନା ଦେଇଛି। ସେହିପରି ୩ ମାସ ମଧ୍ୟରେ ଶ୍ରୀମନ୍ଦିର ପରିସରରେ ଆଲୋକୀକରଣ ହେବ। ଶ୍ରୀମନ୍ଦିର ପରିସରକୁ ଉଜ୍ୱଳ ଆଲୋକ ଦ୍ୱାରା ଆଚ୍ଛାଦିତ କରାଯିବ। ଆଲୋକୀକରଣରେ  ଦେଢ଼ କୋଟି ଟଙ୍କା ଖର୍ଚ୍ଚ ହେବ।

ଗର୍ଭଗୃହରେ କେବଳ ୯ ଦିନ କାମ କରିବାର ସୁଯୋଗ ମିଳୁଥିବାରୁ ଏଏସ୍‌ଆଇ ଏହା ମଧ୍ୟରେ କାନ୍ଥ, ରୁପା ଦ୍ବାର, କଳାହାଟ ଦ୍ବାର, ଦ୍ବାର ସ୍ତମ୍ଭଗୁଡ଼ିକୁ ରସାୟନ ସଫେଇ କରିବ।

ଆଜି ମହାପ୍ରଭୁଙ୍କ ଠାରେ ଲାଗିହେବ ଦଶମୂଳ ମହୌଷଧୀ

ଶ୍ରୀଅଙ୍ଗରେ ଫୁଲୁରୀ ତେଲ ଲାଗି ହେବା ପରେ ଧୀରେ ଧୀରେ ସୁସ୍ଥ ହେଉଛନ୍ତି ଶ୍ରୀଜିଉ। ଆଜି ଅନଵସରର ଏକାଦଶୀ ତିଥିରେ ଶ୍ରୀଜୀଉଙ୍କ ଠାରେ ଲାଗି ହେବ ମହୌଷଧୀ ଦଶମୂଳ ମୋଦକ। ବିଭିନ୍ନ ଚେରମୂଳିକୁ ନେଇ ରାଜବୈଦ ଏହି ଆୟୁର୍ବେଦ ଦଶମୂଳ ମୋଦକ ପ୍ରସ୍ତୁତ କରିଛନ୍ତି। ଔଷଧକୁ ଶୁଦ୍ଧପୁତ ଭାବରେ ପ୍ରସ୍ତୁତ କରାଯାଇଛି। ଦଶମୂଳ ଲାଗି ପରେ ଶ୍ରୀଜିଉ ସୁସ୍ଥ ହେବେ। ଏକାଦଶୀ ତିଥିରେ ମହାପ୍ରଭୁଙ୍କ ପାଇଁ ଔଷଧ ବିଜେ କରିବାର ପରମ୍ପରା ରହିଥିବା ବେଳେ ଦଶମୀ ତିଥିରେ ଗତାକାଲି ଚକାବିଜେ କରିଥିଲେ ମହାବାହୁ। ଶୟନରତ ଅବସ୍ଥାରେ ଅଣସର ପିଣ୍ଡିରେ ବିଶ୍ରାମ କରୁଥିବା ମହାପ୍ରଭୁ ରବିବାର ଚକା ଉପରେ ବିଜେ କରି ବସିଛନ୍ତି। ଶ୍ରୀବିଗ୍ରହଙ୍କ ଗୁପ୍ତ ସେବାରେ ଫୁଲୁରି ତେଲ, ଦଶମୂଳ ଔଷଧ ଓ ଅନ୍ୟାନ୍ୟ ଉପଚାର ପରେ ପ୍ରଭୁ ସମ୍ପୂର୍ଣ୍ଣ ସୁସ୍ଥ ହୋଇ ନବଯୌବନ ଦର୍ଶନ ଦିନ ଭକ୍ତଙ୍କୁ ଦର୍ଶନ ଦେବେ। ତେବେ କୋଭିଡ କଟକଣା ଯୋଗୁ ଗତବର୍ଷ ଭଳି ଚଳିତବର୍ଷ ମଧ୍ୟ ମହାପ୍ରଭୁଙ୍କ ନବଯୌବନ ଦର୍ଶନରୁ ବଞ୍ଚିତ ରହିବେ ଭକ୍ତ।

ଚକାବିଜେ ହେବା ପରେ ଶ୍ରୀମନ୍ଦିରକୁ ଦଶମୂଳ(ମୋଦକ) ମହୌଷଧୀ ବିଜେ କରାଯାଇଛି। ମହାପ୍ରଭୁଙ୍କ କବିରାଜମାନେ ଏହି ଔଷଧକୁ ଶୁଦ୍ଧପୁତ ଭାବରେ ପ୍ରସ୍ତୁତ କରିଛନ୍ତି। 

ଓଡ଼ିଶା ଫେରିବ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଡାକୋଟା ବିମାନ

ପୁଣି ଚର୍ଚ୍ଚାରେ ବିଜୁ ବାବୁଙ୍କ ଡାକୋଟା ବିମାନ। କୋଲକାତାର ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନ ବନ୍ଦରରେ ଜରାଜୀର୍ଣ୍ଣ ଅବସ୍ଥାରେ ପଡ଼ିରହିଥିବା ଏହି ଐତିହାସିକ ବିମାନ ଡିସି-୩କୁ ଫେରାଇ ଆଣିବା ନେଇ ଆରମ୍ଭ ହୋଇଛି ପ୍ରସ୍ତୁତି। ତେବେ ଡାକୋଟା ବିମାନ ଆସିଲେ ଏହାକୁ ଭୁବନେଶ୍ବର ବିମାନ ବନ୍ଦର ନିକଟରେ ଥିବା ବିଜୁ ବାବୁଙ୍କ ପ୍ରତିମୂର୍ତ୍ତି ନିକଟରେ ରଖାଯିବା ପାଇଁ ଭାରତ ସରକାରଙ୍କ ଅନୁମତି ମଗାଯାଇଛି। ଏହାକୁ ବିଜୁ ବାବୁଙ୍କ ସ୍ମୃତି ଉଦ୍ଦେଶ୍ୟରେ ରଖାଯିବ।

୬୪ ଫୁଟ୍ ୮ ଇଞ୍ଚ ଲମ୍ବ ଡାକୋଟାର ଉଭୟ ଡେଣାର ଦୈର୍ଘ୍ୟ ୯୫ ଫୁଟ୍ ୨ ଇଞ୍ଚ ଓ ଏହାର ଉଚ୍ଚତା ୧୬ ଫୁଟ୍ ୧୧ ଇଞ୍ଚ। ତେଣୁ ପରିବହନ ପୂର୍ବରୁ ଏହାର କିଛି ଅଂଶକୁ ପୃଥକ୍ କରାଯାଇ ସଡ଼କ ପରିବହନ ଯୋଗ୍ୟ କରାଯିବ। ଭୁବନେଶ୍ୱର ଏୟାରପୋର୍ଟ ଗୋଲେଇ ଛକରେ ବିଜୁବାବୁଙ୍କ ପ୍ରତିମୂର୍ତ୍ତି ନିକଟରେ ଏହାକୁ ରଖାଯିବ। ଦ୍ୱାରା ପ୍ରତିଷ୍ଠା ହୋଇଥିବା କଳିଙ୍ଗ ଏୟାର ଲାଇନ୍ସରେ ୧୪ଟି ବିମାନ ଥିଲା। ସେଥିମଧ୍ୟରୁ ଡାକୋଟା ବିମାନ ବିଜୁବାବୁଙ୍କ ଅଧିକ ପ୍ରିୟ ଥିଲା। ଏହାକୁ ବିଜୁବାବୁ ନିଜେ ଚଲାଉଥିଲେ। ବହୁ ଦୁଃସାହସିକ ଅଭିଯାନରେ ବିଜୁଙ୍କ ସାଥୀ ଥିଲା ଏହି ଡାକୋଟା। ଯାହା ଅନେକ କାହାଣୀର ମୂକସାକ୍ଷୀ ପାଲଟିଛି।

ବଦଳିଲା ନିଷ୍ପତ୍ତି: ପୁରୀ ବଡ଼ଦାଣ୍ଡରେ ନିଜ ଛାତ ଉପରୁ ରଥଯାତ୍ରା ଦେଖିପାରିବେନି ଭକ୍ତ

ପୁରୀ ବଡ଼ଦାଣ୍ଡର ଉଭୟ ପାର୍ଶ୍ବରେ ଥିବା ଘର, ଲଜ୍ ଏବଂ ହୋଟେଲ୍ ଛାତ ଉପରୁ ରଥଯାତ୍ରା ଦେଖିବା ମନା। ଚଳିତବର୍ଷ ବଡ଼ଦାଣ୍ଡରେ ଥିବା ଘରର ଛାତରୁ ରଥଯାତ୍ରା ଦେଖିବା ଉପରେ କଟକଣା ଲଗାଯାଇଥିବା ସୂଚନା ଦେଇଛନ୍ତି ଜିଲ୍ଲାପାଳ ସମର୍ଥ ବର୍ମା। ଯେହେତୁ ରଥଯାତ୍ରା ବେଳେ ୧୪୪ ଧାରା ଲାଗିବ, ତେଣୁ ଛାତ ଉପରୁ ବି ରଥଯାତ୍ରା ଦେଖିବା ଉପରେ କଟକଣା ଲଗାଯିବ ବୋଲି ପୁରୀ ଜିଲ୍ଲାପାଳ ସମର୍ଥ ବର୍ମା ସୂଚନା ଦେଇଛନ୍ତି। ପୂର୍ବରୁ ନିଜ ଛାତ ଉପରୁ ରଥଯାତ୍ରା ଦେଖିପାରିବେ ଲୋକେ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଥିଲା।

ବଡ଼ଦାଣ୍ଡରେ ୨୦୦ରୁ ଅଧିକ ଘର ରହିଛି। ଘରଗୁଡ଼ିକର ଛାତ ଉପରୁ ରଥଯାତ୍ରା ଦେଖିବାକୁ ଲୋକଙ୍କୁ ଆଦୌ ଅନୁମତି ଦିଆଯିବ ନାହିଁ। ଏଥିପାଇଁ ପୋଲିସ୍ ମୁତୟନ ହେବେ। ଲୋକମାନଙ୍କୁ ଏନେଇ ସଚେତନ ମଧ୍ୟ କରାଯିବ। ସେହିପରି ବଡ଼ଦାଣ୍ଡରେ ପ୍ରାୟ ୪୧ଟି ହୋଟେଲ୍ ଓ ଲଜ୍ ରହିଛି। ନିଷ୍ପତ୍ତି ପ୍ରକାରେ ରଥଯାତ୍ରାର ଦୁଇ ଦିନ ପୂର୍ବରୁ ପର୍ଯ୍ୟଟକଙ୍କୁ ରଖିବାକୁ ବୁକିଂ ନ କରିବାକୁ ସେମାନଙ୍କୁ କୁହାଯିବ। ଏହି ହୋଟେଲ୍ ଓ ଲଜ୍ ଗୁଡ଼ିକୁ ଖାଲି କରାଯିବ।

ବଡ଼ଦାଣ୍ଡ ଲୋକଙ୍କ ପାଇଁ ରଥଯାତ୍ରା କଟକଣା କୋହଳ, ଛାତ ଉପରୁ ଦେଖିପାରିବେ

ଚଳିତ ବର୍ଷ ରଥଯାତ୍ରାରେ ବଡ଼ଦାଣ୍ଡ ଲୋକଙ୍କ ପାଇଁ ରଥଯାତ୍ରା କଟକଣାରେ କିଛିଟା କୋହଳ କରାଯାଇଛି। ଗତ ବର୍ଷ ରଥଯାତ୍ରା ସମୟରେ ପୁଲିସ ପ୍ରଶାସନ କାହାରିକୁ ଘରୁ ବାହାରିବାକୁ ଦେଇ ନ ଥିଲା। ଛାତ ଉପରେ ଛିଡ଼ା ହୋଇ କେହି ବି ରଥଯାତ୍ରା ଦେଖି ପାରି ନ ଥିଲେ। ଯେଉଁମାନେ ଦେଖିବାକୁ ଚେଷ୍ଟା କରିଥିଲେ, ସେମାନଙ୍କୁ ପୁଲିସ ଗୋଡ଼ାଇ ଗୋଡ଼ାଇ ପିଟିଥିଲା। ଚଳିତ ବର୍ଷ କିନ୍ତୁ ଏହି କଟକଣାରେ କୋହଳ କରାଯାଇଛି। ବଡ଼ଦାଣ୍ଡରେ ଯେଉଁମାନଙ୍କ ଘର ରହିଛି, ସେମାନେ ନିଜ ଛାତ ଉପରୁ ଶୃଙ୍ଖଳାର ସହ ରଥଯାତ୍ରା ଦେଖିପାରିବେ। ବିଶୃଙ୍ଖଳିତ ହେଲେ ବିହିତ କାର୍ଯ୍ୟାନୁଷ୍ଠାନ ହେବ ବୋଲି ଜିଲ୍ଳାପାଳ ସମର୍ଥ ବର୍ମା କହିଛନ୍ତି।

ବିଶ୍ୱପ୍ରସିଦ୍ଧ ରଥଯାତ୍ରା ପାଇଁ ଚଳଚଞ୍ଚଳ ରଥଖଳା

ରଥ ନିର୍ମାଣକୁ ନେଇ ରଥଖଳା ଚଳଚଞ୍ଚଳ। ରଥ ନିର୍ମାଣ କାର୍ଯ୍ୟକୁ ଶେଷ ସ୍ପର୍ଶ ଦେଉଛନ୍ତି ରଥ ନିର୍ମାଣ ସେବକ। ଗୁରୁବାର ତିନି ରଥର ପ୍ରଭା ନିର୍ମାଣ କାର୍ଯ୍ୟ ଶେଷ ହୋଇଛି। ପୋଟଳ, ପ୍ରଭା କାମ ଶେଷ ପରେ ଗୁରୁବାର ସନ୍ଧ୍ୟାରେ ତିନି ରଥର ଦୁଆରବେଢ଼ା ଉଠିଛି। ତିନି ରଥର ୪ଟି ଲେଖାଏଁ ୧୨ଟି ଦୁଆରବେଢ଼ା ସଂଯୋଗ ହୋଇଛି। ୨୪ଟି ନାଟଗୋଡ଼ ଦୁଆରବେଢ଼ାରେ ସଂଯୋଗ ହୋଇଛି। ରଥରେ ସଂଯୋଗ ପାଇଁ ପ୍ରସ୍ତୁତ ହୋଇଛି କଳସ ଓ କନକମୁଣ୍ଡି। ସେପଟେ ତିନି ରଥର ସାରଥୀ ଓ ପାର୍ଶ୍ବ ଦେବାଦେବୀ ରଙ୍ଗ କାର୍ଯ୍ୟ ବି ଜୋରସୋରରେ ଆଗେଇ ଚାଲିଛି। ସାରଥି ଏବଂ ଘୋଡାଙ୍କୁ ଶ୍ରୀଗୁଣ୍ଡିଚା ମନ୍ଦିରରୁ ଅଣାଯାଇ ରଙ୍ଗ କରାଯାଉଛି। ରଥ ଚତୁଃପାର୍ଶ୍ବରେ ହଂସପଟା ସଂଯୋଗ ପାଇଁ ମହାରଣା ସେବକ କାର୍ଯ୍ୟ ଆରମ୍ଭ କରିଛନ୍ତି। ଚିତ୍ରକାରଙ୍କ ଦ୍ବାରା ସେଥିରେ ହଂସ ଓ କନ୍ୟା ଚିତ୍ର କରାଯିବ। ଚିତ୍ରକାର ସେବକ ପାର୍ଶ୍ବ ଦେବଦେବୀ, ଓଲଟ ଶୁଆ, କଳସ, ଋଷିପଟା, ସଖୀ ଏବଂ ଅଁଳାରେ ରଙ୍ଗ କରୁଛନ୍ତି। ରୂପକାରଙ୍କ ଦ୍ବାରା ପଟାଗୁଜ ଓ କୋଣଗୁଜରେ ଖୋଦେଇ କରାଯାଉଛି। ଦରଜି ସେବକ ରଥକନା ସିଲାଇ କରୁଥିବା ବେଳେ ଅସ୍ଥାୟୀ କମାରଶାଳରେ ଓଝା ସେବକମାନେ କଣ୍ଟା କବଜା ପ୍ରସ୍ତୁତ କରୁଛନ୍ତି।

ପଲ୍ଲୀକବି ନନ୍ଦକିଶୋର ବଳଙ୍କ ପୁଣ୍ୟତିଥିରେ ହାର୍ଦିକ ଶ୍ରଦ୍ଧାଞ୍ଜଳି

ନନ୍ଦକିଶୋର ବଳ ଓଡ଼ିଆ ସାରସ୍ବତ ଜଗତରେ ପଲ୍ଲୀକବି ଭାବରେ ସୁଖ୍ୟାତ। ଆଧୁନିକ କାବ୍ୟଧାରାରେ ପଲ୍ଲୀଜୀବନର ନୈସର୍ଗିକ ପଲ୍ଲୀପ୍ରାଣର ଚିତ୍ର ସେ ଆଙ୍କି ପାରିଛନ୍ତି। ପଲ୍ଲୀଚିତ୍ର, ନିର୍ଝରିଣୀ, ନାନାବାୟା ଗୀତ, ବସନ୍ତ କୋକିଳ, ତରଙ୍ଗିଣୀ, ଚାରୁଚିତ୍ର, ଜନ୍ମଭୂମି, ନିର୍ମାଲ୍ୟ, ରଭାତ ସଙ୍ଗୀତ, କୃଷ୍ଣାକୁମାରୀ, ଶର୍ମିଷ୍ଠା ପ୍ରଭୃତି କାବ୍ୟକବିତା ରଚନା କରିଅଛନ୍ତି। ଏକମାତ୍ର କନକଲତା ଉପନ୍ୟାସ ତାଙ୍କ ସାରସ୍ବତ ପ୍ରାଣର ଅପୂର୍ବ ଦ୍ୟୋତନା। ଏକାଧାରରେ କବି, ଶିଶୁସାହିତ୍ୟିକ, ଔପନ୍ୟାସିକ, ପ୍ରାବନ୍ଧିକ ଭାବରେ ସେ ଯେପରି ଅପୂର୍ବ ସିଦ୍ଧିର ଅଧିକାରୀ; ସେହିପରି ଜଣେ ଆଦର୍ଶ ଶିକ୍ଷକ ଓ ସମାଜ ସଂସ୍କାରକ ଭାବରେ ନନ୍ଦକିଶୋରଙ୍କ ଖ୍ୟାତି ସୁବିଦିତ। ଓଡ଼ିଶାର ପୁରପଲ୍ଲୀରେ ପଲ୍ଲୀକବି ରୂପେ ସୁପରିଚିତ ନନ୍ଦକିଶୋର ଆପଣାର ରଚନାରେ ପଲ୍ଲୀଜୀବନର ନିଖୁଣ ଚିତ୍ରକୁ ଅଙ୍କନ କରିବା ସହ ସମାଜ ଜୀବନରେ ସଂସ୍କାର ପାଇଁ ଉଦ୍ୟମ କରିଥିଲେ।

ଆଜି ଜାତୀୟ ଚିକିତ୍ସକ ଦିବସ

କଥାରେ ଅଛି ଡାକ୍ତର ଭଗବାନଙ୍କର ଦ୍ୱିତୀୟ ଅବତାର। ଭଗବାନଙ୍କର ଏହି ଅବତାର ପ୍ରତି ସମ୍ମାନ ପ୍ରକଟ କରିବା ପାଇଁ ଲୋକମାନେ ଚିକିତ୍ସକ ଦିବସ ପାଳନ କରିଥାନ୍ତି। ଭାରତରେ ପ୍ରତିବର୍ଷ ଜୁଲାଇ ମାସ ୧ତାରିଖରେ ଜାତୀୟ ଚିକିତ୍ସକ ଦିବସ ପାଳନ କରାଯାଏ।

ଭାରତର ପ୍ରସିଦ୍ଧ ଚିକିତ୍ସକ ଡାକ୍ତର ବିଧାନ ଚନ୍ଦ୍ର ରାୟଙ୍କୁ ଶ୍ରଦ୍ଧାଞ୍ଜଳି ଏବଂ ସମ୍ମାନ ଦେବାପାଇଁ ପ୍ରତି ବର୍ଷ ଜୁଲାଇ ମାସ ୧ତାରିଖରେ ଚିକିତ୍ସକ ଦିବସ ପାଳନ କରାଯାଇଥାଏ। ୧୯୯୧ମସିହାରେ ଭାରତ ସରକାରଙ୍କ ଦ୍ୱାରା ଚିକିତ୍ସକ ଦିବସର ପାଳନ କରିବା ପାଇଁ ନିଷ୍ପତି ନିଆଯାଇଥିଲା। ୧୯୬୧ ମସିହା ଫେବୃୟାରୀ ମାସ ୪ତାରିଖରେ ଡାକ୍ତର ବିଧାନ ଚନ୍ଦ୍ର ରାୟ ଭାରତର ସର୍ବୋଚ୍ଚ ନାଗରିକ ସମ୍ମାନ ଭାରତ ରତ୍ନ ପାଇଁ ମନୋନିତ ହୋଇଥିଲେ। ସେ ୧୮୮୨ମସିହା ଜୁଲାଇ ମାସ ୧ତାରିଖରେ ବିହାରର ପାଟନା ଠାରେ ଜନ୍ମ ଗ୍ରହଣ କରିଥିଲେ। ତେଣୁ ଦେଶର ଏହି ମହାନ ଚିକିତ୍ସକଙ୍କ ଜନ୍ମ ଦିବସକୁ ଭାରତରେ ଚିକିତ୍ସକ ଦିବସ ଭାବେ ପାଳନ କରାଯାଏ।

ଚିର ନିରବ ହେଲେ ଆକାଶବାଣୀର ସର୍ବାଧିକ ଲୋକପ୍ରିୟ ସମ୍ବାଦ ପାଠକ ଉପେନ୍ଦ୍ର କୁମାର ପାହାଡ଼ସିଂହ

ଆଉ ନାହାଁନ୍ତି ପ୍ରସିଦ୍ଧ ରେଡିଓ ଖବର ପାଠକ ଉପେନ୍ଦ୍ର କୁମାର ପାହାଡ଼ସିଂହ। ଦୀର୍ଘ ଦିନ ଧରି ଦିଲ୍ଲୀ ଆକାଶବାଣୀରେ ସମ୍ବାଦ ଉପସ୍ଥାପକ ଭାବେ କାର୍ଯ୍ୟକରିଥିବା ଉପେନ୍ଦ୍ରଙ୍କର ୮୪ ବର୍ଷ ବୟସରେ ଦେହାନ୍ତ ଘଟିଛି। ଦିଲ୍ଲୀର ଏକ ଘରୋଇ ହସପିଟାଲରେ ପରଲୋକ ଘଟିଛି। ନିଜର ଗୁରଗମ୍ଭୀର ସ୍ୱର ପାଇଁ ସେ ଓଡ଼ିଶାର ଘରେ ଘରେ ବେଶ ପରିଚିତ ଥିଲେ।

ଜଣେ ଲିଜେଣ୍ଡଙ୍କ ବିୟୋଗରେ ସବୁ ମହଲରେ ଶୋକର ଛାୟା ଖେଳିଯାଇଛି। ନବେ ଦଶକରେ ଆକାଶବାଣୀର ସବୁଠୁ ଲୋକପ୍ରିୟ ସମ୍ବାଦ ପାଠକ ଥିଲେ ଉପେନ୍ଦ୍ର କୁମାର ପାହାଡ଼ସିଂହ। ତାଙ୍କ ନିଆରା ସମ୍ବାଦ ପଠନ ଶୈଳୀ ଆଜିବି ରେଡିଓ ଶ୍ରୋତାଙ୍କ ମନ ଭିତରେ ଛାପ ହୋଇ ରହିଛି। ଦିଲ୍ଲୀରୁ ପ୍ରସାରିତ ଓଡ଼ିଆ ସମ୍ବାଦ ପାଠକ ଭାବେ ଲୋକେ ତାଙ୍କୁ ଆଜି ବି ମନେ ରଖିଛନ୍ତି। ଚାକିରିରୁ ଅବସର ପରେ ସେ ଆକାଶବାଣୀ କଲୋନୀରେ ରହୁଥିଲେ।

ଦୌଡ଼ରାଣୀ ଦୂତୀଙ୍କୁ ଟୋକିଓ ଟିକେଟ୍

ଓଡ଼ିଶା କ୍ରୀଡ଼ା ଜଗତ ପାଇଁ ଆଉ ଏକ ଖୁସି ଖବର। ୩ ଜଣ ଓଡ଼ିଆଙ୍କ ପରେ ଆଉ ଜଣେ ଓଡ଼ିଆ ତାରକାଙ୍କୁ ମିଳିଛି ଟୋକିଓ ଟିକେଟ। ଟୋକିଓ ଅଲିମ୍ପିକ୍ସରେ ଜଲୱା ଦେଖାଇବାକୁ ଯାଉଛନ୍ତି ସ୍ପ୍ରିଣ୍ଟର ଦୂତୀ ଚାନ୍ଦ। ଦୌଡ଼ରାଣୀ ଦୂତୀ ଚାନ୍ଦଙ୍କୁ ମିଳିଛି ଅଲିମ୍ପିକ ଟିକେଟ୍। ୱାର୍ଲଡ ରାଙ୍କିଙ୍ଗ ଆଧାରରେ ଉଭୟ ୧୦୦ ଓ ୨୦୦ ମିଟର ଦୌଡ଼ରେ ଦୂତୀଙ୍କୁ ଚୟନ କରାଯାଇଥିବା ସୂଚନା ମିଳିଛି। ନିକଟରେ ଦୂତୀ ୧୦୦ ମିଟର ଦୌଡ଼ରେ ନୂଆ ଜାତୀୟ ରେକର୍ଡ କରିଛନ୍ତି। ପଟିଆଲାରେ ଅନୁଷ୍ଠିତ ଇଣ୍ଡିଆନ୍ ଗ୍ରାଁ ପ୍ରିରେ ନିଜ ରେକର୍ଡ ନିଜେ ଭାଙ୍ଗିଛନ୍ତି ଦୂତୀ। ୧୦୦ ମିଟର ଦୌଡ଼କୁ ୧୧.୧୭ ସେକେଣ୍ଡରେ ଅତିକ୍ରମ କରି ସେ ପୁଣି ଏକ ନୂଆ ରେକର୍ଡ କରିଛନ୍ତି। ପୂର୍ବରୁ ଦୂତୀଙ୍କ ନାଁରେ ୧୧.୨୨ ସେକେଣ୍ଡର ରେକର୍ଡ ଥିଲା। ଅଲମ୍ପିକ୍ ପାଇଁ କ୍ୱାଲିଫାଏ ଟାଇମିଂ ୧୧.୧୫ ସେକେଣ୍ଡ୍ ଧାର୍ଯ୍ୟ ହୋଇଥିବା ବେଳେ ମାତ୍ର ୦.୦୨ ସେକେଣ୍ଡ୍ ପାଇଁ ସେ ଅଳ୍ପକେ ସିଧାସଳଖ ଅଲିମ୍ପିକ ଯୋଗ୍ୟତା ଅର୍ଜନ କରିପାରି ନ ଥିଲେ। ତେବେ ନିଜର ବିଶ୍ବ ମାନ୍ୟତା ଅନୁସାରେ ସେ ଅଲିମ୍ପିକ ଯୋଗ୍ୟତା ଅର୍ଜନ କରିଛନ୍ତି।

ଟିକାକରଣର ଏକ ଜନଜାଗରଣ ତିଆରି କରାଯାଉ: ଧର୍ମେନ୍ଦ୍ର ପ୍ରଧାନ

ଦେବଗଡ଼ ଜିଲ୍ଲା ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଛାତ୍ରାବାସ ଠାରେ ୧୦୦ ବେଡ୍ ବିଶିଷ୍ଟ କୋଭିଡ୍ ହସ୍ପିଟାଲର ଲୋକାର୍ପଣ ସମାରୋହ କାର୍ଯ୍ୟକ୍ରମରେ ଯୋଗଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହି କୋଭିଡ୍ ହସ୍ପିଟାଲରେ ୯ଟି ଭେଣ୍ଟିଲଟର ସହ ଆଇସିୟୁ ବେଡ୍, ଭେଣ୍ଟିଲେଟର ସୁବିଧା ସହ ୩ଟି ଶିଶୁ ବେଡ୍, ୩୨ ଏନଆଇଭି ଭେଣ୍ଟିଲେଟର ସହ ଏଚଡ଼ିୟୁ ବେଡ୍, ସ୍ୱତନ୍ତ୍ର ଶିଶୁ ବିଭାଗ ଏବଂ ଅକ୍ସିଜେନ୍ ସୁବିଧା ସହ ସାଧାରଣ ବେଡ୍ ସୁବିଧା ରହିଛି। ଏହି ସମସ୍ତ ସୁବିଧା ଦେବଗଡ଼ବାସୀଙ୍କୁ ସ୍ୱାସ୍ଥ୍ୟସେବା ଯୋଗାଇବାରେ ସହାୟକ ହେବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହି କୋଭିଡ୍ ହସ୍ପିଟାଲ୍ ପାଇଁ ବେଦାନ୍ତ ସମସ୍ତ ପ୍ରକାର ସହଯୋଗ କରିଥିବା ବେଳେ ଏହାର ପରିଚାଳନା ଦାୟିତ୍ୱ ବରଗଡ଼ ବିକାଶ ହସ୍ପିଟାଲ ନେଇଛି। ଏଥିପାଇଁ ବେଦାନ୍ତର ଅଧ୍ୟକ୍ଷ ଅନୀଲ ଅଗ୍ରୱାଲ୍ ଏବଂ ବିକାଶ ହସ୍ପିଟାଲକୁ ତ୍ୱରିତ ସହଯୋଗ ପାଇଁ ଧନ୍ୟବାଦ ଜଣାଇଛନ୍ତି ଧର୍ମେନ୍ଦ୍ର।

ଖେଳରତ୍ନ ପାଇଁ ଦୂତୀ ଓ ଅର୍ଜୁନ ପୁରସ୍କାର ପାଇଁ ବୀରେନ୍ଦ୍ରଙ୍କ ନାଁ ସୁପାରିସ୍

ବର୍ଷ ୨୦୨୧ ପାଇଁ ଦିଆଯିବାକୁ ଥିବା ଦେଶର ସର୍ବୋଚ୍ଚ କ୍ରୀଡ଼ା ପୁରସ୍କାର ରାଜୀବ ଗାନ୍ଧି ଖେଳ ରତ୍ନ ପାଇଁ ଚଳିତ ବର୍ଷ ଭାରତର ଅଗ୍ରଣୀ ମହିଳା ସ୍ପ୍ରିଣ୍ଟର ଦୂତୀ ଚାନ୍ଦଙ୍କ ନାଁ ସୁପାରିସ୍ କରାଯାଇଛି। ଏଥିସହ ପୁରୁଷ ହକି ଦଳର ଷ୍ଟାର୍ ଡିଫେଣ୍ଡର୍ ବୀରେନ୍ଦ୍ର ଲାକ୍ରାଙ୍କ ନାଁ ଅର୍ଜୁନ ପୁରସ୍କାର ପାଇଁ ସୁପାରିସ୍ କରିଛି ରାଜ୍ୟ ସରକାରଙ୍କ କ୍ରୀଡ଼ା ଓ ଯୁବସେବା ବ୍ୟାପର ବିଭାଗ। ସେହିପରି ହକି କୋଚ୍ କାଳୁ ଚୌଧୁରୀଙ୍କୁ ଦ୍ରୋଣାଚାର୍ଯ୍ୟ ପୁରସ୍କାର ଓ ପୂର୍ବତନ ଆଥଲେଟ୍ ଅନୁରାଧା ବିଶ୍ୱାଳଙ୍କ ନାମ ଧ୍ୟାନଚାନ୍ଦ ପୁରସ୍କାର ପାଇଁ ସୁପାରିସ୍ କରାଯାଇଛି।

ନିକଟ ଅତୀତରେ ୧୦୦ ମିଟର ଦୌଡ଼ରେ ନୂଆ ଜାତୀୟ ରେକର୍ଡ କରିଛନ୍ତି ଦୂତୀ ଚାନ୍ଦ। ପଟିଆଲାରେ ଇଣ୍ଡିଆନ୍ ଗ୍ରାଁ ପ୍ରିରେ ନିଜ ରେକର୍ଡ ନିଜେ ଭାଙ୍ଗିଛନ୍ତି ଦୂତୀ। ସେହିପରି ଅର୍ଜୁନ ପୁରସ୍କାର ପାଇଁ ସୁପାରିସ୍ ହୋଇଥିବା ବୀରେନ୍ଦ୍ର ଲାକ୍ରାଙ୍କ ଯୋଗଦାନ ଭାରତୀୟ ହକି ପାଇଁ ଉଲ୍ଲେଖନୀୟ ରହି ଆସିଛି। ଭାରତୀୟ ପୁରୁଷ ହକି ଦଳର ଷ୍ଟାର୍ ଡିଫେଣ୍ଡର୍ ବୀରେନ୍ଦ୍ର ଲାକ୍ରା ଏପର୍ଯ୍ୟନ୍ତ ୧୫୦ରୁ ଅଧିକ ମ୍ୟାଚ୍ ଭାରତ ପକ୍ଷରୁ ଖେଳି ସାରିଛନ୍ତି।

ଆଜି ଶ୍ରୀଅଙ୍ଗରେ ଲାଗି ହେବ ଫୁଲୁରୀ ତେଲ: ସୁସ୍ଥ ହେବେ ମହାବାହୁ

ଦେବସ୍ନାନ ପୂର୍ଣ୍ଣିମାରେ ୧୦୮ ଗଡ଼ୁ ଜଳରେ ସ୍ନାନ ପରେ ଜ୍ୱରରେ ପଡ଼ିଛନ୍ତି ମହାପ୍ରଭୁ। ଅଣସର ଘରେ ଥିବା ଚତୁର୍ଦ୍ଧାବିଗ୍ରହଙ୍କ ଚାଲିଛି ଉପଚାର। ଶ୍ରୀଅଙ୍ଗ ଲାଗି ସେବକ ଦଇତାପତିମାନେ ଶ୍ରୀବିଗ୍ରହଙ୍କ ସେବାରେ ଲାଗିପଡ଼ିଛନ୍ତି। ଆଜି ଅଣସରର ପଞ୍ଚମୀ ତିଥିରେ ମହାପ୍ରଭୁଙ୍କ ଶ୍ରୀଅଙ୍ଗରେ ଲାଗି ହେବ ଫୁଲୁରୀ ତେଲ। ମହାପ୍ରଭୁଙ୍କ ଗୁପ୍ତ ନୀତିରେ ନିୟୋଜିତ ଦଇତାପତି ସେବାୟତ ଏହି ସ୍ୱତନ୍ତ୍ର ତେଲକୁ ଶ୍ରୀଅଙ୍ଗରେ ଲାଗି କରିବେ। ଏବେ ମହାପ୍ରଭୁଙ୍କ ତାଟି ଘରେ ଧଳା ଫୁଲ ଓ ଏକବସ୍ତ୍ର ପରିଧାନ ସହ ଫଳମୂଳ ଭୋଗ ଲାଗି କରାଯାଉଛି। ଗତକାଲି ଶ୍ରୀଅଙ୍ଗ ଫିଟା ନୀତି କରାଯାଇଥିଲା।

ମହାପ୍ରଭୁଙ୍କ ଗୁପ୍ତନୀତି ମଧ୍ୟରେ ଫୁଲୁରୀ ତେଲ ଲାଗି ଏକ ଗୁରୁତ୍ୱପୂର୍ଣ୍ଣ ଅଂଶ। ବଡ଼ ଓଡ଼ିଆ ମଠ ପକ୍ଷରୁ ମହାପ୍ରଭୁଙ୍କ ଲାଗି ଫୁଲୁରୀ ତେଲ ଯୋଗାଇ ଦିଆଯାଇଛି। ପ୍ରତିବର୍ଷ ଅଣସରରେ ୬ ସେର ଫୁଲୁରୀ ତେଲ ଯୋଗାଯାଇଥାଏ। କେବଳ ନବକଳେବର ବର୍ଷରେ ୯ ସେର ଫୁଲୁରୀ ତେଲ ଦିଆଯାଇଥାଏ।

ଆମର ମହାପ୍ରଭୁ ବଡ଼, ଆମର ବିଚାର ବି ବଡ଼ ହେବା ଦରକାର

କେବଳ ରାଜନୀତି କରିବା ନୁହେଁ ବରଂ ରାଜନୈତିକ ଓ ସାମାଜିକ କାର୍ଯ୍ୟକର୍ତ୍ତା ଭାବେ ସାଢ଼େ ଚାରି କୋଟି ଓଡ଼ିଆଙ୍କ ବିକାଶ କରିବା ଆମର ଦାୟିତ୍ୱ। ଆମର ମହାପ୍ରଭୁ ବଡ଼, ଆମର ବିଚାର ବି ବଡ଼ ହେବା ଦରକାର। ଏଭଳି କଳ୍ପନା କରି ଆମକୁ ଆଗକୁ ବଢ଼ିବାକୁ ପଡ଼ିବ ବୋଲି ସୋମବାର ରାଜ୍ୟ ବିଜେପି କାର୍ଯ୍ୟକାରିଣୀ ବୈଠକରେ ଦଳୀୟ କାର୍ଯ୍ୟକର୍ତ୍ତାଙ୍କୁ ପରାମର୍ଶ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର କହିଛନ୍ତି ଯେ ବିଜେପିର କାର୍ଯ୍ୟକର୍ତ୍ତାମାନେ ଜଣେ ରାଜନୈତିକ ଓ ସାମାଜିକ କର୍ମୀ ଭାବରେ କେବଳ ରାଜ୍ୟରେ ରାଜନୈତିକ ପରିବର୍ତ୍ତନ ନୁହେଁ ବରଂ ଓଡ଼ିଶାକୁ ଏକବିଂଶ ଶତାବ୍ଦୀରେ ଆଗକୁ ନେବା ପାଇଁ, ରାଜ୍ୟକୁ ଦାରିଦ୍ର୍ୟରୁ ମୁକ୍ତି ଦେବା ପାଇଁ ଏବଂ ରୋଜଗାର ବଢ଼ାଇବା ପାଇଁ ତଥା ସାମାଜିକ ଗଣମାଧ୍ୟମରେ ଯୋଡ଼ିହୋଇ ଲୋକଙ୍କ ସମସ୍ୟାକୁ ସରକାରଙ୍କ ନିକଟରେ ପହଞ୍ଚାଇବା ପାଇଁ କାମ କରିବା ଦରକାର। ଏଥିପାଇଁ କାର୍ଯ୍ୟକର୍ତ୍ତାମାନେ ଆଞ୍ଚଳିକ ସ୍ତରରେ ଲକ୍ଷାଧିକ ଲୋକଙ୍କୁ ଯୋଡ଼ି ଦଳୀୟ ସଂଗଠନକୁ ମଜବୁତ୍ କରିବାର ଆବଶ୍ୟକତା ରହିଛି ବୋଲି ସେ କହିଛନ୍ତି।

କୋରୋନା ଦ୍ୱାରା ପ୍ରଭାବିତ ହୋଇଥିବା କ୍ଷେତ୍ରର ପୁନରୁଦ୍ଧାରରେ ସହାୟକ ହେବ ଆର୍ଥିକ ପ୍ୟାକେଜ୍

ଦେଶରେ ସ୍ୱାସ୍ଥ୍ୟ ଭିତ୍ତିଭୂମିକୁ ସୁଦୃଢ଼ କରିବା, ରପ୍ତାନୀକୁ ଗତି ଦେବା ସହ ରୋଜଗାର ପ୍ରଦାନ କରିବା ଏବଂ କୋଭିଡ ମହାମାରୀର ଦ୍ୱିତୀୟ ଲହର ଯୋଗୁ ଆର୍ଥିକ ସଙ୍କଟକୁ ମୁକାବିଲା କରିବା ପାଇଁ ପଦକ୍ଷେପ ସ୍ୱରୂପ ୬.୨୮ ଲକ୍ଷ କୋଟି ମୂଲ୍ୟର ଆର୍ଥିକ ପ୍ୟାକେଜ ଘୋଷଣା କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣଙ୍କୁ ଧନ୍ୟବାଦ ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମୋଟ ୮ଟି କ୍ଷେତ୍ର ପାଇଁ ୬ ଲକ୍ଷ ୨୮ ହଜାର ୯୯୩ କୋଟି ଟଙ୍କାର ସ୍ବତନ୍ତ୍ର ପ୍ୟାକେଜ ଘୋଷଣା କରିଛନ୍ତି ସୀତାରମଣ। ଶିଳ୍ପ, ସ୍ବାସ୍ଥ୍ୟ, ପର୍ଯ୍ୟଟନ, କୃଷି କ୍ଷେତ୍ରକୁ ଏହି ପ୍ୟାକେଜରେ ସବୁଠାରୁ ବେଶି ଗୁରୁତ୍ବ ଦିଆଯାଇଛି। ଏହବାଦ ରାଜ୍ୟ ସରକାର ଓ ମାଇକ୍ରୋ ଫାଇନାନ୍ସ କ୍ଷେତ୍ର ପାଇଁ ବି ସେ ସ୍ବତନ୍ତ୍ର ସ୍କିମ ଜରିଆରେ ଅର୍ଥ ବରାଦ କରିଛନ୍ତି ସୀତରମଣ। ଅର୍ଥମନ୍ତ୍ରୀଙ୍କ ଦ୍ବାରା ଘୋଷଣା ହୋଇଥିବା ପ୍ୟାକେଜକୁ ସ୍ବାଗତ କରି ଏହି ଆର୍ଥିକ ସହାୟତା କୋଭିଡ୍&Zwnj; ମହାମାରୀ ଦ୍ୱାରା ପ୍ରଭାବିତ ହୋଇଥିବା କ୍ଷେତ୍ରର ପୁନରୁଦ୍ଧାରରେ ସହାୟକ ହେବ ବୋଲି ଧର୍ମେନ୍ଦ୍ର କହିଛନ୍ତି।

ଦକ୍ଷ ପ୍ରଶାସକ ଗୁରୁପ୍ରସାଦଙ୍କୁ ଉଚିତ୍ ଶ୍ରଦ୍ଧାଞ୍ଜଳି ଦେଇଛନ୍ତି ପ୍ରଧାନମନ୍ତ୍ରୀ: ଧର୍ମେନ୍ଦ୍ର ପ୍ରଧାନ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ମନ୍ କୀ ବାତ କାର୍ଯ୍ୟକ୍ରମରେ ଓଡ଼ିଶା ମାଟିର ଦକ୍ଷ ପ୍ରଶାସକ ସ୍ୱର୍ଗତ ଗୁରୁପ୍ରସାଦ ମହାପାତ୍ରଙ୍କୁ କୋଭିଡ୍ ମୁକାବିଲାରେ ତାଙ୍କର କାମ ପ୍ରତି ଥିବା ନିଷ୍ଠା, କର୍ତ୍ତବ୍ୟ ଓ ପ୍ରତିବଦ୍ଧତାର ସ୍ମୃତିଚାରଣ କରି ତାଙ୍କୁ ଉଚିତ୍ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ବୋଲି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି।

ଧର୍ମେନ୍ଦ୍ର କହିଛନ୍ତି, ହସ୍ପିଟାଲରେ ଚିକିତ୍ସାଧୀନ ଥିବା ସମୟରେ ମଧ୍ୟ ନିଷ୍ଠାର ସହ ଦେଶବାସୀଙ୍କୁ ଅକ୍ସିଜେନ୍ ପହଞ୍ଚାଇବାରେ ତାଙ୍କର କାର୍ଯ୍ୟ ଅତୁଳନୀୟ। କୋରୋନା ବିରୋଧୀ ଲଢ଼େଇରେ ଶାସନ, ପ୍ରଶାସନ, ଡାକ୍ତର ଏବଂ ଅନ୍ୟ ସମସ୍ତ ଲୋକ ନିଜ ନିଜ ସ୍ତରରେ ଉଚିତ ଭୂମିକା ନିର୍ବାହ କରିଛନ୍ତି । ଗୁରୁ ପ୍ରସାଦ ମହାପାତ୍ରଙ୍କ ଭଳି ଅନେକ କୋରୋନା ଯୋଦ୍ଧା ଆମ ମଧ୍ୟରେ ନାହାନ୍ତି ସତ, କିନ୍ତୁ ତାଙ୍କର କର୍ତ୍ତବ୍ୟନିଷ୍ଠା ଏବଂ ସମାଜ ପ୍ରତି ସମର୍ପଣ ଭାବ ଆମ ସମସ୍ତଙ୍କ ପାଇଁ ପ୍ରେରଣାର ସ୍ରୋତ। ଆମେ ସମସ୍ତେ କୋଭିଡ୍ ନିୟମ ମାନିବା ସହ ଟିକା ନେବା ହିଁ ସ୍ୱର୍ଗତ ମହାପାତ୍ରଙ୍କ ପ୍ରତି ଉଚିତ ଶ୍ରଦ୍ଧାଞ୍ଜଳି ହେବ ବୋଲି ଧର୍ମେନ୍ଦ୍ର କହିଛନ୍ତି।

ଭର୍ଚୁଆଲ୍ ଟୁରରେ ପାରମ୍ପରିକ ଗଣ୍ଡ ଚିତ୍ରକଳା

କୋରୋନା ସଂକ୍ରମଣ ଯୋଗୁ ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗ ପକ୍ଷରୁ ରାଜ୍ୟ ଜନଜାତି ସଂଗ୍ରହାଳୟକୁ ଭର୍ଚୁଆଲ୍ ଟୁର୍ ବ୍ୟବସ୍ଥା କରାଯାଇଥିଲା। ନବରଙ୍ଗପୁର, ସୁନ୍ଦରଗଡ଼, ସମ୍ବଲପୁର, ବଲାଙ୍ଗିର ଓ କଳାହାଣ୍ଡି ଜିଲ୍ଲା ଗଣ୍ଡ ଜନଜାତିଙ୍କ ବାସସ୍ଥଳ। ଗଣ୍ଡ ପରିବାର ପୂଜାରୀତି ସମୟରେ କାନ୍ଥରେ ବ୍ୟାଘ୍ର, ମୟୁର, କଇଁଛ, ଛଞ୍ଚାଣ, ହାତୀ ଓ ସର୍ପ ଆଦିର ଚିତ୍ର ଅଙ୍କନ କରିଥାନ୍ତି।

ଭାରତର ଗଣ୍ଡ ଚିତ୍ରକଳା ଜାତୀୟ ଓ ଅନ୍ତର୍ଜାତୀୟ କ୍ଷେତ୍ରରେ ବେଶ୍ ସୁଖ୍ୟାତି ଅର୍ଜନ କରିଛି। ଓଡ଼ିଶାର ଗଣ୍ଡ ଜନଜାତିଙ୍କର ଚିତ୍ରକଳାରେ ବିଶେଷତା ରହିଛି। ଆଗରୁ ଚିତ୍ରକଳାରେ କୃତ୍ରିମ ରଙ୍ଗ ବ୍ୟବହାର ହେଉ ନ ଥିଲା। ପ୍ରାକୃତିକ ରଙ୍ଗ ନାଲିମାଟି ଓ ଦୀପର କଳାକୁ ସେମାନେ ରଙ୍ଗ ଭାବେ ବ୍ୟବହାର କରୁଥିଲେ। ସମୟର ପରିବର୍ତ୍ତନ ସହିତ ଏଥିରେ ମଧ୍ୟ ପରିବର୍ତ୍ତନ ହୋଇଛି। ସମ୍ପ୍ରତି ଗଣ୍ଡ ଚିତ୍ରକଳାରୁ ଆର୍ଥିକ ଲାଭ ମିଳିବା ସହିତ ଏହି ଜନଜାତି ଗୋଷ୍ଠୀର ରୋଜଗାରରେ ସହାୟକ ହୋଇପାରିଛି। ଏବେ ଗଣ୍ଡ ଚିତ୍ରକଳାରେ କାନଭାସ୍ ଓ ଏକ୍ରିଲିକ୍ ରଙ୍ଗ ବ୍ୟବହାର କରାଯାଉଛି।

ଆରପାରିରେ ବରିଷ୍ଠ ସାମ୍ବାଦିକ ଜୀମୂତ ମଙ୍ଗରାଜଙ୍କ ପରଲୋକ

ବରିଷ୍ଠ ସାମ୍ବାଦିକ, ଲେଖକ ତଥା ସ୍ତମ୍ଭକାର ଡ.ଜୀମୂତ ବାହାନ ମଙ୍ଗରାଜ (୬୩) ଆଉ ନାହାନ୍ତି। ରବିବାର ରାତିରେ ଏକ ସଡ଼କ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଯାଇଛି। ତାଙ୍କର ଏମିତି ଅଚାନକ ପରଲୋକ ଖବର ବିଭିନ୍ନ ମହଲରେ ଶୋକର ଛାୟା ଖେଳାଇ ଦେଇଛି।

୧୯୮୧ ମସିହାରୁ ପିଟିଆଇର ସମ୍ବାଦଦାତା ଭାବେ ସାମ୍ବାଦିକତା ବୃତ୍ତି ଆରମ୍ଭ କରିଥିବା ଡ.ଜୀମୂତ ମଙ୍ଗରାଜ ପ୍ରାୟ ଚାରି ଦଶନ୍ଧି ଧରି ଓଡ଼ିଶାର ସାମ୍ବାଦିକତା ଜଗତରେ ସକ୍ରିୟ ଥିଲେ। ସମ୍ବାଦ, ସମାଜ, ପ୍ରଜାତନ୍ତ୍ର ଭଳି ଓଡ଼ିଶାର ଅଗ୍ରଣୀ ଖବରକାଗଜରେ ସେ ବରିଷ୍ଠ ସାମ୍ବାଦିକ ଭାବେ କାର୍ଯ୍ୟ କରିଥିଲେ। ପରବର୍ତ୍ତୀ ସମୟରେ ସ୍ବାସ୍ଥ୍ୟଭିତ୍ତିକ ସମ୍ବାଦପତ୍ର ଲାଇଫଲାଇନ୍ ଏବଂ ସାପ୍ତାହିକ ରାଜନୈତିକ ସମ୍ବାଦପତ୍ର ନେତା ପ୍ରକାଶ କରି ଏହାର ସମ୍ପାଦନା ଦାୟିତ୍ବ ତୁଲାଇଥିଲେ। ରାଜନୀତି ବିଜ୍ଞାନ, ଓଡ଼ିଆ ଭାଷା ସାହିତ୍ୟ, ସାମ୍ବାଦିକତା ଓ ଗଣଯୋଗାଯୋଗ ଏବଂ ଏମବିଏ ଆଦି ଡିଗ୍ରି ପ୍ରାପ୍ତ ମଙ୍ଗରାଜ ମୁହାଁମୁହିଁ, ଆସେମ୍ଲି ଜୋକସ, ଗୁମର କଥା, କ୍ୟାପିଟାଲ ଡାଏରୀ, ପଲିଟିକାଲ ଡାଏରୀ; ଭଳି ବେଶ୍ କେତୋଟି ଚର୍ଚିତ ରାଜନୈତିକଧର୍ମୀ ପୁସ୍ତକ ରଚନା କରିଥିଲେ।

ମଧ୍ୟପ୍ରଦେଶରେ ୧୦୦ ବେଡ୍ ବିଶିଷ୍ଟ କୋଭିଡ୍ ସେଣ୍ଟରର ଲୋକାର୍ପଣ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କୋଭିଡ୍ ରୋଗୀମାନେ ଯେଭଳି ଖୁବ କମ୍ ସମୟରେ ଉପଯୁକ୍ତ ସ୍ବାସ୍ଥ୍ୟସେବା ପାଇପାରିବେ ସେଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯାହାଁ ବିମାର, ଓ୍ୱହି ଉପଚାର ଅର୍ଥାତ୍ ଯେଉଁଠି ସମସ୍ୟା ସେଇଠି ଚିକିତ୍ସା ଉପଲବ୍ଧ କରିବା ପାଇଁ ଆହ୍ବାନ ଦେଇଛନ୍ତି। ମୋଦିଙ୍କ ଏହି ଆହ୍ବାନକୁ ସଫଳ କରିବାପାଇଁ ଶୁକ୍ରବାର ମଧ୍ୟ ପ୍ରଦେଶର ମାଣ୍ଡଲା ଜିଲ୍ଲାରେ ୧୦୦ ବେଡ୍ ବିଶିଷ୍ଟ କୋଭିଡ୍ କେୟାର ସେଣ୍ଟରର ଲୋକାର୍ପଣ ସେ ଦିଗରେ ବଡ଼ ପଦକ୍ଷେପ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ନୂଆଦିଲ୍ଲୀରୁ ଭିଡ଼ିଓ କନଫରେନ୍ସିଂ ଜରିଆରେ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ଚୌହ୍ବାନ, କେନ୍ଦ୍ର ଇସ୍ପାତ୍ ରାଷ୍ଟ୍ର ମନ୍ତ୍ରୀ ଫଗନ୍ ସିଂହ କୁଲସ୍ତେଙ୍କ ଉପସ୍ଥିତିରେ ଏହି କୋଭିଡ୍ କେୟାର ସେଣ୍ଟର୍ ଲୋକାର୍ପଣ କରିଛନ୍ତି କେନ୍ଦ୍ରମନ୍ତ୍ରୀ। ଇସ୍ପାତ୍ ରଷ୍ଟ୍ରାୟତ ଉଦ୍ୟୋଗର ମୋଏଲ୍ ସହଯୋଗରେ ଆନୁଷଙ୍ଗିକ ବ୍ୟବସ୍ଥା ସହ ଏହି କୋଭିଡ କେୟାର ହସ୍ପିଟାଲର ଲୋକାର୍ପଣ କରାଯାଇଛି। ଏଠାରେ ପାଇପ ଯୋଗେ ଅକ୍ସିଜେନ୍ ଯୋଗାଣ କରାଯିବ ଏବଂ ଅଞ୍ଚଳରେ କୋଭିଡ ମୁକାବିଲା ପାଇଁ ସ୍ବାସ୍ଥ୍ୟସେବାକୁ ଉନ୍ନତ କରିବା ସହ ତୃତୀୟ ଲହରୀକୁ ମୁକାବିଲା କରିବାରେ ମଧ୍ୟ ସହାୟକ ହେବ ବୋଲି ଧର୍ମେନ୍ଦ୍ର କହିଛନ୍ତି।

ପିନାକ ରକେଟର ସଫଳ ପରୀକ୍ଷଣ

ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ (ଡିଆରଡିଓ) ପକ୍ଷରୁ ସଫଳତା ପୂର୍ବକ ବର୍ଦ୍ଧିତ ଦୂରତା ବିଶିଷ୍ଟ ୧୨୨ ଏମ୍ଏମ୍ କ୍ଷମତା ସମ୍ପନ୍ନ ପିନାକ ରକେଟର ସଫଳ ପରୀକ୍ଷଣ କରାଯାଇଛି। ବାଲେଶ୍ବର ଜିଲ୍ଲା ଚାନ୍ଦିପୁରସ୍ଥିତ ସମନ୍ୱିତ ପରୀକ୍ଷଣ ଘାଟି (ଆଇଟିଆର୍)ରୁ ସ୍ୱଦେଶୀ ଭାବେ ବିକଶିତ ଏହି ରକେଟର ପରୀକ୍ଷଣ ସମ୍ପନ୍ନ ହୋଇଥିଲା। ୧୨୨ ଏମ୍ଏମ୍ କ୍ୟାଲିବର ରକେଟ୍ ଉତକ୍ଷେପଣ ସଫଳ ହେବା ପରେ ଡିଆରଡିଓ ଏବଂ ପ୍ରତିରକ୍ଷା ଉଦ୍ୟୋଗକୁ ରକ୍ଷା ମନ୍ତ୍ରୀ ରାଜନାଥ ସିଂ ଅଭିନନ୍ଦନ ଜଣାଇଛନ୍ତି। ସେହିପରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଡିଆରଡିଓକୁ ଶୁଭେଚ୍ଛା ଜଣାଇଛନ୍ତି।

ସମ୍ପୂର୍ଣ୍ଣ ସାଧନବିନିଯୋଗ (ଇନଷ୍ଟ୍ରମେଣ୍ଟେସନ୍) ସହିତ ୧୨୨ ଏମ୍ଏମ୍ କ୍ଷମତା ବିଶିଷ୍ଟ ଚାରିଟି ରକେଟର ପରିବର୍ଦ୍ଧିତ ସଂସ୍କରଣକୁ ପରୀକ୍ଷାମୂଳକ ଭାବେ ଉତକ୍ଷେପଣ କରାଯାଇଥିଲା ଏବଂ ଏଗୁଡ଼ିକ ସେମାନଙ୍କର ଧାର୍ଯ୍ୟ ଲକ୍ଷ୍ୟଗୁଡ଼ିକୁ ଭେଦ କରିବାରେ ସଫଳ ହୋଇଥିଲେ।

୧୯୭୫ର ଜରୁରୀକାଳୀନ ପରିସ୍ଥିତିକୁ ଭୁଲି ହେବନି: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

୧୯୭୫ ମସିହା ଜୁନ ୨୫ ତାରିଖରେ ତତକାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କ ଦ୍ୱାରା ଦେଶରେ ଜାରି ହୋଇଥିବା ଜରୁରୀକାଳୀନ ପରିସ୍ଥିତିକୁ କେବେ ଭୁଲାଯାଇପାରିବନି କିମ୍ବା କ୍ଷମା କରି ହେବନାହିଁ ବୋଲି ଶୁକ୍ରବାର ରାଜ୍ୟ ବିଜେପି ଭୁବନେଶ୍ୱର ସାଂଗଠନିକ ଜିଲ୍ଲା ପକ୍ଷରୁ ଜରୁରୀକାଳୀନ ପରିସ୍ଥିତି ନେଇ ଭିଡିଓ କନଫରେନ୍ସିଂ ଜରିଆରେ ଆୟୋଜିତ ଆଲୋଚନାଚକ୍ରରେ ଯୋଗଦେଇ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ମାତୃଭୂମିର ସ୍ବାଧୀନତା ପାଇଁ ଶହ ଶହ ସଂଗ୍ରାମୀ, ବୀର ସୈନିକ ବ୍ରିଟିଶ ବିରୋଧରେ ଲଢ଼ି ନିଜର ବଳିଦାନ ଦେଇ ଦେଶକୁ ସ୍ବାଧୀନତା ଦେଇଥିଲେ। ୪୬ ବର୍ଷ ପୂର୍ବେ ଆଜିର ଦିନରେ ସେତେବେଳର ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧି ଜରୁରୀକାଳୀନ ପରିସ୍ଥିତି ଲାଗୁ କରି ଗଣତନ୍ତ୍ରର ହତ୍ୟା କରିଥିଲେ। ସେହି ସମୟରେ ଦେଶର ନେତା, ଛାତ୍ରଛାତ୍ରୀ, ଗଣମାଧ୍ୟମ ଏବଂ ସାଧାରଣ ଜନତାଙ୍କ ଦ୍ୱାରା ଦିଆଯାଇଥିବା ବଳିଦାନକୁ ଆମକୁ ସର୍ବଦା ସ୍ମରଣୀୟ ରଖିବା ପାଇଁ ହେବ।

ଜ୍ୱରରେ ପୀଡ଼ିତ ଶ୍ରୀଜୀଉ: ପୂଜା ପାଇଲେ ପଟିଦିଅଁ

ଅଣସରରେ ଶ୍ରୀଜୀଉ। ଜ୍ୟେଷ୍ଠ ପୂର୍ଣ୍ଣିମାରେ ମହାପ୍ରଭୁଙ୍କ ମହାସ୍ନାନ ହେବା ପରେ ହାତୀ ବେଶରେ ଦର୍ଶନ ଦେଇ ଅଣସରପିଣ୍ଡିକୁ ଯାଇଛନ୍ତି ଶ୍ରୀଜୀଉ। ସ୍ନାନମଣ୍ଡପରେ ସୁନା କୂଅର ୧୦୮ ଗରା ସୁବାସିତ ଜଳରେ ସ୍ନାନ ପରେ ଜ୍ବରରେ ପୀଡ଼ିତ ଶ୍ରୀଜୀଉ। ଆଉ ଏଥିସହ ଆରମ୍ଭ ହୋଇଛି ମହାପ୍ରଭୁଙ୍କ ମାନବୀୟ ଲୀଳା। ସଅଳ ନୀତିକାନ୍ତି ଯୋଗୁ ଆଜିଠାରୁ ୧୫ ଦିନିଆ ଅଣସରର ଗୁପ୍ତନୀତି ଆରମ୍ଭ ହୋଇଛି। ଅଣସର ଘରେ ଅସୁସ୍ଥ ଶ୍ରୀଜିଉଙ୍କ ବିଜେ ପରେ ଶ୍ରୀମନ୍ଦିରରେ ଆଜିଠାରୁ ପଟିଦିଅଁ ପୂଜା ପାଇଛନ୍ତି। ଏଥିପାଇଁ ଗୁରୁବାର ବିଳମ୍ବିତ ରାତିରେ ପଟିଦିଅଁ ଶ୍ରୀମନ୍ଦିରକୁ ବିଜେ କରିଛନ୍ତି। ମହାପ୍ରଭୁଙ୍କ ବଦଳରେ ପଟିଦିଅଁଙ୍କଠାରେ ଛପନ ପଉଟି ଭୋଗ ଲାଗି ହେବ। ଏହି ସମୟରେ ମହାପ୍ରଭୁଙ୍କଠାରେ ଫଳ ଆଦି ଲାଗି ହେବ।

ଶ୍ରୀଅଲାରନାଥଙ୍କ ଅଣସର ଯାତ୍ରା ଆରମ୍ଭ: ଦର୍ଶନରୁ ବଞ୍ଚିତ ଭକ୍ତ

ସ୍ନାନଯାତ୍ରା ଓ ଗଜବେଶ ଦର୍ଶନ ପରେ ଗୋଟି ପହଣ୍ଡିରେ ଅଣସର ପିଣ୍ଡିକୁ ବିଜେ କରିଛନ୍ତି ଚତୁର୍ଦ୍ଧାମୂର୍ତ୍ତି। ଅତ୍ୟଧିକ ସ୍ନାନ ହେତୁ ଶ୍ରୀବିଗ୍ରହମାନେ ଜ୍ୱରରେ ପୀଡ଼ିତ ହୋଇଛନ୍ତି। ୧୫ ଦିନ ଧରି ଅଣସର ପିଣ୍ଡିରେ ଜ୍ୱରରେ ଆକ୍ରାନ୍ତ ମହାପ୍ରଭୁଙ୍କ ଅଣବସର ଗୁପ୍ତ ନୀତି କରାଯିବ। ଚତୁର୍ଦ୍ଧାମୂର୍ତ୍ତି ଅଣସର ଘରେ ଥିବାରୁ ଏହି ସମୟରେ ଶ୍ରଦ୍ଧାଳୁ ବ୍ରହ୍ମଗିରି ଅଲାରନାଥଙ୍କ ଦର୍ଶନ କରିଥାନ୍ତି। ବିଶ୍ବାସ ରହିଛି ଯେ ଚତୁର୍ଦ୍ଧାମୂର୍ତ୍ତିଙ୍କ ଅଦର୍ଶନରେ ବ୍ରହ୍ମଗିରିସ୍ଥ ଶ୍ରୀଅଲାରନାଥଙ୍କ ଦର୍ଶନ କଲେ ଭକ୍ତଙ୍କୁ ସମଫଳ ମିଳିଥାଏ। ମହାପ୍ରଭୁ ଅଣସର ଘରକୁ ଯିବା ପରେ ହଜାର ହଜାର ଭକ୍ତ ଅଲାରନାଥଙ୍କ ଦର୍ଶନ କରିଥାନ୍ତି। ଏହି ସମୟରେ ଅଲରାନାଥଙ୍କ କ୍ଷୀରି ଭୋଗ ଲାଗି ହୋଇଥାଏ। କିନ୍ତୁ କୋରୋନା କଟକଣା କାରଣରୁ ଭକ୍ତଙ୍କ ଏଥର ଦର୍ଶନ ମନା ହୋଇଛି। ମନ୍ଦିର ଚାରିପଟ ବ୍ୟାରିକେଡ୍ କରାଯିବା ସହ ୧୪୪ ଧାରା ଜାରି କରାଯାଇଛି।

ଚଳିତ ବର୍ଷ ମଧ୍ୟ କୋରୋନା କଟକଣା ଯୋଗୁ ସାଧାରଣ ଦର୍ଶନ ବନ୍ଦ ରହିଛି। ଅଲାରନାଥଙ୍କ ପୀଠରେ ୧୪୪ ଧାରା ଜାରି ହୋଇଛି। ଭକ୍ତଶୂନ୍ୟ ହୋଇ ପଡ଼ିଛି ଅଲାରନାଥ ପୀଠ। ଶ୍ରଦ୍ଧାଳୁଙ୍କ ପ୍ରବେଶ ଉପରେ କଟକଣା ଥିଲେ ବି କୋଭିଡ୍ କଟକଣା ଭିତରେ ଚାଲିଛି ଠାକୁରଙ୍କ ନୀତିକାନ୍ତି।

ଅଣସର ପିଣ୍ଡି ରେ ଚତୁର୍ଦ୍ଧାମୂର୍ତ୍ତି

କୋରୋନା କଟକଣା ଭିତରେ ଶେଷ ହୋଇଛି ମହାପ୍ରଭୁଙ୍କ ସ୍ନାନଯାତ୍ରା। ଏବେ ଅଣସର ଘରେ ବିରାଜମାନ କରିଛନ୍ତି ମହାପ୍ରଭୁ। ଶ୍ରୀମନ୍ଦିରର ରୀତିନୀତି ଅନୁସାରେ ଶେଷ ହୋଇଛି ଦେବସ୍ନାନ ପୂର୍ଣ୍ଣିମା। ତିନି ଠାକୁରଙ୍କ ମହାସ୍ନାନ ଓ ବେଶ ପରେ ଅଣସର ଘରେ ପ୍ରବେଶ କରିଛନ୍ତି ଶ୍ରୀଜୀଉ। ଶ୍ରୀମନ୍ଦିର ସ୍ନାନ ମଣ୍ଡପରେ ୧୦୮ ଗରା ଅଭିମନ୍ତ୍ରିତ ଅଧିବାସ ଜଳରେ ସ୍ନାନ କରିବା ପରେ ଶୁକ୍ରବାର ଚତୁର୍ଦ୍ଧାମୂର୍ତ୍ତିଙ୍କ ହାତୀବେଶ ଅନୁଷ୍ଠିତ ହୋଇଥିଲା। ଏହା ପରେ ସ୍ନାନ ମଣ୍ଡପରେ ଅନ୍ୟାନ୍ୟ ନୀତିକାନ୍ତି ସମ୍ପନ୍ନ ପରେ ଗୁରୁବାର ସନ୍ଧ୍ୟାରେ ଗୋଟି ପହଣ୍ଡିରେ ଅଣସର ପିଣ୍ଡିକୁ ବିଜେ କରିଛନ୍ତି ଚତୁର୍ଦ୍ଧାମୂର୍ତ୍ତି। ଶୁକ୍ରବାରଠାରୁ ଜ୍ୱରରେ ପୀଡ଼ିତ ଶ୍ରୀଜୀଉଙ୍କ ଅଣସର ସେବା ଆରମ୍ଭ ହେବ। ସେଠାରେ ରାଜବୈଦ୍ୟଙ୍କ ଦ୍ୱାରା ସମ୍ପୂର୍ଣ୍ଣ ଆୟୁର୍ବେଦିକ ଉପଚାର ଓଷ ଲାଗି କରାଯିବ।

ଓଡିଶାମାଟିରେ ସଫଳ ହେଲା ନିର୍ଭୟ ର ପରୀକ୍ଷଣ

ଶକ୍ତିଶାଳୀ ହେଉଛି ଭାରତୀୟ ସେନା। ଗୋଟିଏ ପରେ ଗୋଟିଏ କ୍ଷେପଣାସ୍ତ୍ର ପରୀକ୍ଷା କରି ସଫଳ ହେଉଛି ଭାରତୀୟ ସେନା। ଆଜି ପୁଣି ବାଲେଶ୍ୱରସ୍ଥିତ ଚାନ୍ଦିପୁର କ୍ଷେପଣାସ୍ତ୍ର ଘାଟିର ୩ ନମ୍ବର ଲଞ୍ଚ ପ୍ୟାଡରୁ ସଫଳତାର ସହ ପରୀକ୍ଷା ହୋଇଛି ଦୂରଗାମୀ ସବସୋନିକ୍ କ୍ରୁଜ୍  ମିସାଇଲ୍ ନିର୍ଭୟ। ଭାରତୀୟ ପ୍ରତିରକ୍ଷା ଏବଂ ଗବେଷଣା ବିକାଶ ପ୍ରତିଷ୍ଠାନ (ଡିଆରଡିଓ) ପକ୍ଷରୁ ଗୁରୁବାର ପୂର୍ବାହ୍ନ ୧୦ଟା ୪୩ ମିନିଟରେ ସଫଳତାର ସହ ପରୀକ୍ଷଣ କରାଯାଇଥିଲା। ଭାରତୀୟ ସେନାରେ ସାମିଲ୍ ହୋଇଥିବା ଏହି ସବସୋନିକ କ୍ଷେପଣାସ୍ତ୍ରର ମାରକ କ୍ଷମତା ଆମେରିକାର ପ୍ରସିଦ୍ଧ ଟୋମ ହାୱକ୍ କ୍ଷେପଣାସ୍ତ୍ର ସହ ସମାନ ରହିଛି।

ନିର୍ଭୟ ର ଲକ୍ଷ୍ୟଭେଦ କ୍ଷମତା ୧୫୦୦ କିଲୋମିଟର ରହିଥିବା ବେଳେ ଏହା ୨୦୦ କିଲୋଗ୍ରାମ ପର୍ଯ୍ୟନ୍ତ ଆଣବିକ ଯୁଦ୍ଧାସ୍ତ୍ର ବହନ କରିପାରିବ। ଉତକ୍ଷେପଣ ପରେ ନିର୍ଭୟ ମିସାଇଲ୍ ଏୟାରକ୍ରାଫ୍ଟ ଭଳି ଉଡ଼ାଣ କରି ଶତ୍ରୁ ଉପରକୁ ଆକ୍ରମଣ କରିପାରିବ।

ଓଡ଼ିଆ ପାଠ୍ୟକ୍ରମରେ ସ୍ଥାନିତ ହେଲା ବନ୍ଦେ ଉତ୍କଳ ଜନନୀ

କାନ୍ତକବି ଲକ୍ଷ୍ମୀକାନ୍ତ ମହାପାତ୍ରଙ୍କ ରଚିତ ବନ୍ଦେ ଉତ୍କଳ ଜନନୀକୁ ହାଇସ୍କୁଲ୍ ପାଠ୍ୟକ୍ରମରେ ସାମିଲ କରାଯାଇଛି। ପ୍ରଥମ ଭାଷା ଓଡ଼ିଆ ବିଷୟରେ ବନ୍ଦେ ଉତ୍କଳ ଜନନୀକୁ ସ୍ଥାନ ମିଳିଛି। ନବମ ଓ ଦଶମ ଶ୍ରେଣୀରେ ଏହି ରାଜ୍ୟ ସଙ୍ଗୀତ ପଢ଼ାଯିବ। ଚଳିତ ଶିକ୍ଷାବର୍ଷରୁ ଏହା କାର୍ଯ୍ୟକାରୀ ହେବ। ଏ ସଂକ୍ରାନ୍ତରେ ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ୧୯୧୨ ମସିହାରେ ବାଲେଶ୍ୱରଠାରେ ଅନୁଷ୍ଠିତ ଉତ୍କଳ ସମ୍ମିଳନୀ ଅଧିବେଶନରେ ପ୍ରଥମ ଥର ପାଇଁ ଗାନ କରାଯାଇଥିଲା। ସ୍ୱତନ୍ତ୍ର ଓଡ଼ିଶା ଗଠନ ପରେ ଏହି ଗୀତଟି ରାଜ୍ୟଗାନ ଭାବେ ଆଦୃତି ଲାଭ କରିଥିଲା। ୧୯୯୪ରେ ବିଧାନସଭାରେ ଛିଡ଼ାହୋଇ ସମସ୍ତ ସଦସ୍ୟ ଏହାକୁ ଜାତୀୟ ସଙ୍ଗୀତ ପରି ସମ୍ମାନର ସହିତ ଗାନ କରିଥିଲେ। ସେବେଠାରୁ ବିଧାନସଭାରେ ଏହି ପରମ୍ପରା ଚାଲି ଆସୁଛି। ଚଳିତ ଶିକ୍ଷାବର୍ଷରୁ ଏହି ସଙ୍ଗୀତକୁ ଉଭୟ ନବମ ଓ ଦଶମ ଶ୍ରେଣୀର ପ୍ରଥମ ଭାଷା ଓଡ଼ିଆ(ଏଫଏଲ୍ଓ) ବହିର ପଦ୍ୟ ବିଭାଗରେ ଏକ ବିଷୟ ଭାବେ ଛାତ୍ରଛାତ୍ରୀମାନେ ପଢ଼ିବେ। ଅନ୍ୟ ବିଷୟ ଭଳି ଏଥିରୁ ପ୍ରଶ୍ନ ମଧ୍ୟ ଆସିବ।

ଗଜାନନ ବେଶରେ ଶ୍ରୀଜିଉ

ଆଜି ହେଉଛି ପବିତ୍ର ଦେବସ୍ନାନ ପୂର୍ଣ୍ଣିମା। ପବିତ୍ର ଜ୍ୟୋଷ୍ଠ ପୂର୍ଣ୍ଣିମାର ମହାର୍ଘ ଅବସରରେ ଶ୍ରୀମନ୍ଦିର ରତ୍ନବେଦୀ ଛାଡ଼ି ଚକ୍ରରାଜ ସୁଦର୍ଶନ, ବଡ଼ଠାକୁର ବଳଭଦ୍ର, ଦେବୀ ସୁଭଦ୍ରା ଓ ମହାପ୍ରଭୁ ଶ୍ରୀଜଗନ୍ନାଥ ସ୍ନାନବେଦୀ ବିଜେ କରିଛନ୍ତି। ସ୍ନାନବେଦୀରେ ୧୦୮ ଗଡ଼ୁ ସୁବାସିତ ଜଳରେ ମହାସ୍ନାନ କରିଛନ୍ତି ଶ୍ରୀଜୀଉ। ହାତୀବେଶରେ ସଜେଇ ହେଉଛନ୍ତି ଶ୍ରୀଜିଉ। ଭକ୍ତ ଗଣପତି ଭଟ୍ଟଙ୍କ ମାନ ରଖିବାକୁ ଗଜାନନ ବେଶ ଧାରଣ କରିଛନ୍ତି ମହାବାହୁ। ହାତୀ ବେଶରେ ସଜ୍ଜିତ ହୋଇ ବିଶ୍ବବାସୀଙ୍କୁ ଦର୍ଶନ ଦେଇଛନ୍ତି ଚତୁର୍ଦ୍ଧାମୂର୍ତ୍ତି। ଗଜପତି ମହାରାଜାଙ୍କ ଅନୁପସ୍ଥିତିରେ ମୁଦିରସ୍ତ ଛେରାପହଁରା କରିବା ପରେ ଧଳା ଓ କଳା ହାତୀବେଶରେ ସଜ୍ଜିତ ହୋଇ ଝଲସୁଛନ୍ତି ମହାପ୍ରଭୁ। ତେବେ କୋରୋନା କଟକଣା ଯୋଗୁ ଶ୍ରୀଜୀଉଙ୍କ ଏହି ଅପୂର୍ବ ଲିଳାକୁ ଭକ୍ତମାନେ ସ୍ବଚକ୍ଷୁରେ ଦେଖି ନ ପାରି ଟିଭି ପରଦାରେ ଦେଖିବାର ସୌଭାଗ୍ୟ ଅର୍ଜନ କରିଛନ୍ତି। ଏଥିସହ ଶ୍ରୀଜଗନ୍ନାଥଙ୍କ ରଥଯାତ୍ରାର ଆଦ୍ୟପର୍ବ ଆରମ୍ଭ ହୋଇଛି।

ସ୍ନାନବେଦୀରେ ଚନ୍ଦନ, କର୍ପୂର ସହ ୧୦୮ ଗରା ସୁବାଷିତ ଜଳରେ ସ୍ନାନ କଲେ ଶ୍ରୀଜୀଉ

ଆଜି ରଥଯାତ୍ରାର ଆଦ୍ୟପର୍ବ ପବିତ୍ର ଦେବସ୍ନାନ ପୂର୍ଣ୍ଣିମା। ଶ୍ରୀମନ୍ଦିରରୁ ବାହାରି ରତ୍ନବେଦୀ ଛାଡ଼ି ସ୍ନାନବେଦୀରେ ବିଶ୍ୱବାସୀଙ୍କୁ ଦର୍ଶନ ଦେଉଛନ୍ତି ଶ୍ରୀଜିଉ। ବିନା ଭକ୍ତରେ ହେଉଛି ସ୍ନାନ ଯାତ୍ର। ସ୍ନାନବେଦୀରୁ ଅପଲକ ନୟନରେ ଚାହିଁ ରହିଛି କାଳିଆ ଠାକୁର। ତେବେ କୋରୋନା ପାଇଁ ଚର୍ମ ଚକ୍ଷୁରେ କଳାକାହ୍ନୁକୁ ଦେଖିବାର ସୁଯୋଗ ମିଳି ନ ଥିଲେ ମଧ୍ୟ ଟିଭି ପରଦାରେ ଭକ୍ତମାନେ ଶ୍ରୀଜୀଉଙ୍କ ଏହି ଦିବ୍ୟଲୀଳାକୁ ଉପଭୋଗ କରୁଛନ୍ତି।

ଶ୍ରୀ ବିଗ୍ରହ ମାନେ ସ୍ନାନ ବେଦୀରେ ବିଜେ ହେବା ପରେ ସୁନା ଗୋସାଇଁ ଓ ମୁଦିରସ୍ତ ମା ଶୀତଳା ମନ୍ଦିର ନିକଟସ୍ଥ ସୁନା କୁଅଁରୁ ୧୦୮ ଗଡ଼ୁ ପାଇଁ ଜଳ ଆଣି ଅଧିବାସ ଘରେ ରଖିଥାନ୍ତି । ଘଟୁଆରି ଘରଠାରୁ ଚନ୍ଦନ, କର୍ପୂର , ଚୁଆ ଆଣି ଜଳରେ ମିଶାଇଥାନ୍ତି । ଶ୍ରୀ ଜଗନ୍ନାଥ ମହାପ୍ରଭୁଙ୍କୁ ୩୫ ଗଡ଼ୁ, ଶ୍ରୀ ବଳଭଦ୍ର ମହାପ୍ରଭୁଙ୍କୁ ୩୩ ଗଡ଼ୁ. ମା ସୁଭଦ୍ରାଙ୍କୁ ୨୨ ଗଡ଼ୁ ଓ ଶ୍ରୀ ସୁଦର୍ଶନଙ୍କୁ ୧୮ ଗଡ଼ୁ ସୁବାସିତ ଜଳରେ ସ୍ନାନ କରାଯାଏ ।

ସ୍ନାନବେଦୀରେ ମହାପ୍ରଭୁଙ୍କ ମହାର୍ଘ ସ୍ନାନ ପାଇଁ ଜଳବିଜେ ନୀତି ହୋଇଥାଏ । ସେବକ ମାନେ ଅଧିବାସିତ ଜଳକୁ ସ୍ନାନ ମଣ୍ଡପକୁ ବିଜେ କରାଇଥାନ୍ତି । ଏହି ଜଳକୁ ପୂଜାପଣ୍ଡା ଷୋଡଶ ଉପଚାରରେ ପୂଜା କରିଥାନ୍ତି ।

ଆଜି ପବିତ୍ର ଦେବସ୍ନାନ ପୂର୍ଣ୍ଣିମା

ଆଜି ହେଉଛି ପବିତ୍ର ଦେବସ୍ନାନ ପୂର୍ଣ୍ଣିମା। ୧୦୮ ଗରା ସୁବାସିତ ଜଳରେ ସ୍ନାନ କରିବେ ଶ୍ରୀଜୀଉ। ରତ୍ନବେଦୀ ଛାଡ଼ି ସ୍ନାନବେଦୀରେ ସ୍ନାନ ନୀତି କରିବା ସହ ଗଜାନନ ବେଶରେ ଦେବେ ଦର୍ଶନ ଚତୁର୍ଦ୍ଧାମୂରତି। ଏଥିପାଇଁ ସଜେଇ ହୋଇଛି ସ୍ନାନ ବେଦୀ। ଅପେକ୍ଷା କରିଛି ମହାପ୍ରଭୁଙ୍କ ଆଗମନକୁ। ରତ୍ନସିଂହାସନରୁ ଓହ୍ଲାଇ ଧାଡ଼ି ପହଣ୍ଡିରେ ଆସି ବିଜେ କରିବେ ଚତୁର୍ଦ୍ଧାମୂରତି। ପରମ୍ପରା ଅନୁସାରେ ପ୍ରଥମେ ଚକ୍ରରାଜ ସୁଦର୍ଶନ, ତାପରେ ବଡ଼ଠାକୁର ବଳଭଦ୍ର, ତାଙ୍କ ପଛକୁ ଦେବୀ ସୁଭଦ୍ରା ଓ ଶେଷରେ ଆସିବେ ମହାପ୍ରଭୁ ଜଗନ୍ନାଥ। ପହଣ୍ଡି ପରେ ମଙ୍ଗଳଆଳତୀ, ମଇଲମ ଓ ଅନ୍ୟାନ୍ୟ ନୀତି କରାଯାଇ ସକାଳେ ପ୍ରତ୍ୟକ୍ଷ ସ୍ନାନ କରିବେ ଶ୍ରୀଜୀଉ। ୧୦୮ ଗରା ଜଳରେ ସ୍ନାନ କରିବେ। ତେବେ ଚଳିତବର୍ଷ ସ୍ନାନ ଯାତ୍ରାରେ ଗଜପତି ଛେରାପହଁରା କରିବେ ନାହିଁ, ଗଜପତିଙ୍କ ସ୍ଥାନରେ ମୁଦିରସ୍ତ ଛେରାପହଁରା କରିବାକୁ ନିଷ୍ପତ୍ତି ହୋଇଛି। ସେପଟେ ଗଜାନନ ବେଶ ଓ ପଟି ଦିଅଁଙ୍କ ନିର୍ମାଣରେ ଶେଷ ସ୍ପର୍ଶ କାରିଗରମାନଙ୍କ ଦ୍ୱାରା ଦିଆଯାଉଥିବା ବେଳେ ଆଜି ରଥ ଖଳାରେ ତିନି ରଥର ତୃତୀୟ ଭୂଇଁ ଉଠିଛି।

ଓଡିଆ ଝିଅ ଦୀପଗ୍ରେସ ଏକ୍କା ଅଲମ୍ପିକ୍ସରେ ହକି ଟିମ ଇଣ୍ଡିଆର ଉପ-ଅଧିନାୟିକା

ଟୋକିଓ ଅଲମ୍ପିକ୍ସରେ ଭାରତୀୟ ମହିଳା ହକି ଟିମର ନେତୃତ୍ବ ନେବେ ରାନୀ ରାମପାଲ । ଏନେଇ ସୋମବାର ହକି ଇଣ୍ଡିଆ ପକ୍ଷରୁ ଘୋଷଣା କରାଯାଇଛି । ଅଲମ୍ପିକ ଯୋଗ୍ୟ 16 ସଦସ୍ୟ ବିଶିଷ୍ଟ ମହିଳା ହକି ଟିମ ଭେଟେରାନ ଷ୍ଟ୍ରାଇକର ରାନୀଙ୍କ ନେତୃତ୍ବରେ ଖେଳିବ । ଡିଫେଣ୍ଡର ଦୀପଗ୍ରେସ ଏକ୍କା ଓ ଅଭିଜ୍ଞ ଗୋଲକିପର ସବିତା ପୁନିଆଙ୍କୁ ଦୁଇ ଉପ-ଅଧିନାୟିକା ଘୋଷଣା କରିଛି ହକି ଇଣ୍ଡିଆ ।

ଅଲିମ୍ପିକ୍ସରେ ହକି ଟିମର ଉପ ଅଧିନାୟକ ହେଲେ ଓଡ଼ିଆ ପୁଅ ବୀରେନ୍ଦ୍ର ଲାକ୍ରା

ପୁଣିଥରେ ଜାତୀୟ ପୁରୁଷ ହକି ଟିମରେ ଓଡ଼ିଆଙ୍କ ଦବଦବା ଦେଖିବାକୁ ମିଳିଛି। ଟୋକିଓ ଅଲିମ୍ପିକ୍ସରେ ଖେଳିବାକୁ ଥିବା ଭାରତୀୟ ପୁରୁଷ ହକି ଟିମର ଉପ ଅଧିନାୟକ ହୋଇଛନ୍ତି ଓଡ଼ିଆ ପୁଅ ବୀରେନ୍ଦ୍ର ଲାକ୍ରା। ଲାକ୍ରା ଓ ହରମନପ୍ରୀତି ସିଂହ ଟୁର୍ଣ୍ଣାମେଣ୍ଟରେ ଉପ ଅଧିନାୟକ ଦାୟତ୍ୱ ତୁଲାଇବେ ବୋଲି ଆଜି ହକି ଇଣ୍ଡିଆ ପକ୍ଷରୁ ସୂଚନା ଦିଆଯାଇଛି।

ପୂର୍ବଭଳି ମନପ୍ରୀତ ସିଂହ ପୁରୁଷ ଦଳର ଅଧିନାୟକ ପଦ ଦାୟିତ୍ୱରେ ରହିଛନ୍ତି। ଟୋକିଓ ଅଲିମ୍ପିକ୍ସ ପାଇଁ ଘୋଷିତ ୧୬ ଜଣିଆ ପୁରୁଷ ହକି ଟିମରେ ଲାକ୍ରାଙ୍କ ବ୍ୟତୀତ ଓଡ଼ିଆ ପୁଅ ଅମିତ ରୋହିଦାସ ମଧ୍ୟ ରହିଛନ୍ତି। ସେ ପ୍ରଥମଥର ପାଇଁ ଅଲିମ୍ପିକ୍ସ ଖେଳିବାକୁ ଯାଉଛନ୍ତି। ସେହିପରି ଲାକ୍ରାଙ୍କ ଏହା ହେଉଛି ଦ୍ୱିତୀୟ ଅଲିମ୍ପିକ୍ସ। ୨୦୧୬ରେ ସେ ଅଲିମ୍ପିକ୍ସ ପାଇଁ ଚୟନ ହୋଇଥିଲେ ହେଁ ଆହତ କାରଣରୁ ଖେଳି ନଥିଲେ। କିନ୍ତୁ ୨୦୧୨ରେ ଭାରତକୁ ବିଶ୍ୱ ସ୍ତରରେ ପ୍ରତିନିଧିତ୍ୱ କରିଥିଲେ।

ଟିକା ଦ୍ୱନ୍ଦ୍ୱ ଦୂର ପାଇଁ ଷ୍ଟେକ୍ ହୋଲଡରଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଆହ୍ୱାନ

ଅନେକ ସ୍ଥାନରେ ଟିକାକୁ ନେଇ ଦ୍ୱନ୍ଦ୍ୱ ଉପୁଜିଥିବା ବେଳେ ସମସ୍ତ ଷ୍ଟେକ୍ ହୋଲଡରମାନେ ଏହି ଟ୍ୱିକା ଦ୍ୱନ୍ଦକୁ ଦୂର କରିବା ଦିଗରେ କାମ କରିବା ଦରକାର ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମଙ୍ଗଳବାର ନୂଆଦିଲ୍ଲୀରୁ ଭିଡିଓ କନଫରେନ୍ସିଂ ଜରିଆରେ କର୍ଣ୍ଣାଟକ ଠାରେ ବିଭିନ୍ନ ସମାଜିକ ଏବଂ ବିକାଶମୂଳକ ପ୍ରକଳ୍ପର ଉଦଘାଟନ କରିବା ଅବସରରେ ଧର୍ମେନ୍ଦ୍ର ଏହା କହିଛନ୍ତି।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କର୍ଣ୍ଣାଟକର ମାଣ୍ଡ୍ୟା ଠାରେ ଅକ୍ସିଜେନ୍ ଉତ୍ପାଦନ ପ୍ଲାଣ୍ଟ୍, ମୁଦବିଦ୍ରି ଠାରେ କୋଭିଡ୍ ରୋଗୀଙ୍କ ପାଇଁ ୫୦ ହସ୍ପିଟାଲ୍ ବେଡର ଲୋକାର୍ପଣ କରିଛନ୍ତି। କେଆଇଓସିଏଲର ସହଯୋଗରେ ଏହି ଉଭୟ ପ୍ରକଳ୍ପକୁ କାର୍ଯ୍ୟକ୍ଷମ କରାଯାଇଥିବା ବେଳେ ଏହା କର୍ଣ୍ଣାଟକକୁ କୋଭିଡ୍ ମହାମାରୀ ବିରୋଧରେ ଲଢ଼ିବାକୁ ସହାୟକ ହେବ ବୋଲି ସେ କହିଛନ୍ତି। ସେହିପରି ତୁମକୁର ଜିଲ୍ଲା କାଥ୍ରିକେହାଲ ଗ୍ରାମରେ କେଆଇଓସିଏଲ ଦ୍ୱାରା ୨୪.୪୪ କୋଟି ଟଙ୍କାରେ ପ୍ରତିଷ୍ଠା ହୋଇଥିବା ୫ ମେଗାୱାଟ୍ ସୋଲାର ପାୱାର ପ୍ଲାଣ୍ଟକୁ ମଧ୍ୟ ଉତ୍ସର୍ଗ କରାଯାଇଛି। ଏହାସହ କେଆଇଓସିଏଲର ମାଙ୍ଗାଲୋର ପେଲେଟ ପ୍ଲାଣ୍ଟ୍ ଠାରେ ଘଣ୍ଟା ପ୍ରତି ୧୦୦୦ ଟନ୍ କ୍ଷମତା ବିଶିଷ୍ଟ ବାରେଲ୍ ଟାଇପ୍ ବ୍ଲେଣ୍ଡର ରିକ୍ଲେମର ର ଶୁଭାରମ୍ଭ କରିଛନ୍ତି କେନ୍ଦ୍ରମନ୍ତ୍ରୀ। ଏହି ପ୍ରକଳ୍ପର ମୂଲ୍ୟ ରହିଛି ୧୭ କୋଟି ୫୦ ଲକ୍ଷ ଟଙ୍କା।

ମହିଳା ଶହେ ମିଟରରେ ନୂଆ ରେକର୍ଡ଼ କଲେ ଦୂତୀ ଚାନ୍ଦ, ଭାଙ୍ଗିଲେ ନିଜର ଜାତୀୟ ରେକର୍ଡ଼

ଭାରତ ଦ୍ରୁତତମ ମହିଳା ତଥା ତାରକା ସ୍ପ୍ରିଣ୍ଟର ଦୂତୀ ଚାନ୍ଦ ନୂଆ କୀର୍ତ୍ତିମାନ ସ୍ଥାପନ କରିଛନ୍ତି। ପାଟିଆଲାରେ ଚାଲିଥିବା ଇଣ୍ଡିଆନ୍ ଗ୍ରାଣ୍ଡପ୍ରିକ୍ସର ଚତୁର୍ଥ ଚାମ୍ପିଅନସିପରେ ଦୂତୀ ନିଜ ଜାତୀୟ ରେକର୍ଡ ଭାଙ୍ଗି ନୂଆ କୀର୍ତ୍ତିମାନ ସ୍ଥାପନ କରିଛନ୍ତି। ଦୂତୀ ୧୦୦ ମିଟର ଦୌଡ଼କୁ ୧୧.୧୭ ସେକେଣ୍ଡରେ ଅତିକ୍ରମ କରି ସେ ରେକର୍ଡ କରିଛନ୍ତି। ପୂର୍ବରୁ ସେ ୧୧.୨୨ ସେକେଣ୍ଡରେ ୧୦୦ ମିଟର ରେସ୍ ଶେଷ କରିଥିଲେ। ତେବେ ନୂଆ ଜାତୀୟ ରେକର୍ଡ ପ୍ରତିଷ୍ଠା ସତ୍ତ୍ବେ ମଧ୍ୟ ଦୂତୀ ଅଲିମ୍ପିକ୍ସ ଯୋଗ୍ୟତାରୁ ବଞ୍ଚିତ ହୋଇଛନ୍ତି। ଅଲିମ୍ପିକ୍ସ ଲାଗି କ୍ବାଲିଫାଏ୍ ଟାଇମିଂ ୧୧.୧୫ ସେକେଣ୍ଡ୍ ରହିଥିବା ବେଳେ ମାତ୍ର ୨ ସେକେଣ୍ଡ୍ ପାଇଁ ଟୋକିଓ ଅଲିମ୍ପିକ୍ସ ଯୋଗ୍ୟତା ହାସଲରୁ ବଞ୍ଚିତ ହୋଇଛନ୍ତି। ତେବେ ଆଉ ଏକ ଆଶ୍ବସ୍ତିକର ବିଷୟ ଅଲିମ୍ପିକ୍ସ ଯୋଗ୍ୟତା ପାଇଁ ଦୂତୀଙ୍କ ପାଖରେ ଏବେ ଆଉ ଏକ ସୁଯୋଗ ରହିଛି।

ଶାଢ଼ୀ ଉପରେ ବୁଣାଗଲା ୧୩ଟି ଭାଷାରେ ମା

ଦେଶ କି ରାଜ୍ୟ ନୁହେଁ, ବିଦେଶରେ ବାନ୍ଧକଳା ପାଇଁ ପ୍ରସିଦ୍ଧ ଓଡ଼ିଶାର ସୁବର୍ଣ୍ଣପୁର ଜିଲ୍ଲା। ପ୍ରାଚୀନ ଓ ଆଧୁନିକ ଡିଜାଇନକୁ ବନ୍ଧକଳାରେ ବାନ୍ଧି ରଖିବାରେ ସକ୍ଷମ ହୋଇଛନ୍ତି ଏଠାକାର କୁଶଳୀ ବୁଣାକାରମାନେ। କେତେବେଳେ ସୂତାର ଏହି ଯାଦୁକରମାନେ ଲୁଗା ଉପରେ କୋଣାର୍କ ମନ୍ଦିର ଗଢ଼ି ତୋଳିଛନ୍ତି ତ କେତେବେଳେ ଗଣିତ ସୁତ୍ର ସ୍ଥାନିତ କରିଛନ୍ତି। ଆଉ ଏହି କାରୁକାର୍ଯ୍ୟକୁ ବେଶ୍ ପସନ୍ଦ କରିଛନ୍ତି ନେତ୍ରୀ ଠାରୁ ଅଭିନେତ୍ରୀ ପର୍ଯ୍ୟନ୍ତ। ପୂର୍ବରୁ ସୁବର୍ଣ୍ଣପୁର ଜିଲ୍ଲାର ହସ୍ତତନ୍ତ ଶିଳ୍ପୀଙ୍କ ଦ୍ବାରା ପ୍ରସ୍ତୁତ ଗଣିତ ସୂତ୍ରର ଶାଢୀ ରାଜ୍ୟ ତଥା ରାଜ୍ୟ ବାହାରେ ଆଦୃତ ହୋଇ ସାରିଥିବା ବେଳେ ଆଜି ଏକ ଶାଢୀ ଏବେ ବେଶ୍ ଚର୍ଚ୍ଚାରେ। ପୂର୍ବରୁ ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ଓ ଅଭିନେତ୍ରୀ ବିଦ୍ୟା ବାଲନଙ୍କ ପାଇଁ ଶାଢ଼ୀ ପ୍ରସ୍ତୁତ କରି ଚର୍ଚ୍ଚାରେ ଥିବା ରାଜେଶ ମେହର ଏବେ ପ୍ରସ୍ତୁତ କରିଛନ୍ତି ସ୍ୱତନ୍ତ୍ର ମା ଶାଢୀ। ଯେଉଁଥିରେ ୧୩ଟି ଭାଷାରେ ଶାଢୀରେ ମା ବୋଲି ଲେଖାଯାଇଛି।

ମା ମାନଙ୍କୁ ସମର୍ପିତ କରି ଏବେ ସୋନପୁର ସହର ପଟାଭାଡ଼ିରେ ବୁଣାଯାଇଛି କଳାରଙ୍ଗର ମା ଶାଢ଼ୀ। ଓଡ଼ିଆ, ହିନ୍ଦୀ, ତେଲୁଗୁ, ତାମିଲ, କନ୍ନଡ ସମେତ ୧୩ଟି ଭାଷାରେ ଶାଢ଼ୀ ଉପରେ ମା ଶବ୍ଦକୁ ବୁଣାଯାଇଛି।

ଟିକାକରଣକୁ ଜନଆନ୍ଦୋଳନରେ ପରିଣତ କରିବାକୁ ଧର୍ମେନ୍ଦ୍ରଙ୍କ ଆହ୍ବାନ

ସୋମବାର ଠାରୁ ଆରମ୍ଭ ହୋଇଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତ ସରକାରଙ୍କ ଦ୍ୱାରା ବିଶ୍ୱର ସର୍ବବୃହତ ମାଗଣା ଟିକାକରଣ ଅଭିଯାନ। ଏହି ଅବସରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦିଲ୍ଲୀର ସରୋଜିନୀ ନଗର ସ୍ଥିତ ସିଜିଏଚଏସ ଡିସପେନସେରୀ ହସ୍ପିଟାଲର ଟିକା କେନ୍ଦ୍ରକୁ ପରିଦର୍ଶନ କରିଛନ୍ତି। ଏଥିସହ ସ୍ୱାସ୍ଥ୍ୟକର୍ମୀ ଏବଂ ଟିକା ନେଉଥିବା ବ୍ୟକ୍ତିମାନଙ୍କ ସହ ଆଲୋଚନା କରି ଧର୍ମେନ୍ଦ୍ର କହିଛନ୍ତି, ବିଶ୍ୱର ସର୍ବବୃହତ ମାଗଣା ଟିକାକରଣ ଅଭିଯାନ ସୋମବାର ଠାରୁ ଆରମ୍ଭ ହୋଇଥିବା ବେଳେ ନାଗରିକମାନଙ୍କ ମଧ୍ୟରେ ଟିକା ନେବା ପାଇଁ ବହୁତ ଉତ୍ସାହ ଦେଖାଯାଇଛି।

ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଭାରତ ସରକାର ୧୮ ବର୍ଷରୁ ଉର୍ଦ୍ଧ୍ୱ ସମସ୍ତଙ୍କୁ ମାଗଣାରେ ଟିକା ଦେବାର ବ୍ୟବସ୍ଥା କରିଛନ୍ତି। ଭାରତର ସବୁ ନାଗରିକଙ୍କୁ ମାଗଣାରେ ଆରମ୍ଭ ହୋଇଥିବା ଏହି ଟିକା ଅଭିଯାନରେ ସହଯୋଗ କରିବା ସହ ଶୃଙ୍ଖଳାର ସହ କୋଭିଡ୍ ନିୟମ ମାନି ଟିକା ନେବାକୁ ଧର୍ମେନ୍ଦ୍ର ପରାମର୍ଶ ଦେଇଛନ୍ତି। ସେହିପରି ଦେଶର ପ୍ରତ୍ୟେକ ନାଗରିକଙ୍କୁ ଟିକା ନେବା ପାଇଁ ଅନୁରୋଧ କରିଛନ୍ତି କେନ୍ଦ୍ରମନ୍ତ୍ରୀ। 

ସୁସ୍ଥ ଜୀବନଯାପନ ପାଇଁ ଯୋଗ ଗୁରୁତ୍ୱପୂର୍ଣ୍ଣ: ଧର୍ମେନ୍ଦ୍ର

ସୁସ୍ଥ ଜୀବନଯାପନ ପାଇଁ ପ୍ରତିଦିନ ଯୋଗ କରିବା ଗୁରୁତ୍ୱପୂର୍ଣ୍ଣ ଅଟେ। ବିଶେଷ ଭାବରେ ସାମ୍ପ୍ରତିକ ସମୟରେ ଯୁବଗୋଷ୍ଠୀମାନେ ଯୋଗ କରିବା ପାଇଁ ଆଗେଇ ଆସିବା ଦରକାର ବୋଲି ସୋମବାର ଅନ୍ତର୍ଜାତୀୟ ଯୋଗ ଦିବସ ଅବସରରେ ଟ୍ୱିଟ୍ ଯୋଗେ ଆହ୍ୱାନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଧର୍ମେନ୍ଦ୍ର ଘରେ ରହି ଯୋଗ କରିବା ସହ ଦେଶବାସୀଙ୍କୁ ଯୋଗ ଦିବସର ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି ଯେ, ପ୍ରତିଦିନ ସକାଳେ ଯୋଗ କରିବା ଦ୍ୱାରା ଶରୀର ଓ ମନ ପ୍ରଫୁଲ୍ଲିତ ରୁହେ। ଯୋଗର ଅର୍ଥ ହେଉଛି ଶରୀର, ମସ୍ତିଷ୍କ ଏବଂ ଆତ୍ମାର ମିଳନ, ଯାହା ଜୀବନର ଆଦର୍ଶ ଅଟେ। ଯୋଗ ଆମକୁ ଚେତନାସ୍ତରକୁ ନେଇପାରେ। ସାମର୍ଥ୍ୟ ହାସଲ କରିବାକୁ ଆଗେଇ ନେଇପାରେ। ଆମକୁ ସୁସ୍ଥତା, ସୁଖ ଓ ପୂର୍ଣ୍ଣତା ଦେଇପାରେ ବୋଲି କେନ୍ଦ୍ରମନ୍ତ୍ରୀ କହିଛନ୍ତି।

ଆଜି ରୁକ୍ମଣୀ ହରଣ ଏକାଦଶୀ : ଶ୍ରୀମନ୍ଦିରରେ ମହାପ୍ରଭୁଙ୍କ ବିବାହ ଉତ୍ସବ ନୀତି

ଆଜି ପବିତ୍ର ରୁକ୍ମଣୀ ହରଣ ଏକାଦଶୀ । ଆଜିର ଦିନରେ ପୁରୀ ଶ୍ରୀମନ୍ଦିରରେ ମହାପ୍ରଭୁଙ୍କ ବିବାହ ଉତ୍ସବ ଅନୁଷ୍ଠିତ ହୋଇଥାଏ । ମାନବିୟ ଲିଳାର ଲିଳାମୟ ହେଉଛନ୍ତି କାଳିଆ ସାଆନ୍ତ । ସାଧାରଣ ମଣିଷଙ୍କ ଭଳି ଜଗତରନାଥ ଜଗନ୍ନାଥଙ୍କର ବି ରୀତିନୀତିରେ ବିବାହ ହୋଇଥାଏ । ମହାପ୍ରଭୁ ଶ୍ରୀଜଗନ୍ନାଥ ମାଆ ରୁକ୍ମଣୀଙ୍କୁ ବିବାହ କରିଥାନ୍ତି ।

ଆଜିର ଦିନରେ ମହାପ୍ରଭୁଙ୍କ ନିକଟରେ ସର୍ବାଧିକ ୪୪ଟି ନୀତି କରାଯାଇଥାଏ । ନୀତି ନିର୍ଘଣ୍ଟ ଆଳତୀ, ମଇଲମ, ଅବକାଶ ଆଦି ନୀତି ବଢି ଗୋପାଳବଲ୍ଲଭ, ସକାଳ ଧୂପ କରାଯିବା ପରେ ମହାଲକ୍ଷମୀ ମନ୍ଦିରକୁ ବିଜେ କରିଥାନ୍ତି । ସେପଟେ ଶ୍ରୀ ମଦନମୋହନ ଜୟବିଜୟ ଦ୍ୱାରକୁ ବିଜେ କରିବା ପରେ ବଚନିକା ଓ ଅନ୍ୟାନ୍ୟ ନିତୀ କରାଯାଇ ରଥକୁ ବିଜେ କରନ୍ତି । ଏହାପରେ ବିମଳାଙ୍କ ମନ୍ଦିରକୁ ମହାଲକ୍ଷମୀ ଅର୍ଥାତ ଶ୍ରୀଦେବୀ ବିଜେ କରନ୍ତି । ସେହିଠାରେ ରୁକ୍ମଣୀ ହରଣ ନିତୀ ସମ୍ପାଦନ ହୋଇଥାଏ । ସେଠାରୁ ଶ୍ରୀମଦନମୋହନ ଓ ଶ୍ରୀଦେବୀ ବିବାହ ମଣ୍ଡପକୁ ବିଜେ କରନ୍ତି । ପରେ ମହାପ୍ରଭୁ ଜଳକ୍ରୀଡାକୁ ବିଜେ କରନ୍ତି । ଜଳକ୍ରୀଡା ପରେ ମଧ୍ୟାନ୍ନ ଧୂପ, ରାତିରେ ସଂଧ୍ୟା ଧୂପ କରାଯିବା ପରେ ମହାପ୍ରଭୁଙ୍କ ବିବାହ ନୀତି ଅନୁଷ୍ଠିତ ହୋଇଥାଏ ।

ରହିବା ପାଇଁ ସବୁଠାରୁ ଅନୁକୂଳ ରାଜଧାନୀ ତାଲିକାରେ ଚତୁର୍ଥ ସ୍ଥାନରେ ଭୁବନେଶ୍ୱର

ରହିବା ପାଇଁ ସବୁଠାରୁ ଅନୁକୂଳ ରାଜଧାନୀ ତାଲିକାରେ ଭୁବନେଶ୍ୱର ସ୍ଥାନ ପାଇଛି। ଦେଶରେ ରହିବା ପାଇଁ ସବୁଠାରୁ ଅନୁକୂଳ ରାଜଧାନୀର ଟପ୍ ଟେନରେ ଭୁବନେଶ୍ୱର ଚତୁର୍ଥ ସ୍ଥାନରେ ରହିଛି। ପ୍ରଥମ ସ୍ଥାନରେ ବେଙ୍ଗାଲୁରୁ ଥିବାବେଳେ ଦ୍ୱିତୀୟ ସ୍ଥାନରେ ଚେନ୍ନାଇ, ତୃତୀୟ ସ୍ଥାନରେ ସିମଲା ରହିଛି। ସେଣ୍ଟର୍ ଫର୍ ସାଇନ୍ସ ଆଣ୍ଡ ଏନଭାୟର୍ନମେଣ୍ଟ (ସିଏସଇ) ପକ୍ଷରୁ କରାଯାଇଥିବା ନାଗରିକ ଅନୁଭୂତି ସର୍ଭେରେ ଭୁବନେଶ୍ବରକୁ ସର୍ବାଧିକ ୯୪.୮ ପ୍ରତିଶତ ସ୍କୋର କରିଥିବାବେଳେ ଉତ୍କୃଷ୍ଟ ଜୀବନଧାରଣର ସୂଚୀ କ୍ଷେତ୍ରରେ ଭୁବନେଶ୍ବରକୁ ୧୦୦ରୁ ୫୯.୮୫ ମାର୍କ ମିଳିଛି ଏବଂ ସହଜ ଜୀବନଧାରଣ ସୂଚକାଙ୍କରେ ଚତୁର୍ଥ ସ୍ଥାନ ହାସ କରିଛି। ଏହା ଫଳରେ ଭୁବନେଶ୍ବରରେ ରହିବା ପାଇଁ ସବୁଠାରୁ ଅନୁକୂଳ ସ୍ଥାନ ଭାବେ ବିବେଚନା କରାଯାଇଛି। ଏହି ତାଲିକାରେ ଭୁବନେଶ୍ୱର ଚତୁର୍ଥ ସ୍ଥାନରେ ଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସନ୍ତୋଷ ପ୍ରକାଶ କରିଛନ୍ତି ।

କରୋନା ଯୁଦ୍ଧରେ ହାରିଗଲେ ସୁନାମଧନ୍ୟ କଣ୍ଠଶିଳ୍ପୀ ତପୁ ମିଶ୍ର

ଲୋକପ୍ରିୟ ଓଡ଼ିଆ କଣ୍ଠଶିଳ୍ପୀ ତପୁ ମିଶ୍ରଙ୍କ ପରଲୋକ। କୋରୋନା ପରବର୍ତ୍ତୀ ସ୍ୱାସ୍ଥ୍ୟଗତ ଜଟିଳତା ଦେଖାଦେବାରୁ ଗୁରୁତର ହୋଇ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଶନିବାର ରାତି ୧୧ଟାରେ ତାଙ୍କର ପରଲୋକ ହୋଇଯାଇଛି। ଆଧୁନିକ ଓଡ଼ିଆ ସଙ୍ଗୀତ ଜଗତରେ ଜଣାଶୁଣା ନାଁ ଥିଲେ ତପୁ ମିଶ୍ର। ଦୀର୍ଘ ଦୁଇ ଦଶନ୍ଧି ଧରି ସେ ଓଡ଼ିଆ ଦର୍ଶକ ଓ ଶ୍ରୋତାଙ୍କୁ ଦେଇଛନ୍ତି ବହୁ ହିଟ୍ ଗୀତ। ଆଇ ଲଭ ୟୁ, ଚକୋଲେଟ୍ ଭଳି ସୁପରହିଟ ଫିଲ୍ମରେ ସେ କଣ୍ଠଦାନ କରିଥିଲେ। ତାଙ୍କ ବିୟୋଗରେ ଏବେ ଓଲିଉଡ୍ ଜଗତରେ ଶୋକର ଛାୟା ଖେଳିଯାଇଛି।

ଜଣେ ଭର୍ସାଟାଇଲ ଫିମେଲ୍ ପ୍ଲେବ୍ୟାକ୍& ସିଙ୍ଗର ଭାବେ ସେ ହାତେଇଛନ୍ତି ବହୁ ପ୍ରଶଂସା। ଯେତେବେଳେ ମୁମ୍ବାଇ ଓ କୋଲକାତାରୁ ସିଙ୍ଗରମାନେ ଆସି ଓଡ଼ିଆ ଗୀତ ଗାଉଥିଲେ, ସେତେବେଳେ ତପୁ ଫିଲ୍ମ ଇଣ୍ଡଷ୍ଟ୍ରିରେ ରଖିଥିଲେ ପାଦ। ପନ୍ଦର ବର୍ଷ ହୋଇଥିବା ବେଳେ ତପୁ ଆରମ୍ଭ କରିଥିଲେ କ୍ୟାରିଅର୍। ରଙ୍ଗବତୀ ଗୀତର ଗୁରୁ ପ୍ରଭୁଦତ୍ତ ପ୍ରଧାନ ଓ ଜ୍ଞାନ ରଞ୍ଜନ ମହାପାତ୍ରଙ୍କ ଠାରୁ କ୍ଲାସିକାଲ୍ ଗୀତ ଶିକ୍ଷା କରିଛନ୍ତି ତପୁ ମିଶ୍ର। ଏହାପରେ ବିଶିଷ୍ଟ ଗୀତିକାର, ନିର୍ଦେଶକ ସ୍ୱରୂପ ନାୟକ ତାଙ୍କୁ ଓଲିଉଡରେ ବ୍ରେକ ଦେଇଥିଲେ। ପାଖାପାଖି ୨୦୦ ଚଳଚ୍ଚିତ୍ରରେ ଗୀତ ଗାଇଥିବା ଏହି କଣ୍ଠଶିଳ୍ପୀ ୨୦୦୩ ମସିହାରେ କୁଳନନ୍ଦନ ଚଳଚ୍ଚିତ୍ରରୁ ତାଙ୍କ ସଙ୍ଗୀତ ଯାତ୍ରା ଆରମ୍ଭ କରିଥିଲେ।

୩ ଓଡ଼ିଆଙ୍କୁ ଟୋକିଓ ଟିକେଟ୍: ୪ ନିରାଶ

ଜୁଲାଇ ୨୩ରୁ ଅଗଷ୍ଟ ୮ ପର୍ଯ୍ୟନ୍ତ ହେବାକୁ ଥିବା ଟୋକିଓ ଅଲିମ୍ପିକ୍ସ ପାଇଁ ଘୋଷଣା ହୋଇଛି ଉଭୟ ଭାରତୀୟ ମହିଳା ଓ ପୁରୁଷ ହକି ଟିମ୍। ମହିଳା ହକି ଟିମରେ ଫରୱାର୍ଡ ଦୀପ୍ ଗ୍ରେସ୍ ଏକ୍କାଙ୍କୁ ସ୍ଥାନ ମିଳିଥିବା ବେଳେ ପୁରୁଷ ଟିମରେ ସ୍ଥାନ ପାଇଛନ୍ତି ବୀରେନ୍ଦ୍ର ଲାକ୍ରା ଓ ଅମିତ ରୋହିଦାସ। ତେବେ ହକି ଇଣ୍ଡିଆ ପକ୍ଷରୁ ଆୟୋଜିତ ହୋଇଥିବା କ୍ୟାମ୍ପରେ ମୋଟ ୭ ଜଣ ଓଡ଼ିଶା ଖେଳାଳୀ ଭାଗ ନେଇଥିଲେ। ତନ୍ମଧ୍ୟରୁ ୩ ଜଣ ଖେଳାଳୀ ଚୂଡ଼ାନ୍ତ ତାଲିକାରେ ସ୍ଥାନ ପାଇଥିବାବେଳେ ୪ ଜଣଙ୍କୁ ନିରାଶ ହେବାକୁ ପଡ଼ିଛି। ମହିଳା ଦଳରୁ ଲିଲିମା ମିଞ୍ଜ, ନମିତା ଟପ୍ପୋ ଓ ରଶ୍ମୀତା ମିଞ୍ଜ୍ ବାଦ୍ ପଡ଼ିଥିବା ବେଳେ ପୁରୁଷ ଦଳରୁ ବାଦ୍ ପଡ଼ିଛନ୍ତି ଶୀଳାନନ୍ଦ ଲାକ୍ରା। ଯାହାକୁ ନେଇ ଓଡ଼ିଆ ହକି ପ୍ରେମୀଙ୍କ ମଧ୍ୟରେ ନୈରାଶ୍ୟ ଖେଳିଯାଇଛି। କ୍ରମାଗତ ଭଲ ପ୍ରଦର୍ଶନ କରି ଆସୁଥିବା ଲିଲିମା ମିଞ୍ଜ୍ ଓ ନମିତା ଟପ୍ପୋଙ୍କୁ ଅଣଦେଖା କରାଯିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ତେବେ ୩ ଜଣ ଓଡ଼ିଆ ଖେଳାଳୀଙ୍କୁ ଅଲିମ୍ପିକ ଟିକେଟ ମିଳିଥିବାରୁ ଏକ ପ୍ରକାର ସନ୍ତୋଷ ମଧ୍ୟ ମିଳିଛି। ବିଶେଷ କରି ସୁନ୍ଦରଗଡ଼ ଜିଲ୍ଲାରେ ଖୁସିର ଲହରୀ ଖେଳିଯାଇଛି।

ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ

ବହୁ ବାଦ ବିବାଦ ଓ ବିରୋଧର ସ୍ବର ଉଠିବା ପରେ ୟୁ ଟର୍ଣ୍ଣ ନେଇଛି ହକି ଇଣ୍ଡିଆ। ସପ୍ତାହକ ଭିତରେ ଓଡ଼ିଶା ଆଡହକ୍ ସମିତିର ଅଧ୍ୟକ୍ଷଙ୍କୁ ବଦଳାଇବାକୁ ବାଧ୍ୟ ହୋଇଛି। ଶେଷରେ ସଦସ୍ୟ ରହିଥିବା ଭାରତୀୟ ହକି ଦଳର ପୂର୍ବତନ ଅଧିନାୟକ ଅଲିମ୍ପିଆନ ପଦ୍ମଶ୍ରୀ ଦିଲୀପ ତିର୍କୀଙ୍କୁ ଆଡହକ କମିଟିର ଅଧ୍ୟକ୍ଷ ଭାବେ ନିଯୁକ୍ତ କରିଛି ହକି ଇଣ୍ଡିଆ। ସେହିପରି ଅଧ୍ୟକ୍ଷ ଭାବେ ନିଯୁକ୍ତ ହୋଇଥିବା ହକି ଇଣ୍ଡିଆର ଉପସଭାପତି ତଥା ଝାଡ଼ଖଣ୍ଡର ଭୋଳାନାଥ ସିଂଙ୍କୁ ସଦସ୍ୟ ଭାବେ ରଖାଯାଇଛି। ସେହିପରି କମିଟିର ଆବାହକ ଭାବେ ରାଜ୍ୟ କ୍ରୀଡ଼ା ବିଭାଗର ଉପ ସଚିବ ଶୈଳେନ୍ଦ୍ର ଜେନା ରହିଥିବାବେଳେ ଅନୁ ସଚିବ ରାଜେନ୍ଦ୍ର ପାଣି, ଓଡ଼ିଶା ଅଲିମ୍ପିକସ ଆସୋସିଏସନ ପକ୍ଷରୁ ଅଧିପ ଦାସ ସଦସ୍ୟ ରହିଛନ୍ତି।

ସୂଚନାଯୋଗ୍ୟ, ହକି ଇଣ୍ଡିଆ କିଛି ଦିନ ତଳେ ଓଡ଼ିଶା ଆଡହକ୍ କମିଟିର ଅଧ୍ୟକ୍ଷ ଭାବେ ହକି ଇଣ୍ଡିଆର ଉପସଭାପତି ଭୋଳାନାଥ ସିଂହଙ୍କୁ ନିଯୁକ୍ତ କରିଥିଲା। ଅନ୍ୟପଟେ ଦିଲ୍ଲୀପ ତିର୍କୀଙ୍କୁ କେବଳ କମିଟିର ସଦସ୍ୟ କରିଥିଲା। ଯାହା ପରେ ଏହାକୁ ନେଇ ଅନେକ ବିବାଦ ଦେଖା ଦେଇଥିଲା।

ଘୋଡ଼ା ମୂର୍ତ୍ତି ସ୍ଥାନାନ୍ତରକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନାପସନ୍ଦ

ରାଜଧାନୀ ଭୁବନେଶ୍ୱରର ମାଷ୍ଟର କ୍ୟାଣ୍ଟିନ୍ ଛକରେ ଦଣ୍ଡାୟମାନ ରହିଛି ଐତିହ୍ୟ ଘୋଡ଼ା ଓ ଯୋଦ୍ଧା ସ୍ଥାପତ୍ୟ। ୧୯୮୮ରୁ ଆଜି ପର୍ଯ୍ୟନ୍ତ ଭୁବନେଶ୍ବର ମାଷ୍ଟର କ୍ୟାଣ୍ଟିନ୍ ଛକ ଛାତି ଉପରେ ଠିଆ ହୋଇଛି ବିଶିଷ୍ଟ ସ୍ଥପତି ସ୍ବର୍ଗତ ରଘୁନାଥ ମହାପାତ୍ରଙ୍କ ନିଖୁଣ କୀର୍ତ୍ତି ଐତିହ୍ୟ ଘୋଡ଼ା। ଯାହା ଭୁବନେଶ୍ବରର ପରିଚୟ ପାଲଟିଛି। ତେବେ ଏହି ସ୍ଥାପତ୍ୟକୁ ଏବେ ରାଜଭବନ ଛକସ୍ଥିତ ମଧୁବାବୁଙ୍କ ପ୍ରତିମୂର୍ତ୍ତି ନିକଟକୁ ସ୍ଥାନାନ୍ତର କରିବାକୁ ନିଷ୍ପତ୍ତି ନିଆଯାଇଛି। ସ୍ମାର୍ଟସିଟି ଯୋଜନାକୁ କାର୍ଯ୍ୟକାରୀ କରିବା ପାଇଁ ଭୁବନେଶ୍ୱର ସ୍ମାର୍ଟ ସିଟି ଲିମିଟେଡ୍ ପକ୍ଷରୁ ଚିଠି ଲେଖାଯିବା ପରେ ସଂସ୍କୃତି ବିଭାଗ, ବିଏମସି ଓ ବିଡିଏର ମିଳିତ ସହଯୋଗରେ ଏହାକୁ ସ୍ଥାନାନ୍ତର କରାଯିବା ପାଇଁ ସ୍ଥିର ହୋଇଛି। ଯାହାକୁ ନେଇ ଏବେ ଦେଖାଦେଇଛି ଅସନ୍ତୋଷ। ତେଜିବାରେ ଲାଗିଛି ରାଜନୀତି। ଘୋଡ଼ାକୁ ରାଜଭବନ ସମ୍ମୁଖକୁ ହଟାଇବା ପାଇଁ ନିଷ୍ପତ୍ତି ନିଆଯିବା ଜଣାପଡ଼ିବା ପରେ ଉଭୟ କଂଗ୍ରେସ ଓ ବିଜେପି ଘୋଡ଼ାକୁ ସେହି ସ୍ଥାନରେ ରଖିବାପାଇଁ ଅଣ୍ଟା ଭିଡ଼ିଛନ୍ତି। ଉଭୟ ଦଳ ଏହି ପ୍ରସଙ୍ଗରେ ସରକାରଙ୍କୁ କଡ଼ା ସମାଲୋଚନା କରିବା ସହ ଜନ ଆନ୍ଦୋଳନ କରାଯିବ ବୋଲି ଧମକ ଦେଇଛନ୍ତି।

ଆଖିବୁଜିଲେ କିଂବଦନ୍ତି ଧାବକ ମିଲଖା ସିଂହ

ଭାରତୀୟ ଦୌଡ଼କୁଦ ଜଗତର କିମ୍ବଦନ୍ତୀ ପୁରୁଷ ମିଲଖା ସିଂହଙ୍କ ପରଲୋକ ଘଟିଛି, ସେ କରୋନା ପରବର୍ତ୍ତୀ ଜଟିଳତାରେ ପୀଡିତ ଥିଲେ ଓ ହସ୍ପିଟାଲରେ ଚିକିତ୍ସିତ ହେଉଥିଲେ। ମୃତ୍ୟୁ ବେଳକୁ ତାଙ୍କୁ ୯୧ ବର୍ଷ ବୟସ ହୋଇଥିଲା।

କିଂବଦନ୍ତି ଆଥଲେଟ୍ ମିଲଖା ସିଂହ ଦେଶ ବିଭାଜନ ପୂର୍ବରୁ ୧୯୨୮ ମସିହା ନଭେମ୍ବର ୩୦ରେ ବର୍ତ୍ତମାନର ପାକିସ୍ତାନରେ ଥିବା ଗୋବିନ୍ଦପୁରାରେ ଜନ୍ମ ନେଇଥିଲେ। ସେ ଥିଲେ ୪ ଥର ଏସୀୟ କ୍ରୀଡ଼ା ସ୍ବର୍ଣ୍ଣ ପଦକ ବିଜେତା। ୧୯୫୮ ରାଜ୍ୟଗୋଷ୍ଠୀ କ୍ରୀଡ଼ାରେ ପ୍ରଥମ ଭାରତୀୟ ଭାବେ ସେ ଡିସକାସ୍ ଥ୍ରୋରେ ସ୍ବର୍ଣ୍ଣ ପଦକ ଜିତିବା ସହ ଯେଉଁ କୀର୍ତ୍ତିମାନ ସ୍ଥାପନ କରିଥିଲେ, ତାହା ୫୦ ବର୍ଷ ପର୍ଯ୍ୟନ୍ତ ଅକ୍ଷୁଣ୍ଣ ଥିଲା। ଏହା ବ୍ୟତୀତ ୪୦୦ ମିଟର ଫାଇନାଲରେ ସେ ଦକ୍ଷିଣ ଆଫ୍ରିକାର ମାଲକମ୍ ସ୍ପେନ୍ସଙ୍କୁ ପଛରେ ପକାଇ ବିଜେତା ହୋଇଥିଲେ। ରାଜ୍ୟଗୋଷ୍ଠୀ କ୍ରୀଡ଼ାରେ ଏହି ସ୍ବର୍ଣ୍ଣିମ ସଫଳତା ତାଙ୍କୁ ଦେଶର ଘରେ ଘରେ ପରିଚିତ କରିଥିଲା। ଏହାସତ୍ତ୍ବେ  ରୋମ୍ ଅଲିମ୍ପିକ୍ସରେ ୪୦୦ ମିଟର ଫାଇନାଲରେ ଚତୁର୍ଥ ସ୍ଥାନ ବ୍ୟକ୍ତିଗତ ଭାବେ ତାଙ୍କର ଶ୍ରେଷ୍ଠ ପ୍ରଦର୍ଶନ ଥିଲା। ସେ ମଧ୍ୟ ୧୯୫୬ ଓ ୧୯୬୪ ଅଲିମ୍ପିକ୍ସରେ ଭାରତର ପ୍ରତିନିଧିତ୍ବ କରିଥିଲେ। ୧୯୫୯ରେ ତାଙ୍କୁ ପଦ୍ମଶ୍ରୀ ସମ୍ମାନ ମିଳିଥିଲା।

ଟୋକିଓ ଅଲିମ୍ପିକ୍ସ ପାଇଁ ଭାରତୀୟ ପୁରୁଷ ହକି ଟିମ୍ ରେ ଓଡ଼ିଶାରୁ ଅମିତ ରୋହିଦାସ ଓ ବୀରେନ୍ଦ୍ର ଲାକ୍ରା

ଟୋକିଓ ଅଲମ୍ପିକ୍ସ ପାଇଁ ଦୁଇ ଜଣ ଓଡ଼ିଆ ଭାରତୀୟ ପୁରୁଷ ହକି ଟିମ ରେ ସ୍ଥାନ ପକ୍କା ପାଇଛନ୍ତି। ଟୋକିଓ ଅଲମ୍ପିକ୍ସ ପାଇଁ ୧୬ ଜଣିଆ ଭାରତୀୟ ପୁରୁଷ ହକି ଦଳରେ ସାମିଲ ହୋଇଛନ୍ତି ଓଡିଶାର ଦୁଇ ହକି ତାରକା ବୀରେନ୍ଦ୍ର ଲାକ୍ରା ଓ ଅମିତ ରୋହିଦାସ । ଏନେଇ ହକି ଇଣ୍ଡିଆ ଘୋଷଣା କରିଛି। ଗତକାଲି ମହିଳା ଦଳରେ ଓଡ଼ିଆ ଖେଳାଳି ଦୀପଗ୍ରେସ ଏକ୍କା ସାମିଲ ହୋଇଥିଲେ । ଏଥର ଟୋକିଓ ଅଲିମ୍ପିକ୍ସ ପାଇଁ ଉଭୟ ପୁରୁଷ ଓ ମହିଳା ହକି ଟିମରେ ସ୍ଥାନ ପାଇଛନ୍ତି ତିନି ଜଣ ଓଡ଼ିଆ ଖେଳାଳି ।

ଟୋକିଓ ଅଲିମ୍ପିକ ଖେଳିବେ ଓଡ଼ିଆ ଝିଅ ଦୀପ୍ ଗ୍ରେସ୍ ଏକ୍କା

ଟୋକିଓ ଅଲିମ୍ପିକ୍ସ ପାଇଁ ହକି ଇଣ୍ଡିଆ ପକ୍ଷରୁ ଗୁରୁବାର ୧୬ ଜଣିଆ ଭାରତୀୟ ମହିଳା ହକି ଦଳ ଘୋଷଣା କରାଯାଇଛି। ଏହି ଦଳରେ ଏକମାତ୍ର ଓଡ଼ିଆ ଭାବେ ଫରୱାର୍ଡ ଦୀପ୍ ଗ୍ରେସ୍ ଏକ୍କାଙ୍କୁ ମିଳିଛି ଅଲିମ୍ପିକ ଟିକେଟ୍। ଦ୍ୱିତୀୟ ଥର ହକି ବିଶ୍ୱକପ ଆୟୋଜନ କରିବାକୁ ଯାଉଥିବା ଓଡ଼ିଶାରୁ ମାତ୍ର ଜଣେ ଖେଳାଳି ଦଳରେ ସ୍ଥାନ ପାଇବା ଓଡ଼ିଶା ହକି ପ୍ରେମୀଙ୍କୁ ନିରାଶ କରିଛି। ଭାରତୀୟ ମହିଳା ହକି ଦଳର ଡିଫେନ୍ସ କହିଲେ ଦୀପ୍ ଗ୍ରେସ୍ ଏକ୍କାଙ୍କୁ ହିଁ ବୁଝାଏ। ଦୀପ୍ ଗ୍ରେସଙ୍କ ଉପସ୍ଥିତି ଭାରତୀୟ ଡିଫେନ୍ସକୁ ଅଧିକ ଶକ୍ତିଶାଳୀ କରିଛି। ଦୀପ୍ ଗ୍ରେସ୍ ଜଣେ ଗୋଲକିପର ହେବାକୁ ଚାହୁଁଥିବା ବେଳେ ଡିଫେଣ୍ଡର୍ ଭାବେ କ୍ୟାରିୟର ଆରମ୍ଭ କରିଛନ୍ତି। ୨୦୧୧ରେ ଅନ୍ତର୍ଜାତୀୟ ଡେବ୍ୟୁ କରିଥିବା ଦୀପ୍ ଗ୍ରେସ୍ ଭାରତ ପକ୍ଷରୁ ୨୦୨ ମ୍ୟାଚ୍ ଖେଳି ୧୩ଟି ଗୋଲ୍ ଦେଇଛନ୍ତି।

ତାଙ୍କ ପ୍ରତିନିଧିତ୍ତ୍ବରେ ଭାରତ ଅଣ୍ଡର୍-୧୮ ଏସିଆ କପରେ ବ୍ରୋଞ୍ଜ ପଦକ ଜିତିଥିଲା। ୨୦୧୪ ଇଞ୍ଚିଅନ୍ ଏସୀୟ କ୍ରୀଡ଼ାରେ ବ୍ରୋଞ୍ଜ, ୨୦୧୮ ଜାକର୍ତ୍ତା ଏସୀୟ କ୍ରୀଡ଼ାରେ ରୌପ୍ୟ, ୨୦୧୭ ଏସିଆ କପରେ ସ୍ବର୍ଣ୍ଣ ବିଜୟୀ ଭାରତୀୟ ଦଳର ସଦସ୍ୟା ଥିଲେ। ୨୦୧୬ ରିଓ ଅଲିମ୍ପିକସରେ ମଧ୍ୟ ସେ ଭାରତ ପକ୍ଷରୁ ପ୍ରତିନିଧିତ୍ତ୍ବ କରିଥିଲେ।

ଗଭୀର ମହାସାଗର ଅଭିଯାନ ନୀଳ ଅର୍ଥନୀତିକୁ ପ୍ରୋତ୍ସାହନ ଦେବା ସହ ଓଡ଼ିଶାକୁ ବିଶେଷ ଲାଭ ହେବ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବୁଧବାର ଅନୁଷ୍ଠିତ କ୍ୟାବିନେଟ୍ ବୈଠକରେ ଭୂପୃଷ୍ଠ ବିଜ୍ଞାନ ମନ୍ତ୍ରାଳୟ (ଏମଓଇଏସ୍)ର ପ୍ରସ୍ତାବିତ ଗଭୀର ମହାସାଗର ଅଭିଯାନ ପାଇଁ ୪ ହଜାର ୭୭ କୋଟି ଟଙ୍କା ଅନୁମୋଦନ ଦେଇଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ୱିଟ୍ ଯୋଗେ ଧନ୍ୟବାଦ ଜଣାଇଛନ୍ତି।

ଗଭୀର ସମୁଦ୍ରରେ ଥିବା ସମ୍ବଳର ଅନ୍ୱେଷଣ କରିବା ପାଇଁ ଏବଂ ସମୁଦ୍ର ସମ୍ବଳର ସ୍ଥାୟୀ ଉପଯୋଗ କରିବା ନିମନ୍ତେ ଗଭୀର ସମୁଦ୍ର ଟେକ୍ନୋଲୋଜିକୁ ବିକଶିତ କରିବା ପାଇଁ ଏହି ଅଭିଯାନକୁ ମଞ୍ଜୁରୀ ଦିଆଯାଇଛି। ଏହି ପଦକ୍ଷେପ ନୀଳ ଅର୍ଥନୀତିକୁ ପ୍ରୋତ୍ସାହନ ଦେବା ସହ ଓଡ଼ିଶା ଭଳି ଉପକୂଳବର୍ତ୍ତୀ ରାଜ୍ୟକୁ ଅଧିକ ଲାଭଦାୟକ ହେବ ବୋଲି ଧର୍ମେନ୍ଦ୍ର କହିଛନ୍ତି।

ବିନା ଭକ୍ତରେ ସ୍ନାନ ପୂର୍ଣ୍ଣିମା: ଜୁଲାଇ ୨୫ ପର୍ଯ୍ୟନ୍ତ ଶ୍ରୀମନ୍ଦିରରେ ଦର୍ଶନ ବନ୍ଦ

ଚଳିତ ମାସ ୨୪ ତାରିଖରେ ଅନୁଷ୍ଠିତ ହେବ ଦେବସ୍ନାନ ପୂର୍ଣ୍ଣିମା। ୧୦୮ ଗରା ସୁବାସିତ ଜଳରେ ସ୍ନାନ କରିବେ ମହାପ୍ରଭୁ। କିନ୍ତୁ ମହାବାହୁଙ୍କ ଏହି ଅପୂର୍ବ ଦୃଶ୍ୟ ଦେଖିବାକୁ ପାଇପାରିବେନି ସାଧାରଣ ଭକ୍ତ। ଗତବର୍ଷ ପରି ଚଳିତ ବର୍ଷ ମଧ୍ୟ ଶ୍ରୀଜୀଉଙ୍କ ସ୍ନାନ ପୂର୍ଣ୍ଣିମା ବିନା ଭକ୍ତରେ ଅନୁଷ୍ଠିତ ହେବ। କୋରୋନା କଟକଣା ପାଇଁ ଏଥର ଦେବସ୍ନାନ ପୂର୍ଣ୍ଣିମାକୁ ବିନା ଭକ୍ତରେ ଆୟୋଜନ କରିବାକୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ନିଷ୍ପତ୍ତି ହୋଇଛି। ସେହିପରି ଆସନ୍ତା ଜୁଲାଇ ୨୫ ତାରିଖ ପର୍ଯ୍ୟନ୍ତ ଶ୍ରଦ୍ଧାଳୁମାନଙ୍କ ପାଇଁ ଶ୍ରୀମନ୍ଦିର ବନ୍ଦ ରହିବ ବୋଲି ନିଷ୍ପତ୍ତି ହୋଇଛି। ଏନେଇ ବୁଧବାର ଶ୍ରୀମନ୍ଦିର ପ୍ରଶାସନ ଓ ଦଇତାପତି ନିଯୋଗ ମଧ୍ୟରେ ବୈଠକ ବସିଥିବା ବେଳେ ଶୃଙ୍ଖଳିତ ସ୍ନାନଯାତ୍ରା ନେଇ ଆଲୋଚନା ହୋଇଛି। ତେବେ ୨ରୁ ୩ ଦିନ ଭିତରେ ଛତିଶା ନିଯୋଗ ବୈଠକ କରାଯାଇ ଦେବସ୍ନାନ ପୂର୍ଣ୍ଣିମା ନେଇ ଚୂଡ଼ାନ୍ତ ନୀତି ନିର୍ଘଣ୍ଟ ପ୍ରସ୍ତୁତି ହେବ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି।

ସରିଲା ରଜ ମଉଜ: ଆଜି ପବିତ୍ର ବସୁମତୀ ସ୍ନାନ

ରଜ ଓଡ଼ିଶାର ଏକ ମହାନ ଗଣପର୍ବ। ସାଧାରଣତଃ ୫ ଦିନ ଧରି ପାଳିତ ହେଉଥିବା ଏହି ପର୍ବର ଶେଷ ଦିନକୁ ବସୁମତୀ ସ୍ନାନ କୁହାଯାଏ। ବିଶ୍ୱାସ ରହିଛି, ରଜ ତିନିଦିନ ରଜବତୀ ଥିବା ଧରିତ୍ରୀ ମାଆ ଏହି ସମୟରେ ବିଶ୍ରାମ କରିଥାନ୍ତି। ରଜରେ କୌଣସି ବି କୃଷି କାର୍ଯ୍ୟ କରାଯାଏ ନାହିଁ। ୫ମ ଦିନ ରଜରେ ସୂର୍ଯ୍ୟୋଦୟ ସଙ୍ଗେ ସଙ୍ଗେ ବସୁମତୀ ସ୍ନାନ କରାଯାଏ। ଏହାପରେ ସକଳ ଶୁଭ କାମ ଆରମ୍ଭ ହୋଇଥାଏ।

ବସୁମତୀ ସ୍ନାନ ବିଧି ମୁତାବକ ପାଳନ କରାଯାଇଥାଏ। ଏହାକୁ ଆମେ ମହାଲକ୍ଷ୍ମୀ ସ୍ନାନ ବୋଲି ମଧ୍ୟ କହିଥାଉ। ଏହି ଦିନ ଘରର ମହିଳାମାନେ ମୁଣ୍ଡ ଧୋଇ ଗାଧୋଇ ବସୁମତୀ ସ୍ନାନ କରେଇ ଥାନ୍ତି ଏବଂ ମହାଲକ୍ଷ୍ମୀଙ୍କୁ ପୂଜା କରିଥାନ୍ତି।ସରିଲା ରଜ ମଉଜ: ଆଜି ପବିତ୍ର ବସୁମତୀ ସ୍ନାନ

ବିଶ୍ବର ଶ୍ରେଷ୍ଠ ୫୦ ସହର ମଧ୍ୟରେ ରାଉରକେଲା

ବ୍ଲୁମବର୍ଗ-୨୦୨୧ ଗ୍ଲୋବାଲ୍ ମେୟର୍ସ ଚ୍ୟାଲେଞ୍ଜ ଅନ୍ତର୍ଜାତୀୟ ପ୍ରତିଯୋଗିତାରେ ଭାଗ ନେଇ ସ୍ମାର୍ଟ ସିଟି ରାଉରକେଲା ଚୂଡ଼ାନ୍ତ ପର୍ଯ୍ୟାୟ ବା ଫାଇନାଲକୁ ମନୋନୀତ ହୋଇଛି। ଫଳରେ ଏହି କାର୍ଯ୍ୟକ୍ରମ ଅଧୀନରେ ବିଶ୍ୱର ୫୦ଟି ପ୍ରମୁଖ ସହର ମଧ୍ୟରେ ରାଉରକେଲା ସ୍ଥାନ ପାଇଛି। ଏହି ବିଶ୍ୱସ୍ତରୀୟ ପ୍ରତିଯୋଗିତାରେ ଚଳିତ ବର୍ଷ ୯୯ଟି ଦେଶ ଭାଗ ନେଇଥିଲେ। କୋଭିଡ୍ ମହାମାରୀ ଭଳି ଏକ ଜଟିଳ ସମୟରେ ଅର୍ଥନୈତିକ ପୁନରୁଦ୍ଧାର ଏବଂ ସାମଗ୍ରିକ ଅଭିବୃଦ୍ଧି, ସ୍ବାସ୍ଥ୍ୟ ଏବଂ ଜନକଲ୍ୟାଣ, ଜଳବାୟୁ ଓ ପରିବେଶ, ଉତ୍ତମ ଶାସନ ଓ ସମାନତା ଆଦି ବିଷୟକୁ ଆଧାର କରି ଆସିଥିବା ୬୩୦ଟି ପ୍ରସ୍ତାବକୁ ନେଇ ଏହି ପ୍ରତିଯୋଗିତା କରାଯାଇଥିଲା। ସେଥିମଧ୍ୟରୁ ଅଭିନବ ତଥା ଉଦ୍ଭାବନଶୀଳ ପ୍ରକଳ୍ପ ପ୍ରସ୍ତାବ ଲାଗି ଓଡ଼ିଶାର ରାଉରକେଲା ଓ ମହାରାଷ୍ଟ୍ରର ପୁଣେ ସମେତ ୫୦ଟି ସହର ଫାଇନାଲିଷ୍ଟ ହୋଇପାରିଛନ୍ତି।

ରାଉରକେଲା ସହରରେ ସୌରଚାଳିତ ତଥା ଚଳମାନ ଶୀତଳଭଣ୍ଡାର ବ୍ୟବସ୍ଥା କରି ଲୋକଙ୍କ ପାଖରେ ତାଜା ପନିପରିବା ଓ ଫଳ ଆଦି ପହଞ୍ଚାଇବା ଏହି ପ୍ରକଳ୍ପର ମୂଳ ଲକ୍ଷ୍ୟ। ଏହା ମାଧ୍ୟମରେ ଚାଷୀ, କ୍ଷୁଦ୍ର ବ୍ୟବସାୟୀଙ୍କ ସହିତ ମହିଳା ସ୍ୱୟଂ ସହାୟକ ଗୋଷ୍ଠୀମାନଙ୍କର ଜୀବିକା ଓ ଆର୍ଥିକ ବିକାଶ ହୋଇପାରିବ।

ଜୁଲାଇ ପହିଲା ପର୍ଯ୍ୟନ୍ତ ରାଜ୍ୟରେ ଆଂଶିକ ଲକଡାଉନ ଲାଗୁ

ଓଡିଶାରେ ଆଂଶିକ କୋହଳ ହେଲା ତାଲାବନ୍ଦ କଟକଣା । ରାଜ୍ୟରେ ୨ ସପ୍ତାହ ପାଇଁ ଆଂଶିକ ଲକଡାଉନ ଘୋଷଣା । ରାଜ୍ୟରେ ଚତୁର୍ଥ ପର୍ଯ୍ୟାୟ ଲକଡାଉନ୍ ଜୁଲାଇ ୧ ତାରିଖ ପର୍ଯ୍ୟନ୍ତ ବଳବତ୍ତର ରହିବ। ଜୁଲାଇ ପହିଲା ପର୍ଯ୍ୟନ୍ତ ରାଜ୍ୟରେ ଲାଗୁ ହେବ ଆଂଶିକ ଲକଡାଉନ୍। ତେବେ ଚତୁର୍ଥ ପର୍ଯ୍ୟାୟ ଲକଡାଉନକୁ କୋହଳ କରିଛନ୍ତି ରାଜ୍ୟ ସରକାର। ରାଜ୍ୟକୁ ଦୁଇଟି ଭାଗରେ ବିଭକ୍ତ କରି ଅଲଗା ଅଲଗା କଟକଣା ଲଗାଇଛନ୍ତି। ରାଜ୍ୟର ସମସ୍ତ ଜିଲ୍ଲାକୁ ୨ଟି କ୍ୟାଟୋଗୋରୀରେ ବିଭକ୍ତ କରିଛନ୍ତି। ସଂକ୍ରମଣ ହାର ୫ ପ୍ରତିଶତରୁ କମ୍ ଥିବା ଦକ୍ଷିଣ ଓ ପଶ୍ଚିମ ଓଡ଼ିଶା ୧୭ ଜିଲ୍ଲାମାନଙ୍କୁ ଏ କ୍ୟାଟୋଗୋରୀରେ ରଖାଯାଇଥିବା ବେଳେ ଅନ୍ୟ ୧୩ଟି ଜିଲ୍ଲାକୁ ବି କ୍ୟାଟୋଗୋରୀରେ ରଖାଯାଇଛି। ସଂକ୍ରମଣ କମିଥିବା ୧୭ ଜିଲ୍ଲାରେ ସକାଳ ୬ଟାରୁ ସନ୍ଧ୍ୟା ୫ଟା ଯାଏ କୋହଳ ହୋଇଥିବା ବେଳେ ୧୩ ଜିଲ୍ଲାରେ ସକାଳ ୬ରୁ ଦିନ ୧ଟା ଯାଏ କଟକଣା କୋହଳ ହୋଇଛି। ସେହିପରି ସମସ୍ତ ଜିଲ୍ଲାରେ ଶପ୍ତାହାନ୍ତ ଶଟଡାଉନ୍ ଜାରି ରହିବ। ପୂର୍ବ ଭଳି ନାଇଟ୍ କର୍ଫ୍ୟୁ ବଳବତ୍ତର ରହିବ ବୋଲି ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ।

କଦଳୀ ଚାଷୀଙ୍କ ପାଇଁ ନୂଆ ସମ୍ଭାବନା

କଦଳୀ ପଟରୁ ଉନ୍ନତ ମାନର ଦଉଡ଼ି, ଆକର୍ଷଣୀୟ ମ୍ୟାଟ୍ ଓ ଡିସପୋଜେବୁଲ କପ୍ ପ୍ରଭୃତି ପ୍ରସ୍ତୁତ କରିବା କଦଳୀ ଚାଷୀମାନଙ୍କ ପାଇଁ ନୂଆ ସମ୍ଭାବନା ସୃଷ୍ଟି ହୋଇପାରିଛି। ଏହା ଉଦ୍ୟାନ କୃଷିକୁ ନେଇ ଏକ ଅର୍ଥନୈତିକ ବିପ୍ଳବ ଆଣିପାରିବ। ଏଥି ସହିତ କଦଳୀ ମଞ୍ଜାରୁ ଆଚାର ଏବଂ ପାମ୍ପଡ଼ ପ୍ରସ୍ତୁତ ହେବା ଭଳି ସୁଯୋଗ ସୃଷ୍ଟି ହୋଇଛି। ଆଚାର ଓ ପାମ୍ପଡ଼ ପ୍ରସ୍ତୁତ ପରେ ଅବଶିଷ୍ଟ ବର୍ଜ୍ୟରୁ ଉଦ୍ୟାନ ପାଇଁ ବ୍ୟବହୃତ ଯୋଗ୍ୟ ଜିଆ ଖତ (ଭର୍ମି-କମ୍ପୋଷ୍ଟ) ପ୍ରସ୍ତୁତ ହୋଇପାରୁଛି। ଏହାକୁ ସମ୍ଭବ କରି ପାରିଛନ୍ତି ସ୍ପୁର୍ତ୍ତି କ୍ଲଷ୍ଟରରେ କାର୍ଯ୍ୟରତ ଉଦ୍ୟୋଗ ଜୟଦେବ ବନାନା ଫାଇବର ଏକ୍ସଷ୍ଟ୍ରାକ୍ସନ୍। ଏହି ଉଦ୍ୟୋଗ ଖୋର୍ଦ୍ଧା ଜିଲ୍ଲାର ବାଲିପାଟଣାଠାରେ ପ୍ରତିଷ୍ଠା କରିଥିବା ଶିଳ୍ପାନୁଷ୍ଠାନରେ ଏହି ଉତ୍ପାଦଗୁଡ଼ିକ ଉତ୍ପାଦନ କରିବାକୁ ଯାଉଛି।

ଏହି ଧରଣର ଉତ୍ପାଦନ ଓଡ଼ିଶାରେ ପ୍ରଥମ ହେବ। ପୂର୍ବରୁ କଦଳୀ ଗଛରୁ କଦଳୀ ବାହାରିବା ପରେ ଗଛକୁ ସମ୍ପୂର୍ଣ୍ଣ ନଷ୍ଟ କରି ଦିଆଯାଉଥିଲା।

ପବିତ୍ର ଶୀତଳଷଷ୍ଠୀ ଯାତ୍ରାରେ ହାର୍ଦିକ ଶୁଭେଚ୍ଛା ଓ ଅଭିନନ୍ଦନ

ଜ୍ୟୈଷ୍ଠ ଶୁକ୍ଳ ପଞ୍ଚମୀ ତିଥିରେ ମା ପାର୍ବତୀ ଓ ଶିବ ଶଙ୍କରଙ୍କର ବିବାହ ଉତ୍ସବ ଏବଂ ତା ପରଦିନ ଶୀତଳଷଷ୍ଠୀ ଯାତ୍ରା ପାଳନ କରାଯାଏ । କିଛି ଭକ୍ତ ପାର୍ବତୀଙ୍କ ମା ବାପା ହୁଅନ୍ତି ଓ ଆଉ କିଛି ଭକ୍ତ ପ୍ରଭୁ ଶଙ୍କରଙ୍କର ହୋଇ ଉଭୟଙ୍କର ବିବାହକାର୍ଯ୍ୟ ସମାପନ କରନ୍ତି ।[ସାଧାରଣ ବାହାଘର ପରି ପାରମ୍ପରିକ ରୀତିରେ ପ୍ରଭୁ ଶଙ୍କରଙ୍କୁ ବରଯାତ୍ରୀଙ୍କ ସହିତ ବଡ଼ ଧୂମ୍​ଧାମ୍​ରେ ମା ପାର୍ବତୀଙ୍କ ଘରକୁ ନେଇ ବୈଦିକ ରୀତିରେ ବିବାହ କରାଯାଏ । ରଙ୍ଗବେରଙ୍ଗ ଚିତ୍ରରେ ସୁଶୋଭିତ ରଥରେ ଶିବ ଓ ମା ପାର୍ବତୀଙ୍କୁ ଅଣାଯାଏ । ମଧ୍ୟରାତ୍ରୀରୁ ଏଇ ପଟୁଆର ଆରମ୍ଭ ହୋଇ ପରଦିନ ଦ୍ୱିପ୍ରହର ବେଳକୁ ଶିବପାର୍ବତୀଙ୍କ ପୂଜାରେ ଶେଷହୁଏ । ଲୋକନାଥ ମନ୍ଦିର, ଲିଙ୍ଗରାଜ ମନ୍ଦିର ଓ ସମ୍ବଲପୁର ସହରର ଶିବ ମନ୍ଦିରମାନଙ୍କରେ ଏହା ବହୁ ଜାକଜମକରେ ପାଳନ କରାଯାଏ ।

ଭର୍ଚୁଆଲରେ ପାଳିତ ହେଲା ଲୋକକଳା ଦିବସ

ସୋମବାର ରାଜ୍ୟସ୍ତରରେ ତୃତୀୟ ଲୋକକଳା ଦିବସ ପାଳିତ ହୋଇଯାଇଛି।ଭର୍ଚୁଆଲ ମାଧ୍ୟମରେ ପାଳିତ ହୋଇଥିବା ଏହି କାର୍ଯ୍ୟକ୍ରମରେ କଳାହାଣ୍ଡିର ଘୁମୁରା, କୋରାପୁଟର ଢେମସା, ବରଗଡ଼ର ଡାଲଖାଇ, ଖୋର୍ଦ୍ଧାର ଘୋଡ଼ାନାଚ, ପଦ୍ମିନୀ ଦୋରାଙ୍କ ସମ୍ବଲପୁରୀ ଗୀତ ଓ ଗଞ୍ଜାମର ବାଘନାଚ ପରିବେଷଣ କରାଯାଇଥିଲା। ଏହି ଭର୍ଚୁଆଲ୍ ଉତ୍ସବରେ ରାଜ୍ୟର ପ୍ରାୟ ୩୦୦ ଜଣ କଳାକାର ସାମିଲ ହୋଇଥିଲେ। ଅନୁରୂପ କାର୍ଯ୍ୟକ୍ରମ ରାଜ୍ୟର ସମସ୍ତ ଜିଲ୍ଲାରେ ଜିଲ୍ଲାସ୍ତରରେ ଆୟୋଜନ ହୋଇଥିବା ଜଣାପଡ଼ିଛି। ପରେ ରାଜ୍ୟର କଳାକାରମାନଙ୍କ ଉଦ୍ଦେଶ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭିଡିଓ ବାର୍ତ୍ତା ଭର୍ଚୁଆଲ୍ ମାଧ୍ୟମରେ ପରିବେଷଣ କରାଯାଇଥିଲା। ୨୦୧୯ ମସିହାରେ ପ୍ରଥମ ଥର ପାଇଁ ଆୟୋଜିତ ଏହି ଉତ୍ସବ ଗତବର୍ଷ ଏବଂ ଚଳିତ ବର୍ଷ କୋଭିଡ୍ କଟକଣା ଯୋଗୁଁ ଭର୍ଚୁଆଲ୍ ଭାବେ ଜୁନ୍ ୧୪ ତାରିଖରେ ପାଳନ କରାଯାଉଛି।

ଜୁନ୍ ୧୬ରୁ ଖୋଲିବ ରାଜ୍ୟର ଐତିହ୍ୟସ୍ଥଳୀ

ଆସନ୍ତା ୧୬ ତାରିଖ ବୁଧବାରଠାରୁ ଖୋଲିବ ଓଡ଼ିଶା ସମେତ ଦେଶର ବିଭିନ୍ନ ସ୍ଥାନରେ ପ୍ରତ୍ନତତ୍ତ୍ବ ବିଭାଗ ଦ୍ବାରା ସଂରକ୍ଷିତ ଐତିହ୍ୟସ୍ଥଳୀ। କୋରୋନା ସଂକ୍ରମଣ ପାଇଁ ଗତ ଏପ୍ରିଲ୍ ୧୫ରୁ ରାଜ୍ୟର ପ୍ରମୁଖ ଐତିହ୍ୟସ୍ଥଳୀଗୁଡ଼ିକ ବନ୍ଦ କରି ରହିଛି। ତେବେ ଏସଆଇ ଅଧିନରେ ଥିବା ରାଜ୍ୟର ଐତିହ୍ୟସ୍ଥଳୀ ଖୋଲିବାକୁ ଥିଲେ ମଧ୍ୟ ରାଜ୍ୟ ସରକାରଙ୍କ ଦ୍ୱାରା ଲାଗୁ କୋରୋନା ନିୟମାବଳୀ ପାଳନ ହେବ। ଏସମ୍ପର୍କରେ ସୋମବାର ଦିନ ଭାରତୀୟ ପ୍ରତ୍ନତତ୍ୱ ବିଭାଗ (ଏଏସଆଇ) ପକ୍ଷରୁ ସୂଚନା ଦିଆଯାଇଛି।

ତେବେ ଆଗକୁ ଖୋଲିବାକୁ ଥିବା ଦେଶର ସମସ୍ତ କୀର୍ତ୍ତିରାଜ ସ୍ଥଳୀରେ କୋଭିଡ୍ କଟକଣା ମାନିବାକୁ ନିର୍ଦେଶ ଦିଆଯାଇଛି। ଏନେଇ ଏଏସ୍ଆଇ ପକ୍ଷରୁ ନିର୍ଦେଶନାମା ଜାରି କରାଯାଇଛି। ଓଡ଼ିଶାରେ ଏସଆଇ ଦ୍ବାରା ସଂରକ୍ଷିତ ପ୍ରାୟ ୮୦ଟି ଐତିହ୍ୟସ୍ଥଳୀ ରହିଛି। ଏଗୁଡ଼ିକ ମଧ୍ୟରେ ରହିଛି ପୁରୀ ଶ୍ରୀମନ୍ଦିର, କୋଣାର୍କର ସୂର୍ଯ୍ୟ ମନ୍ଦିର ଓ ଭୁବନେଶ୍ବରର ଲିଙ୍ଗରାଜ ମନ୍ଦିର। ଏହା ସହିତ ୩ଟି ମ୍ୟୁଜିୟମ ଲଳିତଗିରି, ରତ୍ନଗିରି ଓ କୋଣାର୍କଠାରେ ରହିଛି।

ଦିଲ୍ଲୀରେ ପିଏସଏ ଅକ୍ସିଜେନ୍, ସିଲିଣ୍ଡର ଫିଲିଂ ପ୍ଲାଣ୍ଟ୍ ଉଦଘାଟନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର

ପିଏମ୍ କେୟାର୍ସ ପାଣ୍ଠିରୁ ଦେଶର ସବୁ ସରକାରୀ ଜିଲ୍ଲା ମୁଖ୍ୟ ହସ୍ପିଟାଲରେ ପିଏସଏ ଅକ୍ସିଜେନ୍ ପ୍ଲାଣ୍ଟ୍ ପ୍ରତିଷ୍ଠା ଆଗାମୀ ଦିନରେ କୋରୋନାର ସମ୍ଭାବ୍ୟ ଲହର ପାଇଁ ଆମର ପ୍ରସ୍ତୁତିକୁ ବ୍ୟାପକ କରିବ ବୋଲି ରବିବାର ଦିଲ୍ଲୀର ମହାରାଜା ଅଗ୍ରସେନ୍ ହସ୍ପିଟାଲ୍ ଠାରେ ପିଏସଏ ଅକ୍ସିଜେନ୍ ପ୍ଲାଣ୍ଟ୍ ଏବଂ ସିଲିଣ୍ଡର ଫିଲିଂ ପ୍ଲାଣ୍ଟର ଉଦଘାଟନ କରିବା ଅବସରରେ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କୋଭିଡର ଦ୍ୱିତୀୟ ଲହରୀ ସମୟରେ ମେଡ଼ିକାଲ୍ ଅକ୍ସିଜେନର ଚାହିଦା ବହୁଗୁଣା ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କେନ୍ଦ୍ର ସରକାର ମେଡ଼ିକାଲ୍ ଅକ୍ସିଜେନର ଉତ୍ପାଦନକୁ ସରକାରଙ୍କ ସମ୍ପୂର୍ଣ୍ଣ ତତ୍ୱାବଧାନରେ ବଢ଼ାଇଛନ୍ତି। ପିଏମ୍ କେୟାର୍ସ ପାଣ୍ଠିରୁ ଦେଶର ସମସ୍ତ ଜିଲ୍ଲା ସରକାରୀ ମୁଖ୍ୟ ଚିକିତ୍ସାଳୟରେ ୧୫୦୦ରୁ ଅଧିକ ପିଏସଏ ଅକ୍ସିଜେନ୍ ପ୍ଲାଣ୍ଟ୍ ପ୍ରତିଷ୍ଠା କରାଯାଉଛି। ଏହି ପଦକ୍ଷେପ ନିଶ୍ଚିତ ଭାବରେ ଜିଲ୍ଲା ସ୍ତରରେ ଅକ୍ସିଜେନ ଉପଲବ୍ଧିକୁ ବଡ଼ ଗତି ପ୍ରଦାନ କରିବ ଏବଂ ଆଗାମୀ ଦିନରେ କୋରୋନାର ସମ୍ଭାବ୍ୟ ଲହର ପାଇଁ ଭାରତ ସରକାରଙ୍କ ପ୍ରସ୍ତୁତିକୁ ବ୍ୟାପକ କରିବ ବୋଲି କହିଛନ୍ତି।

ରଜ ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଆଜି ହେଉଛି ପହିଲି ରଜ। ଓଡ଼ିଶାର ପାରମ୍ପରିକ ଗଣପର୍ବ ରଜ। ଗାଁ ଠୁ ସହର ସବୁଠି ଜମୁଛି ପିଠା ପଣାର ଆସର। ଓଡ଼ିଆ ମନ ଓଡିଆ ପ୍ରାଣ ରଜ ପର୍ବରେ ମହକି ଉଠେ। ମହକି ଉଠେ ଘର, ପୋଡ଼ପିଠାର ବାସ୍ନାରେ। ରଜ ପାନରେ ରଙ୍ଗେଇ ହୁଏ ଓଠ, ଆଉ ରଜ ଦୋଳିର ଶବ୍ଦରେ ମନେ ପଡେ ବନସ୍ତର ଗଜରାଜର ଡାକ। ଏ ସବୁ ଶବ୍ଦରେ ପ୍ରକୃତି ଆଉ ପ୍ରେମର କଥା କହିବାକୁ ପ୍ରତିବର୍ଷ ରଜ ଆସେ। ହେଲେ ମହାମାରୀ କୋରୋନା ପାଇଁ ଫିକା ପଡିଛି ରଜ ପର୍ବ। କଟକଣା ମାନି ଘରେ ରହି ନିଜ ପରିବାର ସହ ରଜ ପାଳୁଛନ୍ତି ସଭିଏଁ। ତେବେ ଓଡ଼ିଶାର ଗଣପର୍ବ ରଜ ଉପଲକ୍ଷେ ଶୁଭେଚ୍ଛା ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ଏକ ଭିଡିଓ ମାଧ୍ୟମରେ ଧର୍ମେନ୍ଦ୍ର କହିଛନ୍ତି ଯେ ବିଶ୍ବର କୋଣ ଅନୁକୋଣରେ ରହୁଥିବା ସମସ୍ତ ଓଡ଼ିଆ ଭାଇ ଭଉଣୀଙ୍କୁ ଗଣପର୍ବ ରଜର ଶୁଭେଚ୍ଛା ଓ ଶୁଭକାମନା। ଅପଣାମାନେ ସମସ୍ତେ ବିଗତ ଦିନ ମାନଙ୍କରେ ବାହରେ ରହି ମଧ୍ୟ ଓଡ଼ିଆ ସଂସ୍କୃତି ଓ ପରମ୍ପରାକୁ ଯେତେ ଆଦରର ସହ ପାଳନ କରୁଛନ୍ତି, ତାହା ଅତ୍ୟନ୍ତ ପ୍ରଶଂସନୀୟ।

ରାଜଧାନୀରେ ପିଠା ଅନ୍ ହ୍ବିଲ୍ ମିଳୁଛି ଭଳିକି ଭଳି ପିଠା

ଆଜି ହେଉଛି ପହିଲି ରଜ। ମାତ୍ର କୋରୋନା କଟକଣା ପାଇଁ ସବୁଠି ଖାଁ ଖାଁ ପରିବେଶ। ଏହି ପରିପ୍ରେକ୍ଷୀରେ ଭୁବନେଶ୍ୱର ପାନ୍ଥନିବାସରେ ନିରାଡ଼ମ୍ବରରେ ଓଡ଼ିଶାର ଗଣପର୍ବ ରଜ ପାଳନ ହୋଇଛି। ରଜ ପାଇଁ ପାନ୍ଥନିବାସ ପରିସରକୁ ସଜାଯାଇଥିବା ବେଳେ ପ୍ରତିକାତ୍ମକ ଭାବେ ରଜଦୋଳି କରାଯାଇଛି। ଏହାସହ ବାହାର ଲୋକଙ୍କ ପ୍ରବେଶ ଉପରେ କଟକଣା ରହିଛି। ଅପରପକ୍ଷରେ ରଜରେ ରାଜଧାନୀରେ ଭୁବନେଶ୍ୱରରେ ଘରେ ଘରେ ପିଠା ପହଞ୍ଚାଇବା ପାଇଁ ଆଜିଠାରୁ ଆରମ୍ଭ ହୋଇଛି ପିଠା ଅନ୍ ହ୍ୱିଲ୍ ବ୍ୟବସ୍ଥା। ରାଜଧାନୀର ୬ଟି ସ୍ଥାନରେ ସୁଲଭ ଦରରେ ଭଳକି ଭଳି ପିଠା ମିଳୁଛି। ଭୁବନେଶ୍ୱର ସମେତ ସମ୍ବଲପୁରରେ ପାନ୍ଥନିବାସ ପିଠା ଅନ୍ ହ୍ୱିଲ୍ କଟକ ଓ ରାଉରକେଲାରେ ସ୍ୱତନ୍ତ୍ର କାଉଣ୍ଟର ଜରିଆରେ ଲୋକମାନଙ୍କୁ ରଜ ପିଠା ଯୋଗାଇବାର ବ୍ୟବସ୍ଥା କରାଯାଇଛି। ପିଠା ବିକ୍ରି ନିମନ୍ତେ ସ୍ୱତନ୍ତ୍ର ମୋବାଇଲ ଫୋନ୍ ନମ୍ବର ଜାରି କରାଯାଇଛି। ୯୦୭୮୮୮୫୫୧୬ ଓ ୦୬୭୪୨୪୩୨୫୧୫ ନମ୍ବର ରେ ଫୋନ୍ କରି ପିଠା ଅର୍ଡର କରିପାରିବେ।

ଆଜି ପହିଲି ରଜ: ଫିକା ପଡ଼ିଲା ମଉଜ

ଓଡ଼ିଆ ମନ ଓଡ଼ିଆ ପ୍ରାଣ ରଜ ପର୍ବରେ ମହକି ଉଠେ। ମହକି ଉଠେ ଘର, ପୋଡପିଠାର ବାସ୍ନାରେ। ରଜ ପାନରେ ରଙ୍ଗେଇ ହୁଏ ଓଠ, ଆଉ ରଜ ଦୋଳିର ଶବ୍ଦରେ ମନେ ପଡେ ବନସ୍ତର ଗଜରାଜର ଡାକ। ଆଜି ପହିଲି ରଜ। ହେଲେ କୋରୋନା ପାଇଁ ଓଡ଼ିଶାର ଗଣପର୍ବ ରଜ ଏଥର ଫିକା ପଡ଼ିଛି। ଗତବର୍ଷ ପରି ଚଳିତ ମଧ୍ୟ ସେତେଟା ଚଳଚଞ୍ଚଳ ନାହିଁ ନା ଗାଁ କିମ୍ବା ସହରରେ। କୋଭିଡ କଟକଣା ପାଇଁ ଫିକା ପଡ଼ିଛି ରଜ ସଜବାଜ। ସାହି ଗଳିରେ ବନସ୍ତେ ଡାକିଲା ଗଜ...ଗୀତ ବାଜୁନି। ସହରରେ ସିନେମା ନାହିଁ କି ବୁଲା ବୁଲି ନାହିଁ। କୁମାରୀମାନଙ୍କ ମନ ପୁଣି ଭାଙ୍ଗି ଦେଇଛି କୋରୋନା। କେଉଁଠି ବି ଉତ୍ସାହ ଉଦ୍ଦୀପନା ଦେଖିବାକୁ ମିଳୁନି। ହେଲେ ଘରେ ଘରେ ଲୋକେ ପରମ୍ପରାକୁ ବଞ୍ଚାଇବାକୁ ଯାଇ ଏହାକୁ ପାଳନ କରୁଛନ୍ତି। ଝିଅମାନେ ସଜବାଜ ହୋଇ ଘରେ ବସିଛନ୍ତି। ପରିବାର ଭିତରେ ରଜ ପିଠା, ରଜ ପାନ ତିଆରି କରି ଲୋକେ ପର୍ବ ପାଳନ କରୁଛନ୍ତି।

କୋଭିଡ୍ ହସ୍ପିଟାଲର ଲୋକାର୍ପଣ ଓ ଅକ୍ସିଜେନ୍ ବଟଲିଂ ପ୍ଲାଣ୍ଟର ଶିଳାନ୍ୟାସ କଲେ ଧର୍ମେନ୍ଦ୍ର ପ୍ରଧାନ

ମଧ୍ୟ ପ୍ରଦେଶ ଗସ୍ତରେ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶନିବାର ମୁଖ୍ୟମନ୍ତ୍ରୀ ଶିବରାଜ ଚୌହ୍ୱାନଙ୍କ ସହ ସାଗର ବୀନା ଠାରେ ବିପିସିଏଲ୍‌ର ବୀନା ରିଫାଇନାରୀ ନିକଟରେ ନବନିର୍ମିତ ୨୦୦ ଅକ୍ସିଜେନ୍ ସୁବିଧା ଥିବା ଶଯ୍ୟା ବିଶିଷ୍ଟ ଅସ୍ଥାୟୀ କୋଭିଡ୍ ହସ୍ପିଟାଲ୍‌ର ଲୋକାର୍ପଣ ସହ ଟିକାକରଣ ଅଭିଯାନର ଶୁଭାରମ୍ଭ ଏବଂ ଅକ୍ସିଜେନ୍ ବଟଲିଂ ପ୍ଲାଣ୍ଟ୍‌ର ଶିଳନ୍ୟାସ କରିଛନ୍ତି। ଏହି ଅବସରରେ କେନ୍ଦ୍ରମନ୍ତ୍ରୀ କହିଛନ୍ତି, କୋଭିଡ୍‌ର ସମ୍ଭାବ୍ୟ ତୃତୀୟ ଲହରୀ ପାଇଁ ଆମକୁ ପ୍ରସ୍ତୁତ ରହିବାକୁ ପଡ଼ିବ। ଏହି ପରିପ୍ରେକ୍ଷୀରେ ବୀନା ରିଫାଇନାରୀ ନିକଟରେ ଲୋକାର୍ପିତ ଅକ୍ସିଜେନ୍ ସୁବିଧା ସହ ୨୦୦ ଶଯ୍ୟା ବିଶିଷ୍ଟ ଅସ୍ଥାୟୀ କୋଭିଡ୍ ହସ୍ପିଟାଲ ସ୍ଥାନୀୟ କୋଭିଡ୍ ରୋଗୀଙ୍କୁ ଚିକିତ୍ସା ପ୍ରଦାନ କରିବାରେ ସହାୟକ ହେବ। ସେହିପରି ଶିଳାନ୍ୟାସ ହୋଇ ଯାଇଥିବା ଅକ୍ସିଜେନ୍ ବଟଲିଂ ପ୍ଲାଣ୍ଟ୍‌ କାର୍ଯ୍ୟକ୍ଷମ ହେଲେ ଏହି ପ୍ଲାଣ୍ଟ୍‌ରୁ ପ୍ରତିଦିନ ୨୫୦୦ ରୁ ୩୦୦୦ ବଡ଼ ବଡ଼ ସିଲିଣ୍ଡର ଅକ୍ସିଜେନ୍ ରିଫିଲିଂ ହୋଇପାରିବ। ଏହା ଦ୍ୱାରା ମଧ୍ୟ ପ୍ରଦେଶର ଅକ୍ସିଜେନ୍ ଆବଶ୍ୟକତାକୁ ପୂରଣ କରାଯାଇପାରିବ ବୋଲି ସେ କହିଛନ୍ତି।

ଅନଲାଇନ୍ ଭାରତ ସୁନ୍ଦରୀ ଶୁଚିସ୍ମିତା

ଦୃଢ଼ ଇଚ୍ଛାଶକ୍ତି ଥିଲେ ସଫଳତା ହାସଲ କରିବା କଷ୍ଟକର ହୁଏ ନାହିଁ। ପରିଶ୍ରମ ଓ ଅଧ୍ୟବସାୟ ସଫଳତାର ଚାବିକାଠି। ଏକାଗ୍ରତାର ସହ କୌଣସି କାମରେ ମନନିବେଶ କଲେ, ଅସାଧ୍ୟ କାମ ବି ସହଜ ହୋଇଯାଏ। ଏହି ଚିରନ୍ତନ ସତ୍ୟକୁ ପୁଣିଥରେ ପ୍ରମାଣିତ କରିଛନ୍ତି ବାଲିପାଟଣା ମାଟିର ଝିଅ ଶୁଚିସ୍ମିତା। ଅନଲାଇନରେ ହୋଇଥିବା ଭାରତ ସୁନ୍ଦରୀ ପ୍ରତିଯୋଗିତାରେ ଅଂଶଗ୍ରହଣ କରି ସେ ପ୍ରଥମ ସ୍ଥାନ ଅଧିକାର କରିବାର ସୌଭାଗ୍ୟ ଅର୍ଜନ କରିଛନ୍ତି।

ସୂଚନାନୁସାରେ, ଗତ ଜାନୁଆରି ମାସରେ ମିସିଙ୍ଗ୍ ଡ୍ରିମସ୍ ସଂସ୍ଥା ତରଫରୁ ମିସ୍ ଇଣ୍ଡିଆ ପ୍ରତିଯୋଗିତା କାର୍ଯ୍ୟକ୍ରମ ଆୟୋଜନ ହୋଇଥିଲା। ଜାନୁଆରି ୩ ତାରିଖରେୁ ଏଥିପାଇଁ ଅନଲାଇନ୍ ଯୋଗେ ଆବେଦନ କରାଯାଇଥିଲା। ଏହା ଜାଣିବା ପରେ ସ୍ଥାନୀୟ ଆମେଣାକୁଦ ପଞ୍ଚାୟତ କୁଦପାଟଣା ଗ୍ରାମର ପ୍ରଦୀପ୍ତ ପଣ୍ଡା ଓ ବବିତା ମିଶ୍ରଙ୍କ ବଡ଼ ଝିଅ ଶୁଚିସ୍ମିତା ଏହି ପ୍ରତିଯୋଗିତାରେ ଅଂଶଗ୍ରହଣ କରିବାକୁ ମନ ବଳାଇଥିଲେ।

ବିଶିଷ୍ଟ ପରିବେଶବିତ୍, ଶିକ୍ଷାବିବିତ୍ ତଥା ପଦ୍ମଶ୍ରୀ ପ୍ରଫେସର ରାଧାମୋହନଙ୍କ ପରଲୋକ

ବିଶିଷ୍ଟ ପରିବେଶବିତ୍ ତଥା ପଦ୍ମଶ୍ରୀ ପ୍ରଫେସର ରାଧାମୋହନଙ୍କ ପରଲୋକ ହୋଇଛି। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଗୁରୁବାର ବିଳମ୍ବିତ ରାତିରେ ତାଙ୍କର ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୭୮ ବର୍ଷ ବୟସ ହୋଇଥିଲା। ବୟସାଧିକ ଯୋଗୁ ସେ ବିଭିନ୍ନ ରୋଗରେ ପୀଡ଼ିତ ହୋଇଥିଲେ। ପ୍ରଫେସର ରାଧାମୋହନଙ୍କ ବିୟୋଗରେ ବିଭିନ୍ନ ମହଲରୁ ଶୋକ ପ୍ରକାଶ କରାଯାଇଛି।

ଅର୍ଥନୀତିର ପ୍ରଫେସର ଥିଲେ ରାଧାମୋହନ। ସରକାରୀ ଚାକିରିରେ ଥାଇ ସେ ଜୈବିକ କୃଷି ପ୍ରତି ମନ ବଳାଇଥିଲେ। ନୟାଗଡ଼ରେ ଖାଲି ପଡ଼ିଥିବା ଜମିରେ ଜୈବିକ ଚାଷ କରି ପରିବର୍ତ୍ତନ ଆଣିଥିଲେ ରାଧାମୋହନ। ନୟାଗଡ଼ର ଆଦିବାସୀ ବହୁଳ ରୋହିବାଙ୍କ ଅଞ୍ଚଳରେ ସେ ଜୈବିକ କୃଷିର ସଫଳ ପ୍ରୟୋଗ କରି ଏଥିରେ ବହୁ ଚାଷୀଙ୍କୁ ସାମିଲ କରାଇଥିଲେ। ଏଥିଲାଗି ତାଙ୍କୁ କେନ୍ଦ୍ର ସରକାରଙ୍କ ସମେତ ବହୁ ସଂସ୍ଥା ସମ୍ମାନିତ କରିଛନ୍ତି। ପୂର୍ବରୁ ଓଡ଼ିଶାର ସୂଚନା କମିଶନର ଥିଲେ ରାଧାମୋହନ। ରାଧାମୋହନ ପୁରୀ ଏସସିଏସ୍ କଲେଜରେ ଅଧ୍ୟକ୍ଷ ପଦରୁ ଅବସର ନେବା ପରେ ସେ ସୂଚନା କମିଶନର ଥିଲେ। ସୂଚନା କମିଶନର ଭାବେ ତାଙ୍କ କାର୍ଯ୍ୟ ଖୁବ୍ ପ୍ରଶଂସନୀୟ ଥିଲା।

ଭିଲାଇରେ ଜୁମ୍ବୋ କୋଭିଡ୍ କେୟାର ସେଣ୍ଟରକୁ ଉଦଘାଟନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗୁରୁବାର ଭିଡ଼ିଓ କନଫରେନ୍ସିଂ ଜରିଆରେ ଛତିଶଗଡ଼ରେ ସେଲର ଭିଲାଇ ଇସ୍ପାତ୍ କାରଖାନା ପରିସରରେ ଅକ୍ସିଜେନ୍ ସଂଯୁକ୍ତ ୧୧୪ ବେଡ୍ ବିଶିଷ୍ଟ ଜୁମ୍ବୋ କୋଭିଡ୍ କେୟାର ସେଣ୍ଟର୍ର ଲୋକାର୍ପଣ କରିଛନ୍ତି। ଏହି ଅବସରରେ କେନ୍ଦ୍ରମନ୍ତ୍ରୀ ସେଲ୍ ଦ୍ୱାରା ପରିଚାଳିତ ରାଉରକେଲା ସମେତ ସମସ୍ତ ହସ୍ପିଟାଲ୍ ଗୁଡ଼ିକରେ ଏକମୋ ବ୍ୟବସ୍ଥା କରିବା ପାଇଁ ନିର୍ଦେଶ ଦେଇଛନ୍ତି। ଧର୍ମେନ୍ଦ୍ର କହିଛନ୍ତି, ଲୋକାର୍ପିତ ଏହି କୋଭିଡ୍ ହସ୍ପିଟାଲରେ ଆଗାମୀ ଦିନରେ ଦୁଇଟି ପର୍ଯ୍ୟାୟରେ ଅକ୍ସିଜେନ୍ ସଂଯୁକ୍ତ ବେଡ୍ ସଂଖ୍ୟା ୫୦୦କୁ ବଢ଼ାଯିବାର ଯୋଜନା ରହିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବର୍ତ୍ତମାନର କୋଭିଡ୍ ମହାମାରୀର ସଙ୍କଟ ସମୟରେ ଦେଶର ଇସ୍ପାତ୍ ପ୍ଲାଣ୍ଟ୍ ନିକଟରେ କୋଭିଡ୍ ହସ୍ପିଟାଲ୍ ନିର୍ମାଣ କରିବା ପାଇଁ ଆହ୍ୱାନ କରିଛନ୍ତି। କୋଭିଡ-୧୯ ମୁକାବିଲାରେ ଭାରତକୁ ମଜବୁତ୍ କରିବା ପାଇଁ ଯେଉଁଠି ସମସ୍ୟା, ସେଇଠି ଚିକିତ୍ସା, ଏଭଳି ପରିକଳ୍ପନା ପ୍ରଧାନମନ୍ତ୍ରୀ କରିଛନ୍ତି। ଏହି ପରିପ୍ରେକ୍ଷୀରେ ଛତିଶଗଡ଼ ଭିଲାଇ ଇସ୍ପାତ୍ କାରଖାନା ନିକଟରେ ଆରମ୍ଭ ହୋଇଥିବା ଏହି ଅତିରିକ୍ତ ମେଡ଼ିକାଲ ସୁବିଧା କୋଭିଡ-୧୯ ରୋଗୀଙ୍କୁ ଚିକିତ୍ସା ପ୍ରଦାନ କରିବାରେ ସହାୟକ ହେବ ବୋଲି କହିଛନ୍ତି।

ଓଡ଼ିଶା ଛୁଇଁଲା ମୌସୁମୀ

ଓଡ଼ିଶା ଛୁଇଁଲା ଦକ୍ଷିଣ ପଶ୍ଚିମ ମୌସୁମୀ ବାୟୁ। ମୌସୁମୀ ଛୁଇଁବା ନେଇ ଭୁବନେଶ୍ୱର ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି। ଆସନ୍ତା ୨୪ ଘଣ୍ଟା ଭିତରେ ସାରା ରାଜ୍ୟରେ ଛୁଇଁବ ମୌସୁମୀ। ଏବର୍ଷ ଆକଳନ ଅନୁସାରେ ମୌସୁମୀ ବାୟୁ ଓଡ଼ିଶା ପ୍ରବେଶ କରିଛି। ଏହାର ପ୍ରଭାବରେ ରାଜ୍ୟରେ ପାଗ ମେଘୁଆ ରହିଛି। ପାଣିପାଗ ବିଭାଗର ପୂର୍ବାନୁମାନ ଅନୁସାରେ ଆଜିଠାରୁ ରାଜ୍ୟରେ ବର୍ଷା ହେବ। ଏହାର ପ୍ରଭାବରେ ଆଜି ଦକ୍ଷିଣ ଓଡ଼ିଶାରେ ବର୍ଷା ହେବ। ଏହା ପୂର୍ବରୁ ଜୁନ ୩ ତାରିଖରେ କେରଳ ଛୁଇଁ ଥିଲା ମୌସୁମୀ ବାୟୁ। ସାଧାରଣତଃ କେରଳ ଛୁଇଁବାର ୧୦ ଦିନ ପରେ ବା ଏହା ପାଖାପାଖି ମୌସୁମୀ ବାୟୁ ଓଡ଼ିଶାରେ ପହଞ୍ଚିଥାଏ।

ଅର୍ଡର ମାତ୍ରକେ ଦୁଆରେ ପହଞ୍ଚୁଛି ସାବିତ୍ରୀ ଭାର

କୋରୋନା ସଂକ୍ରମଣକୁ ଦୃଷ୍ଟିରେ ରଖି ଜାରି ହୋଇଛି କଟକଣା। ଦିନ ୧୧ରେ ବନ୍ଦ ହୋଇଯାଉଛି ବଜାର। ଏଭଳି ସଙ୍କଟ ସମୟରେ ସାବିତ୍ରୀ ବ୍ରତ ସାମଗ୍ରୀ କିଣିବାରେ ଶ୍ରଦ୍ଧାଳୁଙ୍କୁ ସହଯୋଗ ପାଇଁ ଆଗେଇ ଆସିଛି ତାସୁକେରୁ ନାମକ ଏକ ଅନଲାଇନ ସଂସ୍ଥା। ତାସୁକେରୁ ଡଟ କମରେ ଅର୍ଡର ଦେବା ମାତ୍ରକେ ଦ୍ୱାର ମୁହଁରେ ପହଞ୍ଚି ଯାଉଛି ସାବିତ୍ରୀ ଭାର। ଏଭଳି ସେବା ନିଃସଙ୍ଗ ସମୟରେ ସହରବାସୀଙ୍କ ମନରେ ଉତ୍ସାହ ଭରିଛି। ଅନଲାଇନ ଜରିଆରେ ଅର୍ଡର ଦେଇ ପୂଜା ସାମଗ୍ରୀ ଦ୍ୱାର ମୁହଁରେ ପାଇବାର ଏହି ସେବା ଭୁବନେଶ୍ୱରବାସୀଙ୍କୁ ଆମୋଦିତ କରିଛି। କୋରୋନା କାଳରେ ଲୋକଙ୍କୁ ଅନଲାଇନ ସେବା ଯୋଗାଇ ପ୍ରଶଂସା ସାଉଣ୍ଟୁଥିବା ଏହି ସଂସ୍ଥା ସାବିତ୍ରୀ ପର୍ବରେ ଦ୍ୱାର ମୁହଁରେ ପୂଜା ସାମଗ୍ରୀ ପହଞ୍ଚାଇ ଜୀବନକୁ ଉତ୍ସବ ମୁଖରିତ କରିଛି ବୋଲି କହିଛନ୍ତି ଜଣେ ଗ୍ରାହକ।

ବିଶ୍ୱ ଐତିହ୍ୟ ରଘୁରାଜପୁର ଗ୍ରାମରେ ପାରମ୍ପରିକ ଭିତିଚିତ୍ର ଶିବିରର ଶୁଭାରମ୍ଭ

ବିଶ୍ୱ ଐତିହ୍ୟ ଗ୍ରାମ ରଘୁରାଜପୁର ଠାରେ ଶୁଭାରମ୍ଭ ହୋଇଛି ପାରମ୍ପରିକ ଭିତିଚିତ୍ର ଶିବିର। ଏହି ଶିବିର ୫ ଦିନ ଧରି ଚାଲିବ। ଗ୍ରାମର ୧୫୦ଟି ଘର ଏଥିରେ ଅଂଶଗ୍ରହଣ କରିଛନ୍ତି। ଶିଳ୍ପୀମାନେ ନିଜ ନିଜ ଘରର ଦୁଆର କାନ୍ଥରେ କୋଭିଡ୍ ନିୟମକୁ ବଜାୟ ରଖି ପାରମ୍ପରିକ ଭିତିଚିତ୍ର ଅଙ୍କନ କରୁଛନ୍ତି। ଏହି ଶିଳ୍ପୀମାନଙ୍କ ମଧ୍ୟରୁ ବହୁ ଜଣ ମଧ୍ୟ ଜାତୀୟ ତଥା ଅର୍ନ୍ତଜାତୀୟ ସ୍ତରରେ ବେଶ୍ ସୁପରିଚିତ। ୧୫୦ ଜଣ ଶିଳ୍ପୀଙ୍କୁ ମାନଦେୟ ସ୍ୱରୂପ ଦଶ ହଜାର ଟଙ୍କା ଲେଖାଏଁ ପ୍ରଦାନ କରାଯିବ। ଇତି ମଧ୍ୟରୁ ୫ଟି ଚିତ୍ରକୁ ଓଡ଼ିଶା ଲଳିତ କଳା ଏକାଡେମୀର ସ୍ୱତନ୍ତ୍ର ଚୟନ କମିଟି ଦ୍ୱାରା ମନୋନୀତ କରାଯିବ ଏବଂ କୋଭିଡ୍ କଟକଣା ପରେ ଏକାଡେମୀ କାର୍ଯ୍ୟାଳୟରେ ସମ୍ବର୍ଦ୍ଧିତ କରାଯିବ।

ସ୍ୱାମୀଙ୍କ ମଙ୍ଗଳ ପାଇଁ ସାବିତ୍ରୀ ବ୍ରତ ଓ ପରିବାରର ମଙ୍ଗଳ ପାଇଁ ମାସ୍କ୍ ମହତ୍ତ୍ୱପୂର୍ଣ୍ଣ

ସ୍ୱାମୀଙ୍କ ମଙ୍ଗଳ ପାଇଁ ସାବିତ୍ରୀ ବ୍ରତ ଓ ପରିବାରର ମଙ୍ଗଳ ପାଇଁ ମାସ୍କ୍ ମହତ୍ତ୍ୱପୂର୍ଣ୍ଣ। ପବିତ୍ର ସାବିତ୍ରୀ ଅମାବାସ୍ୟା ଉପଲକ୍ଷେ ସମସ୍ତଙ୍କୁ ଅନେକ ଅନେକ ଶୁଭେଚ୍ଛା ଓ ଅଭିନନ୍ଦନ ।

ଓଡ଼ିଶା ସମେତ ଦେଶରେ ୨୦୧ଟି ସିଏନଜି ଷ୍ଟେସନର ଲୋକାର୍ପଣ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର

ଓଡ଼ିଶାର ୧୧ଟି ସିଏନଜି ଷ୍ଟେସନ୍ ସମେତ ଦେଶ ଉଦ୍ଦେଶ୍ୟରେ ୨୦୧ଟି ସିଏନଜି ଷ୍ଟେସନକୁ ଉତ୍ସର୍ଗ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏଥିସହ ଉତ୍ତର ପ୍ରଦେଶର ଝାନ୍ସିଂ ଠାରେ ପାଇପ୍ ଯୋଗେ ପ୍ରାକୃତିକ ଗ୍ୟାସର ଯୋଗାଣର ଶୁଭାରମ୍ଭ ଏବଂ ମହାରାଷ୍ଟ୍ରର ରାଇଗଡ଼ ଠାରେ ମୋବାଇଲ ରିଫ୍ୟୁଲିଂ ୟୁନିଟ(ଏମଆରୟୁ)ର ଲୋକାର୍ପଣ ମଧ୍ୟ କରିଛନ୍ତି ଧର୍ମେନ୍ଦ୍ର। ଭିଡିଓ କନଫରେନ୍ସିଂ ମାଧ୍ୟମରେ ଏହି ପ୍ରକଳ୍ପଗୁଡ଼ିକର ଶୁଭାରମ୍ଭ କରି ଧର୍ମେନ୍ଦ୍ର କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ପେଟ୍ରୋଲିୟମ୍ ଓ ଗ୍ୟାସ୍ ମନ୍ତ୍ରାଳୟର ପରିବେଶ ସୁରକ୍ଷା ତଥା ସମସ୍ତଙ୍କ ପାଖରେ ସ୍ୱଚ୍ଛ ଇନ୍ଧନ ପହଞ୍ଚାଇବାର ପ୍ରତିବଦ୍ଧତା ଦିଗରେ ଆଗାମୀ ଦିନରେ ସମଗ୍ର ଭାରତବର୍ଷରେ ୧୦ ହଜାର ସିଏନଜି ଷ୍ଟେସନ୍ ଏବଂ ୫ କୋଟି ଘରକୁ ପାଇପ୍ ଯୋଗେ ପ୍ରାକୃତିକ ଗ୍ୟାସ୍(ପିଏନଜି) ପହଞ୍ଚାଇବାର ଲକ୍ଷ୍ୟ ରଖାଯାଇଛି ବୋଲି କହିଛନ୍ତି।

ଏହି ଅବସରରେ ଧର୍ମେନ୍ଦ୍ର କହିଛନ୍ତି, ଦେଶରେ ୨୦୧ ସିଏନଜି ଷ୍ଟେସନର ଲୋକାର୍ପଣ ସ୍ୱଚ୍ଛ ଇନ୍ଧନ ଦିଗରେ ଆଉ ଏକ ପଦକ୍ଷେପ। ଲୋକାର୍ପିତ ଷ୍ଟେସନକୁ ମିଶାଇଲେ ମୋଟ ଭାରତରେ ୩ ହଜାର ୧୪୨ ସିଏନଜି ଷ୍ଟେସନ ରହିଛି। ଆଗାମୀ ଦିନରେ ଦେଶରେ ୧୦ ହଜାର ସିଏନଜି ଷ୍ଟେସନ ଏବଂ ୫ କୋଟି ଘରକୁ ପାଇପ ଯୋଗେ ପ୍ରାକୃତିକ ଗ୍ୟାସ ପହଞ୍ଚାଇବାର ଲକ୍ଷ୍ୟ ରଖାଯାଇଛି।

ଢେଙ୍କାନାଳରେ କୋଭିଡ୍ ହସ୍ପିଟାଲର ଲୋକାର୍ପଣ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଢେଙ୍କାନାଳ ଜିଲ୍ଲା ଖଡ଼ଗପ୍ରସାଦ ଠାରେ ଟାଟାଷ୍ଟିଲ୍ ସହଯୋଗରେ ପ୍ରତିଷ୍ଠା ହୋଇଥିବା ୧୦୦ ଶଯ୍ୟା ବିଶିଷ୍ଟ କୋଭିଡ୍ ହସ୍ପିଟାଲର ଲୋକାର୍ପଣ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ରାଜ୍ୟ ସ୍ବାସ୍ଥ୍ୟମନ୍ତ୍ରୀ ନବ କିଶୋର ଦାସ, ଇସ୍ପାତ୍ ଓ ଖଣି ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ଢ଼େଙ୍କାନାଳ ସାଂସଦ ଓ ଟାଟାଷ୍ଟିଲର ଅଧ୍ୟକ୍ଷ ଟିଭି ନରେନ୍ଦ୍ରନଙ୍କ ସହ ଭର୍ଚୁଆଲ୍ ମାଧ୍ୟମରେ ଏହି ହସ୍ପିଟାଲର ଲୋକାର୍ପଣ ହୋଇଛି। ଏଠାରେ ଅକ୍ସିଜେନ୍ ସୁବିଧା ସହ ୯୦ଟି ବେଡ୍ ଏବଂ ଭେଣ୍ଟିଲେଟର ସହ ୧୦ଟି ଆଇସିୟୁ ବେଡ୍ ରହିଛି।

ଏହି ଅବସରରେ ଧର୍ମେନ୍ଦ୍ର କହିଛନ୍ତି, ଅନୁଗୁଳ ଏବଂ ଢ଼େଙ୍କାନାଳ ଜିଲ୍ଲାରେ ସାମୂହିକ ପ୍ରୟାସରେ ସ୍ୱାସ୍ଥ୍ୟ ଭିତ୍ତିଭୂମିକୁ ମଜବୁତ୍ କରାଯାଉଛି। ଢ଼େଙ୍କାନାଳ ଜିଲ୍ଲାର କାମାକ୍ଷାନଗରରେ ଆନୁଷଙ୍ଗିକ ଭିତ୍ତିଭୂମି ସହ ୧୫୦ ବେଡ୍ ଏବଂ ଅନୁଗୁଳ ଜିଲ୍ଲାର ପାଲଲହଡ଼ାରେ ୫୦ ବେଡ୍ ବିଶିଷ୍ଟ କୋଭିଡ୍ ହସ୍ପିଟାଲ ପ୍ରତିଷ୍ଠା ପାଇଁ ଓଏନଜିସି ଏବଂ ଏଚପିସିଏଲକୁ ଦାୟିତ୍ୱ ଦିଆଯାଇଛି। ତେବେ ଢ଼େଙ୍କାନାଳ ସମେତ ଓଡ଼ିଶାରେ ଡାକ୍ତର ଅଭାବ ଏବଂ ଭେଣ୍ଟିଲେଟର ଚଲାଇବା ପାଇଁ ଟେକ୍ନିସିଆନଙ୍କ ଅଭାବ ରହିଛି। ତେଣୁ ଏହି ଆବଶ୍ୟକତାକୁ ପୂରଣ କରିବା ପାଇଁ ଢ଼େଙ୍କାନାଳ କଲେଜରେ ମେଡିକାଲ କଲେଜ୍ ଖୋଲାଯିବାର ଆବଶ୍ୟକତା ରହିଛି ବୋଲି ସେ କହିଛନ୍ତି।

ଇଣ୍ଡିଆ ବୁକ୍ ଅଫ୍ ରେକର୍ଡରେ ଓଡ଼ିଆ ପୁଅ କ୍ରିଷ୍ଣା ଡିକେ

ଇଣ୍ଡିଆ ବୁକ୍ ଅଫ୍ ରେକର୍ଡରେ ସ୍ଥାନ ପାଇବା ପାଇଁ ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ଅଞ୍ଚଳର ନୃତ୍ୟମ କଳା ଗବେଷଣା ଅନୁଷ୍ଠାନର ନିର୍ଦେଶକ କୃଷ୍ଣଚନ୍ଦ୍ର ସାହୁ (କ୍ରିଷ୍ଣା ଡିକେ)ଙ୍କ ଦୀର୍ଘ ବର୍ଷର ପ୍ରୟାସ ଶେଷରେ ସଫଳ ହୋଇଛି। ସେ ସବୁ ବେଳେ ଚଳଚ୍ଚିତ୍ର ମାଧ୍ୟମରେ ଲୋକଙ୍କୁ ସଚେତନ କରିବା ସହ ସମାଜକୁ ଶିକ୍ଷଣୀୟ ବାର୍ତ୍ତା ନିଆରା ଢଙ୍ଗରେ ପ୍ରଦାନ କରିବା ଲାଗି ଚେଷ୍ଟା କରି ଦେଶ ଓ ବିଦେଶରେ ସୁନାମ ଅର୍ଜନ କରିପାରିଛନ୍ତି। କ୍ଷୁଦ୍ର ଚଳଚ୍ଚିତ୍ର ମାଧ୍ୟମରେ ଲୋକଙ୍କୁ ସଚେତନ କରିବା ସହ ସମାଜକୁ ନୂତନ ଦିଗଦର୍ଶନ ଦେଇ ଆସିଛନ୍ତି।

ସୂଚନାଯୋଗ୍ୟ, ତାଙ୍କ ନିର୍ମିତ ୬ଟି ଯାକ କ୍ଷୁଦ୍ର ଚଳଚ୍ଚିତ୍ରର ଟାଇଟଲ୍ ‘ଅ’ ଅକ୍ଷରରେ ନାମକରଣ କରିଥିଲେ ଡିକେ। ସେ ନିର୍ମାଣ କରିଥିବା ୬ଟି ଚଳଚ୍ଚିତ୍ର ଯଥା ଅନ୍ତଃସ୍ୱର, ଅସବର୍ଣ୍ଣ, ଅଭିଳାଷ, ଅଭିପ୍ସା, ଅନୁରାଗ, ଅନନ୍ୟାର ଟାଇଟେଲର ଆଦ୍ୟ ଅକ୍ଷର ‘ଅ’ କୁ ନେଇ ନାମକରଣ ହୋଇଛି। ଏହି ସବୁ ଚଳଚ୍ଚିତ୍ରର ନାମ ସ୍ବତନ୍ତ୍ର ଧରଣର ହୋଇଥିବା କାରଣରୁ ତାଙ୍କୁ ଇଣ୍ଡିଆ ବୁକ୍ ଅଫ୍ ରେକର୍ଡରେ ସ୍ଥାନ ମିଳିଥିବା ସେ କହିଛନ୍ତି। ସମସ୍ତ ଚଳଚ୍ଚିତ୍ର ଗଞ୍ଜାମ ଜିଲ୍ଲା ତଥା ହିଞ୍ଜିଳିକାଟୁରେ ପ୍ରସ୍ତୁତ ହୋଇଛି। 

ଝାସୁଗୁଡ଼ାରେ ଓପିଏମ୍‌ୱାଇଏମ୍‌ର ୧୦୦ଟି ଅକ୍ସିଜେନ୍ ସିଲିଣ୍ଡରର ଲୋକାର୍ପଣ କଲେ କେନ୍ଦ୍ରମନ୍ତ୍ରୀ

ଓଡ଼ିଶାରେ କୋଭିଡ୍ ବେଡ୍ ଏବଂ ଆନୁଷଙ୍ଗିକ ଭିତ୍ତିଭୂମି ବୃଦ୍ଧି କରାଯାଉଥିବା ବେଳେ ଡ଼ାକ୍ତର ଏବଂ ଭେଣ୍ଟିଲେଟର ଚଲାଇବା ପାଇଁ ଟେକ୍ନିସିଆନଙ୍କ ଅଭାବ ରହିଛି। ଏହାକୁ ଦୃଷ୍ଟିରେ ରଖି ରାଜ୍ୟରେ ସ୍ୱାସ୍ଥ୍ୟ ଭିତ୍ତିଭୂମି ସୁଦୃଢ କରିବା ସହ ଅଧିକ ମେଡିକାଲ୍ କଲେଜ ଖୋଲିବାର ଆବଶ୍ୟକ ରହିଛି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଓଡ଼ିଶା ପ୍ରାନ୍ତୀୟ ମାରୱାଡ଼ି ଯୁବ ମଞ୍ଚ (ଓପିଏମୱାଇଏମ୍) ପକ୍ଷରୁ ଅନଲାଇନ୍ ପ୍ଲାଟଫର୍ମରେ ଆୟୋଜିତ କାର୍ଯ୍ୟକ୍ରମରେ ଝାରସୁଗୁଡ଼ା ଜିଲ୍ଲାରେ ୧୦୦ଟି ଅକ୍ସିଜେନ୍ ସିଲିଣ୍ଡରର ଲୋକାର୍ପଣ କରିବା ଅବସରରେ କହିଛନ୍ତି ଧର୍ମେନ୍ଦ୍ର ପ୍ରଧାନ।

ଧର୍ମେନ୍ଦ୍ର କହିଛନ୍ତି, କୋରୋନା ମହାମାରୀ ଦ୍ୱାରା ଝାରସୁଗୁଡ଼ା ଜିଲ୍ଲା ବିଶେଷ ଭାବରେ ପ୍ରଭାବିତ ହୋଇଥିବା ବେଳେ ଏହି ଅକ୍ସିଜେନ୍ ସିଲିଣ୍ଡରର ବ୍ୟବସ୍ଥା ଓଡ଼ିଶା ପ୍ରାନ୍ତୀୟ ମାରଓ୍ୱାଡ଼ି ଯୁବ ମଞ୍ଚର କାର୍ଯ୍ୟକର୍ତ୍ତାଙ୍କ ଜରିଆରେ ଅନେକ କୋଭିଡ୍ ରୋଗୀଙ୍କ ପାଖରେ ପହଞ୍ଚିବା ସହ ସେମାନଙ୍କ ଜୀବନ ରକ୍ଷା କରିବାରେ ସହାୟକ ହେବ। ଧର୍ମେନ୍ଦ୍ର କହିଛନ୍ତି ଯେ ଭାରତରେ ଜଣେ ଡାକ୍ତର ହାରାହାରି ୧୪୦୪ ଜଣଙ୍କୁ ଚିକିତ୍ସା କରୁଥିବା ବେଳେ ଓଡ଼ିଶାରେ ଜଣେ ଡାକ୍ତର ହାରାହାରି ୨୧୮୭ ଜଣଙ୍କୁ ଚିକିତ୍ସା କରୁଥିବା ତଥ୍ୟରୁ ଜଣାପଡିଛି।

ଆରପାରିରେ ଜାତୀୟ ପୁରସ୍କାର ପ୍ରାପ୍ତ ଅଭିନେତା ଅଟଳ ବିହାରୀ ପଣ୍ଡା

ନାଟ୍ୟକାର, ଗୀତିକାର ଓ ଔପନ୍ୟାସିକ ଓ ଚଳଚ୍ଚିତ୍ର ଅଭିନେତା ଅଟଳ ବିହାରୀ ପଣ୍ଡାଙ୍କ ଆଜି ବୁର୍ଲା ଭିମସାରରେ ଚିକିତ୍ସାଧିନ ଅବସ୍ଥାରେ ପରଲୋକ ଘଟିଛି। ସମସ୍ତଙ୍କୁ ଦୁଃଖସାଗରରେ ଭସାଇ ଆରପାରିକୁ ଚାଲି ଯାଇଛନ୍ତି। ଯାହାକି ଚଳଚିତ୍ର ଜଗତର ଅପୁରଣୀୟ କ୍ଷତି ସହିତ ଏହି ମେଳାପି ସ୍ୱଭାବର ବର୍ଷିଆନ କଳାକାରଙ୍କ ସହିତ ସମସ୍ତ ଲୋକଙ୍କ ବର୍ଗର ଭାବାବେଗ ଯୋଡ଼ି ହୋଇ ରହିଥିଲା। ଚଳଚ୍ଚିତ୍ର ଶଲା ବୁଢ଼ା, ଆଦିମ ବିଚାର ଏବଂ ଶଲା ବୁଢ଼ାର ବଦଲାର ପରି ଚଳଚ୍ଚିତ୍ରର ନିଖୁଣ ଅଭିନୟ ଦର୍ଶକଙ୍କ ମହଲରେ ବେଶ ଗ୍ରହଣୀୟ ହୋଇଥିଲା ।

ଗତ ମଇ ମାସ ୧୬ ତାରିଖଦିନ ପତ୍ନୀ ଲଳିତାଙ୍କ ହୃଦ୍ଘାତରେ ବିୟୋଗ ଘଟିବା ପରେ ସମ୍ପୁର୍ଣ୍ଣ ଭାଙ୍ଗିପଡ଼ି ସେ ମୌନ ହୋଇ ରହି ଖିଆପିଆ ଛାଡ଼ି ଅସୁସ୍ଥ ହୋଇ ପଡ଼ିଥିଲେ। ସମ୍ପୁର୍ଣ୍ଣ ଭାବରେ ମୌନବ୍ରତ ଧାରଣ କରି ଖିଆପିଆ ଛାଡ଼ି ଦେବା ପରେ ଅସୁସ୍ଥ ହୋଇ ଶଙ୍କଟାପର୍ଣ୍ଣ ଅବସ୍ଥାରେ ବୁର୍ଲା ଭିମସାରରେ ଭର୍ତ୍ତି ହୋଇଥିଲେ ଗତ ମଇ ମାସ ୩୦ ତାରିଖ ପର୍ଯ୍ୟନ୍ତ।

ପରଲୋକରେ ବିଶିଷ୍ଟ ଶିକ୍ଷାବିତ୍‌ ବିଜୟ ସାହୁ

ପରଲୋକରେ ବିଶିଷ୍ଟ ଶିକ୍ଷାବିତ୍ ସ୍ୱନାମଧନ୍ୟ ଚାର୍ଟାଡ୍ ଆକାଉଣ୍ଟାଟ୍, ଉଦ୍ୟୋଗପତି, ଓଡ଼ିଶା ଆଦର୍ଶ ବିଦ୍ୟାଳୟ ଉପଦେଷ୍ଟା ତଥା ସାଇ ଇଣ୍ଟରନ୍ୟାସନାଲ୍ ସ୍କୁଲର ଚେୟାରମ୍ୟାନ୍ ଡ. ବିଜୟ କୁମାର ସାହୁ। କୋରୋନାରେ ଆକ୍ରାନ୍ତ ହୋଇ ଚିକିତ୍ସାଧିନ ଥିବା ଅବସ୍ଥାରେ ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ତାଙ୍କର ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ମାତ୍ର ୫୭ ବର୍ଷ ବୟସ ହୋଇଥିଲା। ଗୁରୁବାର ମଧ୍ୟାହ୍ନ ସାଢେ ଗୋଟାଏ ବେଳେ ତାଙ୍କର ମୃତ୍ୟୁ ହୋଇଥିବା ସାଇ ଇଣ୍ଟରନ୍ୟାସନାଲ୍ ସ୍କୁଲ ର ଲୋକ ସମ୍ପର୍କ ଅଧିକାରୀ ଶରତ କର ସୂଚନା ଦେଇଛନ୍ତି।

ଆଜି ଶ୍ରୀକ୍ଷେତ୍ରରେ ପବିତ୍ର ଭଉଁରୀ ଯାତ୍ରା

ଆଜି ଶ୍ରୀକ୍ଷେତ୍ରରେ ପବିତ୍ର ଭଉଁରୀ ଯାତ୍ରା। ଏହି ଅବସରରେ ରଥ ଖଳାରେ ତିନି ରଥର ଚକ ଓ ଅଖ ଡେରା ନୀତି ଅନୁଷ୍ଠିତ ହୋଇଛି। ପରମ୍ପରା ଅନୁଯାୟୀ ତିନିଟି ରଥର ଦୁଇ ଦୁଇଟି ଚକରେ ଗୋଟିଏ ଲେଖା ଅଖ ସଂଯୋଗ ହୋଇ ଚକ ଅଖ ଡେରା ନୀତି ସମ୍ପାଦନ କରାଯାଇଛି। ସକାଳ ଧୂପ ସରିବା ପରେ ତିନି ଠାକୁରଙ୍କ ଶ୍ରୀଅଙ୍ଗ ଲାଗି ଆଜ୍ଞାମାଳକୁ ପୂଜାପଣ୍ଡା ସେବାୟତମାନେ ଆଣି ରଥଖଳାରେ ପହଞ୍ଚିଥିଲେ। ଏହାପରେ ଆଜ୍ଞାମାଳକୁ ଚକ ଅଖରେ ଲାଗି କରାଯାଇଥିଲା। ଏହାପରେ ବିଶ୍ବକର୍ମା ମହାରଣା ସେବକମାନେ ପୂର୍ବ ପ୍ରସ୍ତୁତ ଚକ ସହ ଅଖକୁ ସଂଯୋଗ କରିଥିଲେ। ଅନୁକୂଳ ପର୍ବରେ ତିନି ରଥର ତିନୋଟି ଚକଡ଼େରା କାମ ଶେଷ ହୋଇଥିବା ବେଳେ ମହାରଣା ସେବକ ଓ ଭୋଇ ସେବକମାନେ ଏହି କାର୍ଯ୍ୟ ସମ୍ପାଦନ କରିଛନ୍ତି।

ଅନ୍ୟପକ୍ଷରେ ମହାପ୍ରଭୁଙ୍କର ୨୧ ଦିନ ବ୍ୟାପି ବାହାର ଚନ୍ଦନ ଯାତ୍ରାର ଅନ୍ତିମ ଦିନରେ ଭଉଁରୀ ଯାତ୍ରା ଅନୁଷ୍ଠିତ ହୋଇଥାଏ। ପରମ୍ପରା ଅନୁଯାୟୀ ମଦନମୋହନ, ଭୂଦେବୀ, ଶ୍ରୀଦେବୀ, ରାମକୃଷ୍ଣ, ସମେତ ଅନ୍ୟ ଦେବାଦେବୀଙ୍କୁ ନେଇ ବର୍ଣ୍ଣାଢ୍ୟ ଶୋଭାଯାତ୍ରାରେ ନରେନ୍ଦ୍ର ପୁଷ୍କରିଣୀକୁ ବିଜେ କରିଥାନ୍ତି ଠାକୁରମାନେ। ନରେନ୍ଦ୍ର ପୁଷ୍କରିଣୀରେ ୨୧ ଘେରା ଚାପ ଖେଳିବା ପରେ ଶ୍ରୀମନ୍ଦିରକୁ ବାହୁଡ଼ିଥାନ୍ତି।

ଦିଆସିଲି କାଠିରେ ସାଇକେଲ୍‌

ସାଇକେଲକୁ ଓଡ଼ିଆରେ ଆଗରୁ ଶୁନଗାଡ଼ି କୁହାଯାଉଥିଲା। ଏବେ ଏହି ଶବ୍ଦ ପ୍ରାୟତଃ ମୃତ। ଦିନ ଥିଲା ଦିନେ ସାଇକେଲ୍ ପ୍ରତି ଲୋକଙ୍କ ବହୁତ ଆଦର ଥିଲା। ମାତ୍ର ସମୟ ବଦଳିବା ସହ ସାଇକେଲ୍ ଚଲାଇବା ପ୍ରତି ଲୋକଙ୍କ ଆଗ୍ରହ କମିଗଲା। ବର୍ତ୍ତମାନ କୋରୋନା କାଳରେ ଯାନବାହନଗୁଡ଼ିକ ବନ୍ଦ କରି ଦିଆଯାଇଥିବାରୁ ପୁଣିଥରେ ସାଇକେଲର ଆଦର ବଢ଼ିଛି।

ବିଶ୍ବ ସାଇକେଲ ଦିବସ ଉପଲକ୍ଷେ ଲୋକଙ୍କୁ ସାଇକେଲ ଚଳାଇବାକୁ ସଚେତନ କରିବା ନିମନ୍ତେ ନିଆରା ଉଦ୍ୟମ କରିଛନ୍ତି ପୁରୀ କୁମ୍ଭାରପଡ଼ା ଅଞ୍ଚଳର ଯୁବ ଚିତ୍ରଶିଳ୍ପୀ ଶ୍ୱାସତ ରଞ୍ଜନ ସାହୁ। ୩ ହଜାର ୬ ଶହ ୫୩ଟି ଦିଆସିଲି କାଠିରେ ଏକ ସାଇକେଲର ସୁନ୍ଦର ପ୍ରତିକୃତି ତିଆରି କରିଛନ୍ତି। ଏହି ନିଆରା କଳାକୃତି ତିଆରି ପାଇଁ ତାଙ୍କୁ ୭ ଦିନ ସମୟ ଲାଗିଥିଲା। ଦିଆସିଲି କାଠିରେ ତିଆରି ହୋଇଥିବା ଏହି ସାଇକେଲ ପ୍ରତିକୃତିର ଉଚ୍ଚତା ୫୦ ଇଞ୍ଚ ଏବଂ ଲମ୍ବ ୨୫ ଇଞ୍ଚ ରହିଛି। ତାଙ୍କର ଏହି ନିଆରା ପଦକ୍ଷେପ ସାଇକେଲପ୍ରେମୀଙ୍କ ମନ ଜିତି ନେଇଛି।

ଇଣ୍ଡିଆନ୍‌ ଅଏଲ୍‌ର ଟିକାକରଣ ଶିବିରକୁ ଉଦ୍‌ଘାଟନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଉପଭୋକ୍ତାଙ୍କୁ ତୈଳ ଓ ଗ୍ୟାସ୍ ବିତରଣ ଭଳି ଅତ୍ୟାବଶ୍ୟକ ସେବା ଯୋଗାଉଥିବା କୋଭିଡ୍ ଯୋଦ୍ଧା ଓ ସେମାନଙ୍କ ପରିବାର ସଦସ୍ୟଙ୍କୁ ଟିକାକରଣରେ ସାମିଲ କରିବା ଉଦ୍ଦେଶ୍ୟରେ ବୁଧବାର ଭୁବନେଶ୍ୱର ଠାରେ ଇଣ୍ଡିଆନ୍ ଅଏଲ୍ ଏବଂ ଆପୋଲୋ ହସ୍ପିଟାଲ ସହଯୋଗରେ ୭ ଦିନିଆ କୋଭିଡ୍-୧୯ ଟିକାକରଣ ଶିବିରକୁ ଉଦଘାଟନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହି ଅବସରରେ ଧର୍ମେନ୍ଦ୍ର କହିଛନ୍ତି, ଇଣ୍ଡିଆନ୍ ଅଏଲର ଚନ୍ଦ୍ରଶେଖରପୁର ସ୍ଥିତ ରାଜ୍ୟ କାର୍ଯ୍ୟାଳୟଠାରେ କୋଭିଡ୍ ଯୋଦ୍ଧାମାନଙ୍କ ପାଇଁ ଇଣ୍ଡିଆନ୍ ଅଏଲ୍ ଦ୍ୱାରା ଏହି ମେଗା ଭ୍ୟାକ୍ସିନେସନ୍ ଡ୍ରାଇଭ୍ ଆରମ୍ଭ ହୋଇଛି। ଇଣ୍ଡିଆନ୍ ଅଏଲ୍ ଏଠାରେ ଟିକାକରଣର ବ୍ୟବସ୍ଥା କରିଥିବା ବେଳେ କନଫେଡ଼ରେସନ୍ ଅଫ୍ ଇଣ୍ଡିଆନ୍ ଇଣ୍ଡଷ୍ଟ୍ରି(ସିଆଇଆଇ) ସମନ୍ବୟରେ ଟିକା ଲଗାଇବା ପାଇଁ ଭୁବନେଶ୍ୱର ଆପୋଲୋ ହସ୍ପିଟାଲ୍ ବିବେଚିତ ହୋଇଛି। ଏହି କମ୍ପାନୀର ପେଟ୍ରୋଲ୍ ପମ୍ପ ଗ୍ରାହକ ଆଟେଣ୍ଡାଣ୍ଟ୍ ଏଲପିଜି ଏବଂ ପେଟ୍ରୋଲ୍ ବିତରକ, ତୈଳ ଟ୍ୟାଙ୍କର ପରିବହନ କରୁଥିବା ଚାଳକ ଭାଇ, ଅନ୍ୟାନ୍ୟ କର୍ମଚାରୀ ତଥା ସେମାନଙ୍କ ପରିବାର ସଦସ୍ୟଙ୍କୁ ମାଗଣାରେ ଟିକା ଲଗାଯିବ। ଏହି ଟିକାକରଣ ଶିବିର ୨ ଜୁନରୁ ୮ ଜୁନ୍ ପର୍ଯ୍ୟନ୍ତ ଚାଲିବ। ପ୍ରତିଦିନ ୨୦୦ ଡୋଜ୍ ଟିକା ଦେବା ପାଇଁ ଯୋଜନା କରାଯାଇଛି।

୨୭୦ ଶଯ୍ୟା ବିଶିଷ୍ଟ କୋଭିଡ୍ କେୟାର୍ ସେଣ୍ଟର୍ ଲୋକାର୍ପଣ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଅନୁଗୁଳ ଜିଲ୍ଲାରେ ବଢ଼ୁଥିବା କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ଅନୁଗୁଳ ସ୍ଥିତ ଜିନ୍ଦଲ୍ ଷ୍ଟିଲ୍ ଆଣ୍ଡ୍ ପାୱାର୍ ପ୍ଲାଣ୍ଟ୍ (ଜେଏସପିଏଲ୍) ପରିସରରେ ଲୋକାର୍ପିତ ହୋଇଛି କୋଭିଡ୍ କେୟାର୍ ସେଣ୍ଟର୍। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାକୁ ଲୋକାର୍ପିତ କରିଛନ୍ତି। ଅକ୍ସିଜେନ୍ ସଞ୍ଜୁକ୍ତ ୨୭୦ ବେଡ୍ ବିଶିଷ୍ଟ କୋଭିଡ୍ କେୟାର ସେଣ୍ଟରକୁ ରାଜ୍ୟ ସ୍ବାସ୍ଥ୍ୟମନ୍ତ୍ରୀ ନବକିଶୋର ଦାସ, ସମ୍ବଲପୁର ସାଂସଦ ଏବଂ ଜିନ୍ଦଲ୍ ମୁଖ୍ୟ ନବୀନ ଜିନ୍ଦଲଙ୍କ ଉପସ୍ଥିତିରେ ଏହାକୁ ଲୋକାର୍ପିତ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଏହି କୋଭିଡ୍ କେୟାରରେ ୨୭୦ଟି ଅକ୍ସିଜେନ୍ ସଂଯୁକ୍ତ ବେଡ୍ ଉପଲବ୍ଧ ରହିଥିବା ବେଳେ ପୂର୍ବରୁ ଏଠାରେ ୫୦ଟି ବେଡ୍ ସହ ଭେଣ୍ଟିଲେଟର୍ ଓ ଆନୁଷଙ୍ଗିକ ବ୍ୟବସ୍ଥା ରହିଛି। ବ୍ୟବସ୍ଥିତ ଥିବା ୩୨୦ଟି ବେଡ୍ ଅନୁଗୁଳ ଜିଲ୍ଲାର କଣିହାଁ, ତାଳଚେର ଏବଂ ପଡ଼ୋଶୀ ଜିଲ୍ଲା ଦେବଗଡ଼ ସମେତ କୋଭିଡ୍ ରୋଗୀଙ୍କୁ ଉତ୍ତମ ଚିକିତ୍ସା ଯୋଗାଇବାରେ ସହାୟକ ହେବ ବୋଲି କହିଛନ୍ତି ଧର୍ମେନ୍ଦ୍ର।

ଆରପାରିରେ ବିଶିଷ୍ଟ ଫୁଟବଲ କୋଚ ନନ୍ଦନନ୍ଦକିଶୋର

ଓଡ଼ିଶା ମହିଳା ଫୁଟବଲ୍ ପାଇଁ ଦୁଃଖଦ ଖବର। ଫୁଟବଲ୍ କୋଚ ନନ୍ଦକିଶୋର ପଟ୍ଟନାୟକଙ୍କର କୋରୋନାରେ ପରଲୋକ ହୋଇଛି। କୋରୋନାରେ ଆକ୍ରାନ୍ତ ହୋଇ ଭୁବନେଶ୍ୱର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଥିବା ବେଳେ ସୋମବାର ରାତି ୩ଟା ବେଳେ ତାଙ୍କର ମୃତ୍ୟୁ ଘଟିଛି। ମୃତ୍ୟୁ ବେଳକୁ ତାଙ୍କୁ ୬୫ ବର୍ଷ ବୟସ ହୋଇଥିଲା। ନନ୍ଦକିଶୋର ଅନେକ ଆନ୍ତଃଜାର୍ତୀୟ ମହିଳା ଫୁଟବଲ ଖେଳାଳୀ ସୃଷ୍ଟି କରିଥିଲେ। ରାଜ୍ୟରେ କିଭଳି ଅଧିକରୁ ଅଧିକ ପ୍ରତିଭାବାନ ଖେଳାଳୀ ମିଳିବେ ସେଥିପ୍ରତି ସେ ସର୍ବଦା ପ୍ରୟାସ କରୁଥିଲେ। ତାଙ୍କ ଦେହାନ୍ତରେ ଓଡ଼ିଶା ଫୁଟବଲ୍ ଜଗତକୁ ଏକ ବଡ଼ କ୍ଷତି ହୋଇଥିବା ମତ ଦେଇଛନ୍ତି ବିଭିନ୍ନ ବ୍ୟକ୍ତି ବିଶେଷ।

୧୬ ମାର୍ଚ୍ଚ ୧୯୫୬ରେ ଜନ୍ମ ଗ୍ରହଣ କରିଥିବା ନନ୍ଦକିଶୋର ଦୁଇ ଦୁଇଥର ଜୁନିଅର୍ ଫୁଟବଲ୍ ଚାମ୍ପିଅନସିପରେ ଓଡ଼ିଶାକୁ ପ୍ରତିନିଧିତ୍ୱ କରିଥିଲେ। ୧୯୯୨-୯୩ରେ ଫୁଟବଲ୍ କୋଚିଂ ଆରମ୍ଭ କରିବା ସହ ୧୯୯୫ରେ ମହିଳା ଫୁଟବଲ୍ ଦଳର କୋଚ୍ ଭାବେ ନିଯୁକ୍ତ ହୋଇଥିଲେ ।

ମତ୍ସ୍ୟଜୀବୀ ଓ ଚାଷୀଙ୍କ ଜୀବନଜୀବିକାକୁ ସୁରକ୍ଷିତ କରିବାକୁ ଦୂରଦର୍ଶୀ ପଦକ୍ଷେପ ଜରୁରୀ

ବାତ୍ୟା ଓ ବନ୍ୟା ପ୍ରଭାବିତ ଅଞ୍ଚଳ ବିଶେଷ ଭାବରେ ସମୁଦ୍ର ତଟବର୍ତ୍ତୀ ଅଞ୍ଚଳରେ ବସବାସ କରୁଥିବା ମତ୍ସ୍ୟଜୀବୀ ଚାଷୀଙ୍କ ଜୀବନଜୀବିକାକୁ ସୁରକ୍ଷିତ କରିବା ପାଇଁ ଏକ ସ୍ଥାୟୀ ଓ ଦୂରଦର୍ଶୀ ପଦକ୍ଷେପ ନେବା ଜରୁରୀ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସୋମବାର ସାମୁଦ୍ରିକ ବାତ୍ୟା ୟାସ୍ ଦ୍ବାରା ପ୍ରଭାବିତ ହୋଇଥିବା ବାଲେଶ୍ୱର ଜିଲ୍ଲା ଶ୍ରୀକୋଣା ପଞ୍ଚାୟତର ଚାରିଗୋଛିଆ ଗାଁ, ସାରଥା ପଞ୍ଚାୟତର ମୁହାଣ ସମେତ ଆଖପାଖ ବାତ୍ୟା କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିବା ପରେ ଏହା କହିଛନ୍ତି ଧର୍ମେନ୍ଦ୍ର। ଏଥିସହ ବାତ୍ୟା ବିପନ୍ନଙ୍କୁ ଭେଟି ରିଲିଫ୍ କାର୍ଯ୍ୟ, ବାତ୍ୟା ପରବର୍ତ୍ତୀ ଥଇଥାନ ଏବଂ ଅନ୍ୟାନ୍ୟ ସମସ୍ୟା ଉପରେ କେନ୍ଦ୍ରମନ୍ତ୍ରୀ ଆଲୋଚନା କରିଛନ୍ତି।

ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ବାଲେଶ୍ୱର ଜିଲ୍ଲାର ଚାରିଗୋଛିଆ ଅଞ୍ଚଳରେ ସମାନ୍ୟ ଜୁଆର ହେଲେ ଏଠାରେ ଲୁଣି ପାଣି ମାଡ଼ିଯାଏ। ବାତ୍ୟା ପରେ ଏବେ ବି ଲୋକମାନେ ଲୁଣି ପାଣି ଘେରରେ ଅଛନ୍ତି। ଅଧିକାଂଶ ହେନ୍ତାଳ ବୃକ୍ଷ କ୍ଷତିଗ୍ରସ୍ତ ହୋଇଛି। ବୁଢ଼ାବଳଙ୍ଗ କୂଳରେ ଘାଇ ଭାଙ୍ଗିଯିବାରୁ ଲୁଣି ପାଣି ମାଡ଼ିଯାଇ ଅନେକ ଚାଷ ନଷ୍ଟ ହୋଇଯାଇଛି। ଗାଁ ରାସ୍ତାର ଅବସ୍ଥା ଶୋଚନୀୟ ହୋଇପଡ଼ିଛି। ଏହାର ଅଧିକ ପ୍ରଭାବ ଲୋକଙ୍କ ଜୀବନଜୀବିକା ଉପରେ ପଡ଼ିଛି। 

ବିପର୍ଯ୍ୟୟର ସ୍ଥାୟୀ ମୁକାବିଲା ପାଇଁ ଏକ ଦୂରଦର୍ଶୀ ଯୋଜନାର ଆବଶ୍ୟକତା ରହିଛି: ଧର୍ମେନ୍ଦ୍ର ପ୍ରଧାନ

ସାମୁଦ୍ରିକ ବାତ୍ୟା ୟାସ୍ ଦ୍ୱାରା ପ୍ରଭାବିତ ଅଞ୍ଚଳରେ ବିପର୍ଯ୍ୟୟର ସ୍ଥାୟୀ ମୁକାବିଲା ପାଇଁ ଏକ ଦୂରଦର୍ଶୀ ବିସ୍ତୃତ ଯୋଜନାର ଆବଶ୍ୟକତା ରହିଛି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ରବିବାର ଆକାଶମାର୍ଗରୁ ବାତ୍ୟା ଦ୍ୱାରା ବିଶେଷ ଭାବରେ କ୍ଷତିଗ୍ରସ୍ତ ହୋଇଥିବା ଜଗତସିଂହପୁର ଜିଲ୍ଲାର ପାରାଦୀପ, କେନ୍ଦ୍ରାପଡ଼ା ଜିଲ୍ଲାର ଆଳି ଓ ରାଜନଗର, ଭଦ୍ରକ ଜିଲ୍ଲାର ବାସୁଦେବପୁର, ଚାନ୍ଦବାଲି ଏବଂ ଧାମରା ଅଞ୍ଚଳ ପରିଦର୍ଶନ ସହ କରିବା ସହ ସ୍ଥିତି ଅନୁଧ୍ୟାନ ଏବଂ ବିପନ୍ନଙ୍କ ସହ କଥା ହେବା ପରେ ଧର୍ମେନ୍ଦ୍ର ଏହା କହିଛନ୍ତି।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ବାତ୍ୟା ଦ୍ୱାରା ପ୍ରଭାବିତ ହୋଇଥିବା ଭଦ୍ରକ ଜିଲ୍ଲା ଦୋସିଙ୍ଗା ଗ୍ରାମପଞ୍ଚାୟତର ସମିପାଟିଆ, ଓରାମାଳ, ଜାଗୁଳା ଗ୍ରାମପଞ୍ଚାୟତର ପାଇକ ସାହି ଏବଂ ଧାମରା ଗ୍ରାମପଞ୍ଚାୟତର ଝାଡ଼କାଟି ସମେତ ଅନେକ ଗାଁ ପ୍ରତ୍ୟକ୍ଷ ଭାବେ ବୁଲି ଦେଖିବା ସହ ବାତ୍ୟା ବିପନ୍ନଙ୍କ ପରିସ୍ଥିତି ସମ୍ପର୍କରେ ବୁଝିଥିଲେ। ଏହା ପରେ ଧର୍ମେନ୍ଦ୍ର କହିଛନ୍ତି ଯେ ସାମୁଦ୍ରିକ ବାତ୍ୟା ୟାସର ସିଧାସଳଖ ପ୍ରଭାବ ଭଦ୍ରକ ଜିଲ୍ଲା ଉପରେ ପଡ଼ିଥିଲା। 

ଶିଶୁଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା ପ୍ରଧାନମନ୍ତ୍ରୀଙ୍କ ସମ୍ବେଦନଶୀଳ ନେତୃତ୍ବର ଆଉ ଏକ ଉଦାହରଣ

କୋଭିଡ୍ ମହାମାରୀରେ ନିଜ ବାପା-ମାଙ୍କୁ ହରାଇଥିବା ଶିଶୁଙ୍କୁ ପିଏମ୍ କେୟାର୍ସ ପାଣ୍ଠିରୁ ଶିକ୍ଷା ପାଇଁ ସ୍ୱତନ୍ତ୍ର ବ୍ୟବସ୍ଥା କରିବା ସହ ସେମାନଙ୍କୁ ୧୮ ବର୍ଷ ବୟସରୁ ଷ୍ଟାଇପେଣ୍ଡ୍ ଏବଂ ୨୩ ବର୍ଷ ବୟସରେ ୧୦ ଲକ୍ଷ ଟଙ୍କା, ସ୍ୱାସ୍ଥ୍ୟ ସୁରକ୍ଷା ସହ ଅନ୍ୟାନ ବ୍ୟବସ୍ଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନ୍ୟ ଏକ ସମ୍ବେଦନଶୀଳ ନେତୃତ୍ୱର ଉଦାହରଣ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଦେଶର ଭବିଷ୍ୟତକୁ ସହାଯ୍ୟ କରିବା ପାଇଁ ଭାରତ ସରକାର ସବୁପ୍ରକାର ପଦକ୍ଷେପ ନେଉଛନ୍ତି। ଭାରତର କୋଭିଡ୍-୧୯ ବିରୋଧୀ ମୁକାବଲାରେ ପିଏମ୍ କେୟାର୍ସ ଫଣ୍ଡ୍ ସହାୟକ ହୋଇଥିବା ବେଳେ ଦେଶରେ ଶିଶୁଙ୍କ ସୁରକ୍ଷା ତଥା ବିକାଶ ପାଇଁ ଭାରତ ସରକାରଙ୍କ ସମୟୋପଯୋଗୀ ପଦକ୍ଷେପକୁ ଧର୍ମେନ୍ଦ୍ର ସ୍ୱାଗତ କରିଛନ୍ତି।

ଆରପାରିରେ ବରିଷ୍ଠ ସାମ୍ବାଦିକ ତଥା ସାହିତ୍ୟିକ ବସନ୍ତ ଦାସ

କରୋନା ରେ ଆକ୍ରାନ୍ତ ହୋଇ ଚିକିତ୍ସଧୀନ ଥିବାବେଳେ ଗତକାଲି ରାତିରେ ଆଖି ବୁଜିଛନ୍ତି ରାଜନୀତି ସମୀକ୍ଷକ ତଥା ସାମ୍ବାଦିକ ବସନ୍ତ ଦାସ | ଏନେଇ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି | ସ୍ବର୍ଗତ ଦାସ ଜଣେ ସ୍ତମ୍ଭକାର ଓ ରାଜନୈତିକ ବିସ୍ଲେସକ ଭାବେ ବେଶ ସୁନାମ ଅର୍ଜନ କରିଥିଲେ | ସୂଚନାଯୋଗ୍ୟ ଯେ ମେ ୧୬ ତାରିଖରେ କରୋନା ରେ ଆକ୍ରାନ୍ତ ହୋଇଥିଲେ ଏବଂ ସେ ହୋମ ଆଇସୋଲସନ ରେ ଥିଲେ | କିନ୍ତୁ ଅଧିକ ଅସୁସ୍ଥ ଅନୁଭବ କରିବାରୁ ଘରୋଇ ହସ୍ପିଟାଲ ରେ ଚିକିତ୍ସିତ ହୋଇଥିଲେ |

ଉଭୟ ଓଡ଼ିଆ ଓ ଇଂରାଜୀରେ ସାମ୍ବଦିକତା ସହ ଓଡ଼ିଆ ସାହିତ୍ୟ କ୍ଷେତ୍ରରେ ତାଙ୍କର ଅବଦାନ ଅତୁଳନୀୟ। ୧୯୬୫ରୁ ସାମ୍ବାଦିକତା ବୃତ୍ତି ଆରମ୍ଭ କରିଥିଲେ ସ୍ବର୍ଗତ ବସନ୍ତ ଦାସ। ୧୯୬୫ରେ ଇଂରାଜୀ ଦୈନିକ ଇଷ୍ଟର୍ଣ୍ଣ ଟାଇମ୍ସରୁ ସାମ୍ବଦିକତା କ୍ଷେତ୍ରରେ ସେ ପାଦ ଥାପିଥିଲେ। ଏହାପରେ ସମ୍ବାଦିକତା କ୍ଷେତ୍ରରେ ୫ ଦଶନ୍ଧୀ ଧରି ସକ୍ରିୟ ଭାବେ କାର୍ଯ୍ୟ କରିଆସୁଥିଲେ। ସାମ୍ବାଦିକଙ୍କ ମହଲରେ ବସନ୍ତ ଭାଇ ନାମରେ ସେ ବେଶ୍ ପରିଚିତି ଥିଲେ। ଓଡ଼ିଶା ରାଜନୀତି ଓ ସମ୍ବାଦିକତାକୁ ନେଇ ଅନେକ ବହି ମଧ୍ୟ ଲେଖିଛନ୍ତି ସେ। ଜେ ଦେଶ ଯାଇ ସେ ଫଲ୍ ଖାଏ ପୁସ୍ତକ ତାଙ୍କରି ଅବଦାନ। ଏଥିପାଇଁ ସେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ମଧ୍ୟ ପାଇଥିଲେ।

ପରଲୋକରେ ବିଶିଷ୍ଟ ଓଡ଼ିଆ ସଙ୍ଗୀତ ନିର୍ଦେଶକ ଶାନ୍ତିରାଜ ଖୋସଲା

ସଙ୍ଗୀତ ପାଇଁ ସମର୍ପି ଦେଇଥିଲେ ନିଜକୁ। ତାଙ୍କ ସୁମଧୁର ସ୍ବର ଏବଂ ସଙ୍ଗୀତରେ ଜୀବନ୍ତ ହେଉଥିବା ଓଡ଼ିଆ ଗୀତ। ଆଉ ଝୁମି ଉଠୁଥିଲେ ଶ୍ରୋତା। ସେ ଥିଲେ ସଙ୍ଗୀତ ଜଗତର ନୀରବ ସାଧକ। ମାତ୍ର ଆଜି ସେ ଆରପାରିରେ। ସମସ୍ତଙ୍କୁ ସ୍ତବ୍ଧ କରି ଚାଲିଯାଇଛନ୍ତି ଅଫେରା ରାଇଜକୁ। କାଳରୂପୀ କୋରୋନା ମହାମାରୀ ଓଡ଼ିଆ ସଙ୍ଗୀତ ଜଗତକୁ ଦେଇଛି ଆଉ ଏକ ଝଟକା। ଆମ ଗହଣରୁ ଛଡ଼ାଇ ନେଇଛି ଆଉ ଏକ ଚିହ୍ନା ମୁହାଁକୁ। ବିଶିଷ୍ଟ ଓଡ଼ିଆ ଗାୟକ ତଥା ବରିଷ୍ଠ ସଙ୍ଗୀତ ନିର୍ଦେଶକ ଶାନ୍ତିରାଜ ଖୋସଲାଙ୍କ ପରଲୋକ ହୋଇଛି। କୋରୋନାରେ ଆକ୍ରାନ୍ତ ହେବା ପରେ ଘରେ ହୋମ ଆଇସୋଲେସନରେ ଥିଲେ। ମାତ୍ର ଗୁରୁବାର ସକାଳେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ଶାନ୍ତିରାଜ ଖୋସଲାଙ୍କୁ ମାତ୍ର ୫୫ ବର୍ଷ ବୟସ ହୋଇଥିଲା। ତାଙ୍କ ଦେହାନ୍ତ ନେଇ ଶାନ୍ତିରାଜଙ୍କ ପରିବାର ପକ୍ଷରୁ ସୂଚନା ଦିଆଯାଇଛି। ଶାନ୍ତିରାଜଙ୍କ ପରଲୋକ ଓଡ଼ିଆ ଫିଲ୍ମ ଓ ସଙ୍ଗୀତ ଜଗତରେ ଅପୂରଣୀୟ କ୍ଷତି ସୃଷ୍ଟି କରିଛି।

ଆଜି ବୈଶାଖ ଶୁକ୍ଳପକ୍ଷ ଚତୁର୍ଦ୍ଦଶୀ ତିଥିରେ ଶ୍ରୀମନ୍ଦିରରେ ପବିତ୍ର ନୃସିଂହ ଜନ୍ମ ନୀତି

ଆଜି ବୈଶାଖ ଶୁକ୍ଳପକ୍ଷ ଚତୁର୍ଦ୍ଦଶୀ ତିଥିରେ ଶ୍ରୀମନ୍ଦିରରେ ପବିତ୍ର ନୃସିଂହ ଜନ୍ମ ନୀତି ପାଳିତ ହେଉଛି। ସନ୍ଧ୍ୟାଧୂପ ପରେ ନୃସିଂହଙ୍କୁ ଦକ୍ଷିଣ ଘରୁ ଆଣି ସିଂହାସନରେ ବିଜେ କରାଯାଏ । ଆଜ୍ଞାମାଳ ପାଇବା ପରେ ମୁକ୍ତିମଣ୍ଡପ ଉପରେ ନୃସିଂହଙ୍କୁ ଖଟୁଲିରେ ବିଜେ କରାଯାଏ । ନୃସିଂହ ମନ୍ଦିର ଏବଂ ମଣ୍ଡପରେ ବିଜେ ନୃସିଂହ ପ୍ରତିମା ପାଖରେ ମହାସ୍ନାନ ତଥା ଶୀତଳ ଭୋଗ ହୋଇଥାଏ । ବନ୍ଦାପନା ସରିବା ପରେ ନୃସିଂହ ଦେବ ଝୁଲଣ ମଣ୍ଡପ ତଳେ ଥିବା ବିମାନକୁ ବିଜେ କରିଥାନ୍ତି । ପରେ ନୃସିଂହ ଦେବ ଜଗନ୍ନାଥବଲ୍ଲଭକୁ ବିଜେ କରିବା ସହ ସେଠାରେ ଭୋଗ ବନ୍ଦାପନା ନୀତି ହୋଇଥାଏ ।

ପରଲୋକରେ ଲୋକପ୍ରିୟ ପ୍ରବଚକ ଚାରଣ ରାମ ଦାସ

ଆଉ ଶୁଣିବାକୁ ମିଳିବନି ଲୋକପ୍ରିୟ ଓଡ଼ିଆ ପ୍ରବଚକ ଚାରଣ ରାମ ଦାସଙ୍କ କଣ୍ଠସ୍ୱର। କୋରୋନାରେ ଆକ୍ରାନ୍ତ ହୋଇ ପୁରୀ ଆଇଡ଼ିଏଚ କୋଭିଡ ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ସୋମବାର ବିଳମ୍ବିତ ରାତିରେ ତାଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୬୧ ବର୍ଷ ବୟସ ହୋଇଥିଲା। ପ୍ରବଚକ ଚାରଣ ରାମ ଦାସଙ୍କର ଜଗନ୍ନାଥ ସଂସ୍କୃତି ସମେତ ଧର୍ମ ଓ ପୁରାଣ ଶାସ୍ତ୍ର ଉପରେ ପ୍ରଗାଢ ଜ୍ଞାନ ଥିଲା ଓ ସେ ଅତ୍ୟନ୍ତ ସାବଲୀଳ ଭାବରେ ତାହା ଉପସ୍ଥାପନ କରି ଓଡ଼ିଶାର କୋଣ ଅନୁକୋଣରେ ଲୋକପ୍ରିୟ ହୋଇପାରିଥିଲେ।

ଓଡ଼ିଶାରେ ଜଣେ ଲୋକପ୍ରିୟ ପ୍ରବଚକ ଭାବେ ଚାରଣ ରାମ ଦାସ ଖ୍ୟାତି ଅର୍ଜନ କରିଛନ୍ତି । ତାଙ୍କ କଣ୍ଠ ନିସୃତ ଗୀତା ମହିମା, ରାମାୟଣ, ଶିବ ମହିମା, ମା ତାରିଣୀ କଥାମୃତ, ଶ୍ରୀମଦ୍ଭଗବତ ଗୀତା, ଏ ତ କଳିକାଳ, ତ୍ରିନାଥ ମେଳା ବିଷୟଗୁଡ଼ିକ ସିଡି ଡିଭିଡି ଆକାରରେ ଉପଲବ୍ଧ, ଯାହା ଅତ୍ୟନ୍ତ ଲୋକପ୍ରିୟ ଅଟେ। ସେ ଟିଭିରେ ପ୍ରସାରିତ ରଥଯାତ୍ରାର ସିଧାପ୍ରସାରଣ ଧାରାବିବରଣୀ ପ୍ରଦାନ କରନ୍ତି ।</

ମନୋନୀତ ହେଲେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅଧୀନରେ ଥିବା ଚାରିଟି ଏକାଡେମୀର କର୍ମକର୍ତ୍ତା

ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅଧୀନରେ ଥିବା ଚାରିଟି ଏକାଡେମୀର କର୍ମକର୍ତ୍ତାଙ୍କ ନାମ ଶୁକ୍ରବାର ଘୋଷଣା ହୋଇଛି। ସାହିତ୍ୟ ଏକାଡେମୀର ସଭାପତି ଭାବେ ହୃଷୀକେଶ ମଲ୍ଲିକ, ଉପସଭାପତି ଭାବେ ସଂଗ୍ରାମ ଜେନା ଓ ସଚିବ ଭାବେ ପ୍ରବୋଧ କୁମାର ରାଉତଙ୍କୁ ମନୋନୀତ କରାଯାଇଛି। ସଙ୍ଗୀତ ନାଟକ ଏକାଡେମୀର ସଭାପତି ଓ ଉପସଭାପତି ଭାବେ ଯଥାକ୍ରମେ ଅରୁଣା ମହାନ୍ତି ଓ ମନ୍ମଥ କୁମାର ଶତପଥୀଙ୍କୁ ଚୟନ କରାଯାଇଛି। ସେହିପରି ଲଳିତ କଳା ଏକାଡେମୀର ଉପସଭାପତି ଭାବେ ଶ୍ରୀନିବାସ ପଢ଼ିହାରୀ, ସଚିବ ଭାବେ ପଞ୍ଚାନନ ସାମଲ ଏବଂ ଉର୍ଦ୍ଦୁ ଏକାଡେମୀର ସଚିବ ପଦବି ପାଇଁ ସୟଦ ମୁସିର୍ ଆଲମଙ୍କ ନାମ ଘୋଷଣା କରାଯାଇଛି।

ସାହିତ୍ୟ ଏକାଡେମୀର ତିନି, ସଙ୍ଗୀତ ନାଟକ ଏକାଡେମୀର ଦୁଇ, ଲଳିତ କଳା ଏକାଡେମୀର ଦୁଇ ଏବଂ ଉର୍ଦ୍ଦୁ ଏକାଡେମିର ଗୋଟିଏ ପଦବୀ ପାଇଁ ବିଭାଗ ପକ୍ଷରୁ ବିଜ୍ଞପ୍ତି ଜାରି ହୋଇଥିଲା। ମୋଟ୍ ୮ଟି ପଦବୀ ପାଇଁ ୨୨୭ ଆବେଦନ ଆସିଥିଲା। ତିନିଟି ପର୍ଯ୍ୟାୟରେ କମିଟିର ବୈଠକ କରାଯାଇ ୮ଟି ପଦବୀ ପାଇଁ ୮ଟି ନାମ ସୁପାରିସ୍ କରାଯାଇଥିଲା।

ରାଉରକେଲାରେ ୧୦୦ଟି ଭେଣ୍ଟିଲେଟର୍‌ ଯୁକ୍ତ ଆଇସିୟୁ ବେଡ୍‌ ଲୋକାର୍ପିତ

ଓଡ଼ିଶାର କର୍ପୋରେଟ୍ ଅନୁଷ୍ଠାନ ଗୁଡ଼ିକ ବିଶେଷ ଭାବରେ କେନ୍ଦ୍ରୀୟ ରାଷ୍ଟ୍ରାୟତ ଉଦ୍ୟୋଗ(ପିଏସୟୁ) ଗୁଡ଼ିକ ପକ୍ଷରୁ ଓଡ଼ିଶାରେ ପାଖାପାଖି ୫ ହଜାର କୋଭିଡ୍ ବେଡ୍ ଏବଂ ୧ ହଜାରରୁ ଉର୍ଦ୍ଧ୍ୱ ଭେଣ୍ଟିଲେଟରର ବ୍ୟବସ୍ଥା କରାଯାଉଥିବା କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଗୁରୁବାର ନୂଆଦିଲ୍ଲୀରୁ ଭର୍ଚୁଆଲ୍ ମାଧ୍ୟମରେ ସେଲ୍ ରାଉରକେଲା ଇସ୍ପାତ କାରଖାନାର ଇସ୍ପାତ ପୋଷ୍ଟ୍ ଗ୍ରାଜୁଏଟ୍ ଇନଷ୍ଟିଚ୍ୟୁଟ୍ (ଆଇପିଜିଆଇ) ଏବଂ ସୁପର ସ୍ପେଶାଲିଟି ହସ୍ପିଟାଲରେ ୧୦୦ଟି ଭେଣ୍ଟିଲେଟର୍ ସହ ଆଇସିୟୁ ବେଡର ଲୋକାର୍ପଣ କରିବା ଅବସରରେ ଏହା କହିଛନ୍ତି ଧର୍ମେନ୍ଦ୍ର। ଆଗାମୀ ଦିନରେ ଏହି ସୁବିଧା କୋଭିଡ୍ ସଂକ୍ରମିତ ରୋଗୀମାନଙ୍କୁ ଉନ୍ନତମାନର ସ୍ୱାସ୍ଥ୍ୟସେବା ଯୋଗାଇବା ସହ ଅନେକ ଜୀବନ ରକ୍ଷା କରିବାରେ ସହାୟକ ହେବ। ଜାତୀୟ ଏବଂ ଆଞ୍ଚଳିକ ସ୍ତରରେ ରାଉରେକଲା ଇସ୍ପାତ୍ କାରଖାନା ଏହି କୋଭିଡ ମହାମାରୀର ମୁକାବିଲା ପାଇଁ ସମସ୍ତ ସମ୍ଭାବ୍ୟ ପଦକ୍ଷେପ ନେଉଛି ବୋଲି କହିଛନ୍ତି ଧର୍ମେନ୍ଦ୍ର।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅକ୍ସିଜେନ୍ ପ୍ଲାଣ୍ଟ ନିକଟରେ ବୃହତ କୋଭିଡ୍ କେୟାର୍ ସେଣ୍ଟର୍ ପ୍ରତିଷ୍ଠା କରିବା ପାଇଁ ଆହ୍ୱାନ କରିଥିବା ବେଳେ ସେଲ୍ ମଧ୍ୟ ରାଉରକେଲାରେ ୫୦୦ ବେଡ୍ ବିଶିଷ୍ଟ କୋଭିଡ୍ କେୟାର ସେଣ୍ଟର ପ୍ରତିଷ୍ଠା ପାଇଁ ଦାୟିତ୍ୱ ନେଇଥିବାରୁ କୃତଜ୍ଞତା ଜଣାଇଛନ୍ତି ଧର୍ମେନ୍ଦ୍ର।

ଟେଷ୍ଟିଂକୁ ଜନଆନ୍ଦୋଳନରେ ପରିଣତ କରିବାର ସମୟ ଆସିଛି: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କୋରୋନା ମହାମାରୀ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ସ୍ୱାସ୍ଥ୍ୟ ବିଶେଷଜ୍ଞମାନେ ଟ୍ରେସିଂ, ଟେଷ୍ଟିଂ ଓ ଟ୍ରିଟମେଣ୍ଟକୁ ଗୁରୁତ୍ୱ ଦେଇ ଆସୁଛନ୍ତି। ତେଣୁ ଦଳ ମତ ନିର୍ବିଶେଷରେ ଓଡ଼ିଶାର ସମସ୍ତ ଭାଇ ଭଉଣୀ ଓ ଗୁରୁଜନମାନଙ୍କୁ ଟେଷ୍ଟିଂ ଅଭିଯାନରେ ସାମିଲ୍ ହୋଇ ଏହାକୁ ଜନଆନ୍ଦୋଳନରେ ପରିଣତ କରିବା ପାଇଁ ଏକ ଭିଡ଼ିଓ ବାର୍ତ୍ତା ମାଧ୍ୟମରେ ଅନୁରୋଧ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଦେଶ ଏବଂ ରାଜ୍ୟ କୋରୋନାର ଦ୍ୱିତୀୟ ଲହରୀ ଦ୍ୱାରା ପ୍ରଭାବିତ ହୋଇଥିବା ବେଳେ ଓଡ଼ିଆ ଲୋକମାନେ ଚିନ୍ତାରେ ଅଛନ୍ତି। କୋରୋନାକୁ ନିୟନ୍ତ୍ରଣରେ ରଖିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟେଷ୍ଟିଂ ବଢ଼ାଇବା, ଟ୍ରେସିଂ କରିବା ଏବଂ ଟ୍ରିଟମେଣ୍ଟ୍ କରିବା ଉପରେ ରଣନୀତି ପ୍ରସ୍ତୁତି କରିବା ପାଇଁ ପରାମର୍ଶ ଦେଇଛନ୍ତି।

ପରଲୋକରେ ପଦ୍ମଶ୍ରୀ ରଘୁନାଥ ମହାପାତ୍ରଙ୍କ ପୁଅ ପ୍ରଶାନ୍ତ ମହାପାତ୍ର

ପଦ୍ମଶ୍ରୀ ରଘୁନାଥ ମହାପାତ୍ରଙ୍କ ପୁଅ ତଥା ପୂର୍ବତନ ରଣଜୀ କ୍ରିକେଟର ପ୍ରଶାନ୍ତ ମହାପାତ୍ରଙ୍କର ଆଜି ପରଲୋକ ହୋଇଯାଇଛି। ଭୁବନେଶ୍ୱର ଏମସରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଛି। ସେ କୋଭିଡରେ ଆକ୍ରାନ୍ତ ହୋଇ ଏମସରେ ଚିକିତ୍ସାଧୀନ ଥିଲେ। ଯୁବକମାନଙ୍କୁ ନେଇ କ୍ରିକେଟର ସ୍ୱପ୍ନ ଦେଖୁଥିଲେ ପ୍ରଶାନ୍ତ। ସେ ଅତ୍ୟନ୍ତ ମେଳାପୀ, ମିଷ୍ଟଭାଷୀ ଓ ବନ୍ଧୁବତ୍ସଳ ଥିଲେ। ଅକାଳରେ ତାଙ୍କର ଏହି ମୃତ୍ୟୁ ଓଡିଶା ସମେତ କ୍ରିକେଟ୍ ଜଗତ ପାଇଁ ଏକ ଅପୂରଣୀୟ କ୍ଷତି ହୋଇଛି। ତାଙ୍କର ଏହି ବିୟୋଗ କେବଳ ଯେ ତାଙ୍କ ପରିବାର ଲୋକଙ୍କୁ ଦୁଃଖ ଦେଇଛି ତାହା ନୁହେଁ ବରଂ ତାଙ୍କ ସହିତ ସଂପୃକ୍ତ ଥିବା ସାଙ୍ଗ ସାଥୀ, ସହକର୍ମୀ ସମେତ କ୍ରିକେଟ୍ ପ୍ରେମୀମାନଙ୍କ ମନରେ ମଧ୍ୟ ଗଭୀର ଆଘାତ ସୃଷ୍ଟି କରିଛି।

Former Odia-Indian Cricketer Honoured with Coaching Métier

Congratulations, Shiv Sunder Das!

We Are Elated As Former Indian Opener Shiv Sunder Das Is Appointed As The Batting Coach For The Upcoming England Tour Of The Indian Women&#39;S Cricket Team. Odisha Congratulates The Red-Ball Centurion And Wishes Him All The Best To Bring Home Success With The Fantastic Women&#39;S Team In His Endeavor.

ଅନନ୍ୟ ସୁର ସାଧକ ଅମରେନ୍ଦ୍ର ମହାନ୍ତିଙ୍କୁ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି

ଆତ୍ମା ସର୍ବଦା ଅମର। ଏବେ ଦୁନିଆରେ ଯେଉଁ କେତେକ ବ୍ୟକ୍ତିବିଶେଷ ଏପରି କିଛି ଉଲ୍ଲେଖନୀୟ କାର୍ଯ୍ୟ କରିଛନ୍ତି ଏବଂ ଏହାଦ୍ବାରା ଅନ୍ୟମାନଙ୍କୁ ଅନୁପ୍ରାଣିତ କରିଥାନ୍ତି, ତାଙ୍କ ଅବର୍ତ୍ତମାନରେ ବି ସେ ଅଗଣିତ ଲୋକଙ୍କ ହୃଦୟରେ ଅମର ହୋଇ ରହିଯାଆନ୍ତି। ତାଙ୍କ କୃତି ଚିରଦିନ ପାଇଁ ଉଜ୍ଜୀବିତ ହୋଇ ରହେ, ଛାପ ଛାଡ଼ିଯାଏ। ଏଣୁ ଏପରି ବ୍ୟକ୍ତିବିଶେଷଙ୍କ ଇହଲୀଳା ସମ୍ବରଣ ପରେ ସେମାନଙ୍କ ନାମ ସହ ଅମର ଶବ୍ଦଟିକୁ ଯୋଡ଼ି ଦିଆଯାଇଥାଏ। ଏଭଳି ଜଣେ ପ୍ରତିଭାସମ୍ପନ୍ନ ତଥା ଲୋକପ୍ରିୟ ବ୍ୟକ୍ତିତ୍ବ ଥିଲେ ସଙ୍ଗୀତକାର ତଥା କଣ୍ଠଶିଳ୍ପୀ ଅମରେନ୍ଦ୍ର ମହାନ୍ତି। ସେ ଆଜି ଆଉ ଆମ ଗହଣରେ ନାହାନ୍ତି। ବୁଲୁ ଭାଇ ନାମରେ ପରିଚିତ ଅମରେନ୍ଦ୍ର ଓଡ଼ିଆ ଭଜନ ଓ ଜଣାଣ କ୍ଷେତ୍ରରେ ନିଜର ସ୍ବତନ୍ତ୍ର ଛାପ ଛାଡ଼ିବା ସହ ଓଡ଼ିଆ ସିନେମା ଜଗତରେ ମଧ୍ୟ ସମାନ ଭାବେ ପରିଚିତ। ସେ ତାଙ୍କ କ୍ୟାରିୟରରେ ଅନେକ ସୁମଧୁର ସଙ୍ଗୀତ ସୃଷ୍ଟି କରିବା ସହିତ ବହୁ ଯୁବପ୍ରତିଭାଙ୍କୁ ସୁଯୋଗ ଦେଇ ଆଗକୁ ଆଣିଛନ୍ତି। ସଭିଙ୍କୁ ପରକରି ଅମରେନ୍ଦ୍ର ମହାଯାତ୍ରା ଆରମ୍ଭ କରିଥିବା ବେଳେ ତାଙ୍କୁ ଝୁରୁଛି ସାରା ଓଡ଼ିଶା।

ଆଜିଠୁ ମହାପ୍ରଭୁଙ୍କର ଦୁର୍ଲଭ ଚନ୍ଦନ ଲାଗି ବେଶ

ପବିତ୍ର ଅକ୍ଷୟ ତୃତୀୟା ଠାରୁ ବୟାଳିଶ (୪୨) ଦିନ ଧରି ଚନ୍ଦନ ଯାତ୍ରା ସମୟରେ ଶ୍ରୀବିଗ୍ରହମାନଙ୍କ ଚନ୍ଦନ ଲାଗି ବେଶ ଅନୁଷ୍ଠିତ ହୁଏ। ପ୍ରତିଦିନ ଭୋଗ ମଣ୍ଡପ ସରିବା ପରେ ଆଲଟ ଲାଗି ଓ ଚନ୍ଦନ ଲାଗି ହୁଏ । ତାପରେ ଠାକୁରଙ୍କୁ ଫୁଲରେ ବେଶ କରାଯାଏ । ଫୁଲର ଚଉସରା, ଅଳକା (ସୁଗନ୍ଧ ଶୁକ୍ଳ ରଙ୍ଗର ପୁ଼ଷ୍ପ), ଚୂଳ, ଗଭା, ଗୁଣା, ଝୁମ୍ପା, ଅଧର ଆଦି ଲାଗି ହୁଏ । ଚନ୍ଦନ ଯାତ୍ରାର ପ୍ରଥମ ୨୧ ଦିନ ବାହାର ଚନ୍ଦନ ଏବଂ ପରବର୍ତ୍ତୀ ୨୧ ଦିନ ଦିନ ଶ୍ରୀମନ୍ଦିରରେ ଭିତର ଚନ୍ଦନ ଭାବେ ପାଳିତ ହୁଏ । ବାହାର ଚନ୍ଦନ ସମୟରେ ପ୍ରତିଦିନ ବିଜେ ପ୍ରତିମାମାନଙ୍କୁ ଶୋଭାଯାତ୍ରାରେ ନରେନ୍ଦ୍ର ପୁଷ୍କରିଣୀ ନିଆଯିବା ସହ ସେଠାରେ ନୌବିହାର ହୋଇଥାଏ 

କୃଷି ଭିତ୍ତିକ ପର୍ବ ଅକ୍ଷୟ ତୃତୀୟା ଅବସରରେ ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ

ପବିତ୍ର ଅକ୍ଷୟ ତୃତୀୟା ଅବସରରେ ଅଖିମୁଠିର ଶୁଭ ଅନୁକୂଳ ଆମ ରାଜ୍ୟକୁ ଶସ୍ୟଶ୍ୟାମଳା କରୁ।

ଓଡ଼ିଶାରେ କୋଭିଡ ହସ୍ପିଟାଲ ନିର୍ମାଣ କରିବା ପାଇଁ ସେତୁ ସାଜିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କୋରୋନା ମହାମାରୀ ଦ୍ୱିତୀୟ ଲହରର ସଙ୍କଟ ସମୟରେ ଓଡ଼ିଶାବାସୀଙ୍କ କଲ୍ୟାଣକୁ ଦୃଷ୍ଟିରେ ରଖି ରାଜ୍ୟରେ ମେଡିକାଲ ଭିତ୍ତିଭୂମିର ନିର୍ମାଣ ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କରିଥିବା ଅନୁରୋଧକୁ ପ୍ରାଥମିକତା ଦେଇ ସକରାତ୍ମକ ପଦକ୍ଷେପ ନେବାକୁ କେନ୍ଦ୍ର କୋଇଲା, ଖଣି, ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ମହାନଦୀ କୋଲ ଫିଲ୍ଡ ଲିମିଟେଡ୍ କୁ ନିର୍ଦେଶ ଦେଇଛନ୍ତି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗତ ୭ ତାରିଖରେ କେନ୍ଦ୍ର କୋଇଲା ମନ୍ତ୍ରୀ ପ୍ରହ୍ଲାଦ ଯୋଶୀଙ୍କୁ ସମ୍ବଲପୁର, ସୁନ୍ଦରଗଡ଼, ଝାରସୁଗୁଡ଼ା ଓ ଅନୁଗୁଳ ଜିଲ୍ଲାର ବିଭିନ୍ନ ସ୍ଥାନରେ ୫୫୦ଟି ବେଡ୍ ସହ ଅକ୍ସିଜେନ୍ ସଂଯୁକ୍ତ ବେଡ୍, ଆଇସିୟୁ, ଭେଣ୍ଟିଲେଟର ତଥା ଆନୁଷଙ୍ଗିକ ବ୍ୟବସ୍ଥା କରିବାକୁ ଅନୁରୋଧ କରିଥିବା ବେଳେ ଯୋଶୀ କେନ୍ଦ୍ରମନ୍ତ୍ରୀଙ୍କ ଅନୁରୋଧକୁ ପ୍ରାଥମିକତା ଦେଇ ପଦକ୍ଷେପ ନେବାକୁ ଏମସିଏଲ୍କୁ ନିର୍ଦେଶ ଦେଇଛନ୍ତି। ଏହି ସଙ୍କଟ ସମୟରେ ଓଡିଶାରେ ସ୍ୱାସ୍ଥ୍ୟସେବାକୁ ଗୁରୁତ୍ୱ ଦେଉଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର କୋଇଲା ଓ ଖଣି ମନ୍ତ୍ରୀ ପ୍ରହ୍ଲାଦ ଯୋଶୀଙ୍କୁ ଧନ୍ୟବାଦ ଜଣାଇଛନ୍ତି ଧର୍ମେନ୍ଦ୍ର।

ଇସ୍ପାତ୍ ପ୍ଲାଣ୍ଟ୍‌ ଦ୍ୱାରା ଲିକୁଇଡ୍ ମେଡିକାଲ ଅକ୍ସିଜେନ ଯୋଗାଣ ନେଇ ଧର୍ମେନ୍ଦ୍ରଙ୍କ ସମୀକ୍ଷା

କୋଭିଡ-୧୯ର ସଙ୍କଟ ସମୟରେ ଦେଶରେ ଇସ୍ପାତ୍ କାରଖାନା ଦ୍ୱାରା ଉତ୍ପାଦିତ ଲିକୁଇଡ୍ ମେଡିକାଲ ଅକ୍ସିଜେନ(ଏଲଏମଓ)ର ଯୋଗାଣ ଓ ଲୋକଙ୍କୁ ଉନ୍ନତ ସ୍ୱାସ୍ଥ୍ୟସେବା ଯୋଗାଇବା ପାଇଁ ନିଆଯାଉଥିବା ପଦକ୍ଷେପ ନେଇ ସୋମବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଇସ୍ପାତ୍ ମନ୍ତ୍ରାଳୟ ଓ ଷ୍ଟିଲ୍ ରାଷ୍ଟ୍ରାୟତ ଉଦ୍ୟୋଗ(ପିଏସୟୁ) ଗୁଡ଼ିକର ଅଫିସରମାନଙ୍କ ସହ ଏକ ବୈଠକ ଅନୁଷ୍ଠିତ ହୋଇଯାଇଛି।

ଇସ୍ପାତ୍ ମନ୍ତ୍ରାଳୟ ଓ ଷ୍ଟିଲ୍ ରାଷ୍ଟ୍ରାୟତ ଉଦ୍ୟୋଗ ଗୁଡ଼ିକର ଅଫିସରମାନଙ୍କ ସହ ଇସ୍ପାତ୍ ପ୍ଲାଣ୍ଟ୍ ଦ୍ୱାରା ଉତ୍ପାଦନ ହେଉଥିବା ଲିକୁଇଡ୍ ମେଡ଼ିକାଲ ଅକ୍ସିଜେନର ଯୋଗାଣ ନେଇ କେନ୍ଦ୍ରମନ୍ତ୍ରୀ ସମୀକ୍ଷା କରିଛନ୍ତି। ଏହାସହ ଇସ୍ପାତ୍ ପ୍ଲାଣ୍ଟ୍ ଦ୍ୱାରା ସ୍ୱାସ୍ଥ୍ୟସେବା ଭତ୍ତିଭୂମିକୁ ବୃଦ୍ଧି କରିବା ପାଇଁ ନିଆଯାଉଥିବା ପଦକ୍ଷେପ ଗୁଡ଼ିକ ଉପରେ ବୈଠକରେ ଆଲୋଚନା କରିଥିବା ଟ୍ୱିଟ୍ କରିଛନ୍ତି ଧର୍ମେନ୍ଦ୍ର।

ଓଡ଼ିଶା ରାଜ୍ୟ ଜନଜାତି ସଂଗ୍ରହାଳୟକୁ ଭର୍ଚୁଆଲ୍‌ ଟୁର୍‌

ମହାମାରୀ କୋରୋନା ଯୋଗୁ ଓଡ଼ିଶା ରାଜ୍ୟ ଜନଜାତି ସଂଗ୍ରହାଳୟ ବନ୍ଦ ରହିଛି। ଲକଡାଉନ୍ ଓ ସପ୍ତାହାନ୍ତ ସଟଡାଉନ୍ ସମୟରେ ସଂଗ୍ରହାଳୟ ପରିଦର୍ଶନ ପାଇଁ ଅଭିନବ ବ୍ୟବସ୍ଥା ଗ୍ରହଣ କରାଯାଇଛି। ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗର ପଦକ୍ଷେପ ଫଳରେ ଦର୍ଶକମାନେ ପ୍ରତ୍ୟେକ ରବିବାର ଦିନ ଏହି ସଂଗ୍ରହାଳୟକୁ ଭର୍ଚୁଆଲ ଟୁର୍ କରିପାରିବେ। ଦର୍ଶକମାନେ ଥ୍ରୀ-ଡି ମାଧ୍ୟମରେ ଫେସବୁକ୍ ଓ ଟୁଇଟର୍ ପେଜ୍ @Stscdev, @Scstrti ଖୋଲି ଓଡ଼ିଶା ରାଜ୍ୟ ଜନଜାତି ସଂଗ୍ରହାଳୟର ମୁଖ୍ୟ ସଂଗ୍ରହାଳୟ ଭବନ ସମ୍ପର୍କରେ ଜାଣିପାରିବେ ବୋଲି ଏସସିଏସଟିଆରଟିଆଇର ନିର୍ଦେଶକ ପ୍ରଫେସର ଅଖିଳ ବିହାରୀ ଓତା ପ୍ରକାଶ କରିଛନ୍ତି। ସଂଗ୍ରହାଳୟର ମୁଖ୍ୟ ଭବନରେ ପାଞ୍ଚଗୋଟି ଗ୍ୟାଲେରୀ ରହିଛି। ଏହି ୫ଟି ଗ୍ୟାଲେରୀରେ ଓଡ଼ିଶାର ୬୨ଟି ଜନଜାତିଙ୍କର ବିଭିନ୍ନ ପ୍ରକାରର ଦୈନିନ୍ଦିନ ବ୍ୟବହୃତ ସାମଗ୍ରୀ ଏବଂ କଳା ଓ ଶିଳ୍ପକଳା ପ୍ରଦର୍ଶିତ ହୋଇଛି।

ଉପସାଗରୀୟ ଦେଶରୁ ଆସିବ ଏଲ୍‌ଏମ୍‌ଓ: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭର୍ଚୁଆଲ୍ ମାଧ୍ୟମରେ ସାଉଦିଆରବର ଉର୍ଜା ମନ୍ତ୍ରୀ ପ୍ରିନ୍ସ ଅବଦୁଲାଜିଜ୍, ୟୁଏଇର ଶିଳ୍ପ ଏବଂ ପ୍ରଯୁକ୍ତିବିଦ୍ୟା ଏବଂ ଆଦନୋକ ଗ୍ରୁପର ସିଇଓ ଡ. ସୁଲତାନ ଅଲ୍ ଜାବେର ଏବଂ କତାରର ଉର୍ଜା ମନ୍ତ୍ରୀ ତଥା କତାର ପେଟ୍ରୋଲିୟମର ସଭାପତି ସାଦ୍ ଶେରିଦା ଅଲ୍ କାବିଙ୍କ ସହ ଆଲୋଚନା କରିଛନ୍ତି। ଏହି ଦେଶର ସମସ୍ତ ମନ୍ତ୍ରୀଗଣ ଭାରତକୁ ତରଳ ମେଡିକାଲ ଅକ୍ସିଜେନ(ଏଲଏମଓ)ର ବାଣିଜ୍ୟିକ ଯୋଗାଣ ପାଇଁ ସବୁପ୍ରକାର ସହାୟତା ଯୋଗାଇ ଦିଆଯିବ ବୋଲି ସୁନିଶ୍ଚିତ କରିଥିବା ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି।

ଆବୁଧାବି, କୁଏତ, କତାର, ବାହରିନ, ସାଉଦିଆରବ, ଓମାନରେ ଅବସ୍ଥାପିତ ଭାରତୀୟ ଦୂତାବାସଙ୍କ ସକ୍ରିୟ ସହଯୋଗ ଫଳରେ ଇଣ୍ଡିଆନ୍ ଅଏଲ୍ ଏବଂ ଗେଲ୍ ଇଣ୍ଡିଆ ଆଗାମୀ କିଛି ସପ୍ତାହ ମଧ୍ୟରେ ଦେଶକୁ ତରଳ ମେଡ଼ିକାଲ ଅକ୍ସିଜେନ୍ ଆଣିବେ। ବିଶେଷ ଭାବରେ କୋଭିଡ୍ ୧୯ ମହାମାରୀର ଦ୍ୱିତୀୟ ଲହର ସହ ଭାରତ ଲଢ଼ୁଥିବା ବେଳେ ଏହି ସହାୟତା ଯୋଗାଇ ଦେବା ପାଇଁ ଏହି ଦେଶର ନେତୃତ୍ୱମାନେ ଇଚ୍ଛାପ୍ରକାଶ କରିଛନ୍ତି।

କୋରୋନାରେ ପ୍ରଖ୍ୟାତ ଭାସ୍କର୍ଯ୍ୟ ଶିଳ୍ପୀ ରଘୁନାଥ ମହାପାତ୍ରଙ୍କ ପରଲୋକ

ଆଉ ନାହାନ୍ତି ଓଡ଼ିଶାର ରାଜ୍ୟସଭା ସାଂସଦ ତଥା ପ୍ରସିଦ୍ଧ ଭାସ୍କର୍ଯ୍ୟ ଶିଳ୍ପୀ ପଦ୍ମବିଭୂଷଣ ରଘୁନାଥ ମହାପାତ୍ର। କୋରୋନାରେ ଆକ୍ରାନ୍ତ ହୋଇ ଓଡ଼ିଶାର ଏହି ଅନ୍ତର୍ଜାତୀୟ ଖ୍ୟାତିସମ୍ପନ୍ନ ଭାସ୍କର୍ଯ୍ୟ ଶିଳ୍ପୀ ଭୁବନେଶ୍ୱରସ୍ଥିତ ଏମସରେ ଚିକିତ୍ସିତ ହେଉଥିବା ବେଳେ ରବିବାର ଅପରାହ୍ନ ୩ଟା ୪୯ରେ ଶେଷ ନିଶ୍ବାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୭୮ ବର୍ଷ ବୟସ ହୋଇଥିଲା। ଦେଶ ବିଦେଶରେ ସୁନାମ ଅର୍ଜନ କରିଥିବା ଭାସ୍କର୍ଯ୍ୟ ଶିଳ୍ପୀ ପଦ୍ମବିଭୂଷଣ ରଘୁନାଥ ମହାପାତ୍ର କୋରୋନାରେ ଆକ୍ରାନ୍ତ ହେବା ପରେ ତାଙ୍କୁ କିଛି ଦିନ ପୂର୍ବରୁ ଏମସରେ ଭର୍ତ୍ତି କରାଯାଇଥିଲା। ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ପରେ ତାଙ୍କୁ ଭେଣ୍ଟିଲେଟରକୁ ନିଆଯାଇଥିଲା। ଦେଶ ବିଦେଶର ବହୁ ବିଶିଷ୍ଟ ବ୍ୟକ୍ତି ରଘୁନାଥ ମହାପାତ୍ରଙ୍କ ବିୟୋଗରେ ତାଙ୍କ ପ୍ରତି ଶ୍ରଦ୍ଧା ଓ ସମ୍ମାନ ପ୍ରଦର୍ଶନ ସହିତ ଶୋକବ୍ୟକ୍ତ କରିଛନ୍ତି। 

ବିକାଶ ମଲ୍ଟି ସ୍ପେଶାଲିଟି ହସ୍ପିଟାଲ୍‌ର ଉଦ୍‌ଘାଟନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଓଡ଼ିଶାରେ ବୃଦ୍ଧି ପାଇବାରେ ଲାଗିଛି କୋରୋନା ସଂକ୍ରମଣ। ଏଥିସହ ପଶ୍ଚିମ ଓଡ଼ିଶାରେ ମଧ୍ୟ କୋରୋନା ସଂକ୍ରମଣ ଉଦବେଗଜନକ ସ୍ଥିତିରେ ରହିଛି। ମହାମାରୀର ମୁକାବିଲା ପାଇଁ ବରଗଡ଼ର ଜିଲ୍ଲାର ବିକାଶ ମଲ୍ଟି ସ୍ପେଶାଲିଟି ହସ୍ପିଟାଲର ଶୁଭାରମ୍ଭ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଶୁକ୍ରବାର ନୂଆଦିଲ୍ଲୀରୁ ଭିଡିଓ କନଫରେନ୍ସିଂ ମାଧ୍ୟମରେ ବରଗଡ଼ ଜିଲ୍ଲାର ବିକାଶ ମଲ୍ଟି ସ୍ପେଶାଲିଟି ହସ୍ପିଟାଲରେ ୧୦୦ଟି ଭେଣ୍ଟିଲେଟର ସହ ଆଇସିୟୁ ବେଡର ଶୁଭାରମ୍ଭ କରିଛନ୍ତି ଧର୍ମେନ୍ଦ୍ର।

ମହାମାରୀର ମୁକାବିଲା ପାଇଁ ବରଗଡ଼ର ବିକାଶ ମଲ୍ଟି ସ୍ପେଶାଲିଟି ହସ୍ପିଟାଲରେ ଇଣ୍ଡିଆନ୍ ଅଏଲ୍ ସିଏସ୍ଆର ପାଣ୍ଠିରୁ ଖର୍ଚ୍ଚ କରି ଡିଭିଆର ଏବଂ ଜିଆରସିଆର୍ ମେମୋରିଆଲ ଟ୍ରଷ୍ଟ୍ ସହଯୋଗରେ ୭୦ଟି ଭେଣ୍ଟିଲେଟର ସହିତ ଆଇସିୟୁ ବେଡ୍, ୩୦ଟି ଭେଣ୍ଟିଲେଟର ବେଡର ଅପଗ୍ରଡେସନ କରିବା ସହ ଆନୁଷଙ୍ଗିକ ଉପକରଣର ବ୍ୟବସ୍ଥା କରିଥିବାରୁ ଧନ୍ୟବାଦ ପ୍ରଦାନ କରିଛନ୍ତି। ପଶ୍ଚିମ ଓଡ଼ିଶାର ୧୦ଟି ଜିଲ୍ଲାରେ କୋଭିଡ଼ -୧୯ ସଂକ୍ରମିତଙ୍କ ସଂଖ୍ୟା ଦ୍ରୁତ ଗତିରେ ବଢ଼ୁଥିବା ବେଳେ ବରଗଡ଼ରେ ଆରମ୍ଭ ହୋଇଥିବା ଏହି ଅତ୍ୟାଧୁନିକ ସୁବିଧା ଦ୍ୱାରା ଲୋକମାନେ ବିଶେଷ ଭାବେ ଉପକୃତ ହୋଇପାରିବେ ବୋଲି ଧର୍ମେନ୍ଦ୍ର କହିଛନ୍ତି।

କୋଭିଡ୍‌ ପରିଚାଳନା ଏବଂ ସ୍ୱାସ୍ଥ୍ୟ ଭିତ୍ତିଭୂମି ସମୀକ୍ଷା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗୁରୁବାର ଭିଡ଼ିଓ କନଫରେନ୍ସିଂ ମାଧ୍ୟମରେ ଓଡ଼ିଶାରେ ପରିଚାଳିତ କେନ୍ଦ୍ରୀୟ ରଷ୍ଟ୍ରାୟତ ଉଦ୍ୟୋଗ (ପିଏସୟୁ) ଗୁଡ଼ିକର ମୁଖ୍ୟ, ରାଜ୍ୟ ସରକାରଙ୍କ ଅଧିକାରୀ, ସ୍ୱାସ୍ଥ୍ୟ ସଂଗଠନ, ବ୍ୟାଙ୍କିଂ ଏବଂ ରେଳ କ୍ଷେତ୍ରର ପ୍ରମୁଖ ଅଧିକାରୀଙ୍କ ସହ ଓଡ଼ିଶାରେ କୋଭିଡ୍ ପରିଚାଳନା ପ୍ରସ୍ତୁତି ଏବଂ ସ୍ୱାସ୍ଥ୍ୟ ଭିତ୍ତିଭୂମି ଉପରେ ସମୀକ୍ଷା କରିବା ସହ ବିଭିନ୍ନ ବିଷୟରେ ଆଲୋଚନା କରିଛନ୍ତି। ଓଡ଼ିଶାରେ ସ୍ୱାସ୍ଥ୍ୟ ଭିତ୍ତିଭୂମିକୁ ସୁଦୃଢ଼ କରିବା, ଆଇସୋଲେସନ୍ ବେଡର କ୍ଷମତା ବୃଦ୍ଧି କରିବା ସହ ଆଇସିୟୁ ଏବଂ ଅକ୍ସିଜେନ ସଞ୍ଜୁକ୍ତ ବେଡକୁ ବୃଦ୍ଧି କରିବା ଦିଗରେ ସମସ୍ତେ ମିଳିତ ଭାବେ ପଦକ୍ଷେପ ନେବା ସହ ସରକାରଙ୍କ ସହ ସମନ୍ୱୟ ରକ୍ଷା କରିବା ଦରକାର ବୋଲି କହିଛନ୍ତି ଧର୍ମେନ୍ଦ୍ର। ସେହିପରି ରାଜ୍ୟରେ ତୃତୀୟ ପର୍ଯ୍ୟାୟ ଟିକାକରଣର ଅଭିଯାନକୁ ତ୍ୱରାନ୍ୱିତ କରିବା ପାଇଁ ପିଏସୟୁ ଗୁଡ଼ିକୁ ଖୋଲାବଜାରରୁ ଟିକା କିଣି ନିଜର କର୍ମଚାରୀଙ୍କୁ ଟିକା ଦେବା ସହ ସମାଜରେ ୧୮ ବର୍ଷରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ଟିକାକରଣ କରାଇବା ପାଇଁ ଉତ୍ସାହିତ କରିଛନ୍ତି ଧର୍ମେନ୍ଦ୍ର।

ବିକଳ୍ପ ଇନ୍ଧନ ପ୍ରସ୍ତୁତ କରି ଭାରତର ସ୍ୱଦେଶୀ କ୍ଷମତାକୁ ସୁଦୃଢ଼ କରୁଛନ୍ତି ତୈଳ କମ୍ପାନୀ

ଦେଶର ତୈଳ ବିପଣନ କମ୍ପାନୀମାନେ(ଓଏମସି) ବିକଳ୍ପ ଇନ୍ଧନ ପ୍ରସ୍ତୁତ କରି ଭାରତର ସ୍ୱଦେଶୀ କ୍ଷମତାକୁ ନିରନ୍ତର ସୁଦୃଢ଼ କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆତ୍ମନିର୍ଭର ଭାରତ କଳ୍ପନାକୁ ପ୍ରୋତ୍ସାହନ ଦେଉଛନ୍ତି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମଙ୍ଗଳବାର ଇଣ୍ଡିଆନ୍ ଅଏଲର ଦିଲ୍ଲୀ ଟିକରୀକଲାନ୍ ଟର୍ମିନାଲରୁ ବ୍ୟବହୃତ ରନ୍ଧନ ତୈଳ(ୟୁସିଓ)ରୁ ପ୍ରସ୍ତୁତ ବାୟୋ ଡିଜେଲ୍ ମିଶ୍ରିତ ପ୍ରଥମ ହାଇସ୍ପିଡ ଡିଜେଲ୍ ଯୋଗାଣର ଶୁଭାରମ୍ଭ କରିବା ଅବସରରେ ଧର୍ମେନ୍ଦ୍ର ଏହା କହିଛନ୍ତି। ୨୦୧୯ରେ ବିଶ୍ୱ ଜୈବ ଇନ୍ଧନ ଦିବସ ଅବସରରେ ବ୍ୟବହୃତ ରନ୍ଧନ ତୈଳରୁ ଉତ୍ପାଦିତ ବାୟୋ-ଡିଜେଲର ସଂଗ୍ରହ ପାଇଁ ଇଓଆଇ(ଏକ୍ସପ୍ରେସନ୍ ଅଫ୍ ଇଣ୍ଟ୍ରେଷ୍ଟ୍) ଯୋଜନା ଆରମ୍ଭ କରାଯାଇଥିଲା। ଏ ଦିଗରେ ଆଜି ବାୟୋ ଡିଜେଲ୍ ମିଶ୍ରିତ ହାଇସ୍ପିଡ ଡିଜେଲ୍ ଯୋଗାଣର ଶୁଭାରମ୍ଭ ଭାରତର ଜୈବ ଇନ୍ଧନ କ୍ଷେତ୍ରରେ ଏକ ଭଲ ପଦକ୍ଷେପ। ଏହି ପଦକ୍ଷେପ ସ୍ୱଦେଶୀ ବାୟୋ ଡିଜେଲ୍ ଯୋଗାଣ, ଆମଦାନୀ ଉପରେ ନିର୍ଭରଶୀଳତା ହ୍ରାସ ହେବ ଏବଂ ଗ୍ରାମାଞ୍ଚଳରେ ନିଯୁକ୍ତି ସୃଷ୍ଟି କରିବ। ଯାହା ଫଳରେ ଦେଶରେ ଆର୍ଥିକ ଅଭିବୃଦ୍ଧି ହେବ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ।

ପର୍ଯ୍ୟଟକଙ୍କ ପାଇଁ ୩ ମାସ ଯାଏଁ ଭିତରକନିକା ବନ୍ଦ

ବିଶ୍ବପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନ ଦେଶ ବିଦେଶର ପର୍ଯ୍ୟଟକଙ୍କ ପାଇଁ ବନ୍ଦ କରାଯାଇଛି। ମେ ୧ରୁ ଜୁଲାଇ ୩୧ ତାରିଖ ୩ ମାସ ପାଇଁ ଭିତରକନିକା ପର୍ଯ୍ୟଟକଙ୍କ ପାଇଁ ବନ୍ଦ ରହିବ। ବିରଳ ବଉଳା କୁମ୍ଭୀରଙ୍କ ପାଇଁ ଭିତରକନିକା ପ୍ରସିଦ୍ଧି ଲାଭ କରିଛି। ଏହି ସମୟ ବିରଳ କୁମ୍ଭୀରଙ୍କ ପ୍ରଜନନ ଋତୁ। କୁମ୍ଭୀରମାନେ ସ୍ଥଳ ଭାଗକୁ ଉଠି ସୁରକ୍ଷିତ ସ୍ଥାନ ଦେଖି ବସା ବାନ୍ଧି ଅଣ୍ତା ଦେଇଥାନ୍ତି। ଏହି ସମୟରେ ମା କୁମ୍ଭୀର ଅଧିକ ହିଂସ୍ର ହୋଇଥାଏ। ପର୍ଯ୍ୟଟକଙ୍କ ସୁରକ୍ଷା ଦୃଷ୍ଟିରୁ ପ୍ରତିବର୍ଷ ମେ ୧ରୁ ୩ ମାସ ପାଇଁ ଭିତରକନିକା ଜାତୀୟ ଉଦ୍ୟାନ ପର୍ଯ୍ୟଟକଙ୍କ ପାଇଁ ବନ୍ଦ ରଖାଯାଇଥାଏ।

କୋରୋନାରେ ଜାତୀୟ ହକି ଖେଳାଳି ସଞ୍ଜୀବ ବାର୍ଲାଙ୍କ ପରଲୋକ

ରାଉରକେଲା: କୋରୋନା ଆକ୍ରାନ୍ତ ପୂର୍ବତନ ଜାତୀୟ ହକି ଖେଳାଳି ସଞ୍ଜୀବ ବାର୍ଲାଙ୍କର ରବିବାର ଚିକିତ୍ସାଧୀନ ଅବସ୍ଥାରେ ପରଲୋକ ଘଟିଛି। ସେ କିଛି ଦିନ ପୂର୍ବେ ଭାଇର ନିର୍ବନ୍ଧ ପାଇଁ ନିଜ ଗାଁ କୁତ୍ରା ବ୍ଲକ ଅନ୍ତର୍ଗତ କଟଙ୍ଗ ଲାଖୋଟୋଲିକୁ ଆସିଥିଲେ। ଏପ୍ରିଲ ୧୨ ତାରିଖରେ ସେ ସାମାନ୍ୟ ଅସୁସ୍ଥ ଅନୁଭବ କରିଥିଲେ। ତା ପରଦିନ, ଅର୍ଥାତ ଏପ୍ରିଲ ୧୩ ତାରିଖରେ ରାଜଗାଙ୍ଗପୁର ଗୋଷ୍ଠି ସ୍ବାସ୍ଥ୍ୟକେନ୍ଦ୍ରକୁ ଯାଇଥିଲେ। ସେଠାରେ ସେ କୋରୋନା ସଂକ୍ରମିତ ଥିବା ଜଣାପଡ଼ିଥିଲା। ନିଶ୍ବାସ ପ୍ରଶ୍ବାସ ନେବାରୁ ଅସୁବିଧା ହେବାରୁ ତାଙ୍କୁ ଏପ୍ରିଲ ୧୫ ତାରିଖରେ ରାଉରକେଲା ସ୍ଥିତ ଜୟପ୍ରକାଶ କୋଭିଡ୍ ହସପିଟାଲକୁ ସ୍ଥାନାନ୍ତର କରାଯାଇଥିଲା। ତେବେ ଚିକିତ୍ସାଧୀନ ଅବସ୍ଥାରେ ରବିବାର ସକାଳ ପ୍ରାୟ ସାଢ଼େ ୭ଟାରେ ତାଙ୍କର ମୃତ୍ୟୁ ହୋଇଛି। କୋଭିଡ୍ ନିୟମାବଳୀ ଅନୁସାରେ ବେଦବ୍ୟାସ ଘାଟରେ ତାଙ୍କର ଅନ୍ତିମ ସଂସ୍କାର କରାଯାଇଛି। ବିଡ଼ମ୍ବନା ଏହା ଯେ ରବିବାର ସଞ୍ଜୀବଙ୍କ ଦ୍ବିତୀୟ ବାର୍ଷିକୀ ଥିଲା। ସଞ୍ଜୀବଙ୍କ ଅକାଳ ବିୟୋଗ ହକି ଖେଳାଳି ଓ ହକି ପ୍ରେମୀଙ୍କ ମହଲରେ ଶୋକ ଖେଳାଇଦେଇଛି।

ଲୋକ ସଂସ୍କୃତିର ଅନନ୍ୟ ଝଲକ "ସାହିଯାତ"

ଜଗନ୍ନାଥ ସଂସ୍କୃତିରେ ଉଦବୃଦ୍ଧ ଓଡ଼ିଶାର ସମୃଦ୍ଧ ପରମ୍ପରାରେ ସାହିଯାତ୍ରା ବା ସାହିଯାତ ଏକ ବିଶେଷ ଭୂମିକା ବହନ କରେ । ମହାପ୍ରଭୁ ଶ୍ରୀଜଗନ୍ନାଥଙ୍କର ବିଭିନ୍ନ ଅବତାର ସହ ଜଡ଼ିତ ତଥା ରାମାୟଣ, ମହାଭାରତର ପୌରାଣିକ କଥାବସ୍ତୁ ହିଁ ସାହିଯାତର ବିଶେଷ ଆକର୍ଷଣ । ପୌରାଣିକ ଚରିତ୍ରମାନଙ୍କ ଦ୍ୱାରା ନୃତ୍ୟ, ଅଭିନୟ ତଥା ସମରକଳା ମାଧ୍ୟମରେ ପ୍ରଦର୍ଶନ କରିବା ହିଁ ଏହି ସାହିଯାତ ପରମ୍ପରାର ମୁଖ୍ୟ ବିଶେଷତ୍ୱ । ବିଶେଷ କରି ଓଡ଼ିଶାର ପୁରୀ ଜିଲ୍ଲାରେ ସାହିଯାତ କାହିଁ କେଉଁ କାଳରୁ ଚାଲିଆସିଛି । ସାହି କହିଲେ ଏକ ଆଞ୍ଚଳିକ କ୍ଷେତ୍ର ବା ମାର୍ଗ(ରାସ୍ତା)କୁ ବୁଝାଏ । ଆଉ ଯାତ୍ରା ହେଉଛି ଏକ ରଙ୍ଗାୟିତ ପଟୁଆର ଯେଉଁଥିରେ ବ୍ୟକ୍ତିମାନେ ବିଭିନ୍ନ ପୌରାଣିକ ଚରିତ୍ରରେ ଅବତୀର୍ଣ୍ଣ ହୋଇ ଯାତ୍ରା ଆରମ୍ଭ କରନ୍ତି ।

ଜିଲ୍ଲା କୋର୍ଟ ଡିଜିଟାଇଜେସନ୍ କେନ୍ଦ୍ର ଉଦଘାଟିତ

କଟକ, ଗଞ୍ଜାମ, ସମ୍ବଲପୁର ଏବଂ ବାଲେଶ୍ୱର ଜିଲ୍ଲା କୋର୍ଟରେ ଜିଲ୍ଲା କୋର୍ଟ ଡିଜିଟାଇଜେସନ୍ କେନ୍ଦ୍ରକୁ ଭର୍ଚୁଆଲ୍ ମୋଡରେ ଉଦଘାଟନ କରିଛନ୍ତି ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଡଃ. ଜଷ୍ଟିସ୍ ଏସ୍ ମୁରଲୀଧର। ହାଇକୋର୍ଟର ଅନ୍ୟ ବିଚାରପତିମାନେ ଭର୍ଚୁଆଲ ମାଧ୍ୟମରେ ଏହି ଉଦଘାଟନ କାର୍ଯ୍ୟକ୍ରମରେ ଯୋଗ ଦେଇଥିଲେ। ଏହି ୪ଟି ଜିଲ୍ଲା କୋର୍ଟ ଡିଜିଟାଇଜେସନ୍ କେନ୍ଦ୍ର ବିଚାର ସରିଥିବା ମାମଲାର ରେକର୍ଡଗୁଡ଼ିକର ସ୍କାନିଂ ଏବଂ ଡିଜିଟାଇଜେସନ କାର୍ଯ୍ୟ କରିବାକୁ ସ୍ଥାପନ କରାଯାଇଛି।

କରୋନା ସଂକ୍ରମଣକୁ ଦୃଷ୍ଟିରେ ରଖି ଆଜିଠାରୁ ୧୫ ତାରିଖ ଯାଏଁ ବନ୍ଦ ରହିବ ନନ୍ଦନକାନନ

ରାଜ୍ୟରେ ଦ୍ରୁତ ଗତିରେ ବୃଦ୍ଧି ପାଉଛି କୋରୋନା ସଂକ୍ରମଣ। ଏହାକୁ ଦୃଷ୍ଟିରେ ରଖି ବହୁ ସ୍ଥାନରେ ଦୋକାନ ବଜାର ବନ୍ଦ ସହ ବିଭିନ୍ନ କଟକଣା ଜାରି କରାଯାଉଛି। ରାଜଧାନୀରେ ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ବିଭିନ୍ନ ଦୋକାନ ବଜାର ସିଲ୍ କରାଯାଉଥିବା ବେଳେ ଆସନ୍ତା ମେ ୧ ରୁ ୧୫ ତାରିଖ ଯାଏ ନନ୍ଦନକାନନ ପ୍ରାଣୀ ଉଦ୍ୟାନ ଓ ବଟାନିକାଲ ଗାର୍ଡେନ ବନ୍ଦ ରଖିବା ପାଇଁ କର୍ତ୍ତୃପକ୍ଷଙ୍କ ପକ୍ଷରୁ ନିଷ୍ପତ୍ତି ଗ୍ରହଣ କରାଯାଇଛି।

ଅନ୍ୟପକ୍ଷରେ ସପ୍ତାହାନ୍ତ ଶଟଡାଉନରେ ଜଣେ ମାତ୍ର ପର୍ଯ୍ୟଟକ ଆସୁ ନ ଥିବା ଜଣାପଡିଛି। ପର୍ଯ୍ୟଟକ ଆସିବା ଦ୍ୱାରା ଭିଡ ସହ ସଂକ୍ରମଣ ବୃଦ୍ଧି ପାଇଁ ଆଶଙ୍କା ନେଇ ଏଭଳି ପଦକ୍ଷେପ ଗ୍ରହଣ କରାଯାଇଛି।

ଉତ୍କଳ ଗୌରବ ମଧୁସୂଦନ ଦାସ ଙ୍କ ଜୟନ୍ତୀ ରେ ଭକ୍ତିପୂତ ଶ୍ରଦ୍ଧାଞ୍ଜଳି

ଉଠରେ ଉଠରେ ଉତ୍କଳ ସନ୍ତାନ

ଉଠିବୁ ତୁ କେତେ ଦିନେ

ପୂରୁବ ଗୌରବ ପୂରୁବ ସାହସ

ପଡ଼ିବ କି କେବେ ମନେ?

ଆଧୁନିକ ଓଡ଼ିଶା ର ନିର୍ମାତା ଜାତିପ୍ରାଣ ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀରେ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି

ମନୋଜ ଯୁଗର ଅନ୍ତ: ଚାଲିଗଲେ ସାହିତ୍ୟର ମଉଡ଼ମଣି

ଆଉ ନାହାନ୍ତି ଓଡ଼ିଶାର ବିଶିଷ୍ଟ ସାରସ୍ବତ ସାଧକ ତଥା ଓଡ଼ିଆ ସାହିତ୍ୟର ମଉଡ଼ମଣି ଓ ଆନ୍ତର୍ଜାତିକ ଖ୍ୟାତିସମ୍ପନ୍ନ ସାହିତ୍ୟିକ ପଦ୍ମଭୂଷଣ ମନୋଜ ଦାସ। ଓଡ଼ିଶାର ଏହି ବିଶିଷ୍ଟ ଲେଖକ, ସମ୍ପାଦକ ତଥା ସ୍ତମ୍ଭକାର ପୁଡୁଚେରୀସ୍ଥିତ ଶ୍ରୀଅରବିନ୍ଦ ଆଶ୍ରମ ନର୍ସିଂହୋମରେ ଚିକିତ୍ସିତ ହେଉଥିବା ବେଳେ ଆଜି ସନ୍ଧ୍ୟାରେ ଶେଷ ନିଶ୍ବାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୮୭ ବର୍ଷ ବୟସ ହୋଇଥିଲା। ମନୋଜ ଦାସଙ୍କ ପରଲୋକ ନେଇ ତାଙ୍କ ପରିବାର ପକ୍ଷରୁ ସୂଚନା ଦିଆଯାଇଛି। ସେ ଗତ କିଛି ବର୍ଷ ଧରି ବାର୍ଦ୍ଧକ୍ୟଜନିତ ରୋଗରେ ପୀଡ଼ିତ ଥିଲେ। ତାଙ୍କ ପରଲୋକରେ କେବଳ ଓଡ଼ିଶା ନୁହେଁ, ସମଗ୍ର ଭାରତୀୟ ସାହିତ୍ୟ ଜଗତରେ ଏକ ଯୁଗର ଅନ୍ତ ଘଟିଛି। ଓଡ଼ିଆ ସାହିତ୍ୟକୁ ତାଙ୍କ ଅବଦାନ ସର୍ବଦା ଅବିସ୍ମରଣୀୟ ହୋଇ ରହିଥିବ। ତାଙ୍କ ଅବର୍ତ୍ତମାନରେ କେବଳ ଓଡ଼ିଶାର କାହିଁକି ଭାରତର ସାହିତ୍ୟ, ସଂସ୍କୃତି ଓ ଆଧ୍ୟାତ୍ମିକ ଜଗତରେ ଏକ ଶୂନ୍ୟସ୍ଥାନ ସୃଷ୍ଟି ହୋଇଛି। ଦେଶ ବିଦେଶର ବହୁ ବିଶିଷ୍ଟ ବ୍ୟକ୍ତି ମନୋଜ ଦାସଙ୍କ ବିୟୋଗରେ ତାଙ୍କ ପ୍ରତି ଶ୍ରଦ୍ଧା ଓ ସମ୍ମାନ ପ୍ରଦର୍ଶନ ସହିତ ଶୋକବ୍ୟକ୍ତ କରିଛନ୍ତି।

ଓଡ଼ିଆ ସମାଜ ପକ୍ଷରୁ ନିଶୁଳ୍କ ‘ଟେଲି ସ୍ବାସ୍ଥ୍ୟ କାର୍ଯ୍ୟକ୍ରମ’ ଆରମ୍ଭ

କୋରୋନା ମହାମାରୀ ସମୟରେ ଲୋକମାନଙ୍କୁ ସୁସ୍ଥ ରଖିବା ସହ ଚାପ ମୁକ୍ତ କରିବା ପାଇଁ ପ୍ରୟାସ ଆରମ୍ଭ କରିଛି ଦେଶର ଅଗ୍ରଣୀ, ଅଣଲାଭଜନକ ସାମାଜିକ ଓ ସାଂସ୍କୃତିକ ସଙ୍ଗଠନ ନୂଆଦିଲ୍ଲୀ ଓଡ଼ିଆ ସମାଜ। ଡାକ୍ତରଙ୍କ ନିକଟରେ ପହଞ୍ଚି ପାରୁ ନ ଥିବା କୋରୋନା ପୀଡ଼ିତଙ୍କ ନିମନ୍ତେ ଟେଲି ସ୍ବାସ୍ଥ୍ୟ କାର୍ଯ୍ୟକ୍ରମ ଆରମ୍ଭ କରିଛି ଓଡ଼ିଆ ସମାଜ। ଡାକ୍ତରମାନଙ୍କ ସହ ପରାମର୍ଶ କରିବା ଏବଂ ରୋଗୀମାନଙ୍କର ଚିକିତ୍ସା ଦିଗରେ କୋଭିଡ କେୟାର ଯଥେଷ୍ଟ ସହାୟକ ହେବ। ଏହା ସମ୍ପୂର୍ଣ୍ଣ ନିଶୁଳ୍କ ହୋଇଥିବା ବେଳେ ଏହି ଜନହିତକର କାର୍ଯ୍ୟକ୍ରମ ଚଳାଇବା ପାଇଁ ଭିଭେଓ ହେଲଥ ନାମକ ଏକ ବହୁରାଷ୍ଟ୍ରୀୟ ଟେଲି-ସ୍ବାସ୍ଥ୍ୟ ପ୍ଲାଟଫର୍ମ୍ ଆବଶ୍ୟକୀୟ ଆଇଟି ଭିତ୍ତିଭୂମି ଯୋଗାଇ ଦେବାକୁ ମନୋନିବେଶ କରିଛି। କୋଭିଡ୍ ସ୍ବାସ୍ଥ୍ୟ ସମସ୍ୟା ସହ ଜଡ଼ିତ ନିଶୁଳ୍କ ଚିକିତ୍ସା ପରାମର୍ଶ ଚାହୁଁଥିବା ବ୍ୟକ୍ତି ୮୮୮୨୪୯୭୫୧୫ରେ ମିସ୍ କଲ୍ କିମ୍ବା ହ୍ବାଟ୍ସଆପ କରିପାରିବେ।

କୋରୋନା ମହାମାରୀ ଦେଶର ସ୍ବାସ୍ଥ୍ୟ ଭିତ୍ତିଭୂମି ଉପରେ ଯେଉଁ ଚାପ ସୃଷ୍ଟି କରିଛି, ଏହାର ପୁନରୁଦ୍ଧାର ପାଇଁ ଆମକୁ ଯଥା ସମ୍ଭବ ସହାୟତା ଯୋଗାଇ ଦେବା ଜରୁରୀ ବୋଲି ଓଡ଼ିଆ ସମାଜ ସଭାପତି ସିଦ୍ଧାର୍ଥ ପ୍ରଧାନ କହିଛନ୍ତି।

ତାଳଚେର ହିଙ୍ଗୁଳା ମନ୍ଦିରର ବିକାଶ ପାଇଁ ୯.୩୨ କୋଟି ମଞ୍ଜୁର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ତାଳଚେର ଗୋପାଳପ୍ରସାଦ ସ୍ଥିତ ମା ହିଙ୍ଗୁଳା ମନ୍ଦିରର ନିର୍ମାଣ କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ମହାନଦୀ କୋଲଫିଲ୍ଡ ଲିମିଟେଡ (ଏମସିଏଲ) ବୋର୍ଡ ସିଏସଆର ପାଣ୍ଠିରୁ ୯.୩୨ କୋଟି ଟଙ୍କା ଅନୁମୋଦନ ଦିଆଯାଇଛି। ଏଥିପାଇଁ କେନ୍ଦ୍ର ସଂସଦୀୟ ବ୍ୟାପାର, କୋଇଲା ଓ ଖଣି ମନ୍ତ୍ରୀ ପ୍ରହ୍ଲାଦ ଯୋଶୀଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଧନ୍ୟବାଦ ଜଣାଇଛନ୍ତି। ଗତ ଜାନୁଆରୀ ୧୩ ତାରିଖରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କେନ୍ଦ୍ର କୋଇଲା ଓ ଖଣି ମନ୍ତ୍ରୀ ପ୍ରହ୍ଲାଦ ଯୋଶୀଙ୍କୁ ଏ ସମ୍ପର୍କରେ ପତ୍ର ଲେଖି ଜଣାଇଥିଲେ। ତାଳଚେର ଗୋପାଳପ୍ରସାଦ ସ୍ଥିତ ହିଙ୍ଗୁଳା ଠାକୁରାଣୀ ଟ୍ରଷ୍ଟ ବୋର୍ଡର ପ୍ରସ୍ତାବ ଅନୁସାରେ ହିଙ୍ଗୁଳା ମନ୍ଦିର ସମ୍ମୁଖରେ ମୁଖଶାଳା ଓ ଯଜ୍ଞଶାଳାର ନିର୍ମାଣ କାର୍ଯ୍ୟ ପାଇଁ ଏମସିଏଲର ସିଏସଆର ପାଣ୍ଠିରୁ ଲୋକଙ୍କ ସୁବିଧା ପାଇଁ ଆର୍ଥିକ ସହାୟତା ଯୋଗାଇବାକୁ ଧର୍ମେନ୍ଦ୍ର ଅନୁରୋଧ କରିଥିଲେ। ଏହି ସହାୟତା ଦ୍ୱାରା ଶ୍ରଦ୍ଧାଳୁମାନେ ଉପକୃତ ହେବା ସହ ସ୍ଥାନୀୟ ଅଞ୍ଚଳରେ ପର୍ଯ୍ୟଟନର ସୁବିଧା ମଧ୍ୟ ବଢିବ ବୋଲି ସେ ପତ୍ରରେ ଉଲ୍ଲେଖ କରିଥିଲେ।

ପୂର୍ବ ଭାରତର ସୁନ୍ଦର ଭବିଷ୍ୟତ ପାଇଁ ‘ପୂର୍ବୋଦୟ’ର କଳ୍ପନା: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା କଳ୍ପନା କରାଯାଇଥିବା ପୂର୍ବୋଦୟ ଏକ ନାରା ନୁହେଁ, ଏକ ରାଜନୈତିକ ବିଷୟ ନୁହେଁ ବରଂ ପୂର୍ବ ଭାରତର ସୁନ୍ଦର ଭବିଷ୍ୟତ ପାଇଁ ଏକ କଳ୍ପନା ବୋଲି ଶନିବାର ପୂର୍ବୋଦୟ ଉପରେ ଆୟୋଜିତ ଏକ ଭର୍ଚୁଆଲ ଆଲୋଚନାଚକ୍ରରେ ପଶ୍ଚିମବଙ୍ଗର ବିଶିଷ୍ଟ ବ୍ୟକ୍ତିମାନଙ୍କ ସହ ଆଲୋଚନା କରିବା ଅବସରରେ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହି କାର୍ଯ୍ୟକ୍ରମରେ ପୂର୍ବ ଭାରତ ପାଇଁ ଥିବା ନୂଆ ସମ୍ଭାବନା ଉପରେ ଆଲୋକପାତ କରିବା ସହ ଧର୍ମେନ୍ଦ୍ର କହିଛନ୍ତି ଯେ ପଶ୍ଚିମବଙ୍ଗର ନିର୍ବାଚନ ପୂର୍ବୋଦୟ ପାଇଁ ନୁହେଁ ବରଂ ପୂର୍ବୋଦୟ ମାଧ୍ୟମରେ ପଶ୍ଚିମବଙ୍ଗର ଭବିଷ୍ୟତର ବିକାଶ ପାଇଁ। ପଶ୍ଚିମବଙ୍ଗରେ ନୂତନ ସୂର୍ଯ୍ୟ ଉଦୟ ପାଇଁ ଏଥର ନିର୍ବାଚନ। ବର୍ତ୍ତମାନ ସମୟରେ ନୂଆ ବିଚାର ଆପଣାଇବାକୁ ହେବ ବୋଲି ସେ କହିଛନ୍ତି।

ଓଡ଼ିଆ ସମାଜର ସ୍ବତନ୍ତ୍ର ପ୍ରୟାସ: କୋଭିଡ୍‌ ସମୟରେ ସ୍ବାସ୍ଥ୍ୟ ଚିନ୍ତା

ମହାମାରୀ କୋରୋନା ସମୟରେ ଲୋକମାନଙ୍କ ମଧ୍ୟରେ କୋଭିଡ-୧୯କୁ ନେଇ ସୃଷ୍ଟି ହୋଇଥିବା ଭୟ ଓ ବଢ଼ିଛି ଚିନ୍ତ। କୋଭିଡ୍ରୁ ରକ୍ଷା ପାଇବା ସହ କୋରୋନା କାଳରେ କିଭଳି ସ୍ବାସ୍ଥ୍ୟ ପ୍ରତି ଅଧିକ ଯତ୍ନବାନ ହେବା ସେ ଦିଗରେ ଦେଶର ଏକ ଅଗ୍ରଣୀ, ଅଣଲାଭଜନକ, ସାମାଜିକ ଓ ସାଂସ୍କୃତିକ ଏବଂ ଏକ ପ୍ରଭାବଶାଳୀ ତଥା ନିରପେକ୍ଷ ବିଚାରଧାରା ସମ୍ପନ୍ନ ସଙ୍ଗଠନ ନୂଆଦିଲ୍ଲୀ ଓଡ଼ିଆ ସମାଜ ପକ୍ଷରୁ ଏକ ସ୍ବତନ୍ତ୍ର ପ୍ରୟାସ କରାଯାଇଛି। ନୂଆଦିଲ୍ଲୀ ଓଡ଼ିଆ ସମାଜ ପକ୍ଷରୁ କୋଭିଡ୍ ସମୟରେ ସ୍ବାସ୍ଥ୍ୟ ଚିନ୍ତା ସମ୍ପର୍କିତ ଏକ ୱେବିନାର ଆୟୋଜିତ ହୋଇଯାଇଛି। କୋରୋନା ସମୟରେ ନିଜ ଶରୀରକୁ ସୁସ୍ଥ ରଖିବା, ପୋଷଣଯୁକ୍ତ ଖାଦ୍ୟଗ୍ରହଣ, ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା, ଯୋଗ ଏବଂ ଶାରୀରିକ ବ୍ୟାୟାମ ଦ୍ୱାରା ଶରୀରକୁ ସକ୍ରିୟ ରଖିବା ସହ ଲୋକଙ୍କ ମନରେ ଉପୁଜୁଥିବା ପ୍ରଶ୍ନର ଉତ୍ତର ଏହି ୱେବିନାର ମାଧ୍ୟମରେ ଦିଆଯାଇଛି।

ସୁପ୍ରିମକୋର୍ଟର ମୁଖ୍ୟ ବିଚାରପତିଙ୍କ ଭାବେ ଶପଥ ନେଲେ ଜଷ୍ଟିସ୍ ରମଣା

ସୁପ୍ରିମକୋର୍ଟଙ୍କ ପ୍ରଧାନ ବିଚାରପତି ଜଷ୍ଟିସ୍ ଏସଏ ବୋବଡେଙ୍କୁ ଶୁକ୍ରବାର ବିଦାୟ ସମ୍ବର୍ଦ୍ଧନା ଦିଆଯାଇଥିବା ବେଳେ ଶନିବାର ପୂର୍ବାହ୍ନରେ ପରବର୍ତ୍ତୀ ପ୍ରଧାନ ବିଚାରପତି ଜଷ୍ଟିସ୍ ନୂଥାଲାପଟି ଭେଙ୍କଟ ରମନା ଶପଥ ଗ୍ରହଣ କରିଛନ୍ତି। ସେ ସୁପ୍ରିମକୋର୍ଟର ୪୮ତମ ପ୍ରଧାନ ବିଚାରପତି ହୋଇଥିବା ବେଳେ ତାଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରପତି ଭବନରେ ଶପଥ ପାଠ କରାଇଛନ୍ତି। ଆନ୍ଧ୍ର ପ୍ରଦେଶର କ୍ରିଷ୍ଣା ଜିଲ୍ଲାରେ ଏକ କୃଷକ ପରିବାରରେ ୧୯୫୭ ମସିହା ଅଗଷ୍ଟ ୨୭ ତାରିଖରେ ଜନ୍ମଗ୍ରହଣ କରିଥିବା ୬୩ ବର୍ଷୀୟ ଜଷ୍ଟିସ୍ ରମନା ପ୍ରଧାନ ବିଚାରପତି ଭାବେ ଆସନ୍ତା ବର୍ଷ ଅଗଷ୍ଟ ୨୬ ତାରିଖ ପର୍ଯ୍ୟନ୍ତ ଏହି ପଦରେ କାର୍ଯ୍ୟ କରିବେ। ଅର୍ଥାତ୍ ଜଷ୍ଟିସ୍ ରମନା ଏହି ପଦବୀରେ ୧୬ ମାସ ପାଇଁ କାର୍ଯ୍ୟ କରିବେ।

ଆସନ୍ତା ମେ ୧୫ ତାରିଖ ଯାଏଁ ବନ୍ଦ ରହିବ ଜଗା ଦର୍ଶନ

କରୋନା ସଂକ୍ରମଣ ଦେଖି ଭକ୍ତଙ୍କ ପାଇଁ ଶ୍ରୀମନ୍ଦିର ମେ ୧୫ ଯାଏଁ ବନ୍ଦ । କରୋନା ସଂକ୍ରମଣକୁ ଆଖିରେ ରଖି ପୁରୀ ଶ୍ରୀମନ୍ଦିର ପ୍ରଶାସନର ବଡ ନିଷ୍ପତ୍ତି । । ଭକ୍ତଙ୍କ ସାଧାରଣ ଦର୍ଶନ ଉପରେ କଟକଣା ଲଗାଯାଇଛି । 

ଜଳବାୟୁ ପରିବର୍ତ୍ତନ ଓ ସବୁଜ ଇନ୍ଧନ ଉପରେ ବିଶ୍ବର ଉର୍ଜା ନେତୃତ୍ବଙ୍କ ସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର

ଗୁରୁବାର ଜଳବାୟୁ ପ୍ରସଙ୍ଗ ଉପରେ ଆୟୋଜିତ ହେବାକୁ ଥିବା ନେତୃବର୍ଗଙ୍କ ଶିଖର ସମ୍ମିଳନୀର ଅବ୍ୟବହିତ ପୂର୍ବରୁ ବୁଧବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଶିଷ୍ଟ ଉର୍ଜା ବିଶେଷଜ୍ଞ ଆମୋସ୍ ହୋଷ୍ଟେନଙ୍କ ସହ ଆଣ୍ଟଲାଟିକ୍ କାଉନସିଲର ରେଜିଂ ଏମ୍ବିସନ୍ ସିରିଜରେ ଭାରତର ଜଳବାୟୁ ପରିବର୍ତ୍ତନ ଏଜେଣ୍ଡା ଉପରେ ଆଲୋଚନା କରିଛନ୍ତି। ସେହିପରି ଜଷ୍ଟ ଟ୍ରାନଜିକ୍ସନ୍ ଟୁ ଏ ଗ୍ଲୋବାଲ କ୍ଲିନ୍ ଏନର୍ଜି ଫ୍ୟୁଚର ଉପରେ ଆୟୋଜିତ ପୃଥକ୍ ଆଲୋଚନା ଚକ୍ରରେ ଧର୍ମେନ୍ଦ୍ର ଆମେରିକାର ଉର୍ଜା ସଚିବ ଜେନିଫର୍ ଗ୍ରାନହୋଲମ୍, କାନାଡାର ପ୍ରାକୃତିକ ସମ୍ବଳମନ୍ତ୍ରୀ, ୟୁରୋପିଆନ ଉର୍ଜା କମିଶନର, ଏଏଫ୍ଏଏଲ୍-ସିଆଇଓର ସେକ୍ରେଟାରୀ-ଟ୍ରେଜରର ତଥା ବିଭିନ୍ନ ଦେଶର ଉର୍ଜା ନେତୃତ୍ୱଙ୍କ ସହ ଯୋଗ ଦେଇଛନ୍ତି। ବିଶ୍ୱର ସ୍ୱଚ୍ଛ ଇନ୍ଧନ ଯୋଗାଣରେ ଭାରତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ଯାଉଛି ବୋଲି ଧର୍ମେନ୍ଦ୍ର ମତବ୍ୟକ୍ତ କରିଛନ୍ତି।

ରୁକୁଣା ରଥଯାତ୍ରା ଅବସରରେ ହାର୍ଦିକ ଶୁଭେଚ୍ଛା ଓ ଅଭିନନ୍ଦନ

ପବିତ୍ର ଅଶୋକାଷ୍ଟମୀରେ ତ୍ରୀଭୁବନେଶ୍ୱର ଭଗବାନ ଶ୍ରୀଲିଙ୍ଗରାଜଙ୍କ କଲ୍ୟାଣକାରୀ ରୁକୁଣା ରଥଯାତ୍ରା ଅବସରରେ ହାର୍ଦିକ ଶୁଭେଚ୍ଛା ଓ ଅଭିନନ୍ଦନ

ଦେଶର ନାଗରିକଙ୍କ ସୁରକ୍ଷା ଓ ସ୍ୱାସ୍ଥ୍ୟକୁ ସୁନିଶ୍ଚିତ କରିବ ମୋଦିଙ୍କ ନିଷ୍ପତ୍ତି: ଧର୍ମେନ୍ଦ୍ର ପ୍ରଧାନ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବରେ ଭାରତ ସରକାର ଆସନ୍ତା ମେ ୧ ରୁ ୧୮ ବର୍ଷରୁ ଉର୍ଦ୍ଧ୍ୱ ସମସ୍ତଙ୍କୁ ଟିକା ଦେବାର ନିଷ୍ପତ୍ତି କୋଭିଡ୍-୧୯ ବିରୋଧରେ ଆମର ପ୍ରସ୍ତୁତିକୁ ମଜବୁତ୍ କରିବ ଓ ଏ କଠିନ ସମୟରେ ସମସ୍ତଙ୍କ ସୁରକ୍ଷା, ସ୍ୱାସ୍ଥ୍ୟକୁ ସୁନିଶ୍ଚିତ କରିବ ବୋଲି କହିଛନ୍ତି କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏଥିସହ ବିଶ୍ୱର ସବୁଠାରୁ ବଡ଼ ଟିକାକରଣ ଅଭିଯାନରେ ୧୮ ବର୍ଷରୁ ଅଧିକ ସବୁ ବର୍ଗର ଲୋକମାନଙ୍କୁ କୋଭିଡ୍-୧୯ ଟିକା ଦିଆଯିବାର ନିଷ୍ପତ୍ତି ନେଇଥିବାରୁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଧର୍ମେନ୍ଦ୍ର।

ଧର୍ମେନ୍ଦ୍ର କହିଛନ୍ତି, ଟିକା ଉତ୍ପାଦନକାରୀ କମ୍ପାନୀମାନେ ୫୦ ପ୍ରତିଶତ କୋଭିଡ୍-୧୯ ଟିକା ଡୋଜ୍ ରାଜ୍ୟ, କେନ୍ଦ୍ରଶାସିତ ଅଞ୍ଚଳ ଓ ଖୋଲା ବଜାରକୁ ଦେବାର ନିଷ୍ପତ୍ତି ସ୍ୱାଗତଯୋଗ୍ୟ। ଏହି ନିଷ୍ପତ୍ତି ଅଧିକ ନାଗରିକମାନଙ୍କୁ ଟିକା ନେବାରେ ସହାୟକ ହେବା ସହ ସର୍ବବୃହତ ଟିକା ଅଭିଯାନକୁ ତ୍ୱରାନ୍ୱିତ କରିବ। ଏହି ନିଷ୍ପତ୍ତି ଅଧିକ ନାଗରିକମାନଙ୍କୁ ଟିକା ନେବାରେ ସହାୟକ ହେବା ସହ ସର୍ବବୃହତ ଟିକା ଅଭିଯାନକୁ ତ୍ୱରାନ୍ୱିତ କରିବ ବୋଲି ଧର୍ମେନ୍ଦ୍ର କହିଛନ୍ତି।

ମସ୍କୋ ଅନ୍ତର୍ଜାତୀୟ ଚିତ୍ର ମହୋତ୍ସବରେ ଓଡ଼ିଆ ଚଚଳଚ୍ଚିତ୍ର ‘ଏଡିୟୁ ଗୋଡାର୍ଡ’

ଓଡ଼ିଆ ଚିତ୍ର ଜଗତ ପାଇଁ ଖୁସି ଖବର। ଆସନ୍ତା ୨୨ରୁ ୨୯ ତାରିଖ ମଧ୍ୟରେ ୪୩ତମ ମସ୍କୋ ଅନ୍ତର୍ଜାତୀୟ ଚିତ୍ର ମହୋତ୍ସବ ଅନୁଷ୍ଠିତ ହେବାକୁ ଯାଉଛି। ଏଥିରେ ଓଡ଼ିଆ ଚିତ୍ର ଏଡିୟୁ ଗୋଡାର୍ଡ ସ୍ଥାନ ପାଇଛି।

ଚଳଚ୍ଚିତ୍ରଟି ଫରାସୀ ଚିତ୍ର ନିର୍ମାତା ଗୋଡାର୍ଡଙ୍କ ଉଦ୍ଦେଶ୍ୟରେ ଉତ୍ସର୍ଗୀକୃତ କରାଯାଇଛି। ଯିଏକି ୧୯୫୦-୬୦ର ଚିତ୍ର ନିର୍ମାତା। ଚଳଚ୍ଚିତ୍ରଟି ସ୍ବସ୍ତିକ ବ୍ୟାନରରେ ନିର୍ମାଣ କରାଯାଇଥିବାବେଳେ ନିର୍ଦେଶନା ଦେଇଛନ୍ତି ଅମର୍ତ୍ତ୍ୟ ଭଟ୍ଟାଚାର୍ଯ୍ୟ ଏବଂ ପ୍ରଯୋଜନା ଭାର ନେଇଛନ୍ତି ସ୍ବସ୍ତିକ ଚୌଧୁରୀ। ବିଭିନ୍ନ ଭୂମିକାରେ ଅଭିନୟ କରିଛନ୍ତି ଚୌଧୁରୀ ବିକାଶ ଦାସ, ଜୟପ୍ରକାଶ ଦାସ, ସ୍ବସ୍ତିକ ଚୌଧୁରୀ, ଶଙ୍କର ବସୁମଲ୍ଲିକ, ସୁଦର୍ଶୀ ମଧୁସ୍ମିତା, ଅଭିଷକ ଗିରି, ଶ୍ବେତପଦ୍ମା ଶତପଥୀ, ସନ୍ଦୀପ ବଳ, ସୁମିତ ପଣ୍ଡା ଏବଂ ଅନ୍ୟମାନେ। ଚିତ୍ରଟି ଏକ ଛୋଟିଆ ଗାଁର କାହାଣୀକୁ ନେଇ ସମୃଦ୍ଧ। ଗାଁ ଲୋକ ଫରାସି ଚିତ୍ରକୁ କେମିତି ଗ୍ରହଣ କରୁଛନ୍ତି ତାହାକୁ ନେଇ ଗତିଶୀଳ ହୋଇଛି ଏହାର କାହାଣୀ।

ବିଶ୍ୱରେ ଉତ୍କଳୀୟ ପରମ୍ପରାକୁ ବ୍ୟାପକ କରିବାକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଆହ୍ୱାନ

ଉତ୍କଳୀୟ ପରମ୍ପରାକୁ ଏକବିଂଶ ଶତାବ୍ଦୀରେ ବ୍ୟାପକ କରିବା ଦରକାର। ପୂର୍ବରୁ ଉତ୍କଳୀୟ ପରମ୍ପରା ଥିଲା ଏବଂ ଏହା ଆଗାମୀ ଦିନରେ ନିଶ୍ଚିତ ରହିବ, ଏପରି ଦୃଢ଼ ଆତ୍ମବିଶ୍ୱାସ ସହ ଏହାକୁ ବିଶ୍ୱରେ ରହୁଥିବା ଓଡ଼ିଆ ଭାଇ ଭଉଣୀମାନେ ଅନୁଶୀଳନ କରିବା ଜରୁରୀ ବୋଲି ରବିବାର ଦୁବାଇ ଓଡ଼ିଆ ସମାଜ ପକ୍ଷରୁ ଆୟୋଜିତ ଭର୍ଚୁଆଲ ଓଡ଼ିଆ ନୂଆ ବର୍ଷ ଓ ପଣାସଂକ୍ରାନ୍ତି ଉତ୍ସବରେ ଯୋଗଦେଇ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଧର୍ମେନ୍ଦ୍ର କହିଛନ୍ତି, ସମସ୍ତଙ୍କ ପାଇଁ ଆଜି ଖୁସି ଓ ଆନନ୍ଦର ଅବସର କାରଣ ଓଡ଼ିଆ ନବବର୍ଷ ଉପଲକ୍ଷେ ସମସ୍ତେ ଓଡ଼ିଶାର ଅନନ୍ୟ କଳା, ସାହିତ୍ୟ ଓ ସଂସ୍କୃତିର ପରିଚିତ ଏକ ମଞ୍ଚରେ ଭର୍ଚୁଆଲ ପ୍ଲାଟଫର୍ମ ମାଧ୍ୟମରେ ଏକାଠି ହୋଇଛୁ। ବିଶ୍ୱର ଯେକୌଣସି ସ୍ଥାନରେ ରହି ମଧ୍ୟ ଆମେମାନେ ସମସ୍ତେ ଉତ୍କଳୀୟ ପରମ୍ପରା ଅନୁସାରେ ଓଡ଼ିଆ ନବବର୍ଷ ପାଳନ କରୁଛୁ।

ଆରଓ-ପ୍ୟାକ୍ସ ଜେଟି ଭଦ୍ରକ ଏବଂ କେନ୍ଦ୍ରାପଡ଼ାରେ ବିକାଶର ଗତିକୁ ତ୍ୱରାନ୍ୱିତ କରିବ

ରାଜ୍ୟର ଧାମରା ନଦୀରେ ୧୧୦ କୋଟି ଟଙ୍କା ବ୍ୟୟରେ ହେବାକୁ ଥିବା ଆରଓ-ପ୍ୟାକ୍ସ ଜେଟି ପ୍ରକଳ୍ପ ଭଦ୍ରକ ଏବଂ କେନ୍ଦ୍ରାପଡ଼ାର ବିକାଶର ଗତିକୁ ତ୍ୱରାନ୍ୱିତ କରିବ ବୋଲି ଟ୍ୱିଟ୍ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଓଡ଼ିଶାର ବିକାଶ ପାଇଁ ନିରନ୍ତର ଦୃଷ୍ଟି ଦେଉଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ବନ୍ଦର, ଜାହାଜ ଚଳାଚଳ ଏବଂ ଜଳପଥ ମନ୍ତ୍ରୀ ମନସୁଖ ମାଣ୍ଡଭୀୟଙ୍କୁ ଧନ୍ୟବାଦ ଜଣାଇଛନ୍ତି ଧର୍ମେନ୍ଦ୍ର ପ୍ରଧାନ।

ଧର୍ମେନ୍ଦ୍ର ଟ୍ୱିଟ୍ କରିଛନ୍ତି ଯେ ଏକବିଂଶ ଶତାବ୍ଦୀର ଭିତ୍ତିଭୂମିର ବିକାଶ ଏବଂ ଜଳପଥରେ ଥିବା ସମ୍ଭାବନାର ସମ୍ପୂର୍ଣ୍ଣ ବ୍ୟବହାର ପାଇଁ ଭାରତ ସରକାର ନିରନ୍ତର ଉଦ୍ୟମ କରୁଛନ୍ତି। ଧାମରା ନଦୀରେ ଆରଓ -ପାକ୍ସ ଜେଟି ନିର୍ମାଣ ତଥା ଆନୁଷଙ୍ଗିକ ଭିତ୍ତିଭୂମି ପ୍ରସ୍ତୁତ କରିବା ପାଇଁ ଭାରତ ସରକାରଙ୍କ ବନ୍ଦର, ଜାହାଜ ଚଳାଚଳ ଓ ଜଳମାର୍ଗ ମନ୍ତ୍ରାଳୟ ପକ୍ଷରୁ ମଞ୍ଜୁରୀ ଦିଆଯାଇଛି। ଏହି ପ୍ରକଳ୍ପ ଭଦ୍ରକ ଏବଂ କେନ୍ଦ୍ରାପଡ଼ାରେ ଯୋଗାଯୋଗକୁ ମଜବୁତ୍ କରିବା ସହ ଯାତାୟତ ସମୟକୁ ହ୍ରାସ କରିବ ଏବଂ ସ୍ଥାନୀୟ ଅଞ୍ଚଳରେ ନିଯୁକ୍ତି ସୃଷ୍ଟି ହେବ।

ଧାମରାରେ ହେବ ଆର୍‌ଓ-ପ୍ୟାକ୍ସ ଜେଟି: ଖର୍ଚ୍ଚ ହେବ ୧୧୦ କୋଟି

ଭାରତ ସରକାରଙ୍କ ସାଗରମାଳା ଯୋଜନା ଅନ୍ତର୍ଗତ ଧାମରା ବନ୍ଦର ନିକଟରେ ନିର୍ମାଣ କରାଯିବ ଆରଓ-ପ୍ୟାକ୍ସ ଜେଟି। ଭଦ୍ରକ ଜିଲ୍ଲାର କାଣୀନାଳି ଠାରୁ କେନ୍ଦ୍ରାପଡ଼ା ଜିଲ୍ଲାର ତାଳଚୁଆକୁ ସଂଯୋଗ କରୁଥିବା ସବୁଦିନିଆ ଆରଓ-ପ୍ୟାକ୍ସ (ରୋଲ-ଅନ୍/ରୋଲ୍ ଅଫ୍ ଯାତ୍ରୀବାହୀ) ଜେଟି ଏବଂ ଆନୁସଙ୍ଗିକ ଭିତ୍ତିଭୂମି ନିର୍ମାଣ କରାଯିବ। ଏହି ପ୍ରକଳ୍ପ ପାଇଁ ମୋଟ ୧୧୦.୬୦ କୋଟି ଟଙ୍କା ଖର୍ଚ୍ଚ କରାଯିବା ନେଇ ବ୍ୟୟ ବରାଦ ହୋଇଥିବା ବେଳେ ଭାରତ ସରକାରଙ୍କ ପକ୍ଷରୁ ୫୦.୩୦ କୋଟି ଟଙ୍କା ମଞ୍ଜୁର କରାଯାଇଛି। ଏହି ପ୍ରକଳ୍ପ ପାଇଁ ଅତିରିକ୍ତ ୫୦ ପ୍ରତିଶତ ଅର୍ଥ ରାଜ୍ୟ ସରକାର ବହନ କରିବେ ବୋଲି ଜଣାପଡ଼ିଛି। ଏନେଇ ଟ୍ବିଟ୍ କରି ସୂଚନା ଦେଇଛନ୍ତି ବନ୍ଦର, ଜାହାଜ ଚଳାଚଳ ଓ ଜଳମାର୍ଗ ମନ୍ତ୍ରୀ ମନସୁଖ ମାଣ୍ଡଭିୟେ।

ପ୍ରତି ଶନିବାର ଓ ରବିବାର ଶ୍ରୀମନ୍ଦିରରେ ଦର୍ଶନ ବନ୍ଦ

ଦେଶରେ କୋରୋନା ତାର ଦ୍ୱିତୀୟ ସଂକ୍ରମଣ ଆତଙ୍କ ଖେଳାଇଥିବା ବେଳେ ବନ୍ଦ ହୋଇଛି ଭାରତର ପ୍ରତ୍ନତାତ୍ତ୍ୱିକ ସର୍ବେକ୍ଷଣ (ଏଏସ୍ଆଇ) ଅଧୀନରେ ଆସୁଥିବା ସମସ୍ତ ଐତିହ୍ୟ ସ୍ଥଳ ଓ ସଂଗ୍ରହାଳୟ। ଆସନ୍ତା ମେ ୧୫ ତାରିଖ ପର୍ଯ୍ୟନ୍ତ ସାଧାରଣ ଲୋକଙ୍କ ପାଇଁ ଏହା ବନ୍ଦ ରହିବ ବୋଲି ଏଏସ୍ଆଇ ପକ୍ଷରୁ କୁହାଯାଇଛି। ଏହି କ୍ରମରେ ଆଜିଠୁ କୋଣାର୍କ ସୂର୍ଯ୍ୟ ମନ୍ଦିରକୁ ବନ୍ଦ ରଖାଯାଇଛି। ଫଳରେ ସକାଳୁ ସୂର୍ଯ୍ୟମନ୍ଦିର ବୁଲିବାକୁ ଆସିଥିବା ପର୍ଯ୍ୟଟକ ନିରାଶ ହୋଇ ଫେରିଛନ୍ତି। ଅନ୍ୟପକ୍ଷରେ ସପ୍ତାହରେ ଦୁଇ ଦିନ ବନ୍ଦ ରହିବ ଜଗା ଦର୍ଶନ। ଶନିବାର ଓ ରବିବାର ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରିପାରିବେନି ଭକ୍ତ। ଆସନ୍ତା ୨୪ ତାରିଖରୁ ଏହି ନିୟମ ଲାଗୁ ହେବ। କୋରୋନା ସ୍ଥିତିକୁ ନେଇ ଚାଲିଥିବା ଛତିଶା ନିଯୋଗ ବୈଠକରେ ଏଭଳି ନିଷ୍ପତ୍ତି ନିଆଯାଇଛି।

ହାଇଡ୍ରୋଜେନ୍ ପରିସଂସ୍ଥାନର ବିକାଶ ପାଇଁ ପଦକ୍ଷେପ ନେଉଛି ଭାରତ: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ହାଇଡ୍ରୋଜେନର ଇକୋସିଷ୍ଟମକୁ ବିକଶିତ କରିବା ପାଇଁ ଭାରତ ପଦକ୍ଷେପ ନେଉଛି ବୋଲି ଗୁରୁବାର ଭାରତ ସରକାରଙ୍କ ପେଟ୍ରୋଲିୟମ୍ ଏବଂ ପ୍ରାକୃତିକ ଗ୍ୟାସ୍ ମନ୍ତ୍ରାଳୟ ଅନ୍ତର୍ଗତ ଦ ଏନର୍ଜି ଫୋରମ୍ (ଟିଇଏଫ୍) ଏବଂ ଫେଡେରେସନ୍ ଅଫ୍ ପେଟ୍ରୋଲିୟମ୍ ଇଣ୍ଡଷ୍ଟ୍ରି (ଏଫ୍ଆଇପିଆଇ) ଦ୍ୱାରା ଭର୍ଚୁଆଲ୍ ମାଧ୍ୟମରେ ଆୟୋଜିତ ହାଇଡ୍ରୋଜେନ୍ ଗୋଲଟେବୁଲ ସମ୍ମିଳନୀରେ ଯୋଗଦେଇ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ହାଇଡ୍ରୋଜେନ ଅର୍ଥନୀତି - ନୂଆଦିଲ୍ଲୀ ଡାଏଲୋଗ୍ ୨୦୨୧ ଶୀରୋନାମା ଉପରେ ଆଲୋଚିତ କାର୍ଯ୍ୟକ୍ରମରେ ଧର୍ମେନ୍ଦ୍ର ଭବିଷ୍ୟତ ଇନ୍ଧନ ପାଇଁ ହାଇଡ୍ରୋଜେନ୍ ଏକ ସମ୍ଭାବ୍ୟ ଇନ୍ଧନ କହିବା ସହ ଏକବିଂଶ ଶତାବ୍ଦୀ ପାଇଁ ସ୍ୱଚ୍ଛ ଉର୍ଜା ରୂପାନ୍ତରଣ, କମ୍ ଅଙ୍ଗାରକାମ୍ଳ ନିର୍ଗମନ ମାର୍ଗକୁ ପ୍ରଶସ୍ତ କରିବା ଏହଂ ହାଇଡ୍ରୋଜେନକୁ କିପରି ସୁଲଭ ମୂଲ୍ୟରେ ସମସ୍ତଙ୍କ ପାଖରେ ପହଞ୍ଚାଯାଇପାରିବ ସେ ଦିଗରେ ଗୁରୁତ୍ୱାରୋପ କରିଛନ୍ତି। ସେ କହିଛନ୍ତି ଯେ ସ୍ଥାୟୀ ଭବିଷ୍ୟତ ପାଇଁ ସବୁଜ ଉର୍ଜାର ବିକଳ୍ପ ଉତ୍ସ ହାଇଡ୍ରୋଜେନ୍।

ନାସା ପ୍ରତିଯୋଗିତାରେ ଓଡ଼ିଆ ଛାତ୍ରଙ୍କ କମାଲ୍‌

ଆମେରିକାର ମହାକାଶ ଗବେଷଣା ସଂସ୍ଥା ନାସା ପକ୍ଷରୁ କରାଯାଇଥିବା ଏକ କୁଇଜ ପ୍ରତିଯୋଗିତାରେ ରାୟଗଡା ଜିଲ୍ଲା ଗୁଣୁପୁର ଉଠା ଜଳସେଚନ କଲୋନୀର ଯୁକ୍ତ ଦୁଇ ଛାତ୍ର ଜୟରାମ ଗୌଡ଼ ସଫଳତା ହାସଲ କରିଛନ୍ତି। ଅନଲାଇନରେ କରାଯାଇଥିବା ଏହି ପ୍ରତିଯୋଗିତାରେ ମୋଟ ୩୦୦ ମାର୍କର ପରୀକ୍ଷା ହୋଇଥିବା ବେଳେ ଜୟରାମ ଏଥିରୁ ୨୯୫ ମାର୍କ ରଖିଥିବା ଜଣାପଡିଛି। ଜୟରାମ ଛୋଟ ବେଳୁ ଜଣେ ମେଧାବୀ ଛାତ୍ର ଭାବେ ଏହି ଅଞ୍ଚଳରେ ବେଶ ପରିଚିତ। ତାଙ୍କ ବାପା ହରେକୃଷ୍ଣ ଗୌଡ଼ ଜଣେ ଶିକ୍ଷକ। ଜୟରାମଙ୍କ ଏହି ସଫଳତା ପରେ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି।

ଓଡ଼ିଆ ନବବର୍ଷ ଉପଲକ୍ଷେ ଓଡ଼ିଶାବାସୀଙ୍କୁ ଅଭିନନ୍ଦନ ଜଣାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଓଡ଼ିଆ ନବବର୍ଷ ତଥା ମହାବିଷୁବ ସଂକ୍ରାନ୍ତି ଉପଲକ୍ଷେ ଓଡ଼ିଶାବାସୀଙ୍କୁ ଅଭିନନ୍ଦନ ଜଣାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ମହାପ୍ରଭୁ ଜଗନ୍ନାଥଙ୍କ ନିକଟରେ ସମସ୍ତଙ୍କ ମଙ୍ଗଳକାମନା କଲେ ଧର୍ମେନ୍ଦ୍ର ପ୍ରଧାନ

Odias etch their excellence in Medical Science!

Pritam Das Mahapatra, an Odia living in Bangalore, founded a Med-Tech startup, “EzeRx”, that produces a device called “Ezecheck”, which uses a spectroscopic technique with artificial intelligence that determines 5-types of blood test results within 10 seconds without drawing blood!

ଓଡ଼ିଶାର ଇତିହାସ ଭାରତବର୍ଷର ଐତିହାସିକ ଶକ୍ତିକୁ ପ୍ରତିନିଧିତ୍ୱ କରେ: ପ୍ରଧାନମନ୍ତ୍ରୀ

ନୂଆଦିଲ୍ଲୀ ସ୍ଥିତ ଆମ୍ବେଦକର ଇଣ୍ଟରନ୍ୟାସନାଲ୍ ସେଣ୍ଟର୍ ଠାରେ ଶୁକ୍ରବାର ଉତ୍କଳ କେଶରୀ ଡକ୍ଟର ହରକେୃଷ୍ଣ ମହତାବଙ୍କ ଦ୍ୱାରା ଲିଖିତ ପୁସ୍ତକ ଓଡ଼ିଶାର ଇତିହାସର ହିନ୍ଦୀ ଅନୁବାଦ ଓ ସଂସ୍କରଣକୁ ଉନ୍ମୋଚନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଓଡ଼ିଆ ଏବଂ ଇଂରାଜୀରେ ଉପଲବ୍ଧ ଏହି ପୁସ୍ତକକୁ ବିଶିଷ୍ଟ ହିନ୍ଦୀ ସାହିତ୍ୟିକ ତଥା ଅନୁବାଦକ ଶଙ୍କରଲାଲ ପୁରୋହିତ ହିନ୍ଦୀରେ ଅନୁବାଦ କରିଛନ୍ତି। ଏହି ଉନ୍ମୋଚନ ଅବସରରେ କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ କଟକ ଲୋକସଭା ସାଂସଦ ଭର୍ତ୍ତୃହରି ମହତାବ ଉପସ୍ଥିତ ଥିଲେ। ଏହି ଉନ୍ମୋଚନ ଉତ୍ସବରେ ଉଦବୋଧନ ଦେଇ ପ୍ରଧାନମନ୍ତ୍ରୀ କହିଛନ୍ତି, ପ୍ରାୟ ଦେଢ଼ବର୍ଷ ତଳେ ଦେଶ ଉତ୍କଳ କେଶରୀ ଡକ୍ଟର ହରେକୃଷ୍ଣ ମହତାବଙ୍କ ୧୨୦ତମ ଜନ୍ମବାର୍ଷିକୀ ପାଳନ କରିଥିଲା। ପ୍ରସିଦ୍ଧ ଓଡ଼ିଶା ଇତିହାସର ହିନ୍ଦୀ ସଂସ୍କରଣକୁ ଉତ୍ସର୍ଗ କରି ଓଡ଼ିଶାର ବିବିଧ ଓ ବିସ୍ତୃତ ଇତିହାସ ଦେଶବାସୀଙ୍କ ନିକଟରେ ପହଞ୍ଚିବା ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି। ଦେଶର ସ୍ୱାଧୀନତା ସଂଗ୍ରାମ ଓ ସାମାଜିକ ପରିବର୍ତ୍ତନରେ ଡକ୍ଟର ମହତାବଙ୍କ ଅବଦାନର ପ୍ରଧାନମନ୍ତ୍ରୀ ସ୍ମୃତିଚାରଣ କରି ମୋଦୀ କହିଥିଲେ ଯେ ଯେଉଁ ଦଳରୁ ଡକ୍ଟର ମହତାବ ଦିନେ ମୁଖ୍ୟମନ୍ତ୍ରୀ ହୋଇଥିଲେ ତାହାକୁ ଜରୁରୀକାଳୀନ ପରିସ୍ଥିତିରେ ବିରୋଧ କରି ସେ କାରାବରଣ କରିଥିଲେ। ଉଭୟ ସ୍ୱାଧୀନତା ଓ ଦେଶର ଗଣତନ୍ତ୍ରକୁ ବଞ୍ଚାଇବାକୁ ସେ ଜେଲ ଯାଇଥିଲେ ବୋଲି କହିଥିଲେ।

ମହତାବଙ୍କ ଲିଖିତ ପୁସ୍ତକ ଓଡ଼ିଶାର ମହାନ ଗୌରବଗାଥାର ପରିଚୟର ପ୍ରତୀକ: ଧର୍ମେନ୍ଦ୍ର ପ୍ରଧାନ

ନୂଆଦିଲ୍ଲୀ ଠାରେ ଉତ୍କଳ କେଶରୀ ଡକ୍ଟର ହରେକୃଷ୍ଣ ମହତାବଙ୍କ ଦ୍ୱାରା ରଚିତ ଓଡ଼ିଶା ଇତିହାସ ପୁସ୍ତକର ହିନ୍ଦୀ ସଂସ୍କରଣ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଉନ୍ମୋଚିତ ହେବା ଆମ ଓଡ଼ିଆ ପାଇଁ ଗର୍ବ ଓ ଗୌରବର ବିଷୟ। ଏହି ଉନ୍ମୋଚନ ଡ.ମହତାବଙ୍କ ପରି ମହାନ ବ୍ୟକ୍ତିତ୍ୱ ଓ ତାଙ୍କର କାର୍ଯ୍ୟ ପ୍ରତି ଉଚିତ୍ ଶ୍ରଦ୍ଧାଞ୍ଜଳି ବୋଲି କହିଛନ୍ତି କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କଟକ ଲୋକସଭା ସାଂସଦ ଭର୍ତ୍ତୃହରି ମହତାବଙ୍କ ଉପସ୍ଥିତିରେ ହରେକୃଷ୍ଣ ମହତାବ ଫାଉଣ୍ଡେସନର ତତ୍ତ୍ୱାବଧାନରେ ଡ. ଶଙ୍କରଲାଲ ପୁରୋହିତଙ୍କ ଦ୍ୱାରା ଅନୁବାଦିତ ଓଡ଼ିଶା ଇତିହାସର ହିନ୍ଦୀ ସଂସ୍କରଣ ପ୍ରଧାନମନ୍ତ୍ରୀଙ୍କ ଦ୍ୱାରା ଉନ୍ମୋଚନ ହୋଇଥିବାରୁ ଆୟୋଜକ ଓଡ଼ିଆ ସମାଜ ଓ ପୁସ୍ତକ ସହ ଜଡ଼ିତ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ଧର୍ମେନ୍ଦ୍ର। ସ୍ୱାଧୀନତାର ଅମୃତ ଉତ୍ସବ ପାଳନ କରିବା ଏବଂ ଓଡ଼ିଶାକୁ ଗାନ୍ଧିଜୀଙ୍କ ଆଗମନର ୧୦୦ ବର୍ଷ ପୂର୍ତ୍ତି ଉପଲକ୍ଷେ ଆଜିର ଏହି ଉତ୍ସବ ସହ ରାଜ୍ୟର ୩୧ଟି ସ୍ଥାନରେ ଟେକ୍ନୋଲୋଜି ମାଧ୍ୟମରେ ଲୋକମାନେ ଯୋଡ଼ି ହୋଇପାରିଛନ୍ତି। ୯ ଏପ୍ରିଲ୍ ୨୦୨୧ ଓଡ଼ିଶାର ସାମାଜିକ ଜୀବନରେ ଶତାବ୍ଦୀ ଶତାବ୍ଦୀ ପର୍ଯ୍ୟନ୍ତ ନୂଆ ପରିଚୟ ସୃଷ୍ଟି କରିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଆଜି ପ୍ରଧାନମନ୍ତ୍ରୀ ମୋଦୀ ଉନ୍ମୋଚନ କରିବେ ମହତାବଙ୍କ ଓଡ଼ିଶା ଇତିହାସ ପୁସ୍ତକର ହିନ୍ଦୀ ସଂସ୍କରଣ

ଏପ୍ରିଲ ୯ ତାରିଖରେ ନୂଆଦିଲ୍ଲୀସ୍ଥିତ ଆମ୍ବେଦକର ଅନ୍ତର୍ଜାତୀୟ କେନ୍ଦ୍ର ଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହରେକୃଷ୍ଣ ମହତାବ ଫାଉଣ୍ଡେସନର ତତ୍ତ୍ବାବଧାନରେ ଉତ୍କଳ କେଶରୀ ସ୍ବର୍ଗତ ଡ. ହରେକୃଷ୍ଣ ମହତାବଙ୍କ ଦ୍ବାରା ଲିଖିତ ଓଡ଼ିଶା ଇତିହାସ ପୁସ୍ତକର ହିନ୍ଦୀ ସଂସ୍କରଣର ଉନ୍ମୋଚନ କରିବେ। ଶଙ୍କରଲାଲ ପୁରୋହିତ ଏହି ପୁସ୍ତକର ହିନ୍ଦୀ ଅନୁବାଦ କରିଛନ୍ତି। ପୂର୍ବରୁ ଓଡ଼ିଆ ଏବଂ ଇଂରାଜୀ ଭାଷାରେ ଏହି ପୁସ୍ତକର ସଂସ୍କରଣ ଉପଲବ୍ଧ ରହିଛି। ଡ. ମହତାବଙ୍କ ଭଳି ପ୍ରେରଣାଦାୟୀ ବ୍ୟକ୍ତିତ୍ବ ଏହାର ରଚନା କରିଥିବାରୁ ଏହା ବେଶ ଗୁରୁତ୍ବ ବହନ କରୁଛି। ଏକ ସ୍ବତନ୍ତ୍ର ଅବସରରେ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ତଥା ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କଟକ ସାଂସଦ ଭର୍ତ୍ତୃହରି ମହତାବ ମଧ୍ୟ ଉପସ୍ଥିତ ରହିବେ। ପୁସ୍ତକ ଉନ୍ମୋଚନ ଅବସରରେ ଦେଶର ଇତିହାସ ଓ ସଂସ୍କୃତି ବିଷୟରେ ପ୍ରଧାନମନ୍ତ୍ରୀ ମୋଦୀ ତାଙ୍କ ଅଭିଭାଷଣ ଦେବେ ବୋଲି ଜଣାପଡ଼ିଛି।

ଦୁବାଇ ପାରା ବ୍ୟାଡମିଣ୍ଟନରେ ପ୍ରମୋଦଙ୍କୁ ଡବଲ୍ ସ୍ବର୍ଣ୍ଣ ସହ ୩ ପଦ

ଦୁବାଇରେ ଚାଲିଥିବା ତୃତୀୟ ଫଜା ଦୁବାଇ ପାରା ବ୍ୟାଡମିଣ୍ଟନ୍ ଇଣ୍ଟରନ୍ୟାସନାଲ୍ ରବିବାର ଉଦଯାପିତ ହୋଇଛି। ଏଥିରେ ଓଡ଼ିଶାର ତାରକା ପାରା ଶଟଲରଙ୍କ ସମେତ ଭାରତର ପ୍ରତିଯୋଗୀମାନେ ବେଶ୍ ଉଚ୍ଚକୋଟୀର ପ୍ରଦର୍ଶନ କରିଛନ୍ତି। ଫଳସ୍ବରୂପ ଏହି ପ୍ରତିଯୋଗିତାରେ ଭାରତକୁ ସମୁଦାୟ ୨୧ଟି ପଦକ ମିଳିଛି। ଏଥିରେ ୫ଟି ସ୍ବର୍ଣ୍ଣପଦକ ସହ ୬ଟି ରୌପ୍ୟ ଓ ୧୦ଟି ବ୍ରୋଞ୍ଜ ପଦକ ରହିଛି। ୧୦ଟିଯାକ ବ୍ରୋଞ୍ଜ ପଦକ ଶନିବାର ଭାରତୀୟ ପ୍ରତିଯୋଗୀମାନେ ଜିତିଥିବା ବେଳେ ଦେଶର ଏକ ନମ୍ବର ପାରା ବ୍ୟାଡମିଣ୍ଟନ୍ ଖେଳାଳି ପ୍ରମୋଦ ଭଗତ ସର୍ବମୋଟ ୩ଟି ପଦକ ଜିତିପାରିଛନ୍ତି। ପ୍ରମୋଦ ଦୁଇଟି ସ୍ବର୍ଣ୍ଣ ଓ ଗୋଟିଏ ବ୍ରୋଞ୍ଜ ପଦକ ଜିତିଛନ୍ତି। ପୁରୁଷ ସିଙ୍ଗଲ୍ସ ଏସଏଲ ୩ ବର୍ଗରେ ପ୍ରମୋଦ ସ୍ବର୍ଣ୍ଣ ଏବଂ ଅନ୍ୟତମ ସ୍ବର୍ଣ୍ଣପଦକଟି ପୁରୁଷ ଡବଲ୍ସରେ ଏସଏଲ୩,ଏସଏଲ ବର୍ଗରେ ତାଙ୍କ ଯୋଡ଼ିଦାର ମନୋଜ ସରକାରଙ୍କ ସହ ଜିତିଛନ୍ତି।

ଚଣ୍ଡିଖୋଲରେ ହେବ ଦେଶର ବୃହତ ପେଟ୍ରୋଲିୟମ୍‌ ରିଜର୍ଭଏର

ଯାଜପୁର ଜିଲ୍ଲାର ଚଣ୍ଡିଖୋଲ ଠାରେ ପାରାଦ୍ୱୀପ ରିଫାଇନାରିର ଷ୍ଟ୍ରାଟେଜିକ୍ ପେଟ୍ରୋଲିୟମ୍ ରିଜର୍ଭଏର ପ୍ରତିଷ୍ଠା କରାଯିବ। ୪୦୦ ଏକର ଜମିରେ ପ୍ରତିଷ୍ଠା ହେବାକୁ ଥିବା ଏହି ରିଜର୍ଭଏରରେ ୧୦ ହଜାର କୋଟି ଟଙ୍କା ବ୍ୟୟ କରାଯିବ। ଏହା ଦେଶର ସର୍ବବୃହତ୍ ପେଟ୍ରୋଲିୟମ୍ ଷ୍ଟୋରେଜ୍ ହେବ। ଏହି ପ୍ରସ୍ତାବିତ ପ୍ରକଳ୍ପ ଅନୁମୋଦନ ପାଇବା ପରେ ୬ ବର୍ଷ ମଧ୍ୟରେ ପ୍ରକଳ୍ପ କାର୍ଯ୍ୟ ଶେଷ ହେବ। ଏଠାରେ ଅଶୋଧିତ ତୈଳ ସଂରକ୍ଷଣ କରାଯାଇପାରିବ। ଓଡ଼ିଶାର ମୁଖ୍ୟ ଶାସନ ସଚିବ ସୁରେଶ ମହାପାତ୍ରଙ୍କ ସହ ଆଲୋଚନା ପରେ ଏକ ସାମ୍ବାଦିକ ସମ୍ମିଳନୀରେ ଏଇ ସୂଚନା ଦେଇଛନ୍ତି ଭାରତ ସରକାରଙ୍କ ପେଟ୍ରୋଲିୟମ୍ ଏବଂ ପ୍ରାକୃତିକ ଗ୍ୟାସ୍ ମନ୍ତ୍ରାଳୟ ସଚିବ ତରୁଣ କପୁର। ସେହିପରି ରାଜ୍ୟରେ ୨୦୦ଟି ବାୟୋଗ୍ୟାସ୍ ପ୍ଲାଣ୍ଟ୍ ସ୍ଥାପନ ପାଇଁ ଯୋଜନା ଏବଂ ପ୍ରତି ଘରକୁ ଗ୍ୟାସ୍ ସଂଯୋଗୀକରରଣ ଲକ୍ଷ୍ୟକୁ ବ୍ୟାପକ କରାଯିବ ବୋଲି ସେ କହିଛନ୍ତି। ପ୍ରଧାନମନ୍ତ୍ରୀଙ୍କ ପୂର୍ବୋଦୟ ମିଶନ ପରିକଳ୍ପନାରେ ରାଜ୍ୟର ସର୍ବକାଳୀନ ବିକାଶ ତଥା ଓଡ଼ିଶାର ଶକ୍ତି ଆବଶ୍ୟକତା ପୂରଣ କରିବା ନିମନ୍ତେ ପେଟ୍ରୋଲିୟମ ଏବଂ ଗ୍ୟାସ୍ ଭିତିଭୂମିକୁ ମଜବୁତ୍ କରିବା ଦିଗରେ ପ୍ରତିଶୃତିବଦ୍ଧ। ବୈଠକରେ କପୁର କେନ୍ଦ୍ର ପେଟ୍ରୋଲିୟମ୍ ଏବଂ ପ୍ରାକୃତିକ ବାଷ୍ପ ଏବଂ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନେତୃତ୍ୱରେ ଓଡ଼ିଶାରେ ତୈଳ ଓ ଗ୍ୟାସ୍ ପ୍ରକଳ୍ପର କାମ ଦ୍ରୁତ ଗତିରେ ତ୍ୱରାନ୍ୱିତ ହୋଇଥିବାରୁ ଧନ୍ୟବାଦ ଜଣାଇଥିଲେ।

ଯୁବଗୋଷ୍ଠୀଙ୍କ ମଧ୍ୟରେ ପଠନ ଅଭ୍ୟାସ ଜରୁରୀ: ଉପରାଷ୍ଟ୍ରପତି

ସାକ୍ଷରତାର ମୂଳଦୁଆ ମଜବୁତ କରିବା ପାଇଁ ଯୁବାବସ୍ଥାରୁ ପଠନ ଅଭ୍ୟାସ ଜାରି ରଖିବା ଉପରେ ଉପରାଷ୍ଟ୍ରପତି ଏମ୍ ଭେଙ୍କୈଆ ନାଇଡୁ ଗୁରୁତ୍ବାରୋପ କରିଛନ୍ତି। ପିଲାମାନଙ୍କ ମଧ୍ୟରେ ପଠନ ଅଭ୍ୟାସ ସୃଷ୍ଟି ପାଇଁ ସ୍ୱତନ୍ତ୍ର ଧ୍ୟାନ ଦେବାକୁ ସେ ଶିକ୍ଷାବିତ୍, ବୁଦ୍ଧିଜୀବୀ, ଶିକ୍ଷକ ଓ ଅଭିଭାବକମାନଙ୍କୁ ପରାମର୍ଶ ଦେଇଛନ୍ତି। କଟକସ୍ଥିତ ସାରଳା ଭବନରେ ଆୟୋଜିତ ଆଦିକବି ସାରଳା ଦାସଙ୍କ ୬୦୦ତମ ଜନ୍ମ ଉତ୍ସବ ତଥା ସାରଳା ସାହିତ୍ୟ ସଂସଦର ୪୦ତମ ବାର୍ଷିକ ସମାରୋହରେ ମୁଖ୍ୟଅତିଥି ଭାବେ ଯୋଗଦେଇ ନାଇଡୁ କହିଛନ୍ତି, ସାରଳା ଦାସଙ୍କ ଦ୍ୱାରା ରଚିତ ମହାଭାରତ ଏହାର ଅନନ୍ୟ ବର୍ଣ୍ଣନା ଶୈଳୀ ଓ ଭାଷା ବିନ୍ୟାସ ଯୋଗୁଁ ଶହ ଶହ ବର୍ଷ ପରେ ମଧ୍ୟ ଏହା ଓଡ଼ିଆମାନ

ଓଡ଼ିଆ ଭାଷାର ସୁରକ୍ଷା ଓ ପ୍ରଚାର ପ୍ରସାର ପାଇଁ ସାହିତ୍ୟିକ ମାର୍ଗଦର୍ଶନ କରନ୍ତୁ: କେନ୍ଦ୍ରମନ୍ତ୍ରୀ ଧର୍ମେନ୍�

ଆଜିକୁ ଠିକ୍ ୧୫ ବର୍ଷ ପରେ ୨୦୩୬କୁ ଓଡ଼ିଶାକୁ ଭାଷା ଭିତ୍ତିକ ରାଜ୍ୟ ଭାବେ ୧୦୦ ବର୍ଷ ପୂରିବ ଏବଂ ୨୬ ବର୍ଷ ପରେ ୨୦୪୭କୁ ଦେଶ ସ୍ୱାଧୀନତାର ୧୦୦ ବର୍ଷ ପୂର୍ତ୍ତି ହେବ। ତେଣୁ ଏହି ସମୟରେ ଓଡ଼ିଆ ଭାଷାର ସୁରକ୍ଷା ଓ ପ୍ରଚାର ପ୍ରସାର ସହ ଏକ ନୂଆ ଓଡ଼ିଶା ଗଠନ କରିବା ପାଇଁ ମାର୍ଗଦର୍ଶନ କରିବାକୁ ବିଶିଷ୍ଟ ସାହିତ୍ୟିକଗଣଙ୍କୁ ଆହ୍ୱାନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଶୁକ୍ରବାର କଟକର ସାରଳା ଭବନ ଠାରେ ଓଡ଼ିଆ ଭାଷାର ମହାନ ଆଦିକବି ଶୂଦ୍ରମୁନି ସାରଳା ଦାସଙ୍କ ୬୦୦ତମ ପୂଣ୍ୟ ଜନ୍ମବାର୍ଷିକୀ ଏବଂ ସାରଳା ସାହିତ୍ୟ ସଂସଦର ୪୦ତମ ବାର୍ଷିକୀ ସମାରୋହରେ ମାନ୍ୟବର ଉପରାଷ୍ଟ୍ରପତି ଭେଙ୍କୈୟା ନାଇଡୁଙ୍କ ସହ ଯୋଗଦେଇ ଧର୍ମେନ୍ଦ୍ର ଉପରାଷ୍ଟ୍ରପତିଙ୍କ ଦ୍ୱାରା ସାରଳା ସାହିତ୍ୟ ସଂସଦର ସର୍ବୋଚ୍ଚ ସମ୍ମାନ କଳିଙ୍ଗ ରତ୍ନ ଉପାଧିରେ ସମ୍ମାନିତ ହୋଇଥିବା ଆନ୍ଧ୍ର ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନଙ୍କୁ ଅଭିନନ୍ଦନ ଜଣାଇ ଏହା ଓଡ଼ିଆଙ୍କ ପାଇଁ ଗର୍ବ ଓ ଗୌରବର ବିଷୟ ବୋଲି କହିଛନ୍ତି।

Khanti Odiani Ipsita wins Femina Mrs. Personality!

Ipsita Priyadarsini, a software engineer by profession and a khanti Odiani from Cuttack, has bagged the prestigious Femina Mrs Personality and was adjudged 4th in the finals of the Femina Mrs India 2021 contest. In the virtual Femina event, this remarkable accomplishment by the gorgeous Ipsita is an outstanding accolade to the marvellous merit list of Odisha. She wishes to carry her Odianess everywhere in her life's journey. We wish her all the best, stepping forward in the glamour world!

ଉତ୍କଳ ବିଶ୍ବବିଦ୍ୟାଳୟର ବିକାଶ ପାଇଁ ବର୍ଷକର ଦରମା ଦେଲେ ଧର୍ମେନ୍ଦ୍ର

ଉତ୍କଳ ବିଶ୍ୱବିଦ୍ୟାଳୟର ବିକାଶ ପାଇଁ ରାଜ୍ୟପାଳ ତଥା ବିଶ୍ୱବିଦ୍ୟାଳୟର କୁଳାଧିପତି ପ୍ରଫେସର ଗଣେଶୀ ଲାଲଙ୍କୁ ନିଜର ବର୍ଷକର ଦରମା ପ୍ରଦାନ କରିଛନ୍ତି କେନ୍ଦ୍ର ପେଟ୍ରୋଲିୟମ୍‌ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ରାଜ୍ୟପାଳ ଗଣେଶୀ ଲାଲ୍‌ ଟ୍ବିଟ୍‌ ଜରିଆରେ ଏହି ସୂଚନା ଦେବା ସହ ଧର୍ମେନ୍ଦ୍ରଙ୍କର ଏହି ପଦକ୍ଷେପ ପାଇଁ ତାକୁ ଅଭିନନ୍ଦନ ଜଣାଇଛନ୍ତି। ୨୦୧୯ରେ ଉତ୍କଳ ବିଶ୍ୱବିଦ୍ୟାଳୟର ପ୍ଲାଟିନମ୍‌ ଜୁବୁଲି କାର୍ଯ୍ୟକ୍ରମରେ ଯୋଗଦେଇ ଧର୍ମେନ୍ଦ୍ର ବିଶ୍ୱବିଦ୍ୟାଳୟର ପୂରାତନ ଛାତ୍ର ଭାବରେ ‘ଆଲୁମିନି ଅନୁଦାନ ପାଣ୍ଠି’ ଖୋଲିବା ପାଇଁ ପରାମର୍ଶ ଦେବା ସହ ବର୍ଷକର ଦରମା ଦେବା ପାଇଁ ଘୋଷଣା କରିଥିଲେ। 

ଝଲସିଲେ ଓଡ଼ିଆ ଝିଅ: ଇପସିତାଙ୍କୁ ଫେମିନା ମିସେସ ଇଣ୍ଡିଆ ପର୍ସନାଲିଟି ଟାଇଟଲ

ଓଡ଼ିଶାବାସୀଙ୍କପାଇଁ ଖୁସି ଖବର। ଜାତୀୟସ୍ତରର ସୁନ୍ଦରୀ ପ୍ରତିଯୋଗିତାରେ ଚମକିଲେ ଓଡ଼ିଆ ଝିଅ। ପ୍ରଥମ ଥର ପାଇଁ ଭର୍ଚୁଆଲ ମାଧ୍ୟମରେ ଅନୁଷ୍ଠିତ ହୋଇଥିବା ଫେମିନା ମିସେସ ଇଣ୍ଡିଆ ୨୦୨୧ ସୁନ୍ଦରୀ ପ୍ରତିଯୋଗିତାରେ କଟକର ଝିଅ ଇପସିତା ପ୍ରିୟଦର୍ଶିନୀ ଫେମିନା ମିସେସ ଇଣ୍ଡିଆ ପର୍ସନାଲିଟି ଟାଇଟଲ ଜିତିଛନ୍ତି। ଏଥସହ ସେ ପ୍ରତିଯୋଗିତାରେ ଚତୁର୍ଥ ସ୍ଥାନ ମଧ୍ୟ ହାସଲ କରିଛନ୍ତି। ଏଥିରେ ଭାରତର ବିଭିନ୍ନ ପ୍ରାନ୍ତରୁ ୨୦ ଜଣ ସୁନ୍ଦରୀ ଫାଇନାଲ ରାଉଣ୍ଡକୁ ଉନ୍ନୀତ ହୋଇଥିଲେ। ଫେମିନା ମିସେସ ଇଣ୍ଡିଆ ୨୦୨୧ ପ୍ରତିଯୋଗିତାରେ ଅଂଶଗ୍ରହଣ କରିଥିବା ଇପସିତା କିଟର ପୁରାତନ ଛାତ୍ରୀ। ପେସାରେ ସେ ଜଣେ ସଫ୍ଟୱେର ଇଞ୍ଜିନିଅର।

ଉତ୍କଳ ଦିବସରେ ଫେସ୍‌ବୁକ୍‌ ଲାଇଭ୍‌ରେ ଓଡ଼ିଆଙ୍କ ସହ କଥାହେଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

୮୬ତମ ଉତ୍କଳ ଦିବସ ଅବସରରେ ଐତିହାସିକ କୋଲକାତାର ହୁଗୁଲି ନଦୀ ପଠାରୁ ଫେସବୁକ୍ ଲାଇଭ ମାଧ୍ୟରେ ଓଡ଼ିଆ ଭାଇ ଭଉଣୀଙ୍କ ସହ କଥାବାର୍ତ୍ତା ହୋଇ ଆନନ୍ଦିତ ବୋଲି କହିଛନ୍ତି କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହି ଅବସରରେ ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନର ଅଗ୍ରଣୀ ବରପୂତ୍ର ଓ ମହାପୁରୁଷ ମାନଙ୍କୁ ଶ୍ରଦ୍ଧାଞ୍ଜଳି ଦେବା ସହ ରାଜ୍ୟ ସଙ୍ଗୀତ ବନ୍ଦେ ଉତ୍କଳ ଜନନୀ ଗାନ କରିଛନ୍ତି। ଧର୍ମେନ୍ଦ୍ର କହିଛନ୍ତି, ୧ ଏପ୍ରିଲ ୧୯୩୬ ତାରିଖରେ ଭାଷାଭିତ୍ତିକ ଓଡ଼ିଶା ରାଜ୍ୟ ଗଠନ ହୋଇଥିଲା। ଏକ ମହାନ ଲକ୍ଷ୍ୟ ଓ ଉଦ୍ଦେଶ୍ୟ ରଖି ମହାପୁରୁଷମାନେ ଖଣ୍ଡ ବିଖଣ୍ଡିତ ଓଡ଼ିଶାକୁ ଏକାଠି କରିଥିଲେ। ବିଚ୍ଛିନ୍ନ ଓଡ଼ିଶାକୁ ଏକତ୍ର କରିବା ପାଇଁ ସେ ଯେଉଁ ଉଦ୍ୟମ କରିଥିଲେ, ତାହା ଓଡ଼ିଶାବାସୀ କେବେ ଭୁଲି ପାରିବେ ନାହିଁ।

ନିରବିଲେ ‘ନିଦଭରା ରାତି ମଧୁଝରା ଜହ୍ନ...’ର ସଙ୍ଗୀତକାର ଇଂ.ଜଲାଲ ଆଦେନି

ଓଡ଼ିଆ ଚଳଚ୍ଚିତ୍ର ଜଗତର ବର୍ଷୀୟାନ ନିର୍ଦେଶକ ତଥା ପ୍ରଖ୍ୟାତ ସଙ୍ଗୀତ ନିର୍ଦେଶକ ଇଂ.ଜଲାଲ ଆଦେନି ଆଉ ନାହାନ୍ତି। ସେ ଆଜି ନିଜର କଟକ ବକ୍ସିବଜାରସ୍ଥିତ ବାସଭବନରେ ଶେଷ ନିଶ୍ବାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୮୫ ବର୍ଷ ହୋଇଥିଲା। 

ସେ ଓଡ଼ିଆ ସିନେମା ଜଗତରେ ଜେ.ଆଦେନି ନାମରେ ଲୋକପ୍ରିୟ ଥିଲେ। ବୃତ୍ତିରେ ଜଣେ ଇଞ୍ଜିନିୟର ହୋଇ ମଧ୍ୟ ସିନେମା ପ୍ରତି ତାଙ୍କର ପ୍ରବଳ ଦୁବର୍ଳତା ଥିଲା, ଯାହା ତାଙ୍କୁ ଚଳଚିତ୍ର ଜଗତକୁ ଟାଣି ଆଣିଥିଲା। ସେ କଲିକତାରେ ସିନେମା ନିର୍ମାଣର କଳାକୌଶଳ ଶିକ୍ଷା କରିବା ପରେ କିଛି ବର୍ଷ ମୁ୍ମ୍ବାଇରେ ମଧ୍ୟ କାମ କରୁଥିଲେ। ତାପରେ ସେ କଟକ ଫେରି ଆସିଥିଲେ। କଟକ ଫେରି ସେ ଓଡ଼ିଆ ଚଳଚ୍ଚିତ୍ର ଅନୁତାପ ନିର୍ମାଣ କରିଥିଲେ। ୧୯୭୭ରେ ନିର୍ମିତ ଅନୁତାପରେ ସେ ନିର୍ଦେଶନା ଦେଇଥିବା ସହ ସ୍ବର ସଂଯୋଜନା ମଧ୍ୟ କରିଥିଲେ। ଏହି ଚଳଚ୍ଚିତ୍ରର ଗୀତଗୁଡ଼ିକ ଆଜି ବି ଶ୍ରୋତାମାନଙ୍କୁ ମନ୍ତ୍ରମୁଗ୍ଧ କରେ। ଅନୁତାପ ଚଳଚ୍ଚିତ୍ରର ପ୍ରତିଟି ଗୀତ ଯଥା ନିଦଭରା ରାତି ମଧୁଝରା ଜହ୍ନ ଫିକା ଫିକା ଏହି ଜୋଚ୍ଛନା..., ନୁପୁର କାହିଁକି ମୁଁ ବାନ୍ଧିଲି, ମୁଁ ତୁମକୁ ଭଲ ପାଏ ଲୁଚି ଲୁଚିକା ଓ ଚେତନାର ରୁପକାର.,.. ଏବେ ବି ବେଶ୍ ଲୋକପ୍ରିୟ।

ଭାରତ ଓ ଆମେରିକା ମଧ୍ୟରେ ରଣନୈତିକ ଉର୍ଜା ସମ୍ପର୍କର ପୁନଃପ୍ରତିଷ୍ଠା ହେବ: ଧର୍ମେନ୍ଦ୍ର ପ୍ରଧାନ

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଆମେରିକାର ନୂଆ ଉର୍ଜା ସଚିବ ଜେନିଫର ଗ୍ରାନହୋଲମଙ୍କ ମଧ୍ୟରେ ଭିଡ଼ିଓ କନଫରେନ୍ସିଂ ମାଧ୍ୟମରେ ଏକ ପ୍ରାରମ୍ଭିକ ବୈଠକ ଅନୁଷ୍ଠିତ ହୋଇଯାଇଛି। ଏହି ଅବସରରେ ଧର୍ମେନ୍ଦ୍ର ଆମେରିକାର ନୂଆ ଉର୍ଜା ସଚିବ ଜେନିଫର ଗ୍ରାନହୋଲମଙ୍କୁ ନୂଆ ପଦରେ ଅବସ୍ଥାପିତ ପାଇଁ ଅଭିନନ୍ଦନ ଜଣାଇବା ସହ ଭାରତ ଓ ଆମେରିକା ମଧ୍ୟରେ ରଣନୈତିକ ଉର୍ଜା ସମ୍ପର୍କ ଉପରେ ସମୀକ୍ଷା କରିଥିଲେ। ଉଭୟ ନେତୃତ୍ୱ ଭାରତ-ଆମେରିକା ମଧ୍ୟରେ ରଣନୈତିକ ଉର୍ଜା ସମ୍ପର୍କର ପୁନଃପ୍ରତିଷ୍ଠାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆମେରିକାର ରାଷ୍ଟ୍ରପତି ଜୋ ବାଇଡ଼େନଙ୍କ ନୂଆ ପ୍ରାଥମିକତାରେ ପ୍ରତିଫଳିତ କରିବା ପାଇଁ ଇଚ୍ଛା ପ୍ରକାଶ କରିଛନ୍ତି।

ସଫଳ ଓଡ଼ିଆଙ୍କ ଗାଥା ଗାଇଲା ଓଡ଼ିଶା ପର୍ବ; ବିଶ୍ବ ଦେଖିଲା ଓଡ଼ିଶାର ବିବିଧ ସମ୍ଭାର

ନୂଆଦିଲ୍ଲୀ ଠାରେ ଥିବା ଅଗ୍ରଣୀ ସଂଗଠନ ‘ଓଡ଼ିଆ ସମାଜ’ ପକ୍ଷରୁ ଭର୍ଚୁଆଲ ଗ୍ଲୋବାଲ ଓଡ଼ିଶା ପର୍ବ ରବିବାର ଉଦଯାପିତ ହୋଇଛି। ଦୁଇଦିନ ବ୍ୟାପୀ ଆୟୋଜିତ ଏହି କାର୍ଯ୍ୟକ୍ରମରେ ବିଶ୍ବର ବିଭିନ୍ନ ପ୍ରାନ୍ତରେ ରହିଥିବା ଓଡ଼ିଆମାନେ ଏକାଠି ହୋଇ ଓଡ଼ିଶାର ବିଭିନ୍ନ କ୍ଷେତ୍ରର ସଫଳତା ଓ କୃତିତ୍ବର ଗାଥାକୁ ସନ୍ଦର୍ଶନ କରି ଆତ୍ମବିଭୋର ହୋଇଉଠିଛନ୍ତି। ନୃତ୍ୟ, ସଙ୍ଗୀତ, ଆଳାପ, ବୃତ୍ତଚିତ୍ର ଓ ମନର କଥା ଜରିଆରେ ଓଡ଼ିଆ ମାନଙ୍କୁ ଓଡ଼ିଶାର ସମୃଦ୍ଧ ସଂସ୍କୃତିକୁ ଭେଟିଦେବାର ଏହି ମହାକୁମ୍ଭ ‘ଓଡ଼ିଶା ପର୍ବ ୨୦୨୧’ ଅନେକ ଦୃଷ୍ଟିରୁ ସ୍ବତନ୍ତ୍ର ଥିବା ନେଇ ଏଥିରେ ଯୋଡ଼ି ହୋଇଥିବା ଅନେକ ଲୋକ କହିଛନ୍ତି।

ଓଡ଼ିଶା ପର୍ବରେ ଏକାଠି ହେଲେ ସାରା ବିଶ୍ବର ଓଡ଼ିଆ

ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସହିତ ଦୁଇ ଦିନିଆ ଅନ୍ତର୍ଜାତୀୟ ଭର୍ଚୁଆଲ ଓଡ଼ିଶା ପର୍ବର ଉଦଘାଟନୀ ସମାରୋହ ଶନିବାର ସନ୍ଧ୍ୟାରେ ଆୟୋଜିତ ହୋଇଯାଇଛି। ନୂଆ ରୂପରେ ଆୟୋଜିତ ଏହି ସମାରୋହରେ କେନ୍ଦ୍ର ପେଟ୍ରୋଲିଅମ ଓ ପ୍ରାକୃତିକ ଗ୍ୟାସ ଏବଂ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଶିଷ୍ଟ ଭାସ୍କର୍ଯ୍ୟଶିଳ୍ପୀ ପଦ୍ମ ବିଭୂଷଣ ଡ.ରଘୁନାଥ ମହାପାତ୍ର ଓ ଭାରତୀୟ ସ୍ଥଳସେନାର ଉପମୁଖ୍ୟ ଲେଫ୍ଟନାଣ୍ଟ ଜେନେରାଲ ଚଣ୍ଡିପ୍ରସାଦ ମହାନ୍ତି ଏବଂ ଓଡ଼ିଆ ସମାଜର ସଭାପତି ସିଦ୍ଧାର୍ଥ ପ୍ରଧାନ ପ୍ରମୁଖ ଯୋଗଦେଇ ଓଡ଼ିଆ ଜାତିର ପରମ୍ପରା, ଐତିହ୍ୟ, ବୀରତ୍ବ ଓ କଳା ଭାସ୍ପର୍ଯ୍ୟ ବିଶ୍ବ ପାଇଁ ଆଶ୍ଚର୍ଯ୍ୟ ବୋଲି ସୂଚିତ କରାଇଥିଲେ। ବିଶ୍ବ ମହାମାରୀ କୋରୋନା ସଙ୍କଟ ସମୟରେ ପ୍ରଯୁକ୍ତିର ବ୍ୟବହାର କରି ବିଶ୍ବର ବିଭିନ୍ନ କୋଣରେ ଥିବା ଓଡ଼ିଆଙ୍କୁ ଏକାଠି କରିଥିବାରୁ ଆୟୋଜକ ସଂଗଠନକୁ ପ୍ରଶଂସା କରିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କଳା ମାଧ୍ୟମରେ ଓଡ଼ିଶାର ସ୍ବତନ୍ତ୍ର ପରିଚିତି ରହିଛି ଓ ନୂଆ ଓଡ଼ିଶାରେ ଓଡ଼ିଆଙ୍କ ଭାସ୍କର୍ଯ୍ୟ ଆହୁରି ଶାଣିତ ଭାବେ ପରିସ୍ଫୁଟନ ହେବ ବୋଲି ଆଶା ସଞ୍ଚାର କରାଇଥିଲେ ପଦ୍ମ ବିଭୂଷଣ ରଘୁନାଥ ମହାପାତ୍ର। ସ୍ଥଳସେନାର ଉପମୁଖ୍ୟ ଚଣ୍ଡିପ୍ରସାଦ ମହାନ୍ତି ମାତ୍‌ଭୂମିର ସୁରକ୍ଷାରେ ଅଧିକ ଓଡ଼ିଆ ଯୋଡ଼ି ହେଉଥିବା ନେଇ ଖୁସି ବ୍ୟକ୍ତ କରିବା ସହ ଓଡ଼ିଆଙ୍କ ବୀରତ୍ବକୁ ସାରା ଦେଶ ସ୍ବୀକାର କରିଥିବା କହିଥିଲେ। 

ଟିଟିପିଏସ୍‌ର ତୃତୀୟ ପର୍ଯ୍ୟାୟ ସମ୍ପ୍ରସାରଣ ହେବ ତ୍ବରାନ୍ବିତ: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ତାଳଚେର ତାପଜ ବିଦ୍ୟୁତ୍ କେନ୍ଦ୍ର (ଟିଟିପିଏସ୍)ର ତୃତୀୟ ପର୍ଯ୍ୟାୟ ସମ୍ପ୍ରସାରଣକୁ ତ୍ୱରାନ୍ୱିତ କରାଯିବ ଏବଂ ଭବିଷ୍ୟତରେ ଏହି ପ୍ରକଳ୍ପ ବନ୍ଦ ହେବ ନାହିଁ ବୋଲି କେନ୍ଦ୍ର ଶକ୍ତି ରାଷ୍ଟ୍ରମନ୍ତ୍ରୀ ଆରକେ ସିଂହ ପ୍ରତିଶ୍ରୁତି ଦେଇଥିବା ଟ୍ୱିଟ୍ କରି ସୂଚନା ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେହିପରି ତାଳଚେରରେ ଆଉ ଏକ ନୂଆ ତାପଜ ବିଦ୍ୟୁତ୍ କେନ୍ଦ୍ରର ପ୍ରତିଷ୍ଠା ପାଇଁ ମଧ୍ୟ କେନ୍ଦ୍ରମନ୍ତ୍ରୀ ସିଂଙ୍କୁ ଅନୁରୋଧ କରିଛନ୍ତି ଧର୍ମେନ୍ଦ୍ର। ତେବେ ଓଡ଼ିଶା ସରକାର ଏଥିପାଇଁ ଆବଶ୍ୟକୀୟ ସହଯୋଗ ଯୋଗାଇଦେଲେ ନୂଆ ତାପଜ ବିଦ୍ୟୁତ୍ କେନ୍ଦ୍ର ପ୍ରତିଷ୍ଠା କରାଯିବ ବୋଲି ବିଭାଗୀୟ ମନ୍ତ୍ରୀ ଆର୍ କେ ସିଂ ପ୍ରତିଶ୍ରୁତି ଦେଇଥିବା ଏବଂ ପ୍ରଧାନମନ୍ତ୍ରୀ ମୋଦିଙ୍କ ପୂର୍ବୋଦୟ କଳ୍ପନାରେ ଏହି ବିକାଶ ହେବ ବୋଲି ଧର୍ମେନ୍ଦ୍ର ଟ୍ୱିଟ୍ କରି ସୂଚନା ଦେଇଛନ୍ତି।

କୋଣାର୍କ ସୂର୍ଯ୍ୟ ମନ୍ଦିର ମାନବ ସଭ୍ୟତାର ବୈଜ୍ଞାନିକ ଦୃଷ୍ଟିଭଙ୍ଗୀର ଓଡ଼ିଆଙ୍କ ପରିପ୍ରକାଶର ପ୍ରମାଣ: ଧର୍ମ�

ମହାମହିମ ରାଷ୍ଟ୍ରପତି ରାମନାଥ କୋବିନ୍ଦ, ଦେଶର ପ୍ରଥମ ମହିଳା ସବିତା କୋବିନ୍ଦ ଏବଂ ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ସହ କୋଣାର୍କ ସ୍ଥିତ ଭବ୍ୟ ସୂର୍ଯ୍ୟ ମନ୍ଦିର ଏବଂ ଇଣ୍ଡିଆନ୍ ଫାଉଣ୍ଡେସନ୍ ଦ୍ୱାରା ନିର୍ମିତ ବିଶ୍ୱସ୍ତରୀୟ ବାଖ୍ୟାନ କେନ୍ଦ୍ରକୁ ସୋମବାର ପରିଦର୍ଶନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଭବ୍ୟ ସୂର୍ଯ୍ୟ ମନ୍ଦିରର ଅନନ୍ୟ କୀର୍ତ୍ତିରାଜି, ଉତ୍କୃଷ୍ଟ କଳା ତଥା ବୈଜ୍ଞାନିକ ସ୍ୱତନ୍ତ୍ରତାକୁ ଧ୍ୟାନରେ ରଖି ଏହି ବାଖ୍ୟାନ କେନ୍ଦ୍ର ନିର୍ମାଣ କରାଯାଇଛି। ବିଶ୍ୱ ଐତିହ୍ୟ କୋଣାର୍କ ସୂର୍ଯ୍ୟ ମନ୍ଦିରର ସମୃଦ୍ଧ ଇତିହାସ, ଓଡ଼ିଶାର ସଂସ୍କୃତି ଓ ପରମ୍ପରାକୁ ପର୍ଯ୍ୟଟକ ତଥା ଭବିଷ୍ୟତ ପିଢିଙ୍କୁ ଅବଗତ କରାଇବା ଦିଗରେ ଏହା ନର୍ମାଣ ହୋଇଛି ବୋଲି କହିଛନ୍ତି ଧର୍ମେନ୍ଦ୍ର।

ଏହି ଅବସରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର କହିଛନ୍ତି ଯେ ୟୁନିସ୍କୋ ଦ୍ୱାରା ବିଶ୍ୱ ଐତିହ୍ୟ ତାଲିକାରେ ସ୍ଥାନ ପାଇଥିବା ସୂର୍ଯ୍ୟ ମନ୍ଦିର କଳିଙ୍ଗର ସମୃଦ୍ଧ ସଂସ୍କୃତି ତଥା ମନ୍ଦିର କୀର୍ତିରାଜିର ଅନନ୍ୟ ଉତ୍କୃଷ୍ଟ ଉଦାହରଣ।

ଜାତୀୟ ଚଳଚ୍ଚିତ୍ର ପୁରସ୍କାରରେ ବାଜି ମାରିଲା ୩ ଓଡ଼ିଆ ଫିଲ୍ମ

ଶ୍ରେଷ୍ଠ ଆଞ୍ଚଳିକ ଭାଷା ଚଳଚ୍ଚିତ୍ର ବର୍ଗରେ ଯୁଗ୍ମ ଭାବେ ଡ.ସବ୍ୟସାଚୀ ମହାପାତ୍ରଙ୍କ ନିର୍ଦଶିତେ ଓଡ଼ିଆ ଚଳଚ୍ଚିତ୍ର ଶଲାବୁଢ଼।ର ବଦଲା ଓ ନୀଳମାଧବ ପଣ୍ଡା ନିର୍ଦଶିତେ କାଲିର ଅତୀତ ଏବଂ ଅଣ-ଫିଚର ବର୍ଗରେ ଶ୍ରେଷ୍ଠ କଳା-ସଂସ୍କୃତି ଚଳଚ୍ଚିତ୍ର ଭାବେ ଆଶୁତୋଷ ପଟ୍ଟନାୟକ ପ୍ରଯୋଜିତ ତଥା ନିର୍ଦଶିତେ ଓଡ଼ିଆ ପ୍ରାମାଣିକ ଛବି ଶ୍ରୀକ୍ଷେତ୍ରରୁ ସାହିଯାତ 67ତମ ଜାତୀୟ ଚଳଚ୍ଚିତ୍ର ପୁରସ୍କାରରେ ପୁରସ୍କୃତ ହେବା ଓଡ଼ଶା କଳାଜଗତ ପାଇଁ ଉତ୍ସାହପ୍ରଦ ଏବଂ ଗୌରବର ବିଷୟ। ଏହି ଚଳଚ୍ଚିତ୍ର ତ୍ରୟ ସହ ସମ୍ପୃକ୍ତ ସମସ୍ତ ବ୍ୟକ୍ତିବିଶେଷଙ୍କୁ ଅଭିନନ୍ଦନ।

୨୭ରୁ ଅନ୍ତର୍ଜାତୀୟ ଓଡ଼ିଶା ପର୍ବ-୨୦୨୧, ଭର୍ଚୁଆଲ୍‌ ପ୍ଲାଟ୍‌ଫର୍ମରେ ହେବ

ପ୍ରଥମ ଥର ପାଇଁ ଭର୍ଚୁଆଲ୍ ପ୍ଲାଟଫର୍ମରେ ଆରମ୍ଭ ହେବାକୁ ଯାଉଛି ଓଡ଼ିଶା ପର୍ବ-୨୦୨୧। ଆସନ୍ତା ୨୭ ତାରିଖରୁ ଆରମ୍ଭ ହେବାକୁ ଥିବା ଏହି ଓଡ଼ିଶା ପର୍ବ ଦୁଇ ଦିନ ଧରି ଚାଲିବ। ଏହି ବିଶାଳ ସାଂସ୍କୃତିକ କାର୍ଯ୍ୟକ୍ରମ ଏକ ସ୍ବତନ୍ତ୍ର ରୂପରେ, ଚମତ୍କାର ଢଙ୍ଗରେ ନୂଆ ଉତ୍କଣ୍ଠା ଓ ଉତ୍ସାହ ନେଇ ଆସୁଥିବା ବେଳେ ଏହି କାର୍ଯ୍ୟକ୍ରମକୁ ଶୁଭାରମ୍ଭ କରିବେ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ୍ ଏବଂ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ନୂଆଦିଲ୍ଲୀ ଓଡ଼ିଆା ସମାଜ ପକ୍ଷରୁ ଆୟୋଜିତ ଏହି ୨ ଦିନିଆ ସାଂସ୍କୃତିକ ମହାକୁମ୍ଭ ଓଡ଼ିଶାର ନିଆରା କଳା, ସଂସ୍କୃତି, ଐତିହ୍ୟ ଓ ପରମ୍ପରାକୁ ପ୍ରଦର୍ଶିତ କରିବ।

୨୭ ତାରିଖ ସନ୍ଧ୍ୟା ୭ଟାରୁ ଆରମ୍ଭ ହେଉଥିବା ଏହି ଭର୍ଚୁଆଲ୍ ଅନ୍ତର୍ଜାତୀୟ ଓଡ଼ିଶା ପର୍ବରେ କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ୍ ଏବଂ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ଭାସ୍କର୍ଯ୍ୟ ଶିଳ୍ପୀ ତଥା ସ୍ଥପତି ପଦ୍ମବିଭୂଷଣ ଡ. ରଘୁନାଥ ମହାପାତ୍ର, ଭାରତୀୟ ସ୍ଥଳସେନାର ଉପମୁଖ୍ୟ ଲେଫ୍ଟନାଣ୍ଟ୍ ଜେନେରାଲ୍ ଚଣ୍ଡି ପ୍ରସାଦ ମହାନ୍ତି ପ୍ରମୁଖ ସାମିଲ୍ ହେବେ।

ସପତ୍ନୀକ ଶ୍ରୀଜୀଉଙ୍କୁ ଦର୍ଶନ କଲେ ରାଷ୍ଟ୍ରପତି ରାମନାଥ କୋବିନ୍ଦ

ଶ୍ରୀମନ୍ଦିରରେ ଶ୍ରୀଜିଉଙ୍କ ଦର୍ଶନ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ। ରାଷ୍ଟ୍ରପତିଙ୍କ ସହ ତାଙ୍କ ପତ୍ନୀ ସବିତା କୋବିନ୍ଦ ମଧ୍ୟ ମହାପ୍ରଭୁଙ୍କ ଦର୍ଶନ କରିଛନ୍ତି। ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ସକାଳ ପ୍ରାୟ ୯ଟା ୧୦ ମିନିଟ୍‌ ସମୟରେ ରାଷ୍ଟ୍ରପତି ସିଂହଦ୍ବାର ନିକଟରେ ପହଞ୍ଚିବା ପରେ ସେଠାରେ ତାଙ୍କୁ ସ୍ବାଗତ କରିଥିଲେ ଗଜପତି ମହାରାଜ ଦିବ୍ୟସିଂହ ଦେବ। ଏହାପରେ ରାଷ୍ଟ୍ରପତିଙ୍କୁ ମନ୍ଦିର ଭିତରକୁ ପାଛୋଟି ନେଇଥିଲେ। ପରେ କୌଳିକ ସେବାୟତ ରାଷ୍ଟ୍ରପତିଙ୍କୁ ମନ୍ଦିର ଭିତରକୁ ନେଇ ଦର୍ଶନ କରାଇଥିଲେ। ଶ୍ରୀମନ୍ଦିର ଭିତରେ ମା’ ବିମଳା ଓ ଲକ୍ଷ୍ମୀଙ୍କୁ ମଧ୍ୟ ଦର୍ଶନ କରିଥିଲେ ରାଷ୍ଟ୍ରପତି। ଏହି ସମୟରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ରାଷ୍ଟ୍ରପତିଙ୍କୁ ସମ୍ବର୍ଦ୍ଧିତ କରାଯାଇଥିଲା। ମହାପ୍ରଭୁଙ୍କ ଫଟୋ ଚିତ୍ରକୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରଦାନ କରାଯାଇଛି। ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଶ୍ରୀମନ୍ଦିର ବିକାଶ ପାଇଁ ସମର୍ପଣ ନିଧି ପାଣ୍ଠିକୁ ନିଜ ଦରମାରୁ ୧ ଲକ୍ଷ ଟଙ୍କା ଦାନ କରିଥିଲେ। ରାଷ୍ଟ୍ରପତିଙ୍କ ସମେତ ରାଜ୍ୟପାଳ ପ୍ରଫେସର୍ ଗଣେଶୀ ଲାଲ୍ ଏବଂ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରମୁଖ ଶ୍ରୀମନ୍ଦିର ଭିତରକୁ ଯାଇ ଶ୍ରୀଜୀଉଙ୍କ ଦର୍ଶନ କରିଥିଲେ।

ମୁକ୍ତିମଣ୍ଡପ ପଣ୍ଡିତସଭା ଦେଲା କୋହିନୁର ଓ ରାଧାରମଣ ପଞ୍ଜିକାକୁ ସ୍ବୀକୃତି

କୋଭିଡ୍ ପାଇଁ ଶ୍ରୀମନ୍ଦିରରେ ବନ୍ଦ ରହିଥିବା ଶ୍ରାଦ୍ଧ ସନ୍ତର୍ପଣ, ଅନ୍ନଦାନ, ଦରିଦ୍ର ନାରାୟଣ ସେବା, ଜନ୍ମତିଥି ଆଦିରେ ବ୍ରାହ୍ମଣଭୋଜନ କାର୍ଯ୍ୟ ପୁଣିଥରେ ଆରମ୍ଭ ହୋଇଛି। ବିଜ୍ଞ ପଣ୍ଡିତଙ୍କ ପରାମର୍ଶକ୍ରମେ କୋଭିଡ୍ କାଳରେ ବନ୍ଦ ରହିଥିବା ଏହି କାର୍ଯ୍ୟ ପ୍ରତିମାସର କୃଷ୍ଣପକ୍ଷ ଏକାଦଶୀ ଓ ଅମାବାସ୍ୟା ତିଥିରେ ପର୍ଯ୍ୟାୟକ୍ରମେ ସଂପାଦାନ କରାଯାଉଛି ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ମୁକ୍ତିମଣ୍ଡପ ପଣ୍ଡିତସଭା କହିଛନ୍ତି। ଏଥିସହିତ, ମୁକ୍ତିମଣ୍ଡପ ପଣ୍ଡିତସଭା କୋହିନୁର ଓ ରାଧାରମଣ ପଞ୍ଜିକାକୁ ସ୍ବୀକୃତି ପ୍ରଦାନ କରିଛନ୍ତି।

କୋରୋନା ଯୋଗୁଁ ଶ୍ରୀମନ୍ଦିର ବନ୍ଦ ରହିବାରୁ ଗତ ୧୦ ମାସ ହେଲା ଏହି କାର୍ଯ୍ୟ ସମ୍ପାଦନ ହୋଇ ପାରୁ ନ ଥିଲା। ଏବେ ମୁକ୍ତିମଣ୍ଡପ ପଣ୍ଡିତସଭା ପୁଣିଥରେ ଏହି କାର୍ଯ୍ୟ ଆରମ୍ଭ କରିଛି।

ପଶ୍ଚିମ ଓଡ଼ିଶାରେ ଦୁଇଟି ମେଡିକାଲ କଲେଜ ପ୍ରଧାନମନ୍ତ୍ରୀଙ୍କ ଉପହାର: କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର

ଆଇଜିଏଚର ସୁପର ସ୍ପେଶିଆଲିଟି ହସ୍ପିଟାଲର ଉଦଘାଟନ ଅବସରରେ କେନ୍ଦ୍ର ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି, ଇସ୍ପାତ ତିଆରି କରିବାରେ ସେଲର ବିଶ୍ବସନୀୟତା ଯେତିକି ମଜବୁତ୍, ଆଜିଏଚ୍ କେବଳ ପଶ୍ଚିମ ଓଡ଼ିଶା ନୁହେଁ ପଡ଼ୋଶୀ ରାଜ୍ୟର ରୋଗୀଙ୍କୁ ଚିକିତ୍ସା ଦେବାରେ ଇସ୍ପାତ ସ୍ତମ୍ଭ ସେତିକି ମଜବୁତ୍। ଏହି ହସ୍ପିଟାଲର ନିର୍ମାଣ ଇସ୍ପାତ ମନ୍ତ୍ରାଳୟର ବଜେଟରେ ନୁହେଁ, କେନ୍ଦ୍ର ସରକାରଙ୍କ ବଜେଟରେ ହୋଇଛି। ଦାୟିତ୍ବ ପୂରଣ କରାଯାଇଛି। ବହୁ ଲୋକ ପ୍ରଶ୍ନ କରୁଛନ୍ତି ମେଡ଼ିକାଲ କଲେଜ କୁଆାଡେ ଗଲା? ଖୁବଶୀଘ୍ର ସ୍ନାତକୋତ୍ତର ମେଡ଼ିକାଲ କଲେଜ ଖୋଲିବ। ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ରାଉରକେଲା ସୁପର ସ୍ପେଶିଆଲିଟି ହସ୍ପିଟାଲ ନୁହେଁ ସୁନ୍ଦରଗଡ ଏନଟିପିସି ସୁପର ସ୍ପେଶିଆଲିଟି ହସ୍ପିଟାଲରେ ସ୍ନାତକୋତ୍ତର କଲେଜ ଖୋଲାଯିବ। ଦୁଇଟି ମେଡ଼ିକାଲ କଲେଜ ପ୍ରଧାନମନ୍ତ୍ରୀଙ୍କ ଉପହାର ବୋଲି କହିଥିଲେ।

ପରଲୋକରେ ପ୍ରଥମ ଓଡ଼ିଶୀ ନୃତ୍ୟାଙ୍ଗନା ଲକ୍ଷ୍ମୀପ୍ରିୟା ମହାପାତ୍ର

ଆଖି ବୁଜିଛନ୍ତି ଓଡ଼ିଶାର ପ୍ରଥମ ଓଡ଼ିଶୀ ନୃତ୍ୟାଙ୍ଗନା ତଥା କିମ୍ବଦନ୍ତୀ ଓଡ଼ିଶୀ ନୃତ୍ୟଗୁରୁ ସ୍ବର୍ଗତ କେଳୁଚରଣ ମହାପାତ୍ରଙ୍କ ପତ୍ନୀ ଲକ୍ଷ୍ମୀପ୍ରିୟା ମହାପାତ୍ର। ଗତକାଲି ରାତି ପ୍ରାୟ ୧୧ଟା ୧୦ରେ ତାଙ୍କର ପରଲୋକ ହୋଇଛି। ମୃତ୍ୟୁ ବେଳକୁ ତଙ୍କୁ ୮୬ ବର୍ଷ ହୋଇଥିଲା। ତେବେ ବହୁଦିନ ଧରି ସେ ବାର୍ଧକ୍ୟଜନିତ ରୋଗରେ ପୀଡ଼ିତ ଥିଲେ। ଖବର ପାଇ ବହୁ ବିଶିଷ୍ଟ ବ୍ୟକ୍ତିବିଶେଷ ଭୀମଟାଙ୍ଗିସ୍ଥିତ ବାସଭବନେରେ ପହଞ୍ଚି ତାଙ୍କ ଶେଷ ଦର୍ଶନ କରିଥିଲେ। ତେବେ ଲକ୍ଷ୍ମୀପ୍ରିୟାଙ୍କ ମୃତ୍ୟୁ ନେଇ ଶୋକବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ମାରଦା ଜଗନ୍ନାଥ ମନ୍ଦିରର ବିକାଶ ପାଇଁ ସମସ୍ତେ ଉଦ୍ୟମ କରିବା ଆବଶ୍ୟକ: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁକ୍ରବାର ମହାପ୍ରଭୁ ଶ୍ରୀଜଗନ୍ନାଥଙ୍କର ଅନ୍ୟତମ ପ୍ରସିଦ୍ଧ ଲୀଳାକ୍ଷେତ୍ର ଭାବେ ଜଣାଶୁଣା ଗଞ୍ଜାମ ଜିଲ୍ଲା ପୋଲସରା ଅନ୍ତର୍ଗତ ମାରଦା ଜଗନ୍ନାଥ ମନ୍ଦିରକୁ ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି। ଏହି ଅବସରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ମହାପ୍ରଭୁଙ୍କ ଦର୍ଶନ କରି ନିଜକୁ ଧନ୍ୟ ମନେକରୁଥିବା କହିବା ସହ କହିଛନ୍ତି, ସମଗ୍ର ହିନ୍ଦୁ ସମାଜ, ଓଡ଼ିଆ ଲୋକ ଓ ଜଗନ୍ନାଥପ୍ରେମୀଙ୍କ ପାଇଁ ଏହା ପବିତ୍ର ତୀର୍ଥ କ୍ଷେତ୍ର। ପବିତ୍ର ଶରଣ ଶ୍ରୀକ୍ଷେତ୍ର ମାରଦା ଜଗନ୍ନାଥ ମନ୍ଦିରର ବିକାଶ ପାଇଁ ଆମେ ସମସ୍ତେ ଉଦ୍ୟମ କରିବା ଦରକାର।

ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ହାସଲ କଲେ ଓଡ଼ିଶା ଛାତ୍ରୀ ଭବାନୀ ଦେବୀ

ଚଳିତ ବର୍ଷ ଜୁଲାଇ ୨୪ରୁ ଅଗଷ୍ଟ ୮ ତାରିଖ ମଧ୍ୟରେ ହେବାକୁ ଯାଉଥିବା ଅଲିମ୍ପିକ୍ସ ପାଇଁ ଯୋଗ୍ୟତା ହାସଲ ସକାଶେ ଯୋଗ୍ୟତା ପର୍ଯ୍ୟାୟ ମୁକାବିଲା ଜାରି ରହିଛି। ଏହି କ୍ରମେ କିଟ୍ ବିଶ୍ବ ବିଦ୍ୟାଳୟରେ ପଢ଼ୁଥିବା ତାମିଲନାଡୁ ଛାତ୍ରୀ ଭବାନୀ ଦେବୀ ତାଙ୍କ କ୍ୟାରିଅରର ଏକ ବଡ଼ ସଫଳତା ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ହାସଲ କରିଛନ୍ତି। ପ୍ରଥମ ଭାରତୀୟ ଫେନ୍ସର ଭାବେ ସେ ଅଲିମ୍ପିକ୍ସ ପରି ବଡ଼ ପ୍ରତିଯୋଗତା ପାଇଁ ଯୋଗ୍ୟତା ହାସଲ କରିଛନ୍ତି। ପୂର୍ବରୁ କୌଣସି ଭାରତୀୟଙ୍କୁ ଏହି ସଫଳତା ମିଳି ନଥିଲା। ଫଳରେ ଭାରତ ପ୍ରଥମ ଥର ପାଇଁ ଅଲିମ୍ପିକ୍ସର ଫେନ୍ସିଂ ମ୍ୟାପରେ ସ୍ଥାନ ପାଇବାକୁ ଯାଉଛି।

ଆଲୁମିନିୟମ୍‌ ଏୟାର ବ୍ୟାଟେରୀ ଟେକ୍ନୋଲୋଜିର ବ୍ୟବସାୟୀକରଣ କରାଯିବ: ଧର୍ମେନ୍ଦ୍ର

ଆଲୁମିନିୟମ ଏୟାର ବ୍ୟାଟେରୀ ଟେକ୍ନୋଲୋଜିକୁ ବ୍ୟବସାୟୀକରଣ କରିବା ଦିଗରେ ବୁଧବାର ନୂଆଦିଲ୍ଲୀ ଠାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଇସ୍ରାଏଲର ଉର୍ଜା ମନ୍ତ୍ରୀ ୟୁଭାଲ୍ ଷ୍ଟିନଞ୍ଜଙ୍କ ଉପସ୍ଥିତିରେ ଭିଡିଓ କନଫରେନ୍ସିଂ ଜରିଆରେ ଆଇଓସି ଫିନର୍ଜି ପ୍ରାଇଭେଟ୍ ଲିମିଟେଡ(ଆଇଓପି)ର ଉଦଘାଟନ ହୋଇଯାଇଛି। ଏହି ଯୌଥ ଉଦ୍ୟୋଗ ମାଧ୍ୟମରେ ଦେଶରେ ଆଲୁମିନିୟମ୍ ଏୟାର ବ୍ୟାଟେରୀ ଉତ୍ପାଦନ କରିବା ଏବଂ ବ୍ୟବହାରଯୁକ୍ତ ଆଲୁମିନିୟମର ପୁନଃବ୍ୟବହାର କରିବା ପାଇଁ ଆଗାମୀ ଦିନରେ ଯୋଜନା ରଖାଯାଇଥିବା ଧର୍ମେନ୍ଦ୍ର କହିଛନ୍ତି। ଆଇସି ଫିନର୍ଜି ପ୍ରାଇଭେଟ୍ ଲିମିଟେଡ୍ ହେଉଛି ଇଣ୍ଡିଆନଅଏଲ୍ ଏବଂ ଇସ୍ରାଏଲର ଫିନର୍ଜି କମ୍ପାନୀର ଯୌଥ ଉଦ୍ୟୋଗ। ଏହି କମ୍ପାନୀ ଭାରତୀୟ ଅଟୋମୋଟିଭ୍ ଉତ୍ପାଦନକାରୀ କମ୍ପାନୀକୁ ଆଲୁମିନିୟମ୍-ଏୟାର ବ୍ୟାଟେରୀ ଟେକ୍ନୋଲୋଜି ଯୋଗାଇବ।

ରାଷ୍ଟ୍ରପତିଙ୍କୁ ପାରମ୍ପରିକ ଗାମୁଛା ଦେଇ ଓଡ଼ିଶା ଆମନ୍ତ୍ରଣ କଲେ ଧର୍ମେନ୍ଦ୍ର

ଆସନ୍ତା ୨୧ ତାରିଖରେ ଓଡ଼ିଶା ଆସିବେ ରାଷ୍ଟ୍ରପତି ରାମନାଥ କୋବିନ୍ଦ। ରାଉରକେଲା ଏନଆଇଟି ସମାବର୍ତ୍ତନ ଉତ୍ସବ ସମେତ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ। ଗସ୍ତ ସମୟରେ ରାଷ୍ଟ୍ରପତି ରାଉରକେଲାରେ ଥିବା ଆରଏସପି ଦ୍ୱାରା ପରିଚାଳିତ ଇସ୍ପାତ ଜେନେରାଲ୍ ହସ୍ପିଟାଲର ନବନିର୍ମିତ ୨୦୦ ଶଯ୍ୟା ବିଶିଷ୍ଟ ସୁପର ସ୍ପେଶାଲିଟି ହସ୍ପିଟାଲର ଉଦଘାଟନ କରିବେ। ପରେ ରାଷ୍ଟ୍ରପତି ୨୨ରେ ପୁରୀ ଯାଇ ଶ୍ରୀଜିଉଙ୍କ ଦର୍ଶନ ଓ ପରେ କୋଣାର୍କ ମନ୍ଦିର ପରିଦର୍ଶନ କରିବେ। ଏହି ପରିପ୍ରେକ୍ଷୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଙ୍ଗଳବାର ରାଷ୍ଟ୍ରପତି ଭବନଠାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ସାକ୍ଷାତ କରିବା ସହ ପାରମ୍ପରିକ ଗାମୁଛା ଦେଇ ଔପଚାରିକ ଭାବେ ଓଡ଼ିଶା ଗସ୍ତ ପାଇଁ ନିମନ୍ତ୍ରଣ କରିଛନ୍ତି। ସାକ୍ଷାତ ସମୟରେ ରାଷ୍ଟ୍ରପତିଙ୍କୁ ହାତବୁଣା ପାରମ୍ପରିକ ଗାମୁଛା ଭେଟି ଦେଇଛନ୍ତି। ଅନୁଗୁଳ ଆଠମଲ୍ଲିକର ଜଣେ ଦଳିତ କାରିଗରଙ୍କ ଦ୍ୱାରା ଏହି ଗାମୁଛା ତିଆରି ହୋଇଛି।

ସୁନା ଝିଅ ପ୍ରିୟାଂଶୀ

ଧନ୍ୟ ତୁମ ସ୍ମରଣଶକ୍ତି। ମାତ୍ର ୨ ବର୍ଷ ତିନିମାସ ବୟସରେ ତୁମ ପ୍ରତିଭାକୁ ଇଣ୍ଡିଆ ବୁକ୍ ଅଫ୍ ରେକର୍ଡ୍ସ୍ ସମ୍ମାନ ଦେଇ ନିଜ ପୃଷ୍ଠାରେ ସ୍ଥାନ ଦେଇଛି। ତୁମ ପାଇଁ ରାଉରକେଲା ସମେତ ସାରା ଓଡ଼ିଶା ଗର୍ବିତ। ଆହୁରି ସଫଳ ହୁଅ।

Experience perennial bliss at Khasada Waterfall

Khasada Waterfall is one of the easy-to-reach destinations in the Gajapati District of ODISHA. The location is open for visit throughout the year because of a perennial flow of water. Khasada Waterfalls is a good option for family picnics with the town of Chandragiri being nearby. The nearest mode of transportation for the waterfall is the Paralakhemundi bus stop, which is 27 km away.

ଶ୍ରୀମନ୍ଦିର ସମର୍ପଣ ନିଧି ସଂଗ୍ରହ ଅଭିଯାନକୁ ଜନଆନ୍ଦୋଳନର ରୂପ ଦେବାକୁ ଧର୍ମେନ୍ଦ୍ରଙ୍କ ଆହ୍ବାନ

ପୁରୀ ଶ୍ରୀମନ୍ଦିରର ବିକାଶ ପାଇଁ ଗଜପତି ମହାରାଜା ଦିବ୍ୟସିଂହ ଦେବଙ୍କ ଦିଗଦର୍ଶନରେ ସମର୍ପଣ ନିଧି ସଂଗ୍ରହ ଅଭିଯାନକୁ ବଡ ଜନଆନ୍ଦୋଳନର ରୂପ ଦେବା ପାଇଁ ଆଲୋଚନା କରିବା ଏବଂ ଏଥିରେ ସମଗ୍ର ହିନ୍ଦୁ ସମାଜ ବିଶେଷ ଭାବରେ ସାଢେ ୪ କୋଟି ଓଡିଆଙ୍କ ଶ୍ରମ ଓ ଆର୍ଥିକ ଯୋଗଦାନ ନିମନ୍ତେ ବିଚାରବିମର୍ଶ କରିବା ପାଇଁ ରବିବାର ବିଶ୍ୱ ଓଡ଼ିଆ ସମୁଦାୟଙ୍କ ସହ ଭିଡିଓ କନଫରେନ୍ସିଂ ଜରିଆରେ ଆଲୋଚନା କରିବା ଅବସରରେ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଉଲ୍ଲେଖନୀୟ ଯେ, ଏହି ଆଲୋଚନାରେ ପୁରୀ ଗଜପତି ମହାରାଜ ଦିବ୍ୟସିଂହ ଦେବ ସାମିଲ ହୋଇ ଶ୍ରୀମନ୍ଦିର ବିକାଶ ପାଇଁ ଆଗେଇ ଆସିବାକୁ ସମଗ୍ର ହିନ୍ଦୁ ସମାଜ ସହ ସମସ୍ତ ଓଡିଆଙ୍କୁ ଦିଗଦର୍ଶନ ଦେଇଥିବାରୁ ଧର୍ମେନ୍ଦ୍ର ଧନ୍ୟବାଦ ଜଣାଇଥିଲେ।

ଓଡ଼ିଆ ଛାତ୍ରଙ୍କ କମାଲ୍: ରୋନିତ୍‌ ଏନ୍‌ଡିଏ ପ୍ରବେଶିକା ପରୀକ୍ଷାରେ ଟପ୍ପର

ପୁଣି ରାଜ୍ୟ ପାଇଁ ଗୌରବ ଅର୍ଜିଛନ୍ତି ଜଣେ ଓଡ଼ିଆ ମେଧାବୀ ଛାତ୍ର। ରୋନିତ୍ ରଞ୍ଜନ ନାୟକ ସେନାରେ ଅଫିସର୍ କ୍ୟାଡରରେ ଭର୍ତ୍ତି ପାଇଁ ଉଦ୍ଦିଷ୍ଟ ନ୍ୟାସନାଲ୍ ଡିଫେନ୍ସ ଏକାଡେମୀ (ଏନଡିଏ)ର ସର୍ବଭାରତୀୟ ପ୍ରବେଶିକା ପରୀକ୍ଷାରେ ପ୍ରଥମ ସ୍ଥାନ ଅଧିକାର କରି ଟପ୍ପର ହୋଇଛନ୍ତି। ତାଙ୍କ ଘର ଭଦ୍ରକ ଜିଲ୍ଲା ଜଗନ୍ନାଥପୁର ଅନ୍ତର୍ଗତ ବଛଡ଼ା ଗାଁରେ। ସେ ଏଥିପାଇଁ କୋହ୍ଲାପୁରସ୍ଥିତ ଆର୍ମଡ୍ ଫୋର୍ସେସ୍ ପ୍ରିପେୟାରେଟୋରୀ ଇନଷ୍ଟିଚ୍ୟୁଟ୍ (ଏଏଫପିଆଇ) ପ୍ରଶିକ୍ଷଣ ନେଉଥିଲେ। ରୋନିତ୍ ଗୋଆସ୍ଥିତ ନାଭାଲ୍ ପବ୍ଲିକ୍ ସ୍କୁଲରୁ ପ୍ରାଥମିକ ଶିକ୍ଷା ଓ କେନ୍ଦ୍ରୀୟ ବିଦ୍ୟାଳୟରୁ ମାଟ୍ରିକ୍ ପାସ୍ କରିବା ପରେ ରୋନିତ୍ ସେନାବାହିନୀରେ ପ୍ରବେଶ ପାଇଁ ଏଏଫପିଆଇରେ ପ୍ରଶିକ୍ଷଣ ନେଉଥିଲେ। ରୋନିତଙ୍କ ବାପା ରଶ୍ମିରଞ୍ଜନ ନାୟକ ଗୋଆସ୍ଥିତ ନୌସେନା ବିମାନ ବନ୍ଦର ଆଇଏନଏସ୍ ହଂସରେ ମାଷ୍ଟର୍ ଚିଫ୍ ପେଟି ଅଫିସର୍(ଫାଷ୍ଟ୍ କ୍ଲାସ୍) ଭାବେ କାର୍ଯ୍ୟରତ ଥିବାବେଳେ ମା ଅନ୍ନପୂର୍ଣ୍ଣା ଜଣେ ଗୃହିଣୀ ଓ ଭଉଣୀ ରିଚାସ୍ମିତା ଇନଫୋସିସରେ ସିନିୟର୍ ଇଞ୍ଜିନିୟର ଅଛନ୍ତି।

ଈର୍ଷିତା କେଶରୱାନୀ ଓଜେଏସ୍‌ ଟପ୍ପର

ଓଡ଼ିଶା ଜୁଡିସିଆଲ ସର୍ଭିସ ସେବା (ଓଜେଏସ) ଅନ୍ତର୍ଗତ ସିଭିଲ ଜଜ୍ ପାଇଁ ଓଡ଼ିଶା ପବ୍ଲିକ ସର୍ଭିସ୍ କମିଶନ ଦ୍ଵାରା ଆୟୋଜିତ ପରୀକ୍ଷାରେ ସମ୍ବଲପୁର ଜିଲ୍ଲା ବାମରା ବ୍ଲକ ଗଡପୋଷ ଗ୍ରାମର ଝିଅ ଈର୍ଷିତା କେଶରୱାନୀ ପ୍ରଥମ ସ୍ଥାନରେ ଉତ୍ତୀର୍ଣ୍ଣ ହୋଇ ଅଞ୍ଚଳ ପାଇଁ ଆଣିଛନ୍ତି ଗୌରବ। ତାଙ୍କ ବାପା ସଞ୍ଜୟ କେଶରୱାନୀ ଜଣେ ଔଷଧ ବ୍ୟବସାୟୀ ଏବଂ ମା ମନୋରମା ଜଣେ ଗୃହିଣୀ। ୧୯୯୫ ମସିହା ମାର୍ଚ୍ଚ ୨୨ ତାରିଖରେ ଜନ୍ମିତ ଈର୍ଷିତା ପିଲାବେଳରୁ ଜଣେ ମେଧାବୀ ଛାତ୍ରୀ ଅଟନ୍ତି। ତାଙ୍କର ଏହି ସଫଳତା ପାଇଁ ବିଭିନ୍ନ ମହଲ ଶୁଭେଚ୍ଛାର ସୁଅ ଛୁଟିଛି।

ଧର୍ମେନ୍ଦ୍ରଙ୍କ ପ୍ରଚେଷ୍ଟାରେ ମସ୍କୋରେ ଭାରତର ପ୍ରଥମ ଉର୍ଜା କାର୍ଯ୍ୟାଳୟ ଉଦ୍‌ଘାଟିତ

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରଥମ କଳ୍ପନା ଓ ପ୍ରଚେଷ୍ଟାରେ ମସ୍କୋ ଠାରେ ଭାରତର ପ୍ରଥମ ଉର୍ଜା କାର୍ଯ୍ୟାଳୟ ଭାରତର ପେଟ୍ରୋଲିୟମ୍ ମନ୍ତ୍ରାଳୟର ସଚିବ ଏବଂ ଋଷର ଡେପୁଟି ଉର୍ଜା ମନ୍ତ୍ରୀଙ୍କ ଦ୍ୱାରା ଉଦଘାଟିତ ହୋଇଯାଇଛି। ତୈଳ ରାଷ୍ଟ୍ରାୟତ ଉଦ୍ୟୋଗ ଯଥା ଇଣ୍ଡିଆନ ଅଏଲ୍, ଓଏନଜିସି ବିଦେଶ, ଗେଲ୍, ଅଏଲ୍ ଇଣ୍ଡିଆ ଏବଂ ନବରତ୍ନ କମ୍ପାନୀ ଇଆଇଲର ମିଳିତ ସହଯୋଗରେ ଏହି ଉର୍ଜା କାର୍ଯ୍ୟାଳୟ ପ୍ରତିଷ୍ଠା କରାଯାଇଛି। ପ୍ରତ୍ୟେକ ରାଷ୍ଟ୍ରାୟତ ଉଦ୍ୟୋଗ ବ୍ୟବସାୟିକ ସୁଯୋଗ ପାଇବା ନିମନ୍ତେ କାର୍ଯ୍ୟ କରିବା ପାଇଁ ମସ୍କୋରେ ଜଣେ ଲେଖାଏଁ ବରିଷ୍ଠା ଅଧିକାରୀଙ୍କୁ ନିଯୁକ୍ତି କରିଛନ୍ତି।

ଭୁବନେଶ୍ବରରେ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ ପ୍ରତିଷ୍ଠା ପାଇଁ ଡା.ହର୍ଷବର୍ଦ୍ଧନଙ୍କୁ ଚିଠି ଲେଖିଲେ ଧର୍�

ଦେଶରେ ୪ଟି ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ(ଏନ୍ଆଇଭି) ପ୍ରତିଷ୍ଠା କରିବା ପାଇଁ ଚଳିତ ସାଧାରଣ ବଜେଟରେ ଘୋଷଣା କରାଯାଇଥିବା ବେଳେ ଏଥିମଧ୍ୟରୁ ଗୋଟିଏ ସଂସ୍ଥାନ ଭୁବନେଶ୍ୱର ଠାରେ ପ୍ରତିଷ୍ଠା କରିବା ପାଇଁ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡା. ହର୍ଷବର୍ଦ୍ଧନଙ୍କୁ ଚିଠି ଲେଖି ଅନୁରୋଧ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଧର୍ମେନ୍ଦ୍ର ତାଙ୍କ ଚିଠିରେ ଲେଖିଛନ୍ତି, ଦେଶର ଆୟୁର୍ବିଜ୍ଞାନ ଏବଂ ବିକାଶ ସଂସ୍ଥାନ ଯଥା ପୁନେ ସ୍ଥିତ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ କରୋନା ମହାମାରୀ ସହ ଲଢ଼ିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ଏହାକୁ ଦୃଷ୍ଟିରେ ରଖି ଆଗାମୀ ଦିନରେ ଏହିପରି ଭୂତାଣୁ ଉପତ୍ନ ହେବାର ସମ୍ଭାବନା ରହିଛି। ତେଣୁ ମାନବ ସମାଜକୁ ପ୍ରଭାବିତ କରୁଥିବା କୋରୋନା ମହାମାରୀ ଭଳି ଭୂତାଣୁ ଗୁଡ଼ିକ ସହ ଲଢ଼ିବା ପାଇଁ ପଦକ୍ଷେପ ସ୍ୱରୂପ ଚଳିତ ସାଧାରଣ ବଜେଟରେ ଦେଶରେ ଅତିରିକ୍ତ ୪ଟି ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ ପ୍ରତିଷ୍ଠା କରିବା ପାଇଁ ଘୋଷଣା କରାଯାଇଛି।

ଓଡ଼ିଶାର ସମସ୍ତ ଯୋଗ୍ୟ ଚାଷୀ ପାଇବେ ପିଏମ୍ କିଷାନ ଟଙ୍କା: ଧର୍ମେନ୍ଦ୍ର

ଓଡ଼ିଶାର ସବୁ ଯୋଗ୍ୟ ଚାଷୀଙ୍କୁ ମିଳିବ ପିଏମ୍ କିଷାନ ଯୋଜନା ଲାଭ। ଏନେଇ ବିଭାଗୀୟ ଅଧିକାରୀଙ୍କୁ ନିର୍ଦେଶ ଦେଇଛନ୍ତି କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀ ନରେନ୍ଦ୍ର ସିଂ ତୋମର। ଓଡ଼ିଶାର ଚାଷୀଙ୍କ କଲ୍ୟାଣକୁ ଦୃଷ୍ଟିରେ ରଖି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତୋମାରଙ୍କୁ ଶନିବାର ଲେଖିଥିବା ଚିଠିର ତତକ୍ଷଣାତ୍ ପଦକ୍ଷେପ ସ୍ୱରୂପ ଏହି ନିର୍ଦେଶ ଦେଇଥିବା। ଏନେଇ ଧର୍ମେନ୍ଦ୍ର ଟ୍ବିଟ୍ କରି ଜଣାଇବା ସହ କୃଷିମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ ଏ ସମ୍ବନ୍ଧରେ ପତ୍ର ପାଇବା ପରେ କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀ ନରେନ୍ଦ୍ର ସିଂ ତୋମାର ଟ୍ୱିଟ୍ କରି କହିଛନ୍ତି, ଯଥାଶୀଘ୍ର ଓଡ଼ିଶା ରାଜ୍ୟର ସମସ୍ତ ଚାଷୀ ପିଏମ୍ କିଷାନ ସମ୍ମାନ ନିଧିର ଲାଭ ତୁରନ୍ତ ମିଳିପାରିବ।

ପୁରୀ ଶ୍ରୀମନ୍ଦିରର ବିକାଶ ପାଇଁ ଗଜପତି ମହାରାଜାଙ୍କୁ ଚିଠି ଲେଖିଲେ ଧର୍ମେନ୍ଦ୍ର

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସର୍ବଦା ମହାପ୍ରଭୁ ଶ୍ରୀଜଗନ୍ନାଥଙ୍କ ପ୍ରତି ସମ୍ମାନ ଏବଂ ଭକ୍ତିଭାବର ପ୍ରକାଶ କରି ଆସୁଛନ୍ତି। ଏହି ପବିତ୍ର ପ୍ରଚେଷ୍ଟାକୁ ବଡ଼ ସଫଳତାର ରୂପ ଦେବା ପାଇଁ ଭାରତ ସରକାର ଆଇନଗତ ଏବଂ ନୀତିଗତ ଭାବରେ ସମସ୍ତ ଆନୁଷଙ୍ଗିକ ସହାୟତା ପ୍ରଦାନ କରିବା ପାଇଁ ଇଚ୍ଛୁକ ଅଛନ୍ତି। ପ୍ରସ୍ତାବିତ ଏହି ସଂଗ୍ରହ ଅଭିଯାନ ପାଇଁ କେନ୍ଦ୍ର ଏବଂ ରାଜ୍ୟ ସରକାରଙ୍କ ମଧ୍ୟରେ ସମନ୍ୱୟ ରଖିବା ଅତ୍ୟନ୍ତ ଜରୁରୀ। ଏଥିପାଇଁ ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟିର ଅଧ୍ୟକ୍ଷ ଭାବେ ଭାରତ ସରକାର ଏବଂ ଓଡ଼ିଶା ସରକାରଙ୍କ ମଧ୍ୟରେ ସମ୍ପର୍କର ସେତୁ ସାଜିବା ଏବଂ ସମନ୍ୱୟ ରକ୍ଷା କରିବା ପାଇଁ ଗଜପତି ମହାରାଜାଙ୍କୁ ଅନୁରୋଧ କରି ଚିଠି ଲେଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଧର୍ମେନ୍ଦ୍ର ତାଙ୍କ ଚିଠିରେ ଲେଖିଛନ୍ତି, ପୁରୀ ଶ୍ରୀମନ୍ଦିରର ବିକାଶ କରିବା ପାଇଁ ସମର୍ପଣ ନିଧି ସଂଗ୍ରହ ଅଭିଯାନକୁ ନିଜ ମାର୍ଗଦର୍ଶନରେ କରିବା ପାଇଁ ଶ୍ରୀମନ୍ଦିର ପରିଚାଳନା କମିଟି ଅଧ୍ୟକ୍ଷ ପୂଜ୍ୟ ଗଜପତି ମହାରାଜା ଦିବ୍ୟସିଂହ ଦେବକୁ ଅନୁରୋଧ କରିଛନ୍ତି।

ଭାରତୀୟଙ୍କ ପାଇଁ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ଗ୍ଲୋବାଲ୍‌ ବେଞ୍ଚମାର୍କ ଭାବରେ ପରିଗଣିତ: ଧର୍ମେନ୍ଦ୍ର

ବ୍ୟବହାରରେ ପରିବର୍ତ୍ତନ ଆଣିବା ହିଁ ଜଳବାୟୁ ପରିବର୍ତ୍ତନ ସହିତ ଲଢ଼ିବାର ସବୁଠୁ ଅସ୍ତ୍ର ବୋଲି ଶୁକ୍ରବାର ଭର୍ଚୁଆଲ୍ ପ୍ଲାଟଫର୍ମରେ ଆୟୋଜିତ ଏନର୍ଜି ରିସର୍ଚ୍ଚ ଆସୋସିଏଟ୍ସ ସପ୍ତାହ ୨୦୨୧ (ସେରା ସପ୍ତାହ) କାର୍ଯ୍ୟକ୍ରମରେ ଉଦବୋଧନ ଦେଇ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିୀ। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ସେରା ସପ୍ତାହ ବୈଶ୍ୱିକ ଉର୍ଜା ଏବଂ ପରିବେଶ ନେତୃତ୍ୱ ପୁରସ୍କାର ଗ୍ରହଣ କରିଥିବା ବେଳେ ପ୍ରଧାନମନ୍ତ୍ରୀଙ୍କୁ ମିଳିଥିବା ସମ୍ମାନ ଭାରତୀୟ ନାଗରିକ ମାନଙ୍କର ଏବଂ ଏହା ସମସ୍ତ ଭାରତୀୟଙ୍କ ପାଇଁ ଗର୍ବ ଓ ଖୁସିର ବିଷୟ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଏସ୍‌ଏଫ୍‌ଡିଆର କ୍ଷେପଣାସ୍ତ୍ରର ସଫଳ ପରୀକ୍ଷଣ

ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ (ଡିଆରଡିଓ)କୁ ମିଳିଛି ଆଉ ଏକ ସଫଳତା। ସ୍ୱଦେଶୀ ଜ୍ଞାନକୌଶଳରେ ନିର୍ମିତ ପ୍ରପୁଲସନ୍ ଟେକ୍ନୋଲୋଜିରେ ବିକଶିତ ଦୀର୍ଘ ଦୂରଗାମୀ ଏୟାର-ଟୁ-ଏୟାର ସଲିଡ ଫୁଏଲ୍ ଡକ୍ଟେଡ ରାମଜେଟ୍ (ଏସ୍ଏଫ୍ଡିଆର) କ୍ଷେପଣାସ୍ତ୍ରର ପରିକ୍ଷଣ ସଫଳ ହୋଇଛି। ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ରର ୩ ନମ୍ବର ଲଞ୍ଚ ପ୍ୟାଡ୍ରୁ ଏହାକୁ ପରୀକ୍ଷା କରାଯାଇଥିଲା। ଏହି କ୍ଷେପଣାସ୍ତ୍ରର ଲକ୍ଷ୍ୟ ଭେଦ କ୍ଷମତା ୧୦୦-୨୦୦ କିଲୋମିଟର ଅଟେ। ଆଶା ଅନୁସାରେ, ସବ୍ ସିଷ୍ଟମ୍ ବୁଷ୍ଟର ମୋଟର, ନଜଲ-ଲେସ୍ ମୋଟର କାର୍ଯ୍ୟ କରିଛି। ଡିଆଡିଓର ମିସାଇଲ୍ ଟେଷ୍ଟରେ କଠିନ ଇନ୍ଧନ ଆଧାରିତ ଡକ୍ଟେଡ୍ ରାମଜେଟ୍ ଭଳି ନୂଆ କୌଶଳ କାମ କରିଛି।

Bhubaneswar In The Top Cities In India To live in!

Odisha is gaining recognition across the country as the Ministry of Housing, and Urban Affairs has released cities’ rankings in Ease of Living Index 2020 and Municipal Performance Index 2020. And our Smart City Bhubaneswar has bagged the 2nd position in the list for less than a Million Population category in the Ease Of Living Index.

ବାଃ ଆୟୁଷ ବାଃ

ବହୁ ବର୍ଷ ତପସ୍ୟା ପରେ ଆଦିକବି ବାଲ୍ମୀକି ଏବଂ ଗୋସ୍ୱାମୀ ତୁଳସୀ ଦାସ ଯାହା କରିଥିଲେ, ମାତ୍ର ୧୦ ବର୍ଷ ବୟସରେ ତାହା କରି ଦେଖାଇଛନ୍ତି ବିସ୍ମୟ ବାଳକ ଆୟୁଷ । ବଡ଼ବାପାଙ୍କ ପ୍ରେରଣାରେ ରାମ ବନବାସଠାରୁ ଲବକୁଶ ଜନ୍ମ ପର୍ଯ୍ୟନ୍ତ କାହାଣୀକୁ ସରଳ ଓଡ଼ିଆ ଭାଷାରେ ୧୦୪ ପୃଷ୍ଠା ବିଶିଷ୍ଟ ପିଲାଙ୍କ ରାମାୟଣ ପୁସ୍ତକ ଭାବେ ରଚନା କରିପାରିଥିବାରୁ ଆୟୁଷ ପ୍ରଶଂସାର ପାତ୍ର ଏବଂ ତାଙ୍କ ପାଇଁ ଆମେ ଗର୍ବିତ । ଆୟୁଷଙ୍କୁ ଅନେକ ଶୁଭେଚ୍ଛା ଓ ଅଭିନନ୍ଦନ ।

ସମୁଦ୍ର ଅର୍ଥନୀତି ସହ ପୂର୍ବ ଭାରତର ପ୍ରବେଶ ଦ୍ୱାର ହେବ ଓଡ଼ିଶା

ଏକବିଂଶ ଶତାବ୍ଦୀରେ ଓଡ଼ିଶା ନିଜର ସର୍ବଶ୍ରେଷ୍ଠ ସାମୁଦ୍ରିକ ଅର୍ଥନୀତି ସହ ବାଣିଜ୍ୟ ବ୍ୟବସାୟ ମାଧ୍ୟମରେ ପୂର୍ବ ଭାରତର ପ୍ରବେଶ ଦ୍ୱାର ହେବାର ସମ୍ଭାବନା ରଖିଛି। ଏହାଦ୍ୱାରା ରାଜ୍ୟରେ ବ୍ୟାପକ ନିଯୁକ୍ତି ମଧ୍ୟ ସୃଷ୍ଟି ହେବ। ବୁଧବାର ମାରିଟାଇମ ଇଣ୍ଡିଆ ଶିଖର ସମ୍ମିଳନୀର ସ୍ୱତନ୍ତ୍ର ଅଧିବେଶନରେ ଯୋଗ ଦେଇ ନିଜର ବକ୍ତବ୍ୟ ଉପସ୍ଥାପନ କରି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କେନ୍ଦ୍ରମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, ହଜାର ହଜାର ବର୍ଷ ପୂର୍ବରୁ ଓଡ଼ିଶାର ସାଧବ ପୁଅମାନେ ହିଁ ସମୁଦ୍ର ପଥ ଜରିଆରେ ବିଶ୍ୱର ବିଭିନ୍ନ ଅଞ୍ଚଳକୁ ଯାଇ ବାଣିଜ୍ୟ ବ୍ୟବସାୟ କରୁଥିଲେ। ତେବେ ବର୍ତ୍ତମାନ ସମୟରେ ଭାରତକୁ ୫ ଟ୍ରିଲିୟନ ଅର୍ଥନୀତିରେ ଲକ୍ଷ୍ୟ ପୂରଣ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆତ୍ମନିର୍ଭର ଭାରତ ର ଆହ୍ୱାନ ଦେଇଛନ୍ତି । ତେବେ ଆତ୍ମନିର୍ଭର ଭାରତ କେବଳ ଏକ ଚିନ୍ତାଧାରା ନୁହେଁ ବରଂ ଓଡ଼ିଶା ତଥା ଭାରତକୁ ପ୍ରଗତିର ପଥରେ ନେବା ପାଇଁ ସୁଚିନ୍ତିତ ଯୋଜନା ବୋଲି ଧର୍ମେନ୍ଦ୍ର ପ୍ରଧାନ କହିଛନ୍ତି।

ଓଡ଼ିଶା ହେବ ଇସ୍ପାତ୍‌ର ପେଣ୍ଠସ୍ଥଳୀ: ଧର୍ମେନ୍ଦ୍ର

ଆର୍ସେଲର ମିତ୍ତଲର କାର୍ଯ୍ୟ ନିର୍ବାହୀ ଅଧ୍ୟକ୍ଷ ଲକ୍ଷ୍ମୀନିବାସ ମିତଲ ଏବଂ ସିଇଓ ଆଦିତ୍ୟ ମିତଲଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି କେନ୍ଦ୍ର ପେଟ୍ରୋଲିୟମ୍‌ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମଙ୍ଗଳବାର ନୂଆଦିଲ୍ଲୀ ସ୍ଥିତ ବାସଭବନରେ ଆୟୋଜିତ ଏହି ବୈଠକରେ ଓଡ଼ିଶାରେ ଇସ୍ପାତ୍ ଇତ୍ପାଦନ ଓ ଖଣି କ୍ଷେତ୍ରର ଅଭିବୃଦ୍ଧି ଏବଂ କମ୍ପାନୀର ସମ୍ପ୍ରସାରଣ ସହ ଜଡ଼ିତ ବିଭିନ୍ନ ବିଷୟରେ ଆଲୋଚନା କରିଛନ୍ତି ଧର୍ମେନ୍ଦ୍ର। ବିଶେଷ ଭାବରେ ଓଡ଼ିଶାକୁ ଇସ୍ପାତ୍‌ର ପେଣ୍ଠସ୍ଥଳୀରେ ପରିଣତ କରିବା ଏବଂ ଏଥିରେ ଆର୍ସେଲ୍‌ର ମିତ୍ତଲର ଭୂମିକା କ’ଣ ରହିବ, ସେନେଇ ମଧ୍ୟ ବୈଠକରେ ଆଲୋଚନା ହୋଇଛି।

ଏହି ବୈଠକରେ ଅଗ୍ରଣୀ ଇସ୍ପାତ୍ ଉତ୍ପାଦନ କମ୍ପାନୀ ଆର୍ସେଲ୍‌ର ମିତ୍ତଲ ମୁଖ୍ୟଙ୍କ ସହ ଧର୍ମେନ୍ଦ୍ର ତୈଳ, ଗ୍ୟାସ୍‌, ଇସ୍ପାତ୍‌, ପେଟ୍ରୋକେମିକାଲ୍‌ ଏବଂ ଖଣି କ୍ଷେତ୍ର ଉପରେ ଆଲୋଚନା କରିଥିଲେ। ବିଶେଷ ଭାବରେ ନୂତନ ଉଦ୍ଭାବନ ମାଧ୍ୟମରେ କିପରି ତୈଳ, ଗ୍ୟାସ୍‌, ଇସ୍ପାତ୍‌, ପେଟ୍ରୋକେମିକାଲ୍‌ ଏବଂ ଖଣି କ୍ଷେତ୍ରକୁ ଅଧିକ ମଜବୁତ୍‌, ଦକ୍ଷତାସମ୍ପନ୍ନ ଏବଂ ବୈଶ୍ୱିକ ପ୍ରତିଯୋଗିତାମୂଳକ କରିହେବ ସେ ନେଇ ଆଲୋଚନା ହୋଇଥିଲା। 

ନବଦମ୍ପତି ସରୋ-ଦିନିଙ୍କୁ ଶୁଭକାମନା

ପ୍ରେମ ଦୁଇଟି ହୃଦୟକୁ ଏକାଠି ମିଶାଇ ଥାଏ ଓ ପରିଣୟ ତାକୁ ସ୍ୱୀକୃତି ଦେଇଥାଏ । ପ୍ରେମରେ ହୃଦୟ ଓ ଆତ୍ମାର ଆନ୍ତରିକ ଆକର୍ଷଣ ବିଦ୍ୟମାନ ଥାଏ ଯେଉଁଠି ଶାରୀରିକ ସୌନ୍ଦର୍ଯ୍ୟ ବା ବିକୃତିର କୌଣସି ପ୍ରଭାବ ନ ଥାଏ । ଏମିତି ଏକ ପରିଣୟ ପ୍ରେମର ପବିତ୍ର ଉଦାହରଣ ଓ  ସମାଜ ପାଇଁ ଅନୁକରଣୀୟ । ୨୦୦୯ରେ ଏସିଡ ଆକ୍ରମଣର ଶିକାର ହେବା ପରେ ଶାରୀରିକ ସୌନ୍ଦର୍ଯ୍ୟ ହରାଇଥିବା ପ୍ରମୋଦିନିଙ୍କ ଆତ୍ମିକ ତଥା ହାର୍ଦିକ ସୌନ୍ଦର୍ଯ୍ୟକୁ ଭୁବନେଶ୍ୱରର ସରୋଜଙ୍କ ବିଶାଳ ଉଦାର ହୃଦୟ ଖାଲି ଗ୍ରହଣ କରିନି ବରଂ ପ୍ରେମର ପରାକାଷ୍ଠାରେ କନ୍ୟାବେଶରେ ସଜେଇ ସାମାଜିକ ରୀତିନୀତି ଅନୁସାରେ ଧୁମଧାମରେ ପୂର୍ଣ୍ଣ ସମ୍ମାନ ସହ କରାଇଛି ପବିତ୍ର ପାଣିଗ୍ରହଣ । ଉଭୟଙ୍କୁ ସୁଖମୟ ଦାମ୍ପତ୍ୟ ଜୀବନ ପାଇଁ ଶୁଭକାମନା ।

ଶୁଭେଚ୍ଛା ସବ୍ୟର୍ଚ୍ଚିତା

ଜଣେ ପ୍ରତିଭାବାନ ସୁଅଭିନେତା ହେବା ସହ ଦରଦୀ ହୃଦୟର ରାଜକୁମାର ତ ଆଉଜଣେ ସୌନ୍ଦର୍ଯ୍ୟ ଓ ବହୁମୁଖୀ ପ୍ରତିଭାର ରାଜକୁମାରୀ । ଜଣେ ନିଜର ବଳିଷ୍ଠ ଅଭିନୟ ଓ ସାମାଜିକ କର୍ମ ପାଇଁ କୋଟି ହୃଦୟରେ ରାଜ କରୁଛନ୍ତି ତ ଆଉ ଜଣେ ନିଜର ପ୍ରତିଭା, ଅଭିନୟ ଦକ୍ଷତା ଓ ଆକର୍ଷଣୀୟ ସୌନ୍ଦର୍ଯ୍ୟର ଯାଦୁରେ ରାଷ୍ଟ୍ରୀୟ ସ୍ତରରେ ପାଇଛନ୍ତି ସ୍ୱୀକୃତି ଏବଂ ସମ୍ମାନ । ପରଦା ଉପରେ ଯେବେ ଉଭୟ ଏକାଠି ହୁଅନ୍ତି ବରଷୀ ଯାଏ ମନୋରଞ୍ଜନର ଫଲ୍ଗୁ । ଏମିତି ରିଲ ଲାଇଫରେ ପ୍ରେମର ରଙ୍ଗ ଲଗାଉଥିବା ଲଭ ବାର୍ଡ ଚର୍ଚ୍ଚିତ ଯୋଡି ସବ୍ୟସାଚୀ ଓ ଅର୍ଚ୍ଚିତା ଏବେ ରିୟଲ ଲାଇଫରେ ଯୋଡ଼ି ହୋଇଛନ୍ତି। ଅର୍ଚ୍ଚିତାଙ୍କ ମଥାରେ ସତସତିକା ସିନ୍ଦୁର ପିନ୍ଧାଇ ସାତ ଜନ୍ମର ସାଥୀ କରିଛନ୍ତି ସବ୍ୟସାଚୀ । ଉଭୟଙ୍କ ଯୋଡ଼ି ସଦା ହିଟ ରହୁ । ଉଭୟ ପରସ୍ପର ପାଇଁ ଖୁସିରେ ରୁହନ୍ତୁ । ଢେର ଶୁଭେଚ୍ଛା ଓ ଅଭିନନ୍ଦନ ।

ପିଏମ୍ କିଷାନ ସମ୍ମାନ ନିଧି ଯୋଜନାରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଲେ ଧର୍ମେନ୍ଦ୍ର

ଓଡ଼ିଶାର ଚାଷୀମାନଙ୍କ କଲ୍ୟାଣକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା(ପିଏମ୍‌-କିଷାନ)ରେ ପଞ୍ଜିକୃତ ୪୦ ଲକ୍ଷ ୫୦ ହଜାର ଓଡ଼ିଶାର ଚାଷୀ ଯେପରି ଏହି ଯୋଜନାର ସମ୍ପୂର୍ଣ୍ଣ ଲାଭ ପାଇପାରିବେ ସେ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖି ତାଙ୍କ ବ୍ୟକ୍ତିଗତ ହସ୍ତକ୍ଷେପ ଲୋଡ଼ିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଧର୍ମେନ୍ଦ୍ର ତାଙ୍କ ଚିଠିରେ ଉଲ୍ଲେଖ କରିଛନ୍ତି, ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପିଏମ୍‌ କିଷାନ ନିଧି ଯୋଜନା ଅନ୍ତର୍ଗତ ଦେଶବ୍ୟାପୀ ପଞ୍ଜିକୃତ ହୋଇଥିବା ସାଢେ ୭ କୋଟି ଚାଷୀଙ୍କୁ ସପ୍ତମ କିସ୍ତିରେ ୧୯ ହଜାର କୋଟି ଟଙ୍କା ପ୍ରଦାନ କରିଛନ୍ତି। ବିଭାଗୀୟ ତଥ୍ୟ ଅନୁସାରେ ଓଡ଼ିଶାରେ ପ୍ରଧାନମନ୍ତ୍ରୀ କିଷାନ ଯୋଜନା ଅନ୍ତର୍ଗତ ଓଡ଼ିଶାର ୪୦.୫ ଲକ୍ଷ ଚାଷୀ ଅନ୍ତର୍ଭୃକ୍ତ ଅଛନ୍ତି। କିନ୍ତୁ ସପ୍ତମ କିସ୍ତିରେ ଓଡ଼ିଶାର ୨୪.୭ ଲକ୍ଷ ଚାଷୀ ୨ ହଜାର ଟଙ୍କା ଲେଖାଏଁ ଏହି ଯୋଜନାରେ ପାଇଥିଲେ।

ଧର୍ମେନ୍ଦ୍ର ଆହୁରି କହିଛନ୍ତି, ଏଭଳି ଘଟଣା ପ୍ରଥମ ଥର ନୁହେଁ ବରଂ ପୂର୍ବ ତଥା ଷଷ୍ଠ କିସ୍ତିରେ ମଧ୍ୟ ଅନୁରୂପ ଭାବରେ କମ୍‌ ଚାଷୀ ଏହି ଯୋଜନାର ଲାଭ ପାଉଥିବା ଓ କିଛି ଚାଷୀ ବଞ୍ଚିତ ହେଉଥିବାର ଦେଖାଯାଉଛି।

ହସ୍ତଶିଳ୍ପ ପ୍ରଦର୍ଶନୀରେ ଜମୁଛି ଭିଡ଼, ଶୋଭା ପାଉଛି ରଙ୍ଗବେରଙ୍ଗର ହସ୍ତଶିଳ୍ପ ସାମଗ୍ରୀ

ଭୁବନେଶ୍ୱରରର ୟୁନିଟ୍‌-୩ ସ୍ଥିତ ଇଡ୍‌କୋ ପ୍ରଦର୍ଶନୀ ପଡ଼ିଆଠାରେ ଆୟୋଜିତ ହସ୍ତଶିଳ୍ପ ପ୍ରଦର୍ଶନୀରେ ହସ୍ତଶିଳ୍ପ କ୍ରୟ ପାଇଁ ଲୋକମାନଙ୍କର ଆଗ୍ରହ ବଢ଼ିଥିବା ପରିଲକ୍ଷିତ ହେଉଛି। ଏହି ପ୍ରଦର୍ଶନୀରେ ବିଶେଷ ଭାବରେ ଆୟୋଜିତ ପୁରସ୍କାରପ୍ରାପ୍ତ ହସ୍ତଶିଳ୍ପ ଗ୍ୟାଲେରୀ ଦର୍ଶକମାନଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି। ଜାତୀୟ ଓ ରାଜ୍ୟସ୍ତରରେ ପୁରସ୍କୃତ ହସ୍ତଶିଳ୍ପ କାରିଗରମାନେ ୧୦ଟି ସ୍ୱତନ୍ତ୍ର ଷ୍ଟଲ୍‌ରେ ସେମାନଙ୍କ ଦ୍ୱାରା ପ୍ରସ୍ତୁତ ସାମଗ୍ରୀ ପ୍ରଦର୍ଶନ କରିଛନ୍ତି। ଏତଦ୍ ବ୍ୟତୀତ ଓଡ଼ିଶାରୁ ଲୁପ୍ତପ୍ରାୟ ହସ୍ତଶିଳ୍ପ ସାମଗ୍ରୀଗୁଡ଼ିକ ୧୧ଟି ସ୍ୱତନ୍ତ୍ର ଷ୍ଟଲ୍‌ମାନଙ୍କରେ ସ୍ଥାନ ପାଇଛି।  ପ୍ରଦର୍ଶନୀରେ କୋଭିଡ୍‌ ନିୟମକୁ କଡ଼ାକଡ଼ି ଭାବେ ପାଳନ କରାଯାଉଛି। ପ୍ରଦର୍ଶନୀରେ ନଡ଼ାରେ ତିଆରି ବିଭିନ୍ନ ଘର ସଜେଇବା ସାମଗ୍ରୀ, ନଡ଼ାର ଆକର୍ଷଣୀୟ କୃତିକୁ ଫଟୋ ଫ୍ରେମ୍‌ ମଧ୍ୟରେ ବିଭିନ୍ନ ଦେବଦେବୀ, ସୁନ୍ଦର ବୃକ୍ଷ, ହାତୀ, ଫୁଲ ଇତ୍ୟାଦି ଷ୍ଟଲ୍‌ରେ ବିକ୍ରୟ ହେଉଛି। ସେହିପରି ପିପିଲି ଚାନ୍ଦୁଆ କାମର ବ୍ୟାଗ, ଘର ସଜେଇବା ଜିନିଷ, ଡୋକ୍ରା କାଷ୍ଟିଂର ଦୀପରୂଖା, ପଶୁପକ୍ଷୀ, କଇଁଚ, ମହମବତୀ ଷ୍ଟାଣ୍ଡ, ଦେବଦେବୀଙ୍କର ମୂର୍ତି ଇତ୍ୟାଦି ଖୁବ୍ ମନଲୋଭା ହୋଇଛି। 

ଆରମ୍ଭ ହେଲା ବିଶ୍ୱପ୍ରସିଦ୍ଧ ଯୋରନ୍ଦା ମେଳା

ବିଶ୍ୱପ୍ରଶିଦ୍ଧ ଯୋରନ୍ଦା ମେଳା କୋଭିଡ୍‍ କଟକଣା ମଧ୍ୟରେ ଆରମ୍ଭ ହୋଇଛି। ସାଧୁ ସନ୍ଥ ଓ ଅଳ୍ପ ସଂଖ୍ୟକ ଭକ୍ତଙ୍କୁ ନେଇ ହେଉଥିବା ମେଳା ପୂର୍ବବର୍ଷ ଭଳି ଗହଳଚହଳ ହେଉନାହିଁ। ଗାଦି ମନ୍ଦିର ହେଉ କିମ୍ବା ମେଳା ପଡ଼ିଆ, ସବୁଠି ଖାଁ ଖାଁ ଲାଗୁଛି। ୨୫ ତାରିଖ ଶୁକ୍ଲ ଚତୁର୍ଦ୍ଦଶୀ ପ୍ରାତଃ ବ୍ରାହ୍ମମୂହୁର୍ତ୍ତରୁ ଗାଦି ମନ୍ଦିରରେ ବିଭିନ୍ନ ନୀତି କରାଯାଇ ସନ୍ଧ୍ୟାରେ ଝାଡ଼ଦ୍ୱୀପ ପ୍ରଜ୍ଜଳନ କରାଯାଇଛ। ୨୬ ଓ ୨୭ତାରିଖ ଦୁଇଦିନ ଗାଦି ମନ୍ଦିରର ଚାରିଦ୍ୱାରରେ ଝାଡ଼ବୃକ୍ଷ ସ୍ଥାପନ କରାଯାଇ ଘୃତାହୂତୀ ପ୍ରଦାନ କରାଯିବ। ୨୮ ତାରିଖରେ ପଶ୍ଚିମ ଦ୍ୱାରରେ କେବଳ ଗୋଟିଏ ମାତ୍ର ଝାଡବୃକ୍ଷ ପ୍ରଜ୍ଜଳିତ ରହିବ। ଏଥିପାଇଁ ମହିମାଗାଦିରେ ଥିବା ନୀତି ମନ୍ଦିରରୁ ଝାଡ଼ଦ୍ୱୀପକୁ ସାଜସଜ୍ଜା କରିବା ସହ ଘିଅ ରଖିବାପାଇଁ ବୃହତ୍ତ ପିତ୍ତଳ ହଣ୍ଡା, କରଚୁଲି ଓ ଅନ୍ୟାନ୍ୟ ସାମଗ୍ରୀ ଗୁଡ଼ିକ ପ୍ରସ୍ତୁତ କରାଯାଇଛି।

ଚଳିତ ବର୍ଷ ଜିଲା ଓ ରାଜ୍ୟ ବାହାରୁ ସାଧୁ ସନ୍ଥ ଓ ଭକ୍ତଙ୍କୁ ବାରଣ କରାଯାଇଥିବାରୁ ଦେଶ ବିଦେଶ ଓ ରାଜ୍ୟର ଅନ୍ୟାନ୍ୟ ଅଞ୍ଚଳରୁ ସାଧୁସନ୍ଥମାନେ ଆସିପାରିନାହାଁନ୍ତି।

ଆରମ୍ଭ ହେଲା ରାଜ୍ୟସ୍ତରୀୟ ହସ୍ତଶିଳ୍ପ ପ୍ରଦର୍ଶନୀ

ଭୁବନେଶ୍ୱରରର ୟୁନିଟ୍-୩ ସ୍ଥିତ ଇଡ୍‌କୋ ପ୍ରଦର୍ଶନୀ ପଡ଼ିଆଠାରେ ବୁଧବାରଠାରୁ ଆରମ୍ଭ ହୋଇଛି ରାଜ୍ୟ ସ୍ତରୀୟ ହସ୍ତଶିଳ୍ପ ପ୍ରଦର୍ଶନୀ ଉଦ୍‌ଘାଟିତ ହୋଇଛି। ଏହି ପ୍ରଦର୍ଶନୀ ଦିନ ୨ଟାରୁ ରାତି ୯ଟା ପର୍ଯ୍ୟନ୍ତ ଖୋଲା ରହିବ। ଏହି ପ୍ରଦର୍ଶନୀ ମାର୍ଚ୍ଚ ୨ ତାରିଖ ପର୍ଯ୍ୟନ୍ତ ଚାଲିବ ବୋଲି ଜଣାପଡ଼ିଛି। ଓଡ଼ିଶାର କଳାକୃତିର ନିଜସ୍ୱ ସ୍ୱତନ୍ତ୍ର ପରିଚୟ ରହିଛି। ଉତ୍ପାଦିତ ସାମଗ୍ରୀଗୁଡ଼ିକର ବିକ୍ରିବଟାର ସହାୟତା ନିମନ୍ତେ ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ଅନ୍ତର୍ଗତ ହସ୍ତ ଓ କୁଟୀର ଶିଳ୍ପ ନିର୍ଦେଶାଳୟ ମାଧ୍ୟମରେ ଚଳିତ ବର୍ଷ ଏହି ରାଜ୍ୟସ୍ତରୀୟ ପ୍ରଦର୍ଶନୀ ଆୟୋଜନ କରାଯାଉଛି। ଏହି ଅବସରରେ ୧୧୧ଟି ଷ୍ଟଲ୍ ନିର୍ମାଣ କରାଯାଇ କାରିଗରମାନଙ୍କୁ ବିନା ଦେୟରେ ପ୍ରଦାନ କରାଯାଉଛି। ଏହି ପ୍ରଦର୍ଶନୀରେ କେନ୍ଦୁଝର, ଯାଜପୁର, ବାଲେଶ୍ୱର, ସୁବର୍ଣ୍ଣପୁର, ବରଗଡ଼, ଖୋର୍ଦ୍ଧା, ନୟାଗଡ଼, ଢେଙ୍କାନାଳ, ମୟୂରଭଞ୍ଜ, କଟକ, ନବରଙ୍ଗପୁର, ସମ୍ବଲପୁର, କେନ୍ଦ୍ରାପଡ଼ା, ପୁରୀ, ସୁନ୍ଦରଗଡ଼, ଗଞ୍ଜାମ, କନ୍ଧମାଳ, କଳାହାଣ୍ଡି, କୋରାପୁଟ, ରାୟଗଡ଼ା ଓ ଭଦ୍ରକ ଜିଲ୍ଲାର ଶିଳ୍ପୀମାନେ ଭାଗ ନେଇଛନ୍ତି। ଏହି ପ୍ରଦର୍ଶନୀ ମାଧ୍ୟମରେ ପ୍ରାୟ ୮୦ ଲକ୍ଷ ଟଙ୍କାରୁ ଉଦ୍ଧ୍ୱର୍ ହସ୍ତଶିଳ୍ପ ସାମଗ୍ରୀ ବିକ୍ରି ହେବାର ଆକଳନ କରାଯାଇଛି।

ସ୍ବଳ୍ପ ଦୂରଗାମୀ କ୍ଷେପଣାସ୍ତ୍ର ‘ଭିଏଲ୍‌-ଏସ୍‌ଆର ସାମ୍‌’ର ସଫଳ ପରୀକ୍ଷଣ

ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ର (ଆଇଟିଆର୍‌) ୩ ନମ୍ବର ଲଞ୍ଚପ୍ୟାଡ୍‌ରୁ ସୋମବାର ସ୍ବଳ୍ପ ଦୂରଗାମୀ କ୍ଷେପଣାସ୍ତ୍ର ‘ଭିଏଲ୍‌-ଏସ୍‌ଆର ସାମ୍‌’ର ସଫଳ ପରୀକ୍ଷଣ ହୋଇଛି। ଦୁଇଟି ପର୍ଯ୍ୟାୟରେ ହୋଇଥିବା ଏହି କ୍ଷେପଣାସ୍ତ୍ରର ପ୍ରଥମ ପରୀକ୍ଷଣ ମଧ୍ୟାହ୍ନ ଗୋଟାଏ ୨୮ ମିନିଟ୍‌ରେ ହୋଇଥିବାବେଳେ ଦ୍ବିତୀୟ ପରୀକ୍ଷଣ ଅପରାହ୍ନ ୪ଟା ୪୨ରେ ହୋଇଥିଲା। ଅସ୍ତ୍ର କ୍ଷେପଣାସ୍ତ୍ରର ବିକଶିତ ଭର୍ସନ୍‌ ହେଉଛି ‘ଭିଏଲ୍‌-ଏସ୍‌ଆର ସାମ୍‌’। ଭୂପୃଷ୍ଠରୁ ଆକାଶମାର୍ଗକୁ ନିକ୍ଷେପ ହେଉଥିବା ଏହି କ୍ଷେପଣାସ୍ତ୍ରକୁ ପ୍ରଥମଥର ପାଇଁ ଚାନ୍ଦିପୁରରୁ ଗ୍ରାଉଣ୍ଡ ଟେଷ୍ଟ କରାଯାଇଥିଲା। ଯାହାର ଲକ୍ଷ୍ୟଭେଦ କ୍ଷମତା ହେଉଛି ୨୫ରୁ ୩୦ କିଲୋମିଟର।

ଏଥିରେ ଆଣ୍ଟି ରାଡାର୍‌ ସିଷ୍ଟମ୍‌ ବ୍ୟବହାର କରାଯାଇଥିବାରୁ ଶତ୍ରୁପକ୍ଷର ରାଡାର୍‌ ଏହି କ୍ଷେପଣାସ୍ତ୍ରକୁ ଚିହ୍ନଟ କରିପାରିବନାହିଁ। ପ୍ରତିରକ୍ଷା ଗବେଷଣା ଉନ୍ନୟନ ସଂସ୍ଥା (ଡିଆର୍‌ଡିଓ), ଭାରତ ଡାଇନାମିକ୍‌ ଲିମିଟେଡ୍‌ ଓ ଇଲେକ୍ଟ୍ରୋନିକ୍ସ କର୍ପୋରେସନ୍‌ ଅଫ୍‌ ଇଣ୍ଡିଆର ମିଳିତ ଉଦ୍ୟମରେ ନିର୍ମିତ ‘ଭିଏଲ୍‌-ଏସ୍‌ଆର ସାମ୍‌’ କ୍ଷେପଣାସ୍ତ୍ରରେ ଅତ୍ୟାଧୁନିକ ରକେଟ୍‌ ମୋଟର୍‌ ବ୍ୟବହାର କରାଯାଇଛି।

Odisha-based emcee voted No. 1 in India!

Odisha-based emcee Pinkie Jha achieves spectacular feat by being voted as the No. 1 emcee in India. 

On 21st February 2021, Popular anchor RJ and VJ - Pinki Jha bags the number one emcee in India by EDMdroid Asia based on a voting system. She also features at the top of the charts in the Asia list. She has been a part of famous radio shows and is one of the most sought-after anchors in ODISHA. Her excellent connection with the audience and flawless multi-linguistic attributes makes her the perfect pick for the prestigious honor.

ବଦଳୁଛି କନ୍ଧମାଳରେ ଚାଷ ପରିବେଶ

ଧୀରେ ଧୀରେ କନ୍ଧମାଳର କୃଷି ଅଭ୍ୟାସରେ ଯୋଡ଼ି ହେବାରେ ଲାଗିଛି ନୂଆ ନୂଆ ଚାଷ। ତୁମୁଡିବନ୍ଧ ବ୍ଲକ ମୁଣ୍ଡିଗଡ଼ ନୂଆସାହିରେ ୨୨ ପରିବାର ମିଳିତ ଭାବେ ଗାଁ ପଛପଟ ଦେଇ ପ୍ରବାହିତ ନଦୀକୂଳରେ କଦଳୀ ଚାଷ କରି ବେଶ ଦୁଇ ପଇସା ରୋଜଗାର କରିପାରୁଛନ୍ତି।  ଫୁଲବାଣୀ ଜିଲା ସଦର ବ୍ଲକ କଟ୍ରିଙ୍ଗିଆ ଗ୍ରାମ ପଞ୍ଚାୟତର କାଲିମୁଣ୍ଡା ଗାଁର ଆଦିବାସୀ ମହିଳା ଓ ପୁରୁଷମାନେ ବ୍ରୋକଲି ଚାଷ କରି ଅନ୍ୟମାନଙ୍କ ପାଇଁ ବିରଳ ଉଦାହରଣ ସୃଷ୍ଟି କରିଛନ୍ତି। ଫୁଲବାଣୀ ସଦର ବ୍ଲକ୍ ଅନ୍ତର୍ଗତ ଶେଷାକେରା ଓ ବୁଢ଼ାଦାନି ଭଳି ଗାଁରୁ ମୋଟ ୧୪୦ ଜଣ ଆଦିବାସୀ ମହିଳା ଚାଷୀ ଜିଲାର ଅନ୍ୟ ମହିଳାମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି।  କନ୍ଧମାଳ ଜିଲାରେ ଟିକି ଗୁଳି ଆଳୁର ଚାହିଦା ଏବେ ବଢ଼ିଛି। ସମ୍ପୂର୍ଣ୍ଣ ଜୈବିକ ପଦ୍ଧତିରେ କୌଣସି ରାସାୟନିକ ସାର ପ୍ରୟୋଗ କରାଯାଉ ନ ଥିବା କାରଣରୁ ଏହି ଆଳୁର ସ୍ୱାଦ ନିଆରା ନିଜର ଅପୂର୍ବ ଔଷଧୀୟ ଗୁଣ, ଆକର୍ଷଣୀୟ ରଙ୍ଗ, ଅତୁଳନୀୟ ସ୍ୱାଦ ତଥା ଉତ୍କୃଷ୍ଟତା ପାଇଁ କନ୍ଧମାଳ ହଳଦୀ ଏକ ବ୍ରାଣ୍ଡେଡ ଉତ୍ପାଦରେ ପରିଗଣିତ ହୋଇଛି। 

ଖଦି ଓ ଗ୍ରାମୋଦ୍ୟୋଗ ପ୍ରଦର୍ଶନୀ ଏବଂ ବିକ୍ରୟ ମେଳା ଉଦ୍‌ଘାଟିତ

ଜାତିର ପିତା ମହାତ୍ମା ଗାନ୍ଧିଙ୍କ ବିଭିନ୍ନ ନୀତି ଓ ଆଦର୍ଶକୁ ଆମେ ଅନୁସରଣ କଲେ ଆମେ ତାଙ୍କୁ ଆମ ଭିତରେ ସର୍ବଦା ଜୀବିତ ରଖିପାରିବା। ସେଥିମଧ୍ୟରୁ ଖଦିକୁ ଆପଣେଇବା ଗୋଟିଏ ପ୍ରମୁଖ ଆଦର୍ଶ। ଖଦି ବ୍ୟବହାର କରି ବୁଣାକାରମାନଙ୍କର ଆର୍ଥିକ ଉନ୍ନତିରେ ସହାୟକ ହେବାକୁ ଆଜି ରାଜ୍ୟସ୍ତରୀୟ ଖଦି ଓ ଗ୍ରାମୋଦ୍ୟୋଗ ପ୍ରଦର୍ଶନୀ ଏବଂ ବିକ୍ରୟ ମେଳାର ଉଦ୍‌ଘାଟନୀ ଉତ୍ସବରେ ଯୋଗଦେଇ ଅତିଥିମାନେ ପ୍ରକାଶ କରିଛନ୍ତି। ଭୁବନେଶ୍ୱର ଖାରବେଳନଗର ସ୍ଥିତ ଖଦି ବୋର୍ଡ କାର୍ଯ୍ୟାଳୟ ପରିସରରେ ଓଡ଼ିଶା ଖଦି ଓ ଗ୍ରାମୋଦ୍ୟୋଗ ବୋର୍ଡ ଏବଂ ରାଜ୍ୟ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗ ତରଫରୁ ଏହି ପ୍ରଦର୍ଶନୀ ଓ ମେଳା ଆୟୋଜନ କରାଯାଇଛି। ଏହି ରାଜ୍ୟସ୍ତରୀୟ ଖଦି ଓ ଗ୍ରାମୋଦ୍ୟୋଗ ପ୍ରଦର୍ଶନୀ ଏବଂ ବିକ୍ରୟ ମେଳା ଫେବ୍ରୁଆରୀ ୨୮ ତାରିଖ ପର୍ଯ୍ୟନ୍ତ ଚାଲିବ। ଦର୍ଶକମାନଙ୍କ ପାଇଁ ପ୍ରତିଦିନ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ। ସରକାରଙ୍କ କୋଭିଡ୍ ନିୟମର ଅନୁପାଳନ ସହ ଖଦି ବଜାରରେ ଉପଲବ୍ଧ ସମସ୍ତ ସୁଯୋଗର ସଦୁପଯୋଗ କରିବାକୁ ଖଦି ବୋର୍ଡର ଅଧ୍ୟକ୍ଷ ସମସ୍ତଙ୍କୁ ଅନୁରୋଧ କରିଛନ୍ତି।

ଦୃଢ଼ମନା ମାଧବୀ: ସେନାରେ ଓଡ଼ିଶାର ପ୍ରଥମ ବିବାହିତ ମହିଳା

ଅନେକ ଲୋକେ ଭାବନ୍ତି ବାହାଘର ପରେ ବୋହୂର କାମ କେବଳ ଘର ପରିବାର ଓ ପିଲା ସମ୍ଭାଳିବା। ସେମାନେ ତାଙ୍କ କ୍ୟାରିଅର ଉପରେ ଧ୍ୟାନ ଦେଇ ନ ଥାନ୍ତି। କିନ୍ତୁ ଏହା ସବୁବେଳେ ଠିକ ହୋଇ ନ ଥାଏ। କାରଣ ଅନେକ ସମୟରେ ମହିଳାଙ୍କୁ ନିଜ ବାପଘରୁ ସେତିକି ସମର୍ଥନ ମିଳି ନ ଥାଏ, ଯେତିକି ଶାଶୁଘରୁ ମିଳିଥାଏ। ନିକଟରେ ଏମିତି କିଛି ଦେଖିବାକୁ ମିଳିଛି। ଓଡ଼ିଶାର ବରଗଡ଼ ଜିଲାରେ ରହୁଥିବା ମାଧବୀ ମହାକୁଡ଼ ଆଜି ରାଜ୍ୟର ନାମ ଆଲୋକିତ କରି ଏଭଳି ସଫଳତା ଛୁଇଁଛନ୍ତି, ଯାହା ଅନ୍ୟମାନଙ୍କ ପାଇଁ ପ୍ରେରଣା। ସୂଚନାଯୋଗ୍ୟ ଯେ ମାଧବୀ ଓଡ଼ିଶାର ପ୍ରଥମ ବିବାହିତ ମହିଳା, ଯିଏ ଡିଫେନ୍ସ ଅର୍ଥାତ ସର୍ଭିସ ସିଲେକ୍ସନ ବୋର୍ଡ (ଏସଏସବି)ଜଏନ କରିବେ। ମାଧବୀ ପିଲାଦିନୁ ଏହି ଲାଇନରେ ଆସିବାକୁ ସ୍ବପ୍ନ ଥିଲା। କିନ୍ତୁ ତାଙ୍କ କାହାଣୀରେ ଏକ ଟ୍ବିଷ୍ଟ ରହିଛି।

ଭୋକିଲାଙ୍କ ପେଟ ଚିହ୍ନେ ରୁଟି ବ୍ୟାଙ୍କ: ଚର୍ଚ୍ଚାରେ ଓଡ଼ିଶାର ଅଭିଷେକ

କୁନି ସଂଚାଳକଙ୍କ ହାତରେ କଟକର ରୁଟି ବ୍ୟାଙ୍କ

୧୨ ବର୍ଷର ଜଣେ କୁନି ବାଳକ ଅଭିଷେକ ସାହୁ। କଟକର ବାସିନ୍ଦା। ବାପାଙ୍କ ସହିତ ବୁଲୁ ବୁଲୁ ଫୁଟପାଥରେ ଶୋଇଥିବା କିଛି ଲୋକଙ୍କୁ ଦେଖନ୍ତି। ସେମାନେ କ’ଣ ଖାଇଛନ୍ତି ବୋଲି ପଚାରି ବୁଝିବା ପରେ କିଛି ଲୋକ ଭୋକିଲା ଶୋଇଥିବା ଶୁଣି ସେ ବ୍ୟଥିତ ହୋଇଥିଲେ। ଜାନୁଆରୀ ୨୯ରେ ବହୁ ଭାବିଚିନ୍ତି ଅଭିଷେକ ଏନଜିଓ ନାଁ ସହିତ ରୁଟି ବ୍ୟାଙ୍କର ପରିକଳ୍ପନା କରିଥିଲେ। ଅଷ୍ଟମ ଶ୍ରେଣୀରେ ପଢ଼ୁଥିବା ଅଭିଷେକ ସୁନ୍ଦର ଡ୍ରମ ବଜାନ୍ତି। ଏଥିରୁ ସେ ଆୟ କରୁଥିବା ଅର୍ଥକୁ ଭୋକିଲା ଲୋକଙ୍କ ପାଇଁ ରୁଟି କିଣିବାରେ ଲଗାଇଥାନ୍ତି। ଅଭିଷେକ ଶନିବାର ଓ ରବିବାର ସାଇକେଲ ଧରି ୱାର୍ଡକୁ ୱାର୍ଡ ବୁଲନ୍ତି। ବଳକା ଖାଦ୍ୟ ଥିବା ପରିବାର ଠାରୁ ଖାଦ୍ୟ ଯୋଗାଡ଼ ସହିତ ଭୋକିଲା ଲୋକଙ୍କ ନିକଟକୁ ଖାଦ୍ୟ ସହ ପହଞ୍ଚି ଯାଆନ୍ତି। ଅଭିଷେକଙ୍କ ନିଆରା ଏହି ଉଦ୍ୟମ ବେଶ ପ୍ରସଂଶନୀୟ ବୋଲି କହିଛନ୍ତି ତାଙ୍କ ସାଙ୍ଗସାଥି ଓ ପରିବାର ଲୋକ। ୧୨ ବର୍ଷ ବୟସର ବାଳୁତ ପୁଅ ଅଭିଷେକଙ୍କ ହୃଦୟ ଏତେ ପରିବ୍ୟାପ୍ତ ହୋଇଥିବା ଦେଖି ଜିଲ୍ଲାବାସୀ ବେଶ ଖୁସି।

ଓସ୍କାର ଦୌଡ଼ରେ ନୀଳମାଧବ ପଣ୍ଡାଙ୍କ ‘କାଲିର ଅତୀତ’

ଓଡ଼ିଶା ପାଇଁ ଖୁସି ଖବର। ସମ୍ମାନଜନକ ‘ଓସ୍କାର’ ଚଳଚ୍ଚିତ୍ର ପୁରସ୍କାର ଦୌଡ଼ରେ ସାମିଲ ହୋଇଛି ଓଡ଼ିଶାର ଖ୍ୟାତନାମା ଚଳଚ୍ଚିତ୍ର ନିର୍ଦେଶକ ନୀଳମାଧବ ପଣ୍ଡାଙ୍କର ‘କାଲିର ଅତୀତ’। ଏ ସମ୍ପର୍କରେ ନିଜ ଟ୍ୱିଟର୍‌ ହ୍ୟାଣ୍ଡଲରେ ସୂଚନା ଦେଇ ନିର୍ଦେଶକ ନୀଳମାଧବ ପଣ୍ଡା କହିଛନ୍ତି ଯେ ଚଳିତ ବର୍ଷର ଓସ୍କାର ପାଇଁ ସାଧାରଣ ପ୍ରବେଶ ବର୍ଗ ସମେତ ସର୍ବଶ୍ରେଷ୍ଠ ଚିତ୍ର, ଶ୍ରେଷ୍ଠ ଅଭିନେତା, ଶ୍ରେଷ୍ଠ ନିର୍ଦେଶକ ଏବଂ ଅନ୍ୟାନ୍ୟ ବର୍ଗ ପାଇଁ ‘କାଲିର ଅତୀତ’ ପୁରସ୍କାର ଦୌଡ଼ରେ ସାମିଲ ହୋଇଥିବାରୁ ମୁଁ ଅତ୍ୟନ୍ତ ଖୁସି ଅନୁଭବ କରୁଛି। ଏଥିପାଇଁ ସେ ସମସ୍ତଙ୍କୁ କୃତଜ୍ଞତା ଜଣାଇବା ସହ ଚଳଚ୍ଚିତ୍ରଟି ବର୍ତ୍ତମାନ ଏକାଡେମି ସ୍କ୍ରିନିଂ ପାଇଁ ଉପଲବ୍ଧ ହେଉଛି ବୋଲି ସୂଚନା ଦେଇଛନ୍ତି।

ଏହା ପୂର୍ବରୁ ଭାରତୀୟ ଅନ୍ତର୍ଜାତୀୟ ଫିଲ୍ମ ମହୋତ୍ସବ (ଇଫି)ର ୫୧ତମ ସଂସ୍କରଣର ଭାରତୀୟ ପାନୋରାମା ବିଭାଗରେ  ପ୍ରଦର୍ଶିତ ହେବା ଲାଗି  ମନୋନୀତ ୨୩ଟି ଫିଚର ଫିଲ୍ମ ମଧ୍ୟରେ ‘କାଲିର ଅତୀତ’ ସ୍ଥାନ ପାଇଥିଲା।

ଶ୍ରୀଜିଉଙ୍କୁ ଦର୍ଶନ କଲେ ବଲିଉଡ ଅଭିନେତ୍ରୀ କଙ୍ଗନା

ପବିତ୍ର ମାଘସପ୍ତମୀ ଅବସରରେ ଆଜି ବଲିଉଡର ଲୋକପ୍ରିୟ ଅଭିନେତ୍ରୀ କଙ୍ଗନା ରାନାଓ୍ବତ୍  ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିଛନ୍ତି। ଓଡ଼ିଶା ଗସ୍ତରେ ଆସିଥିବା କଙ୍ଗନା ରାନାଓ୍ବତ୍ ଆଜି ସକାଳୁ ସକାଳୁ ଭୁବନେଶ୍ୱରରୁ ଯାଇ ପୁରୀରେ ପହଞ୍ଚିଥିଲେ। ଏଠାରେ ସେ ଶ୍ରୀଜୀଉଙ୍କ ଦର୍ଶନ କରି ଆଶୀର୍ବାଦ ନେଇଛନ୍ତି। କଡ଼ା ସୁରକ୍ଷା ବଳୟ ମଧ୍ୟରେ କଙ୍ଗନା ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ପହଞ୍ଚିବା ସମୟରେ ସିଂହାରୀ ସେବାୟତ ମଧୁସୂଦନ ସିଂହାରୀ ଓ ଶ୍ରୀମନ୍ଦିର ପ୍ରଶାସନିକ ଅଧିକାରୀ ତାଙ୍କୁ ସ୍ୱାଗତ କରିଥିଲେ। ପତିତପାବନଙ୍କୁ ଦର୍ଶନ କରିବା ପରେ ବାଇଶି ପାହାଚ ଓ ସାତ ପାହାଚ ହୋଇ  କଙ୍ଗନା ମହାପ୍ରଭୁଙ୍କ ମଙ୍ଗଳ ଆଳତି ଦର୍ଶନ କରିବା ସହ ବେଢା ପରିକ୍ରମା କରିଛନ୍ତି।

ମହାପ୍ରଭୁଙ୍କ ଦର୍ଶନ ପରେ କଙ୍ଗନା ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି,  ସେ ବହୁ ପୂର୍ବରୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ଲାଭ କରିବା ପାଇଁ ଚାହୁଁଥିଲେ ଯାହା ଆଜି ପୁରଣ ହୋଇଛି। ଶ୍ରୀଜଗନ୍ନାଥଙ୍କ କୃପାରୁ ଆଜି ତାଙ୍କ ଦର୍ଶନ କରିପାରିଲି। ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରି ନିଜକୁ ସୌଭାଗ୍ୟଶାଳୀ ମନେ କରୁଛି। 

New CEO of Tata’s Starbucks India, Sushant Dash makes Odisha proud!

Odisha-born and educated, Mr. Sushant Dash is set to take over as the fourth CEO of Tata’s Starbucks India, from May 1, 2021.

Dash graduated in economics in 1994 from the prestigious Ravenshaw University in Cuttack. He is attributed as the mind behind India’s famous ‘Jaago re’ advertising campaign for Tata Tea.

Sushant Dash played a pivotal role in the introduction of Starbucks in the Indian market and has also served as the President of Starbucks in 2014. As he embarks on this new journey, we proudly wish him good luck and success.

ସେଣ୍ଟର୍‌ ଅଫ୍‍ ଏକ୍ସିଲେନ୍ସ ଅନ୍‍ ମେରାଇନ୍‍ ବାୟୋଟେକ୍ନୋଲୋଜି ପ୍ରତିଷ୍ଠା ପାଇଁ ଚିଠି ଲେଖିଲେ ଧର୍ମେନ୍ଦ୍

ଅପାର ସମ୍ଭାବନାର ରାଜ୍ୟ ଓଡ଼ିଶାରେ ସମୁଦ୍ର କୂଳ ତଥା ପ୍ରାକୃତିକ ପରିବେଶ ସୁରକ୍ଷାର ସନ୍ତୁଳନକୁ ଆଖିରେ ରଖି ଗବେଷଣା ନିମନ୍ତେ ଭୁବନେଶ୍ୱର ସ୍ଥିତ ଲାଇଫ୍‍ ସାଇନ୍ସ ଇନ୍‌ଷ୍ଟିଚ୍ୟୁଟ୍‍ (ଆଇଏଲ୍‌ଏସ୍‌) ଠାରେ ସେଣ୍ଟର୍‌ ଅଫ୍‍ ଏକ୍ସିଲେନ୍ସ ଅନ୍‍ ମେରାଇନ୍‍ ବାୟୋଟେକ୍ନୋଲୋଜି ପ୍ରତିଷ୍ଠା କରିବା ଦିଗରେ ବ୍ୟକ୍ତିଗତ ହସ୍ତକ୍ଷେପ କରିବା ପାଇଁ କେନ୍ଦ୍ର ଭୂପୃଷ୍ଠ ବିଜ୍ଞାନ, ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଡା. ହର୍ଷବର୍ଦ୍ଧନଙ୍କୁ ଚିଠି ଲେଖି ଅନୁରୋଧ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଅପାର ସମ୍ଭାବନାର ରାଜ୍ୟ ଓଡ଼ିଶାରେ ସୁଦୀର୍ଘ ସୁନ୍ଦର ବେଳାଭୂମି ଶତାବ୍ଦୀ ଶତାବ୍ଦୀ ଧରି ରାଜ୍ୟର ଏକ ହଲମାର୍କ ଭାବରେ ପରିଗଣିତ ହୋଇଛି। ମତ୍ସ୍ୟ ଚାଷ, ପର୍ଯ୍ୟଟନ, ବାଣିଜ୍ୟ ଏବଂ ଲଜିଷ୍ଟିକ୍‍ ତଥା ଆନୁଷାଙ୍ଗିକ କାମରେ ନିୟୋଜିତ ଥିବା ବିଭିନ୍ନ ବର୍ଗର ଲକ୍ଷାଧିକ ଲୋକଙ୍କୁ ଏହି ବେଳାଭୂମି ରୋଜଗାର ଦେଉଛି। ସମୁଦ୍ର ଆଧାରିତ ନୀଳ ଅର୍ଥନୀତି ପାଇଁ ବିଗତ ୬ ବର୍ଷ ଧରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଓଡ଼ିଶାର ସୁଦୀର୍ଘ ବେଳାଭୂମି କେନ୍ଦ୍ର ବିନ୍ଦୁରେ ରହିଛି ବୋଲି ଧର୍ମେନ୍ଦ୍ର ତାଙ୍କ ଚିଠିରେ ଉଲ୍ଲେଖ କରିଛନ୍ତି।

14th Guru Debaprasad Award Festival 2020

14th Guru Debaprasad Award Festival 2020: Behold the union of bejewelled stars and astonishing performance.

The 14th Guru Debaprasad Award Festival held from February 13th to 15th at Rabindra Mandap in Bhubaneswar, witnessed an evening showcasing a beautiful blend of Odissi, Chhau dances with Tabla and Odissi Vocal recital. This year Lifetime Achievement Award was presented to Bhajan Samrat Anup Jalota on the event's inaugural day. 

ଶ୍ରୀଜିଉଙ୍କ ରଥ ନିର୍ମାଣ ପାଇଁ ରଥକାଠ ଅନୁକୂଳ

ବିତ୍ର ବସନ୍ତ ପଞ୍ଚମୀ‌ରେ ରଥଯାତ୍ରାର ଆଦ୍ୟପର୍ବ ରଥକାଠ ଅନୁକୂଳ ନୀତି ପରମ୍ପରା ମୁତାବକ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଶ୍ରୀମନ୍ଦିର ସମ୍ମୁଖ ରଥଖଳାରେ ୩ଟି ଧଉରା କାଠକୁ ରାଜପୁରୋହିତ ପୂଜାର୍ଚ୍ଚନା କରିଛନ୍ତି। କାର୍ଯ୍ୟକ୍ରମରେ ଶ୍ରୀମନ୍ଦିର ପ୍ରଶାସନ, ଜିଲ୍ଲାପାଳ ଓ ସେବାୟତ ଉପସ୍ଥିତ ଥିଲେ।

ପରମ୍ପରା ଅନୁଯାୟୀ, ଶ୍ରୀମନ୍ଦିର କାର୍ଯ୍ୟାଳୟ ସମ୍ମୁଖ ରଥଖଳାରେ ତିନି ରଥ ପାଇଁ ତିନୋଟି କାଠକୁ ପୂଜାର୍ଚ୍ଚନା କରାଯାଇଥିଲା। ଶ୍ରୀମନ୍ଦିର କାର୍ଯ୍ୟାଳୟ ସମ୍ମୁଖରେ ବାରିକେଡ୍ ପକାଇ ତିନି ରଥକାଠକୁ ଅଲଗା ରଖାଯାଇଥିଲା। ପୂଜାର୍ଚ୍ଚନା ପାଇଁ ଆବଶ୍ୟକ ଜାଗା ବି ଖାଲି କରାଯାଇଥିଲା। ରାଜନଅର ପକ୍ଷରୁ ‌ରାଜଗୁରୁଙ୍କ ସହ ସ୍ତୋତ୍ରୀୟ ବ୍ରାହ୍ମଣମାନେ ପୂଜାର୍ଚ୍ଚନା କାର୍ଯ୍ୟ ସମ୍ପାଦନ କରିଥିଲେ। ତିନି ରଥ ପାଇଁ ୧୨ ଫୁଟିଆ ତିନି ଧଉରା କାଠକୁ ରଥଖଳାରେ ପୁଷ୍ପମାଲ୍ୟ ଅର୍ପଣପୂର୍ବକ ପୂଜାର୍ଚ୍ଚନା କରାଗଲା। ସ୍ତୋତ୍ରୀୟ ବ୍ରାହ୍ମଣମାନେ ବାଗ୍‌ଦେବୀଙ୍କୁ ଆବାହନ କରିବା ସହ ଫୁଲ, ଚନ୍ଦନ, ପଞ୍ଚାମୃତ, ଅର୍ଘ୍ୟ, ମହାପ୍ରସାଦ ଆଦି ଅର୍ପଣ କରିଥିଲେ। 

ପୁଣି ମା’ ହେଲା ନନ୍ଦନକାନନ ପ୍ରାଣୀଉଦ୍ୟାନରେ ପର୍ଯ୍ୟଟକଙ୍କ ଅନ୍ୟତମ ଆକର୍ଷକ ସାଜିଥିବା ସିମ୍ପାଜି ପୂର୍ଣ୍ଣ

ପର୍ଯ୍ୟଟକଙ୍କ ପାଇଁ ଖୁସି ଖବର। ନନ୍ଦନକାନନ ପ୍ରାଣୀଉଦ୍ୟାନରେ ପର୍ଯ୍ୟଟକଙ୍କ ଅନ୍ୟତମ ଆକର୍ଷକ ସାଜିଥିବା ସିମ୍ପାଜି ପୂର୍ଣ୍ଣିମା ମା’ ହୋଇଛି। ସୋମବାର ସକାଳେ ପୂର୍ଣ୍ଣିମା ଏକ ଶାବକକୁ ଜନ୍ମ ଦେଇଛି। ଚତୁର୍ଥ ଥର ପାଇଁ ମା’ ହୋଇଛି ୨୦ ବର୍ଷୀୟା ପୂର୍ଣ୍ଣିମା। ମା’ ଓ ଛୁଆ ଉଭୟ ସୁସ୍ଥ ଥିବା ସୂଚନା ଦେଇଛନ୍ତି ନନ୍ଦନକାନନ କର୍ତ୍ତୃପକ୍ଷ। ଏହି ଶାବକର ଜନ୍ମ ପରେ ଏମାନଙ୍କ ସଂଖ୍ୟା ବୃଦ୍ଧିପାଇ ୭ରେ ପହଞ୍ଚିଛି।ସେଥିମଧ୍ୟରୁ ଗୋଟିଏ ଅଣ୍ଡିରା, ୬ଟି ମାଈ ସିମ୍ପାଜି ଅଛନ୍ତି। ଏବେ ଜୁଲୁ, ପୂର୍ଣ୍ଣିମା, ପମ୍ପେଟା, ରାକ୍ଷୀ, ଲକ୍ଷ୍ମୀ, ଦୁର୍ଗା ସିମ୍ପାଜି ରହିଥିବା ବେଳେ ନବଜାତକର ନାମକରଣ କରାଯାଇନାହିଁ।

୧ ଟଙ୍କାରେ ରୋଗୀ ସେବା

ଗରିବ, ଖଟିଖିଆ ଲୋକଙ୍କ ପ୍ରିୟ ଡାକ୍ତର। ରୋଗୀ ସେବାର ସାକ୍ଷାତ ଭଗବାନ। ମାନବ ସେବା ହିଁ ମାଧବ ସେବାକୁ ବ୍ରତ କରି ସମସ୍ତଙ୍କ ପାଇଁ ଉଦାହରଣ ପାଲଟିଛନ୍ତି ସମ୍ବଲପୁର ଜିଲ୍ଲା ଭିମ୍‌ସାର ମେଡିକାଲର ସହକାରୀ ପ୍ରଫେସର ଡାକ୍ତର ଶଙ୍କର ରାମଚନ୍ଦାନୀ। ମାତ୍ର ୧ ଟଙ୍କା ଫି’ ନେଇ ରୋଗୀଙ୍କ ସେବା କରିବାକୁ ଆଗେଇ ଆସିଛନ୍ତି। ପୂର୍ବରୁ ବିଭିନ୍ନ ଅସହାୟ ଏବଂ ଗରିବ ରୋଗୀଙ୍କୁ ସହାୟତା  କରିଥିବା ଡା.ରାମଚନ୍ଦାନୀ ଶୁକ୍ରବାର ଠାରୁ ଏକ କ୍ଲିନିକ୍ ଖୋଲିଛନ୍ତି। ଯେଉଁ କ୍ଲିନିକ୍‌ରେ ମାତ୍ର ୧ ଟଙ୍କା ଫି’ ଦେବାକୁ ପଡ଼ୁଛି। କୌଣସି ଘରୋଇ କ୍ଲିନିକ୍‌ରେ ୧ ଟଙ୍କାରେ ଡାକ୍ତରୀ ପରାମର୍ଶ ପାଇବା ପ୍ରଥମ ଘଟଣା ବୋଲି ଆଲୋଚନା ହେଉଛି। ଡା.ରାମଚନ୍ଦାନୀଙ୍କ ଏଭଳି ପ୍ରୟାସକୁ ବିଭିନ୍ନ ମହଲରେ ପ୍ରଶଂସା କରାଯାଇଛି।

ବୁର୍ଲା ସହରର ଇନ୍ଦିରାଛକ ନିକଟସ୍ଥ ନିଜ ବାସଭବନ ନିକଟରେ ଏକ ଭଡ଼ା ଘରେ ସେ ଏହି କ୍ଲିନିକ୍‌ ଆରମ୍ଭ କରିଛନ୍ତି। କ୍ଲିନିକ୍‌ର ନାମ ରହିଛି ‘ୱାନ୍‌ ରୁପି କ୍ଲିନିକ’।

ଆଜି ବିଶ୍ୱ ରେଡ଼ିଓ ଦିବସ

ବିଶ୍ୱ ରେଡ଼ିଓ ଦିବସ ଅବସରରେ ପୁରୀ ବେଳାଭୂମିରେ ବାଲୁକା କଳା ମାଧ୍ୟମରେ ରେଡ଼ିଓର ଉଦ୍ଭାବକ ମାର୍କୋନିଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ବାଲୁକାକଳା ଶିଳ୍ପୀ ସୁଦର୍ଶନ ପଟ୍ଟନାୟକ

ଦେଶର ପ୍ରଥମ ସିଏନଜି ଟ୍ରାକ୍ଟରର ଶୁଭାରମ୍ଭ କଲେ ଗଡ଼କରୀ, ଧର୍ମେନ୍ଦ୍ର

ଦେଶର ପ୍ରଥମ ସିଏନଜି ଚାଳିତ ଟ୍ରାକ୍ଟରର ଶୁଭାରମ୍ଭ କରିଛନ୍ତି କେନ୍ଦ୍ର ସଡ଼କ ଓ ପରିବହନ ମନ୍ତ୍ରୀ ନୀତିନ ଗଡ଼କରୀ। ଏହି ଅବସରରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କେନ୍ଦ୍ର କୃଷି ମନ୍ତ୍ରୀ ପରଶୋତମ ରୁପାଲା ଏବଂ କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ଭି କେ ସିଂ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ଭାଗ ନେଇ ଗଡ଼କରୀ କହିଛନ୍ତି ଯେ ସିଏନଜି ଟ୍ରାକ୍ଟର ଦେଶର ଚାଷୀଙ୍କୁ ଆତ୍ମନିର୍ଭର ହୋବରେ ସହାୟକ ହେବ। ଏକ ପରିସଂଖ୍ୟାନ ରିପୋର୍ଟ ଉପସ୍ଥାପନ କରି ସେ କହିଥିଲେ ଯେ ଜଣେ ବଡ଼ ଚାଷୀ ବର୍ଷକୁ ୩.୫ ଲକ୍ଷ ପର୍ଯ୍ୟନ୍ତ ଟଙ୍କା ଡିଜେଲ ଚାଳିତ ଟ୍ରାକ୍ଟର ପାଇଁ ଖର୍ଚ୍ଚ କରୁଛି। ମାତ୍ର ସିଏନଜି ଦ୍ବାରା ଟ୍ରାକ୍ଟର ଚାଲିଲେ ବର୍ଷକୁ ୩.୫ ଲକ୍ଷ ଟଙ୍କା ବ୍ୟୟ ପ୍ରାୟ ୫୫ ପ୍ରତିଶତ କମିବ, ଯାହା ଚାଷୀଙ୍କ ପାଇଁ ଅନେକ ଆର୍ଥିକ ବୋଝ ଲାଘବ କରିପାରିବ ବୋଲି ସେ କହିଛନ୍ତି।

ଷ୍ଟାରବକ୍ସ ଇଣ୍ଡିଆର ସିଇଓ ହେଲେ ଓଡ଼ିଆ ପୁଅ ସୁଶାନ୍ତ ଦାଶ

ଏବେ ଦେଶରେ ଅନେକ ବଡ଼ ପଦପଦବୀରେ ଓଡ଼ିଆ ରହିଛନ୍ତି। ପୁଣି ଜଣେ ଓଡ଼ିଆ ରାଜ୍ୟକୁ ଗୌରବାନ୍ନିତ କରିଛନ୍ତି। ଓଡ଼ିଆ ପୁଅ ସୁଶାନ୍ତ ଦାଶ ବିଶ୍ୱର ସବୁଠାରୁ ବଡ଼ କଫି ହାଉସ ଚେନ୍‌ ଷ୍ଟାରବକ୍ସର ଭାରତ ସିଇଓ ହୋଇଛନ୍ତି। ଷ୍ଟାରବକ୍ସ‌ ଇଣ୍ଡିଆର ସିଇଓ ଭାବେ କାର୍ଯ୍ୟ କରୁଥିବା ନୀବନ ଗୁରନାନେଙ୍କ ସ୍ଥାନରେ ସେ ମେ ୧ ତାରିଖରୁ ଦାୟିତ୍ୱ ସମ୍ଭାଳିବେ ବୋଲି କମ୍ପାନୀ ପକ୍ଷରୁ ଘୋଷଣା କରାଯାଇଛି। ଷ୍ଟାରବକ୍ସ କମ୍ପାନୀ ଟାଟାର ମାଲିକାନାରେ ରହିଛି। ୨୦୧୨ରେ ଷ୍ଟାରବକ୍ସ ଭାରତରେ ଲଞ୍ଚ କରିଥିବା ବେଳେ ସୁଶାନ୍ତ ୪ର୍ଥ ସିଇଓ ଭାବେ ଶ୍ରୀ ଦାଶ ଏହି ଦାୟିତ୍ୱ ସମ୍ଭାଳିବାକୁ ଯାଉଛନ୍ତି। ତେବେ ସୁଶାନ୍ତ ଭାରତର ପ୍ରିମିୟମ କଫି ବ୍ରାଣ୍ଡର ସିଇଓ ପଦରେ ନିଯୁକ୍ତି ପାଇବା ପରେ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟିଛି।

ସୁଶାନ୍ତ ୧୯୯୫ରେ କଟକର ରେଭେନ୍ସା କଲେଜ୍‌ରୁ ଗ୍ରାଜୁଏସନ୍‌ ପାସ୍ କରିଛନ୍ତି ସୁଶାନ୍ତ। ସେ କଟକର ରେଭେନ୍ସାରୁ ଅର୍ଥନୀତି ଓ ପରିସଂଖ୍ୟାନ ପାଠ୍ୟକ୍ରମରେ ସ୍ନାତକ ଡିଗ୍ରୀ ହାସଲ କରିଛନ୍ତି। ବର୍ତ୍ତମାନ ଟାଟା ଗ୍ରାହକ ଉତ୍ପାଦର ପ୍ୟାକେଜ୍ ପାନୀୟର ସଭାପତି ଭାବେ କାର୍ଯ୍ୟରତ ଥିବା ସୁଶାନ୍ତଙ୍କ ହାତରେ ଭାରତ, ବାଙ୍ଗଲାଦେଶ ଓ ମଧ୍ୟ-ପ୍ରାଚ୍ୟର ବଜାର ଦାୟିତ୍ୱ ରହିଛି। 

ଶତକ ପୂରଣ କଲା ଇଣ୍ଡିଆ ଗେଟ୍

ନୂଆଦିଲ୍ଲୀର କେନ୍ଦ୍ରସ୍ଥଳରେ ଥିବା ଯୁଦ୍ଧ ସ୍ମାରକୀ ଇଣ୍ଡିଆ ଗେଟକୁ ଗୁରୁବାର ଶହେ ବର୍ଷ ପୂରିଛି। ଆଜିକୁ ଠିକ୍ ଶହେ ବର୍ଷ ତଳେ ଅର୍ଥାତ ଗତ ୧୯୨୧ ଫେବ୍ରୁଆରୀ ୧୧ ତାରିଖରେ ବ୍ରିଟିଶ ରାଜ ପରିବାର ସଦସ୍ୟ ଡ୍ୟୁକ୍ ଅଫ୍ କନ୍ନଟଙ୍କ ଦ୍ବାରା ଏହି ସ୍ମାରକୀର ଶିଳାନ୍ୟାସ କରାଯାଇଥିଲା। ପ୍ରଥମେ ଏହାକୁ ଅଲ ଇଣ୍ଡିଆ ୱାର ମୋମୋରିଆଲ ଆର୍କ ନାମରେ ନାମିତ କରାଯାଇଥିଲା। ଉକ୍ତ ବର୍ଷ ଡିସେମ୍ବରରେ ତତ୍କାଳୀନ ବ୍ରିଟିଶ ସମ୍ରାଟ ପଞ୍ଚମ ଜର୍ଜଙ୍କ ନିର୍ଦେଶ କ୍ରମେ ଭାରତର ରାଜଧାନୀ କୋଲକାତାରୁ ଦିଲ୍ଲୀକୁ ସ୍ଥାନାନ୍ତର କରାଯାଇଥିଲା। ରାଇସିନା ହିଲରେ ନୂଆ ରାଜଧାନୀର ନିର୍ମାଣ କାର୍ଯ୍ୟ ଆରମ୍ଭ ହେଉଥିବାବେଳେ ଗତ ୧୯୧୪ରେ ପ୍ରଥମ ବିଶ୍ବଯୁଦ୍ଧ ଆରମ୍ଭ ହୋଇଥିଲା।

ଏଥିରେ ବ୍ରିଟିଶ ସେନା ପକ୍ଷରୁ ଲଢ଼ିଥିବା ଅନେକ ଭାରତୀୟ ଯବାନ ଶହୀଦ ହୋଇଥିଲେ। ନିର୍ମାଣ ଆରମ୍ଭ ହେବାର ୧୦ ବର୍ଷ ପରେ ଅର୍ଥାତ ଗତ ୧୯୨୧ରେ ୪୨ ମିଟର ଉଚ୍ଚତାବିଶିଷ୍ଟ ଏହି ସ୍ମାରକୀର ଉଦଘାଟନ ସହ ଏହାକୁ ଇଣ୍ଡିଆ ଗେଟ୍ ନାମରେ ପୁନଃ ନାମିତ କରାଯାଇଥିଲା। ପ୍ରଥମ ବିଶ୍ବଯୁଦ୍ଧରେ ପ୍ରାଣବଳି ଦେଇଥିବା ଭାରତୀୟ ଯବାନଙ୍କ ନାମକୁ ସେଠାରେ ମଧ୍ୟ ଉଲ୍ଲେଖ କରାଯାଇଥିଲା। ଗତ ୧୯୭୧ରେ ପାକିସ୍ତାନ ବିପକ୍ଷ ଯୁଦ୍ଧରେ ଭାରତ ବିଜୟୀ ହେବା ପରେ ସ୍ମାରକୀ ସ୍ବରୂପ ୧୯୭୨ରେ ଇଣ୍ଡିଆ ଗେଟ୍ ନିକଟରେ ଅମର ଯବାନ ଜ୍ୟୋତିର ମଧ୍ୟ ନିର୍ମାଣ କରାଯାଇଥିଲା।

ଓଡ଼ିଆ ଝିଅ ପ୍ରଜ୍ଞାଙ୍କୁ ମିସେସ୍ ବିଉଟିଫୁଲ୍ ସ୍ମାଇଲ ଟାଇଟଲ

ଓଡ଼ିଶା ପାଇଁ‌ ଗୌରବ ଆଣିଲେ ଓଡ଼ିଆ ଝିଅ ପ୍ରଜ୍ଞା ପାରମିତା ସିଂହ। ଦିଲ୍ଲୀରେ ଆୟୋଜିତ ମିସେସ୍ କୁଇନ ଅଫ୍ ଇଣ୍ଡିଆ ପ୍ରତିଯୋଗିତାରେ ଭାଗନେଇ ‌ସେ ମିସେସ ବିଉଟିଫୁଲ୍ ସ୍ମାଇଲ ଟାଇଟଲ ହାସଲ କରିପାରିଛନ୍ତି। ଏହି ପ୍ରତିଯୋଗିତାର ବିଭିନ୍ନ ରାଉଣ୍ଡ ଯଥା-କଷ୍ଟ୍ୟୁମ୍ ରାଉଣ୍ଡ, ଟ୍ୟାଲେଣ୍ଟ ରାଉଣ୍ଡ, ଶାଢ଼ି ରାଉଣ୍ଡ ଆଦି ଅନୁଷ୍ଠିତ ହୋଇଥିଲା। ଏହି ପ୍ରତିଯୋଗିତାରେ ପ୍ରଜ୍ଞା ଓଡ଼ିଶାର କଳା, ସଂସ୍କୃତି, ପରମ୍ପରା ଓ ହସ୍ତତନ୍ତ ସମ୍ପର୍କରେ ବିଶଦ ଭାବରେ ଉପସ୍ଥାପିତ କରି ଜୁରୀମାନଙ୍କ ମନ ଜିଣିବାରେ ସକ୍ଷମ ହୋଇଥିଲେ।

ପ୍ରଜ୍ଞାଙ୍କ ଘର କେନ୍ଦ୍ରାପଡ଼ା ଜିଲ୍ଲା ଡେରାବିଶିରେ ହୋଇଥିବାବେଳେ ସଂପ୍ରତି ସେ ଦିଲ୍ଲୀରେ ତାଙ୍କ ସ୍ବାମୀ ଓ ଦୁଇ ପୁଅଙ୍କ ସହିତ ରହୁଛନ୍ତି।

ଏଣିକି ଶ୍ରୀମନ୍ଦିରରେ ସବୁଦିନ ଦର୍ଶନ

ଏଣିକି ଭକ୍ତମାନଙ୍କୁ ସପ୍ତାହର ସାତଦିନ ଯାକ ଦର୍ଶନ ଦେବେ ମହାପ୍ରଭୁ ଜଗନ୍ନାଥ, ଦେବୀ ସୁଭଦ୍ରା ଓ ସାନ ଭାଇ ବଳଭଦ୍ର। କାରଣ ଶ୍ରୀମନ୍ଦିର ଉପରେ ରହିଥିବା କୋରୋନା କଟକଣାକୁ ରାଜ୍ୟ ସରକାର ସମ୍ପୂର୍ଣ୍ଣ ଭାବେ ହଟାଇ ଦେଇଛନ୍ତି। ତେଣୁ ଭକ୍ତମାନେ ସପ୍ତାହକ ସାତ ଦିନ ଯାକ ପ୍ରଭୁଙ୍କୁ ଦର୍ଶନ କରିବାର ସୁଯୋଗ ପାଇବେ । ପୂର୍ବରୁ ସପ୍ତାହର ୬ ଦିନ ଶ୍ରୀମନ୍ଦିର ଖୋଲା ରହିବା ପରେ ରବିବାର ସାନିଟାଇଜେସନ୍ ପାଇଁ ବନ୍ଦ ରହୁଥିଲା। କିନ୍ତୁ ଏବେ ରବିବାର ବି ଶ୍ରୀମନ୍ଦିର ଖୋଲା ରହିବ ଓ ଭକ୍ତମାନେ ଦର୍ଶନ କରିବାର ସୁଯୋଗ ପାଇବେ। ସପ୍ତାହରେ ୩ ଦିନ ଶ୍ରୀମନ୍ଦିରର ସାନିଟାଇଜେସନ୍ କରାଯିବା ସହ ଆନନ୍ଦ ବଜାରରେ ମହାପ୍ରସାଦ ସେବନ ଉପରୁ ମଧ୍ୟ କଟକଣା ହଟିଛି। ତେଣୁ ଏଣିକି ଆନନ୍ଦ ବଜାରରେ ଭକ୍ତମାନେ ମହା ଆନନ୍ଦରେ ମହାପ୍ରସାଦ ସେବନ କରିପାରିବେ। ଆହୁରି ତମାଖୁ ସେବନ କରୁଥିବା ଭକ୍ତଙ୍କୁ ପୂର୍ବରୁ ନିୟମ ଉଲ୍ଲଙ୍ଘନ କଲେ ହଜାରେ ଟଙ୍କା ଜୋରିମାନା ଦେବାକୁ ପଡ଼ୁଥିଲା। ଏବେ ଏଥିପାଇଁ ଏକ ସ୍କାଡ୍ ଗଠନ କରାଯାଇ ଜରିମାନା ଆଦାୟ କରାଯିବ।